Oʻzbekiston Respublikasi Prezidentining 2023-yil 3-noyabrdagi “Futbol-taʼlim muassasalari tarmogʻini kengaytirish hamda xalqaro standartlarga mos keladigan futbol infratuzilmasini rivojlantirish chora-tadbirlari toʻgʻrisida”gi PQ-355-son qaroriga muvofiq, shuningdek mamlakatimizda kamondan otish sport turini yanada rivojlantirish, mazkur sport turi boʻyicha oʻtkaziladigan “Alpomish va Barchinoy” hamda ayollar oʻrtasida “Toʻmaris kubogi” xalqaro turnirlari nufuzini yanada oshirish va qamrovini kengaytirish maqsadida:

1. Oʻzbekiston Respublikasi Prezidentining ayrim hujjatlariga 1-ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:

Futbol boʻyicha mutaxassislarni tayyorlash markazi negizida Futbol mutaxassislarini tayyorlash va ilmiy-tadqiqot markazini tashkil etish;

Respublika bolalar va oʻsmirlar futbol akademiyasini Respublika futbol akademiyasi etib qayta nomlash hamda uni Oʻzbekiston futbol assotsiatsiyasi tizimida tashkil etilayotgan Milliy futbol markazi tuzilmasiga oʻtkazish;

kamondan otish sport turi boʻyicha “Alpomish va Barchinoy” hamda ayollar oʻrtasida “Toʻmaris kubogi” turnirlarini har uch yilda respublikaning barcha hududlarida oʻtkazib borish tizimini yoʻlga qoʻyish;

“Alpomish va Barchinoy” hamda “Toʻmaris kubogi” xalqaro turnirlarini Sport va ommaviy jismoniy tarbiya tadbirlarining kalendar rejasida nazarda tutilgan mablagʻlar hisobidan tashkil etish va oʻtkazish.

2. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.

3. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

1. Oʻzbekiston Respublikasi Prezidentining 2019-yil 4-dekabrdagi “Oʻzbekistonda futbolni rivojlantirishni mutlaqo yangi bosqichga olib chiqish chora-tadbirlari toʻgʻrisida”gi PF-5887-son Farmonida:

a) 2-bandning beshinchi xatboshisidagi “Yoshlar siyosati va sport vazirligi” soʻzlari “Sport vazirligi” soʻzlari bilan almashtirilsin;

b) 7-bandning “g” kichik bandidagi “Respublika bolalar va oʻsmirlar futbol akademiyasida” soʻzlari “Respublika futbol akademiyasida” soʻzlari bilan almashtirilsin;

v) 2-ilovaning 3-bobi oʻn oltinchi va oʻttizinchi xatboshilaridagi “Yoshlar siyosati va sport vazirligi” soʻzlari “Sport vazirligi” soʻzlari bilan almashtirilsin;

g) 3-ilovaning 23, 30, 36, 50 va 52-pozitsiyalari “Masʼul ijrochilar” ustunidagi “Yoshlar siyosati va sport vazirligi” soʻzlari “Sport vazirligi” soʻzlari bilan almashtirilsin;

d) 4-ilovaning 1 — 32-pozitsiyalari “Masʼul ijrochilar” ustunidagi “Yoshlar siyosati va sport vazirligi” soʻzlari “Sport vazirligi” soʻzlari bilan almashtirilsin.

2. Oʻzbekiston Respublikasi Prezidentining 2021-yil 17-iyundagi “Kamondan otish sport turini yanada rivojlantirish va ommalashtirish chora-tadbirlari toʻgʻrisida”gi PQ-5149-son qarorining 4-bandi quyidagi tahrirda bayon etilsin:

“4. Sport vazirligi hamda Oʻzbekiston kamondan otish federatsiyasining 2025-yildan boshlab:

har uch yilda bir marta anʼanaviy tarzda kamondan otish sport turi boʻyicha “Alpomish va Barchinoy” hamda ayollar oʻrtasida “Toʻmaris kubogi” xalqaro turnirlarini tashkil etish;

mamlakatimiz turistik salohiyatini yanada keng namoyon etish hamda ushbu sport turining ommaviyligini oshirish maqsadida har yili Buxoro, Qoʻqon, Samarqand va Xiva shaharlarida “Turizm va kamondan otish haftaligi”ni tashkil etish va uning doirasida sayyohlarni jalb qilgan holda kamondan otish boʻyicha sportchilar va sayyohlar oʻrtasida turnirlar, mahorat darslari hamda uchrashuvlar, turistik salohiyatni oshirishga xizmat qiluvchi sayillar oʻtkazish;

“Alpomish va Barchinoy” hamda “Toʻmaris kubogi” xalqaro turnirlarini Sport va ommaviy jismoniy tarbiya tadbirlarining kalendar rejasida nazarda tutilgan mablagʻlar hisobidan moliyalashtirish toʻgʻrisidagi takliflariga rozilik berilsin.

Sport vazirligi, Oʻzbekiston kamondan otish federatsiyasi, Oʻzbekiston Milliy olimpiya qoʻmitasi:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2024-yil 1-iyulga qadar ushbu bandda nazarda tutilgan xalqaro turnirlarga puxta tayyorgarlik koʻrish va ularni yuqori saviyada oʻtkazish boʻyicha reja-jadvalni tasdiqlasin;

xalqaro turnirlarda mahalliy kamonchilar bilan birgalikda yuqori reytingga ega boʻlgan jahonning kuchli kamonchilari, trenerlar va hakamlarning ishtirokini taʼminlasin.”.

3. Oʻzbekiston Respublikasi Prezidentining 2022-yil 6-iyundagi “Davlat sport-taʼlim muassasalari faoliyatini mutlaqo yangi tizim asosida tashkil qilish chora-tadbirlari toʻgʻrisida”gi PQ-268-son qarorida:

a) 2-bandning uchinchi xatboshisidagi “milliy kurash” soʻzlari “milliy sport turlari” soʻzlari bilan almashtirilsin;

b) 3-bandda:

“g” kichik banddagi “bundan milliy kurash hamda alohida Hukumat qarorlari bilan belgilangan sport turlari mustasno” soʻzlari “bundan milliy sport turlari hamda alohida Oʻzbekiston Respublikasi Prezidenti hujjatlari va Hukumat qarorlari bilan belgilangan sport turlari mustasno” soʻzlari bilan almashtirilsin;

“d” kichik banddagi “milliy kurash hamda alohida Hukumat qarorlari bilan belgilangan sport turlari bundan mustasno” soʻzlari “bundan milliy sport turlari hamda alohida Oʻzbekiston Respublikasi Prezidenti hujjatlari va Hukumat qarorlari bilan belgilangan sport turlari mustasno” soʻzlari bilan almashtirilsin;

v) 4-ilovaning birinchi boʻlimidagi “milliy kurash” soʻzlari “milliy sport turlari” soʻzlari bilan almashtirilsin.

4. Oʻzbekiston Respublikasi Prezidentining 2023-yil 7-apreldagi “Ommaviy va professional futbolni har tomonlama rivojlantirishning qoʻshimcha chora-tadbirlari toʻgʻrisida”gi PQ-115-son qarorida:

a) 11-bandning toʻrtinchi xatboshisi chiqarib tashlansin;

b) 26-bandning ikkinchi xatboshisidagi “2023-2024-yillarda” soʻzlari “2024-2025-yillarda” soʻzlari bilan almashtirilsin;

v) 1-ilovaning 12-pozitsiyasi “Amalga oshirish muddati” ustunidagi “2023” raqami “2025” raqami bilan almashtirilsin.

5. Oʻzbekiston Respublikasi Prezidentining 2023-yil 28-iyuldagi “Mahallalarda sport infratuzilmasini rivojlantirish va sport maydonchalaridan samarali foydalanishni tashkil etish chora-tadbirlari toʻgʻrisida”gi PQ-245-son qarorining 3-bandi quyidagi tahrirdagi bayon etilsin:

“3. Belgilansinki:

a) sport maydonchalarini qurish “Besh tashabbus olimpiadasi” doirasidagi sport musobaqalarining respublika bosqichida gʻolib va sovrindor boʻlgan hamda hududida sport infratuzilmasi mavjud boʻlmagan mahallalarda (keyingi oʻrinlarda — sport infratuzilmasi mavjud boʻlmagan mahallalar) amalga oshiriladi;

b) Surxondaryo viloyatida sport inshootlarini davlat-xususiy sheriklik shartlarida barpo etish loyihalari tadbirkorlik subyektining toʻliq oʻz mablagʻlari hisobidan moliyalashtirilgan hollarda qurilgan bino va inshootlarning (bundan yer maydoni, bino va inshootlarning umumiy foydalanishga moʻljallangan kommunikatsiya tarmoqlari egallagan qismi mustasno) 20 foizidan oshmagan qismi qonunchilikda taqiqlanmagan tadbirkorlik faoliyati bilan shugʻullanish uchun mahalliy xususiy sherikka mulk huquqi asosida oʻtkaziladi;

v) sport infratuzilmasi mavjud boʻlmagan mahallalarda sport maydonchalarini qurish ishlarini amalga oshirish doirasida:

Ichki ishlar vazirligi huzuridagi Jazoni ijro etish departamenti — buyurtmachi;

Ichki ishlar vazirligi huzuridagi Jazoni ijro etish departamenti 13-son Jazoni ijro etish muassasasi — bosh pudratchi hisoblanadi.

Bunda, ushbu bandda nazarda tutilgan tadbirlarni moliyalashtirish bilan bogʻliq xarajatlar Sport vazirligi mablagʻlari hisobidan amalga oshiriladi.”.

1. Oʻzbekiston Respublikasi Prezidentining 2019-yil 4-dekabrdagi “Oʻzbekistonda futbolni rivojlantirishni mutlaqo yangi bosqichga olib chiqish chora-tadbirlari toʻgʻrisida”gi PF-5887-son Farmonining 6-bandi hamda 5-ilovasi.

2. Oʻzbekiston Respublikasi Prezidentining 2023-yil 12-iyundagi “Yoshlar siyosati va sport vazirligi tashkil qilinganligi munosabati bilan Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-92-son Farmoniga 1-ilovaning 7-bandi “k” kichik bandi.

3. Oʻzbekiston Respublikasi Prezidentining 2006-yil 1-maydagi “Oʻzbekistonda futbolni rivojlantirishga doir qoʻshimcha chora-tadbirlar toʻgʻrisida”gi PQ-338-son qarori.