O‘zbekiston Respublikasi Prezidentining “2017 — 2019-yillar davrida dehqon bozorlarini rekonstruksiya qilish va ularning hududida zamonaviy savdo majmualari qurish dasturini tasdiqlash to‘g‘risida” 2017-yil 27-martdagi PQ-2853-son qarorining 20-bandiga muvofiq Vazirlar Mahkamasi qaror qiladi:

1. O‘zbekiston Respublikasi Vazirlar Mahkamasining ilovaga muvofiq ayrim qarorlariga o‘zgartirishlar va qo‘shimcha kiritilsin.

2. Vazirliklar va idoralar o‘zlari qabul qilgan normativ-huquqiy hujjatlarni bir oy muddatda ushbu qaror talablariga muvofiqlashtirsinlar.

3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — qishloq va suv xo‘jaligi vaziri Z.T. Mirzayev zimmasiga yuklansin.

1. Vazirlar Mahkamasining 2012-yil 28-avgustdagi 253-son qarorida (O‘zbekiston Respublikasi QT, 2012-y., 8-son, 61-modda):

a) O‘zbekiston Respublikasi bozorlarida savdo faoliyatini tashkil etish qoidalarida:

28-bandning ikkinchi xatboshiga “Bozor hududida yer uchastkalari ajratishga” so‘zlaridan keyin (dehqon (oziq-ovqat) bozorlari hududida qonun hujjatlariga muvofiq zamonaviy savdo majmualari qurish uchun yer uchastkalari ajratish bundan mustasno)” so‘zlari qo‘shilsin;

38-bandda:

quyidagi mazmundagi beshinchi xatboshi qo‘shilsin:

“avtotransport vositalarining vaqtincha saqlash xizmatlari ko‘rsatishdan tushgan daromadlar”;

beshinchi va oltinchi xatboshilar tegishli ravishda oltinchi va yettinchi xatboshilar deb hisoblansin;

42-bandning ikkinchi xatboshiga “100 ta va undan ko‘p turg‘un” so‘zlaridan keyin “(dehqon (oziq-ovqat) bozorlari uchun 50 ta va undan ortiq savdo o‘rinlari)” so‘zlari qo‘shilsin;

46-bandning birinchi xatboshidagi “biroq har yili O‘zbekiston Respublikasi Moliya vazirligi va Davlat soliq qo‘mitasi tomonidan belgilanadigan eng kam miqdorlardan past bo‘lmagan miqdorda” so‘zlari chiqarib tashlansin;

b) O‘zbekiston Respublikasida savdo komplekslari faoliyatini tashkil etish qoidalarining 37-bandidagi “biroq har yili O‘zbekiston Respublikasi Moliya vazirligi va Davlat soliq qo‘mitasi tomonidan belgilanadigan eng kam miqdorlardan past bo‘lmagan miqdorda” so‘zlari chiqarib tashlansin.

2. Vazirlar Mahkamasining 2013-yil 31-iyuldagi 213-son qarori (O‘zbekiston Respublikasi QT, 2013-y., 7-son, 48-modda) bilan tasdiqlangan Avtomototransport vositalarini doimiy va vaqtincha saqlash joylarini tashkil etish va ulardan foydalanish tartibi to‘g‘risidagi Nizomning 23-bandiga “vaqtincha saqlash” so‘zlaridan keyin “(avtotransport vositalarining dehqon (oziq-ovqat) bozorlarining avtomobillar to‘xtash joyida vaqtincha to‘xtab turishi bundan mustasno)” so‘zlari qo‘shilsin.