O‘zbekiston Respublikasining “Aholini ish bilan ta’minlash to‘g‘risida”gi Konuni (O‘zbekiston Respublikasi Oliy Majlisining Axborotnomasi, 1998-y., 5-6-son, 97-modda) 22-moddasi va O‘zbekiston Respublikasi Vazirlar Mahkamasining 1999-yil 19-iyuldagi 353-son “Haq to‘lanadigan jamoat ishlarini tashkil qilish to‘g‘risidagi nizomni tasdiqlash haqida”gi qarori (O‘zbekiston Respublikasi Hukumatining qarorlari to‘plami, 1999-y., 7-son, 40-modda) ijrosini ta’minlash hamda ishga joylashishga muhtoj, ish bilan ta’minlanmagan aholini jumladan, kasbga ega bo‘lmagan yoshlarni, ishga joylashtirishga ko‘maklashish, shuningdek o‘zgalar parvarishiga muhtoj yolg‘iz fuqarolarga ijtimoiy xizmat ko‘rsatishni ta’minlash maqsadida, O‘zbekiston Respublikasining “Mahalliy davlat hokimiyati to‘g‘risida”gi Qonuni (O‘zbekiston Respublikasi Oliy Kengashning Axborotnomasi, 1993-y 59-son, 320-modda) 6-moddasiga asosan qaror qilaman:
1. O‘zbekiston Respublikasi “Aholini ish bilan ta’minlash to‘g‘risida”gi Qonunining 22-moddasiga asosan tumanda 2016-yil davomida xaq to‘lanadigan jamoat ishlari ilovada ko‘rsatilgan korxona, muassasa va tashkilotlarda amalga oshirilishi tasdiqlansin.
ish qidirayotgan va ishsiz shaxslar tarkibi va sonini hisobga olgan holda ishchi kuchiga bo‘lgan talab va takliflarni tahlil qilish asosida aholini ish bilan ta’minlash mintaqaviy dasturining maxsus bo‘limiga kiritiladigan, xaq to‘lanadigan jamoat ishlarini tashkil qilish bo‘yicha takliflarni tayyorlash va tuman hokimligiga taqdim etish vazifasi yuklatilsin.
tuman Bandlikka ko‘maklashish va aholini ijtimoiy muhofaza qilish markazida ish qidiruvchi sifatida ro‘yxatga olingan va ishsiz deb e’tirof etilgan fuqarolarning kasb mahoratini, ish tajribasini, yoshi, jinsi va boshqa xususiyatlarini inobatga olgan holda jamoat ishini tashkil etayotgan tegishli korxona, tashkilot va muassasalarda ishning turi va zaruriy mehnat sharoitiga muvofiq keladigan xaq to‘lanadigan jamoat ishlariga jalb qilish vazifasi yuklatilsin.
3. Haq to‘lanadigan jamoat ishlarini tashkil etuvchi korxona, muassasa va tashkilotlar rahbarlariga:
jamoat ishlariga jalb qilingan fuqarolar mehnatiga haq to‘lash O‘zbekiston Respublikasi Vazirlar Mahkamasining 1999-yil 19-iyuldagi 353-son qarori bilan tasdiqlangan “Haq to‘lanadigan jamoat ishlarini tashkil qilish to‘g‘risida”gi nizomning 23-bandiga muvofiq, mahalliy davlat hokimiyati organlariga qarashli korxonalar, muassasalar va tashkilotlar bo‘yicha — ellik foizi ish beruvchilar mablag‘lari va ellik foizi mahalliy budjet va Ish bilan ta’minlashga ko‘maklashish davlat jamg‘armasi mablag‘lari hisobiga;
boshqa korxonalar, muassasalar va tashkilotlar bo‘yicha yetmish besh foizi ish beruvchilar mablag‘lari va yigirma besh foizi Ish bilan ta’minlashga ko‘maklashish davlat jamg‘armasi mablag‘lari hisobiga amalga oshirilishi ko‘rsatib o‘tilsin.
4. O‘zgalar parvarishiga muhtoj yolg‘iz keksalar, pensionerlar va nogironlarning uyiga borib ijtimoiy xizmat ko‘rsatish bo‘yicha xaq to‘lanadigan jamoat ishlariga jalb etilgan, mehnat bo‘limlarida ro‘yxatga olingan ishsiz fuqarolarga ish xaqi to‘lash xarajatlari to‘liq Ish bilan ta’minlashga ko‘maklashish davlat jamg‘armasi mablag‘lari hisobidan amalga oshirilishi belgilansin.
5. Tuman Bandlikka ko‘maklashish va aholini ijtimoiy muhofaza qilish markazi yo‘llanmasi bo‘yicha haq to‘lanadigan jamoat ishlariga yuborilgan fuqarolarning xaq to‘lanadigan jamoat ishiga qabul qilinganligi to‘g‘risidagi ma’lumot 3 kun muddatda markazga yozma ravishda xabar qilinsin:
korxona, muassasa va tashkilotlar rahbarlari tomonidan mazkur qarorning to‘liq bajarilishi yuzasidan qatiy nazorat o‘rnatilsin;
haq to‘lanadigan jamoat ishlariga yuborilgan va ish bilan ta’minlangan fuqarolar 6elgilangan tartibda hisobga olinsin.
6. Mazkur qaror qabul qilinishi munosabati bilan tuman hokimining 2015-yil 12-martdagi 244-sonli qarori o‘z kuchini yo‘qotgan deb hisoblansin.
7. Ushbu qarorning ijrosini nazorat qilish tuman hokimining o‘rinbosari N. Isakov zimmasiga yuklatilsin.
T/r | Ish turlari va mazmuni | Korxona va tashkilotlar |
1. | Mahalla va qishloq yig‘inlari hududlari va dam olish maskanlari, korxonalarda obodonlashtirish ishlarini amalga oshirish | Tuman obodonlashtirish boshqarmasi |
2. | Ijtimoiy ta’minot sohasidagi ishlar, o‘zgalar parvarishiga muhtoj yolg‘iz keksalar, pensionerlar va nogironlarning uyiga borib ijtimoiy xizmat ko‘rsatish ishlari | Tuman Budjetdan tashqari pensiya jamg‘armasi |
3. | Sog‘liqni saqlash tizimidagi ishlar kasalxonalar va boshqa tibbiy muassasalardan bemorlarga qarash ishlari | Tuman tibbiyot birlashmasi |
4. | Xalq ta’limi tizimidagi ishlar, umumta’lim muassasalar o‘qituvchilariga xizmat ko‘rsatish ishlari | Tuman xalq ta’limi muassasalari faoliyatini metodik ta’minlashga va tashkil etish bo‘limi, Arnasoy Iqtisodiyot va xizmat ko‘rsatish kasb-hunar kolleji |
5. | Mavsumiy qishloq xo‘jaligi ishlari (meva sabzavot mahsulotlarini yig‘ishtirish, paxta terish, o‘tash, ozuqa tayyorlash, mol boqish, boshqalar agrosanoat kompleksidagi mavsumiy ishlar,paxtani chopiq qilish va terim ishlari boshqa mavsumiy qishloq xo‘jaligi mahsulotlarini yig‘ishtirish ishlari | Arnasoy tuman Suv iste’molchilari uyushmasi, fermer xo‘jaliklari |
6. | Mav�ud texnikalarni ta’mirlash ishlariga yordam berish | Agrotexservis MChJ |