1. Fuqarolik ishlari boʻyicha sudlarga beriladigan:

a) mulkiy xususiyatga ega daʼvo arizalaridan

daʼvo bahosining 4 foizi miqdorida, biroq BHMning 1 baravaridan kam boʻlmagan miqdorda

b) davlat boshqaruvi organlarining, maʼmuriy-huquqiy faoliyatni amalga oshirishga vakolatli boʻlgan boshqa organlarning, fuqarolar oʻzini oʻzi boshqarish organlarining va ular mansabdor shaxslarining qarorlari, harakatlari (harakatsizligi) ustidan berilgan arizalardan (shikoyatlardan) (sud qarori chiqarilayotganda aybdor tarafdan undiriladi)

BHMning 1 baravari

Izoh. Kichik tadbirkorlik subyektlari amalga oshiradigan tadbirkorlik faoliyati doirasida sudlarga murojaat qilganda ushbu bandning “e” va “i” kichik bandlarida koʻrsatilgan, belgilangan stavkaning 50 foizi miqdorida davlat boji toʻlaydi.

v) nikohni bekor qilish haqidagi daʼvo arizalaridan

BHMning 2 baravari

g) takroriy nikohni bekor qilish haqidagi daʼvo arizalaridan

BHMning 4 baravari

Izoh. Nikoh bekor qilinayotganda mol-mulk boʻlingan taqdirda, boj “a” kichik bandiga muvofiq daʼvoning bahosiga muvofiq belgilanadi.

d) bedarak yoʻqolgan va ruhiy kasalligi yoxud aqli zaifligi oqibatida belgilangan tartibda muomalaga layoqatsiz deb topilgan yoki kamida uch yilga ozodlikdan mahrum etilgan shaxslar bilan nikohni bekor qilish haqidagi daʼvo arizalaridan

BHMning 2 foizi

e) turar joylar ijarasiga doir shartnomani oʻzgartirish yoki bekor qilish toʻgʻrisidagi daʼvo arizalaridan, mol-mulkni xatlovdan chiqarish toʻgʻrisidagi va mulkiy xususiyatga ega boʻlmagan (yoki baholanmaydigan) boshqa daʼvo arizalaridan

BHMning 2 baravari

j) alohida koʻriladigan ishlarga doir arizalardan

BHMning 1 baravari

Izoh. Otalikni tan olish (belgilash), bolaning u yoki bu onadan tugʻilganligi, shuningdek tugʻilgan vaqti faktlarini aniqlash toʻgʻrisidagi arizalarni koʻrganlik uchun davlat boji undirilmaydi.

z) apellyatsiya, kassatsiya va nazorat tartibida berilgan shikoyatlardan

daʼvo arizasi yoki boshqa arizalar, shikoyatlar berilganda toʻlanadigan stavkaning 50 foizi

Izoh. Mulkiy nizolar boʻyicha stavkalar miqdori “a” kichik bandga muvofiq hisoblab chiqariladi

i) qarorlar, hukmlar, ajrimlar, boshqa sud hujjatlarining dublikatlari va koʻchirma nusxalarini, shuningdek taraflarning va ishda ishtirok etuvchi boshqa shaxslarning iltimosiga koʻra sudlar tomonidan ishlardan boshqa hujjatlarning koʻchirma nusxalarini berganlik uchun

hujjatning har bir beti uchun BHMning 2 foizi

k) hakamlik sudlarining hal qiluv qarorlari yuzasidan nizolashish toʻgʻrisidagi arizalardan, shuningdek hakamlik sudlarining hal qiluv qarorlarini majburiy ijro etish uchun ijro varaqasi berish toʻgʻrisidagi arizalardan

BHMning 2 baravari

l) chet el sudlari va chet el hakamlik sudlari (arbitrajlar) qarorlarini tan olish va ijro etish toʻgʻrisidagi arizalardan

BHMning 2 baravari

2. Iqtisodiy sudlarga beriladigan:

a) mulkiy xususiyatga ega daʼvo arizalaridan

daʼvo bahosining 2 foizi miqdorida, biroq BHMning 1 baravaridan kam boʻlmagan miqdorda

b) nomulkiy xususiyatga ega daʼvo arizalaridan

BHMning 10 baravari

v) tashkilotlar va fuqarolarni bankrot deb topish toʻgʻrisidagi arizalardan

BHMning 3 baravari

g) xoʻjalik shartnomalarini tuzish, oʻzgartirish yoki bekor qilish vaqtida kelib chiquvchi nizolar boʻyicha daʼvo arizalaridan

BHMning 10 baravari

d) apellyatsiya, kassatsiya va nazorat tartibida berilgan shikoyatlardan

birinchi instansiya sudida koʻrib chiqish uchun arizalar berilganda toʻlanadigan stavkaning 50 foizi

Izoh. Mulkiy xususiyatga ega nizolar boʻyicha davlat boji nizolashilayotgan summadan kelib chiqqan holda hisoblab chiqarilgan stavkalar.

e) sud hujjatlarining dublikatlarini hamda taraflar va ishda ishtirok etuvchi boshqa shaxslarning iltimosiga koʻra iqtisodiy sud tomonidan ishlardan boshqa hujjatlarning koʻchirma nusxalarini berganlik uchun

hujjatning har bir beti uchun BHMning 2 foizi

j) hakamlik sudlarining hal qiluv qarorlari yuzasidan nizolashish toʻgʻrisidagi arbitrajning hal qiluv qarori ustidan shikoyat qilish toʻgʻrisidagi, shuningdek hakamlik sudlarining hal qiluv qarorlarini majburiy ijro etish uchun ijro varaqasi berish toʻgʻrisidagi arizalardan

BHMning 2 baravari

Izoh. Kichik tadbirkorlik subyektlari amalga oshiradigan tadbirkorlik faoliyati doirasida sudlarga murojaat qilish chogʻida ushbu bandning “a” — “g” va “e” kichik bandlarida koʻrsatilgan belgilangan stavkaning 50 foizi miqdorida davlat boji toʻlaydi.

z) chet davlat sudlari va arbitrajlar qarorlarini tan olish va ijro etish toʻgʻrisidagi arizalardan

BHMning 2 baravari

3. Maʼmuriy sudlarga beriladigan:

a) idoraviy normativ-huquqiy hujjatlar yuzasidan nizolashish toʻgʻrisidagi arizalar boʻyicha

fuqarolardan

BHMning 5 baravari

yuridik shaxs va yakka tartibdagi tadbirkorlardan

BHMning 20 baravari

fuqarolardan

BHMning 70 foizi

yuridik shaxslar va yakka tartibdagi tadbirkorlardan

BHMning 10 baravari

b¹) zararlarning oʻrnini qoplash haqidagi arizalar (shikoyatlar) boʻyicha

zararlarning oʻrnini qoplash haqidagi talab summasining 2 foizi miqdorida, biroq BHMning 1 baravaridan kam boʻlmagan miqdorda

v) notarial harakatni amalga oshirish, fuqarolik holati dalolatnomalari yozuvini roʻyxatga olish rad etilganligi yoxud notariusning yoki fuqarolik holati dalolatnomalarini yozish organi mansabdor shaxsining harakatlari (harakatsizligi) yuzasidan nizolashish toʻgʻrisidagi arizalardan (shikoyatlardan)

BHMning 1 baravari

g) davlat roʻyxatidan oʻtkazish rad etilganligi yoxud belgilangan muddatda davlat roʻyxatidan oʻtkazishdan boʻyin tovlaganlik ustidan shikoyat qilish toʻgʻrisidagi arizalar (shikoyatlar) boʻyicha

fuqarolardan

BHMning 1 baravari

yuridik shaxslar va yakka tartibdagi tadbirkorlardan

BHMning 10 baravari

d) apellyatsiya, kassatsiya va nazorat tartibida berilgan shikoyatlardan

arizalar (shikoyatlar) berilganda toʻlanishi lozim boʻlgan stavkaning 50 foizi

e) sud hujjatlarining dublikatlarini va koʻchirma nusxalarini, shuningdek taraflarning va ishda ishtirok etuvchi boshqa shaxslarning iltimosiga binoan sudlar tomonidan ishlardan beriladigan boshqa hujjatlarning koʻchirma nusxalarini berish toʻgʻrisidagi arizalardan

hujjatning har bir beti uchun — BHMning 2 foizi

Izoh. Kichik tadbirkorlik subyektlari amalga oshiradigan tadbirkorlik faoliyati doirasida sudlarga murojaat qilish chogʻida ushbu bandning “a” — “g” va “e” kichik bandlarida koʻrsatilgan belgilangan stavkaning 50 foizi miqdorida davlat boji toʻlaydi.

Fuqarolar davlat organlarining va boshqa tashkilotlarning davlat xizmatlarini koʻrsatish bilan bogʻliq qarorlari, harakatlari (harakatsizligi) ustidan sudlarga murojaat qilganda ushbu bandning “b” kichik bandida koʻrsatilgan davlat bojini belgilangan stavkaning 50 foizi miqdorida toʻlaydi. Bunda davlat bojining qolgan qismi qonunda belgilangan tartibda ishni koʻrish natijalari boʻyicha undiriladi.

4. Notarial harakatlarni amalga oshirganlik uchun:

a) koʻchmas mol-mulkni boshqa shaxsga oʻtkazish bilan bogʻliq shartnomalarni tasdiqlaganlik uchun

agar koʻchmas mol-mulk Toshkent, Nukus shaharlarida va viloyat markazlarida joylashgan boʻlsa

— BHMning 1 baravari

agar koʻchmas mol-mulk boshqa aholi punktlarida joylashgan boʻlsa

— BHMning 50 foizi

Izoh. Mulkdorning xotiniga (eriga), uning va xotinining (erining) ota-onasiga, bolalariga va ularning eriga yoki xotiniga, nabiralariga, buvilariga, buvalariga, aka-ukalari va opa-singillariga koʻchmas mol-mulkni oʻtkazish bilan bogʻliq shartnomalar rasmiylashtirilayotganda davlat boji belgilangan stavkaning 50 foizi miqdorida undiriladi.

b) Toshkent shahri va Toshkent viloyatida yangi qurilgan koʻchmas mol-mulkning oldi-sotdi shartnomalarini tasdiqlaganlik uchun Toshkent shahri va Toshkent viloyatiga boshqa davlatlardan kelgan hamda Oʻzbekiston Respublikasida yashash guvohnomasiga ega boʻlgan chet ellik fuqarolar va fuqaroligi boʻlmagan shaxslar tomonidan — BHMning 3300 baravaridan kam boʻlmagan miqdorida yangi qurilgan koʻchmas mol-mulk sotib olinganda

shartnoma summasining 10 foizi

v) “b” kichik bandga muvofiq davlat boji toʻlab sotib olingan koʻchmas mol-mulk xarid qilingan kundan eʼtiboran uch yil ichida boshqa shaxsga oʻtkazish bilan bogʻliq shartnomalarni tasdiqlaganlik uchun

BHMning 400 baravari

g) mol-mulkni ijaraga berish shartnomasini tasdiqlaganlik yoki unga oʻzgartishlar kiritganlik uchun

mulkdorning xotiniga (eriga), uning va xotinining (erining) ota-onasiga, bolalariga va ularning eriga yoki xotiniga, nabiralariga, buvilariga, buvalariga, aka-ukalari va opa-singillariga

— BHMning 10 foizi

jismoniy shaxslar uchun

— BHMning 25 foizi

yuridik shaxslar uchun yoki agar taraflardan biri yuridik shaxs boʻlsa

— BHMning 50 foizi

Izoh. Mol-mulkni ijaraga berish shartnomasini bekor qilganlik uchun davlat boji belgilangan stavkaning 50 foizi miqdorida undiriladi.

d) mol-mulkdan tekin foydalanish shartnomalarini tasdiqlaganlik uchun, bundan “p” kichik bandda belgilangan hollar mustasno

BHMning 25 foizi

e) garov, ipoteka va lizing shartnomalarini tasdiqlaganlik uchun

jismoniy shaxslar uchun:

— BHMning 1 baravari

yuridik shaxslar uchun yoki agar taraflardan biri yuridik shaxs boʻlsa

— BHMning 2 baravari

Izoh. Garov, ipoteka va lizing shartnomalariga oʻzgartish va qoʻshimchalar kiritish haqidagi bitimlar rasmiylashtirilayotganda davlat boji belgilangan stavkaning 50 foizi miqdorida undiriladi.

j) banklar va qarz oluvchilarning kredit boʻyicha qarzdorlikni qarzdorning likvidli mol-mulki hisobidan qaytarish toʻgʻrisidagi yozma bitimlarini (shartnomalarini) tasdiqlaganlik uchun

BHMning 50 foizi

z) qarz shartnomalarini tasdiqlaganlik uchun

— BHMning 25 foizi

Izoh. Qarz shartnomasiga oʻzgartishlar kiritganlik yoki uni bekor qilganlik uchun davlat boji belgilangan stavkaning 50 foizi miqdorida undiriladi.

i) kafillik shartnomalarini tasdiqlaganlik, unga oʻzgartishlar kiritganlik yoki bekor kilganlik uchun

jismoniy shaxslar uchun

BHMning 25 foizi

yuridik shaxslar uchun yoki agar taraflardan biri yuridik shaxs boʻlsa

BHMning 50 foizi

k) korxonani boshqa shaxsga oʻtkazish shartnomalarini tasdiqlaganlik uchun

BHMning 1 baravari

l) vasiyatnomalarni tasdiqlaganlik uchun

BHMning 5 foizi

m) merosga boʻlgan xuquq toʻgʻrisida guvohnoma berganlik uchun

agar meros mol-mulk koʻchmas mulk yoki avtomototransport vositasi boʻlsa (har bir mol-mulk uchun)

BHMning 50 foizi

mol-mulkning boshqa barcha turlari uchun

BHMning 30 foizi

Izoh. Turar-joylar (uylarning bir qismi), kvartiralar (kvartiralarning bir qismi), shu jumladan xususiylashtirilgan kvartiralar (kvartiralarning bir qismi), dala hovlilar, garajlar, boshqa binolar, inshootlar va imoratlarga meros huquqi haqida guvohnoma berishda meros tartibida oʻtayotgan meros mol-mulkning summasi merosxoʻrlik tayinlangan kunda Davlat kadastrlari palatasining hududiy boshqarmalari va boʻlimlari tuman (shahar) filiallari tomonidan belgilangan baholash maʼlumotlari hisobga olingan holda belgilanadi.

n) er-xotinning umumiy mol-mulkdagi ulushga boʻlgan mulk huquqi toʻgʻrisidagi guvohnoma berganlik uchun

BHMning 50 foizi

o) avtomototransport vositalarini boshqa shaxsga oʻtkazish shartnomalarini tasdiqlaganlik uchun davlat boji quyidagi miqdorlarda undiriladi

avtomototransport vositalari uchun

— BHMning 3 baravari

bitta mototransport, motoaravacha, motoqayiq uchun

— BHMning 25 foizi

Izoh. Ayirboshlash shartnomasi rasmiylashtirilayotganda davlat boji faqat bir avtomototransport vositasi uchun undiriladi.

Quyidagi shartnomalarni rasmiylashtirishda:

mulkdorning xotiniga (eriga), uning va xotinining (erining) ota-onasiga, bolalariga va ularning eriga yoki xotiniga, nabiralariga, buvilariga, buvalariga, aka-ukalari va opa-singillariga avtomototransport vositalarini oʻtkazish shartnomalari rasmiylashtirilayotganda davlat boji belgilangan stavkaning 5 foizi miqdorida undiriladi;

bank kreditlari hisobiga sotib olinadigan avtomototransport vositalarining oldi-sotdisi uchun davlat boji belgilangan stavkaning 10 foizi miqdorida undiriladi;

yoʻl-transport hodisasi natijasida shikastlangan avtomototransport vositalarini boshqa shaxsga oʻtkazish shartnomalari rasmiylashtirilayotganda davlat boji miqdori shu transport vositalari yaroqliligining qoldiq foiziga qarab oʻzgartiriladi hamda uning miqdori bitim taraflarining xohishiga koʻra va notariusning topshirigʻiga binoan Oʻzbekiston Respublikasi Adliya vazirligining s?d-ekspertiza muassasalari mutaxassislari, bunday muassasalar boʻlmagan hududlarda esa — “Oʻzavtotexxizmat” masʼuliyati cheklangan jamiyati tashkilotlari tomonidan belgilanadi.

p) avtomototransport vositalarini boshqarishga va tasarruf qilishga oid ishonchnomalarni, shuningdek avtomototransport vositalaridan tekin foydalanish shartnomalarini tasdiqlaganlik uchun

mulkdorning xotiniga (eriga), uning va xotinining (erining) ota-onasiga, bolalariga va ularning eriga yoki xotiniga, nabiralariga, buvilariga, buvalariga, aka-ukalari va opa-singillariga, jiyanlariga

— BHMning 50 foizi

boshqa shaxslarga

— BHMning 2 baravari

r) koʻchmas mol-mulkni tasarruf etish huquqini beruvchi ishonchnomalarni tasdiqlaganlik uchun

mulkdorning xotiniga (eriga), uning va xotinining (erining) ota-onasiga, bolalariga va ularning eriga yoki xotiniga, nabiralariga, buvilariga, buvalariga, aka-ukalari va opa-singillariga

BHMning 25 foizi

boshqa shaxslarga

BHMning 50 foizi

s) boshqa ishonchnomalarni tasdiqlaganlik uchun

BHMning 10 foizi

t) meros mol-mulkni muhofaza qilish choralarini koʻrganlik uchun

BHMning 30 foizi

u) hujjatning bir tildan boshqa tilga qilingan tarjimasining toʻgʻriligini shahodatlash uchun

har bir bet uchun BHMning 1 foizi

f) ijro xatlarini yozib berganlik uchun

undiriladigan summaning 1 foizi, biroq BHMning 10 baravaridan ortiq boʻlmagan miqdorida

Izoh. Lizing obyektining lizing beruvchi talabi boʻyicha ijro xatlarini yozib berishda davlat boji lizing shartnomasida belgilangan toʻlanmagan toʻlovlar summasidan lizing beruvchining lizing shartnomasi muddati oʻtguniga qadar qolgan davr uchun daromadi chegirib tashlangan holda undiriladi.

Qarz shartnomasidan kelib chiqadigan pul summalarini undirish toʻgʻrisidagi ijro varaqalarini berganlik uchun davlat boji belgilangan stavkaning 50 foizi miqdorida undiriladi.

x) hujjatlar koʻchirma nusxalarining va ulardan koʻchirmalarning toʻgʻriligini shahodatlash uchun

jismoniy shaxslar uchun

har bir bet uchun BHMning 1 foizi

yuridik shaxslar uchun

har bir bet uchun BHMning 2 foizi

shu ishlarni xorijda bajarganlik uchun

har bir bet uchun BHMning 5 foizi

s) hujjatlardagi imzolarning haqiqiyligini, shu jumladan tarjimon imzosining haqiqiyligini shahodatlash uchun

jismoniy shaxslar uchun

BHMning 5 foizi

yuridik shaxslar uchun

BHMning 20 foizi

ch) notarial idoralarda mavjud boʻlgan notarial harakatlarni roʻyxatga olish reyestridan koʻchirmalarni, hujjatlarning koʻchirma nusxalarini va dublikatlarini berganlik uchun

BHMning 5 foizi

sh) yuridik va jismoniy shaxslarning arizalari boshqa yuridik va jismoniy shaxslarga berilganligi hamda boshqa notarial harakatlar bajarilganligi uchun, bundan “a” — “ch” kichik bandlarda nazarda tutilganlar mustasno

BHMning 10 foizi

sh¹) boshqa shartnomalarni tasdiqlaganlik uchun, bundan mazkur moddaning “a” — “ch” kichik bandlarda nazarda tutilganlar mustasno

jismoniy shaxslar uchun

BHMning 50 foizi

yuridik shaxslar uchun yoki agar taraflardan biri yuridik shaxs boʻlsa

BHMning 1 baravari

Izoh. Notarial idora binosidan tashqarida amalga oshiriladigan notarial harakatlar uchun davlat boji ikki baravar miqdorda undiriladi, bundan fuqarolarning oʻzini oʻzi boshqarish organlari binolarida notariuslarning sayyor qabullari chogʻida amalga oshiriladigan notarial harakatlar, shuningdek ozodlikdan mahrum qilish joylaridagi yoki qamoqda saqlanayotgan shaxslarning ishonchnomalarini notarial tartibda tasdiqlash mustasno.

Nikoh shartnomasini va aliment toʻlash haqidagi bitimni notarial tartibda tasdiqlash, ularga oʻzgartishlar kiritish yoki ularni bekor qilish, shuningdek mol-mulkni oʻzga shaxsga oʻtkazishni taqiqlash va taqiqlashni bekor qilish chogʻida davlat boji undirilmaydi.

5. Fuqarolik holati dalolatnomalarini roʻyxatdan oʻtkazganlik, fuqarolarga fuqarolik holati dalolatnomalari roʻyxatdan oʻtkazilganligi toʻgʻrisida takroriy guvohnomalar berganlik, fuqarolik holati dalolatnomalariga oʻzgartishlar, tuzatishlar va qoʻshimchalar kiritganlik, fuqarolik holati dalolatnomalari yozuvlarini tiklaganlik, familiya, ism va ota ismini oʻzgartirganlik uchun

a) nikohni qayd etganlik uchun

BHMning 20 foizi

b) nikohning bekor qilinganligini qayd etganlik uchun

voyaga yetmagan bolalari boʻlmagan er-xotinlarning oʻzaro roziligi boʻyicha

er-xotinlarning biridan yoki ikkalasidan BHMning 1,5 baravari

agar er-xotin birinchi nikohda boʻlsa, sud qaroriga asosan

BHMning 1,5 dan 3 baravarigacha (er-xotinning biridan yoki ularning ikkalasidan)

er-xotindan biri takroriy nikohda boʻlsa, sud qaroriga asosan

BHMning 3 dan 4 baravarigacha (er-xotinning biridan yoki ularning ikkalasidan)

v) fuqarolar tomonidan familiya, ism, otasining ismi oʻzgartirilganligi uchun

16 yoshdan 18 yoshgacha

BHMning 50 foizi

18 yoshdan katta

BHMning 1 baravari

g) tugʻilganlik haqida, nikohni qayd etganlik, nikohni bekor qilganlik toʻgʻrisida, oʻlim haqidagi yozuvlar oʻzgartirilganligi, ularga qoʻshimchalar kiritilganligi, tuzatilganligi va qayta tiklanganligi munosabati bilan guvohnomalar berganlik uchun

BHMning 10 foizi

d) fuqarolik holati dalolatnomalarini qayd etilganlik haqida takroriy guvohnomalar berganlik uchun

BHMning 15 foizi

6. Migratsiya va fuqarolikni rasmiylashtirish sohasidagi xizmatlar uchun

a) yangi tugʻilgan bolaga, Oʻzbekiston Respublikasi fuqarosiga, Oʻzbekiston Respublikasi hududida doimiy yashovchi chet el fuqarosiga va fuqaroligi boʻlmagan shaxsga identifikatsiyalovchi ID-kartasini berganlik uchun

BHMning 89 foizi

b) Oʻzbekiston Respublikasi fuqarosining xorijga chiqish uchun biometrik pasportini berganlik uchun

BHMning 1 baravari

v) Oʻzbekiston Respublikasining oʻn olti yoshga toʻlmagan fuqarolariga xorijga chiqish uchun biometrik pasport berganlik uchun

BHMning 80 foizi

g) Oʻzbekiston Respublikasi hududida doimiy yashovchi fuqaroligi boʻlmagan shaxsga, shu jumladan oʻn olti yoshga toʻlmagan shaxsga xorijga chiqish uchun harakatlanish hujjatini berganlik uchun

BHMning 1 baravari

d) Oʻzbekiston Respublikasi fuqarolariga, chet el fuqarolariga va fuqaroligi boʻlmagan shaxslarga Oʻzbekiston Respublikasiga taklif qilish toʻgʻrisidagi hujjatlarni, shu jumladan yoʻqotib qoʻyilganlarining oʻrniga yangilarini berganlik uchun

BHMning 5 foizi

e) Oʻzbekiston Respublikasi fuqaroligiga qabul qilish, uni tiklash va undan chiqish toʻgʻrisidagi iltimosnomalarni yoki Oʻzbekiston Respublikasining fuqarosi deb tan olish haqidagi arizalarni koʻrib chiqqanlik uchun

BHMning 2 baravari

Izoh.Agar shaxsning Oʻzbekiston Respublikasi fuqaroligiga qabul qilish toʻgʻrisidagi iltimosnomasi Oʻzbekiston Respublikasi Prezidenti huzuridagi Fuqarolik masalalari komissiyasining qarori qabul qilinmasdan qaytarilgan boʻlsa, mazkur shaxsning Oʻzbekiston Respublikasi fuqarosi deb tan olish haqidagi arizasi Oʻzbekiston Respublikasi fuqaroligiga qabul qilish toʻgʻrisidagi iltimosnomani koʻrib chiqish uchun ilgari toʻlangan davlat boji asosida koʻrib chiqiladi.

j) Oʻzbekiston Respublikasi fuqarolarini doimiy yashash yoki vaqtincha turgan joyi boʻyicha roʻyxatdan oʻtkazganlik uchun

BHMning 2 foizi

z) Oʻzbekiston Respublikasi hududida doimiy yashovchi chet el fuqarolarini va fuqaroligi boʻlmagan shaxslarni doimiy yashash va vaqtincha turgan joyi boʻyicha roʻyxatdan oʻtkazganlik uchun

BHMning 2 foizi

i) Oʻzbekiston Respublikasining fuqaroligiga mansub emaslik toʻgʻrisidagi maʼlumotnomani rasmiylashtirganlik uchun

BHMning 20 foizi

7. Oʻzbekiston Respublikasidagi yuridik shaxslar va yakka tartibdagi tadbirkorlarni davlat roʻyxatidan oʻtkazganlik uchun:

a) adliya organlari tomonidan

xalqaro nodavlat notijorat tashkilotlarini, shuningdek xalqaro va chet el nodavlat notijorat tashkilotlarining vakolatxonalari va filiallarini

BHMning 12,5 baravari

respublika, viloyatlararo nodavlat notijorat tashkilotlarini

BHMning 3 baravari

faoliyatini viloyat hududida olib boradigan nodavlat notijorat tashkilotlarini

BHMning 1 baravari

faoliyatini tuman, shahar, shaharcha, qishloq va ovul hududida olib boradigan nodavlat notijorat tashkilotlarini

BHMning 50 foizi

diniy tashkilotlarning markaziy boshqaruv organlari va diniy oʻquv yurtlarini

BHMning 20 baravari

boshqa diniy tashkilotlarni

BHMning 10 baravari

diniy tashkilotlarni qayta roʻyxatdan oʻtkazganlik uchun

ularni birinchi marta davlat roʻyxatidan oʻtkazganlik uchun belgilangan summaning 50 foizi

advokatlik byurolarini, advokatlik firmalarini va advokatlar hayʼatlarini

BHMning 2 baravari

advokatlik byurolarini, advokatlik firmalarini va advokatlar hayʼatlarini qayta roʻyxatdan oʻtkazganlik uchun

ularni birinchi marta davlat roʻyxatidan oʻtkazganlik uchun belgilangan summaning 20 foizi

yuridik maslahatxonalarni

BHMning 1 baravari

b) Davlat xizmatlari markazlarida

chet el investitsiyalari ishtirokidagi korxonalar davlat roʻyxatidan oʻtkazilganda yoki qayta roʻyxatdan oʻtkazilganda

BHMning 10 baravari

sugʻurtalovchilar va sugʻurta brokerlari, auditorlik tashkilotlari, soliq maslahatchilari tashkilotlari, birjalar, lombardlar, investitsiya fondlarini, “Oʻzbekoziqovqatzaxira” meva-sabzavot mahsulotlarini tayyorlash va gʻamlash korxonalari uyushmasi tarkibiga kiruvchi korxonalarni, bozorlarni, Oʻzbekiston Respublikasi Prezidenti va Oʻzbekiston Respublikasi Hukumatining tegishli qarorlari bilan aksiyadorlik jamiyatlari (shu jumladan xolding) shaklida tashkil etilayotgan xoʻjalik birlashmalari davlat roʻyxatidan oʻtkazilganda yoki qayta roʻyxatdan oʻtkazilganda

BHMning 4 baravari

yuridik shaxs boʻlgan tadbirkorlik subyektlarini, yuridik shaxs tashkil etmagan yakka tartibdagi tadbirkorlarni, yuridik shaxs tashkil etmagan oilaviy tadbirkorlik subyektlarini hamda yuridik shaxslar birlashmalari davlat roʻyxatidan oʻtkazilganda yoki qayta roʻyxatdan oʻtkazilganda

BHMning 1 baravari