1-modda. Oʻzbekiston Respublikasining 1994-yil 22-sentabrda qabul qilingan 2015-XII-sonli Qonuni bilan tasdiqlangan Oʻzbekiston Respublikasining Maʼmuriy javobgarlik toʻgʻrisidagi kodeksiga (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 23-modda, № 9-10, 165, 182-moddalar; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda, № 9-10, 149-modda; 2004-yil, № 1-2, 18-modda, № 5, 90-modda, № 9, 171-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 312-modda, № 12, 413, 417, 418-moddalar; 2006-yil, № 6, 261-modda, № 9, 498-modda, № 10, 536-modda, № 12, 656, 659-moddalar; 2007-yil, № 4, 158, 159, 164, 165-moddalar, № 9, 416, 421-moddalar, № 12, 596, 604, 607-moddalar; 2008-yil, № 4, 181, 189, 192-moddalar, № 9, 486, 488-moddalar, № 12, 640, 641-moddalar; 2009-yil, № 1, 1-modda, № 9, 334, 335, 337-moddalar, № 10, 380-modda, № 12, 462, 468, 470, 472, 474-moddalar; 2010-yil, № 5, 175, 179-moddalar, № 6, 231-modda, № 9, 335, 339, 341-moddalar, № 10, 380-modda, № 12, 468, 473, 474-moddalar; 2011-yil, № 1, 1-modda, № 4, 104, 105-moddalar, № 9, 247, 252-moddalar, № 12/2, 365-modda; 2012-yil, № 4, 108-modda, № 9/1, 242-modda, № 12, 336-modda; 2013-yil, № 4, 98-modda, № 10, 263-modda; 2014-yil, № 1, 2-modda, № 5, 130-modda, № 9, 244-modda, № 12, 341, 343-moddalar; 2015-yil, № 6, 228-modda, № 8, 310, 312-moddalar, № 12, 452-modda; 2016-yil, № 1, 2-modda, № 4, 125-modda, № 9, 276-modda, № 12, 383, 385-moddalar; 2017-yil, № 4, 137-modda, № 6, 300-modda, № 9, 510-modda, № 10, 605-modda; 2018-yil, № 1, 1, 4, 5-moddalar, № 4, 224-modda, № 7, 430, 431, 432-moddalar, № 10, 671, 673, 679-moddalar; 2019-yil, № 1, 1, 3, 5-moddalar, № 2, 47-modda, № 3, 161, 165, 166-moddalar, № 5, 259, 261, 267, 268-moddalar, № 7, 386-modda, № 8, 469, 471-moddalar, № 9, 591, 592-moddalar, № 10, 674, 676-moddalar, № 11, 787, 791-moddalar, № 12, 880, 891-moddalar; 2020-yil, № 1, 4-modda) quyidagi qoʻshimcha va oʻzgartishlar kiritilsin:

1) quyidagi mazmundagi 192¹-modda bilan toʻldirilsin:

Toʻylar, oilaviy tantanalar, maʼraka va marosimlar oʻtkazuvchi shaxs tomonidan mazkur tadbirlarni oʻtkazish tartibiga doir talablarga rioya etmaslik, —

fuqarolarga bazaviy hisoblash miqdorining oʻn baravari miqdorida jarima solishga sabab boʻladi.

Toʻyxonalar, kafe va restoranlarning mansabdor shaxsi tomonidan toʻylar, oilaviy tantanalar, maʼraka va marosimlarni oʻtkazish tartibiga doir talablarga rioya etmaslik, —

bazaviy hisoblash miqdorining oʻttiz baravari miqdorida jarima solishga sabab boʻladi.

Ushbu moddaning ikkinchi qismida nazarda tutilgan huquqbuzarlik maʼmuriy jazo chorasi qoʻllanilganidan keyin bir yil davomida takror sodir etilgan boʻlsa, —

bazaviy hisoblash miqdorining ellik baravari miqdorida jarima solishga sabab boʻladi”;

2) 245-moddaning birinchi qismi:

“175¹” raqamidan keyin “175²” raqami bilan toʻldirilsin;

“191” raqamidan keyin “192¹” raqami bilan toʻldirilsin;

3) 245⁶-moddaning birinchi qismidagi “215²-moddasida” degan soʻzlar “175² va 215²-moddalarida” degan soʻzlar bilan almashtirilsin;

4) 264¹-modda quyidagi tahrirda bayon etilsin:

Ushbu Kodeksning 175²-moddasida nazarda tutilgan huquqbuzarliklar aniqlangan taqdirda, Oʻzbekiston Respublikasi Moliya vazirligining Davlat moliyaviy nazorati organlarining mansabdor shaxslari maʼmuriy huquqbuzarlik toʻgʻrisida bayonnoma tuzadi.

Maʼmuriy huquqbuzarlik toʻgʻrisidagi bayonnoma ushbu Kodeksning 282-moddasida belgilangan tartibda sudga koʻrib chiqish uchun yuboriladi”;

5) 332-moddaning birinchi qismidagi “topshirilgan kundan boshlab oʻn besh” degan soʻzlar “topshirilgan kundan boshlab oʻttiz” degan soʻzlar bilan almashtirilsin;

6) quyidagi mazmundagi 332¹-modda bilan toʻldirilsin:

Huquqbuzar unga jarima solish toʻgʻrisidagi qaror topshirilgan kundan boshlab oʻn besh kun ichida jarima miqdorining yetmish foizini ixtiyoriy ravishda toʻlagan taqdirda, u jarimaning qolgan qismini toʻlashdan ozod qilinadi, bundan ushbu moddaning ikkinchi qismida nazarda tutilgan hollar mustasno.

Jarima solish toʻgʻrisidagi qarorni ijro etishning soddalashtirilgan tartibi quyidagi hollarda qoʻllanilmaydi:

maʼmuriy huquqbuzarlik sodir etganlik uchun sud tomonidan jarima solinganda;

jarima solish toʻgʻrisidagi qaror ustidan shikoyat qilinganda yoki protest bildirilganda;

xuddi shunday huquqbuzarlik maʼmuriy jazo chorasi qoʻllanilganidan keyin bir yil davomida takror sodir etilganda”;

7) 335-modda quyidagi mazmundagi ikkinchi qism bilan toʻldirilsin:

“Majburiy ijroga qaratilgan jarima solish toʻgʻrisidagi qaror ijro etilganidan soʻng davlat ijrochisi ijro ishini yuritishni tamomlash toʻgʻrisida qaror chiqaradi va uning bir nusxasini uni chiqargan organga (mansabdor shaxsga) yoki sudga yuboradi”.

2-modda. Oʻzbekiston Respublikasining 1996-yil 26-dekabrda qabul qilingan “Siyosiy partiyalar toʻgʻrisida”gi 337-I-sonli Qonuni (Oʻzbekiston Respublikasi Oliy Majlisining Axborotnomasi, 1997-yil, № 2, 36-modda; 1999-yil, № 9, 229-modda; 2004-yil, № 1-2, 18-modda, № 5, 90-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 163-modda; 2008-yil, № 12, 637, 640-moddalar; 2014-yil, № 1, 2-modda, 2018-yil, № 4, 224-modda; 2019-yil, № 2, 47-modda, № 9, 588-modda, № 10, 674-modda; 2020-yil, № 1, 1-modda) 4-moddasining toʻrtinchi qismiga quyidagi qoʻshimcha va oʻzgartish kiritilsin:

quyidagi mazmundagi uchinchi xatboshi bilan toʻldirilsin:

“Oʻzbekiston Respublikasi Hisob palatasining mansabdor shaxslari”;

uchinchi — oltinchi xatboshilari tegishincha toʻrtinchi — yettinchi xatboshilar deb hisoblansin.

3-modda. Oʻzbekiston Respublikasining 1999-yil 19-avgustda qabul qilingan “Giyohvandlik vositalari va psixotrop moddalar toʻgʻrisida”gi 813-I-sonli Qonuniga (Oʻzbekiston Respublikasi Oliy Majlisining Axborotnomasi, 1999-yil, № 9, 210-modda; 2001-yil, № 1-2, 23-modda; 2003-yil, № 1, 8-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 10, 536-modda; 2015-yil, № 8, 312-modda; 2017-yil, № 4, 138-modda, № 6, 300-modda; 2018-yil, № 10, 679-modda; 2019-yil, № 2, 47-modda, № 5, 267-modda, № 9, 592-modda) quyidagi oʻzgartishlar va qoʻshimcha kiritilsin:

1) 6-moddaning matni quyidagi tahrirda bayon etilsin:

“Oʻzbekiston Respublikasida giyohvandlik vositalarining muomalada boʻlishi bilan bogʻliq faoliyatning asosiy turlari: giyohvandlik vositalarini olib kirish (olib chiqish), taqsimlash, ishlab chiqish, ishlab chiqarish, tayyorlash, yoʻq qilish, shuningdek tarkibida giyohvandlik moddasi boʻlgan oʻsimliklarni yetishtirish davlat monopoliyasi hisoblanadi, ushbu Qonunning 21¹-moddasida nazarda tutilgan hollar bundan mustasno”;

2) 11-moddaning birinchi qismidagi “27 — 29-moddalarida” degan soʻzlar “21, 21¹, 27 — 29-moddalarida” degan soʻzlar bilan almashtirilsin;

3) 21-moddaning matni quyidagi tahrirda bayon etilsin:

“Tarkibida giyohvandlik moddasi boʻlgan, I roʻyxatga kiritilgan oʻsimliklarni yetishtirish uchun ruxsat davlat korxonalariga ilmiy maqsadlarda maxsus vakolatli organ tomonidan belgilangan tartibda hamda ushbu Qonunning 21¹-moddasida nazarda tutilgan hollarda yuridik shaxslarga sanoat maqsadlarida mazkur faoliyat turiga doir litsenziya mavjud boʻlgan taqdirda beriladi”;

4) quyidagi mazmundagi 21¹-modda bilan toʻldirilsin:

Tarkibida tetragidrokannabinol giyohvandlik moddasining miqdori 0,2 foizgacha boʻlgan kannabis oʻsimligini giyohvandlik vositalari va psixotrop moddalarni ishlab chiqarish hamda tayyorlash bilan bogʻliq boʻlmagan sanoat maqsadlarida yetishtirishga, olib kirishga (olib chiqishga), qayta ishlashga, saqlashga, realizatsiya qilishga (berishga), olishga va tashishga yuridik shaxslarga mazkur faoliyat turi uchun Oʻzbekiston Respublikasi Vazirlar Mahkamasi tomonidan belgilangan tartibda berilgan litsenziyaga asosan ruxsat etiladi.

Giyohvandlik vositalari va psixotrop moddalarni ishlab chiqarish va tayyorlash bilan bogʻliq boʻlmagan, sanoat maqsadlarida yetishtirilishiga va muomalada boʻlishiga ruxsat etilgan kannabis oʻsimligining navlari, ularning yetishtirilish va muomalada boʻlish shartlari Oʻzbekiston Respublikasi Vazirlar Mahkamasi tomonidan belgilanadi”.

4-modda. Oʻzbekiston Respublikasi Oliy Majlisining 2001-yil 12-mayda qabul qilingan “Amalga oshirilishi uchun litsenziyalar talab qilinadigan faoliyat turlarining roʻyxati toʻgʻrisida”gi 222-II-sonli Qarorining (Oʻzbekiston Respublikasi Oliy Majlisining Axborotnomasi, 2002-yil, № 6-7, 105-modda; 2003-yil, № 1, 8-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 4, 154-modda; 2007-yil, № 7, 323-modda, № 9, 416-modda; 2009-yil, № 9, 330-modda; 2010-yil, № 9, 335, 341-moddalar, № 12, 470-modda; 2011-yil, № 12/2, 364-modda; 2012-yil, № 4, 105-modda, № 12, 336-modda; 2013-yil, № 4, 98-modda; 2014-yil, № 12, 343-modda; 2018-yil, № 1, 1, 4-moddalar, № 7, 431-modda, № 10, 670, 677-moddalar; 2019-yil, № 7, 389-modda, № 8, 471-modda, № 11, 792-modda; 2020-yil, № 1, 3, 4-moddalar) 1-ilovasiga quyidagi oʻzgartishlar kiritilsin:

1) toʻqqizinchi xatboshi quyidagi mazmundagi toʻqqizinchi va oʻninchi xatboshilar bilan almashtirilsin:

“Giyohvandlik vositalarini, psixotrop moddalarni va prekursorlarni olib kirish (olib chiqish), saqlash, realizatsiya qilish (berish), taqsimlash, tashish, ishlab chiqish va ishlab chiqarish, tayyorlash, yoʻq qilib tashlash, giyohvandlik vositalaridan, psixotrop moddalardan va prekursorlardan ilmiy va oʻquv maqsadlarida, ishlab chiqarish ehtiyojlari uchun, shu jumladan tibbiyotda va veterinariyada foydalanish, shuningdek tarkibida giyohvandlik moddasi boʻlgan oʻsimliklarni ilmiy maqsadlarda yetishtirish.

Giyohvandlik vositalarini va psixotrop moddalarni ishlab chiqarish hamda tayyorlash bilan bogʻliq boʻlmagan sanoat maqsadlarida yetishtirish, olib kirish (olib chiqish), qayta ishlash, saqlash, realizatsiya qilish (berish), olish va tashish”;

2) oʻninchi — oltmishinchi xatboshilari tegishincha oʻn birinchi — oltmish birinchi xatboshilar deb hisoblansin.

5-modda. Oʻzbekiston Respublikasining 2006-yil 15-sentabrda qabul qilingan “Mikromoliyalash toʻgʻrisida”gi OʻRQ-50-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2006-yil, № 9, 492-modda; 2012-yil, № 12, 336-modda; 2014-yil, № 9, 244-modda; 2018-yil, № 10, 670-modda; 2019-yil, № 12, 880-modda) quyidagi oʻzgartishlar kiritilsin:

1) 4-moddaning birinchi qismidagi “bazaviy hisoblash miqdorining ming baravari miqdoridan” degan soʻzlar “300 million soʻmdan” degan soʻzlar bilan almashtirilsin;

2) 5-moddaning matnidagi “bazaviy hisoblash miqdorining yuz baravari miqdoridan” degan soʻzlar “50 million soʻmdan” degan soʻzlar bilan almashtirilsin;

3) 6-moddaning ikkinchi qismidagi “bazaviy hisoblash miqdorining ikki ming baravari miqdoridan” degan soʻzlar “600 million soʻmdan” degan soʻzlar bilan almashtirilsin.

6-modda. Oʻzbekiston Respublikasining 2013-yil 26-dekabrda qabul qilingan OʻRQ-360-sonli Qonuni bilan tasdiqlangan Oʻzbekiston Respublikasining Budjet kodeksiga (Oʻzbekiston Respublikasi Oliy Majlisi palatalarining Axborotnomasi, 2013-yil, 12-songa 1-ilova; 2014-yil, № 9, 244-modda; 2015-yil, № 12, 452-modda; 2016-yil, № 12, 383, 385-moddalar; 2017-yil, № 6, 300-modda, № 10, 605-modda, № 12, 772-modda; 2018-yil, № 1, 1-modda, № 7, 431, 433-moddalar, № 12, 783-modda; 2019-yil, № 1, 1-modda, № 5, 265-modda, № 8, 470-modda, № 9, 588-modda, № 11, 791-modda, № 12, 884, 891-moddalar) quyidagi oʻzgartish va qoʻshimchalar kiritilsin:

1) 3-moddaning:

beshinchi xatboshisidagi “ularning ijrosini nazorat qilish” degan soʻzlar “ularning shakllantirilishini, tuzilishini hamda ijrosini nazorat qilish” degan soʻzlar bilan almashtirilsin;

oʻn sakkizinchi xatboshisi quyidagi tahrirda bayon etilsin:

“davlat moliyaviy nazorati — budjet toʻgʻrisidagi qonun hujjatlarining ijrosi ustidan nazoratni amalga oshirish maqsadida davlat moliyaviy nazorati obyektlarining buxgalteriya, moliya, statistika, bank hujjatlarini va boshqa hujjatlarni oʻrganish, tahlil qilish hamda taqqoslash”;

quyidagi mazmundagi oʻn toʻqqizinchi xatboshi bilan toʻldirilsin:

“davlat moliyaviy nazorati obyektlari — Oʻzbekiston Respublikasining respublika budjeti, Qoraqalpogʻiston Respublikasi budjeti, viloyatlar va Toshkent shahar mahalliy budjetlari, budjet mablagʻlarini taqsimlovchilar, budjet tashkilotlari va budjet mablagʻlari oluvchilar, davlat maqsadli jamgʻarmalari, belgilangan tartibda tashkil etilgan boshqa jamgʻarmalar va budjet tashkilotlarining budjetdan tashqari jamgʻarmalari”;

oʻn toʻqqizinchi — qirq oltinchi xatboshilari tegishincha yigirmanchi — qirq yettinchi xatboshilar deb hisoblansin;

oʻttiz ikkinchi xatboshisi chiqarib tashlansin;

oʻttiz uchinchi — qirq yettinchi xatboshilari tegishincha oʻttiz ikkinchi — qirq oltinchi xatboshilar deb hisoblansin;

2) 26-moddaning birinchi qismi quyidagi tahrirda bayon etilsin:

“Oʻzbekiston Respublikasi Hisob palatasi:

Davlat budjeti toʻgʻrisidagi qonun loyihasi va oʻrta muddatli davr uchun fiskal strategiya boʻyicha Oʻzbekiston Respublikasi Vazirlar Mahkamasiga xulosa taqdim etadi;

vazirliklarning, davlat qoʻmitalarining, idoralarning hamda banklarning budjet tizimi budjetlari daromadlari va xarajatlari moddalarining maqsadli ijrosini boshlangʻich maʼlumotlar boʻyicha nazorat qilish imkonini beruvchi axborot tizimlari va resurslaridan foydalanish imkoniyatiga ega boʻladi;

Oʻzbekiston Respublikasi Vazirlar Mahkamasi va Moliya vazirligining bank hisobvaraqlaridagi mablagʻlarning qonuniy shakllantirilganligi, maqsadli hamda samarali sarflanishi ustidan nazoratni amalga oshiradi;

Oʻzbekiston Respublikasi Tiklanish va taraqqiyot jamgʻarmasi, shuningdek belgilangan tartibda tashkil etilgan boshqa jamgʻarmalar mablagʻlarining shakllantirilishi hamda ulardan foydalanilishi ustidan nazoratni amalga oshiradi;

Davlat budjeti va davlat maqsadli jamgʻarmalari budjetlari daromad qismining ijrosi ustidan nazoratni amalga oshiradi;

budjet tizimi budjetlari mablagʻlaridan maqsadli foydalanilishi ustidan nazoratni amalga oshiradi;

Davlat budjetining va davlat maqsadli jamgʻarmalari budjetlarining ijrosi toʻgʻrisidagi yillik hisobot boʻyicha tashqi auditni va baholashni amalga oshiradi hamda ular yuzasidan Oʻzbekiston Respublikasi Vazirlar Mahkamasiga xulosa taqdim etadi;

oʻz vakolatiga kiradigan masalalarga doir normativ-huquqiy hujjatlar qabul qiladi”;

3) 117-modda birinchi qismining beshinchi xatboshisi quyidagi mazmundagi beshinchi va oltinchi xatboshilar bilan almashtirilsin:

“hisob va hisobotni;

ijro ustidan nazoratni nazarda tutadi”;

4) 120-modda birinchi qismining toʻrtinchi xatboshisi quyidagi mazmundagi toʻrtinchi va beshinchi xatboshilar bilan almashtirilsin:

“hisob va hisobotni;

ijro ustidan nazoratni nazarda tutadi”;

5) 170-moddaning birinchi qismidagi “moliyaviy nazorat obyektlari” degan soʻzlar “davlat moliyaviy nazorati obyektlari” degan soʻzlar bilan almashtirilsin;

6) 173-modda:

ikkinchi qismining ikkinchi xatboshisidagi “va moliya organlari” degan soʻzlar “moliya organlari va Oʻzbekiston Respublikasi Hisob palatasi” degan soʻzlar bilan almashtirilsin;

uchinchi qismining oltinchi, yettinchi va sakkizinchi xatboshilaridagi “moliyaviy nazorat” degan soʻzlar “davlat moliyaviy nazorati” degan soʻzlar bilan almashtirilsin;

7) 174-modda:

ikkinchi xatboshisi quyidagi tahrirda bayon etilsin;

“Oʻzbekiston Respublikasi Davlat budjeti loyihasi shakllantirilishini va uning mamlakatni ijtimoiy-iqtisodiy rivojlantirish ustuvorliklariga muvofiqligini tizimli tahlil qilishni”;

oltinchi xatboshisidagi “zaxiralarni” degan soʻz “imkoniyatlarni” degan soʻz bilan almashtirilsin;

sakkizinchi xatboshisidagi “soliq va budjet toʻgʻrisidagi qonun hujjatlarini yanada takomillashtirishga” degan soʻzlar “soliq, bojxona va budjet toʻgʻrisidagi qonun hujjatlarini takomillashtirishga” degan soʻzlar bilan almashtirilsin;

quyidagi mazmundagi oʻninchi, oʻn birinchi va oʻn ikkinchi xatboshilar bilan toʻldirilsin:

“Oʻzbekiston Respublikasi Moliya vazirligining budjet ssudalari va kredit liniyalaridan maqsadli foydalanilishi ustidan nazoratni;

Oʻzbekiston Respublikasining xorijdagi diplomatik vakolatxonalari tomonidan chet el valyutasidagi mablagʻlardan toʻgʻri va maqsadli foydalanilishi ustidan nazoratni;

davlat xaridlari toʻgʻrisidagi qonun hujjatlari talablarining toʻgʻri qoʻllanilishi ustidan nazoratni”;

oʻninchi xatboshisi oʻn uchinchi xatboshi deb hisoblansin;

8) 179-moddaning ikkinchi va uchinchi qismlaridagi, 182-moddaning birinchi qismidagi tegishli son va kelishikdagi “moliyaviy nazorat obyekti” degan soʻzlar tegishli son va kelishikdagi “davlat moliyaviy nazorati obyekti” degan soʻzlar bilan almashtirilsin;

9) 183-moddaning toʻrtinchi va beshinchi xatboshilari quyidagi mazmundagi toʻrtinchi xatboshi bilan almashtirilsin:

“oʻrganish va nazorat tartibida tekshirish natijalari boʻyicha tuziladigan hujjat — maʼlumotnoma yoki xulosa tarzida rasmiylashtiriladi”.

10) 184-moddaning birinchi qismi yettinchi, sakkizinchi va oʻninchi xatboshilaridagi, uchinchi, toʻrtinchi, oltinchi, yettinchi, sakkizinchi va toʻqqizinchi qismlaridagi, 185-moddasidagi, 186-modda birinchi qismining ikkinchi, uchinchi va toʻrtinchi xatboshilaridagi tegishli son va kelishikdagi “moliyaviy nazorat obyekti” degan soʻzlar tegishli son va kelishikdagi “davlat moliyaviy nazorati obyekti” degan soʻzlar bilan almashtirilsin.

7-modda. Oʻzbekiston Respublikasining 2017-yil 31-mayda qabul qilingan “Oʻzbekiston Respublikasining Konstitutsiyaviy sudi toʻgʻrisida”gi OʻRQ-431-sonli Konstitutsiyaviy Qonuniga (Oʻzbekiston Respublikasi Oliy Majlisi palatalarining Axborotnomasi, 2017-yil, № 5, 201-modda, № 9, 510-modda) quyidagi qoʻshimcha va oʻzgartish kiritilsin:

1) 25-moddaning birinchi qismi quyidagi mazmundagi oʻn birinchi xatboshi bilan toʻldirilsin:

“Oʻzbekiston Respublikasi Hisob palatasining raisi”;

2) 27-moddaning matnidagi “va adliya vaziri” degan soʻzlar “Oʻzbekiston Respublikasi Hisob palatasining raisi va Oʻzbekiston Respublikasi adliya vaziri” degan soʻzlar bilan almashtirilsin.

8-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;

ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

9-modda. Ushbu Qonun rasmiy eʼlon qilingan kundan eʼtiboran kuchga kiradi.

Ushbu Qonun 1-moddasining 1-bandi va 2-bandining uchinchi xatboshisi mazkur Qonun kuchga kirgan kundan eʼtiboran uch oy oʻtgach amalga kiritiladi.

Ushbu Qonun 1-moddasining 5-bandi mazkur Qonun kuchga kirganidan keyin chiqarilgan jarima solish toʻgʻrisidagi qarorlarga nisbatan qoʻllaniladi.