1.

Xabarnoma nomi:

Qimmatbaho metallar va qimmatbaho toshlar bilan ishlashni boshlaganlik yoki tugatganlik haqida xabarnoma

2.

Xabardor qilish tartibida amalga oshiriladigan faoliyat turlari:

a) zargarlik buyumlarini, qimmatbaho metallar va qimmatbaho toshlardan yasalgan boshqa buyumlarni, shuningdek, qimmatbaho toshlarni baholash;

b) qimmatbaho va yarim qimmatbaho toshlarni baholash, qimmatbaho va yarim qimmatbaho toshlarni gemmologik tekshirish;

v) qimmatbaho metallardan yasalgan laboratoriya idishlaridan, katalizatorlar, katalizator setkalaridan, tarkibida qimmatbaho metallar va qimmatbaho toshlar boʻlgan uskunalardan, termopar, termorele, termoqarshilikdan foydalanish va ularni saqlash;

g) tarkibida qimmatbaho metallar boʻlgan tashqi qoplamalar tayyorlash va/yoki surkash (kimyoviy, elektrokimyoviy, purkash va boshqa usullar bilan);

d) tarkibida qimmatbaho metallar boʻlgan moddalarni (tibbiy preparatlar, tuzlar, reagentlar, kimyoviy birikmalar va boshqalarni) ishlab chiqarish, qoʻllash, saqlash;

e) tarkibida qimmatbaho metallar boʻlgan tish yasashga moʻljallangan mahsulotlar uchun disklar, elektrodlar, anodlar, kontaktlar va kavsharlarni tayyorlash, ulardan foydalanish, ularni saqlash;

yo) tibbiyot, oziq-ovqat, alkogol va vino-aroq mahsulotlari ishlab chiqarishda qimmatbaho metallardan, tarkibida qimmatbaho metallar boʻlgan oziq-ovqat qoʻshimchalaridan foydalanish;

j) qimmatbaho va yarim qimmatbaho toshlarga ishlov berish, ularni sayqallash. Tabiiy olmosdan yasalgan filyerlar, voloklar, olmosli uchliklardan, tabiiy olmosdan yasalgan olmosli asbobdan va burgʻilash olmosli asbobidan foydalanish hamda ularni saqlash. Olmosli asbobini rekuperatsiya qilish ishlarini amalga oshirish;

z) qimmatbaho metallarni, qimmatbaho metallardan yasalgan zargarlik va boshqa buyumlarni tahlil qilish hamda ularning asillik darajasini nazorat qilish ishlari;

i) tarkibida qimmatbaho metallar boʻlgan maishiy texnika, tashkiliy texnika, tibbiyot texnikasi va boshqa buyumlarni qismlarga ajratish, ularga dastlabki ishlov berish, turlarga ajratish, bosma platalarni utilizatsiya qilish;

y) uzellarida qimmatbaho metallar va qimmatbaho toshlar boʻlgan asbob-uskunalarni qismlarga ajratish hamda utilizatsiya qilish, shuningdek, tarkibida qimmatbaho metallar boʻlgan asbob-uskunalarni qismlarga ajratishdan va utilizatsiya qilishdan olingan chiqindilarni qayta ishlash korxonalariga topshirish;

k) tarkibida qimmatbaho metallar boʻlgan ikkilamchi resurslar, parchalar va chiqindilarni keyinchalik qayta ishlash (affinaj) korxonalariga topshirish uchun toʻplash (tayyorlash), qismlarga ajratish, saralash, ularga dastlabki (birlamchi) qayta ishlov berish;

l) qimmatbaho metallardan harbiy va/yoki aviatsiya texnikasini taʼmirlashda foydalanish, tarkibida qimmatbaho metallar boʻlgan harbiy va/yoki aviatsiya texnikasi chiqindilarini saqlash va ulardan foydalanish;

m) harbiy va/yoki aviatsiya texnikasidan tarkibida qimmatbaho metallar boʻlgan radiodetallar va elementlarni ajratib olish, harbiy va/yoki aviatsiya texnikasining tarkibida qimmatbaho metallar boʻlgan chiqindilarini toʻplash va qayta ishlash korxonalariga topshirish;

n) tarkibida qimmatbaho metallar va qimmatbaho toshlar, qimmatbaho va yarim qimmatbaho toshlar boʻlgan buyumlar hamda predmetlarni koʻrgazmalarga qoʻyish, saqlash va restavratsiya qilish;

o) qimmatbaho metallar va qimmatbaho toshlardan yasalgan zargarlik buyumlari hamda boshqa buyumlarni, tarkibida qimmatbaho metallar va qimmatbaho toshlar boʻlgan predmetlarni (davlat organlarining qarorlariga koʻra davlat daromadiga oʻtkazilgan) restavratsiya qilish (taʼmirlash);

p) tarkibida kumush mavjud boʻlgan va yorugʻlikka taʼsirchan materiallardan, kinofotorentgen-plyonkalar, kinofotorentgen-plastinkalar va tarkibida qimmatbaho metallar boʻlgan xuddi shunday materiallardan foydalanish.

3.

Xabardor qiluvchi toifasi:

Yuridik shaxs

4.

Xabarnomani qabul qiluvchi organ(lar):

Moliya vazirligi huzuridagi Davlat asillik darajasini belgilash palatasi

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

a) yuridik shaxs nomi va tashkiliy-huquqiy shakli, STIR;

b) pochta hamda elektron pochta manzili;

v) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) bank rekvizitlari (hisobvaragʻi, bank kodi);

d) faoliyat amalga oshiriladigan joy manzili (manzillari, kadastr raqami);

e) amalga oshirish rejalashtirilayotgan faoliyat turi;

yo) oʻlchash vositalari toʻgʻrisidagi maʼlumot (elektron yoki tahliliy tarozi va toshlar (har-xil ogʻirlikdagi).

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari):

Favqulodda vaziyatlar vazirligi;

Davlat soliq qoʻmitasi.

8.

Xabarnomani yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) qimmatbaho metallar va qimmatbaho toshlar bilan ishlarni amalga oshirganda, belgilangan talablarga mos mulkka egalik qilish huquqi yoki boshqa ashyoviy huquq asosida tegishli boʻlgan binolar va inshootlar, ishlab chiqarish maydonlari mavjudligi;

b) qimmatbaho metallar va qimmatbaho toshlar bilan ishlarni amalga oshirish uchun zarur boʻlgan moddiy-texnik baza, uskunalar va boshqa texnika vositalarining mavjudligi;

v) tarkibida qimmatbaho metallar boʻlgan xomashyo bilan ishlaganda, ishlab chiqarish maqsadlarida qimmatbaho metallar va qimmatbaho toshlardan foydalanilganda, qimmatbaho metallardan aviatsiya va/yoki harbiy texnikada foydalanilganda:*

qimmatbaho metallar va qimmatbaho toshlar bilan ishlarni amalga oshirishga qoʻyiladigan talablarni tartibga soluvchi normativ-texnik hujjatlarning mavjudligi;

xabardor qiluvchilar tomonidan qimmatbaho metallar va qimmatbaho toshlarni olish, sarflash, hisobini yuritish va saqlash yuzasidan talablarga majburiy rioya qilinishi, qimmatbaho metallarning chiqindi va parchalarini qayta ishlash korxonalariga topshirish uchun tayyorlash, qadoqlash, tashish va qabul qilish-topshirish shartlariga majburiy rioya qilinishi;

vakolatli organ tomonidan belgilagan muddatlar va shakllar boʻyicha qimmatbaho metallar va qimmatbaho toshlar harakati haqidagi hisobotlar taqdim etish;

g) tarkibida qimmatbaho metallar va qimmatbaho toshlar boʻlgan uskunalar bilan ishlaganda:

tarkibida qimmatbaho metallar va qimmatbaho toshlar boʻlgan uskunalar bilan ishlarni amalga oshirishga qoʻyiladigan talablarni tartibga soluvchi normativ-texnik hujjatlarning mavjudligi;

qimmatbaho metallar va qimmatbaho toshlarni olish, sarflash, hisobini yuritish va saqlash yuzasidan talablarga ariza beruvchi tomonidan majburiy rioya qilinishi, qimmatbaho metallarning chiqindi va parchalarini qayta ishlash korxonalariga topshirish uchun tayyorlash, qadoqlash, tashish va qabul qilish-topshirish shartlariga majburiy rioya qilish;

d) ijtimoiy-madaniy maqsadlarda qimmatbaho metallar va qimmatbaho toshlardan foydalanilganda:

ijtimoiy-madaniy maqsadlarda qimmatbaho metallar va qimmatbaho toshlar bilan ishlarni amalga oshirish yuzasidan talablarni tartibga soluvchi normativ-texnik hujjatlarning mavjudligi;

qimmatbaho metallar va qimmatbaho toshlarni olish, hisobini yuritish va saqlash yuzasidan talablarga ariza beruvchi tomonidan majburiy rioya qilish.

10.

Izoh:

Har bir faoliyat turi boʻyicha alohida xabarnoma yuboriladi.

* Qoʻpol ravishda buzish deb hisoblanadigan talab va shartlar.

1.

Xabarnoma nomi:

Qimmatbaho metallardan va qimmatbaho toshlardan zargarlik buyumlari hamda boshqa buyumlar ishlab chiqarish faoliyatini boshlaganlik yoki tugatganlik toʻgʻrisida xabarnoma

2.

Xabardor qilish tartibida amalga oshiriladigan faoliyat turlari:

a) shaxsiy buyurtma asosida aholi tomonidan taqdim etilgan materiallardan zargarlik buyumlari ishlab chiqarish va qimmatbaho metallardan yasalgan zargarlik buyumlarini taʼmirlash. Oʻz ishlab chiqarishidan hosil boʻlgan chiqindilarni mexanik, kimyoviy va metallurgiya jarayonlarini qoʻllash yordamida qayta ishlash va ularning tarkibidan qimmatbaho metallarni ajratib olish (aholi buyurtmasiga asosan zargarlik buyumlari yasashda hosil boʻlgan chiqindilarni qayta ishlash huquqiga ega emas);

b) zargarlik buyumlarini ishlab chiqarish. Oʻz ishlab chiqarishidan hosil boʻlgan chiqindilarni mexanik, kimyoviy va metallurgiya jarayonlarini qoʻllash yordamida qayta ishlash va ularning tarkibidan qimmatbaho metallarni ajratib olish (aholi buyurtmasiga asosan zargarlik buyumlari yasashda hosil boʻlgan chiqindilarni qayta ishlash huquqiga ega emas).

3.

Xabardor qiluvchi toifasi:

Yuridik shaxs va yakka tartibdagi tadbirkor

4.

Xabarnomani qabul qiluvchi organ(lar):

Moliya vazirligi huzuridagi Davlat asillik darajasini belgilash palatasi

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

Yakka tartibdagi tadbirkorlar uchun:

a) YTTning:

familiyasi, ismi, otasining ismi (agar mavjud boʻlsa);

pasport seriyasi va raqami yoki identifikatsiya ID-kartasi raqami;

JSHSHIR;

b) faoliyatini amalga oshirish joyi (manzili, kadastr raqami);

v) yashash manzili;

g) mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

d) bank rekvizitlari (hisobvaragʻi, bank kodi);

e) amalga oshirish rejalashtirilayotgan faoliyat turlari (yoki ularning qismlari);

yo) oʻlchash vositalari toʻgʻrisidagi maʼlumot (elektron yoki tahliliy tarozi va toshlar (har xil ogʻirlikdagi);

Yuridik shaxslar uchun:

j) yuridik shaxs nomi va tashkiliy-huquqiy shakli, STIR;

z) pochta hamda elektron pochta manzili;

i) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

y) bank rekvizitlari (hisobvaragʻi, bank kodi);

k) faoliyat amalga oshiriladigan joy manzili (manzil(lar)i, kadastr raqami);

l) amalga oshirish rejalashtirilayotgan faoliyat turlari (yoki ularning qismlari);

m) oʻlchash vositalari toʻgʻrisidagi maʼlumot (elektron yoki tahliliy tarozi va toshlar (har xil ogʻirlikdagi).

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari):

Favqulodda vaziyatlar vazirligi;

Davlat xizmatlari agentligi;

Texnik jihatdan tartibga solish agentligi;

Sanitariya-epidemiologik osoyishtalik va jamoat salomatligi xizmati.

8.

Xabarnomani yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) qimmatbaho metallar va qimmatbaho toshlardan zargarlik va boshqa buyumlarni ishlab chiqarish faoliyatini amalga oshirish uchun talab va shartlarga mos mulk huquqi yoki boshqa huquq asosida tegishli boʻlgan binolar, inshootlar, ishlab chiqarish maydonlari va sharoitlarning mavjudligi;

b) zargarlik buyumlarini ishlab chiqarish uchun zarur boʻlgan moddiy-texnik baza, uskunalar va boshqa texnika vositalarining mavjudligi;

v) quyidagi qoʻshimcha talab va shartlarga rioya etish:

Oʻzbekiston Respublikasi Davlat budjeti hisobidan moliyalashtiriladigan va/yoki nizom jamgʻarmasida kamida 50 foiz davlat ulushiga ega boʻlgan yuridik shaxslar uchun:

faoliyat koʻrsatadigan joyda yongʻin xavfsizligi chora-tadbirlari, sanitariya qoidalari, normalari va gigiyena normativlari, texnik mustahkamlik yoʻriqnomalari, materiallar, xomashyo va tayyor buyumlarni saqlash qoidalariga belgilangan talablarga muvofiq rioya etilishini taʼminlash;

qimmatbaho metallar va qimmatbaho toshlar bilan ishlash boʻyicha talablarni tartibga soluvchi texnik va normativ hujjatlarning mavjudligi (qimmatbaho metallarni sarflash, hisobga olish va saqlash boʻyicha obyekt ichidagi yoʻriqnomalar, texnik qaydlar, marshrut texnologiyalari xaritasi, bichish xaritalari, barcha operatsiyalar uchun operatsiyalar boʻyicha normativlar, qimmatbaho metallarni sarflashning batafsil operatsiya normalari va jamlangan normalari);

zargarlik buyumlarini ishlab chiqarish uchun malakali xodimlarning mavjudligi;

xabardor qiluvchining qimmatbaho metallarni olish, sarflash, hisobga olish, saqlash tartibi, qimmatbaho metallarni tayyorlash, qadoqlash, transportirovka qilish, ularning parchalari va chiqindilarini qayta ishlash korxonalariga topshirish tartibiga rioya qilish boʻyicha talablarni soʻzsiz bajarishi;*

qimmatbaho metallarning kelib tushishi, sarflanishi va xomashyoda, yarim tayyor mahsulotlar, tugallanmagan ishlab chiqarishda va tarkibida qimmatbaho metallar boʻlgan buyumlarda ularning qoldiqlarini, shuningdek, ushbu boyliklar chiqindilari va yoʻqotishlarning qatʼiy hisobini yuritish;

xomashyoda, yarim tayyor mahsulotlar, tugallanmagan ishlab chiqarishda va tarkibida qimmatbaho metallar boʻlgan buyumlarda, barcha saqlash joylari hamda bevosita ishlab chiqarishda ularning qoldiqlarini har chorakda xatlovdan oʻtkazish;

qimmatbaho metallar hosil boʻladigan joylar va manbalarda ularning barcha turdagi parchalari va chiqindilarini toʻliq toʻplash, hisobga olish hamda saqlashni taʼminlash;

vakolatli organga belgilanadigan shakllar boʻyicha va muddatlarda qimmatbaho metallar hamda qimmatbaho toshlar harakati toʻgʻrisida hisobotlarni taqdim etish;

Oʻzbekiston Respublikasi Davlat budjeti hisobidan moliyalashtirilmaydigan va/yoki nizom jamgʻarmasida kamida 50 foiz davlat ulushiga ega boʻlmagan yuridik shaxslar uchun:

belgilangan talablarga muvofiq yongʻin xavfsizligi, sanitariya qoidalari, normalari, gigiyena normativlari, texnik mustahkamlik boʻyicha yoʻriqnomalar mavjudligi;

faoliyat joyida mustaqil ravishda ishlab chiqilgan norma va qoidalar asosida materiallar, xomashyo va tayyor buyumlarni hisobga olish, sarflash, saqlash;

qimmatbaho metallar va qimmatbaho toshlar bilan ishlash uchun mustaqil ravishda ishlab chiqilgan normativ-texnik hujjatlarning mavjudligi;

yakka tartibdagi tadbirkorlar uchun:

xabardor qiluvchi qimmatbaho metallar va qimmatbaho toshlarni sarflash, hisobga olish va saqlash boʻyicha mustaqil ishlab chiqilgan tartibga rioya qilishi shart;

g) yuridik shaxslar va yakka tartibdagi tadbirkorlar uchun maxsus shartlar:*

xabarnoma qabul qilinganligi haqidagi tasdiqnomada xabardor qiluvchiga ishlab chiqaruvchining shaxsiy tamgʻasi beriladi (lotin alifbosining uchta katta harf belgilari). Shaxsiy tamgʻani berishda avval ishlatilgan harflar kombinatsiyasini boshqa xabardor qiluvchilarga takroran berishga yoʻl qoʻyilmaydi;

shaxsiy tamgʻani tayyorlash uchun tadbirkorlik subyekti mustaqil ravishda Oʻzbekiston Respublikasi Markaziy banki huzuridagi “Davlat belgisi” davlat unitar korxonasiga xabarnoma qabul qilinganligi haqidagi tasdiqnoma bilan murojaat qiladi;

shaxsiy tamgʻa xabarnoma yuborilgandan keyin 90 kun ichida Davlat asillik darajasini belgilash palatasida roʻyxatdan oʻtkazilishi lozim.

10.

Izoh:

Ishlab chiqaruvchining shaxsiy tamgʻasini mexanik (zarb) yoki lazer usullari yordamida tushirishga ruxsat etiladi. Bunda zargarlik buyumlariga lazer usullari yordamida tushirilgan shaxsiy tamgʻaning haqiqiyligini tasdiqlash ishlab chiqaruvchining zimmasiga yuklanadi.

Tadbirkorlik subyekti zargarlik buyumlarini ishlab chiqarish boʻyicha faoliyatni oʻz xohishiga koʻra tugatganda va maʼlum bir vaqtdan soʻng faoliyatni qayta tiklashni istaganda, ishlab chiqaruvchining shaxsiy tamgʻasi umumiy asoslarga koʻra beriladi.

* Qoʻpol ravishda buzish deb hisoblanadigan talab va shartlar.

1.

Xabarnoma nomi:

Zargarlik buyumlarini hamda qimmatbaho metallar va qimmatbaho toshlardan yasalgan boshqa buyumlarni sotish faoliyatini boshlaganlik yoki tugatganlik toʻgʻrisida xabarnoma

2.

Xabardor qilish tartibida amalga oshiriladigan faoliyat turlari:

a) qimmatbaho metallar va qimmatbaho toshlardan yasalgan zargarlik buyumlari va boshqa buyumlar, qimmatbaho va yarim qimmatbaho toshlar bilan chakana savdo qilish (shu jumladan, xorijiy davlatlardan sotish uchun olib kelingan), qimmatbaho metallar va qimmatbaho toshlardan yasalgan zargarlik buyumlari va boshqa buyumlar bilan vositachilik savdosi;

b) axborot-kommunikatsiya texnologiyalaridan (onlayn-doʻkonlardan) foydalangan holda, qimmatbaho metallar va qimmatbaho toshlardan yasalgan zargarlik buyumlari va boshqa buyumlarning chakana savdosi;

v) qimmatbaho metallar va qimmatbaho toshlardan yasalgan zargarlik buyumlari va boshqa buyumlar bilan bojsiz savdo zonalarida chakana savdo qilish (duty free);

g) qimmatbaho metallar, qimmatbaho va yarim qimmatbaho toshlar hamda ulardan yasalgan buyumlarni sotib olish, qimmatbaho metallarning parchalari va chiqindilarini sotib olish;

d) qimmatbaho metallar va qimmatbaho toshlardan yasalgan zargarlik buyumlari va boshqa buyumlar, qimmatbaho va yarim qimmatbaho toshlar bilan ulgurji savdo qilish (shu jumladan, xorijiy davlatlardan sotish uchun olib kelingan).

3.

Xabardor qiluvchi toifasi:

Yuridik shaxs

4.

Xabarnomani qabul qiluvchi organ(lar):

Moliya vazirligi huzuridagi Davlat asillik darajasini belgilash palatasi

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

a) yuridik shaxs nomi va tashkiliy-huquqiy shakli, STIR;

b) pochta hamda elektron pochta manzili;

v) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) bank rekvizitlari (hisobvaragʻi, bank kodi);

d) faoliyat amalga oshiriladigan joy manzili (manzil(lar)i, kadastr raqami);

e) oʻlchash vositalari toʻgʻrisidagi maʼlumot (elektron yoki tahliliy tarozi va toshlar (har xil ogʻirlikdagi).

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari):

Davlat xizmatlari agentligi;

Texnik jihatdan tartibga solish agentligi.

8.

Xabarnomani yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) mulk huquqi yoki boshqa ashyoviy huquq asosida tegishli boʻlgan binolar va inshootlarning mavjudligi;

b) qimmatbaho metallar va qimmatbaho toshlardan yasalgan zargarlik va boshqa buyumlar bilan savdo qilish uchun oʻlchash vositalarining mavjudligi;

v) zargarlik buyumining tamgʻasida belgilangan darajaga mos keladigan ashyolarni sotish.*

10.

Izoh:

Har bir faoliyat yuritish turi va manziliga (filialiga) alohida xabarnoma yuboriladi.

* Qoʻpol ravishda buzish deb hisoblanadigan talab va shartlar.

1.

Xabarnoma nomi:

Investitsiya maslahatchisi faoliyatini boshlaganlik yoki tugatganlik haqida xabarnoma

2.

Xabardor qilish tartibida amalga oshiriladigan faoliyat turi:

Investitsiya maslahatchisi faoliyati

3.

Xabardor qiluvchi toifasi:

Yuridik shaxs

4.

Xabarnomani qabul qiluvchi organ(lar):

Oʻzbekiston Respublikasi Moliya vazirligi

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

a) yuridik shaxs nomi va tashkiliy-huquqiy shakli, STIR;

b) pochta hamda elektron pochta manzili;

v) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) bank rekvizitlari (hisobvaragʻi, bank kodi);

d) faoliyat amalga oshiriladigan joy manzili (manzillari, kadastr raqami);

e) yuridik shaxs rahbarining:

pasport raqami, seriyasi yoki identifikatsiya ID-kartasi raqami;

JSHSHIR;

1-toifali malaka sertifikati raqami va sanasi;

yo) maxsus kasbiy tayyorgarlikka ega boʻlgan xodimlar toʻgʻrisida maʼlumot:

pasport raqami, seriyasi yoki identifikatsiya ID-kartasi raqami;

JSHSHIR;

malaka sertifikati raqami va sanasi.

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari):

Ichki ishlar vazirligi;

Davlat soliq qoʻmitasi;

Davlat xizmatlari agentligi.

8.

Xabarnomani yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) 50 mln soʻm miqdorida oʻz mablagʻlari (sarmoyasi) boʻlishi lozim;

b) vakolatli organ tomonidan belgilangan dasturiy-texnik kompleksga qoʻyiladigan talablarning dasturiy taʼminoti va texnik vositalari muvofiqligi hamda qimmatli qogʻozlar bozorining professional ishtirokchilari va fond birjalari bilan oʻzaro elektron aloqaga tayyorligi;

v) xabardor qiluvchida qimmatli qogʻozlar bilan operatsiyalarning ichki hisobini yuritish vazifasini bajaruvchi kamida bitta xodimning boʻlishi hamda ichki nazoratni tashkil etish va amalga oshirish vazifasini bajaruvchi kamida bitta xodim (nazoratchi) boʻlishi;*

g) quyidagi shaxslar xabardor qiluvchining rahbari boʻlishi mumkin emas:*

moliya-iqtisod, yuridik, matematika yoki axborot texnologiyalari mutaxassisliklaridan kamida bittasi boʻyicha oliy maʼlumotli boʻlmagan shaxslar;

qimmatli qogʻozlar bozoridagi kasbiy faoliyatni amalga oshiruvchi tashkilotlarda, fond birjalarida yoxud iqtisodiy, moliyaviy va yuridik faoliyat sohalarida, axborot texnologiyalari sohasida yoki koʻrsatib oʻtilgan yoʻnalishlar boʻyicha davlat boshqaruv organlaridagi ishda kamida ikki yillik ish stajiga ega boʻlmagan shaxslar;

iqtisodiyot sohasidagi jinoyat uchun yoki boshqaruv tartibiga qarshi jinoyat uchun olib tashlanmagan sudlanganlikka ega boʻlgan shaxslar;

yuridik shaxs bankrot deb eʼtirof etilgan paytda va eʼtirof etilgan paytdan boshlab ikki yil oʻtmagan boʻlsa, yakka holda ijro etuvchi organ funksiyalarini bajargan yoki kollegial ijro etuvchi organ tarkibiga kirgan shaxslar;

d) xabardor qiluvchining mutaxassislari, mansabdor shaxslari va nazoratchisining vakolatli organ tomonidan tasdiqlangan malaka talablariga muvofiqligi;

e) oʻzining dasturiy vositasi mavjud boʻlgan taqdirda mualliflik huquqini tasdiqlaydigan guvohnomaning mavjudligi.

10.

Izoh:

* Qoʻpol ravishda buzish deb hisoblanadigan talab va shartlar

1.

Xabarnoma nomi:

Maktabdan tashqari taʼlim faoliyatini boshlaganlik yoki tugatganlik toʻgʻrisida xabarnoma

2.

Xabardor qilish tartibida amalga oshiriladigan faoliyat turi:

Nodavlat maktabdan tashqari taʼlim, shu jumladan, chet tillarini oʻrgatish faoliyati

3.

Xabardor qiluvchi toifasi:

Yuridik shaxs va yakka tartibdagi tadbirkor

4.

Xabarnomani qabul qiluvchi vakolatli organ(lar):

Vazirlar Mahkamasi huzuridagi Taʼlim sifatini nazorat qilish davlat inspeksiyasi

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

Yakka tartibdagi tadbirkor uchun:

a) YTTning:

familiyasi, ismi, otasining ismi (agar mavjud boʻlsa);

pasport seriyasi va raqami yoki identifikatsiya ID-kartasi raqami;

JSHSHIR;

b) yashash manzili;

v) mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) bank rekvizitlari (hisobvaragʻi, bank kodi);

Yuridik shaxs uchun:

d) yuridik shaxs nomi va tashkiliy-huquqiy shakli, STIR;

e) pochta va elektron pochta manzili;

yo) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

j) bank rekvizitlari (hisobvaragʻi, bank kodi);

Yakka tartibdagi tadbirkor va yuridik shaxs uchun:

z) faoliyat amalga oshiriladigan joy manzili (manzil(lar)i, kadastr raqami), faqat masofaviy (onlayn) taʼlimga asoslangan nodavlat taʼlim xizmatlarini koʻrsatuvchilar bundan mustasno;

i) taʼlim yoʻnalishlari, kurslar va kasblar roʻyxati;

y) pedagog kadrlar (shu jumladan xorijiy oʻqituvchilar) haqida maʼlumot:

familiyasi, ismi, otasining ismi (mavjud boʻlgan taqdirda);

pasport seriyasi va raqami yoki identifikatsiya ID-kartasi raqami;

JSHSHIR;

telefon raqami;

maʼlumot toʻgʻrisidagi diplom yoki xorijiy davlatda taʼlim olganlik toʻgʻrisidagi hujjatni tan olish haqidagi guvohnoma raqami va sanasi;

chet tillarga oʻqitgan hollarda, Vazirlar Mahkamasi huzuridagi Davlat test markazi tomonidan beriladigan bilimlar darajasi va chet tilini bilish va egallab olganlik darajasi toʻgʻrisidagi davlat namunasidagi malaka sertifikatining raqami va sanasi yoki yetakchi xalqaro va baholash tizimlarining amaldagi sertifikatlari PDF nusxasi (IELTS, CEFR, TOEFL IBT);

k) oʻquv rejasi va dasturlarining elektron nusxalari;

l) davlat yongʻin nazorati organlari tomonidan mavjud binolar va xonalarning yongʻin xavfsizligi talablariga muvofiqligi toʻgʻrisidagi xulosaning sanasi va raqami, faqat masofaviy (onlayn) taʼlimga asoslangan nodavlat taʼlim xizmatlarini koʻrsatuvchilar bundan mustasno;

m) sanitariya-epidemiologiya xizmati organining sanitariya-gigiyena normalariga muvofiqlik toʻgʻrisidagi xulosasining sanasi va raqami, faqat masofaviy (onlayn) taʼlimga asoslangan nodavlat taʼlim xizmatlarini koʻrsatuvchilar bundan mustasno.

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari):

Bandlik va mehnat munosabatlari vazirligi;

Favqulodda vaziyatlar vazirligi;

Sogʻliqni saqlash vazirligi;

Davlat soliq qoʻmitasi;

Davlat personallashtirish markazi;

Davlat xizmatlari agentligi.

8.

Xabarnomani yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) oʻquv rejasi va dasturi Maktabdan tashqari taʼlimga qoʻyiladigan davlat talablariga muvofiq ishlab chiqilgan boʻlishi;

b) taʼlim faoliyati yuritiladigan binoga (xonalarga) mulkiy yoki boshqa ashyoviy huquqning mavjudligi (ushbu talab faqat masofaviy (onlayn) taʼlimga asoslangan nodavlat taʼlim xizmatlarini koʻrsatuvchilarga nisbatan tatbiq etilmaydi);

v) har bir toʻgarak rahbari oʻquv qoʻllanma bilan taʼminlanganligi;

g) Taʼlim sifatini nazorat qilish davlat inspeksiyasining axborot tizimiga quyidagi maʼlumotlar toʻgʻri va ishonchli kiritilishini taʼminlash:

taʼlim tashkiloti toʻgʻrisida;

taʼlim oluvchilar toʻgʻrisida;

pedagog xodimlar, toʻgarak rahbarlari, trenerlar toʻgʻrisida;

taʼlim jarayoni toʻgʻrisida;

d) taʼlim oluvchilar bilan oʻzaro munosabatlar shartnoma asosida amalga oshirilishi;*

e) taʼlim oluvchilarning minimal va maksimal soni:

individual (yakka) tarzda;

toʻgarakda — 40 nafargacha;

yo) pedagog xodimlarning ilmiy salohiyati darajasi:

oliy maʼlumotli — 50%;

oʻrta maxsus maʼlumotli — 40%;

oʻrta maʼlumotli — 10%.

j) taʼlim tashkilotining hududi:

devor yoki panjara bilan oʻralganligi;

tungi yoritgichlar oʻrnatilganligi;

ichimlik suv va kanalizatsiya bilan taʼminlanganligi.

z) taʼlim tashkilotidagi xonalar uchun ajratiladigan minimal maydon oʻlchami:

dars mashgʻulotlari uchun:

toʻgarak mashgʻulotlari xonasi — 15 m²;

ustaxona — 30 m² (agar mavjud boʻlsa);

studiya va individual mashgʻulotlar xonasi umumiy maydoni — 20 m²(agar mavjud boʻlsa);

umumnazariy va umumtaʼlim laboratoriya xonalari — 25 m²(agar mavjud boʻlsa);

i) oʻquv auditoriyalarida taʼlim faoliyati uchun yaratilgan sharoitlarga qoʻyiladigan minimal talablar:

elektron yoki oddiy doska — 1 dona;

proyektor — 1 dona;

auditoriyaning yoritilish darajasi — 400 lyuks;

y) Oʻzbekiston Respublikasi Bosh davlat sanitar vrachining 2013-yil 23-yanvardagi 0307-13-son Sanitariya normalari, qoidalari va gigiyena normativlari bilan tasdiqlangan Maktabdan tashqari taʼlim muassasalarining qurilmalari va taʼminotiga qoʻyiladigan gigiyenik talablarga muvofiq boʻlishi;

k) Oʻzbekiston Respublikasi Bosh davlat sanitar vrachining 2009-yil 4-iyundagi 0266-09-son Nogironlar va aholining imkoniyati cheklangan katta yoshdagi va bolalar guruhlari tomonidan foydalaniladigan turar-joy va jamoat binolarini loyihalashtirish va qurishning sanitariya normalari va qoidalariga muvofiq boʻlishi;

l) maktabdan tashqari taʼlim boʻyicha taʼlim olganlik toʻgʻrisidagi guvohnoma berilishi;

m) chet tillarga oʻqitgan hollarda, pedagog kadrlarda Vazirlar Mahkamasi huzuridagi Davlat test markazi tomonidan beriladigan bilimlar darajasi va chet tilini bilish va egallab olganlik darajasi toʻgʻrisida davlat namunasidagi malaka sertifikati yoki yetakchi xalqaro va baholash tizimlarining amaldagi sertifikati (IELTS, CEFR, TOEFL IBT) mavjud boʻlishi.*

10.

Izoh:

* Qoʻpol ravishda buzish deb hisoblanadigan talab va shartlar.

1.

Xabarnoma nomi:

Kadrlar malakasini oshirish va ularni qayta tayyorlash faoliyatini boshlaganlik yoki tugatganlik haqida xabarnoma

2.

Xabardor qilish tartibida amalga oshiriladigan faoliyat turi:

Kadrlar malakasini oshirish va ularni qayta tayyorlash faoliyati

3.

Xabardor qiluvchi toifasi:

Yuridik shaxs

4.

Xabarnomani qabul qiluvchi vakolatli organ(lar):

Vazirlar Mahkamasi huzuridagi Taʼlim sifatini nazorat qilish davlat inspeksiyasi

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

a) yuridik shaxs nomi va tashkiliy-huquqiy shakli, STIR;

b) pochta hamda elektron pochta manzili;

v) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) bank rekvizitlari (hisobvaragʻi, bank kodi);

d) faoliyat amalga oshiriladigan joy manzili (manzil(lar)i, kadastr raqami), faqat masofaviy (onlayn) taʼlimga asoslangan nodavlat taʼlim xizmatlarini koʻrsatuvchilar bundan mustasno;

e) taʼlim yoʻnalishlari, kurslar va kasblar roʻyxati;

yo) pedagog kadrlar haqida maʼlumot:

familiyasi, ismi, otasining ismi (agar mavjud boʻlsa);

pasport raqami va seriyasi yoki identifikatsiya ID-kartasi raqami;

JSHSHIR;

yashash joyining manzili;

telefon raqami;

maʼlumot toʻgʻrisidagi diplom yoki xorijiy davlatda taʼlim olganlik toʻgʻrisidagi hujjatni tan olish haqidagi guvohnoma raqami va sanasi;

j) oʻquv rejasi va dasturlarining elektron nusxalari;

z) davlat yongʻin nazorati organlari tomonidan mavjud binolar va xonalarning yongʻin xavfsizligi talablariga muvofiqligi toʻgʻrisidagi xulosaning sanasi va raqami, faqat masofaviy (onlayn) taʼlimga asoslangan nodavlat taʼlim xizmatlarini koʻrsatuvchilar bundan mustasno;

i) sanitariya-epidemiologiya xizmati organining sanitariya-gigiyena normalariga muvofiqlik toʻgʻrisidagi xulosasining sanasi va raqami, faqat masofaviy (onlayn) taʼlimga asoslangan nodavlat taʼlim xizmatlarini koʻrsatuvchilar bundan mustasno.

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari):

Bandlik va mehnat munosabatlari vazirligi;

Favqulodda vaziyatlar vazirligi;

Sogʻliqni saqlash vazirligi;

Davlat soliq qoʻmitasi;

Davlat personallashtirish markazi;

Davlat xizmatlari agentligi.

8.

Xabarnomani yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) belgilangan tartibda tasdiqlangan oʻquv rejasi va dasturining mavjudligi;

b) taʼlim faoliyati yuritiladigan binoga (xonalarga) mulk yoki boshqa ashyoviy huquqning mavjudligi (ushbu talab faqat masofaviy (onlayn) taʼlimga asoslangan nodavlat taʼlim xizmatlarini koʻrsatuvchilarga nisbatan tatbiq etilmaydi);

v) quyidagi oʻquv va oʻquv-metodik adabiyotlar hamda axborot-resurs bazasi bilan taʼminlanganligi:

taʼlim oluvchilarning fanlar kesimida oʻquv adabiyotlari (oʻquv qoʻllanmalari) bilan taʼminlanganligi — har 2 nafar taʼlim oluvchiga 1 toʻplam;

taʼlim oluvchilarning tavsiyaviy xususiyatga ega oʻquv adabiyotlari (oʻquv-metodik qoʻllanmalar) bilan taʼminlanganligi — har 6 nafar taʼlim oluvchiga 1 toʻplam;

elektron darslik va boshqa oʻquv materiallari bilan taʼminlanganligi — har bir taʼlim oluvchilarga;

har bir oʻqituvchiga oʻquv qoʻllanmasi va qoʻshimcha adabiyotlar;

g) Taʼlim sifatini nazorat qilish davlat inspeksiyasining axborot tizimiga quyidagi maʼlumotlarni toʻgʻri va ishonchli kiritilishini taʼminlash:

taʼlim tashkiloti toʻgʻrisida;

taʼlim oluvchilar toʻgʻrisida;

pedagog xodimlar toʻgʻrisida;

taʼlim jarayoni toʻgʻrisida;

d) taʼlim oluvchilar bilan oʻzaro munosabatlar shartnoma asosida amalga oshirilishi;*

e) taʼlim oluvchilarning minimal va maksimal soni:

individual (yakka) tarzda;

kichik guruhda — 20 nafargacha;

katta guruhda — 30 nafargacha;

yo) oʻqituvchilarning ilmiy salohiyat darajasi:

institut shakli uchun:

ilmiy darajaga va (yoki) ilmiy unvonga ega boʻlgan oʻqituvchilarning minimal ulushi — 50%;

oliy maʼlumotli oʻqituvchilarning minimal ulushi — 50%;

fakultet (boʻlim, markaz) shakli uchun:

ilmiy darajaga va (yoki) ilmiy unvonga ega boʻlgan oʻqituvchilarning minimal ulushi — 40%;

oliy maʼlumotli oʻqituvchilarning minimal ulushi — 60%;

kurs shakli uchun oʻqituvchilarning tayanch maʼlumoti (mutaxassisligi, ixtisosligi) ular mashgʻulot olib boradigan modullarga muvofiq boʻlishi;

j) asosiy shtatdagi oʻqituvchilar ulushi — 15%;

z) faoliyat amalga oshiriladigan joyning devor yoki panjara bilan oʻralganligi;

tungi yoritgichlar oʻrnatilganligi;

ichimlik suvi va kanalizatsiya bilan taʼminlanganligi;

i) taʼlim tashkilotidagi xonalar hamda har bir taʼlim oluvchi yoki xodimlar uchun ajratiladigan minimal maydon oʻlchami:

dars mashgʻulotlari uchun:

oʻquv auditoriyalari — 20 m²;

umumnazariy va umumtaʼlim laboratoriya xonalari — 25 m²;

texnik va maxsus laboratoriyalar — 30 m²;

alohida kabinalarga ajratilgan fonozallar — 12 m²;

y) oʻquv auditoriyalarida taʼlim faoliyati uchun yaratilgan sharoitlarga qoʻyiladigan minimal talablar:

elektron yoki oddiy doska — 1 dona;

proyektor — 1 dona;

auditoriyaning yoritilish darajasi — 400 lyuks;

k) Oʻzbekiston Respublikasi Bosh davlat sanitar vrachining 2016-yil 6-maydagi 0330-16-son Sanitariya normalari, qoidalari va gigiyena normativlari bilan tasdiqlangan Oliy oʻquv yurtlarini loyihalashtirish, qurish, jihozlash va ulardan foydalanishga qoʻyiladigan gigiyenik talablarga muvofiq boʻlishi;

l) Oʻzbekiston Respublikasi Bosh davlat sanitar vrachining 2009-yil 4-iyundagi 0266-09-son Nogironlar va aholining imkoniyati cheklangan katta yoshdagi va bolalar guruhlari tomonidan foydalaniladigan turar-joy va jamoat binolarini loyihalashtirish va qurishning sanitariya normalari va qoidalariga muvofiq boʻlishi;

m) qayta tayyorlash boʻyicha taʼlim olganlik toʻgʻrisidagi diplom hamda malaka oshirish boʻyicha taʼlim olganlik toʻgʻrisida sertifikat berilishi.

10.

Izoh:

* Qoʻpol ravishda buzish deb hisoblanadigan talab va shartlar.

1.

Xabarnoma nomi:

Avtomototransport vositalari va shahar elektr transporti vositalari haydovchilarining malakasini oshirish faoliyatini boshlaganlik yoki tugatganlik toʻgʻrisida xabarnoma

2.

Xabardor qilish tartibida amalga oshiriladigan faoliyat turlari:

Avtomototransport vositalari va shahar elektr transporti vositalari haydovchilarining malakasini oshirish faoliyati

3.

Xabardor qiluvchi toifasi:

Yuridik shaxs

4.

Xabarnomani qabul qiluvchi vakolatli organ(lar):

Vazirlar Mahkamasi huzuridagi Taʼlim sifatini nazorat qilish davlat inspeksiyasi

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

a) yuridik shaxs nomi va tashkiliy-huquqiy shakli, STIR;

b) pochta hamda elektron pochta manzili;

v) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) bank rekvizitlari (hisob varagʻi, bank kodi);

d) faoliyat amalga oshiriladigan joy manzili (manzil(lar)i, kadastr raqami);

e) oʻqituvchi va amaliy boshqaruv instruktorlari haqida maʼlumot:

familiyasi, ismi, otasining ismi (agar mavjud boʻlsa);

pasport seriyasi va raqami yoki identifikatsiya ID-kartasi raqami;

JSHSHIR;

maʼlumot toʻgʻrisidagi diplom yoki xorijiy davlatda taʼlim olganlik toʻgʻrisidagi hujjatni tan olish haqidagi guvohnoma raqami va sanasi;

qayta tayyorlashdan oʻtganligi toʻgʻrisida diplom (agar mavjud boʻlsa);

yo) oʻquv rejasi va dasturlarining elektron nusxalari;

j) davlat yongʻin nazorati organlari tomonidan mavjud binolar va xonalarning yongʻin xavfsizligi talablariga muvofiqligi toʻgʻrisida berilgan xulosaning sanasi va raqami;

z) davlat sanitariya-epidemiologiya xizmati organining sanitariya-gigiyena normalariga muvofiqlik toʻgʻrisidagi xulosasining sanasi va raqami.

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari):

Bandlik va mehnat munosabatlari vazirligi;

Favqulodda vaziyatlar vazirligi;

Sogʻliqni saqlash vazirligi;

Davlat soliq qoʻmitasi;

Davlat personallashtirish markazi;

Davlat xizmatlari agentligi.

8.

Xabarnomani yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) taʼlim jarayonini tashkil etish uchun oʻquv rejasi va dasturining mavjudligi;

b) taʼlim faoliyati yuritiladigan binoga (xonalarga) mulk yoki boshqa ashyoviy huquqning mavjudligi;

v) har bir taʼlim oluvchining oʻquv qoʻllanma va qoʻshimcha adabiyotlar bilan taʼminlanganligi;

g) Taʼlim sifatini nazorat qilish davlat inspeksiyasining axborot tizimiga quyidagi maʼlumotlar toʻgʻri va ishonchli kiritilishini taʼminlash:*

taʼlim tashkiloti toʻgʻrisida;

taʼlim oluvchilar toʻgʻrisida (har yangi guruh tashkil etilganda yangilab borilishi lozim);

pedagog xodimlar hamda haydovchi-yoʻriqchilar toʻgʻrisida;

taʼlim jarayoni toʻgʻrisida;

d) taʼlim oluvchilar bilan oʻzaro munosabatlar shartnoma asosida amalga oshirilishi;*

e) taʼlim oluvchilarning maksimal soni guruhda — 25 nafargacha;

yo) pedagog xodimlarning minimal soni:

avtotransport mutaxassisligi boʻyicha oliy maʼlumotga ega oʻqituvchilar soni — 25 nafar taʼlim oluvchiga 1 shtat birligi;

shoshilinch tibbiy yordam koʻrsatish yoki tibbiyot ixtisosligi boʻyicha oliy yoki oʻrta maxsus maʼlumotga ega yoʻriqchilar (paramediklar) soni — 1 nafar;

j) taʼlim tashkiloti va uning hududi uchun talablar:

tungi yoritgichlar oʻrnatilganligi;

ichimlik suv va kanalizatsiya bilan taʼminlanganligi;

hojatxona

har biri kamida 40 m² maydonga ega boʻlgan va bitta hududda joylashgan kamida ikkita xonaning (auditoriya) mavjudligi;

yoʻl harakati qoidalari, yoʻl harakati xavfsizligi asoslari va birinchi yordam koʻrsatish boʻyicha xonaning mavjudligi;

taʼlim oluvchilarning bilimlarini yakuniy test sinovlaridan oʻtkazish uchun kamida 10 dona kompyuter texnikasi bilan jihozlangan alohida xonaning mavjudligi;

z) kompyuter texnikalari Internet jahon axborot tarmogʻiga ulanganligi yoki hududda Wi-Fi zonalar tashkil etilganligi;

i) oʻquv auditoriyalarida taʼlim faoliyati uchun yaratilgan sharoitlarga qoʻyiladigan minimal talablar:

oʻlchami 1500x1000 mm, 1500x2000 mm yoki 2500x2000 mm boʻlgan elektron yoki oddiy doska — 1 dona;

proyektor yoki ekran oʻlchami kamida 43 duym boʻlgan televizor — 1 dona;

auditoriyaning yoritilish darajasi — 400 lyuks;

y) Oʻzbekiston Respublikasi Bosh davlat sanitar vrachining 2009-yil 4-iyundagi 0266-09-son Nogironlar va aholining imkoniyati cheklangan katta yoshdagi va bolalar guruhlari tomonidan foydalaniladigan turar-joy va jamoat binolarini loyihalashtirish va qurishning sanitariya normalari va qoidalariga muvofiq boʻlishi;

k) avtotransport vositalari haydovchilarining malaka oshirgani toʻgʻrisida sertifikat berilishi.

10.

Izoh:

* Qoʻpol ravishda buzish deb hisoblanadigan talab va shartlar

1.

Xabarnoma nomi:

Yongʻinni avtomatik tarzda oʻchirish va yongʻin signalizatsiyasi qurilmalarini montaj qilish, sozlash, taʼmirlash hamda ularga texnik xizmat koʻrsatish faoliyatini boshlaganlik yoki tugatganlik haqida xabarnoma

2.

Xabardor qilish tartibida amalga oshiriladigan faoliyat turlari:

Yongʻinni avtomatik tarzda oʻchirish va yongʻin signalizatsiyasi qurilmalarini montaj qilish, sozlash, taʼmirlash hamda ularga texnik xizmat koʻrsatish

3.

Xabardor qiluvchi toifasi:

Yuridik shaxs

4.

Xabarnomani qabul qiluvchi vakolatli organ(lar):

Oʻzbekiston Respublikasi Favqulodda vaziyatlar vazirligi

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

a) yuridik shaxs nomi va tashkiliy-huquqiy shakli, STIR;

b) pochta hamda elektron pochta manzili;

v) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) bank rekvizitlari (hisobvaragʻi, bank kodi);

d) faoliyat amalga oshiriladigan joy manzili (manzillari, kadastr raqami);

e) faoliyat bilan shugʻullanuvchi shaxsning (rahbarning) tegishli yoʻnalish boʻyicha oliy maʼlumotga, “muhandislik” yoʻnalishi boʻyicha kamida uch yil ish staji va maxsus tayyorgarlikka ega boʻlganligi toʻgʻrisida maʼlumotlar:

familiyasi, ismi, otasining ismi (agar mavjud boʻlsa);

pasport raqami, seriyasi yoki identifikatsiya ID-kartasi raqami;

JSHSHIR;

telefon raqami;

maʼlumot toʻgʻrisidagi diplom yoki xorijiy davlatda taʼlim olganlik haqidagi hujjatni tan olish toʻgʻrisidagi guvohnoma raqami va sanasi;

ishlar rahbarining tegishli ixtisoslik boʻyicha maxsus tayyorgarlikdan oʻtgani yoki malaka oshirganligi toʻgʻrisidagi hujjatning (sertifikat, guvohnoma va boshqa) PDF yoki JPEG formatdagi nusxasi;

yo) faoliyat bilan shugʻullanuvchi ish bajaruvchilarning maʼlumoti:

familiyasi, ismi, otasining ismi (agar mavjud boʻlsa);

pasport raqami, seriyasi yoki identifikatsiya ID-kartasi raqami;

JSHSHIR;

telefon raqami;

maʼlumot toʻgʻrisidagi diplom yoki xorijiy davlatda taʼlim olganlik haqidagi hujjatni tan olish toʻgʻrisidagi guvohnoma raqami va sanasi

ish bajaruvchilarning tegishli ixtisoslik boʻyicha maxsus tayyorgarlikdan oʻtgani yoki malaka oshirganligi toʻgʻrisidagi hujjatning (sertifikat, guvohnoma va boshqa) PDF yoki JPEG formatdagi nusxasi (kamida 2 nafar xodimning maʼlumotlari kiritiladi).

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari):

Oliy va oʻrta maxsus taʼlim vazirligi;

Bandlik va mehnat munosabatlari vazirligi;

Davlat soliq qoʻmitasi;

Davlat xizmatlari agentligi.

8.

Xabarnomani yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) yuridik shaxsning doimiy shtatida elektronika va asbobsozlik, informatika va axborot texnologiyalari va elektrotexnika sohasida “muhandislik” yoʻnalishi boʻyicha oliy maʼlumotga, shuningdek, ushbu yoʻnalishlar boʻyicha kamida uch yil ish stajiga hamda yongʻinni avtomatik tarzda oʻchirish va yongʻin signalizatsiyasi qurilmalarini montaj qilish, sozlash, taʼmirlash va ularga texnik xizmat koʻrsatish yoʻnalishlari boʻyicha maxsus tayyorgarlikka ega boʻlgan ishlar rahbarining mavjud boʻlishi;

b) ishlar rahbari tegishli ixtisoslik boʻyicha har toʻrt yilda kamida bir marotaba maxsus tayyorgarlikdan oʻtib malakasini oshirishi va buni tasdiqlovchi tegishli hujjatga ega boʻlishi;

v) yongʻinni avtomatik tarzda oʻchirish va yongʻin signalizatsiyasi qurilmalarini montaj qilish yuzasidan topshirilgan obyektlar hisobini (reyestrini) olib borish va ularni ishlatishning butun davrida loyihalarning va boshqa hujjatlarning (yoki ularning nusxalarining) saqlanishini taʼminlashi;*

g) ish bajaruvchilar quyidagi tegishli malaka, kasb-hunar, texnik maʼlumot(ga) yoki yoʻnalish boʻyicha maxsus kurslarni tugatganligi toʻgʻrisida sertifikatga ega boʻlishlari shart**:

yongʻinni avtomatik tarzda oʻchirish, montaj qilish, sozlash, taʼmirlash hamda ularga texnik xizmat koʻrsatish yoʻnalishi boʻyicha — qoʻlda elektr payvandlovchi (gaz bilan payvandlovchi) yoki sanitariya-texnik uskunalarni montaj qiluvchi 4-razryaddan past boʻlmasligi;

yongʻin signalizatsiyasi qurilmalarini montaj qilish, sozlash, taʼmirlash hamda ularga texnik xizmat koʻrsatish yoʻnalishi boʻyicha — elektronika va elektrotexnika sohasida 3-razryaddan past boʻlmasligi;

d) yuridik shaxs doimiy shtatida boʻlgan yoki ayrim ishlarni bajarish uchun oʻzaro shartnoma tuzish orqali jalb etilayotgan subpudrat tashkiloti mutaxassisning tegishli kasb-hunar yoki texnik maʼlumoti va malakasi boʻyicha razryadini koʻrsatib oʻtishi;

e) xabardor qilish tartibidagi faoliyatni amalga oshirish uchun quyidagi moddiy-texnik baza, asbob-uskunalar va boshqa texnik vositalarning mavjud boʻlishi:**

kombinatsiyalashtirilgan pribor (qurilma markasi koʻrsatilsin).

megommetr (qurilma markasi koʻrsatilsin);

shumomer (qurilma markasi koʻrsatilsin);

elektr kavsharlagich (elektropayalnik);

elektr perforator;

elektr pirmadasta (elektrodrel);

chilangar asboblari toʻplami;

elektr montaj asboblari toʻplami;

montaj qiluvchining kaskasi;

montaj qiluvchining belbogʻi;

narvon;

ikki yoqqa ochiladigan narvon;

kompressor (yongʻinni avtomatik tarzda oʻchirish faoliyati uchun tatbiq etiladi);

loyiha-smeta hujjatlarini saqlash uchun seyf;

20 kv.m.dan kam boʻlmagan xizmat xonasi;

20 kv.m.dan kam boʻlmagan asbob-uskunalarni va texnik vositalarni saqlash uchun xona yoki maxsus ajratilgan joy.

Bunda oʻlchash vositalari metrologik tekshiruv (qiyoslash) natijalari boʻyicha muvofiqlik sertifikatiga ega boʻlishi hamda ushbu sertifikat muddatlari amalda boʻlishi lozim;

yo) xabardor qiluvchi tomonidan yongʻinni avtomatik tarzda oʻchirish va yongʻin signalizatsiyasi qurilmalarini montaj qilish, sozlash, taʼmirlash va ularga texnik xizmat koʻrsatish faoliyati turi bilan shugʻullanishda, xabardor qilish sohasidagi qonunchilik hujjatlariga, normativ hujjatlar va standartlar talablariga rioya etishi va quyidagi texnik hujjatlarning mavjud boʻlishi:

RDPB 01-001:2007 “Avtomatik yongʻin oʻchirish qurilmalari. Oʻrnatish talablari. Ishlarni bajarish va qabul qilish qoidalari”;

RDPB 01-002:2007 “Yongʻindan darak berish qurilmalari. Oʻrnatish talablari. Ishlarni bajarish va qabul qilish qoidalari”;

RDPB 01-003:2008 “Yongʻin avtomatikasi qurilmalari. Texnik xizmat koʻrsatish va rejali- ogohlantiruvchi taʼmirlash ishlari”;

RDPB 01-004:2010 “Yongʻin oʻchirish qurilmasining, yongʻin va qoʻriqlash xabar joylarining grafik shartli belgilanishi”;

SHNK 2.04.09-2007 “Bino va inshootlarning yongʻin avtomatikasi”;

j) ishlarni bajarish vaqtida ishlatiladigan mahsulotlar va materiallar loyihaning oʻziga xos xususiyatlariga, davlat standartlariga, texnik shartlarga muvofiq hamda tegishli sertifikatlarga va texnik pasportlarga ega boʻlishi;

z) xabardor qiluvchi tomonidan obyektlarda oʻrnatilgan yongʻinni avtomatik tarzda oʻchirish, yongʻin signalizatsiya qurilmalari toʻgʻrisidagi axborotlarning, shuningdek, obyektni qoʻriqlash va uning xavfsizligini taʼminlash tizimi toʻgʻrisida xabardor qilish faoliyatini amalga oshirish jarayonida maʼlum boʻlib qolgan boshqa maʼlumotlarni muhofaza qilishga yoʻnaltirilgan chora-tadbirlarning koʻrilishi;

i) qurilmalarni montaj qilish jarayonida buyurtmachi va Davlat yongʻin nazorati organlari bilan kelishmasdan, loyihaviy yechimlar yoki koʻrik dalolatnomasidan chetga chiqish man etiladi;

y) yongʻinni avtomatik tarzda oʻchirish va yongʻin signalizatsiyasi qurilmalarining texnik vositalarini montaj qilish, sozlash, taʼmirlash hamda ularga texnik xizmat koʻrsatish ishlari jarayonida ushbu sohada mavjud boʻlgan koʻrsatma va normativ hujjatlarda belgilangan talablarga rioya etish, shu bilan birga ishlab chiqarish hujjatlarini tuzish va olib borish.

10.

Izoh:

* Qoʻpol ravishda buzish deb hisoblanadigan talab va shartlar.

** Montaj qilish, sozlash, taʼmirlash va texnik xizmat koʻrsatish ishlarini bajaruvchilar, yuridik shaxsning doimiy shtatda boʻlishi, shu jumladan, oʻzaro shartnoma tuzgan holda mutaxassislarni yoki subpudrat tashkilotlarini jalb etishi mumkin.

1.

Xabarnoma nomi:

Qoʻriqlash texnik vositalari va tizimlarini montaj qilish, sozlash, taʼmirlash hamda ularga texnik xizmat koʻrsatish faoliyatini boshlaganlik yoki tugatganlik toʻgʻrisida xabarnoma

2.

Xabardor qilish tartibida amalga oshiriladigan faoliyat turi:

Qoʻriqlash texnik vositalari va tizimlarini montaj qilish, sozlash, taʼmirlash hamda ularga texnik xizmat koʻrsatish faoliyati yoki uning bir qismi

3.

Xabardor qiluvchi toifasi:

Yuridik shaxs

4.

Xabarnomani qabul qiluvchi organ:

Oʻzbekiston Respublikasi Milliy gvardiyasi

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

a) yuridik shaxs nomi va tashkiliy-huquqiy shakli, STIR;

b) pochta hamda elektron pochta manzili;

v) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) bank rekvizitlari (hisobvaragʻi, bank kodi);

d) faoliyat amalga oshiriladigan joy manzili (manzillari, kadastr raqami);

e) faoliyat bilan shugʻullanuvchi shaxsning (rahbarning) elektronika va elektrotexnika sohasida “muhandislik” yoʻnalishi boʻyicha oliy maʼlumotga shuningdek tegishli ixtisoslik, signalizatsiya qurilmalarini montaj qilish, sozlash, taʼmirlash va ularga texnik xizmat koʻrsatish yoʻnalishlari boʻyicha kamida uch yil ish staji va maxsus tayyorgarlikka ega boʻlganligi toʻgʻrisidagi maʼlumotlar:

familiyasi, ismi, otasining ismi (agar mavjud boʻlsa);

pasport raqami va seriyasi yoki identifikatsiya ID-kartasi raqami;

JSHSHIR;

telefon raqami;

maʼlumot toʻgʻrisidagi diplom yoki xorijiy davlatda taʼlim olganlik toʻgʻrisidagi hujjatni tan olish haqidagi guvohnoma raqami va sanasi;

sertifikatlar va malaka toifasi berilganligi toʻgʻrisidagi boshqa hujjatlar (agar mavjud boʻlsa PDF formatda yuklanadi);

yo) faoliyat bilan shugʻullanuvchi ish bajaruvchilarning maʼlumoti:

familiyasi, ismi, otasining ismi (agar mavjud boʻlsa);

pasport raqami va seriyasi yoki identifikatsiya ID-kartasi raqami;

JSHSHIR;

telefon raqami;

maʼlumot toʻgʻrisidagi diplom yoki xorijiy davlatda taʼlim olganlik toʻgʻrisidagi hujjatni tan olish haqidagi guvohnoma raqami va sanasi;

sertifikatlar va malaka toifasi berilganligi toʻgʻrisidagi boshqa hujjatlar (agar mavjud boʻlsa PDF formatda yuklanadi).

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari:

Oliy va oʻrta maxsus taʼlim vazirligi;

Bandlik va mehnat munosabatlari vazirligi;

Davlat soliq qoʻmitasi;

Davlat xizmatlari agentligi.

8.

Xabarnomani yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) yuridik shaxsning doimiy shtatida elektronika va elektrotexnika sohasida “muhandislik” yoʻnalishi boʻyicha oliy maʼlumotga ega boʻlgan ishlar rahbarining mavjud boʻlishi;

b) montaj qilish, sozlash, taʼmirlash va texnik xizmat koʻrsatish ishlarini bajaruvchilar, yuridik shaxs doimiy shtatda boʻlishi, shu jumladan, oʻzaro shartnoma tuzgan holda mutaxassislarni yoki subpudrat tashkilotlarni jalb etishi mumkin;

v) ishlar rahbarining tegishli ixtisoslik boʻyicha har toʻrt yilda kamida bir marotaba maxsus tayyorgarlikdan oʻtib malakasini oshirish;

g) ish bajaruvchilar quyidagi tegishli kasb-hunar, texnik maʼlumotga yoki yoʻnalish boʻyicha maxsus kurslar sertifikatiga ega boʻlishlari shart:

qoʻlda elektr payvandlovchi (gaz bilan payvandlovchi) yoki sanitariya-texnik uskunalarni montaj qiluvchi 4-razryaddan past boʻlmagan;

elektronika va elektrotexnika sohasida 3-razryaddan past boʻlmagan;

d) yuridik shaxs doimiy shtatida boʻlgan yoki ayrim ishlarni bajarish uchun oʻzaro shartnoma tuzish orqali jalb etilayotgan subpudrat tashkilot mutaxassisning tegishli kasb-hunar yoki texnik maʼlumoti va malakasi boʻyicha razryadini koʻrsatib oʻtishi;

e) xabardor qiluvchida xabardor etish faoliyatini amalga oshirish uchun quyidagi moddiy-texnik baza, asbob-uskunalar va boshqa texnik vositalarning mavjud boʻlishi:

kombinatsiyalashtirilgan pribor (qurilma markasi koʻrsatilsin);

megommetr (qurilma markasi koʻrsatilsin);

shumomer (qurilma markasi koʻrsatilsin);

elektr kavsharlagich (elektropayalnik);

elektr perforator;

elektr pirmadasta (elektrodrel);

chilangar asboblari toʻplami;

elektr montaj asboblari toʻplami;

montaj qiluvchining kaskasi;

montaj qiluvchining belbogʻi;

narvon;

loyiha smeta hujjatlarini saqlash uchun seyf;

20 kv.m.dan kam boʻlmagan xizmat xonasi;

20 kv.m.dan kam boʻlmagan asbob-uskunalarni va texnik vositalarni saqlash uchun xona yoki maxsus ajratilgan joy.

Bunda oʻlchash vositalari metrologik tekshiruv (qiyoslash) natijalari boʻyicha muvofiqlik sertifikatlariga ega boʻlishi hamda ushbu sertifikat muddatlari amalda boʻlishi;

yo) qoʻriqlash texnik vositalari va tizimlarini montaj qilish, sozlash, taʼmirlash va ularga texnik xizmat koʻrsatish faoliyati turi bilan shugʻullanishda xabardor qilish sohasidagi qonunchilik hujjatlariga, standartlar talablariga rioya etishi va quyidagi texnik hujjatlarning mavjud boʻlishi:

RDPB 01-004:2010 “Yongʻin oʻchirish qurilmasining, yongʻin va qoʻriqlash xabargoxlarining grafik shartli belgilanishi”;

SHNK 2.04.09-2007 “Bino va inshootlarning yongʻin avtomatikasi” va boshqa shu sohadagi normativ hujjatlar;

j) qoʻriqlash texnik vositalari va tizimlarini montaj qilish yuzasidan topshirilgan obyektlarni hisobini (reyestrini) olib borish va ularni ishlatishning butun davrida loyihalarning va boshqa hujjatlarning (yoki ularning nusxalarining) saqlanishini taʼminlash;*

z) ishlarni bajarish vaqtida ishlatiladigan mahsulotlar va materiallar loyihaning oʻziga xos xususiyatlariga, davlat standartlariga, texnik shartlarga muvofiq boʻlishi va tegishli sertifikatlarga, texnik pasportlarga va ularning sifatini tasdiqlovchi boshqa hujjatlariga ega boʻlishi;

i) obyektlarda oʻrnatilgan qoʻriqlash texnik vositalari va tizimlari toʻgʻrisidagi axborotlarning, shuningdek, obyektda ishlarni bajarish jarayonida maʼlum boʻlib qolgan boshqa maʼlumotlarni muhofaza qilishga yoʻnaltirilgan chora-tadbirlarning koʻrilishi zarur;

y) qurilmalarni montaj qilish jarayonida buyurtmachi va qoʻriqlash boʻlinmalari bilan kelishmasdan loyihaviy yechimlar yoki koʻrik dalolatnomasidan chetga chiqish man etiladi;

k) qoʻriqlash texnik vositalari va tizimlarini montaj qilish, sozlash, taʼmirlash hamda ularga texnik xizmat koʻrsatish ishlari jarayonida ushbu sohada mavjud boʻlgan qonunchilik hujjatlarida belgilangan talablarga rioya etish, shu bilan birga ishlab chiqarish hujjatlarini tuzish va olib borish.

10.

Izoh:

* Qoʻpol ravishda buzish deb hisoblanadigan talab va shartlar.

1.

Xabarnoma nomi:

Umumiy ovqatlanish korxonalari tomonidan alkogol mahsulotlarini sotish faoliyatini boshlaganlik yoki tugatganlik toʻgʻrisida xabarnoma

2.

Xabardor qilish tartibida amalga oshiriladigan faoliyat turlari:

Umumiy ovqatlanish korxonalari tomonidan alkogol mahsulotlarini sotish

3.

Xabardor qiluvchitoifasi:

Yuridik shaxs

4.

Xabarnomani qabul qiluvchi organ(lar):

Tuman (shahar) davlat soliq inspeksiyalari

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

a) yuridik shaxs nomi va tashkiliy-huquqiy shakli, STIR;

b) pochta hamda elektron pochta manzili;

v) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) bank rekvizitlari (hisobvaragʻi, bank kodi);

d) faoliyat amalga oshiriladigan joy manzili va kadastr raqami.

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari):

Davlat soliq qoʻmitasi;

Davlat soliq qoʻmitasi huzuridagi Kadastr agentligi;

Davlat xizmatlari agentligi.

8.

Xabarnomani yuborish uchun toʻlanadigan yigʻim miqdori:

Yigʻim undirilmaydi

9.

Xabardor qilish tartibida amalga oshiriladigan faoliyatning talablari va shartlari:

a) taʼlim, sport va diniy muassasalar hududlarida, jamoat transporti bekatlarida, davolash-profilaktika va sport-sogʻlomlashtirish muassasalari hududida, ushbu muassasalar va ishlab chiqarish korxonalari oshxonalarida joylashmagan boʻlishi;*

b) qonunchilik hujjatlarida nazarda tutilgan hollarda onlayn nazorat-kassa mashinalari yoki virtual kassa va bank plastik kartochkalaridan toʻlovlarni qabul qilish boʻyicha hisob-kitob terminallari bilan jihozlangan boʻlishi;*

v) elektron hisob-fakturadan majburiy tartibda foydalanishi shart;

g) “Alkogol va tamaki mahsulotlarining tarqatilishi hamda isteʼmol qilinishini cheklash toʻgʻrisida”gi Oʻzbekiston Respublikasining Qonuni hamda Vazirlar Mahkamasining 2003-yil 13-fevraldagi 75-son qarori bilan tasdiqlangan Oʻzbekiston Respublikasida umumiy ovqatlanish mahsulotlarini (xizmatlarini) ishlab chiqarish va sotish qoidalari talablariga qatʼiy rioya qilish;

d) alkogol mahsulotlari sotiladigan joylarda ularning yigirma yoshga toʻlmagan shaxslarga sotilishiga yoʻl qoʻyilmasligi, shuningdek alkogol mahsulotlarining inson sogʻligʻiga zararli taʼsiri toʻgʻrisida ogohlantiruvchi yozuvlar joylashtirilgan boʻlishi;*

e) alkogol mahsulotlarini qonunchilik hujjatlarida belgilangan eng kam chakana narxlardan past narxlarda sotmaslik;

yo) belgilangan namunadagi aksiz markalari bilan markalangan (pivodan tashqari) alkogol mahsulotlari sotish.*

10.

Izoh:

Umumiy ovqatlanish korxonalari tomonidan alkogol mahsulotlarini sotish faoliyatini boshlaganlik haqida xabarnoma har bir savdo obyekti uchun alohida yuboriladi.

Alogol mahsulotlarini sotish huquqi uchun yigʻim alkogol mahsulotlarini sotish boshlanganligi toʻgʻrisida xabarnoma yuborilgan vaqtdan boshlab toʻlanadi. Bunda xabarnoma oyning yigirmanchi sanasigacha yuborilganda yigʻim joriy oy uchun toʻliq hajmda, xabarnoma oyning yigirmanchi sanasidan keyin yuborilganda keyingi oyning birinchi sanasidan boshlab hisoblanadi.

Umumiy ovqatlanish korxonalari tomonidan alkogol mahsulotlarini sotish toʻxtatilganda yoki tugatilganda, yigʻim hisoblanishi keyingi oyning birinchi sanasidan boshlab toʻxtatiladi.

Alkogol mahsulotlarini sotish huquqi uchun yigʻim har oyda oldindan toʻlov shaklida joriy oyning oʻninchi sanasiga qadar toʻlanishi lozim.

* Qoʻpol ravishda buzish deb hisoblanadigan talab va shartlar.

1.

Xabarnoma nomi:

Avtomototransport vositasi konstruksiyasini va (yoki) uning bir qismini oʻzgartirish bilan bogʻliq faoliyatni boshlaganlik yoki tugatganlik haqida xabarnoma

2.

Xabardor qilish tartibida amalga oshiriladigan faoliyat turi:

Avtomototransport vositasi konstruksiyasini va (yoki) uning qismini oʻzgartirish bilan bogʻliq faoliyat

3.

Xabardor qiluvchi toifasi:

Yuridik shaxs va yakka tartibdagi tadbirkor

4.

Xabarnomani qabul qiluvchi vakolatli organ(lar):

Oʻzbekiston Respublikasi Ichki ishlar vazirligining Yoʻl harakati xavfsizligi bosh boshqarmasi

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

Yakka tartibdagi tadbirkorlar uchun:

a) YTTning:

familiyasi, ismi, otasining ismi (agar mavjud boʻlsa);

pasport seriyasi va raqami yoki identifikatsiya ID-kartasi raqami;

JSHSHIR;

b) yashash manzili hamda elektron pochta manzili;

v) mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) bank rekvizitlari (hisobvaragʻi, bank kodi);

d) faoliyatni amalga oshirish manzil(lar)i;

e) avtomototransport vositasini qayta jihozlash faoliyatining turi;

Yuridik shaxslar uchun:

yo) yuridik shaxs nomi va tashkiliy-huquqiy shakli, STIR;

j) pochta hamda elektron pochta manzili;

z) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

i) bank rekvizitlari (hisobvaragʻi, bank kodi);

y) faoliyat amalga oshiriladigan joy manzil(lar)i;

k) avtomototransport vositasini qayta jihozlash faoliyatining turi;

Yakka tartibdagi tadbirkorlar va yuridik shaxslar uchun:

l) tashkilot standartining (Ts) elektron nusxasi;

m) namunalarning yoʻl harakati xavfsizligi sohasida texnik jihatdan tartibga solish sohasidagi normativ hujjatlar talablariga muvofiqligi yuzasidan oʻtkazilgan qabul-sinov dalolatnomasi raqami va sanasi;

n) avtortransport vositalariga gaz balloni jihozlarini oʻrnatish boʻyicha xizmatlar koʻrsatuvchi tadbirkorlik subyekti avtotransport vositasining alohida modellari konstruksiyasining texnik loyihasi elektron nusxasi;

o) Sanoat xavfsizligi davlat qoʻmitasi tomonidan berilgan ballonlarni texnik shahodat sinovidan oʻtkazish huquqini beruvchi ruxsatnomaning raqami va sanasi;

p) Texnik jihatdan tartibga solish agentligi tomonidan berilgan gaz balloni uskunalari ulanmalarining germetikligi va ishonchliligini sinovdan oʻtkazish boʻyicha laboratoriyaning akkreditatsiya guvohnomasining raqami va sanasi.

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari):

Davlat soliq qoʻmitasi;

Sanoat xavfsizligi davlat qoʻmitasi;

Davlat xizmatlari agentligi;

Texnik jihatdan tartibga solish agentligi.

8.

Xabarnomani yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) tashkilot standarti (Ts) talablariga, ekologiya sohasidagi normativ-huquqiy hujjatlar, sanitariya qoidalari, normalari va gigiyena normativlari talablariga majburiy rioya qilish;

b) tegishli harakatni va (yoki) belgilangan faoliyatni bajarish yoki amalga oshirish uchun ishlab chiqarish-texnik bazaning (binolar, inshootlar, ishlab chiqarish maydonlari va yer uchastkalari, texnologik jihozlar, tayyorgarlikdan oʻtgan xodimlar) mavjud boʻlishi;

v) yongʻin xavfsizligiga, avtotransport vositasining saqlanishiga, texnika xavfsizligiga rioya qilishga oid talablarni bajarish;*

g) faqat tegishli hujjatlari (egasining shaxsini tasdiqlovchi hujjat, taqdim etilgan avtomototransport vositasining roʻyxatdan oʻtganligi toʻgʻrisida guvohnoma yoki avtomototransport vositasi mazkur shaxsga tegishli ekanligini tasdiqlovchi boshqa hujjat) mavjud boʻlgan avtomototransport vositasi egalariga xizmat koʻrsatish;*

d) xabarnoma yuborishda koʻrsatilgan doirada tegishli harakatni bajarish va (yoki) belgilangan faoliyatni amalga oshirish;

e) faoliyatni amalga oshirishda sanoat xavfsizligi qoidalariga rioya etish.

10.

Izoh:

* Qoʻpol ravishda buzish deb hisoblanadigan talab va shartlar.

1.

Xabarnoma nomi:

Avtovokzalning (avtostansiyaning) faoliyatini boshlaganligi yoki tugatganligi haqida xabarnoma

2.

Xabardor qilish tartibida amalga oshiriladigan faoliyat turi:

Avtovokzalning (avtostansiyaning) faoliyatini amalga oshirish

3.

Xabardor qiluvchi toifasi:

Yuridik shaxs

4.

Xabarnoma qabul qiluvchi organ:

Qoraqalpogʻiston Respublikasi Transport vazirligi, viloyatlar va Toshkent shahar transport boshqarmalari

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab qilinadigan maʼlumotlar:

a) yuridik shaxs nomi va tashkiliy-huquqiy shakli, STIR;

b) pochta hamda elektron pochta manzili;

v) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) yuridik shaxs rahbarining shaxsini tasdiqlovchi hujjat maʼlumotlari:

pasport raqami va seriyasi yoki identifikatsiya ID-kartasi raqami;

JSHSHIR;

d) bank rekvizitlari (hisobvaragʻi, bank kodi);

e) faoliyat amalga oshiriladigan joy manzili va kadastr raqami;

yo) faoliyat toifasiga oid quyidagi maʼlumotlar:

bir vaqtning oʻzida yoʻlovchi sigʻimi;

bir sutkadagi joʻnatishlar soni;

yoʻlovchilar uchun kutish zali sigʻimi;

sanitariya-gigiyena xonalari soni;

chiptaxonalar (kassalar) soni.

turgʻun metall detektorlar soni;

qoʻl metall detektorlar soni;

videokuzatuv kameralari soni.

Xalqaro yoʻnalishlarda yoʻlovchilarni tashishga xizmat koʻrsatishda qoʻshimcha ravishda quyidagi maʼlumotlar koʻrsatiladi:

j) haydovchilarni tibbiy koʻrikdan oʻtkazishga masʼul boʻlgan xodim toʻgʻrisida maʼlumot:

pasport seriyasi va raqami yoki identifikatsiya ID-kartasi raqami;

JSHSHIR;

diplomi raqami va sanasi.

z) avtotransport vositalarining texnik holatini koʻrikdan oʻtkazishga masʼul boʻlgan shaxs toʻgʻrisida maʼlumot:

pasport seriyasi va raqami yoki identifikatsiya ID-kartasi raqami;

JSHSHIR;

diplomi raqami va sanasi.

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari:

Ichki ishlar vazirligi;

Bandlik va mehnat munosabatlari vazirligi;

Davlat soliq qoʻmitasi;

Davlat statistika qoʻmitasi;

Davlat soliq qoʻmitasi huzuridagi Kadastr agentligi.

8.

Xabarnoma yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) xabarnomada nazarda tutilgan yoʻlovchilarning aynan bir vaqtdagi sigʻimi, avtotransport vositalarini bir sutkada joʻnab ketishi sonini taʼminlash;

b) avtovokzal (avtostansiya)ning binosida quyidagilarning mavjud boʻlishi:

haydovchilar uzoq vaqt dam olish xonasi;

ona va bola xonasi;

haydovchilarni tibbiy koʻrikdan oʻtkazish xonasi (xalqaro yoʻnalishlarda yoʻlovchilarni tashishga xizmat koʻrsatishda);*

sanitariya-gigiyena va madaniy-maishiy xona;

chiptaxonalar (kassalar);

v) yoʻlovchilar uchun kutish zallarida, chipta kassalarida hamda yoʻlovchilar koʻp toʻplanadigan boshqa joylarda videokuzatuv kameralarining oʻrnatilganligi, avtovokzal (avtostansiya) perimetri boʻyicha toʻsiqlarning, avtovokzal (avtostansiya)ga kirish-chiqish joylarida shlagbaumlarning mavjudligi;

g) avtovokzalga kirish joylarida yoʻlovchilarni va ularning bagajini tekshirish uchun turgʻun metall detektorlar bilan jihozlangan tekshirish postlarining mavjudligi.

d) xalqaro yoʻnalishlarda yoʻlovchilarni tashishga xizmat koʻrsatishda reysga chiqishdan oldin avtotransport vositalarini texnik koʻrikdan oʻtkazish va haydovchilarning tibbiy koʻrigi boʻyicha talablarni bajarish.*

10.

Izoh:

* Qoʻpol ravishda buzish deb hisoblanadigan talab va shartlar.

1.

Xabarnoma nomi:

Noshirlik faoliyatini boshlaganlik yoki tugatganlik haqida xabarnoma

2.

Xabardor qilish tartibida amalga oshiriladigan faoliyat turlari:

a) ijtimoiy-siyosiy nashrlar — ijtimoiy-siyosiy mavzular, tashviqot va targʻibot xususiyatiga ega boʻlgan asarni oʻz ichiga olgan va keng kitobxonlar ommasiga moʻljallangan nashr;

b) adabiy-badiiy nashrlar — badiiy adabiyotlar muallif tomonidan uylab topilgan syujet va qahramonlarga ega boʻlgan barcha asarlarni nazarda tutadi. Badiiy adabiyot romanlar, qissalar, hikoyalar, novellalar, pyesalar, adabiy toʻplamlar, antologiyalar, almanaxlar;

v) bolalar va oʻsmirlar nashrlari — bolalar va yoshlar uchun moʻljallangan badiiy adabiyotlar, yosh va oʻrta yoshli bolalar va oʻsmirlar uchun yozilgan asarlar, shuningdek, mumtoz adabiyot asarlarini qayta ishlash va qisqartirishni oʻz ichiga olgan nashrlar;

g) maʼnaviy-maʼrifiy nashrlar — insonning barkamol shaxs sifatida voyaga yetishida muhim omil boʻlib xizmat qiladigan muayyan ijtimoiy muhit, jamiyat va tuzumlar, davlatlar ularning taraqqiyot bosqichlari, boshqaruv uslublari, ijtimoiy axloq meʼyorlarini tadqiq va targʻib etishga, asoslashga yoʻnaltirilgan asarlar majmui;

d) ilmiy nashrlar — ilmiy tadqiqotlar yoki nazariy umumlashmalar natijasida yaratilgan va eng yangi ilmiy yutuqlar, tadqiqotlarning borishi hamda natijalari haqida mutaxassislarga maʼlumot berish maqsadida tarqatiladigan yozma va bosma asarlar majmui (ilmiy fundamental tadqiqotlar, ilmiy asarlar, monografiyalar, dissertatsiyalar, referatlar);

e) ilmiy-ommabop nashrlar — adabiyot, ilm-fan va ilmiy kashfiyotlarni keng omma uchun qulay boʻlgan tilda tasvirlaydigan kitoblar majmui;

yo) oʻquv adabiyotlarini nashr etish — muayyan taʼlim tizimi uchun oʻqitish yoki kadrlarni qayta tayyorlash, muayyan taʼlim muassasasi uchun yoki oʻz-oʻzini tarbiyalash vositasi sifatida yaratilgan adabiyotlar (oʻquv qoʻllanmalari, darsliklar, uslubiy qoʻllanmalar, koʻrgazmali qoʻllanmalar, xrestomatiyalar, misol-masalalar toʻplamlari, praktikumlar, ish daftarlari, oʻquv dasturlari);

j) ensiklopedik (maʼlumotnoma) nashrlar — turli xil axborotlarni (ilmiy, amaliy va boshqalar) olishga moʻljallangan nashrlar. Ilmiy yoki amaliy xususiyatga ega boʻlgan qisqacha maʼlumotlarni oʻz ichiga olgan, tezkor qidirish uchun qulay tartibda joylashtirilgan va uzluksiz oʻqish uchun moʻljallanmagan nashr;

z) rasmiy nashrlar — normativ yoki koʻrsatma tariqasidagi materiallarni oʻz ichiga olgan va davlat organlari, muassasalar, idoralar yoki jamoat tashkilotlari nomidan eʼlon qilingan nashrlar (qonunlar, farmonlar, qarorlar va boshqalar);

i) diniy nashrlar — maʼlum bir dinning falsafasi, tarixi haqidagi va uning axloqiy taʼlimotlarga mos keladigan aqidaviy (kanonik) adabiyotlar, aqidaviy matnlardagi syujetlar va timsollar asosida yaratilgan turli janr va yoʻnalishlardagi nashrlar;

y) axborot-reklama nashrlari — bukletlar, yoʻl koʻrsatkichlari, reklama materiallaridan iborat boʻlib, mahsulot, xizmat va hodisalar haqidagi maʼlumotlarni oʻz ichiga olgan, ularga talabni yaratish uchun eʼtiborni jalb qiladigan nashrlar;

k) ishlab chiqarish sohasidagi normativlarni nashr etish — ishlab chiqarish faoliyatining turli sohalarida qoidalar va talablarni oʻz ichiga olgan (yoʻriqnomalar, standartlar, texnik reglamentlar, ustavlar, preyskurantlar) rasmiy nashrlar.

3.

Xabardor qiluvchi toifasi:

Yuridik shaxs

4.

Xabarnomani qabul qiluvchi vakolatli organ(lar):

Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

a) yuridik shaxs nomi va tashkiliy-huquqiy shakli, STIR;

b) pochta (hamda elektron pochta) manzili;

v) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) bank rekvizitlari (hisobvaragʻi, bank kodi);

d) faoliyat amalga oshiriladigan joy manzili (manzillari);

e) noshirlik faoliyati ixtisoslashuvi;

yo) yuridik shaxs rahbarining shaxsini tasdiqlovchi hujjat maʼlumotlari:

pasport raqami va seriyasi yoki identifikatsiya ID-kartasi raqami;

JSHSHIR;

j) masʼul muharrirning shaxsini tasdiqlovchi hujjat maʼlumotlari:

pasport raqami va seriyasi yoki identifikatsiya ID-kartasi raqami;

JSHSHIR;

maʼlumoti toʻgʻrisidagi diplom raqami, sanasi va mutaxassisligi;

z) moddiy-texnik uskunalar haqida maʼlumot (turi va soni).

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari):

Oliy va oʻrta maxsus taʼlim vazirligi;

Davlat soliq qoʻmitasi;

Davlat personallashtirish markazi.

8.

Xabarnomani yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) noshirlik faoliyatini faqat xabarnomada belgilangan ixtisoslik boʻyicha amalga oshirish;

b) adabiy va badiiy asarlarni himoya qilish toʻgʻrisidagi Bern Konvensiyasining talablariga qatʼiy amal qilish;

v) urush, zoʻravonlik, pornografiya, terrorizm, diniy ekstremizm, separatizm va aqidaparastlik gʻoyalarini targʻib qilish hamda mavjud konstitutsiyaviy tuzumni, hududiy yaxlitlikni zoʻrlik bilan oʻzgartirishga, mamlakatda xavfsizlikni va ijtimoiy-siyosiy barqarorlikni, jamiyatning huquqiy va maʼnaviy asoslarini, fuqarolar totuvligini, millatlararo va dinlararo hamjihatlikni buzishga daʼvat qilishga qaratilgan, shuningdek Oʻzbekiston toʻgʻrisida notoʻgʻri axborotlar tarqatish hamda uning tarixiy, madaniy va maʼnaviy qadriyatlarini buzib koʻrsatish uchun foydalanilishini koʻzlovchi matbaa mahsulotlarini nashr etishga hamda qonunchilikda taqiqlangan maʼlumotlarni tarqatishga yoʻl qoʻymaslikni taʼminlash;*

g) davlat siri boʻlgan maʼlumotlar yoki qonun bilan qoʻriqlanadigan boshqa sirlarning oshkor boʻlishiga yoʻl qoʻyilmaslik;*

d) nashr uchun taqdim etilgan bosma mahsulotlarda fuqarolarning shaʼni, qadr-qimmati va ishchanlik obroʻsiga putur yetishiga, shaxsiy hayotiga aralashuvga yoʻl qoʻyilmasligini taʼminlash;

e) ixtisoslik boʻyicha ilmiy, adabiy-badiiy, ilmiy-ommabop, bolalar adabiyotlari, akademik litsey va kasb-hunar kollejlari uchun oʻquv qoʻllanmalar, tarjima asarlari, tibbiyot sohasiga oid adabiyotlar sohasiga oid nashrlar, lugʻatlarni chop etishda mutasaddi vazirlik, idora va Ilmiy kengashlarning tavsiyasi, sohaga oid yetakchi olim va mutaxassislarning taqrizlari olinishini taʼminlash;

yo) diniy mazmundagi nashrlarni (kitob, risola, broshyura, taqvim, qoʻllanma va boshqalar) chop etilishida Vazirlar Mahkamasi huzuridagi Din ishlari boʻyicha qoʻmitaning xulosasi olinishiga qatʼi rioya etilishini taʼminlash;*

j) noshirlik faoliyatini amalga oshirish uchun zarur boʻlgan tegishli moddiy-texnik baza, asbob-uskunalar va boshqa texnika vositalarining mavjud boʻlishini taʼminlash;

z) mualliflik huquqlari buzilmasligini taʼminlash;

i) tayyorlangan matbaa mahsulot (jumladan, mazkur mahsulot tarkibiga kirgan asar)larining nusxalari, tayyorlangan nusxalar soni, shuningdek, xabardor etuvchi yoki buyurtmachining nashr etish huquqini tasdiqlovchi hujjatlar hisobini yuritish;

y) har chorakda nashr etilgan (hamda etiladigan) adabiyotlar toʻgʻrisida (har bir nashrning muallifi, nomi, mavzusi (ixtisoslashuvi), janri, nusxasi koʻrsatilgan holda) hisobot choragidan keyingi oyning 10-kunigacha Axborot va ommaviy kommunikatsiyalar agentligiga tegishli maʼlumotnoma taqdim etish;

k) qonunchilikka asosan bosma mahsulotlarning majburiy, bepul nusxalarini belgilangan qoidaga muvofiq yuborish talablariga qatʼiy rioya etish.

10.

Izoh:

Ushbu talablar davlat hokimiyati va boshqaruvi organlari, sudlar, prokuratura organlari tomonidan rasmiy materiallar, normativ-huquqiy hujjatlar toʻplamlari va boshqa hujjatlarni nashr etishga, respublika ahamiyatiga ega boʻlgan nodavlat va notijorat tashkilotlari, shuningdek, korxonalar, tashkilotlar, oʻquv va ilmiy muassasalar tomonidan oʻz faoliyati uchun zarur boʻlgan va qoʻlyozma huquqlari bilan ommaviy ravishda tarqatish yoki koʻpaytirish uchun moʻljallanmagan materiallarni nashr etishga nisbatan tatbiq etilmaydi.

* Qoʻpol ravishda buzish deb hisoblanadigan talab va shartlar.

1.

Xabarnoma nomi:

Matbaa korxonalarini tashkil etganlik yoki tugatganlik toʻgʻrisida xabarnoma

2.

Xabardor qilish tartibida amalga oshiriladigan faoliyat turlari:

a) matbaa mahsulotlarining qoliplarini tayyorlash — chop etishgacha boʻlgan jarayon boʻlib, matn va tasvirlar asosida ofset, trafaret yoki shoyitrafaret, flekso, yuqori bosma, chuqur bosma, termo bosma va chuqur bosma usullarida chop etish uchun bosma qoliplarni tayyorlash;

b) ofset usulida chop etish — matbaa faoliyatida asosan koʻp adadli (tiraj) matbaa mahsulotlarini tayyorlashda foydalaniladigan jarayon boʻlib, matn va tasvirlarni foto qoliplardan qogʻozga oʻtkazib chop etish usuli;

v) flekso usulida chop etish — fotopolimer xomashyo yoki yumshoq rezinadan relyefli chop etish qolipi va suyuq boʻyoqlar bilan chop etish usuli boʻlib, qogʻoz, polietilen va shu turdagi boshqa materiallarga matn va tasvirlarni tushirish jarayoni;

g) matbaa qoliplarsiz chop etish — raqamli chop etish texnologiyalari yordamida matn va tasvirlarni qogʻoz, polietilen va boshqa materiallarga chop etish usuli;

d) trafaret yoki shoyitrafaret usulida chop etish — fotomexanik usulda yoki qoʻlda tayyorlangan trafaretdan turli materiallarga yoki tayyor sanoat mahsulotlariga matn yoki tasvirlar aksini tushirish;

e) brayl usulida chop etish — olti nuqta kombinatsiyasiga asoslangan boʻrtma nuqta hamda boʻrtma relyef asosida koʻzi ojizlar uchun matn va tasvirlarni chop etish usuli;

yo) tayyor mahsulotlar va materiallarga bosish — tayyor sanoat mahsulotlari va materiallarga matn va tasvirni qizdirish yoki elastik bosma element orqali bosish;

j) chop etishdan keyingi jarayonlar va muqovalash — buklash va saralash, tikish, kesish va shakl berib kesish, yelimlash, laminatsiyalash, laklash, muqovani tayyorlash, muqovalash va boshqa jarayonlar.

3.

Xabardor qiluvchi toifasi:

Yuridik shaxs va yakka tartibdagi tadbirkor

4.

Xabarnomani qabul qiluvchi vakolatli organ(lar):

Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

Yakka tartibdagi tadbirkorlar uchun:

a) YTTning:

familiyasi, ismi, otasining ismi (agar mavjud boʻlsa);

pasport seriyasi va raqami yoki identifikatsiya ID-kartasi raqami;

JSHSHIR;

b) faoliyatini amalga oshirish joyi (manzili);

v) yashash manzili va elektron pochta manzili;

g) mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

d) bank rekvizitlari (hisobvaragʻi, bank kodi);

e) faoliyat olib borilayotgan manzilning mulk huquqi yoki ijara asosida faoliyat yuritayotganligi toʻgʻrisida maʼlumot (kadastr raqami);

yo) matbaa korxonasi ixtisoslashuvi;

j) korxonada mavjud boʻlgan uskunalar roʻyxati.

Yuridik shaxslar uchun:

z) yuridik shaxs nomi va tashkiliy-huquqiy shakli, STIR;

i) pochta (hamda elektron pochta) manzili;

y) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

k) bank rekvizitlari (hisobvaragʻi, bank kodi);

l) faoliyat olib borilayotgan manzilning mulk huquqi yoki ijara asosida faoliyat yuritayotganligi toʻgʻrisida maʼlumot (kadastr raqami);

m) matbaa korxonasi ixtisoslashuvi;

n) yuridik shaxs rahbarining shaxsini tasdiqlovchi hujjat maʼlumotlari:

pasport seriyasi va raqami yoki identifikatsiya ID-kartasi raqami;

JSHSHIR;

o) korxonada mavjud boʻlgan uskunalar roʻyxati.

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari):

Davlat soliq qoʻmitasi;

Davlat personallashtirish markazi.

8.

Xabarnomani yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) Oʻzbekiston Respublikasi qonunchiligi va normativ hujjatlari, amaldagi meʼyor va qoidalar, davlat yoki sohalararo standartlar asosida matbaa faoliyati turlari bilan shugʻullanish yoki matbaa mahsulotlarini tayyorlash;

b) noshirlik faoliyatini amalga oshirish boʻyicha va guvohnoma asosida chop etiladigan mahsulotlarni, gazeta, jurnal va boshqa ommaviy axborot vositalarini chop etishda tegishli hujjatlarning nusxasini talab qilish (nashriyot grifi, OAV roʻyxatdan oʻtkazilgani toʻgʻrisidagi guvohnoma);

v) nazorat qiluvchi organlarning taqdimnomalarini belgilangan muddatlarda bajarish;

g) qonunchilikda belgilangan talablar asosida texnik uskunalar oʻrnatilgan joylarga begona shaxslar kirishini taqiqlash va faoliyatni tashkil qilish jarayonlariga aralashuvning oldini olish;

d) bosma (kitob, jurnal, gazeta, broshyura va majburiy bepul tarqatilishi lozim boʻlgan boshqa mahsulotlar) mahsulotlarning majburiy bepul nusxalarini belgilangan tartibda oʻz vaqtida yuborilishini taʼminlash.

10.

Izoh:

Ushbu xabarnomani yuborish nusxa koʻchirish, dizaynerlik va fotostudiya xizmati, matn terish, original maket tayyorlash faoliyatlariga nisbatan talab etilmaydi.

1.

Xabarnoma nomi:

Mehnatni muhofaza qilish sohasidagi xizmatlar bozorining professional ishtirokchilari faoliyatini boshlaganlik yoki tugatganlik haqida xabarnoma

2.

Xabardor qilish tartibida amalga oshiriladigan faoliyat turlari:

a) tashkilotlarda mehnatni muhofaza qilish sohasidagi xizmat vazifalarini amalga oshirish;

b) mehnat sharoitlari boʻyicha ish oʻrinlarini attestatsiyadan oʻtkazish;

v) mehnatni muhofaza qilish sohasi mutaxassislarining malakasini oshirish va ularni qayta tayyorlash;

g) tashkilotlarda mehnatni muhofaza qilish sohasida audit oʻtkazish.

3.

Xabardor qiluvchi toifasi:

Yuridik shaxs

4.

Xabarnomani qabul qiluvchi organ(lar):

Bandlik va mehnat munosabatlari vazirligi;

Vazirlar Mahkamasi huzuridagi Taʼlim sifatini nazorat qilish davlat inspeksiyasi (mehnatni muhofaza qilish sohasi mutaxassislarining malakasini oshirish va qayta tayyorlash faoliyat turi sohasida xabarnoma yuborganda).

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

a) yuridik shaxs nomi va tashkiliy-huquqiy shakli, STIR;

b) pochta (hamda elektron pochta) manzili;

v) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) bank rekvizitlari (hisobvaragʻi, bank kodi);

d) mehnatni muhofaza qilish boʻyicha malakali mutaxassis sertifikatiga ega boʻlgan xodimlari haqida maʼlumot (F.I.O., malaka sertifikati sanasi va raqami);

e) attestatsiya xizmatlari koʻrsatmoqchi boʻlganda, akkreditatsiya qilingan laboratoriya attestatining raqami va sanasi (laboratoriya boʻlganda).

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari):

Bandlik va mehnat munosabatlari vazirligi;

Oliy va oʻrta maxsus taʼlim vazirligi;

Davlat soliq qoʻmitasi;

Texnik jihatdan tartibga solish agentligi.

8.

Xabarnomani yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) mehnatni muhofaza qilish sohasida malakali xizmat koʻrsatuvchi tashkilotning bevosita xizmat koʻrsatish jarayonida ishtirok etuvchi xodimlari Vazirlar Mahkamasi tomonidan belgilangan tartibda beriladigan mehnatni muhofaza qilish sohasida malaka sertifikatiga ega boʻlishi kerak, tashkilot shtatida mehnatni muhofaza qilish mutaxassisi malaka sertifikatiga ega boʻlgan xodimlar soni uch kishidan kam boʻlmasligi lozim;*

b) mulk huquqi, xoʻjalik yurituvi yoki operativ boshqaruv huquqi yoxud boshqa qonuniy asosda tegishli boʻlgan akkreditatsiyalangan ishlab chiqarish muhiti va mehnat jarayoni omillarini oʻlchashga moʻljallangan akkreditatsiyalangan sinov laboratoriyasiga ega boʻlish (attestatsiya xizmatlari koʻrsatmoqchi boʻlganda);

v) akkreditatsiyadan oʻtgan sinov laboratoriyasida foydalaniladigan asbob-uskunalar muvofiqlik sertifikatiga ega boʻlishi va belgilangan tartibda metrologik tekshiruvdan (davlat qiyoslovidan) oʻtkazilgan boʻlishi (attestatsiya xizmatlari koʻrsatmoqchi boʻlganda);

g) ish oʻrinlarida attestatsiya oʻtkazilgan korxonaning attestatsiya materiallari mehnat organlarida davlat ekspertizasidan oʻtkazilishi uchun taqdim etilishi (attestatsiya xizmatlari koʻrsatmoqchi boʻlganda);

d) oʻquv-tematik rejalar va oʻquv dasturlari asosida ishlab chiqilgan taʼlim dasturlari boʻlishi;

e) taʼlim berish uchun moʻljallangan texnik vositalar mavjud ekanligi.

10.

Izoh:

* Qoʻpol ravishda buzish deb hisoblanadigan talab va shartlar.

1.

Xabarnoma nomi:

Oilaviy nodavlat maktabgacha taʼlim muassasalari faoliyatini boshlaganlik yoki tugatganlik haqida xabarnoma

2.

Xabardor qilish tartibida amalga oshiriladigan faoliyat turi:

Oilaviy nodavlat maktabgacha taʼlim tashkilotlarining faoliyati

3.

Xabardor qiluvchi toifasi:

Yakka tartibdagi tadbirkor

4.

Xabarnomani qabul qiluvchi organ(lar):

Maktabgacha taʼlim vazirligining tuman (shahar) boʻlimlari

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

a) YTTning:

familiyasi, ismi, otasining ismi (agar mavjud boʻlsa);

pasport seriyasi va raqami yoki identifikatsiya ID-kartasi raqami;

JSHSHIR;

b) faoliyatini amalga oshirish joyi (manzili);

v) yashash manzili va elektron pochta manzili;

g) mobil telefon raqami, oilaviy nodavlat maktabgacha taʼlim tashkilotining telefon raqami (mavjud boʻlgan taqdirda);

d) bank rekvizitlari (hisobvaragʻi, bank kodi);

e) faoliyat olib borilayotgan manzilning mulk huquqi yoki ijara asosida faoliyat yuritayotganligi toʻgʻrisida maʼlumot;

yo) davlat-xususiy sheriklik bitimi raqami va sanasi, bitim boʻyicha quvvati;

j) yongʻin nazorati organlarining mavjud binolar va xonalarning yongʻin xavfsizligi talablariga mosligi haqidagi xulosasi raqami va sanasi;

z) sanitariya-epidemiologiya xizmati organining mavjud binolar va xonalarning gigiyena qoidalari va normativlariga mosligi haqidagi xulosasi raqami va sanasi;

i) sogʻliqni saqlash organlari bilan tuzilgan shartnoma raqami va sanasi;

y) tarbiyachi haqida maʼlumot:

familiyasi, ismi, otasining ismi (agar mavjud boʻlsa);

pasport seriyasi va raqami yoki identifikatsiya ID-kartasi raqami;

JSHSHIR;

maʼlumoti toʻgʻrisida diplom raqami va sanasi;

k) tarbiyachi yordamchisi haqida maʼlumot:

familiyasi, ismi, otasining ismi (agar mavjud boʻlsa);

pasport seriyasi va raqami yoki identifikatsiya ID-kartasi raqami;

JSHSHIR;

maʼlumoti toʻgʻrisida diplom raqami va sanasi; (agar mavjud boʻlsa).

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari)

Oliy va oʻrta maxsus taʼlim vazirligi;

Sogʻliqni saqlash vazirligi;

Favqulodda vaziyatlar vazirligi;

Bandlik va mehnat munosabatlari vazirligi;

Davlat soliq qoʻmitasi;

Davlat soliq qoʻmitasi huzuridagi Kadastr agentligi;

Davlat personallashtirish markazi;

Sanitariya-epidemiologik osoyishtalik va jamoat salomatligi xizmati.

8.

Xabarnomani yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) 3 yoshdan 7 yoshgacha boʻlgan 7-50 nafar bolalarni tarbiyalash;

b) 5 kunlik ish haftasi uchun, qoida tariqasida, 9 soatli va 4 soatli kunlik ish tartibini joriy etish, 6 kunlik ish haftasi ham joriy etilishi mumkin;

v) oʻz ustavi, kun tartibi, taʼlim-tarbiya dasturlariga ega boʻlishi;

g) maktabgacha taʼlim tashkilotlarini oʻyinlar, oʻyinchoqlar, mebel, jihozlar va boshqa texnik vositalar bilan jihozlash meʼyorlarga muvofiq boʻlishi;

d) tarbiyachining tegishli oliy yoki oʻrta maxsus pedagogik maʼlumotga yoki Oʻzbekiston Respublikasi Maktabgacha taʼlim vazirligi tomonidan oilaviy nodavlat maktabgacha taʼlim yoʻnalishi boʻyicha qayta tayyorlovdan oʻtkazilgan hamda pedagogik faoliyat bilan shugʻullanish huquqiga ega boʻlishi;*

e) sud tomonidan yoki tibbiy xulosaga muvofiq bunday faoliyat bilan shugʻullanishi taqiqlangan shaxslarning pedagogik faoliyat bilan shugʻullanmasligi talabiga rioya etish;

yo) “Open Emis” axborot tizimi orqali imtiyozli qabulga boʻsh oʻrinlar haqida axborot berib borishi va murojaatga koʻra imtiyozlarni qoʻllash.

10.

Izoh:

* Qoʻpol ravishda buzish deb hisoblanadigan talab va shartlar.

1.

Xabarnoma nomi:

Oftalmologiya tibbiy buyumlarining chakana realizatsiyasi (optika) boʻyicha faoliyatni boshlaganlik yoki tugatganlik toʻgʻrisida xabarnoma

2.

Xabardor qilish tartibida amalga oshiriladigan faoliyat turi:

Oftalmologiya tibbiy buyumlarining chakana realizatsiyasiga (optikaga) doir faoliyat

3.

Xabardor qiluvchi toifasi:

Yuridik shaxs

4.

Xabarnoma qabul qiluvchi organ:

Farmatsevtika tarmogʻini rivojlantirish agentligining Qoraqalpogʻiston Respublikasi, Toshkent shahar va viloyatlar hududiy boʻlinmalari

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab qilinadigan maʼlumotlar:

a) yuridik shaxs nomi va tashkiliy-huquqiy shakli, STIR;

b) pochta hamda elektron pochta manzili;

v) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) bank rekvizitlari (hisobvaragʻi, bank kodi);

d) faoliyat amalga oshiriladigan joy manzili va kadastr raqami;

e) masʼul xodim toʻgʻrisidagi maʼlumotlar:

familiyasi, ismi, otasining ismi (agar mavjud boʻlsa);

pasport seriyasi va raqami yoki identifikatsiya ID-kartasi raqami;

JSHSHIR;

maʼlumoti toʻgʻrisidagi diplom raqami va sanasi, mutaxassislik nomi.

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari:

Oliy va oʻrta maxsus taʼlim vazirligi;

Bandlik va mehnat munosabatlari vazirligi;

Davlat soliq qoʻmitasi;

Davlat soliq qoʻmitasi huzuridagi Kadastr agentligi.

8.

Xabarnoma yuborish uchun toʻlanadigan yigʻim miqdori:

Bazaviy hisoblash miqdorining 50 foizi

9.

Xabardor qilish tartibida amalga oshiriladigan faoliyatning talablari va shartlari:

a) yuridik shaxs shtatida har bir tashkil etiladigan obyekt uchun tegishli ixtisoslikka ega boʻlgan kamida bittadan masʼul mutaxassisning mavjudligi;*

b) faoliyatni amalga oshirish uchun quyidagi minimal sharoitlarni yaratish:

savdo zali 10 m², jumladan, isteʼmolchilarga xizmat zonasi 5 m², ish oʻrinlari zonasi 5 m²;

tibbiy buyumlar uchun xona (filiali boʻlganda) — 4 m²;

qoʻl yuvish moslamasi boʻlishi;

v) kanselyariya stoli; stul; ustki va maxsus qiyimlar saqlash uchun sharoit; vitrina va peshtaxtalarning sanitariya rejimini taʼminlash uchun xoʻjalik inventari va dezinfeksiyalovchi vositalar; stellaj; tovar qoʻygich; sovutgich; termometr kabi asbob-uskunalarning mavjudligini taʼminlash.

10.

Izoh:

* Qoʻpol ravishda buzish deb hisoblanadigan talab va shartlar.

1.

Xabarnoma nomi:

Alkogol mahsulotlari bilan chakana savdo qilishni boshlaganlik yoki tugatganlik haqida xabarnoma

2.

Xabardor qilish tartibida amalga oshiriladigan faoliyat turi:

Alkogol mahsulotlari bilan chakana savdo qilish

3.

Xabardor qiluvchi toifasi:

Yuridik shaxs

4.

Xabarnomani qabul qiluvchi organ(lar):

Tuman (shahar) davlat soliq inspeksiyalari

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab etiladigan maʼlumotlar:

a) yuridik shaxs nomi va tashkiliy-huquqiy shakli, STIR;

b) pochta hamda elektron pochta manzili;

v) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

g) bank rekvizitlari (hisobvaragʻi, bank kodi);

d) faoliyat amalga oshiriladigan joy manzili va kadastr raqami.

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari):

Davlat soliq qoʻmitasi;

Davlat soliq qoʻmitasi huzuridagi Kadastr agentligi;

Davlat xizmatlari agentligi.

8.

Xabarnomani yuborish uchun toʻlanadigan yigʻim miqdori:

Yigʻim undirilmaydi

9.

Xabardor qilish tartibida amalga oshiriladigan faoliyatning talablari va shartlari:

a) taʼlim, sport muassasalari va diniy muassasalardan toʻgʻri chiziq boʻylab ikki yuz metrdan kam masofada joylashmagan boʻlishi, savdo obyekti umumiy savdo maydoni ming kvadrat metrdan ortiq boʻlgan savdo majmualarining (bozorlarning) va yarmarka pavilyonlarining hududida joylashgan hollar bundan mustasno;

b) oʻziga mulk yoki boshqa ashyoviy huquq asosida tegishli boʻlgan yoki ijaraga olingan, alohida kiriladigan savdo zali boʻlgan (faqat alkogol mahsulotlari bilan chakana savdo qilishga moʻljallangan), chekka togʻli tumanlarda — alohida savdo seksiyasi boʻlgan turgʻun shoxobcha boʻlishi;

v) jamoat transporti toʻxtash joylarida, shu jumladan, metropoliten bekatlarida, jamoat joylarida va dam olish joylarida, davolash-profilaktika va sport-sogʻlomlashtirish muassasalari hududlarida, ushbu muassasalar va ishlab chiqarish korxonalarining oshxonalarida, shuningdek, avtostansiyalarda joylashmagan boʻlish;

g) qonunchilik hujjatlarida nazarda tutilgan hollarda onlayn nazorat-kassa mashinalari yoki virtual kassalardan, shuningdek bank plastik kartochkalaridan toʻlovlarni qabul qilish boʻyicha hisob-kitob terminallari bilan jihozlangan boʻlish;*

d) elektron hisob-fakturadan majburiy tartibda foydalanish;

e) qonunchilikda belgilangan alkogol mahsulotlar, bilan chakana savdo qilish huquqi uchun har oylik mahalliy yigʻimni toʻlab borish;

yo) “Alkogol va tamaki mahsulotlarining tarqatilishi hamda isteʼmol qilinishini cheklash toʻgʻrisida”gi Oʻzbekiston Respublikasining Qonuni hamda Vazirlar Mahkamasining 2003-yil 13-fevraldagi 75-son qarori bilan tasdiqlangan Oʻzbekiston Respublikasida chakana savdo qoidalari talablariga qatʼi rioya qilish;

j) alkogol mahsulotlari sotiladigan joylarda ularning yigirma yoshga toʻlmagan shaxslarga sotilishiga yoʻl qoʻyilmasligi, shuningdek, alkogol mahsulotlarining inson sogʻligʻiga zararli taʼsiri toʻgʻrisida ogohlantiruvchi yozuvlar joylashtirilgan boʻlishi;*

z) alkogol mahsulotlarini qonunchilik hujjatlarida belgilangan eng kam chakana narxlardan past narxlarda sotmaslik;

i) belgilangan namunadagi aksiz markalari bilan markalangan (pivodan tashqari) alkogol mahsulotlari sotmasligi*

y) alkogol mahsulotlarini saqlash uchun omborxona boʻlishi;

k) shaharlarda — kamida 25 kvadrat metrli, qishloq joylarda — kamida 15 kvadrat metrli (faqat alkogol mahsulotlari sotish uchun moʻljallangan) savdo zali, uzoq togʻli joylarda — alohida savdo boʻlimi mavjud boʻlgan turgʻun savdo shoxobchalarida amalga oshirilishi.

10.

Izoh:

Alkogol mahsulotlari bilan chakana savdo qilishni boshlaganlik haqidagi xabarnoma har bir chakana savdo obyekti uchun alohida yuboriladi.

Alkogol mahsulotlarini sotish huquqi uchun yigʻim alkogol mahsulotlarini sotish boshlanganligi toʻgʻrisida xabarnoma yuborilgan vaqtdan boshlab toʻlanadi. Bunda xabarnoma oyning yigirmanchi sanasigacha yuborilganda yigʻim joriy oy uchun toʻliq hajmda, xabarnoma oyning yigirmanchi sanasidan keyin yuborilganda keyingi oyning birinchi sanasidan boshlab hisoblanadi.

Alkogol mahsulotlari bilan chakana savdo qilish faoliyati toʻxtatilganda yoki tugatilganda, yigʻim hisoblanishi keyingi oyning birinchi sanasidan boshlab toʻxtatiladi.

Alkogol mahsulotlarini sotish huquqi uchun yigʻim har oyda oldindan toʻlov shaklida joriy oyning oʻninchi sanasiga qadar toʻlanadi.

* Qoʻpol ravishda buzish deb hisoblanadigan talab va shartlar.

1.

Xabarnoma nomi:

Veterinariya davolash-profilaktika faoliyatini boshlaganlik yoki tugatganlik haqida xabarnoma

2.

Xabardor qilish tartibida amalga oshiriladigan faoliyat turi:

Veterinariya davolash-profilaktika faoliyati

3.

Xabardor qiluvchi toifasi:

Yuridik va jismoniy shaxslar

4.

Xabarnomani qabul qiluvchi organ(lar):

Qoraqalpogʻiston Respublikasi Veterinariya va chorvachilikni rivojlantirish qoʻmitasi, viloyatlar hamda Toshkent shahar veterinariya va chorvachilikni rivojlantirish boshqarmalari

5.

Xabarnomani yuborish tartibi:

“Litsenziya” AT yoki Yagona interaktiv davlat xizmatlari portali

6.

Xabarnomani yuborish uchun talab qilinadigan maʼlumotlar:

Jismoniy shaxslar uchun:

a) jismoniy shaxsning:

familiyasi, ismi, otasining ismi (agar mavjud boʻlsa);

pasport seriyasi va raqami yoki identifikatsiya ID-kartasi raqami;

JSHSHIR;

b) yashash manzili;

v) mobil telefon raqami;

g) oʻzini oʻzi band qilgan sifatida roʻyxatdan oʻtganlik raqami;

d) veterinariya mutaxassisi toʻgʻrisidagi maʼlumotini tasdiqlovchi diplom raqami va sanasi;

e) malaka oshirganligi toʻgʻrisidagi sertifikat (agar mavjud boʻlsa);

yo) faoliyatni amalga oshirish hududi;

Yuridik shaxslar uchun:

j) yuridik shaxs nomi va tashkiliy-huquqiy shakli, STIR;

z) pochta hamda elektron pochta manzili;

i) yuridik shaxs rahbarining mobil telefon raqami, faoliyatni amalga oshirish joyining telefon raqami (mavjud boʻlgan taqdirda);

y) bank rekvizitlari (hisobvaragʻi, bank kodi);

k) faoliyat amalga oshiriladigan joy manzili (manzil(lar)i, kadastr raqami);

l) xodimining veterinariya mutaxassisi toʻgʻrisidagi maʼlumotini tasdiqlovchi diplom raqami va sanasi;

m) xodimining malaka oshirganligi toʻgʻrisidagi sertifikat maʼlumotlari (agar mavjud boʻlsa).

7.

Xabardor qiluvchi kiritgan maʼlumotlar tekshirilishi lozim boʻlgan davlat organlarining axborot tizimlari (maʼlumotlari):

Bandlik va mehnat munosabatlari vazirligi;

Oliy va oʻrta maxsus taʼlim vazirligi;

Davlat soliq qoʻmitasi;

Davlat xizmatlari agentligi.