T/r

Tadbirlarning nomlanishi

Amalga oshirish mexanizmi

Ijro muddati

Masʼul ijrochilar

I. Qishloq xoʻjaligi, oziq-ovqat xavfsizligi va suv isteʼmoli sohasida nazorat tizimini huquqiy tartibga solishni takomillashtirish

1.

Amaldagi qonun hujjatlarini inventarizatsiyadan oʻtkazish, qishloq xoʻjaligi, oziq-ovqat xavfsizligi va suv isteʼmoli sohasidagi qonun hujjatlarini, shu jumladan xalqaro standartlarni implementatsiya qilish orqali takomillashtirish boʻyicha aniq takliflarni ishlab chiqish.

Normativ-huquqiy hujjat

2018-yil 1-avgustgacha

Bosh prokuratura,
Qishloq xoʻjaligi vazirligi, Suv xoʻjaligi vazirligi,

manfaatdor vazirlik va idoralar

2.

Qishloq xoʻjaligi, oziq-ovqat xavfsizligi va suv isteʼmoli sohasidagi qonun hujjatlarini buzganlik uchun maʼmuriy va jinoiy javobgarlikni yanada kuchaytirish boʻyicha qonun loyihasini ishlab chiqish, shuningdek davlat nazorati organlarining ushbu sohadagi vakolatlarini qayta koʻrib chiqish.

Oʻzbekiston Respublikasi Qonuni

2019-yil 1-yanvargacha

Bosh prokuratura,
Qishloq xoʻjaligi vazirligi, Suv xoʻjaligi vazirligi,

Oʻzbekiston fermer, dehqon xoʻjaliklari va tomorqa yer egalari kengashi

3.

Qishloq xoʻjaligi texnikasi, meliorativ texnika va agrotexnika tadbirlarining holati ustidan nazorat oʻrnatish va ularnin� hisobini yuritish tartibini ishlab chiqish.

Normativ-huquqiy hujjat

2018-yil 1-dekabrgacha

Inspeksiya

4.

Respublika ichida tashishda hamda eksport va import qilishda don, paxta xomashyosi, paxta urugʻi va ulardan qayta ishlangan mahsulotlar sifatini davlat tomonidan majburiy tekshirish tartibini ishlab chiqish.

Normativ-huquqiy hujjat

2018-yil 1-noyabrgacha

Inspeksiya,
“Oʻzdonmahsulot” AK,
“Oʻzpaxtasanoat” AJ, Qishloq xoʻjaligi vazirligi

II. Qishloq xoʻjaligi texnikasi va agrotexnik tadbirlarning holati ustidan nazorat tizimini takomillashtirish

5.

Texnikaviy normativ-huquqiy hujjatlarning talablariga javob beradigan va qishloq xoʻjaligida qoʻllashga tavsiya qilingan texnikalar reyestriga kiritish uchun qishloq xoʻjaligi texnikasini tezkor sinovdan oʻtkazish tartibini ishlab chiqish.

Normativ-huquqiy hujjat

2018-yil 1-dekabrgacha

Qishloq xoʻjaligi vazirligi, Inspeksiya, manfaatdor vazirlik va idoralar

6.

Agrotexnika tadbirlarini bajarish davrida texnikaning mavjudligi va tayyorligini joriy vaqt rejimida kuzatib borish va boshqa zarur funksiyalarni bajarish imkonini beradigan zamonaviy avtomatlashtirilgan tizimli va dasturiy taʼminotli server uskunalarini sotib olish.

Tashkiliy tadbirlar

2019-yil 1-yanvargacha

Inspeksiya,
Moliya vazirligi, manfaatdor vazirlik va idoralar

7.

Axborot xavfsizligi taʼminlanishini hisobga olgan holda idoralararo yagona elektron axborot almashinuvining tegishli veb-servisini ishlab chiqish va joriy etish.

Tashkiliy tadbirlar

2019-yil 1-yanvargacha

Inspeksiya,

Axborot texnologiyalari

va kommunikatsiyalarini rivojlantirish vazirligi, manfaatdor vazirlik va idoralar

8.

Qishloq xoʻjaligi texnikasi va meliorativ texnikaning sifat va texnikaviy koʻrsatkichlarini, uni taʼmirlash va unga servis xizmatlarini koʻrsatish sifatini tekshirish uchun koʻp funksiyali asbob-uskuna va anjomlar bilan jihozlash.

Tashkiliy tadbirlar

2019-yil 1-yanvargacha

Moliya vazirligi,

Inspeksiya

III. Don, paxta xomashyosi, paxta urugʻi va ulardan qayta ishlangan mahsulotlardan foydalanish ustidan nazoratni taʼminlash

9.

Don, paxta xomashyosi, paxta urugʻi va ulardan qayta ishlangan mahsulotlar tabiiy kamayishi normalarining toʻgʻri qoʻllanishi va balans parametrlari ijrosini nazorat qilish tartibini ishlab chiqish va tasdiqlash.

Normativ-huquqiy hujjat

2018-yil 1-oktabrgacha

Inspeksiya,
“Oʻzdonmahsulot” AK,
“Oʻzpaxtasanoat” AJ,
manfaatdor vazirlik va idoralar

10.

Don, paxta xomashyosi, paxta urugʻi va ulardan qayta ishlangan mahsulotlarni ishlab chiqarish, saqlash va qayta ishlash texnologik jarayonlarini yuritish tartibini takomillashtirish boʻyicha takliflar ishlab chiqish.

Normativ-huquqiy hujjat

2019-yil 1-martgacha

Inspeksiya,
“Oʻzdonmahsulot” AK,
“Oʻzpaxtasanoat” AJ

11.

Mamlakatda oziq-ovqat xavfsizligini taʼminlash va ushbu tizimni takomillashtirish boʻyicha takliflar tayyorlash maqsadida import qilinadigan qishloq xoʻjaligi ekinlari urugʻlarining sifatini tekshirish tizimini tubdan qayta koʻrib chiqish.

Tashkiliy tadbirlar

2019-yil 1-noyabrgacha

Inspeksiya,

Davlat bojxona qoʻmitasi, Oʻzbekiston fermer, dehqon xoʻjaliklari va tomorqa yer egalari kengashi

IV. Suv resurslaridan va qishloq xoʻjaligi uchun moʻljallangan yerlardan foydalanilish�ni nazorat qilish

12.

Qishloq xoʻjaligida suvdan foydalanish va suv isteʼmoli ustidan tekshiruvlar oʻtkazish tartibini ishlab chiqish va tasdiqlash. Bunda suvdan foydalanuvchilar va suv isteʼmolchilarining masʼuliyatini oshirish mexanizmlarini nazarda tutish.

Normativ-huquqiy hujjat

2018-yil 1-oktabrgacha

Inspeksiya,

Suv xoʻjaligi vazirligi, Oʻzbekiston fermer, dehqon xoʻjaliklari va tomorqa yer egalari kengashi

13.

Suvdan foydalanish va suv isteʼmoli boʻyicha shartnomalar reyestri hisobini yuritish, shuningdek suvning toʻliq hisobini taʼminlash, suv isteʼmolchilari uyushmalari va fermer xoʻjaliklari tomonidan suvdan foydalanish va suvni isteʼmol qilish jurnallari yuritilishi uchun dasturiy taʼminot yaratish boʻyicha kompleks chora-tadbirlar koʻrish.

Tashkiliy tadbirlar

2018-yil 1-iyungacha

Suv xoʻjaligi vazirligi, Axborot texnologiyalari

va kommunikatsiyalarini rivojlantirish vazirligi, Inspeksiya, Oʻzbekiston fermer, dehqon xoʻjaliklari va tomorqa yer egalari kengashi

14.

Suvni tejash texnologiyalari va uskunalari, jumladan tomchilatib sugʻorish tizimlari joriy etilishi ustidan doimiy nazorat oʻrnatish mexanizmini ishlab chiqish.

Normativ-huquqiy hujjat

2019-yil 1-yanvargacha

Inspeksiya,

Suv xoʻjaligi vazirligi, “Oʻzstandart” agentligi

15.

Yerlarni sugʻorish va melioratsiya qilishning amaldagi tartibi va normalarini tanqidiy oʻrganish hamda qishloq xoʻjaligi ekinlarining turlari boʻyicha sugʻorish va yerlarni melioratsiya qilish normalarini aniqlashning yangi usulini j�riy etish.

Idoraviy hujjat

2019-yil 1-iyulgacha

Suv xoʻjaligi vazirligi, Qishloq xoʻjaligi vazirligi, Inspeksiya

16.

Qishloq xoʻjaligi sohasida suv isteʼmolchilari va suvdan foydalanuvchilarni inventarizatsiyadan oʻtkazish va pasportlashtirish.

Tashkiliy tadbirlar

2018-yil 1-dekabrgacha

Suv xoʻjaligi vazirligi, Inspeksiya

V. Inspeksiya va uning boʻlinmalarining moddiy-texnika bazasini rivojlantirish, ularni zamonaviy texnika va mexanizmlar bilan taʼminlash, xodimlarini ragʻbatlantirish, kadrlar tayyorlash tizimini takomillashtirish

17.

Zimmasiga yuklatilgan majburiyatlarni lozim darajada bajargan Inspeksiya xodimlarini moddiy ragʻbatlantirish tartibini ishlab chiqish va tasdiqlash.

Idoraviy hujjat

2018-yil 1-iyungacha

Bosh prokuratura,

Moliya vazirligi,

Inspeksiya

18.

“Agrosanoat majmuida xizmat koʻrsatish markazi” davlat unitar korxonasi ustavini ishlab chiqish va davlat roʻyxatidan oʻtkazilishini taʼminlash, boshqaruv apparatining tuzilmasini tasdiqlash.

Tashkiliy tadbirlar

2018-yil 1-iyungacha

Inspeksiya

19.

“Respublika don mahsulotlarini himoya qilish ekspeditsiyasi” davlat unitar korxonasining kelgusidagi faoliyati maqsadga muvofiqligi toʻgʻrisidagi masalani koʻrib chiqish.

Tahliliy hujjat

2018-yil 1-avgustgacha

Inspeksiya, “Oʻzdonmahsulot” AK

20.

Inspeksiya xodimlarini, birinchi navbatda, tumanlar (Quvasoy shahar) boʻlinmalari inspektorlarini tayyorlash, qayta tayyorlash va ularning malakasini oshirish boʻyicha tizimli kurslarni tashkil qilish.

Oʻquv dasturlari

2018-yilning sentyabridan boshlab

Bosh prokuratura OOʻK, Inspeksiya, Qishloq xoʻjaligi vazirligi,

Suv xoʻjaligi vazirligi, Oliy va oʻrta maxsus taʼlim vazirligi

21.

Inspeksiyaning moddiy-texnika bazasini yaxshilash, zamonaviy texnika va uskunalar bilan taʼminlash, shu jumladan laboratoriya uskunalarini, suv isteʼmolini hisobga olish asboblarini, videoregistratorli parvoz qiluvchi dronlarni va hokazolarni sotib olish boʻyicha kompleks chora-tadbirlarni ishlab chiqish.

Kompleks chora-tadbirlar

2018-yil 1-sentabrgacha

Inspeksiya,

Moliya vazirligi,

Iqtisodiyot vazirligi

VI. Agrosanoat majmuida standartlashtirish va sertifikatlashtirish tizimini takomillashtirish

22.

Don, paxta xomashyosi, paxta urugʻi va ulardan qayta ishlangan mahsulotlarning sifat koʻrsatkichlariga (navi, toifasi, turi va hokazolarga) qoʻyilgan amaldagi talablarni, sifatini aniqlash tartibi va uslublarini oʻrganish, ularni yanada maqbullashtirish va takomillashtirish boʻyicha takliflarni tayyorlash.

Idoraviy hujjat

2019-yil 1-yanvargacha

Inspeksiya,
“Oʻzstandart” agentligi,
“Oʻzpaxtasanoat” AJ,

“Oʻztoʻqimachiliksanoat” uyushmasi,

“Oʻzdonmahsulot” AK

23.

Paxta mahsulotlarining mavjud axborot-kommunikatsiya texnologiyalarini va maʼlumotlar bazalarini takomillashtirish hamda modernizatsiya qilish.

Tashkiliy tadbirlar

2019-yil 1-martgacha

“Oʻzpaxtasanoat” AJ, Inspeksiya,

Moliya vazirligi,

Axborot texnologiyalari va kommunikatsiyalarini rivojlantirish vazirligi

24.

Qishloq xoʻjaligi ekinlarining urugʻlarida genmodifikatsiyalangan organizmlar (GMO) mavjudligini aniqlash uchun uskuna sotib olish.

Tashkiliy tadbirlar

2019-yil 1-martgacha

Moliya vazirligi,

Inspeksiya,

Sogʻliqni saqlash vazirligi

25.

Import qilinadigan qishloq xoʻjaligi ekinlari urugʻlarining nav va ekin sifatlarini aniqlash boʻyicha standartlarni ishlab chiqish va tasdiqlash.

Normativ-huquqiy hujjat

2019-yil 1-aprelgacha

“Oʻzstandart” agentligi, Inspeksiya, manfaatdor vazirlik va idoralar

Boʻlinmalarning nomlanishi

Mansab maoshiga ustamalarning miqdori (foizlarda)

Markaziy apparat

50

Toshkent shahri, Qoraqalpogʻiston Respublikasi va viloyatlarning boshqarmalari

50

Tuman (shahar) boʻlimlari

50