LexUZ sharhi
Mazkur qaror O‘zbekiston Respublikasi Vazirlar Mahkamasining 2019-yil 3-iyundagi 457-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “Axborot sohasi va ommaviy kommunikatsiyalarni yanada rivojlantirishga oid qo‘shimcha chora-tadbirlar to‘g‘risida” 2019-yil 2-fevraldagi PF-5653-son Farmoni va O‘zbekiston Respublikasi Prezidentining “O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi faoliyatini tashkil etish to‘g‘risida” 2019-yil 2-fevraldagi PQ-4151-son qarori)”gi qaroriga asosan o‘z kuchini yo‘qotgan.
O‘zbekiston Respublikasining “Ommaviy axborot vositalari to‘g‘risida”gi Qonuni qabul qilingandan buyon sobiq SSSRning hududida geosiyosiy va iqtisodiy makonda jiddiy o‘zgarishlar ro‘y berdi.
Birlashgan millatlar tashkiloti va Xavfsizlik hamda hamkorlik bo‘yicha Umumyevropa Kengashi a’zosi bo‘lgan O‘zbekiston Respublikasi hozirgi vaqtda ommaviy axborot vositalarining asosiy e’tibori respublikaning mustaqilligini shakllantirishga qaratilishidan manfaatdor.
Shu bilan birga so‘nggi paytlarda respublikada ijtimoiy-iqtisodiy ahvolning barqarorlashishidan manfaatdor bo‘lmagan alohida shaxslar va tashkilotlar mablag‘lari hisobiga chiqarilayotgan nashrlar MDH davlatlari va boshqa xorijiy mamlakatlar bilan do‘stlik aloqalari o‘rnatilishiga yordam bermaydi.
O‘zbekiston Respublikasi Davlat matbuot qo‘mitasiga O‘zbekiston Respublikasi ommaviy axborot vositalarini mablag‘ bilan ta’minlash manbalarini nazorat qilish huquqi berilsin.