Oʻzbekiston Respublikasi Prezidentining “Vazirlar Mahkamasining ijro etuvchi tuzilmasini takomillashtirishga doir qoʻshimcha chora-tadbirlar toʻgʻrisida” 2022-yil 29-sentabrdagi PQ-384-son qarori hamda Vazirlar Mahkamasining “Oʻzbekiston Respublikasi Vazirlar Mahkamasi apparatining tarkibiy boʻlinmalari tuzilmasini tasdiqlash toʻgʻrisida” 2022-yil 22-fevraldagi 85-son qaroriga oʻzgartirishlar va qoʻshimcha kiritish haqida” 2022-yil 26-oktabrdagi 618-son qarori ijrosini taʼminlash maqsadida Vazirlar Mahkamasi qaror qiladi:

1. Vazirlar Mahkamasining “Oʻzbekiston Respublikasi Bosh vazirining oʻrinbosari-turizm va madaniy meros vazirining funksional vazifalari, Turizm, madaniyat va ommaviy kommunikatsiyalar masalalari kotibiyati hamda Madaniy merosni himoya qilish inspeksiyasi toʻgʻrisidagi nizomlarni tasdiqlash haqida” 2022-yil 12-maydagi 256-son qaroriga ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Bosh vazirining oʻrinbosari — turizm va madaniy meros vaziri A.A. Abduxakimov oʻn kun muddatda Turizm, madaniyat va ommaviy kommunikatsiyalar masalalari kotibiyati hamda Madaniy merosni himoya qilish inspeksiyasi rahbarlari va mutaxassislarining funksional vazifalari taqsimlanishini tasdiqlasin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — turizm va madaniy meros vaziri A.A. Abduxakimov zimmasiga yuklansin.

1. Oʻzbekiston Respublikasi Bosh vazirining oʻrinbosari — turizm va madaniy meros vazirining funksional vazifalari toʻgʻrisida nizomda:

a) 7-bandning “d” kichik bandi quyidagi mazmundagi oʻn ikkinchi — oʻn toʻrtinchi xatboshilar bilan toʻldirilsin:

“madaniy boyliklarning olib kirilishi va olib chiqilishi toʻgʻrisidagi qonun hujjatlariga rioya qilinishi va samarali bajarilishini tahlil qilish, ularni takomillashtirish boʻyicha takliflar ishlab chiqish, shuningdek, xalqaro shartnomalar va umumeʼtirof etilgan normalarni milliy qonunchiligimiz nuqtai nazaridan atroflicha oʻrganish ishlarini nazorat qilish;

chet mamlakatlarda saqlanayotgan madaniy boyliklarni yurtimizga qaytarish yuzasidan muzokaralar olib borish va zarur choralar koʻrish yuzasidan takliflar tayyorlash ishlarini nazorat qilish;

mamlakatimiz tarixi va madaniyatiga oid xorijdagi madaniy boyliklarni aniqlash, ularning toʻliq maʼlumotlar bazasini yaratish, muntazam yangilab borish hamda asl yoki koʻchirma nusxalari, foto va videotasvirlarini yurtimizga olib kelish ishlarini muvofiqlashtirilishini tashkil etish;”

b) 8-bandning yigirma va yigirma birinchi xatboshilaridagi “Inspeksiya boshligʻi, shuʼba mudiri” soʻzlari “Inspeksiya boshligʻi, uning oʻrinbosari” soʻzlari bilan almashtirilsin.

2. Turizm, madaniyat va ommaviy kommunikatsiyalar masalalari kotibiyati toʻgʻrisida nizomning 11-bandi qoʻyidagi tahrirda bayon etilsin:

“11. Kotibiyat tuzilmasiga:

Kotibiyat mudiri;

Kotibiyat mudirining oʻrinbosari shuʼba mudiri (Turizm, madaniyat va sanʼatni rivojlantirish masalalari shuʼbasi);

Turizmni kompleks rivojlantirish tahlili va monitoring masalalari boʻyicha bosh mutaxassis;

Infratuzilma obyektlarini rivojlantirish va investitsiyalarni jalb etish masalalari boʻyicha bosh mutaxassis;

Turistik oqimni oshirish va targʻibot masalalari boʻyicha bosh mutaxassis;

Madaniyat va sanʼatni rivojlantirish masalalari boʻyicha bosh mutaxassis;

Kinematografiya, ijodiy faoliyat va millatlararo munosabatlarni rivojlantirish masalalari boʻyicha bosh mutaxassis;

Shuʼba mudiri (Ommaviy kommunikatsiyalar va axborot ochiqligini taʼminlash masalalari shuʼbasi);

Davlat organlari axborot xizmatlari bilan ishlash va ommaviy kommunikatsiyalar masalalari boʻyicha bosh mutaxassis;

Ommaviy axborot vositalari, noshirlik-matbaa va axborot-kutubxona faoliyatini rivojlantirish masalalari boʻyicha bosh mutaxassis;

Oʻzbekiston Respublikasi Bosh vaziri oʻrinbosarining yordamchisi;

Inspektor kiradi.

Kotibiyat tuzilmasi Vazirlar Mahkamasi tomonidan tasdiqlanadi.”

3. Madaniy merosni himoya qilish inspeksiyasi toʻgʻrisidagi nizomda:

a) 7-bandda:

“v” kichik bandida:

toʻrtinchi xatboshisi chiqarib tashlansin;

beshinchi — yettinchi xatboshilari tegishincha toʻrtinchi — oltinchi xatboshilari deb hisoblansin;

quyidagi mazmundagi “d” kichik band bilan toʻldirilsin:

“d) mamlakatimiz va xorijdagi madaniy boyliklar sohasida:

madaniy boyliklarning olib kirilishi va olib chiqilishi toʻgʻrisidagi qonun hujjatlariga rioya qilinishi va samarali bajarilishini tahlil qilish, ularni takomillashtirish boʻyicha takliflar ishlab chiqish, shuningdek, xalqaro shartnomalar va umumeʼtirof etilgan normalarni milliy qonunchiligimiz nuqtai nazaridan atroflicha oʻrganish;

chet mamlakatlarda saqlanayotgan madaniy boyliklarni yurtimizga qaytarish yuzasidan muzokaralar olib borish va zarur choralar koʻrish yuzasidan takliflar tayyorlash;

mamlakatimiz tarixi va madaniyatiga oid xorijdagi madaniy boyliklarni aniqlash, ularning toʻliq maʼlumotlar bazasini yaratish, muntazam yangilab borish hamda asl yoki koʻchirma nusxalari, foto va videotasvirlarini yurtimizga olib kelish ishlarini muvofiqlashtirish.”

b) 11-bandda:

uchinchi xatboshidagi “Shuʼba mudiri (madaniy meros obyektlari va tarixiy-madaniy hududlarni himoya qilish hamda ulardan foydalanishning monitoringi masalalari)” soʻzlari “Inspeksiya boshligʻi oʻrinbosari” soʻzlariga almashtirilsin;

sakkizinchi xatboshi chiqarib tashlansin;

toʻqqizinchi — oʻn birinchi xatboshilar tegishincha sakkizinchi — oʻninchi xatboshilar deb hisoblansin;

quyidagi mazmundagi oʻninchi xatboshi bilan toʻldirilsin:

“Xorijdagi madaniy boyliklar masalalari boʻyicha bosh mutaxassis”;

oʻninchi xatboshi oʻn birinchi xatboshi deb hisoblansin;

v) 13-banddagi “shuʼba mudirlari” soʻzlari “Inspeksiya boshligʻi oʻrinbosari” soʻzlari bilan almashtirilsin;

g) 15-bandning birinchi va toʻrtinchi xatboshilaridagi “shuʼba mudirlari” soʻzlari “Inspeksiya boshligʻi oʻrinbosari” soʻzlari bilan almashtirilsin;

d) 16-bandning ikkinchi, beshinchi va oltinchi xatboshilaridagi “shuʼba mudirlari” soʻzlari “Inspeksiya boshligʻi oʻrinbosari” soʻzlari bilan almashtirilsin;

e) 17-banddagi “shuʼba mudirlaridan biri” soʻzlari “Inspeksiya boshligʻi oʻrinbosari” soʻzlari bilan almashtirilsin;

j) 18-bandda:

birinchi xatboshidagi “Shuʼba mudiri” soʻzlari “Inspeksiya boshligʻi oʻrinbosari” soʻzlari bilan almashtirilsin;

ikkinchi xatboshi quyidagi tahrirda bayon etilsin:

“mutaxassislar faoliyatini muvofiqlashtiradi va Inspeksiyaga yuklangan vazifalar va funksiyalar bajarilishi va ijro intizomining holati uchun shaxsan javob beradi;”

uchinchi xatboshidagi “shuʼbaga biriktirilgan” soʻzlari “mutaxassislar tomonidan tegishli” soʻzlari bilan almashtirilsin;

sakkizinchi xatboshidagi “tegishli” soʻzi chiqarib tashlansin;

z) 19-bandning toʻrtinchi xatboshisidagi “tegishli shuʼba mudiriga” soʻzlari “Inspeksiya boshligʻi oʻrinbosariga” soʻzlari bilan almashtirilsin.