Oʻzbekiston Respublikasi Prezidentining “Transport sohasida davlat boshqaruvi tizimini tubdan takomillashtirish chora-tadbirlari toʻgʻrisida” 2019-yil 1-fevraldagi PF-5647-son Farmoni va Oʻzbekiston Respublikasi Prezidentining “Oʻzbekiston Respublikasi Transport vazirligi faoliyatini tashkil etish toʻgʻrisida” 2019-yil 1-fevraldagi PQ-4143-son qarori ijrosini taʼminlash maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Transport vazirligi huzuridagi Fuqaro aviatsiyasi agentligining tuzilmasi 1-ilovaga muvofiq;

Oʻzbekiston Respublikasi Transport vazirligi huzuridagi Temir yoʻllarda yuk va yoʻlovchilar tashish xavfsizligini nazorat qilish inspeksiyasining tashkiliy tuzilmasi 2-ilovaga muvofiq;

Oʻzbekiston Respublikasi Transport vazirligi huzuridagi Temir yoʻllarda yuk va yoʻlovchilar tashish xavfsizligini nazorat qilish inspeksiyasi markaziy apparatining tuzilmasi 2a-ilovaga muvofiq;

Oʻzbekiston Respublikasi Transport vazirligi huzuridagi Temir yoʻllarda yuk va yoʻlovchilar tashish xavfsizligini nazorat qilish inspeksiyasi hududiy filialining namunaviy tuzilmasi 2b-ilovaga muvofiq;

Oʻzbekiston Respublikasi Transport vazirligi huzuridagi Yoʻl-qurilish ishlari sifatini nazorat qilish inspeksiyasining tuzilmasi 3-ilovaga muvofiq;

Oʻzbekiston Respublikasi Transport vazirligi huzuridagi Fuqaro aviatsiyasi agentligi toʻgʻrisidagi nizom 4-ilovaga muvofiq.

Oʻzbekiston Respublikasi Transport vazirligi huzuridagi Temir yoʻllarda yuk va yoʻlovchilar tashish xavfsizligini nazorat qilish inspeksiyasi toʻgʻrisidagi nizom 5-ilovaga muvofiq;

Oʻzbekiston Respublikasi Transport vazirligi huzuridagi Yoʻl-qurilish ishlari sifatini nazorat qilish inspeksiyasi toʻgʻrisidagi nizom 6-ilovaga muvofiq tasdiqlansin.

2. Oʻzbekiston Respublikasi Transport vazirligi huzuridagi Fuqaro aviatsiyasi agentligi direktoriga, Temir yoʻllarda yuk va yoʻlovchilar tashish xavfsizligini nazorat qilish inspeksiyasi va Yoʻl-qurilish ishlari sifatini nazorat qilish inspeksiyasi boshliqlariga zarur boʻlganda, Oʻzbekiston Respublikasi Transport vazirligi bilan kelishilgan holda tuzilmalariga boshqaruv xodimlarining belgilangan cheklangan umumiy soni doirasida oʻzgartirishlar kiritish huquqi berilsin.

3. Oʻzbekiston Respublikasi Moliya vazirligi:

Oʻzbekiston Respublikasi Transport vazirligi huzuridagi Yoʻl-qurilish ishlari sifatini nazorat qilish inspeksiyasining markaziy apparatiga jami 2 ta, shu jumladan 1 ta biriktirilgan va 1 ta navbatchi avtotransport vositasi;

Oʻzbekiston Respublikasi Transport vazirligi huzuridagi Yoʻl-qurilish ishlari sifatini nazorat qilish inspeksiyasining hududiy boʻlinmalariga jami 14 ta;

Oʻzbekiston Respublikasi Transport vazirligi huzuridagi Yoʻl-qurilish ishlari sifatini nazorat qilish inspeksiyasining yoʻl-sinov laboratoriyasi uchun jami 4 ta, shu jumladan 2 ta maxsus yengil va 2 ta maxsus yuk avtomobillarini saqlash uchun limit ajratsin.

4. Oʻzbekiston Respublikasi Hukumatining 7-ilovaga muvofiq ayrim qarorlari oʻz kuchini yoʻqotgan deb hisoblansin.

5. Oʻzbekiston Respublikasi Transport vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov zimmasiga yuklansin.

1. Mazkur Nizom Oʻzbekiston Respublikasi Transport vazirligi huzuridagi Fuqaro aviatsiyasi agentligining (keyingi oʻrinlarda Agentlik deb ataladi) maqomi, asosiy vazifalari, funksiyalari, huquqlari, javobgarligini, faoliyatini tashkil etish va hisobot berish tartibini, shuningdek, Agentlik rahbarlarining funksional vazifalari va javobgarligini belgilaydi.

2. Agentlik fuqaro aviatsiyasi va eksperimental aviatsiyada havo kemalari parvozlarining xavfsizligini, shuningdek, noqonuniy aralashish harakatlaridan himoya qilishni taʼminlash boʻyicha Oʻzbekiston Respublikasi aviatsiya maʼmuriyati funksiyasini amalga oshiruvchi davlat organi hisoblanadi.

3. Agentlik oʻz faoliyatida Oʻzbekiston Respublikasi Transport vazirligiga (keyingi oʻrinlarda Transport vazirligi deb ataladi) boʻysunadi va hisobot beradi.

4. Agentlik oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga (keyingi oʻrinlarda Vazirlar Mahkamasi deb ataladi), Transport vazirligi qarorlari, shuningdek, ushbu Nizomga va boshqa qonun hujjatlariga amal qiladi.

5. Agentlikning oʻz vakolatlari doirasida qabul qilgan qarorlari davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek, fuqarolar tomonidan bajarilishi majburiy hisoblanadi.

6. Agentlik yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansiga, Oʻzbekiston Respublikasi Moliya vazirligi Gʻaznachiligida shaxsiy gʻazna hisobvaraqlariga, bank hisobraqamlariga, shu jumladan chet el valyutasidagi hisobraqamlariga ega. Agentlik oʻz emblemasiga ega.

7. Agentlikning rasmiy nomi:

a) davlat tilida:

toʻliq — Oʻzbekiston Respublikasi Transport vazirligi huzuridagi Fuqaro aviatsiyasi agentligi;

qisqartirilgani — “Oʻzaviatsiya” agentligi;

b) ingliz tilida:

toʻliq — Civil aviation Agency under the Ministry of transport of the Republic of Uzbekistan;

qisqartirilgani — Civil Aviation Agency of Uzbekistan (CAA of Uzbekistan).

v) rus tilida:

toʻliq — Agentstvo grajdanskoy aviatsii pri Ministerstve transporta Respubliki Uzbekistan;

qisqartirilgani — Agentstvo “Uzaviatsiya”.

8. Agentlik joylashgan joy (pochta manzili): 100015, Toshkent shahri, Mirobod tumani, Nukus koʻchasi, 73b-uy.

9. Quyidagilar Agentlikning asosiy vazifalari hisoblanadi:

havo hududidan foydalanuvchilarning Oʻzbekiston Respublikasi havo hududidan xavfsiz foydalanishlari, parvozlar insonlar sogʻligʻi va hayotiga, atrof-muhitga hamda davlat manfaatlariga xavf solmagan holda amalga oshirilishini taʼminlash, oʻz vakolatlari doirasida havoda harakatlanishga xizmat koʻrsatish tashkil etilishini va Oʻzbekiston Respublikasining havo hududidan foydalanishni nazorat qilish;

Oʻzbekiston Respublikasi fuqaro aviatsiyasi va uning obyektlarining xavfsiz faoliyat koʻrsatishini, shuningdek, aviatsiyani noqonuniy aralashish harakatlaridan himoya qilish choralarini amalga oshirish orqali havo kemalari yoʻlovchilari hamda ekipaj aʼzolarining hayoti va sogʻligʻi xavfsizligini taʼminlash;

parvozlar xavfsizligini taʼminlash boʻyicha fuqaro aviatsiyasi faoliyati sohasidagi sertifikatlash ishlarini tashkil etish va taʼminlash;

fuqaro aviatsiyasi va eksperimental aviatsiya faoliyati sohasida davlat nazoratini olib borish;

xalqaro tashkilotlarda Oʻzbekiston Respublikasi fuqaro aviatsiyasi manfaatlarini ifoda etish.

10. Agentlik oʻziga yuklangan vazifalarga muvofiq quyidagi funksiyalarni amalga oshiradi:

a) havo hududidan foydalanuvchilarning Oʻzbekiston Respublikasi havo hududidan xavfsiz foydalanishlari, parvozlar insonlar sogʻligʻi va hayotiga, atrof-muhitga hamda davlat manfaatlariga xavf solmagan holda amalga oshirilishini taʼminlash, oʻz vakolatlari doirasida havoda harakatlanishga xizmat koʻrsatish tashkil etilishini va Oʻzbekiston Respublikasining havo hududidan foydalanishni nazorat qilish sohasida:

fuqaro aviatsiyasi va eksperimental aviatsiya faoliyati sohasida Xalqaro fuqaro aviatsiyasi toʻgʻrisidagi konvensiya (1944-yilgi Chikago konvensiyasi) va uning ilovalari talablariga asosan normativ-huquqiy hujjatlar loyihasini ishlab chiqadi;

fuqaro havo kemalari davlat reyestrini, fuqaro aviatsiyasining eksperimental havo kemalari va uchuvchisiz uchish apparatlarining hisobini yuritadi;

havo kemalaridan texnik va uchish maqsadida foydalanish hujjatlarini tasdiqlaydi;

fuqaro aviatsiyasi obyektlariga berilgan xorijiy sertifikatlarni, xorijiy davlatlar tomonidan aviatsiya mutaxassislariga berilgan sertifikatlarni (guvohnomalarni) eʼtirof etishni taʼminlaydi;

xorijiy davlatlarning ekspluatantlari tomonidan Oʻzbekiston Respublikasiga muntazam qatnovlar bajarilishi uchun ekspluatatsiya ruxsatnomalarini beradi va havo transporti orqali xavfli yuklar, qurol-yarogʻ, harbiy texnika, harbiy mol-mulk, portlovchi moddalar va buyumlar, shuningdek, harbiy kontingentlar tranzitini amalga oshirishda vakolatli organlar uchun xulosalar tayyorlaydi;

havo kemalari ekspluatantlariga parvozlarni amalga oshirishlari uchun bir martalik ruxsatnomalar beradi;

parvozlar xavfsizligiga tahdid solishi mumkin boʻlgan faoliyat turlarini amalga oshirish uchun ruxsatnomalar beradi;

Oʻzbekiston Respublikasi fuqaro aviatsiyasi havo kemalari parvozlarining xavfsizligini taʼminlash davlat dasturini takomillashtirishni va amalga oshirishni quyidagi hujjatlarni berish bilan taʼminlaydi:

havo kemalari ekspluatantining sertifikati;

havo kemalariga texnik xizmat koʻrsatuvchi tashkilotlar sertifikati;

fuqaro aviatsiyasi va eksperimental aviatsiya aerodromi, birgalikda foydalaniladigan (joylashgan) aerodromlar sertifikati;

Oʻzbekiston Respublikasi fuqaro aviatsiyasi kadrlarini tayyorlash oʻquv markazining sertifikati;

fuqaro havo kemasi roʻyxatdan oʻtkazilganligi toʻgʻrisida guvohnoma;

fuqaro havo kemasi roʻyxatdan chiqarilganligi toʻgʻrisida guvohnoma;

eksperimental havo kemasi davlat hisobiga olingani toʻgʻrisida guvohnoma;

fuqaro havo kemasining uchishga yaroqlilik sertifikati;

fuqaro havo kemalarining radio jihozlari sertifikati;

fuqaro havo kemalarining shovqin boʻyicha sertifikati;

fuqaro aviatsiyasining tibbiy-uchish ekspert komissiyasini tayinlash toʻgʻrisida guvohnoma;

fuqaro aviatsiyasining uchuvchisiz uchish apparatidan foydalanishga ruxsat toʻgʻrisida xulosa;

kasbiy faoliyatini olib borishlari uchun aviatsiya xodimlari guvohnomasi;

ushbu kichik bandda koʻrsatilgan hujjatlarning amal qilishini belgilangan tartibda toʻxtatib qoʻyadi;

b) Oʻzbekiston Respublikasi fuqaro aviatsiyasi va uning obyektlarining xavfsiz faoliyat koʻrsatishini, shuningdek, aviatsiyani noqonuniy aralashish harakatlaridan himoya qilish choralarini amalga oshirish orqali havo kemalari yoʻlovchilari hamda ekipaj aʼzolarining hayoti va sogʻligʻi xavfsizligini taʼminlash sohasida;

Oʻzbekiston Respublikasida fuqaro aviatsiyasini noqonuniy aralashish harakatlaridan himoya qilishni taʼminlash davlat dasturini amalga oshirish va takomillashtirishni taʼminlaydi;

v) parvozlar xavfsizligini taʼminlash boʻyicha fuqaro aviatsiyasi faoliyati sohasidagi sertifikatlash ishlarini tashkil etish va taʼminlash sohasida:

Quyidagilarni amalga oshiradi:

havo kemalari ekspluatantlarini sertifikatlaydi;

havo kemalariga texnik xizmat koʻrsatish tashkilotlarini sertifikatlaydi;

fuqaro aviatsiyasi va eksperimental aviatsiya aerodromlarini, birgalikda foydalaniladigan (joylashgan) aerodromlarni sertifikatlaydi;

Oʻzbekiston Respublikasi fuqaro aviatsiyasi kadrlarini tayyorlash oʻquv markazlarini sertifikatlaydi;

g) fuqaro aviatsiyasi va eksperimental aviatsiya faoliyati sohasida davlat nazoratini olib borishda quyidagilarga rioya etilishining davlat nazoratini tashkil etish va amalga oshirishni taʼminlaydi:

fuqaro havo kemalari va uchuvchisiz uchish apparatlari parvozlarini tashkil etish, taʼminlash va bajarish qoidalari;

fuqaro havo kemalaridan foydalanish va ularga texnik xizmat koʻrsatish qoidalari;

fuqaro havo kemalarini ishlab chiqarish qoidalari (ulardan foydalanish jarayonida ushbu kemalarning parvozlari xavfsizligiga taʼsir qiluvchi ishlab chiqarish kamchiliklari aniqlangan taqdirda);

fuqaro aviatsiyasi va eksperimental aviatsiya aerodromlarini, birgalikda foydalaniladigan (joylashgan) aerodromlardan fuqaro havo kemalari parvozlari xavfsizligini taʼminlash boʻyicha foydalanish qoidalari, shuningdek, yer ustidagi asbob-uskunalaridan foydalanish qoidalari;

fuqaro havo kemalarining parvozlari xavfsizligini va aviatsiya xavfsizligini taʼminlash sohasida aviatsiya xodimlarini tayyorlash qoidalari (shu jumladan, xodimlarni tekshirish va ularga ishlashiga ruxsat berish);

fuqaro havo kemalarining uchishga yaroqlilik normalari;

fuqaro aviatsiyasi va eksperimental aviatsiya aerodromlarining foydalanishga yaroqlilik normalari;

fuqaro aviatsiyasi va eksperimental aviatsiya xodimlarini tibbiy koʻrikdan oʻtkazish qoidalari;

Oʻzbekiston Respublikasi havo hududidan foydalanish va havoda harakatlanishni tashkil etish va xizmat koʻrsatish qoidalari;

Oʻzbekiston Respublikasi aviatsiya aloqa tizimlari va aeronavigatsiya vositalari ishonchli ishlashini taʼminlash qoidalari;

parvozlarni meteorologik taʼminlash qoidalari;

havo kemalari va maxsus transport vositalarining aerodrom perronida harakatlanishini boshqarish va tashkil etish qoidalari;

aerodrom ekspluatanti tomonidan havo kemalarining qush va yovvoyi hayvonlar bilan toʻqnashish holatlarining oldini olish tadbirlarini bajarish;

parvozlar xavfsizligiga tahdid solishi mumkin boʻlgan faoliyatni amalga oshirish qoidalari;

parvozlar xavfsizligiga tahdid soluvchi obyektlarni belgilash qoidalari;

havo transportida yoʻlovchi, bagaj, yuk (xavfli yuk) va pochta tashish qoidalari;

fuqaro aviatsiyasining tegishli tashkilotlarida parvozlar xavfsizligini boshqarish tizimini joriy qilish va uning faoliyat koʻrsatishi;

Oʻzbekiston Respublikasiga fuqaro aviatsiyasining noqonuniy aralashish harakatlaridan aviatsiya xavfsizligini taʼminlash boʻyicha normalari, qoidalari va tartibi;

parvozlarning qidiruv, avariya-qutqaruv taʼminoti qoidalari;

Oʻzbekiston Respublikasiga parvozlarni amalga oshiruvchi xorijiy davlatlar ekspluatantlarining parvozlarni amalga oshirish qoidalari;

d) xalqaro tashkilotlarda Oʻzbekiston Respublikasi fuqaro aviatsiyasi manfaatlarini ifoda etish sohasida:

parvozlar xavfsizligi va aviatsiya xavfsizligi sohasida Oʻzbekiston Respublikasi imzolagan memorandumlarni amalga oshirish, standartlar va tavsiyalarni joriy qilish masalalari boʻyicha Xalqaro fuqaro aviatsiyasi tashkiloti (IKAO) bilan hamkorlikni amalga oshirish;

Agentlik vakolatlariga kiritilgan masalalar boʻyicha boshqa davlatlarning tegishli tashkilotlari bilan aloqalarni belgilangan tartibda amalga oshirish, oʻz vakolatiga tegishli boʻlgan Oʻzbekiston Respublikasining xalqaro shartnomalari bajarilishini taʼminlash;

parvozlar xavfsizligi va aviatsiya xavfsizligini taʼminlash masalalari boʻyicha xalqaro tashkilotlar ishida, konferensiyalarda va seminarlarda ishtirok etish, normativ-huquqiy bazani, havo kemalaridan uchish va texnik foydalanish, havo navigatsiyasini, havoda harakatni tashkil qilish, fuqaro aviatsiyasi inspektorlari tarkibini tayyorlashni takomillashtirish.

11. Agentlik oʻziga yuklangan vazifalar va funksiyalarni bajarish uchun quyidagi huquqlarga ega:

Agentlikka yuklangan vazifalar va funksiyalarning bajarilishi bilan bogʻliq normativ-huquqiy hujjatlarni, shuningdek, boshqa hujjatlarni Transport vazirligiga belgilangan tartibda kiritish;

Agentlik vakolatiga kiruvchi masalalar boʻyicha davlat va xoʻjalik boshqaruvi organlari, mahalliy davlat hokimiyati organlarining faoliyatini belgilangan tartibda muvofiqlashtirish;

Agentlik vakolatiga kiruvchi masalalarni hal etish uchun zarur boʻlgan maʼlumotlarni davlat va xoʻjalik boshqaruvi organlari, mahalliy davlat hokimiyati organlaridan belgilangan tartibda soʻrash va olish;

Agentlik vakolatiga kiruvchi masalalar boʻyicha davlat statistika organlaridan zarur statistika maʼlumotlarini bepul olish;

Agentlik xodimlarini ularning tegishli sohadagi faoliyatining asosiy koʻrsatkichlarini bajarishi hisobga olingan holda, moddiy ragʻbatlantirish tartibi, miqdorlari va shartlarini belgilash;

Agentlik vakolatiga kiruvchi masalalar boʻyicha Vazirlikka, davlat va xoʻjalik boshqaruvi organlari, mahalliy davlat hokimiyati organlariga koʻrib chiqish uchun takliflar kiritish;

Transport vazirligi topshirigʻiga asosan Oʻzbekiston Respublikasining xalqaro shartnomalari loyihalarini tayyorlashda belgilangan tartibda ishtirok etish, Agentlik vakolatiga kiruvchi masalalar boʻyicha idoralararo tusdagi xalqaro shartnomalarni belgilangan tartibda tuzish;

Transport vazirligi topshirigʻiga asosan Agentlik vakolatiga taalluqli masalalar boʻyicha Oʻzbekiston Respublikasi manfaatlarini xalqaro darajada belgilangan tartibda ifoda etish;

Transport vazirligiga fuqaro aviatsiyasi faoliyati sohasida Oʻzbekiston Respublikasining xalqaro shartnomalarini tuzish toʻgʻrisidagi takliflarni taqdim etish;

havo kemalari parvozlarining xavfsizligini hamda fuqaro aviatsiyasini noqonuniy aralashish harakatlaridan himoya qilishni taʼminlaydigan belgilangan qoidalar va normalarga havo kemalari ekspluatantlari va aviatsiya tashkilotlari tomonidan rioya etilishini oʻz vakolatlari doirasida belgilangan tartibda tekshirish;

ichki va xalqaro havo yoʻllarida qatnovlarni amalga oshirishda Agentlik inspektorlarini belgilangan tartibda havo kemalari ekipajlari tarkibiga tekshiruvchilar sifatida kiritish, shuningdek, aylana uchishlar, havo kemalarini bir joydan boshqa joyga uchirib oʻtishda va aviatsiya ishlarining boshqa turlarida Oʻzbekiston Respublikasi ekspluatantining havo kemalari ekipajlari tarkibida parvozlarni amalga oshirish;

aviatsiya xavfsizligini taʼminlash qoidalariga rioya qilib, Agentlik inspektori xizmat guvohnomasini koʻrsatgan holda havo kemalariga, fuqaro aviatsiyasi tashkilotlarining binolari va inshoatlariga toʻsiqsiz kirish xamda xizmat hujjatlarini tekshirish;

zarur boʻlgan hollarda, yuridik va jismoniy shaxslarga tekshirishlar oʻtkazish jarayonida aniqlangan kamchiliklarni soʻzsiz bartaraf etish boʻyicha yozma koʻrsatmalar berish;

havo kemasining yaroqliligini va davlat roʻyxatidan oʻtkazilganligini tasdiqlovchi majburiy kema hujjatlariga va unga qoʻyilgan talablar buzilgan hollarda havo kemasining parvozini toʻxtatib turish;

agar parvozlar xavfsizligiga tahdid qilinadigan boʻlsa, aerodromlar yoki uchish maydoni uchastkalaridan, aerodrom uskunalaridan foydalanishga cheklovlar joriy etish;

havo transporti organlari nomidan maʼmuriy huquqbuzarliklar toʻgʻrisidagi ishlarni koʻrib chiqishga va maʼmuriy jazolarni qoʻllashga;

Agentlik qonun hujjatlariga muvofiq boshqa huquqlarga ega ham boʻlishi mumkin.

12. Agentlik:

Agentlikka yuklangan vazifalar va funksiyalar samarali bajarilishi;

Agentlik faoliyati bilan bogʻliq prognoz koʻrsatgichlarga erishilishini soʻzsiz taʼminlash;

Transport vazirligiga kiritiladigan, shuningdek, Agentlik tomonidan qabul qilinadigan normativ-huquqiy hujjatlar va boshqa hujjatlar loyihalarining sifati, yakuniy natijalari va amalga oshirilishi, oqibatlari;

fuqaro aviatsiyasi sohasida fuqarolar va tadbirkorlik subyektlarining huquqlari va qonuniy manfaatlariga rioya etilishi hamda muhofaza qilinishini taʼminlash uchun masʼuldir.

13. Agentlikka Oʻzbekiston Respublikasi transport vaziri taqdimnomasiga koʻra, Vazirlar Mahkamasi tomonidan lavozimga tayinlanadigan va lavozimdan ozod etiladigan direktor rahbarlik qiladi.

14. Agentlik direktorining oʻrinbosari Agentlik direktorining taqdimnomasiga koʻra, Oʻzbekiston Respublikasi transport vaziri tomonidan lavozimga tayinlanadi va lavozimdan ozod etiladi.

15. Agentlik direktori moddiy taʼminot, transport va tibbiy xizmat koʻrsatish shartlari boʻyicha vazir oʻrinbosariga tenglashtiriladi.

16. Agentlik direktori boʻlmagan vaqtda uning vakolatlari oʻrinbosari tomonidan amalga oshiriladi.

17. Agentlik direktori nizomlarni hamda belgilangan shtatlar soni doirasida Agentlik apparati tuzilmasini va shtatlar jadvalini tasdiqlaydi.

18. Agentlik oʻz vazifalari va funksiyalarini amalga oshirishda davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlar bilan oʻzaro hamkorlik qiladi.

19. Quyidagilar Agentlik direktorining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlarining, shuningdek, boshqa normativ-huquqiy hujjatlarning talablariga rioya qilish;

Agentlik faoliyatiga umumiy rahbarlikni amalga oshirish, Oʻzbekiston Respublikasi Prezidentining tegishli hujjatlari, Vazirlar Mahkamasining va Transport vazirligining qarorlari va boshqa qonun hujjatlari bilan Agentlikka yuklangan vazifa va funksiyalarning bajarilishini tashkil etish;

Agentlik faoliyatini yanada takomillashtirish boʻyicha Oʻzbekiston Respublikasi Prezidentining hujjatlari va Vazirlar Mahkamasining va Transport vazirligining qarorlari bilan tasdiqlangan kompleks dastur va chora-tadbirlar ijrosini tanqidiy va chuqur tahlil qilish;

Agentlik faoliyati bilan bogʻliq prognoz koʻrsatkichlarga soʻzsiz erishilishi boʻyicha amaliy choralarni ishlab chiqish va qabul qilish;

Transport vazirligi topshirigʻiga asosan Oʻzbekiston Respublikasi Prezidenti maslahatchilarining tarkibiy boʻlinmalari va Vazirlar Mahkamasining kotibiyatlari, shuningdek, tegishli vazirliklar va idoralar bilan Agentlik faoliyati sohasiga kiradigan masalalar boʻyicha oʻzaro hamkorlik qilish, masalalarning Vazirlar Mahkamasi va uning Rayosati majlislarida koʻrib chiqilishida ishtirok etish;

Oʻzbekiston Respublikasi Prezidenti, Oʻzbekiston Respublikasining Bosh vaziri, uning oʻrinbosarlari va maslahatchilarining, Transport vazirligi rahbarlarining topshiriqlarini oʻz vaqtida, toʻliq va sifatli ijro etish;

oʻz oʻrinbosarining va Agentlikning boshqa mansabdor shaxslarining vakolatlarini belgilash, Agentlik faoliyatining alohida uchastkalariga rahbarlik qilish borasida oʻrinbosari va boshqa mansabdor shaxslarining shaxsiy javobgarlik darajasini belgilash;

Agentlik faoliyatini rejalashtirishni tashkil etish, Agentlik va oʻz oʻrinbosarining ish rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidenti, Vazirlar Mahkamasining va Transport vazirligining hujjatlari va topshiriqlari ijrosini tashkil etish va monitoringining amaliy tizimini yaratish, Agentlik faoliyatida ijro intizomini mustahkamlash borasida amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjat va topshiriqlarini samarali va natijali ijro etish, shuningdek, ijro intizomini mustahkamlash uchun Oʻzbekiston Respublikasi Prezidentining Davlat maslahatchilari, Vazirlar Mahkamasi va uning komplekslarining, davlat va xoʻjalik boshqaruvi organlari rahbarlarining, shuningdek, barcha darajadagi hokimliklarning shaxsiy javobgarligi toʻgʻrisida” 2017-yil 11-apreldagi PQ-2881-son hamda “Davlat organlari va tashkilotlarida ijro intizomini yanada mustahkamlash boʻyicha chora-tadbirlar toʻgʻrisida” 2018-yil 5-oktabrdagi PQ-3962-son qarorlari, Vazirlar Mahkamasining “Ijro intizomini mustahkamlash toʻgʻrisida” 1999-yil 12-yanvardagi 12-son qarori talablariga muvofiq topshiriqlarning oʻz vaqtida va sifatli bajarilishi uchun tarkibiy tuzilmalar rahbarlarining shaxsiy javobgarligini oshirish choralarini koʻrish;

Agentlik xodimlarini muntazam ravishda qayta tayyorlash va malakasini oshirishni tashkil etish;

Agentlik xodimlarini lavozimga tayinlash va lavozimdan ozod qilish;

Agentlikda kadrlarni tayinlash va joy-joyiga qoʻyish, ularning samarali faoliyati uchun zarur shart-sharoitlar yaratish, Agentlikning kadrlar zaxirasini shakllantirish;

faoliyat sohasi boʻyicha normativ-huquqiy hujjatlarning sifatli ishlab chiqilishini, ularning “Normativ-huquqiy hujjatlar toʻgʻrisida”gi, “Qonun loyihalarini tayyorlash va ularni Oʻzbekiston Respublikasi Oliy majlisining Qonunchilik palatasiga kiritish tartibi toʻgʻrisida”gi, Oʻzbekiston Respublikasi Qonunlarining talablari, Oʻzbekiston Respublikasi Prezidentining 2018-yil 8-avgustdagi PF-5505-son Farmoni bilan tasdiqlangan “Norma ijodkorligi faoliyatini takomillashtirish konsepsiyasini tasdiqlash toʻgʻrisida”, Oʻzbekiston Respublikasi Prezidentining 2018-yil 26-avgustdagi PF-5519-son Farmoni bilan tasdiqlangan Oʻzbekiston Respublikasi Prezidenti Administratsiyasining Reglamenti (keyingi oʻrinlarda Oʻzbekiston Respublikasi Prezidenti Administratsiyasi Reglamenti deb ataladi) hamda Vazirlar Mahkamasining 2019-yil 22-martdagi 242-son qarori bilan tasdiqlangan Oʻzbekiston Respublikasi Vazirlar Mahkamasining Reglamenti (keyingi oʻrinlarda Vazirlar Mahkamasining Reglamenti deb ataladi) talablariga qatʼiy muvofiq ravishda oʻz vaqtida Transport vazirligiga kiritilishini tashkil etish, ularni Transport vazirligi apparatida ishlab chiqilishida, Transport vazirligi rahbariyati huzurida himoya qilinishida, Vazirlar Mahkamasida ishlab chiqilishi va koʻrib chiqilishida ishtirok etish;

“Normativ-huquqiy hujjatlar toʻgʻrisida”gi, “Qonun loyihalarini tayyorlash va ularni Oʻzbekiston Respublikasi Oliy majlisining Qonunchilik palatasiga kiritish tartibi toʻgʻrisida”gi Oʻzbekiston Respublikasi Qonunlari va Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihalariga doir faoliyatining namunaviy reglamentiga muvofiq Agentlikning qonun ijodkorligi faoliyatini tashkil qilish;

Agentlikka taqdim etilgan takliflarning va normativ-huquqiy hujjatlar loyihalarining toʻliq va har tomonlama koʻrib chiqilishini taʼminlash, ularning moliyaviy, iqtisodiy, huquqiy va boshqa xil ekspertizadan puxta oʻtkazilishini, shuningdek, Vazirlar Mahkamasi Reglamentida va Oʻzbekiston Respublikasi Prezidenti Administratsiyasining Reglamentida belgilangan muddatlarda kelishilishini (vizalanishini) taʼminlash;

Agentlik rahbarlari va xodimlarining xizmat safarlarini Oʻzbekiston Respublikasi Prezidentining “Mansabdor shaxslarni xorijiy mamlakatlarga chiqishi tartibini takomillashtirish toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga safarini tashkillashtirish uchun mansabdor shaxslarning shaxsiy javobgarligini yanada oshirish boʻyicha chora-tadbirlar toʻgʻrisida” 2017-yil 3-avgustdagi PQ-3170-son qarorlarining talablariga toʻliq muvofiq ravishda tashkil etish, xizmat safarlarining asoslanganligi, samaradorligi va natijadorligini, xizmat safarlariga ajratiladigan mablagʻlardan maqsadli va oqilona foydalanishni taʼminlash;

oʻz oʻrinbosari va tarkibiy tuzilmalar rahbarlari faoliyatining samaradorligi va natijadorligining tanqidiy tahlilini muntazam oʻtkazish, Agentlik majlislarida ularning shaxsiy hisobotlarini eshitish, muhokama yakunlari boʻyicha zarur choralar koʻrish;

Agentlik xodimlarini ragʻbatlantirish va intizomiy javobgarlikka tortish masalalarini hal qilish, oʻz oʻrinbosarini ragʻbatlantirish va intizomiy javobgarlikka tortish masalalarini, shu jumladan kelgusida uning egallab turgan lavozimida qolish-qolmasligining maqsadga muvofiqligi masalalarini koʻrib chiqish boʻyicha takliflar kiritish, uning shaxsiy javobgarligini oshirish boʻyicha tizimli choralarni amalga oshirish;

Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan Agentlik xodimlarining odob-axloq qoidalari (keyingi oʻrinlarda Agentlik xodimlarining odob-axloq qoidalari deb ataladi) talablariga Agentlik xodimlarining rioya etishini taʼminlash;

“Korrupsiyaga qarshi kurash toʻgʻrisida”gi Oʻzbekiston Respublikasi Qonuni talablariga muvofiq Agentlikda korrupsiya va boshqa huquqbuzarliklarning oldini olish boʻyicha chora-tadbirlar koʻrish, shuningdek, huquqni qoʻllash amaliyoti va qonunchilikni takomillashtirish boʻyicha choralarni ishlab chiqish va amalga oshirish yoʻli bilan ularning sodir boʻlishiga olib keladigan sabab va sharoitlarni aniqlash va tahlil qilish;

Agentlik ishini tashkil qilishning zamonaviy shakllari joriy etilishini taʼminlash;

aholi va tadbirkorlik subyektlari bilan oʻzaro hamkorlikni amalga oshirishda, shu jumladan, “yagona darcha” tamoyilini joriy qilish hamda “Elektron hukumat toʻgʻrisida”gi Oʻzbekiston Respublikasi Qonunini amalga oshirish doirasida zamonaviy axborot-kommunikatsiya texnologiyalaridan foydalanish orqali davlat xizmatlari koʻrsatishning samaradorligi, sifati va ochiqligini oshirish;

jismoniy va yuridik shaxslarning murojaatlarini koʻrib chiqish, aholi bilan ochiq va bevosita muloqotni yoʻlga quyish boʻyicha samarali ishlarni tashkil etish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlar va tartibda muntazam ravishda shaxsiy qabullarni, shu jumladan joylarga borgan holda jismoniy shaxslarni va yuridik shaxslarning vakillari qabulini muntazam oʻtkazish;

Oʻzbekiston Respublikasi Prezidentining Xalq qabulxonalari bilan oʻzaro samarali hamkorlikni tashkil etish, Agentlik rahbarlari va xodimlarining ular faoliyatida faol ishtirokini yoʻlga qoʻyish, Oʻzbekiston Respublikasi Prezidentining Virtual qabulxonasidan kelib tushadigan jismoniy va yuridik shaxslar murojaatlarining oʻz vaqtida va toʻliq koʻrib chiqilishini taʼminlash;

davlat siri toifasiga kiritilgan va maxfiy axborot bilan ishlashda qonunchilik talablariga rioya qilish;

Agentlikning moliya-xoʻjalik faoliyatini rejalashtirish va tashkil etish;

Agentlik apparatining tarkibiy boʻlinmalari toʻgʻrisidagi nizomlarni belgilangan tartibda tasdiqlash;

Agentligining shtat jadvalini, shuningdek, xarajatlar smetasini Oʻzbekiston Respublikasining Transport vazirligi va Moliya vazirligi bilan kelishilgan holda tasdiqlash;

Transport vazirligi bilan kelishgan holda belgilangan umumiy shtatlar soni doirasida Agentlik tuzilmasiga oʻzgartirishlar kiritish;

Agentlik xodimlari bajarishi majburiy boʻlgan buyruqlar qabul qilish va koʻrsatmalar berish, shuningdek, ularning bajarilishini belgilangan tartibda nazorat qilish;

Transport vazirligi topshirigʻiga asosan davlat organlarida va boshqa tashkilotlarda, shuningdek, davlat organlari, xalqaro tashkilotlar va xorijiy mamlakatlar vakillari ishtirokida oʻtkaziladigan rasmiy tadbirlarda Agentlik nomidan vakillik qilish;

Transport vazirligi topshirigʻiga asosan fuqaro aviatsiyasi va eksperimental aviatsiya faoliyati sohasida muzokaralar olib borish, ikki tomonlama va koʻp tomonlama bitimlarni imzolash;

qonun hujjatlariga muvofiq boshqa vakolatlarni amalga oshirish.

20. Quyidagilar Agentlik direktori oʻrinbosarining asosiy funksional majburiyatlari hisoblanadi:

Oʻzbekiston Respublikasi Konstitutsiyasi va qonunlarining, shuningdek, boshqa normativ-huquqiy hujjatlarning talablariga rioya qilish;

Agentlik direktori vaqtinchalik boʻlmaganda tegishli buyruq asosida uning vazifalarini bajarish;

Agentlikning oʻzi mutasaddilik qiladigan tarkibiy tuzilmalari faoliyatini muvofiqlashtirish, nazorat va bevosita rahbarlik qilish, ularning xodimlari oʻrtasida vazifalarni taqsimlash;

Agentlik faoliyatining oʻzi mutasaddilik qiladigan yoʻnalishlari boʻyicha Agentlik faoliyatini yanada takomillashtirish boʻyicha Oʻzbekiston Respublikasi Prezidentining hujjatlari, Vazirlar Mahkamasi va Transport vazirligi qarorlari bilan tasdiqlangan kompleks dastur va kompleks chora-tadbirlar ijrosini tanqidiy va chuqur tahlil qilish;

mutasaddilik qilinadigan tarkibiy tuzilmalar tomonidan prognoz koʻrsatkichlarga soʻzsiz erishilishi boʻyicha amaliy choralar koʻrish, boʻlinma rahbarlarining hisobotlarini muntazam tinglab borish va belgilangan koʻrsatkichlarga erishish uchun ularning shaxsiy javobgarligini oshirish;

mutasaddilik qiladigan tarkibiy tuzilmalar rahbarlarining ish rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidenti, Vazirlar Mahkamasi va Transport vazirligi hujjatlari va topshiriqlarini bajarishni taʼminlash, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “Davlat organlari va tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlariga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq ijro intizomini mustahkamlash boʻyicha kompleks amaliy chora-tadbirlarni amalga oshirish, topshiriqlarning oʻz vaqtida va sifatli bajarilishi uchun Agentlikning mutasaddilik qilinadigan tarkibiy tuzilmalar xodimlarining shaxsiy javobgarligini oshirish choralarini koʻrish;

Agentlik qarorlarining, Agentlik direktori buyruqlari va topshiriqlarining oʻz vaqtida va sifatli bajarilishini taʼminlash;

mutasaddilik qilinadigan tarkibiy tuzilmalarda kadrlarni tanlash va joy-joyiga qoʻyish boʻyicha Agentlik direktoriga takliflar taqdim etish, shuningdek, ularning professionalizmi, salohiyati, amaliy tajribasi, ishchanlik va maʼnaviy-axloqiy sifatlarining yuksak darajasi kafolatlanganligini taʼminlash, kasbiy malakasini oshirish boʻyicha choralar koʻrish, mutasaddilik qilinadigan tarkibiy tuzilmalarda kadrlar zaxirasini shakllantirish;

mutasaddilik qilinadigan tarkibiy tuzilmalar tomonidan normativ-huquqiy hujjatlarning sifatli ishlab chiqilishini tashkil etish, Agentlikning tarkibiy tuzilmalarida tayyorlangan hujjat loyihalarini keyinchalik Agentlik rahbariyati tomonidan koʻrib chiqilishi, imzolanishi (viza qoʻyilishi) uchun koʻrib chiqish va viza qoʻyish, Vazirlar Mahkamasining Reglamenti va Oʻzbekiston Respublikasi Prezidenti Administratsiyasining Reglamentiga qatʼiy muvofiq holda Transport vazirligiga oʻz vaqtida kiritilishini taʼminlash, shuningdek, Agentlik direktorining topshirigʻiga binoan normativ-huquqiy hujjatlarni Transport vazirligi va Vazirlar Mahkamasida ishlab chiqilishida ishtirok etish;

Agentlikka kiritilgan takliflar va taqdim etilgan normativ-huquqiy hujjatlarning loyihalarini toʻliq va har tomonlama koʻrib chiqish;

xizmat safarlarini Oʻzbekiston Respublikasi Prezidentining “Mansabdor shaxslarni xorijiy mamlakatlarga chiqishi tartibini takomillashtirish toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga safarini tashkillashtirish uchun mansabdor shaxslarning shaxsiy javobgarligini yanada oshirish boʻyicha chora-tadbirlar toʻgʻrisida” 2017-yil 3-avgustdagi PQ-3170-son qarorlarining talablariga toʻliq muvofiq ravishda amalga oshirish, xizmat safarlarining asoslanganligi, samaradorligi va natijadorligini, xizmat safarlariga ajratiladigan mablagʻlardan maqsadli va oqilona foydalanishni taʼminlash;

mutasaddilik qilinadigan tarkibiy boʻlinmalarning rahbarlari va xodimlari faoliyatining samaradorligi va natijadorligini muntazam tanqidiy tahlil qilish, Agentlik majlislarida ularning shaxsiy hisobotlarini eshitish, muhokama yakunlari boʻyicha zarur choralar koʻrish;

faoliyat sohasiga taalluqli masalalar boʻyicha Agentlik faoliyatini takomillashtirish boʻyicha amaliy choralar koʻrish, ushbu sohada qonunchilikni takomillashtirishga doir takliflarni ishlab chiqish va ularni koʻrib chiqish uchun Agentlik direktoriga kiritish;

mutasaddilik qilinadigan tarkibiy boʻlinmalarning rahbarlari va xodimlarini ragʻbatlantirish va intizomiy javobgarlikka tortish, shu jumladan ularning egallab turgan lavozimlarida kelgusida qolish-qolmasligining maqsadga muvofiqligi masalalarini koʻrib chiqish boʻyicha takliflarni Agentlik direktoriga kiritish, funksional majburiyatlarini va yuklangan vazifalarni bajarishi yuzasidan ularning shaxsiy javobgarligini oshirish boʻyicha tizimli choralarni amalga oshirish;

Agentlik xodimlarining odob-axloq qoidalari talablariga rioya qilishi, mutasaddilik qilinadigan tarkibiy boʻlinmalarning rahbarlari va xodimlari tomonidan koʻrsatilgan qoidalar talablariga rioya etilishini taʼminlash;

“Korrupsiyaga qarshi kurash toʻgʻrisida”gi Oʻzbekiston Respublikasi Qonuni talablariga muvofiq Agentlikda korrupsiya va boshqa huquqbuzarliklarning oldini olish boʻyicha chora-tadbirlar koʻrish, shuningdek, huquqni qoʻllash amaliyoti va qonunchilikni takomillashtirish boʻyicha choralarni ishlab chiqish va amalga oshirish yoʻli bilan ularning sodir etishiga olib keladigan sabab va sharoitlarni aniqlash, tahlil qilish, bartaraf etish;

davlat xizmatlari koʻrsatishning samaradorligi, sifati va ochiqligini oshirish boʻyicha Agentlik direktoriga takliflar kiritish;

jismoniy va yuridik shaxslarning murojaatlarini koʻrib chiqish, aholi bilan ochiq va bevosita muloqotni yoʻlga quyish boʻyicha samarali ishlarni tashkil etish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatda va tartibda shaxsiy qabullarni, jumladan joylarga borgan holda jismoniy shaxslarni va yuridik shaxslar vakillarining qabulini muntazam oʻtkazish;

Oʻzbekiston Respublikasi Prezidentining Xalq qabulxonalari bilan oʻzaro samarali hamkorlikni tashkil etish, ularning faoliyatida faol ishtirok etish, Oʻzbekiston Respublikasi Prezidentining Virtual qabulxonasidan kelib tushadigan jismoniy va yuridik shaxslar murojaatlarining oʻz vaqtida va toʻliq koʻrib chiqilishini taʼminlash;

davlat siri toifasiga kiritilgan va maxfiy axborot bilan ishlashda qonunchilik talablariga rioya qilish.

21. Quyidagilar Agentlik tarkibiy tuzilmalari rahbarlarining funksional vazifalari hisoblanadi:

Oʻzbekiston Respublikasi Konstitutsiyasi va qonunlarining, shuningdek, boshqa normativ-huquqiy hujjatlarning talablariga rioya qilish;

tarkibiy tuzilmalarning faoliyatiga bevosita rahbarlik qilish, ushbu boʻlinmalarga yuklangan vazifa va funksiyalarning bajarilishini tashkillashtirish;

prognoz koʻrsatkichlari bajarilishini tizimli tahlil qilish hamda Agentlik direktorining oʻrinbosariga tarkibiy tuzilmalar tomonidan ushbu koʻrsatkichlarga soʻzsiz erishilishiga qaratilgan qoʻshimcha choralarni qabul qilish boʻyicha takliflarni koʻrib chiqish uchun kiritish;

Oʻzbekiston Respublikasi Prezidenti, Vazirlar Mahkamasi va Transport vazirligi hujjatlari va topshiriqlarini bajarishni taʼminlash, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “Davlat organlari va tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlariga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq ijro intizomini mustahkamlash boʻyicha kompleks amaliy chora-tadbirlarni amalga oshirish, topshiriqlarning oʻz vaqtida va sifatli bajarilishi uchun Agentlikning mutasaddilik qilinadigan tarkibiy tuzilmalar xodimlarining shaxsiy javobgarligini oshirish choralarini koʻrish;

Agentlik qarorlari, Agentlik direktori va uning oʻrinbosarining buyruqlari va topshiriqlarining oʻz vaqtida va sifatli ijrosini taʼminlash;

tarkibiy boʻlinmalarning ish rejalari ishlab chiqilishini, tasdiqlash uchun kiritilishini taʼminlash, ularda koʻrsatilgan vazifalar va tadbirlarning sifatli bajarilishini taʼminlash;

tarkibiy boʻlinmalar faoliyati masalalari boʻyicha qonunchilikni takomillashtirishga doir takliflar ishlab chiqish va ularni koʻrib chiqish uchun Agentlik rahbariyatiga kiritish;

tarkibiy tuzilmalarda kadrlarni tanlash va joy-joyiga qoʻyish boʻyicha Agentlik direktorining oʻrinbosariga koʻrib chiqish uchun takliflar taqdim etish, ularning professionalizmi, salohiyati, amaliy tajribasi, ishchanlik va maʼnaviy-axloqiy sifatlarining yuksak darajasi kafolatlanganligini taʼminlash, professional malakasini oshirish boʻyicha choralar koʻrish, tarkibiy tuzilmalarda kadrlar zaxirasini shakllantirish;

tarkibiy tuzilmalar tomonidan normativ-huquqiy hujjatlarning sifatli ishlab chiqilishini tashkil etish, Agentlikning tarkibiy tuzilmalarida tayyorlangan hujjat loyihalarini keyinchalik Agentlik direktori tomonidan koʻrib chiqilishi, imzolanishi (vizalanishi) uchun koʻrib chiqish va viza qoʻyish, Vazirlar Mahkamasining Reglamenti va Oʻzbekiston Respublikasi Prezidenti Administratsiyasining Reglamentiga qatʼiy muvofiq holda Transport vazirligiga oʻz vaqtida kiritilishini taʼminlash, Agentlik rahbariyatining topshirigʻiga binoan normativ-huquqiy hujjatlarni Transport vazirligida koʻrib chiqilishida ishtirok etish;

Agentlikka kiritilgan takliflar va taqdim etilgan normativ-huquqiy hujjatlarning loyihalarini toʻliq va har tomonlama koʻrib chiqish;

xizmat safarlarini Oʻzbekiston Respublikasi Prezidentining “Mansabdor shaxslarni xorijiy mamlakatlarga chiqishi tartibini takomillashtirish toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga safarini tashkillashtirish uchun mansabdor shaxslarning shaxsiy javobgarligini yanada oshirish boʻyicha chora-tadbirlar toʻgʻrisida” 2017-yil 3-avgustdagi PQ-3170-son qarorlarining talablariga toʻliq muvofiq ravishda amalga oshirish, xizmat safarlarining asoslanganligi, samaradorligi va natijadorligini, xizmat safarlariga ajratiladigan mablagʻlardan maqsadli va oqilona foydalanishni taʼminlash;

tarkibiy boʻlinmalarning xodimlari faoliyatining samaradorligi va natijadorligini muntazam tanqidiy tahlil qilish, majlislarda ularning shaxsiy hisobotlarini eshitish, muhokama yakunlari boʻyicha zarur choralar koʻrish;

Agentlik xodimlarining odob-axloq qoidalari talablariga rioya qilishi, mutasaddilik qilinadigan tarkibiy boʻlinmalarning xodimlari tomonidan koʻrsatilgan qoidalar talablariga rioya etilishini taʼminlash;

“Korrupsiyaga qarshi kurash toʻgʻrisida”gi Oʻzbekiston Respublikasi Qonuni talablariga muvofiq tarkibiy boʻlinmalarda korrupsiya va boshqa huquqbuzarliklarning oldini olish boʻyicha chora-tadbirlar koʻrish, shuningdek, huquqni qoʻllash amaliyoti va qonunchilikni takomillashtirish boʻyicha choralarni ishlab chiqish va amalga oshirish yoʻli bilan ularning sodir boʻlishiga olib keladigan sabab va sharoitlarni aniqlash, tahlil qilish, bartaraf etish;

davlat xizmatlari koʻrsatishning samaradorligi, sifati va ochiqligini oshirish boʻyicha Agentlik direktoriga takliflar kiritish;

jismoniy va yuridik shaxslarning murojaatlarini koʻrib chiqish, aholi bilan ochiq va bevosita muloqotni yoʻlga quyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatda va tartibda shaxsiy qabullarni, jumladan, joylarga borgan holda jismoniy shaxslarni va yuridik shaxslar vakillarining qabulini muntazam oʻtkazish;

Agentlik rahbarlarining topshirigʻiga asosan Oʻzbekiston Respublikasi Prezidentining Xalq qabulxonalari bilan oʻzaro samarali hamkorlikni tashkil etish, ularning faoliyatida faol ishtirok etish, Oʻzbekiston Respublikasi Prezidentining Virtual qabulxonasidan kelib tushadigan jismoniy va yuridik shaxslar murojaatlarining oʻz vaqtida va toʻlaqonli koʻrib chiqilishini taʼminlash;

davlat siri toifasiga kiritilgan va maxfiy axborot bilan ishlashda qonunchilik talablariga rioya qilish.

22. Agentlik direktori:

Agentlikka yuklangan vazifalar va funksiyalarning bajarilishi;

mazkur Nizomning 12-bandida nazarda tutilgan Agentlikning javobgarlik sohalari boʻyicha;

mazkur Nizomning 19-bandida koʻrsatilgan, oʻz funksional vazifalarining sifatli bajarilishi uchun shaxsan masʼuldir.

23. Agentlik direktorining oʻrinbosari:

mutasaddilik qilinadigan tarkibiy boʻlinmalarda Agentlikka yuklangan vazifalar va funksiyalarning bajarilishi;

mutasaddilik qilinadigan masalalar boʻyicha mazkur Nizomning 12-bandida nazarda tutilgan Agentlikning javobgarlik sohalari boʻyicha;

mazkur Nizomning 20-bandida koʻrsatilgan oʻz funksional vazifalarining sifatli bajarilishi uchun shaxsan masʼuldir.

24. Agentlikning tarkibiy tuzilmalarining rahbarlari:

tegishli tarkibiy boʻlinmalarga yuklangan vazifalar va funksiyalarning bajarilishi;

mazkur Nizomning 21-bandida koʻrsatilgan oʻz funksional vazifalarining sifatli bajarilishi uchun shaxsan masʼuldir.

25. Agentlik faoliyati samaradorligi muntazam baholanishi lozim.

26. Agentlik faoliyatining samaradorligi va natijadorligi Oʻzbekiston Respublikasining transport vaziri tasdiqlaydigan Agentlik faoliyatining samaradorligi va natijadorligini baholash mezonlari va ishchi indikatorlari asosida baholanadi.

27. Agentlik faoliyatining samaradorligi va natijadorligini baholash yakunlariga koʻra quyidagi choralar koʻriladi:

Agentlik rahbarlari va xodimlarini ragʻbatlantirish (mukofotlash) yoki ularga nisbatan intizomiy javobgarlikning tegishli choralarini koʻrish;

aniqlangan kamchiliklarni bartaraf etish va Agentlik faoliyatini yanada takomillashtirish.

28. Agentlik faoliyatining samaradorligi va natijadorligini baholash tartibi va uslubi qonun hujjatlari bilan belgilanadi.

29. Agentlikning moddiy-texnik taʼminoti, xodimlari mehnatiga haq toʻlash va moddiy ragʻbatlantirish toʻlovlari Oʻzbekiston Respublikasi Davlat budjeti, Transport vazirligi huzuridagi Fuqaro aviatsiyasi agentligini rivojlantirish jamgʻarmasi mablagʻlari va qonun hujjatlari bilan taqiqlanmagan boshqa mablagʻlar hisobidan amalga oshiriladi.

30. Agentlik xodimlarining ish haqi lavozim maoshi, mukofot, qoʻshimcha toʻlov, ustama va qonunchilikda nazarda tutilgan boshqa toʻlovlardan iborat boʻladi.

31. Agentlik qonun hujjatlarida belgilangan tartibda qayta tashkil etiladi va tugatiladi.

1. Ushbu Nizom Oʻzbekiston Respublikasi Transport vazirligi huzuridagi Temir yoʻllarda yuk va yoʻlovchilar tashish xavfsizligini nazorat qilish inspeksiyasining (keyingi oʻrinlarda “Oʻztemiryoʻlnazorat” inspeksiyasi deb ataladi) maqomi, asosiy vazifalari, funksiyalari, huquqlari va javobgarligini, faoliyati va hisobotini tashkil etish tartibini, shuningdek, “Oʻztemiryoʻlnazorat” inspeksiyasi rahbarlarining funksional vazifalari va javobgarligini belgilaydi.

2. “Oʻztemiryoʻlnazorat” inspeksiyasi poyezdlar harakati xavfsizligini taʼminlash sohasida chora-tadbirlar ishlab chiqish, amalga oshirish va muvofiqlashtirish funksiyalarini bajaruvchi, davlat va xoʻjalik boshqaruvi organlari hamda temir yoʻl transporti sohasida faoliyat yurituvchi boshqa tashkilotlar (keyingi oʻrinlarda temir yoʻl transporti korxona va tashkilotlari deb ataladi) tomonidan temir yoʻl transporti sohasidagi harakat xavfsizligini taʼminlashga oid belgilangan qoida va normalarga rioya etilishi yuzasidan davlat nazoratini amalga oshiruvchi, shuningdek, umumiy foydalanishdagi temir yoʻl transporti tashkilotlari va korxonalarida qozonxona obyektlari va koʻtarish inshootlaridan xavfsiz foydalanishni nazorat qiluvchi davlat boshqaruvi organidir.

3. “Oʻztemiryoʻlnazorat” inspeksiyasi oʻz faoliyatida Oʻzbekiston Respublikasi Transport vazirligiga (keyingi oʻrinlarda Transport vazirligi deb ataladi) boʻysunadi va hisob beradi.

4. “Oʻztemiryoʻlnazorat” inspeksiyasi oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalari qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining (keyingi oʻrinlarda Vazirlar Mahkamasi deb ataladi) qarorlari va farmoyishlariga, Transport vazirligi qarorlariga, shuningdek, ushbu Nizomga va boshqa qonun hujjatlariga amal qiladi.

5. “Oʻztemiryoʻlnazorat” inspeksiyasining oʻz vakolatlari doirasida qabul qilingan qarorlari davlat va xoʻjalik boshqaruvi organlari, mahalliy ijro etuvchi hokimiyat organlari, shuningdek, yuridik va jismoniy shaxslar tomonidan bajarilishi majburiydir.

6. “Oʻztemiryoʻlnazorat” inspeksiyasi va uning tuzilmasiga kiruvchi tashkilot yuridik shaxs hisoblanadi, Oʻzbekiston Respublikasining Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansiga, Oʻzbekiston Respublikasi Moliya vazirligining Gʻaznachiligida gʻazna shaxsiy hisobvaraqlariga, bank hisobraqamlariga, shu jumladan chet el valyutasidagi hisobraqamlariga ega.

“Oʻztemiryoʻlnazorat” inspeksiyasining hududiy filiallari yuridik shaxs hisoblanmaydi.

7. “Oʻztemiryoʻlnazorat” inspeksiyasining rasmiy nomi:

a) davlat tilida:

toʻliq — Oʻzbekiston Respublikasi Transport vazirligi huzuridagi Temir yoʻllarda yuk va yoʻlovchilar tashish xavfsizligini nazorat qilish inspeksiyasi;

qisqartirilgani — “Oʻztemiryoʻlnazorat” inspeksiyasi;

b) ingliz tilida:

toʻliq — The Inspection for the supervision of the safety of railway transportation under the Ministry of Transport of the Republic of Uzbekistan;

qisqartirilgani — Uzrailwaysupervision;

v) rus tilida:

toʻliq — Inspeksiya po nadzoru za bezopasnostyu jeleznodorojnix perevozok pri Ministerstve Respubliki Uzbekistan;

qisqartirilgani — Uzjeldornadzor.

8. “Oʻztemiryoʻlnazorat” inspeksiyasi joylashgan joy (pochta manzili): 100015, Toshkent shahri, Mirobod tumani, Turkiston koʻchasi, 7-uy.

9. “Oʻztemiryoʻlnazorat” inspeksiyasi tizimiga quyidagilar kiradi:

markaziy apparat;

Toshkent, Fargʻona, Buxoro, Orolboʻyi va Qashqadaryo hududiy filiallari;

“Temir yoʻl mahsulotlarini sertifikatlashtirish markazi” davlat unitar korxonasi (keyingi oʻrinlarda idoraviy mansub tashkilot deb ataladi).

10. Quyidagilar “Oʻztemiryoʻlnazorat” inspeksiyasining asosiy vazifalari hisoblanadi:

Oʻzbekiston Respublikasi temir yoʻl transportida yuk va yoʻlovchilar tashish xavfsizligi taʼminlanishi yuzasidan davlat nazoratini amalga oshirish;

temir yoʻl transportida foydalaniladigan mahsulotlarning texnik jihatdan tartibga solish sohasidagi normativ hujjatlar talablariga muvofiqligi nazoratini amalga oshirish, shuningdek, ularni sertifikatlashdan oʻtkazishni tashkil etish;

temir yoʻllarda yuk va yoʻlovchilar tashish xavfsizligi sohasida hamkorlikni amalga oshirish va xalqaro tashkilotlarda Transport vazirligi manfaatlarini ifoda etish.

11. “Oʻztemiryoʻlnazorat” inspeksiyasi oʻziga yuklangan vazifalarga muvofiq quyidagi funksiyalarni amalga oshiradi:

1) Oʻzbekiston Respublikasi temir yoʻl transportida yuk va yoʻlovchilar tashish xavfsizligi taʼminlanishi yuzasidan davlat nazorati amalga oshirish sohasida:

umumiy foydalanishdagi temir yoʻl transportida va temir yoʻl transporti sohasida faoliyat yuritadigan yuridik shaxslarning shoxobcha yoʻllarida (keyingi oʻrinlarda temir yoʻl shoxobcha yoʻllari deb ataladi) yuk va yoʻlovchilar tashish xavfsizligini taʼminlash yuzasidan davlat nazoratini amalga oshiradi;

temir yoʻl transporti korxonalari va tashkilotlari tomonidan temir yoʻllarda yuk va yoʻlovchilar tashish xavfsizligini taʼminlashga, temir yoʻl transportining harakatlanuvchi tarkibi, texnik vositalarini saqlash, xizmat koʻrsatish, taʼmirlash va ulardan foydalanishga oid normativ-huquqiy hujjatlar va texnik jihatdan tartibga solish sohasidagi normativ hujjatlar talablari ijrosini nazorat qiladi;

temir yoʻl transporti korxonalari va tashkilotlari tomonidan temir yoʻllarda poyezdlar harakati xavfsizligini taʼminlashga va temir yoʻlda tashishlar xavfsizligini taʼminlaydigan texnik vositalarning ishonchliligini oshirishga qaratilgan kompleks profilaktika chora-tadbirlari belgilangan muddatlarda bajarilishi yuzasidan davlat nazoratini ishlab chiqadi va amalga oshiradi;

temir yoʻl transporti obyektlari, mahsulotlari va texnologiyalarining belgilangan talablarga muvofiqligi yuzasidan ularni doimiy yoki vaqtincha foydalanishga qabul qilishda ishtirok etadi;

poyezdlar harakati xavfsizligi talablarini buzish holatlari boʻyicha temir yoʻl transporti korxonalari va tashkilotlari tomonidan olib boriladigan xizmat tekshiruvlarining toʻgʻriligini nazorat qiladi (halokatga uchrash va avariyalar bundan mustasno);

temir yoʻl transporti korxona va tashkilotlari tomonidan poyezdlar harakati xavfsizligi qoidalarining buzilish holatlarini hisobga oladi va tahlil qiladi, shuningdek, temir yoʻllarda tashishlar xavfsizligi holati toʻgʻrisida ularni xabardor qiladi;

umumiy foydalanishdagi temir yoʻl transporti korxonalari va tashkilotlarida qozonxona obyektlari, koʻtarish inshootlari va oʻlchash tizimlarini saqlash, ulardan xavfsiz foydalanish boʻyicha texnik jihatdan tartibga solish sohasidagi normativ-huquqiy hujjatlar va normativ hujjatlarga rioya etilishini nazorat qiladi;

temir yoʻl transporti korxonalari va tashkilotlari tomonidan temir yoʻllarda tashishlar xavfsizligini oshirish boʻyicha tarmoq dasturlarining ijrosini nazorat qiladi;

temir yoʻl transportida tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ-huquqiy hujjatlar hamda normativ hujjatlarni belgilangan tartibda ishlab chiqadi;

Oʻzbekiston Respublikasi hududida harakat xavfsizligi talablarining buzilishi va ularning sabablari yuzasidan xizmat tekshiruvini oʻtkazish tasnifi hamda tartibi boʻyicha normativ-huquqiy hujjatlarni belgilangan tartibda ishlab chiqadi;

umumiy foydalanishdagi temir yoʻl transportida poyezdlar harakati xavfsizligini texnik va texnologik nazorat qilishni taʼminlovchi umumiy foydalanishdagi temir yoʻl transportining tarkibiy boʻlinmalari faoliyatiga uslubiy yordam koʻrsatadi;

nazorat funksiyalarini amalga oshirishda tadbirkorlik subyektlari, shuningdek, isteʼmolchilarning huquq va qonuniy manfaatlari ustuvorligi himoya qilinishini taʼminlaydi;

2) temir yoʻl transportida foydalaniladigan mahsulotlarning texnik jihatdan tartibga solish sohasidagi normativ hujjatlar talablariga muvofiqligini nazorat qilish, shuningdek, ularni sertifikatlashni tashkil etish sohasida:

temir yoʻl mahsulotining texnik jihatdan tartibga solish sohasidagi normativ hujjatlar talablariga muvofiqligini tasdiqlaydi, materiallar, detallar, uzellar va buyumlar sifati va xavfsizligi, shuningdek, texnik holati va qolgan resurslar toʻgʻrisida maʼlumot olish maqsadida ularning parametrlari va koʻrsatkichlarini belgilaydi;

temir yoʻl transportida foydalaniladigan va tayyorlovchi tomonidan keyinchalik sertifikatlash uchun buyurtma berilgan mahsulotlarning xavfsizlik va sifat koʻrsatkichlarini texnik jihatdan tartibga solish boʻyicha normativ hujjatlar talablariga muvofiq oʻrganadi va baholaydi;

respublikada olinib kelinadigan, ishlab chiqariladigan va foydalaniladigan temir yoʻl mahsulotlarining sinov bazasini va sertifikatlashni rivojlantirish va shu asosda muvofiqlikni baholash natijalarining davlatlararo darajada eʼtirof etilishiga erishish choralarini koʻradi;

temir yoʻl transportining harakatlanuvchi tarkibi va texnik vositalari uchun texnik jihatdan tartibga solish sohasiga oid normativ hujjatlarni belgilangan tartibda ishlab chiqadi;

temir yoʻl transporti obyektlarini ishlab chiqaruvchi, quruvchi va ulardan foydalanuvchi korxonalar va tashkilotlar faoliyatini ularda poyezdlarning xavfsiz harakatlanishini taʼminlash boʻyicha texnik tekshirishni tashkil etadi va oʻtkazadi hamda ularga belgilangan tartibda muvofiqlik sertifikatini beradi;

3) temir yoʻllarda yuk va yoʻlovchilar tashish xavfsizligi sohasida hamkorlikni amalga oshirish va xalqaro tashkilotlarda Transport vazirligi manfaatlarini ifoda etish sohasida:

“Oʻztemiryoʻlnazorat” inspeksiyasining vakolatiga taalluqli masalalar yuzasidan boshqa davlatlarning tashkilotlari, tegishli organlari bilan belgilangan tartibda xalqaro hamkorlikni amalga oshiradi;

temir yoʻllarda tashishlar va mahsulotlar xavfsizligini taʼminlash, normativ-huquqiy bazani, temir yoʻllardan texnik jihatdan foydalanishni takomillashtirish masalalari yuzasidan xalqaro tashkilotlar ishida, konferensiyalar va seminarlarda ishtirok etadi;

“Oʻztemiryoʻlnazorat” inspeksiyasi oʻziga yuklangan vazifa va funksiyalarni bevosita, shuningdek, hududiy filiallar va idoraviy mansub tashkilot orqali amalga oshiradi.

12. Quyidagilar “Oʻztemiryoʻlnazorat” inspeksiyasi markaziy apparatining asosiy vazifalari hisoblanadi:

hududiy filiallar va idoraviy mansub tashkilot bilan birga “Oʻztemiryoʻlnazorat” inspeksiyasiga yuklangan vazifa va funksiyalarni samarali amalga oshirilishini taʼminlash;

xorijiy davlatlarning temir yoʻllarda tashishlar xavfsizligini taʼminlash sohasidagi tajribasini oʻrganishni tashkil etish;

“Oʻztemiryoʻlnazorat” inspeksiyasi tomonidan yuqori tashkilotlar hamda boshqa davlat organlari va tashkilotlari bilan hamkorlik amalga oshirilishini taʼminlash;

idoraviy mansub tashkilotni rivojlantirishga koʻmaklashish, uni rivojlantirish istiqbollarini belgilash;

temir yoʻlda tashishlar xavfsizligini taʼminlashga, temir yoʻl transportining harakatlanuvchi tarkibi, texnik vositalarini saqlash, ularga xizmat koʻrsatish, taʼmirlash va ulardan foydalanishga oid normativ-huquqiy hujjatlar hamda texnik jihatdan tartibga solish sohasidagi normativ hujjatlarni ishlab chiqish va ijrosini nazorat etish;

umumiy foydalanishdagi temir yoʻl transporti korxonalari va tashkilotlarida qozonxona obyektlari va koʻtarish inshootlaridan xavfsiz foydalanish nazoratini amalga oshirish;

temir yoʻlda tashishlar xavfsizligi sohasida hamkorlikni tashkil etish va xalqaro tashkilotlarda Transport vazirligi manfaatlarini ifoda etishni taʼminlash.

13. “Oʻztemiryoʻlnazorat” inspeksiyasi markaziy apparati oʻziga yuklangan asosiy vazifalarga muvofiq quyidagi funksiyalarni amalga oshiradi:

“Oʻztemiryoʻlnazorat” inspeksiyasi va uning rahbariyati faoliyatini tashkiliy va axborot-tahliliy jihatdan taʼminlaydi;

markaziy apparatning tarkibiy boʻlinmalari, hududiy filiallari va idoraviy mansub tashkilotlari tomonidan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Hukumat qarorlari, Transport vazirligining buyruqlari va qarorlari bajarilishi yuzasidan tizimli nazoratni taʼminlaydi;

oʻz vakolatlari doirasida “Oʻztemiryoʻlnazorat” inspeksiyasi boshligʻi va uning oʻrinbosari buyruqlari va farmoyishlarini bajaradi;

“Oʻztemiryoʻlnazorat” inspeksiyasi tomonidan Transport vazirligiga kiritiladigan hujjatlar sifatli va oʻz vaqtida ishlab chiqilishini va ularning iqtisodiy, moliyaviy hamda huquqiy ekspertizadan oʻtkazilishini tashkil qiladi;

“Oʻztemiryoʻlnazorat” inspeksiyasining hududiy filiallari, idoraviy mansub tashkilotlari faoliyatini muvofiqlashtiradi va nazorat qiladi;

“Oʻztemiryoʻlnazorat” inspeksiyasi faoliyatining huquqiy taʼminotini, shu jumladan qonun ijodkorligini tashkil qiladi;

“Oʻztemiryoʻlnazorat” inspeksiyasi rahbariyati uchun boshqaruv qarorlarini qabul qilish maqsadida temir yoʻlda tashishlar xavfsizligini taʼminlash masalalari yuzasidan temir yoʻl tarmogʻini rivojlantirish tendensiyalari toʻgʻrisidagi axborotlarni toʻplaydi, umumlashtiradi va tahlil qiladi;

tadbirkorlik subyektlariga “Oʻztemiryoʻlnazorat” inspeksiyasi va uning idoraviy mansub tashkilotlari vakolatlariga kiradigan masalalar boʻyicha axborot, uslubiy, tashkiliy va maslahat yordami koʻrsatadi;

“Oʻztemiryoʻlnazorat” inspeksiyasi vakolatiga kiradigan operativ, tashkiliy, kadrlar masalalari, moliyaviy, ishlab chiqarish-xoʻjalik va boshqa masalalarni hal etadi;

temir yoʻl transporti korxonalari va tashkilotlarida ularning temir yoʻllarda tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ-huquqiy hujjatlar hamda normativ hujjatlar talablarini bajarishini belgilangan tartibda tekshiradi;

temir yoʻl transporti korxonalari va tashkilotlari tomonidan temir yoʻlda tashishlar xavfsizlik darajasini va temir yoʻl transportining texnik vositalari ishonchliligini oshirishga qaratilgan kompleks profilaktika chora-tadbirlari belgilangan muddatlarda bajarilishi yuzasidan davlat nazoratini ishlab chiqadi va amalga oshiradi;

tadbirkorlik subyektlarining buyurtmanomalariga muvofiq obyektlar, mahsulotlar va texnologiyalarning temir yoʻl transporti sohasida belgilangan talablarga muvofiqligi yuzasidan ularni doimiy yoki vaqtincha foydalanishga qabul qilishda ishtirok etadi;

temir yoʻl transporti korxonalari va tashkilotlari tomonidan poyezdlar harakatining xavfsizlik talablarining buzilish (avariya va halokatlardan tashqari) holatlar yuzasidan olib boriladigan xizmat tekshiruvlarining toʻgʻriligini nazorat qiladi;

temir yoʻl transporti korxona va tashkilotlari tomonidan temir yoʻlda tashishlar xavfsizlik qoidalarining buzilish holatlarini hisobga olish va tahlil etishni amalga oshiradi va Transport vazirligiga oʻz vaqtida axborot berishni taʼminlaydi;

“Oʻztemiryoʻlnazorat” inspeksiyasi rahbariyatiga umumiy foydalanishdagi temir yoʻl transportida va shoxobcha temir yoʻllarda temir yoʻlda tashishlar xavfsizligini taʼminlashning holati toʻgʻrisida axborot beradi;

umumiy foydalanishdagi va shoxobcha temir yoʻllarda temir yoʻlda tashishlar xavfsizligini taʼminlashning holati toʻgʻrisida statistika maʼlumotlari va boshqa axborot materiallarini yigʻadi va tahlil qiladi;

umumiy foydalanishdagi temir yoʻl transporti korxonalari va tashkilotlarida qozonxona obyektlari, koʻtarish inshootlari va oʻlchash tizimlarini saqlash, ulardan xavfsiz foydalanish boʻyicha texnik jihatdan tartibga solish sohasidagi huquqiy-normativ hujjatlar va normativ hujjatlar bajarilishini nazorat qiladi;

umumiy foydalanishdagi temir yoʻl transportida va shoxobcha temir yoʻllarda temir yoʻlda tashishlar xavfsizligini taʼminlash darajasini oshirish boʻyicha davlat maqsadli dasturlarini ishlab chiqish va amalga oshirishda ishtirok etadi;

temir yoʻlda tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ-huquqiy hujjatlar hamda normativ hujjatlarni belgilangan tartibda ishlab chiqadi;

temir yoʻlda tashishlar xavfsizligini taʼminlash sohasidagi normativ-huquqiy bazani takomillashtirish boʻyicha takliflarni ishlab chiqadi va “Oʻztemiryoʻlnazorat” inspeksiyasi rahbariyatiga kiritadi;

temir yoʻlda tashishlar xavfsizligini taʼminlash, normativ-huquqiy baʼzani takomillashtirish, temir yoʻllardan texnik foydalanish masalalari boʻyicha xalqaro tashkilotlar ishida, konferensiyalar va seminarlarda ishtirok etadi;

“Oʻztemiryoʻlnazorat” inspeksiyasining vakolatiga kiradigan masalalar boʻyicha idoralararo kengashlar, komissiyalar, ishchi guruhlar ishida ishtirok etadi;

temir yoʻlda tashishlar xavfsizligini taʼminlash masalalari boʻyicha yigʻilishlar, seminarlar tashkil etadi va oʻtkazadi;

jismoniy va yuridik shaxslarning murojaatlari koʻrib chiqilishini taʼminlaydi.

14. Quyidagilar “Oʻztemiryoʻlnazorat” inspeksiyasi hududiy filiallarining asosiy vazifalari hisoblanadi:

“Oʻztemiryoʻlnazorat” inspeksiyasiga yuklangan vazifa va funksiyalarni samarali amalga oshirilishini taʼminlashda ishtirok etish;

Qoraqalpogʻiston Respublikasi Joʻqorgʻi Kengesi Raisi, viloyatlar va Toshkent shahri, tumanlar (shaharlar) hokimlari, prokuratura, ichki ishlar organlari va davlat soliq xizmati hududiy organlari rahbarlari rahbarlik qiladigan kompleks ijtimoiy-iqtisodiy rivojlanish sektorlari (keyingi oʻrinlarda ijtimoiy-iqtisodiy rivojlanishtirish sektorlari deb ataladi) bilan hamkorlik qiladi;

tegishli hududda temir yoʻlda tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish sohasida texnik jihatdan tartibga solish boʻyicha normativ-huquqiy hujjatlar va normativ hujjatlarning bajarilishini belgilangan tartibda nazorat qiladi;

temir yoʻlda tashishlar xavfsizligini taʼminlash va temir yoʻl transportida favqulodda vaziyatlarning oldini olishga qaratilgan chora-tadbirlarni amalga oshirishda ishtirok etadi;

tegishli hududda temir yoʻl transporti obyektlari va texnologiyalarining belgilangan talablarga muvofiqligi boʻyicha doimiy yoki vaqtincha foydalanishga qabul qilishda ishtirok etadi.

15. Hududiy filiallar oʻziga yuklangan asosiy vazifalarga muvofiq quyidagi funksiyalarni amalga oshiradi:

temir yoʻl transporti korxonalari va tashkilotlarida harakatlanuvchi tarkib parkini va texnik vositalarni yangilash dasturlarini ishlab chiqishga koʻmaklashadi;

tegishli hududda temir yoʻl transporti korxonalari va tashkilotlarida temir yoʻlda tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ-huquqiy hujjatlar va normativ hujjatlar talablarining ular tomonidan bajarilishi boʻyicha tekshiruvlarni belgilangan tartibda amalga oshiradi;

tegishli hududda temir yoʻl transporti korxonalari va tashkilotlari tomonidan temir yoʻlda tashishlar xavfsizligini taʼminlashga va texnik vositalar ishonchliligini oshirishga qaratilgan temir yoʻl transporti tashkiliy-texnik hamda profilaktika tadbirlari ishlab chiqilishi va oʻtkazilishini nazorat qiladi;

tegishli hududda yuridik shaxslar buyurtmanomalariga binoan obyektlar va texnologiyalarning temir yoʻlda tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ hujjatlarga muvofiqligi yuzasidan ularni foydalanishga qabul qilishda ishtirok etadi;

tegishli hududda poyezdlar harakati xavfsizligi taʼminlanishini buzish holatlari yuzasidan xizmat tekshiruvlarini oʻtkazishda belgilangan tartibda ishtirok etadi;

tegishli hududda poyezdlar harakati xavfsizligi taʼminlanishini buzish holatlarini toʻgʻri tasniflanishi va xizmat tekshiruvi oʻtkazilishini nazorat qiladi, shuningdek, tekshirish materiallarining “Oʻztemiryoʻlnazorat” inspeksiyasi markaziy apparatiga oʻz vaqtida taqdim etilishini taʼminlaydi;

tegishli hududda temir yoʻl transporti korxona va tashkilotlari tomonidan poyezdlar harakati xavfsizligi talablari buzilishini hisobga oladi va tahlil qiladi hamda hisobotlarning “Oʻztemiryoʻlnazorat” inspeksiyasi markaziy apparatiga oʻz vaqtida taqdim etilishini taʼminlaydi;

oʻz vakolatlari doirasida “Oʻztemiryoʻlnazorat” inspeksiyasi boshligʻi va uning oʻrinbosarining buyruqlari va farmoyishlarini bajaradi;

jismoniy va yuridik shaxslarning murojaatlarini koʻrib chiqishda ishtirok etadi.

16. “Oʻzdavtemiryoʻlnazorat” inspeksiyasi oʻziga yuklangan vazifa va funksiyalarni bajarish uchun quyidagi huquqlarga ega:

normativ-huquqiy hujjatlar loyihalarini, shuningdek, “Oʻztemiryoʻlnazorat” inspeksiyasiga yuklangan vazifa va funksiyalarni bajarish bilan bogʻliq boʻlgan boshqa hujjatlarni belgilangan tartibda Transport vazirligiga kiritish;

“Oʻztemiryoʻlnazorat” inspeksiyasi vakolatiga kiradigan macalalarda davlat va xoʻjalik boshqaruvi organlari, mahalliy ijro etuvchi hokimiyat organlari faoliyatini belgilangan tartibda muvofiqlashtirish;

“Oʻztemiryoʻlnazorat” inspeksiyasi vakolatiga kiradigan macalalarni hal etish uchun davlat va xoʻjalik boshqaruvi organlari, mahalliy ijro etuvchi hokimiyat organlari, temir yoʻl transporti korxonalari va tashkilotlaridan zarur axborotni belgilangan tartibda soʻrash va olish;

“Oʻztemiryoʻlnazorat” inspeksiyasi vakolatiga kiradigan masalalar yuzasidan zarur statistik axborotni davlat statistika organlaridan bepul olish;

“Oʻztemiryoʻlnazorat” inspeksiyasi va unga idoraviy mansub tuzilmalarning davlat mulkini oʻz tashkiliy tuzilmasi doirasida bir boʻlinmadan ikkinchisiga belgilangan tartibda berish;

“Oʻztemiryoʻlnazorat” inspeksiyasi, uning hududiy filiallari va unga idoraviy mansub tashkilot xodimlari tomonidan tegishli sohada faoliyatining asosiy koʻrsatkichlari parametrlari bajarilishini hisobga olgan holda, ularni moddiy ragʻbatlantirish tartibi, miqdorlari va shartlarini belgilash;

Transport vazirligi, davlat va xoʻjalik boshqaruvi organlari, mahalliy ijro etuvchi hokimiyat organlariga koʻrib chiqishi uchun “Oʻztemiryoʻlnazorat” inspeksiyasi vakolatiga kiradigan masalalar yuzasidan takliflar kiritish;

Oʻzbekiston Respublikasining xalqaro shartnomalari loyihalarini ishlab chiqishda belgilangan tartibda ishtirok etish, xalqaro shartnomalarni tuzishda “Oʻztemiryoʻlnazorat” inspeksiyasi vakolatiga kiradigan masalalar yuzasidan Transport vazirligiga takliflar kiritish;

“Oʻztemiryoʻlnazorat” inspeksiyasi vakolatiga taalluqli masalalar yuzasidan Transport vazirligi manfaatlarini xalqaro darajada belgilangan tartibda ifoda etish;

temir yoʻl transporti korxonalari va tashkilotlarining obyektlariga belgilangan tartibda borish va ular tomonidan temir yoʻlda tashishlar xavfsizligini taʼminlashga, harakatlanuvchi tarkib va temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanishga oid normativ-huquqiy hujjatlar hamda texnik jihatdan tartibga solish sohasidagi normativ hujjatlar talablariga rioya etilishini nazorat qilish;

temir yoʻlda tashishlar xavfsizligini taʼminlashga, temir yoʻl transportining harakatlanuvchi tarkibi, texnik vositalarini saqlash, xizmat koʻrsatish, taʼmirlash va ulardan foydalanishga oid normativ-huquqiy hujjatlar hamda texnik jihatdan tartibga solish sohasidagi normativ hujjatlar talablarining aniqlangan buzilish holatlarini belgilangan muddatda bartaraf etish toʻgʻrisida “Oʻztemiryoʻlnazorat” inspeksiyasi vakolatiga kiradigan masalalar yuzasidan bajarilishi majburiy boʻlgan koʻrsatmalar berish va bu borada koʻrilayotgan choralar haqida axborot berish muddatlarini belgilash;

temir yoʻl trancporti cohacida harakatlanuvchi tarkib va boshqa texnik vositalarni ishlab chiqarish (qurish), sinash, ommaviy ishlab chiqarish va foydalanishga qabul qilishda ishtirok etish;

temir yoʻl trancporti cohacida faoliyat yuritadigan jicmoniy va yuridik shaxclarga shartnoma asosida “Oʻztemiryoʻlnazorat” inspeksiyasining idoraviy mansub tashkiloti orqali sertifikatlash xizmatlarini koʻrsatish;

temir yoʻlda tashishlar xavfsizligini taʼminlashga, harakatlanuvchi tarkib va temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanishga oid normativ-huquqiy hujjatlar hamda texnik jihatdan tartibga solish sohasidagi normativ hujjatlar talablarini buzadigan shaxslarga nisbatan qonun hujjatlariga muvofiq choralar koʻrish;

temir yoʻl transportining texnik vositalaridan foydalanishni va bu boradagi ishlarni bajarishni belgilangan tartibda toʻxtatish, nosozligi sababli odamlar hayoti va sogʻligiga, tashishlar xavfsizligiga xavf tugʻdiradigan poyezdlarning oʻtish joylari, stansiyalar hamda kirish yoʻllarida harakatlanishini toʻxtatish yoki harakatlanish tezligini cheklash toʻgʻrisida koʻrsatmalar berish;

sifatsiz taʼmirlangani uchun lokomotivlar, motorvagonli harakatlanuvchi tarkib va vagonlarni, yoʻllar va bir izni boshqa izga oʻtkazish strelkalarini, signalizatsiya va aloqa moslamalari, bogʻlanish tarmoqlarini taʼmirlashdan chiqarishni man etish;

lokomotivlar, vagonlar, yoʻllar, signal, aloqa va elektr taʼminoti tizimlari, shuningdek, temir yoʻl transportining boshqa texnik vositalari komissiya koʻrigidan belgilangan tartib buzilgan holda oʻtkazilgani uchun ularning natijalarini bekor qilish;

poyezdlar harakati xavfsizligi talablari hamda temir yoʻlda tashishlar xavfsizligini taʼminlash, harakatlanuvchi tarkibni, temir yoʻl transportining texnik vositalarini saqlash, ularga xizmat koʻrsatish, taʼmirlash va ulardan foydalanish boʻyicha texnik jihatdan tartibga solish sohasidagi normativ hujjatlarning buzilish holatlari yuzasidan materiallarni tegishli organlarga belgilangan tartibda berish;

transport, aloqa vositalari, xizmat binolari va xizmat vagonlaridan erkin foydalanish, shuningdek, poyezdlar harakati, yuk va yoʻlovchilar tashish xavfsizligini taʼminlash sohasida faoliyat yuritish va tekshiruvlarni belgilangan tartibda oʻtkazish bilan bogʻliq boshqa huquqlardan foydalanish;

“Oʻztemiryoʻlnazorat” inspeksiyasi xodimlarini Oʻzbekiston Respublikasi boʻylab safarlar chogʻida lokomotivlar va poyezdlar brigadalari tarkibiga tekshiruvchilar sifatida kiritish.

“Oʻztemiryoʻlnazorat” inspeksiyasi qonun hujjatlariga muvofiq boshqa huquqlarga ham ega boʻlishi mumkin.

17. “Oʻztemiryoʻlnazorat” inspeksiyasi:

“Oʻztemiryoʻlnazorat” inspeksiyasiga yuklangan vazifalar va funksiyalarni samarali amalga oshirish;

“Oʻztemiryoʻlnazorat” inspeksiyasi faoliyati bilan bogʻliq prognoz koʻrsatkichlarga erishilishini qatʼiy taʼminlash;

Transport vazirligiga kiritiladigan normativ-huquqiy hujjatlar va boshqa hujjatlar loyihalari, shuningdek, “Oʻztemiryoʻlnazorat” inspeksiyasi qabul qiladigan qarorlarning sifati, yakuniy natijalari va amalga oshirish oqibatlariga;

temir yoʻl tarmogʻini rivojlantirish boʻyicha temir yoʻlda tashishlar xavfcizligini taʼminlash cohaciga doir, shuningdek, hududlarni ijtimoiy-iqtisodiy rivojlantirish hamda muammoli masalalarni hal etish boʻyicha temir yoʻlda tashishlar xavfcizligini taʼminlash sohasiga doir dacturlar, chora-tadbirlar rejasi, “yoʻl xaritalari” va boshqa dacturiy hujjatlarni camarali amalga oshirish;

fuqarolar va tadbirkorlik subyektlarining huquqlari va qonuniy manfaatlariga rioya etilishi hamda ularning himoya etilishini taʼminlash uchun masʼuldir.

18. “Oʻztemiryoʻlnazorat” inspeksiyasining markaziy apparati oʻziga yuklangan vazifalar va funksiyalarni amalga oshirish uchun quyidagi huquqlarga ega:

“Oʻztemiryoʻlnazorat” inspeksiyasining hududiy filiallari va idoraviy mansub tashkilotlaridan tahlil etish va macalalarni qayta ishlash uchun zarur materiallar va maʼlumotlarni, shuningdek, “Oʻztemiryoʻlnazorat” inspeksiyasining markaziy apparatida koʻrib chiqiladigan normativ-huquqiy hujjatlar va boshqa hujjatlar loyihalarini soʻrash va olish;

zarur boʻlganda, “Oʻztemiryoʻlnazorat” inspeksiyasida koʻrib chiqiladigan masalalarni ishlab chiqish, axborot va tahliliy materiallarni, shuningdek, normativ-huquqiy hujjatlar hamda boshqa hujjatlarning loyihalarini tayyorlashda “Oʻztemiryoʻlnazorat” inspeksiyasining hududiy filiallari va idoraviy mansub tashkiloti rahbarlari va vakillarini belgilangan tartibda jalb etish, ushbu maqsadlar uchun ekcpert hamda ishchi guruhlarni tashkil etish;

“Oʻztemiryoʻlnazorat” inspeksiyasi vakolatiga kiradigan sohasida respublikaning yuqori tezlikda harakatlanadigan temir yoʻl uchastkalarida harakat xavfsizligini taʼminlashga oid chora-tadbirlarning amalga oshirilishini tashkil etish va muvofiqlashtirish, shuningdek, nazorat etish boʻyicha doimiy idoralararo komissiyasining ishini tashkil etish va taʼminlash;

“Oʻztemiryoʻlnazorat” inspeksiyasining hududiy filiallari va idoraviy mansub tashkilotidan kiritilgan normativ-huquqiy hujjatlar va boshqa hujjatlar loyihalarini qayta ishlab chiqishni talab etish, zarur boʻlganda, qayta ishlab chiqish uchun qaytarish;

“Oʻztemiryoʻlnazorat” inspeksiyasining hududiy filiallari va idoraviy mansub tashkiloti rahbarlari hamda vakillari ishtirokida yigʻilishlar oʻtkazish;

hududiy filiallar va idoraviy mansub tashkilot rahbarlariga zudlik bilan hal etishni talab etadigan va “Oʻztemiryoʻlnazorat” inspeksiyasiga yuklangan vazifa va funksiyalarni bajarish bilan bogʻliq boʻlgan masalalar yuzasidan belgilangan tartibda topshiriqlar berish;

normativ-huquqiy hujjatlar, Oʻzbekicton Recpublikaci Prezidenti, Vazirlar Mahkamaci va Transport vazirligining topshiriqlari, shuningdek, “Oʻztemiryoʻlnazorat” inspeksiyasi hamda uning rahbariyatining hujjatlari va topshiriqlari bajarilishi yuzasidan “Oʻztemiryoʻlnazorat” inspeksiyasining hududiy filiallari va idoraviy mansub tashkilotining faoliyatini oʻrganish va belgilangan tartibda tekshirish;

yuridik va jicmoniy shaxclar tomonidan bajarilishi majburiy boʻlgan koʻrsatmalarni oʻz vakolati doirasida qonun hujjatlarida belgilangan tartibda berish;

temir yoʻl transportining texnik vositalaridan foydalanishni va bu boradagi ishlarni bajarishni belgilangan tartibda toʻxtatish, nosozligi sababli odamlar hayoti va sogʻligiga, tashishlar xavfsizligiga xavf tugʻdiradigan poyezdlarning oʻtish joylari, stansiyalar hamda kirish yoʻllarida harakatlanishini toʻxtatish yoki harakatlanish tezligini cheklash toʻgʻrisida koʻrsatmalar berish;

sifatsiz taʼmirlangani uchun lokomotivlar, motorvagonli harakatlanuvchi tarkib va vagonlarni, yoʻllar va bir izni boshqa izga oʻtkazish strelkalarini, signalizatsiya va aloqa moslamalari, bogʻlanish tarmoqlarini taʼmirlashdan chiqarishni man etish;

lokomotivlar, vagonlar, yoʻllar, signal, aloqa va elektr taʼminoti tizimlari, shuningdek, temir yoʻl transportining boshqa texnik vositalari komissiya koʻrigidan belgilangan tartib buzilgan holda oʻtkazilgani uchun ularning natijalarini bekor qilish;

Oʻzbekiston Respublikasi boʻylab safarlar chogʻida lokomotivlar va poyezdlar brigadalari tarkibida tekshiruvchilar sifatida ishtirok etish.

“Oʻztemiryoʻlnazorat” inspeksiyasining markaziy apparati qonun hujjatlariga muvofiq boshqa huquqlarga ham ega boʻlishi mumkin.

19. “Oʻztemiryoʻlnazorat” inspeksiyasining markaziy apparati:

“Oʻztemiryoʻlnazorat” inspeksiyasining markaziy apparati tarkibiy boʻlinmalari, hududiy filiallari va idoraviy mansub tashkiloti bilan birgalikda “Oʻztemiryoʻlnazorat” inspeksiyasiga yuklangan vazifa va funksiyalarning sifatli va oʻz vaqtida bajarilishini taʼminlash;

“Oʻztemiryoʻlnazorat” inspeksiyasi faoliyati bilan bogʻliq prognoz koʻrsatkichlarga erishishni taʼminlash boʻyicha “Oʻztemiryoʻlnazorat” inspeksiyasining markaziy apparati tarkibiy boʻlinmalarining ishini tashkil etish;

Transport vazirligiga koʻrib chiqish uchun kiritiladigan normativ-huquqiy hujjatlar va boshqa hujjatlar loyihalari, shuningdek, “Oʻztemiryoʻlnazorat” inspeksiyasi tomonidan qabul qilinadigan qarorlarning ishlab chiqish va ekspertizadan oʻtkazish sifati;

markaziy apparatning tarkibiy boʻlinmalari, hududiy filiallar va idoraviy mansub tashkiloti tomonidan temir yoʻlda tashishlar xavfcizligini taʼminlash cohacida temir yoʻl tarmogʻini rivojlantirish, shuningdek, hududlarni ijtimoiy-iqtisodiy rivojlantirish hamda muammoli masalalarni hal etish boʻyicha dacturlar, chora-tadbirlar rejasi, “yoʻl xaritalari” va boshqa dacturiy hujjatlar amalga oshirilishini tashkil etish;

fuqarolar va tadbirkorlik subyektlarining huquqlari hamda qonuniy manfaatlariga rioya etilishi hamda ularni himoya qilishni taʼminlash uchun masʼuldir.

20. “Oʻztemiryoʻlnazorat” inspeksiyasining hududiy filiallari oʻziga yuklangan vazifalar va funksiyalarni amalga oshirish uchun quyidagi huquqlarga ega:

oʻz vakolatiga kiradigan masalalarni hal qilish uchun davlat va xoʻjalik boshqaruvi organlarining hududiy boʻlinmalari, mahalliy ijro etuvchi hokimiyat organlaridan zarur maʼlumotlarni belgilangan tartibda soʻrash va olish;

“Oʻztemiryoʻlnazorat” inspeksiyasi vakolatiga kiradigan muhim muammolarni ishlab chiqish va koʻrib chiqish yuzasidan idoralararo komissiyalar hamda kengashlarda hududiy darajada ishtirok etish;

davlat va xoʻjalik boshqaruvi organlari, mahalliy ijro etuvchi hokimiyat organlariga koʻrib chiqish uchun “Oʻztemiryoʻlnazorat” inspeksiyasi vakolatiga kiradigan masalalar boʻyicha takliflar kiritish;

oʻz vakolati doirasida qonun hujjatlarida belgilangan tartibda yuridik va jicmoniy shaxclar tomonidan bajarilishi majburiy boʻlgan koʻrsatmalar berish;

temir yoʻl transportining texnik vositalaridan foydalanishni va bu boradagi ishlarni bajarishni belgilangan tartibda toʻxtatish, nosozligi sababli odamlar hayoti va sogʻligiga, tashishlar xavfsizligiga xavf tugʻdiradigan poyezdlarning oʻtish joylari, stansiyalar hamda kirish yoʻllarida harakatlanishini toʻxtatish yoki harakatlanish tezligini cheklash toʻgʻrisida koʻrsatmalar berish;

sifatsiz taʼmirlangani uchun lokomotivlar, motorvagonli harakatlanuvchi tarkib va vagonlarni, yoʻllar va bir izni boshqa izga oʻtkazish strelkalarini, signalizatsiya va aloqa moslamalari, bogʻlanish tarmoqlarini taʼmirlashdan chiqarishni man etish;

lokomotivlar, vagonlar, yoʻllar, signal, aloqa va elektr taʼminoti tizimlari, shuningdek, temir yoʻl transportining boshqa texnik vositalari komissiya koʻrigidan belgilangan tartib buzilgan holda oʻtkazilgani uchun ularning natijalarini bekor qilish;

Oʻzbekiston Respublikasi boʻylab safarlar chogʻida lokomotivlar va poyezdlar brigadalari tarkibida tekshiruvchilar sifatida ishtirok etish.

“Oʻztemiryoʻlnazorat” inspeksiyasining hududiy filiallari qonun hujjatlariga muvofiq boshqa huquqlarga ham ega boʻlishi mumkin.

21. “Oʻztemiryoʻlnazorat” inspeksiyasining hududiy filiallari va idoraviy mansub tashkiloti:

“Oʻztemiryoʻlnazorat” inspeksiyasiga yuklangan vazifa va funksiyalarning sifatli va oʻz vaqtida bajarilishini taʼminlash;

faoliyati bilan bogʻliq boʻlgan prognoz koʻrsatkichlarga erishilishini taʼminlash;

“Oʻztemiryoʻlnazorat” inspeksiyasiga kiritiladigan hujjatlar va takliflar loyihalarining, shuningdek, “Oʻztemiryoʻlnazorat” inspeksiyasining hududiy filiallari va idoraviy mansub tashkiloti qabul qiladigan qarorlarning sifati, yakuniy natijalari va amalga oshirish oqibatlariga;

tegishli hududda temir yoʻlda tashishlar xavfsizligini taʼminlash sohasida temir yoʻl tarmogʻini boʻyicha rivojlantirishga oid takliflarni hududda aniqlangan muammolarni har tomonlama va chuqur tahlil qilish hamda umumlashtirish asosida tayyorlash;

Qoraqalpogʻiston Respublikasi, viloyatlar va Toshkent shahrida temir yoʻlda tashishlar xavfcizligini taʼminlash cohacida temir yoʻl tarmogʻini rivojlantirish, shuningdek, hududlarni ijtimoiy-iqtisodiy rivojlantirish hamda muammoli masalalarni hal etish boʻyicha dacturlar, tadbirlar rejalari, “yoʻl xaritalari” va boshqa dacturiy hujjatlarning sifatli amalga oshirilishi;

fuqarolar va tadbirkorlik subyektlarining huquqlari hamda qonuniy manfaatlariga rioya etilishi va himoya qilinishini taʼminlash uchun masʼuldir.

22. Quyidagilar “Oʻztemiryoʻlnazorat” inspeksiyasi boshligʻining asosiy funksional vazifalari hisoblanadi:

Oʻzbekiston Respublikasining Konstitutsiyasi va qonunlari, shuningdek, boshqa normativ-huquqiy hujjatlari talablariga rioya etish;

“Oʻztemiryoʻlnazorat” inspeksiyasiga umumiy rahbarlik qilish, “Oʻztemiryoʻlnazorat” inspeksiyasiga Oʻzbekiston Respublikasi Transport vazirligining tegishli qarori va boshqa qonun hujjatlari bilan yuklangan vazifalar va funksiyalarning bajarilishini tashkil etish;

“Oʻztemiryoʻlnazorat” inspeksiyasi faoliyatini yanada takomillashtirish boʻyicha Oʻzbekiston Respublikasi Prezidenti hujjatlari, Vazirlar Mahkamasi va Transport vazirligining qarorlari bilan tasdiqlangan konsepsiyalar, kompleks dasturlar va tadbirlar ijrosini tanqidiy va chuqur tahlil etish;

“Oʻztemiryoʻlnazorat” inspeksiyasi va uning tarkibiy boʻlinmalari, hududiy filiallari va idoraviy mansub tashkilotining faoliyati bilan bogʻliq prognoz koʻrsatkichlarga erishishni soʻzsiz taʼminlash boʻyicha amaliy chora-tadbirlarni ishlab chiqish va qabul qilish;

Transport vazirligi topshirigʻiga koʻra, “Oʻztemiryoʻlnazorat” inspeksiyasi vakolatiga kiruvchi masalalar boʻyicha Oʻzbekiston Respublikasi Prezidenti maslahatchilarining tarkibiy boʻlinmalari va Vazirlar Mahkamasi kotibiyatlari, shuningdek, tegishli vazirliklar va idoralar bilan hamkorlik qilish, Vazirlar Mahkamasi va uning Rayosati majlislarida masalalarni koʻrib chiqishda ishtirok etish;

Oʻzbekiston Respublikasi Prezidenti, Oʻzbekiston Respublikasining Bosh vaziri, uning oʻrinbosarlari va maslahatchilari, shuningdek, transport vazirining topshiriqlarini bajarish;

oʻz oʻrinbosarining, “Oʻztemiryoʻlnazorat” inspeksiyasi boshqa mansabdor shaxslarining vakolatlarini belgilash, “Oʻztemiryoʻlnazorat” inspeksiyasi faoliyatining alohida uchastkalariga rahbarlik qilish uchun oʻz oʻrinbosari va boshqa mansabdor shaxslarning shaxsiy masʼuliyat darajasini belgilash;

“Oʻztemiryoʻlnazorat” inspeksiyasi faoliyatining rejalashtirilishini tashkil etish, “Oʻztemiryoʻlnazorat” inspeksiyasining va oʻz oʻrinbosarining har choraklik ish rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidenti, Vazirlar Mahkamasi va Transport vazirligining qarorlari va topshiriqlari ijrosini tashkil etish va monitoringini olib borishning amaliy tizimini yaratish, “Oʻztemiryoʻlnazorat” inspeksiyasi faoliyatida ijro intizomini mustahkamlash boʻyicha kompleks chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi maqsadida Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son hamda “Davlat organlari va tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlari hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida”gi 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun tarkibiy boʻlinmalar, hududiy filiallar va idoraviy mansub tashkilot rahbarlarining shaxsiy masʼuliyatini oshirish choralarini koʻrish;

“Oʻztemiryoʻlnazorat” inspeksiyasi xodimlarini tizimli qayta tayyorlash va ularning malakasini oshirishni tashkil etish;

“Oʻztemiryoʻlnazorat” inspeksiyasi markaziy apparati va hududiy filiallari, idoraviy mansub tashkilot rahbarlari va xodimlarini qonun hujjatlarida belgilangan tartibda lavozimga tayiinlash va lavozimdan ozod etish;

“Oʻztemiryoʻlnazorat” inspeksiyasi tizimida kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, “Oʻztemiryoʻlnazorat” inspeksiyasining kadrlar zaxirasini shakllantirish;

Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi, Vazirlar Mahkamasi va Transport vazirligi nomenklaturasiga kiradigan boʻsh lavozimlarga taklif etilgan kadrlarning, shuningdek, “Oʻztemiryoʻlnazorat” inspeksiyasiga ishga qabul qilinadigan boshqa kadrlarning kasbiy mahorati, layoqati, amaliy tajribasi, ishchanlik va maʼnaviy-axloqiy sifatlari yuqori darajasining kafolatlanganligini taʼminlash;

faoliyat sohasidagi masalalar boʻyicha normativ-huquqiy hujjatlar loyihalari sifatli ishlab chiqilishini, ularning “Normativ-huquqiy hujjatlar toʻgʻrisida”gi, “Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida”gi Oʻzbekiston Respublikasi qonunlari, Oʻzbekiston Respublikasi Prezidentining “Norma ijodkorligi faoliyatini takomillashtirish konsepsiyasini tasdiqlash toʻgʻrisida” 2018-yil 8-avgustdagi PF-5505-son Farmoni, Oʻzbekiston Respublikasi Prezidentining 2018-yil 26-avgustdagi PF-5519-son Farmoni bilan tasdiqlangan Oʻzbekiston Respublikasi Prezidenti Administratsiyasining Reglamenti (keyingi oʻrinlarda Oʻzbekiston Respublikasi Prezidenti Administratsiyasining Reglamenti deb ataladi), Vazirlar Mahkamasining 2019-yil 22-martdagi 242-son qarori bilan tasdiqlangan Oʻzbekiston Respublikasi Vazirlar Mahkamasining Reglamenti (keyingi oʻrinlarda Vazirlar Mahkamasining Reglamenti deb ataladi) talablariga qatʼiy muvofiq ravishda ishlab chiqilishi va oʻz vaqtida Transport vazirligiga kiritilishini tashkil etish, ularning Transport vazirligida ishlab chiqilishi, Transport vazirligi rahbariyati huzurida himoya qilinishi va Vazirlar Mahkamasida koʻrib chiqilishi va qayta ishlanishida ishtirok etish;

“Normativ-huquqiy hujjatlar toʻgʻrisida”, “Qonunlar loyihalarini tayyorlash va ularni Oʻzbekiston Respublikasi Oliy Majlisining Qonunchilik palatasiga kiritish toʻgʻrisida”gi Oʻzbekiston Respublikasi qonunlariga hamda Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihalarini tayyorlash faoliyati namunaviy reglamentiga muvofiq “Oʻztemiryoʻlnazorat” inspeksiyasining qonun loyihalari faoliyatini tashkil etish;

“Oʻztemiryoʻlnazorat” inspeksiyasiga taqdim etilgan takliflarni va normativ-huquqiy hujjatlar loyihalarining toʻliq va har tomonlama koʻrib chiqilishini taʼminlash, ularning moliyaviy, iqtisodiy, huquqiy va boshqa ekspertizadan oʻtkazish, shuningdek, Vazirlar Mahkamasi Reglamentida va Oʻzbekiston Respublikasi Prezidenti Administratsiyasi Reglamentida belgilangan muddatlarda kelishish (viza qoʻyish);

“Oʻztemiryoʻlnazorat” inspeksiyasi rahbarlari va xodimlarining xizmat safarlarini Oʻzbekiston Respublikasi Prezidentining “Mansabdor shaxslarning chet el mamlakatlariga chiqish tartibini takomillashtirish chora-tadbirlari toʻgʻrisida” 2014-yil 5-martdagi PQ-2142-son qaroriga hamda “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarori talablariga toʻliq muvofiq ravishda tashkil etish va amalga oshirish, xizmat safarlarining asoslanganligi, samaradorligi va natijadorligini, xizmat safarlari xarajatlari uchun ajratiladigan mablagʻlardan maqsadli va oqilona foydalanilishini taʼminlash;

oʻz oʻrinbosarining hamda tarkibiy boʻlinmalar, hududiy filiallar hamda idoraviy mansub tashkilot faoliyati samaradorligi va natijadorligini muntazam tanqidiy tahlil qilish, “Oʻztemiryoʻlnazorat” inspeksiyasi yigʻilishlarida ularning shaxsiy hisobotlarini eshitish, yakunlari boʻyicha zarur choralar koʻrish;

“Oʻztemiryoʻlnazorat” inspeksiyasi masʼul xodimlarini ragʻbatlantirish, ularni intizomiy javobgarlikka tortish masalalarini hal etish, oʻz oʻrinbosarini ragʻbatlantirish va intizomiy javobgarlikka tortish, shu jumladan uning kelgusida oʻz lavozimida qolish-qolmasligining maqsadga muvofiqligi toʻgʻrisidagi masalalarni koʻrib chiqish boʻyicha takliflar kiritish, ularning shaxsiy javobgarligini oshirish yuzasidan tizimli ravishda chora-tadbirlarni amalga oshirish;

“Oʻztemiryoʻlnazorat” inspeksiyasi, uning idoraviy mansub tashkiloti va hududiy filiallari xodimlarining Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan “Oʻztemiryoʻlnazorat” inspeksiyasi xodimlarining odob-axloq qoidalari (keyingi oʻrinlarda “Oʻztemiryoʻlnazorat” inspeksiyasi xodimlarining odob-axloq qoidalari deb ataladi) talablariga rioya etishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq “Oʻztemiryoʻlnazorat” inspeksiyasi tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

“Oʻztemiryoʻlnazorat” inspeksiyasi, uning tarkibiy boʻlinmalari, hududiy filiallari va idoraviy mansub tashkiloti ishini tashkil etishning zamonaviy shakllari joriy etilishini taʼminlash;

“Elektron hukumat toʻgʻrisida”gi Oʻzbekiston Respublikasi Qonunini amalga oshirish doirasida aholi va tadbirkorlik subyektlari bilan oʻzaro hamkorlikni amalga oshirishda, jumladan, “yagona darcha” tamoyilini joriy etish hamda zamonaviy axborot-kommunikatsiya texnologiyalaridan foydalanish yoʻli bilan davlat xizmatlari koʻrsatish samaradorligi, sifati va qulayligini oshirish;

jismoniy va yuridik shaxslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslar vakillarini muntazam shaxsan qabul qilish, shu jumladan, joylarga borib qabul qilish;

Oʻzbekiston Respublikasi Prezidentining Xalq qabulxonalari bilan oʻzaro hamkorlikni samarali tashkil etish, ularning faoliyatida “Oʻztemiryoʻlnazorat” inspeksiyasi xodimlarining faol ishtirokini yoʻlga qoʻyish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan kelib tushadigan murojaatlarini oʻz vaqtida va toʻliq koʻrib chiqilishini taʼminlash;

davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish;

“Oʻztemiryoʻlnazorat” inspeksiyasining moliya-xoʻjalik faoliyatini rejalashtirish va tashkil etish;

“Oʻztemiryoʻlnazorat” inspeksiyasi markaziy apparatining tarkibiy boʻlinmalari, hududiy filiallar va idoraviy mansub tashkilot toʻgʻrisidagi nizomlarni belgilangan tartibda tasdiqlash;

“Oʻztemiryoʻlnazorat” inspeksiyasining shtatlar jadvalini, shuningdek, harajatlari smetasini Transport vazirligi bilan kelishilgan holda tasdiqlash;

belgilangan shtatlar umumiy soni doirasida “Oʻztemiryoʻlnazorat” inspeksiyasi tuzilmasiga belgilangan tartibda oʻzgartirishlar kiritish;

“Oʻztemiryoʻlnazorat” inspeksiyasi mansabdor shaxslari, hududiy filiallar va “Oʻztemiryoʻlnazorat” inspeksiyasi tuzilmasiga kiradigan idoraviy mansub tashkilot tomonidan bajarilishi majburiy boʻlgan buyruqlar va farmoyishlar chiqarish, shuningdek, ularning ijrosi yuzasidan belgilangan tartibda nazoratni amalga oshirish;

davlat organlarida va boshqa tashkilotlarda, shuningdek, davlat organlari, xalqaro tashkilotlar va xorijiy mamlakatlar vakillari ishtirokida oʻtkaziladigan rasmiy tadbirlarda “Oʻztemiryoʻlnazorat” inspeksiyasi nomidan vakillik qilish;

qonun hujjatlariga muvofiq boshqa vakolatlarni amalga oshirish.

23. Quyidagilar “Oʻztemiryoʻlnazorat” inspeksiyasi boshligʻi oʻrinbosarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

“Oʻztemiryoʻlnazorat” inspeksiyasi boshligʻi vaqtinchalik boʻlmaganda tegishli buyruq asosida uning vazifalarini bajarish;

“Oʻztemiryoʻlnazorat” inspeksiyasining mutasaddilik qilinadigan tarkibiy boʻlinmalari faoliyatini muvofiqlashtirish, nazorat qilish va ularga bevosita rahbarlik qilish, ularning xodimlari oʻrtasida vazifalarni taqsimlash;

“Oʻztemiryoʻlnazorat” inspeksiyasi faoliyatining mutasaddilik qilinadigan yoʻnalishlari boʻyicha Oʻzbekiston Respublikasi Prezidentining hujjatlari va Vazirlar Mahkamasi va Transport vazirligining qarorlari bilan tasdiqlangan “Oʻztemiryoʻlnazorat” inspeksiyasi faoliyatini yanada takomillashtirish boʻyicha konsepsiyalar, kompleks dasturlar va kompleks tadbirlar ijrosini tanqidiy va chuqur tahlil qilish;

mutasaddilik qilinadigan tarkibiy boʻlinmalar tomonidan prognoz koʻrsatkichlarga erishishni soʻzsiz taʼminlash choralarini koʻrish, boʻlinmalar rahbarlarining hisobotlarini muntazam eshitish va ushbu koʻrsatkichlarga erishish uchun ularning shaxsiy javobgarligini oshirish;

mutasaddilik qilinadigan tarkibiy boʻlinmalar rahbarlarining har choraklik rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidenti, Vazirlar Mahkamasi va Transport vazirligining qarorlari va topshiriqlari ijrosini taʼminlash, “Oʻztemiryoʻlnazorat” inspeksiyasining mutasaddilik qiladigan tarkibiy boʻlinmalarida ijro intizomi boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “Davlat organlari va tashkilotlari ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlari, shuningdek, Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlar oʻz vaqtida va sifatli ijro etilishi uchun tarkibiy boʻlinmalar rahbarlarining shaxsiy masʼuliyatini oshirish choralarini koʻrish;

Transport vazirligi va “Oʻztemiryoʻlnazorat” inspeksiyasining qarorlari, transport vaziri va “Oʻztemiryoʻlnazorat” inspeksiyasi boshligʻining buyruqlari va topshiriqlari oʻz vaqtida va sifatli bajarilishini taʼminlash;

mutasaddilik qilinadigan tarkibiy boʻlinmalarda kadrlarni tanlash va joy-joyiga qoʻyish boʻyicha “Oʻztemiryoʻlnazorat” inspeksiyasi boshligʻiga takliflar taqdim etish, ularning kasbiy mahorati, layoqati, amaliy tajribasi, ishchanlik va maʼnaviy-axloqiy sifatlari yuqori darajasining kafolatlanganligini taʼminlash, ularning kasbiy malakasini oshirish choralarini koʻrish, mutasaddilik qilinadigan boʻlinmalarda kadrlar zaxirasini shakllantirish;

normativ-huquqiy hujjatlar loyihalarining mutasaddilik qilinadigan boʻlinmalar tomonidan sifatli ishlab chiqilishini tashkil etish, “Oʻztemiryoʻlnazorat” inspeksiyasining mutasaddilik qilinadigan tarkibiy boʻlinmalarida tayyorlangan hujjatlar loyihalarini koʻrib chiqish va ular keyinchalik “Oʻztemiryoʻlnazorat” inspeksiyasi boshligʻi tomonidan koʻrib chiqilishi, imzolanishi (viza qoʻyilishi) uchun viza qoʻyish, ularning Vazirlar Mahkamasi Reglamenti va Oʻzbekiston Respublikasi Prezidenti Administratsiyasi Reglamenti talablariga qatʼiy muvofiq ravishda Transport vazirligiga oʻz vaqtida kiritilishini taʼminlash, shuningdek, “Oʻztemiryoʻlnazorat” inspeksiyasi boshligʻining topshirigʻi boʻyicha normativ-huquqiy hujjatlar loyihalarini Transport vazirligi va Vazirlar Mahkamasida ishlab chiqishda ishtirok etish;

“Oʻztemiryoʻlnazorat” inspeksiyasiga taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish, ularni moliyaviy, iqtisodiy, huquqiy va boshqa jihatdan puxta ekspertizadan oʻtkazish;

xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish chora-tadbirlari toʻgʻrisida”gi 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga toʻliq muvofiq amalga oshirish, xizmat safarlarining asoslanganligi, samaradorligi va natijadorligini, xizmat safarlari xarajatlari uchun ajratiladigan mablagʻlardan maqsadli va oqilona foydalanishni taʼminlash;

faoliyat sohasiga taalluqli masalalar boʻyicha “Oʻztemiryoʻlnazorat” inspeksiyasi faoliyatini takomillashtirishga doir amaliy choralar koʻrish, qonunchilikni takomillashtirish boʻyicha takliflar ishlab chiqish va ularni “Oʻztemiryoʻlnazorat” inspeksiyasi boshligʻiga kiritish;

mutasaddilik qilinadigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish, shu jumladan ularning egallab turgan lavozimida kelgusida qolish-qolmasligining maqsadga muvofiqligi masalasini koʻrib chiqish, ularning oʻz funksional vazifalarini bajarish yuzasidan shaxsiy javobgarligini oshirish boʻyicha tizimli choralar koʻrish toʻgʻrisida “Oʻztemiryoʻlnazorat” inspeksiyasi boshligʻiga takliflar kiritish;

“Oʻztemiryoʻlnazorat” inspeksiyasi xodimlari, mutasaddilik qilinadigan tarkibiy boʻlinmalar rahbarlari va xodimlari tomonidan odob-axloq qoidalari talablariga rioya etilishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq “Oʻztemiryoʻlnazorat” inspeksiyasi tizimida korrupsiyaning va boshqa qonun buzilishlarining oldini olish choralarini koʻrish, shuningdek, huquqlar va qonun hujjatlarini takomillashtirish boʻyicha chora-tadbirlarni ishlab chiqish va amalga oshirish yoʻli bilan ularning sodir etilishiga koʻmaklashuvchi sabablar va sharoitlarni aniqlash, tahlil qilish, bartaraf etish;

“Oʻztemiryoʻlnazorat” inspeksiyasi boshligʻiga davlat xizmatlari samaradorligi, sifati va qulayligini oshirish boʻyicha takliflar kiritish;

jismoniy va yuridik shaxslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslar vakillarini muntazam shaxsan qabul qilish, shu jumladan, joylarga borib qabul qilish;

Oʻzbekiston Respublikasi Prezidentining Xalq qabulxonalari bilan oʻzaro hamkorlikni samarali tashkil etish, ularning faoliyatida “Oʻztemiryoʻlnazorat” inspeksiyasi xodimlarining faol ishtirokini yoʻlga qoʻyish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan kelib tushadigan murojaatlari oʻz vaqtida va toʻliq koʻrib chiqilishini taʼminlash;

davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

24. Quyidagilar “Oʻztemiryoʻlnazorat” inspeksiyasi markaziy apparatining tarkibiy boʻlinmalari rahbarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

tarkibiy boʻlinmalar faoliyatiga bevosita rahbarlik qilish, ushbu boʻlinmaga yuklangan vazifalar va funksiyalarning bajarilishini tashkil etish;

oʻz vakolatlari doirasida “Oʻztemiryoʻlnazorat” inspeksiyasining hududiy filiallari faoliyatini muvofiqlashtirish;

prognoz koʻrsatkichlar bajarilishini tizimli tahlil qilish va tarkibiy boʻlinmalar va hududiy filiallar tomonidan ushbu koʻrsatkichlarga soʻzsiz erishilishini taʼminlashga doir qoʻshimcha choralar koʻrish boʻyicha “Oʻztemiryoʻlnazorat” inspeksiyasi boshligʻi oʻrinbosariga takliflar kiritish;

Oʻzbekiston Respublikasi Prezidenti va Vazirlar Mahkamasi qarorlari va topshiriqlari ijrosini taʼminlash, “Oʻztemiryoʻlnazorat” inspeksiyasi tarkibiy boʻlinmalari xodimlarining ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Oʻzbekiston Respublikasi Vazirlar Mahkamasi va uning kotibiyatlari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “Davlat organlari va tashkilotlarida ijro intizomini yanada mustahkamlash chora tadbirlari toʻgʻrisida” 2018-yil 5-oktabrdagi PQ-3962-son qarorlari, shuningdek, Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun tarkibiy boʻlinmalar xodimlarining shaxsiy masʼuliyatini oshirish choralarini koʻrish;

“Oʻztemiryoʻlnazorat” inspeksiyasi qarorlarining, “Oʻztemiryoʻlnazorat” inspeksiyasi boshligʻi va uning oʻrinbosari buyruqlari va topshiriqlarining oʻz vaqtida va sifatli bajarilishini taʼminlash;

tarkibiy boʻlinmalar ishlarining har choraklik rejalari ishlab chiqilishini taʼminlash, ularni tasdiqlash uchun kiritish, ularda koʻrsatilgan vazifalar va tadbirlarning oʻz vaqtida va sifatli bajarilishini taʼminlash;

tarkibiy boʻlinmalarga yuklangan vazifalarning ijrosini nazorat qilish va muvofiqlashtirish, “Oʻztemiryoʻlnazorat” inspeksiyasi hududiy filiallari va idoraviy mansub tashkiloti faoliyatiga amaliy va uslubiy yordam koʻrsatish;

tarkibiy boʻlinmalar faoliyati masalalari yuzasidan qonunchilikni takomillashtirishga doir takliflarni ishlab chiqish va ularni koʻrib chiqish uchun “Oʻztemiryoʻlnazorat” inspeksiyasi rahbariyatiga kiritish;

tarkibiy boʻlinmalarda kadrlarni tanlash va joy-joyiga qoʻyishda “Oʻztemiryoʻlnazorat” inspeksiyasi boshligʻi oʻrinbosariga takliflar kiritish, ularning kasbiy mahorati, layoqati, amaliy tajribasi, ishchanlik va maʼnaviy-axloqiy sifatlari yuqori darajasining kafolatlanganligini taʼminlash, ularning kasbiy malakasini oshirish choralarini koʻrish, tarkibiy boʻlinmalarda kadrlar zaxirasini shakllantirish;

tarkibiy boʻlinmalar tomonidan normativ-huquqiy hujjatlar loyihalarining sifatli ishlab chiqilishini tashkil etish, “Oʻztemiryoʻlnazorat” inspeksiyasining tarkibiy boʻlinmalarida tayyorlangan hujjatlar loyihalarini koʻrib chiqish va ular keyinchalik “Oʻztemiryoʻlnazorat” inspeksiyasi boshligʻi tomonidan koʻrib chiqilishi, imzolanishi (viza qoʻyilishi) uchun viza qoʻyish, ularning Vazirlar Mahkamasi Reglamenti va Oʻzbekiston Respublikasi Prezidenti Administratsiyasi Reglamenti talablariga qatʼiy muvofiq ravishda Transport vazirligi va Vazirlar Mahkamasiga oʻz vaqtida kiritilishini taʼminlash, shuningdek, “Oʻztemiryoʻlnazorat” inspeksiyasi boshligʻining topshirigʻi boʻyicha normativ-huquqiy hujjatlar loyihalarini Transport vazirligida ishlab chiqishda ishtirok etish;

“Oʻztemiryoʻlnazorat” inspeksiyasiga taqdim etilgan takliflarni va normativ-huquqiy hujjatlar loyihalarini toʻliq va har tomonlama koʻrib chiqish, ularni moliyaviy, iqtisodiy, huquqiy va boshqa jihatdan puxta ekspertizadan oʻtkazish;

xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish chora-tadbirlari toʻgʻrisida”gi 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari toʻgʻrisida”gi 2017-yil 3-avgustdagi PQ-3170-son qarorlari talablariga muvofiq amalga oshirish, xizmat safarlari asoslanganligi, samaradorligi va natijadorligini, xizmat safarlari xarajatlari uchun ajratiladigan mablagʻlardan maqsadli va oqilona foydalanishni taʼminlash;

“Oʻztemiryoʻlnazorat” inspeksiyasi xodimlari, tarkibiy boʻlinmalar xodimlari tomonidan odob-axloq qoidalari talablariga rioya etilishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq “Oʻztemiryoʻlnazorat” inspeksiyasi tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va sharoitlarni aniqlash, tahlil qilish, bartaraf etish;

“Oʻztemiryoʻlnazorat” inspeksiyasi boshligʻiga davlat xizmatlari samaradorligi, sifati va qulayligini oshirish boʻyicha takliflar kiritish;

jismoniy va yuridik shaxslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslar vakillarini muntazam shaxsan qabul qilish, shu jumladan, joylarga borib qabul qilish;

Oʻzbekiston Respublikasi Prezidentining Xalq qabulxonalari bilan oʻzaro hamkorlikni samarali tashkil etish, ularning faoliyatida “Oʻztemiryoʻlnazorat” inspeksiyasi xodimlarining faol ishtirokini yoʻlga qoʻyish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan kelib tushadigan murojaatlarini oʻz vaqtida va toʻliq koʻrib chiqilishini taʼminlash;

davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

25. Quyidagilar “Oʻztemiryoʻlnazorat” inspeksiyasining hududiy filiallari va idoraviy mansub tashkiloti rahbarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

“Oʻztemiryoʻlnazorat” inspeksiyasi hududiy filiallari va idoraviy mansub tashkiloti faoliyatiga umumiy rahbarlikni amalga oshirish, ushbu boʻlinmalarga Oʻzbekiston Respublikasi Prezidentining tegishli Farmoni va qarori, Vazirlar Mahkamasining qarori hamda boshqa qonun hujjatlari, shuningdek, Transport vazirligi va “Oʻztemiryoʻlnazorat” inspeksiyasining hujjatlari va qarorlari bilan yuklangan vazifalar va funksiyalarning bajarilishini tashkil etish;

“Oʻztemiryoʻlnazorat” inspeksiyasi hududiy filiallari va idoraviy mansub tashkiloti faoliyati bilan bogʻliq prognoz koʻrsatkichlarga erishishni soʻzsiz taʼminlash boʻyicha amaliy chora-tadbirlarni ishlab chiqish va qabul qilish;

Oʻzbekiston Respublikasi Prezidenti, Vazirlar Mahkamasi va Transport vazirligi qarorlari va topshiriqlari ijrosini taʼminlash, ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Oʻzbekiston Respublikasi Vazirlar Mahkamasi va uning kotibiyatlari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “Davlat organlari va tashkilotlarida ijro intizomini yanada mustahkamlash chora tadbirlari toʻgʻrisida” 2018-yil 5-oktabrdagi PQ-3962-son qarorlari, shuningdek, Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun tarkibiy boʻlinmalar xodimlarining shaxsiy masʼuliyatini oshirish choralarini koʻrish;

Transport vazirligi va “Oʻztemiryoʻlnazorat” inspeksiyasi boshligʻining buyruqlari, qarorlari va topshiriqlarini oʻz vaqtida va sifatli bajarilishini taʼminlash;

“Oʻztemiryoʻlnazorat” inspeksiyasi faoliyati sohasiga kiradigan masalalar boʻyicha mahalliy ijro etuvchi hokimiyat organlari va kompleks ijtimoiy-iqtisodiy rivojlantirish sektorlari bilan oʻzaro hamkorlik qilish;

hududiy filiallar va idoraviy mansub tashkilotning mansabdor shaxslari vakolatlarini, ularning shaxsiy javobgarlik darajasini belgilash;

“Oʻztemiryoʻlnazorat” inspeksiyasining hududiy filiallari va idoraviy mansub tashkilotiga kadrlarni tanlab olish, ularning samarali faoliyati uchun zarur shart-sharoitlar yaratish, kadrlar zaxirasini shakllantirish;

boʻsh lavozimlarga tavsiya etilgan kadrlarning kasbiy mahorati, layoqati, amaliy tajribasi, ishchanlik va maʼnaviy-axloqiy sifatlari yuqori darajasining kafolatlatlanganligini taʼminlash;

hududiy filiallar va idoraviy mansub tashkilot xodimlari tomonidan “Oʻztemiryoʻlnazorat” inspeksiyasi xodimlarining odob-axloq qoidalari talablariga rioya etilishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq “Oʻztemiryoʻlnazorat” inspeksiyasi hududiy filiallar va idoraviy mansub tashkilotida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va sharoitlarni aniqlash, tahlil qilish, bartaraf etish;

prognoz koʻrsatkichlarning bajarilishini muntazam tahlil qilish va “Oʻztemiryoʻlnazorat” inspeksiyasining hududiy filiallari va idoraviy mansub tashkiloti tomonidan mazkur koʻrsatkichlarga soʻzsiz erishilishini taʼminlashga yoʻnaltirilgan qoʻshimcha chora-tadbirlar koʻrish yuzasidan “Oʻztemiryoʻlnazorat” inspeksiyasi rahbariyatiga takliflar kiritish;

jismoniy va yuridik shaxslarning murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslar vakillarini muntazam shaxsan qabul qilish, shu jumladan, joylarga borib qabul qilish;

Oʻzbekiston Respublikasi Prezidentining Xalq qabulxonalari bilan oʻzaro hamkorlikni samarali tashkil etish, ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan kelib tushadigan murojaatlarini oʻz vaqtida va toʻliq koʻrib chiqish;

“Oʻztemiryoʻlnazorat” inspeksiyasining hududiy filiallari va idoraviy mansub tashkiloti xodimlariga mukofotlar, lavozim maoshiga ustamalar, moddiy yordam puli toʻlash, ularni mukofotlash, ragʻbatlantirish va ularga nisbatan intizomiy choralar qoʻllash toʻgʻrisida, davlat va idoraviy mukofotlar bilan taqdirlashga taqdim etish toʻgʻrisida takliflar kiritish;

davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya etish.

26. “Oʻztemiryoʻlnazorat” inspeksiyasi boshligʻi:

“Oʻztemiryoʻlnazorat” inspeksiyasiga yuklangan vazifalar va funksiyalarning bajarilishi;

ushbu Nizomning 17-bandida nazarda tutilgan “Oʻztemiryoʻlnazorat” inspeksiyasining javobgarlik sohalari boʻyicha;

ushbu Nizomning 22-bandida belgilangan oʻz funksional vazifalarining sifatli bajarilishi uchun shaxsan masʼuldir.

27. “Oʻztemiryoʻlnazorat” inspeksiyasi boshligʻining oʻrinbosari:

“Oʻztemiryoʻlnazorat” inspeksiyasining mutasaddilik qilinadigan tarkibiy boʻlinmalarida “Oʻztemiryoʻlnazorat” inspeksiyasiga yuklangan vazifalar va funksiyalarning bajarilishi;

mutasaddilik qilinadigan masalalarda ushbu Nizomning 17-bandida nazarda tutilgan “Oʻztemiryoʻlnazorat” inspeksiyasining javobgarlik sohalari boʻyicha;

ushbu Nizomning 23-bandida belgilangan oʻz funksional vazifalarining sifatli bajarilishi uchun shaxsan masʼuldir.

28. Markaziy apparat tarkibiy boʻlinmalarining rahbarlari:

tegishli tarkibiy boʻlinmalarga yuklangan vazifalar va funksiyalarning amalga oshirilishi;

ushbu Nizomning 19-bandida nazarda tutilgan “Oʻztemiryoʻlnazorat” inspeksiyasi markaziy apparatining javobgarlik sohalari boʻyicha;

ushbu Nizomning 24-bandida belgilangan oʻz funksional vazifalarining sifatli bajarilishi uchun shaxsan masʼuldir.

29. “Oʻztemiryoʻlnazorat” inspeksiyasi hududiy filiallari va idoraviy mansub tashkilotining rahbarlari:

hududiy filiallar va idoraviy mansub tashkilotga yuklangan vazifalar va funksiyalarning amalga oshirilishi;

ushbu Nizomning 21-bandida nazarda tutilgan “Oʻztemiryoʻlnazorat” inspeksiyasi hududiy filiallari va idoraviy mansub tashkilotining javobgarlik sohalari boʻyicha;

ushbu Nizomning 25-bandida belgilangan oʻz funksional vazifalarining sifatli bajarilishi uchun shaxsan masʼuldir.

30. “Oʻztemiryoʻlnazorat” inspeksiyasiga Oʻzbekiston Respublikasi transport vazirining taqdimnomasiiga koʻra, Vazirlar Mahkamasi tomonidan lavozimga tayinlanadigan va lavozimdan ozod qilinadigan boshliq rahbarlik qiladi.

31. Boshliqning “Oʻztemiryoʻlnazorat” inspeksiyasi boshligʻining taqdimnomasiga koʻra, Oʻzbekiston Respublikasi transport vaziri tomonidan lavozimga tayinlanadigan va lavozimdan ozod qilinadigan bir nafar oʻrinbosari boʻladi.

32. “Oʻztemiryoʻlnazorat” inspeksiyasi boshligʻi moddiy, maishiy, transport va tibbiy xizmat koʻrsatish sharoitlari boʻyicha transport vazirining oʻrinbosariga tenglashtiriladi.

33. “Oʻztemiryoʻlnazorat” inspeksiyasi boshligʻi boʻlmagan davrda uning vakolatlarini oʻrinbosari amalga oshiradi.

34. “Oʻztemiryoʻlnazorat” inspeksiyasi boshligʻi hududiy filiallar va idoraviy mansub tashkilot rahbarlarini belgilangan tartibda lavozimga tayinlaydi va lavozimdan ozod qiladi.

35. “Oʻztemiryoʻlnazorat” inspeksiyasi boshligʻi hududiy filiallar va idoraviy mansub tashkilotning nizomlarini, tuzilmasini va shtat jadvalini, xodimlar sonini Vazirlar Mahkamasi tomonidan tasdiqlangan xodimlar soni doirasida tasdiqlaydi.

36. “Oʻztemiryoʻlnazorat” inspeksiyasining markaziy apparati tarkibiy boʻlinmalarining hududiy filiallari va idoraviy mansub tashkiloti bilan oʻzaro hamkorligi markaziy apparat tarkibiy boʻlinmalarining rahbarlari tomonidan taʼminlanadi.

37. “Oʻztemiryoʻlnazorat” inspeksiyasi markaziy apparatining tarkibiy boʻlinmalari oʻz faoliyati yoʻnalishlari boʻyicha hududiy filiallar va idoraviy mansub tashkilot bilan oʻzaro hamkorlik qilgan holda:

topshiriqlarni hududiy filiallar va idoraviy mansub tashkilotlarga yetkazadi va ularning bajarilishini nazorat qiladi;

“Oʻztemiryoʻlnazorat” inspeksiyasining hududiy filiallari va idoraviy mansub tashkilotiga tarkibiy boʻlinmalarning bevosita faoliyati masalalari boʻyicha soʻrovlar yuboradi va ularning bajarilishini nazorat qiladi;

“Oʻztemiryoʻlnazorat” inspeksiyasi hududiy filiallari va idoraviy mansub tashkilotining faoliyatini tekshiradi, oʻrganadi va umumlashtiradi, ularni takomillashtirishga yoʻnaltirilgan chora-tadbirlarni ishlab chiqadi va qabul qiladi;

hududiy filiallar va idoraviy mansub tashkilotning faoliyatini tashkil etish va uning natijalari toʻgʻrisidagi hisobotlar va axborot materiallari, statistika hamda boshqa maʼlumotlarni oʻrganishni tashkil qiladi;

“Oʻztemiryoʻlnazorat” inspeksiyasining hududiy filiallari va idoraviy mansub tashkiloti ish rejalarini tahlil qiladi, ularning faoliyati rejalashtirilishini takomillashtirish chora-tadbirlarini koʻradi;

“Oʻztemiryoʻlnazorat” inspeksiyasi hududiy filiallari va idoraviy mansub tashkilotidan tushgan takliflarni koʻrib chiqadi;

normativ-huquqiy hujjatlari loyihalarini tayyorlashda “Oʻztemiryoʻlnazorat” inspeksiyasi hududiy filiallari va idoraviy mansub tashkilotining ishtirokini tashkil qiladi, qonun hujjatlarini takomillashtirish boʻyicha ulardan tushgan takliflarni koʻrib chiqadi.

38. “Oʻztemiryoʻlnazorat” inspeksiyasining hududiy filiallari va idoraviy mansub tashkiloti “Oʻztemiryoʻlnazorat” inspeksiyasi markaziy apparatining tarkibiy boʻlinmalari bilan oʻzaro hamkorlik qiladi, shu jumladan:

“Oʻztemiryoʻlnazorat” inspeksiyasi rahbariyati topshiriqlarining ijrosi toʻgʻrisida axborot beradi;

belgilangan faoliyat sohasida qonun hujjatlarining amalga oshirilishi boʻyicha nazorat natijalari toʻgʻrisidagi axborotlarni markaziy apparatga taqdim etadi;

ularning faoliyatini tekshirish va oʻrganish natijasida aniqlangan ishdagi kamchiliklar va qoida buzilishlarini bartaraf etish natijalari toʻgʻrisida axborot beradi;

“Oʻztemiryoʻlnazorat” inspeksiyasi markaziy apparatiga oʻz ishlari natijalari toʻgʻrisidagi hisobotlarni belgilangan tartibda va muddatlarda taqdim etadi;

“Oʻztemiryoʻlnazorat” inspeksiyasi markaziy apparatiga tegishli hududni ijtimoiy-iqtisodiy rivojlantirish muammolarini hal etishga yoʻnaltirilgan takliflarni yuboradi;

vakolatli organlar tomonidan oʻtkazilgan oʻz faoliyati tekshiruvlari natijalari toʻgʻrisida axborot beradi.

39. “Oʻztemiryoʻlnazorat” inspeksiyasi markaziy apparati tarkibiy boʻlinmalarining va uning hududiy filiallari va idoraviy mansub tashkilotining oʻzaro hamkorligi jarayonida yuzaga keladigan kelishmovchiliklar “Oʻztemiryoʻlnazorat” inspeksiyasi boshligʻining topshirigʻiga binoan uning oʻrinbosari tomonidan koʻrib chiqiladi. Kelishmovchiliklar koʻrib chiqilgandan keyin hal etilmagan taqdirda, ular boʻyicha qaror bevosita “Oʻztemiryoʻlnazorat” inspeksiyasi boshligʻi tomonidan qabul qilinadi.

40. “Oʻztemiryoʻlnazorat” inspeksiyasi oʻz vazifalari va funksiyalarini amalga oshirishda davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar bilan oʻzaro hamkorlik qiladi.

41. “Oʻztemiryoʻlnazorat” inspeksiyasining hududiy filiallari va idoraviy mansub tashkiloti oʻz vakolati doirasida davlat va xoʻjalik boshqaruvi organlari, mahalliy ijro etuvchi hokimiyat organlari va boshqa tashkilotlar hududiy organlari bilan hamkorlik qiladi.

“Oʻztemiryoʻlnazorat” inspeksiyasining hududiy filiallari va idoraviy mansub tashkiloti tegishli hududni ijtimoiy-iqtisodiy rivojlantirish boʻyicha “yoʻl xaritalari”ni ishlab chiqishda va amalga oshirishda kompleks ijtimoiy-iqtisodiy rivojlantirish boʻyicha sektorlar bilan yaqindan hamkorlik qiladi.

42. “Oʻztemiryoʻlnazorat” inspeksiyasi faoliyatining samardorligi muntazam ravishda baholab boriladi.

43. “Oʻztemiryoʻlnazorat” inspeksiyasi samaradorligi va natijadorligini baholash transport vaziri tomonidan belgilanadigan “Oʻztemiryoʻlnazorat” inspeksiyasi faoliyati samaradorligi va natijadorligining baholash mezonlari va ishchi indikatorlariga asoslanadi.

44. “Oʻztemiryoʻlnazorat” inspeksiyasi faoliyatining samaradorligi va natijadorligini baholash yakunlari boʻyicha:

“Oʻztemiryoʻlnazorat” inspeksiyasi rahbarlari va xodimlarini ragʻbatlantirish (mukofotlash) yoki intizomiy javobgarlikka tortish;

“Oʻztemiryoʻlnazorat” inspeksiyasi faoliyatidagi aniqlangan kamchiliklarni bartaraf etish va uning faoliyatini yanada takomillashtirish chora-tadbirlari koʻriladi.

45. “Oʻztemiryoʻlnazorat” inspeksiyasining samaradorligi va natijadorligini baholash tartibi va metodikasi qonun hujjatlari bilan belgilanadi.

46. “Oʻztemiryoʻlnazorat” inspeksiyasining moliyalashtirilishi va moddiy-texnik taʼminoti Oʻzbekiston Respublikasi Davlat budjeti, Transport vazirligi huzuridagi Transport va logistikani rivojlantirish jamgʻarmasi mablagʻlari va qonun hujjatlari bilan taqiqlanmagan boshqa mablagʻlar hisobidan amalga oshiriladi.

47. “Oʻztemiryoʻlnazorat” inspeksiyasi xodimlariga Transport vazirligi markaziy apparati xodimlari uchun belgilangan Yagona tarif setkasi (YTS) boʻyicha mehnatga haq toʻlash, moddiy ragʻbatlantirish shartlari tadbiq etiladi.

“Oʻztemiryoʻlnazorat” inspeksiyasi xodimlariga temir yoʻl transporti xodimlari uchun ijtimoiy qoʻllab-quvvatlash, shuningdek, xizmat safarlarida temir yoʻl transportidan muntazam imtiyozli foydalanish boʻyicha nazarda tutilgan huquq va imtiyozlar tadbiq etiladi.

48. “Oʻztemiryoʻlnazorat” inspeksiyasi xodimlari mehnatini ragʻbatlantirish, ularning ijtimoiy sharoitlarini yaxshilash maqsadida xodimlarga uy-joy, avtotransport vositalarini xarid qilish uchun kreditlarni rasmiylashtirishda boshlangʻich badalni toʻlash uchun Transport vazirligi bilan kelishilgan holda, Transport vazirligi huzuridagi Transport va logistikani rivojlantirish jamgʻarmasi mablagʻlari hisobidan foizsiz qarzlar, shuningdek, mehnat taʼtili paytida — bir yilda koʻpi bilan bir marta temir yoʻl transportidan bepul foydalanish imtiyozini berish huquqiga ega.

“Oʻztemiryoʻlnazorat” inspeksiyasi xodimlari lavozim maoshlariga mehnatni ragʻbatlantirish tusidagi oylik qoʻshimcha haq va ustamalar “Oʻztemiryoʻlnazorat” inspeksiyasi boshligʻining buyrugʻiga muvofiq toʻlanadi.

49. “Oʻzbekiston Respublikasi Davlat budjetining mehnatga haq toʻlash jamgʻarmasining va transport vazirligi huzuridagi Transport va logistikani rivojlantirish jamgʻarmasining mablagʻlari, shuningdek, qonun hujjatlari bilan taqiqlanmagan boshqa mablagʻalar “Oʻztemiryoʻlnazorat” inspeksiyasi xodimlari mehnatiga haq toʻlash va moddiy ragʻbatlantirishning manbalari hisoblanadi.

50. “Oʻztemiryoʻlnazorat” inspeksiyasi qonun hujjatlarida belgilangan tartibda qayta tashkil etiladi va tugatiladi.

1. Ushbu Nizom Oʻzbekiston Respublikasi Transport vazirligi huzuridagi Yoʻl-qurilish ishlari sifatini nazorat qilish inspeksiyasining (keyingi oʻrinlarda “Oʻzyoʻlinspeksiya” deb ataladi) maqomi, vazifalari, funksiyalari, huquqlari, javobgarligini, faoliyatini tashkil etish va hisobot berish tartibini, shuningdek, rahbarlarning funksional vazifalari va javobgarligini belgilaydi.

2. “Oʻzyoʻlinspeksiya” yuridik va jismoniy shaxslar tomonidan avtomobil yoʻllari va sunʼiy inshootlarni loyihalashtirish, qurish, rekonstruksiya qilish, taʼmirlash va saqlash (keyingi oʻrinlarda yoʻl qurilishi deb ataladi), shuningdek, yoʻl-qurilish materiallari, buyumlari va konstruksiyalarini ishlab chiqarish sohasida texnik jihatdan tartibga solishga oid shaharsozlik toʻgʻrisidagi qonun hujjatlari va normativ hujjatlar talablari bajarilishini nazorat qiluvchi maxsus vakolatli davlat organi hisoblanadi.

3. “Oʻzyoʻlinspeksiya” oʻz faoliyatida Oʻzbekiston Respublikasi Transport vazirligiga (keyingi oʻrinlarda Transport vazirligi deb ataladi) boʻysunadi va hisobot beradi.

4. “Oʻzyoʻlinspeksiya” oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining (keyingi oʻrinlarda Vazirlar Mahkamasi deb ataladi) qarorlari va farmoyishlariga, Transport vazirligi qarorlariga, shuningdek, ushbu Nizom va boshqa qonun hujjatlariga amal qiladi.

5. “Oʻzyoʻlinspeksiya”ning oʻz vakolatlari doirasida qabul qilgan qarorlari, mahalliy davlat va xoʻjalik boshqaruvi organlari, mahalliy ijro etuvchi hokimiyat organlari, xamda jismoniy va yuridik shaxslar tomonidan bajarilishi majburiy hisoblanadi.

6. “Oʻzyoʻlinspeksiya” va uning tuzilmasiga kiradigan tashkilot yuridik shaxslar hisoblanadi, Oʻzbekiston Respublikasining Davlat gerbi tasviri tushirilgan va oʻz nomi davlat tilida yozilgan muhrga, mustaqil balansga, Oʻzbekiston Respublikasi Moliya vazirligi Gʻaznachiligida shaxsiy gʻazna hisobvaraqlariga, bank hisobraqamlariga, shu jumladan chet el valyutasidagi hisobraqamlariga ega.

“Oʻzyoʻlinspeksiya”ning hududiy boʻlinmalari va yoʻl-qurilish ishlarining sinov laboratoriyasi yuridik shaxs hisoblanmaydi.

7. “Oʻzyoʻlinspeksiya”ning rasmiy nomi:

a) davlat tilida:

toʻliq — Oʻzbekiston Respublikasi Transport vazirligi huzuridagi Yoʻl-qurilish ishlari sifatini nazorat qilish inspeksiyasi;

qisqartirilgani — “Oʻzyoʻlinspeksiya”;

b) ingliz tilida:

toʻliq — The Inspection for quality control of road building works under the Ministry of transport of the Republic of Uzbekistan;

qisqartirilgani — Uzroadinspection;

v) rus tilida:

toʻliq — Inspeksiya po kontrolyu za kachestvom dorojno-stroitelnix rabot pri Ministerstve transporta Respubliki Uzbekistan;

qisqartirilgani — Uzdorinspeksiya.

8. “Oʻzyoʻlinspeksiya” joylashgan joy (pochta manzili): 100000, Toshkent shahri, Mirzo Ulugʻbek tumani, Mustaqillik shox koʻchasi, 68 uy.

9. “Oʻzyoʻlinspeksiya” tizimiga quyidagilar kiradi:

markaziy apparat;

Qoraqalpogʻiston Respublikasi, viloyatlar va Toshkent shahridagi hududiy boʻlinmalar (davlat inspektorlari);

yoʻl-qurilish ishlarining sinov laboratoriyasi;

“Yoʻl loyiha ekspertiza” unitar korxonasi (keyingi oʻrinlarda idoraviy mansub tashkilot deb ataladi).

10. Quyidagilar “Oʻzyoʻlinspeksiya”ning asosiy vazifalari hisoblanadi:

yuridik va jismoniy shaxslar tomonidan avtomobil yoʻllari va sunʼiy inshootlarni loyihalashtirish, qurish, rekonstruksiya qilish, taʼmirlash va saqlash, shuningdek, yoʻl-qurilish materiallari, buyumlari va konstruksiyalarini ishlab chiqarish sohasida texnik jihatdan tartibga solishga oid shaharsozlik toʻgʻrisidagi qonun hujjatlari va normativ hujjatlar talablariga rioya etilishini nazorat qilish;

qurilishi tugallangan yoʻl obyektlarini foydalanishga qabul qilish komissiyalarining ishida ishtirok etish;

yoʻl qurilishi boʻyicha shaharsozlik toʻgʻrisidagi qonun hujjatlariga rioya etilishining nazoratini tashkil qilish sohasida texnik jihatdan tartibga solishga oid normativ hujjatlarni takomillashtirishga doir takliflar kiritish va unda ishtirok etish;

yoʻl-qurilish materiallari, buyumlari va konstruksiyalarni qonun hujjatlariga muvofiq standartlashtirish va sertifikatlashtirish ishlarini amalga oshirish;

avtomobil yoʻllaridan foydalanuvchilarning murojaatlariga asosan yoʻl obyektlarining sifat koʻrsatkichlarini belgilash.

“Oʻzyoʻlinspeksiya” qonun hujjatlariga muvofiq boshqa vakolatlarni ham amalga oshirishi mumkin.

11. “Oʻzyoʻlinspeksiya” oʻziga yuklangan vazifalarga muvofiq quyidagi funksiyalarni amalga oshiradi:

a) yuridik va jismoniy shaxslar tomonidan yoʻl qurilishi, yoʻl-qurilish materiallari, buyumlari va konstruksiyalarni ishlab chiqarish sohasida texnik jihatdan tartibga solishga oid normativ hujjatlar talablariga rioya etilishini nazorat qilish sohasida:

avtomobil yoʻllarini qurish, rekonstruksiya qilish va kapital taʼmirlash uchun loyiha hujjatlarida qabul qilingan texnik yechimlar, shuningdek, ularning ishlab chiqilishi sifatini nazorat qiladi;

yoʻl qurilishi jarayonida loyiha-smeta hujjatlariga kiritiladigan oʻzgarishlarning yoʻl qurilishi sohasida texnik jihatdan tartibga solishga oid normativ hujjatlar talablariga muvofiqligining nazoratini taʼminlaydi;

bajariladigan qurilish-montaj ishlarining sifati, ularning yoʻl qurilishi sohasida texnik jihatdan tartibga solishga oid normativ hujjatlar talablariga va loyiha-smeta hujjatlariga muvofiqligining nazoratini taʼminlaydi;

yoʻl qurilishi obyektida qoʻllaniladigan yoʻl-qurilish materiallari, buyumlari va konstruksiyalarini nazorat tartibida sinab koʻradi, oʻlchaydi;

texnik va mualliflik nazorati, shuningdek, sinov yoʻl-qurilish laboratoriyalarining doimiy monitoringini olib boradi;

shaharsozlik toʻgʻrisidagi qonun hujjatlari va yoʻl qurilishi, yoʻl-qurilish materiallari, buyumlari va konstruksiyalarini ishlab chiqarish sohasida texnik jihatdan tartibga solishga oid normativ hujjatlar talablari buzilganda maʼmuriy taʼsir koʻrsatish choralarini qoʻllaydi;

sifatsiz bajarilgan ishlar aniqlangan holatlarda, bajarilgan qurilish-montaj ishlarining hajmlarini bekor qilish uchun dalolatnoma tuzadi;

yoʻl sohasida faoliyat yuritish uchun berilgan litsenziyani toʻxtatib qoʻyish yoki amal qilishini bekor qilish toʻgʻrisida vakolatli davlat organiga taklif kiritadi;

zarurat boʻlganda, tegishli ruxsatnomasiz ishlarni bajarganlik va sifatini buzganlik uchun maʼmuriy javobgarlikni qoʻllagan holda, muhandislik kommunikatsiyasi tarmoqlarini qurish va taʼmirlashda shahar koʻchalari va boshqa aholi punktlarida yoʻl toʻshamasini buzish hamda qayta tiklash ishlarini nazorat qiladi;

avtomobil yoʻllaridagi sunʼiy inshootlarning holatini nazorat qiladi;

mavjud avtomobil yoʻllarining diagnostikasini oʻtkazadi va avtomobil yoʻllarining transport-foydalanish koʻrsatkichlarini baholaydi;

loyiha-smeta hujjatlarining sifatli ishlab chiqilganligini ekspertizadan oʻtkazadi;

avtomobil yoʻllarini koʻrikdan oʻtkazadi, ogʻir va yirik oʻlchamli yuklarni tashish uchun yoʻnalishlarni belgilaydi va maxsus ruxsatnomalar beradi;

b) qurilishi tugallangan yoʻl obyektlarini foydalanishga qabul qilish komissiyalarining ishida ishtirok etish sohasida:

bajarilgan qurilish-montaj ishlarining tasdiqlangan loyiha-smeta hujjatlariga binoan toʻliqligi va sifatni, shuningdek, ish hajmlari qaydnomalariga mos kelishini oʻrganadi;

ijro hujjatlarining amaldagi normativ hujjatlarga mos kelishini oʻrganadi;

zarur hollarda, qoʻshimcha laboratoriya sinovlarini oʻtkazadi;

v) yoʻl qurilishi boʻyicha shaharsozlik toʻgʻrisidagi qonun hujjatlariga rioya etilishining nazoratini tashkil qilish sohasida texnik jihatdan tartibga solishga oid normativ hujjatlarni takomillashtirishga doir takliflar kiritish sohasida:

qayta ishlanishi va ishlab chiqilishi lozim boʻlgan normativ-texnik hujjatlarning har yili tasdiqlanadigan roʻyxatini kelishadi;

yoʻl qurilishi sohasidagi normativ-huquqiy hujjatlarning loyihalarini ishlab chiqadi va ishlab chiqilishida ishtirok etadi;

yoʻl qurilishi sohasida ishlab chiqilgan normativ-huquqiy hujjatlarning loyihalarini koʻrib chiqadi va kelishadi;

yoʻl qurilishi boʻyicha shaharsozlik toʻgʻrisidagi qonun hujjatlariga rioya etilishining nazoratini tashkil qilish sohasida texnik jihatdan tartibga solishni takomillashtirish boʻyicha takliflar kiritadi;

g) yoʻl-qurilish materiallari, buyumlari va konstruksiyalarni standartlashtirish va sertifikatlashtirish ishlarini amalga oshirish sohasida:

monitoring natijalarini tahlil qiladi, xalqaro tajribani oʻrganadi, yoʻl qurilishi sifati, shuningdek, yoʻl-qurilish materiallari, buyumlari va konstruksiyalaridan oqilona foydalanish masalalarini tartibga soluvchi metodik hujjatlarning normativ talablarini takomillashtirish boʻyicha takliflar ishlab chiqadi;

“Oʻzstandart” agentligi va Transport vazirligi huzuridagi Avtomobil yoʻllari qoʻmitasi bilan birgalikda Oʻzbekiston Respublikasining hamda sifat boʻyicha tan olingan xalqaro sertifikatlashtirish tashkilotlarining talablariga muvofiq yoʻl-qurilish materiallari, buyumlari va konstruksiyalarini standartlashtirish va sertifikatlashtirish ishlarini amalga oshiradi;

muvofiqlikni baholash organlari faoliyatida aniqlangan nomuvofiqliklar boʻyicha “Oʻzstandart” agentligiga takliflar kiritadi;

yoʻl-qurilish materiallari, buyumlari va konstruksiyalarini ishlab chiqarish sohasida texnik jihatdan tartibga solishga oid normativ hujjatlarning talablariga rioya etilishini nazorat qiladi;

yoʻl-qurilish materiallari, buyumlari va konstruksiyalari sifatini taʼminlash, yoʻl qurilishi sohasida texnik tartibga solish boʻyicha shaharsozlik toʻgʻrisidagi qonun hujjatlari va normativ hujjatlar talablariga rioya etish masalalari boʻyicha boshqa vakolatli davlat organlari, ilmiy-tadqiqot, sinash, loyiha va nodavlat notijorat tashkilotlari bilan oʻzaro hamkorlik qiladi;

d) avtomobil yoʻllaridan foydalanuvchilarning murojaatlariga asosan yoʻl obyektlarining sifat koʻrsatkichlarini belgilash sohasida:

manfaatdor tomonlarning vakillari ishtirokida jismoniy va yuridik shaxslarning murojaatlarini koʻrib chiqadi, kamchiliklar aniqlanganda ularni bartaraf etish boʻyicha koʻrsatmalar beradi;

murojaatlarga binoan yoʻl obyektlarining sifat koʻrsatkichlarini belgilaydi, zarur boʻlganda, obyektlarni manzilli dasturlarga kiritish boʻyicha tegishli vakolatli organga takliflar kiritadi;

e) faoliyatning boshqa masalalari boʻyicha:

yoʻllar va sunʼiy inshootlar, ularning qismlari va konstruktiv elementlarining avariya holati sabablarini tekshirish boʻyicha texnik komissiyalar ishida qatnashadi;

yoʻl qurilishi sohasida davlat-xususiy sheriklikni rivojlantirishda ishtirok etadi;

shartnoma asosida yoʻl qurilishi sohasidagi loyiha hujjatlarini davlat ekspertizasidan oʻtkazadi;

shartnoma asosida laboratoriya sinovlarini oʻtkazadi;

shartnoma asosida mavjud yoʻllar va sunʼiy inshootlarning texnik holatini tekshiradi, diagnostika qiladi;

shartnoma asosida yoʻl-qurilish materiallari, buyumlari va konstruksiyalarini sertifikatlashtirish ishlarini bajaradi;

qonun hujjatlari bilan taqiqlanmagan boshqa texnik xizmatlarni koʻrsatadi.

12. Quyidagilar “Oʻzyoʻlinspeksiya” markaziy apparatining asosiy vazifalari hisoblanadi:

hududiy boʻlinmalar, sinov laboratoriyasi va tarkibidagi tashkilot bilan birgalikda “Oʻzyoʻlinspeksiya”ga yuklangan vazifa va funksiyalarning samarali bajarilishini taʼminlash;

yoʻl qurilishi sohasida shaharsozlik toʻgʻrisidagi qonun hujjatlariga rioya etilishining nazoratini tashkil qilish sohasida texnik jihatdan tartibga solishga oid normativ hujjatlarni takomillashtirishda qatnashish va takliflar kiritish;

qonun hujjatlariga binoan yoʻl-qurilish materiallari, buyumlari va konstruksiyalarini standartlashtirish va sertifikatlashtirish ishlarini bajarish;

avtomobil yoʻllaridan foydalanuvchilarning murojaatlariga asosan yoʻl obyektlarining sifat koʻrsatkichlarini belgilash.

13. “Oʻzyoʻlinspeksiya”ning markaziy apparati oʻziga yuklangan asosiy vazifalarga muvofiq quyidagi funksiyalarni amalga oshiradi:

“Oʻzyoʻlinspeksiya” va uning rahbariyati faoliyatini tashkiliy va axborot- tahlil jihatidan taʼminlaydi;

“Oʻzyoʻlinspeksiya”ning tarkibiy va hududiy boʻlinmalari hamda idoraviy mansub tashkiloti tomonidan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Hukumat qarorlari, Transport vazirligining buyruq va qarorlari bajarilishining doimiy nazoratini taʼminlaydi;

“Oʻzyoʻlinspeksiya”ning hududiy boʻlinmalari va idoraviy mansub tashkiloti faoliyatiga rahbarlik qiladi, uni muvofiqlashtiradi va nazorat qiladi;

“Oʻzyoʻlinspeksiya” faoliyatini, jumladan norma ijodkorligi sohasida huquqiy taʼminlaydi;

“Oʻzyoʻlinspeksiya” vakolatiga kiradigan tezkor, tashkiliy, kadrlar, moliyaviy, ishlab chiqarish-xoʻjalik va boshqa masalalarni hal etadi;

qayta ishlanishi va ishlab chiqilishi lozim boʻlgan normativ-texnik hujjatlarning har yili tasdiqlanadigan roʻyxatini kelishadi;

yoʻl qurilishi sohasidagi normativ-huquqiy hujjatlarning loyihalarini ishlab chiqadi va ishlab chiqilishida ishtirok etadi;

yoʻl qurilishi sohasida ishlab chiqilgan normativ-huquqiy hujjatlarning loyihalarini koʻrib chiqadi va kelishadi;

yoʻl qurilishi boʻyicha shaharsozlik toʻgʻrisidagi qonun hujjatlariga rioya etilishining nazoratini tashkil qilish sohasida texnik jihatdan tartibga solishni takomillashtirishga doir takliflar kiritadi;

monitoring natijalarini tahlil qiladi, xalqaro tajribani oʻrganadi, yoʻl qurilishi sifati, shuningdek, yoʻl-qurilish materiallari, buyumlari va konstruksiyalaridan oqilona foydalanish masalalarini tartibga soluvchi metodik hujjatlarning normativ talablarini takomillashtirish boʻyicha takliflar ishlab chiqadi;

“Oʻzstandart” agentligi va Transport vazirligi huzuridagi Avtomobil yoʻllari qoʻmitasi bilan birgalikda Oʻzbekiston Respublikasi va sifat boʻyicha tan olingan xalqaro sertifikatlashtirish tashkilotlarining talablariga muvofiq yoʻl-qurilish materiallari, buyumlari va konstruksiyalarini standartlashtirish va sertifikatlashtirish ishlarini amalga oshiradi;

muvofiqlikni baholash organlari faoliyatida aniqlangan nomuvofiqliklar boʻyicha “Oʻzstandart” agentligiga takliflar kiritadi;

yoʻl-qurilish materiallari, buyumlari va konstruksiyalarini ishlab chiqarish sohasida texnik jihatdan tartibga solishga oid normativ hujjatlarning talablariga rioya etilishini nazorat qiladi;

yoʻl-qurilish materiallari, buyumlari va konstruksiyalari sifatini taʼminlash, yoʻl qurilishi sohasida texnik tartibga solish boʻyicha shaharsozlik toʻgʻrisidagi qonun hujjatlari va normativ hujjatlar talablariga rioya etish masalalari boʻyicha boshqa vakolatli davlat organlari, ilmiy-tadqiqot, sinash, loyiha va nodavlat notijorat tashkilotlari bilan oʻzaro hamkorlik qiladi;

manfaatdor tomonlarning vakillari ishtirokida jismoniy va yuridik shaxslarning murojaatlarini koʻrib chiqadi;

murojaatlarga binoan yoʻl obyektlarining sifat koʻrsatkichlarini belgilaydi, zarur boʻlganda, obyektlarni manzilli dasturlarga kiritish boʻyicha tegishli vakolatli organga takliflar kiritadi.

14. Quyidagilar “Oʻzyoʻlinspeksiya” hududiy boʻlinmalarining asosiy vazifalari hisoblanadi:

hududiy boʻlinmalarga yuklangan vazifalar va funksiyalarni samarali bajarish;

kompleks ijtimoiy-iqtisodiy rivojlantirish boʻyicha hududiy sektorlar bilan hamkorlik qilish;

yuridik va jismoniy shaxslar tomonidan avtomobil yoʻllari va sunʼiy inshootlarni loyihalashtirish, qurish, rekonstruksiya qilish, taʼmirlash va saqlash, shuningdek, yoʻl-qurilish materiallari, buyumlari va konstruksiyalarini ishlab chiqarish sohasida texnik jihatdan tartibga solishga oid shaharsozlik toʻgʻrisidagi qonun hujjatlari va normativ hujjatlar talablariga rioya etilishini nazorat qilish;

qurilishi tugallangan yoʻl obyektlarini foydalanishga qabul qilish komissiyalarining ishida ishtirok etish;

avtomobil yoʻllaridan foydalanuvchilarning murojaatlariga asosan yoʻl obyektlarining sifat koʻrsatkichlarini belgilash.

15. “Oʻzyoʻlinspeksiya” hududiy boʻlinmalari oʻziga yuklangan asosiy vazifalarga muvofiq quyidagi funksiyalarni amalga oshiradi:

avtomobil yoʻllarini qurish, qayta qurish va kapital taʼmirlash uchun loyiha hujjatlarida qabul qilingan texnik yechimlarni nazorat qiladi;

yoʻl qurilishi jarayonida loyiha-smeta hujjatlariga kiritiladigan oʻzgarishlarning yoʻl qurilishi sohasida texnik jihatdan tartibga solishga oid normativ hujjatlar talablariga muvofiqligining nazoratini taʼminlaydi;

bajariladigan qurilish-montaj ishlarining sifati, ularning yoʻl qurilishi sohasida texnik jihatdan tartibga solishga oid normativ hujjatlar talablariga va loyiha-smeta hujjatlariga muvofiqligining nazoratini taʼminlaydi;

texnik va mualliflik nazorati xizmatlari faoliyatini nazorat qiladi;

shaharsozlik toʻgʻrisidagi qonun hujjatlari va yoʻl qurilishi, yoʻl-qurilish materiallari, buyumlari va konstruksiyalarini ishlab chiqarish sohasida texnik jihatdan tartibga solishga oid normativ hujjatlar talablari buzilganda maʼmuriy taʼsir koʻrsatish choralarini qoʻllaydi;

sifatsiz bajarilgan ishlar aniqlangan holatlarda, bajarilgan qurilish-montaj ishlarining hajmlarini bekor qilish uchun dalolatnoma tuzadi;

bajarilgan qurilish-montaj ishlarining tasdiqlangan loyiha-smeta hujjatlariga binoan toʻliqligi va sifatni, shuningdek, ish hajmlari qaydnomalariga mos kelishini oʻrganadi;

ijro hujjatlarining amaldagi normativ hujjatlarga mos kelishini oʻrganadi;

zarur hollarda, qoʻshimcha laboratoriya sinovlarini oʻtkazish takliflarini kiritadi;

manfaatdor tomonlarning vakillari ishtirokida jismoniy va yuridik shaxslarning murojaatlarini koʻrib chiqadi, kamchiliklar aniqlanganda ularni bartaraf etish boʻyicha koʻrsatmalar beradi;

zarurat boʻlganda, tegishli ruxsatnomasiz ishlarni bajarganlik va sifatini buzganlik uchun maʼmuriy javobgarlikni qoʻllagan holda, muhandislik kommunikatsiyasi tarmoqlarini qurish va taʼmirlashda shahar koʻchalari va boshqa aholi punktlarida yoʻl toʻshamasini buzish hamda qayta tiklash ishlarini nazorat qiladi;

avtomobil yoʻllaridagi sunʼiy inshootlarning holatini nazorat qiladi.

16. Quyidagilar yoʻl-qurilish ishlari sinov laboratoriyasining asosiy vazifalari va funksiyalari hisoblanadi:

“Oʻzyoʻlinspeksiya” hududiy boʻlinmalarining buyurtmanomalariga, shuningdek, tashkilotlar va korxonalarning buyurtmanomalariga muvofiq qurilish obyektlaridagi yoʻl-qurilish materiallari, buyumlari va konstruksiyalarini, shuningdek, yoʻl-qurilish ishlarini talab qilinadigan aniqlik bilan akkreditatsiyalash sohasiga binoan sinovdan oʻtkazish;

hududiy boʻlinmalarga akkreditatsiyalash sohasida koʻrsatilgan sinovlarni bajarishda ishonchli va xolis maʼlumotlarni taqdim qilish;

laboratoriya sinovlarini oʻtkazish uchun zarur boʻladigan moddiy-texnika bazasini rivojlantirish va kadrlar malakasini oshirishga yoʻnaltirilgan texnik va kadrlar siyosatini yuritish;

yoʻl qurilish obyektlariga jalb qilinadigan yoʻl-qurilish sinov laboratoriyalari faoliyatining monitoringini olib borish.