“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” Oʻzbekiston Respublikasining 2015-yil 29-dekabrdagi OʻRQ-396-son Qonunining 15-moddasiga muvofiq Vazirlar Mahkamasi qaror qiladi:

1. Vazirlar Mahkamasining 2010-yil 21-maydagi 98-son qarori (Oʻzbekiston Respublikasi QT, 2010-y., 5-son, 24-modda) bilan tasdiqlangan Oʻzbekiston Respublikasi Davlat soliq qoʻmitasi toʻgʻrisidagi nizom 10-bandining 10.8-kichik bandidagi “shuningdek ular tomonidan soliq va (yoki) moliyaviy hisobot taqdim etilmagan” soʻzlari “shuningdek soliq toʻlovchi tomonidan soliq hisoboti va (yoki) moliyaviy hisobot, kameral nazorat natijalari boʻyicha tafovutlarning asoslari yoxud aniqlashtirilgan soliq hisoboti belgilangan muddatda taqdim etilmagan” soʻzlari bilan almashtirilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.