[
OKOZ:
1.
19.00.00.00 Xalqaro munosabatlar. Xalqaro huquq / 19.09.00.00 Xalqaro iqtisodiy hamkorlik / 19.09.12.00 Qishloq xo‘jaligi sohasidagi xalqaro hamkorlik. O‘simliklar karantini. Veterinariya]
[
TSZ:
1.
Tashqi siyosat va xalqaro munosabatlar / Xalqaro shartnomalar (bitmlar)]
O‘zbekiston Respublikasi Hukumati bilan Qirg‘iziston Respublikasi Hukumati o‘rtasida
Bayonnoma
2017-yil 5-oktabrda imzolangan O‘zbekiston Respublikasi Hukumati bilan Qirg‘iziston Respublikasi Hukumati o‘rtasida mineral o‘g‘itlarni yetkazib berish sohasida uzoq muddatli hamkorlik to‘g‘risidagi Bitimga o‘zgartirish kiritish haqida
2019-yil 1-avgust, Bishkek
(O‘zbekiston Respublikasi uchun 2019-yil 1-avgustdan kuchga kirgan)
O‘zbekiston Respublikasi Hukumati va Qirg‘iziston Respublikasi Hukumati, keyingi o‘rinlarda “Tomonlar” deb ataluvchilar, O‘zbekiston Respublikasi Hukumati bilan Qirg‘iziston Respublikasi Hukumati o‘rtasida 2017-yil 5-oktabrda imzolangan mineral o‘g‘itlarni yetkazib berish sohasida uzoq muddatli hamkorlik to‘g‘risidagi Bitimning (keyingi o‘rinlarda — Bitim)
8-moddasiga
asosan, quyidagilar to‘g‘risida kelishib oldilar:
1-modda
Bitimning
3-moddasi
matni quyidagi tahrirda bayon etilsin:
“Quyidagilar Tomonlarning mazkur Bitimni amalga oshirish uchun mas’ul bo‘lgan ijro organlari hisoblanadi:
O‘zbekiston tomonidan — O‘zbekiston Respublikasi Investitsiyalar va tashqi savdo vazirligi, “O‘zkimyosanoat” aksiyadorlik jamiyati;
Qirgiziston tomonidan — Qirgiziston Respublikasi Qishloq xo‘jaligi, oziq-ovqat sanoati va melioratsiya vazirligi”.
2-modda
Mazkur Bayonnoma imzolangan sanadan boshlab kuchga kiradi Bitim amal qilishi tugatilgunga qadar amalda bo‘ladi.
Bishkek shahrida 2019-yil 1-avgustda ikki asl nusxada, har biri o‘zbek, qirgiz va rus tillarida tuzildi, bunda barcha matnlar bir xil kuchga ega.
Mazkur Bayonnoma qoidalarini talqin etishda kelishmovchiliklar yuzaga kelgan taqdirda, Tomonlar rus tilidagi matnga tayanadilar.
(imzolar)