267-сон 30.09.2013. Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashini tashkil etish toʻgʻrisida

Oʻzbekiston Respublikasi Vazirlar Mahkamasining qarori, 30.09.2013 yildagi 267-son

Kuchga kirish sanasi

07.10.2013

Рус

Ўзб

O’zb

O‘zb|Рус

Hujjat 24.10.2016 sanasi holatiga

Joriy versiya

PDF-faylidagi rasmiy manba

Oʻzbekiston Respublikasi Vazirlar Mahkamasining

qarori

Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashini tashkil etish toʻgʻrisida

“Fuqarolarning oʻzini oʻzi boshqarish organlari toʻgʻrisida”gi Oʻzbekiston Respublikasi Qonunining 20-moddasiga muvofiq hamda mamlakatimizda fuqarolik jamiyatini rivojlantirish, mahallalarda maʼnaviy muhit barqarorligini, millatlararo doʻstlik va hamjihatlikni mustahkamlash, yoshlarni ona Vatanga va milliy istiqlol gʻoyasiga sadoqat ruhida tarbiyalash, aholini ijtimoiy qoʻllab-quvvatlash borasidagi ishlarning samaradorligini yanada oshirishga koʻmaklashish maqsadida Vazirlar Mahkamasi qaror qiladi:

1. Oʻzbekiston “Mahalla” xayriya jamoat fondi, Oʻzbekiston faxriylarini ijtimoiy qoʻllab-quvvatlash “Nuroniy” jamgʻarmasi, Oʻzbekiston Xotin-qizlar qoʻmitasi, Oʻzbekiston “Kamolot” yoshlar ijtimoiy harakati va boshqa nodavlat notijorat tashkilotlari, koʻp sonli mahalla faollarining Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashini 1-ilovaga muvofiq tarkibda tashkil etish toʻgʻrisidagi takliflari maʼqullansin.

2. Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashining asosiy vazifalari etib quyidagilar belgilansin:

fuqarolarning oʻzini oʻzi boshqarish organlari faoliyatini qoʻllab-quvvatlash, ularga qonun hujjatlarida belgilangan vakolatlarining amalga oshirilishiga koʻmaklashish;

fuqarolarning oʻzini oʻzi boshqarish organlari faoliyatini tahlil qilish, ularning faoliyatini takomillashtirish yuzasidan aniq asoslangan takliflar hamda taʼsirchan mexanizmlar ishlab chiqish, fuqarolar yigʻinlarining ilgʻor tajribalarini ommalashtirish, ular tomonidan ishlab chiqilgan istiqbolli gʻoyalar va loyihalarni amalga oshirishda koʻmaklashish;

fuqarolar ijtimoiy faolligini oshirishda mahalla institutining ahamiyati va rolini kuchaytirishga qaratilgan chora-tadbirlarni belgilash;

fuqarolarning oʻzini oʻzi boshqarish organlari xodimlarining malakasini oshirish, ularda zamonaviy boshqaruv koʻnikmalarini shakllantirishga koʻmaklashish.

3. Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi toʻgʻrisidagi nizom 2-ilovaga muvofiq tasdiqlansin.

4. Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi bir oy muddatda Qoraqalpogʻiston Respublikasi, viloyatlar va Toshkent shahri hamda tumanlar va shaharlar Fuqarolarning oʻzini oʻzi boshqarish organlari faoliyatini muvofiqlashtirish boʻyicha hududiy kengashlari toʻgʻrisidagi namunaviy nizomlarni ishlab chiqsin va tasdiqlash uchun Vazirlar Mahkamasiga kiritsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A. I. Ikramov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2013-yil 30-sentabr,

267-son

Vazirlar Mahkamasining 2013-yil 30-sentabrdagi 267-sonli qaroriga
1-ILOVA

Fuqarolarning oʻzini oʻzi boshqarish organlari faoliyatini muvofiqlashtirish boʻyicha Respublika kengashi

TARKIBI

A. Aripov	—	Oʻzbekiston Respublikasi Bosh vazirining oʻrinbosari, Respublika kengashi raisi
J. Inogʻomov	—	“Mahalla” xayriya jamoat fondi respublika boshqaruvi raisi, Respublika kengashi raisi oʻrinbosari
D. Allayev	—	“Mahalla” xayriya jamoat fondi respublika boshqaruvi raisining birinchi oʻrinbosari, Respublika kengashi masʼul kotibi
A. Saidov	—	Oʻzbekiston Respublikasi Oliy Majlisi Qonunchilik palatasining Demokratik institutlar, nodavlat tashkilotlar va fuqarolarning oʻzini oʻzi boshqarish organlari qoʻmitasi raisi (kelishuv asosida)
B. Matmuratov	—	Oʻzbekiston Respublikasi Oliy Majlisi Senatining Qonunchilik va sud-huquq masalalari qoʻmitasi raisi (kelishuv asosida)
O. Soliyev	—	Oʻzbekiston Respublikasi Prezidenti Devonining Fuqarolarni oʻzini oʻzi boshqarish organlari bilan ishlash shoʻbasi mudiri (kelishuv asosida)
M. Aliyev	—	Oʻzbekiston Respublikasi Prezidenti huzuridagi Davlat boshqaruvi akademiyasi rektori (kelishuv asosida)
J. Qoʻchqorov	—	Oʻzbekiston Respublikasi Moliya vazirining oʻrinbosari
D. Turdiyev	—	Oʻzbekiston Respublikasi Iqtisodiyot vazirining oʻrinbosari
Y. Tursunov	—	Oʻzbekiston Respublikasi Ichki ishlar vazirining oʻrinbosari
M. Saliyev	—	Oʻzbekiston Respublikasi Mudofaa vazirining oʻrinbosari
B. Nizamov	—	Oʻzbekiston Respub�ikasi Mehnat vazirining oʻrinbosari
U. Salimov	—	Oʻzbekiston Respublikasi Oliy va oʻrta maxsus taʼlim vazirining birinchi oʻrinbosari, Oʻrta maxsus, kasb-hunar taʼlimi markazi direktori
D. Kenjayev	—	Oʻzbekiston Respublikasi Xalq taʼlimi vazirining oʻrinbosari
L. Tuychiyev	—	Oʻzbekiston Respublikasi Sogʻliqni saqlash vazirining oʻrinbosari
F. Djalalov	—	Oʻzbekiston Respublikasi Madaniyat va sport ishlari vazirining birinchi oʻrinbosari
Sh. Xamrayev	—	Oʻzbekiston Respublikasi Qishloq va suv xoʻjaligi vazirining oʻrinbosari
A. Usmanov	—	Oʻzbekiston Respublikasi Adliya vazirining oʻrinbosari
O. Yusupov	—	Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita raisi
R. Aminov	—	Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi raisining oʻrinbosari
R. Fayziyev	—	Oʻzbekiston Respublikasi Tabiatni muhofaza qilish davlat qoʻmitasi raisining oʻrinbosari
(lavozimiga koʻra)	—	“Oʻzkommunxizmat” agentligi bosh direktorining oʻrinbosari
I. Djurayev	—	Axborot texnologiyalari va kommunikatsiyalarini rivojlantirish vazirining oʻrinbosari
A. Xodjayev	—	Oʻzbekiston milliy teleradiokompaniyasi raisi
M. Hazratqulov	—	Oʻzbekiston Milliy axborot agentligining Bosh direktori
A. Abdullayev	—	Oʻzbekiston Respublikasi Xalq banki boshqaruvi raisi
Gʻ. Abdukarimov	—	Fuqarolik jamiyati shakllanishini monitoring qilish mustaqil instituti direktori oʻrinbosari
O. Parpiboyeva	—	Oʻzbekiston Xotin-qizlar qoʻmitasi raisining oʻrinbosari
T. Narbayeva	—	Oʻzbekiston Kasaba uyushmalari Federatsiyasi Kengashi raisi
S. Turdiyev	—	Oʻzbekiston Fermyerlari kengashi raisi
B. Gʻaniyev	—	“Kamolot” YIH Markaziy kengashi raisi
Sh.Usmonov	—	Oʻzbekiston faxriylarini ijtimoiy qoʻllab-quvvatlash “Nuroniy” jamgʻarmasi raisi
A. Shayxov	—	Oʻzbekiston Savdo-sanoat palatasi raisi
R. Niyazov	—	Oʻzbekiston Respublikasi mudofaasiga koʻmaklashuvchi “Vatanparvar” tashkiloti raisi
N. Qosimov	—	Respublika Maʼnaviyat targʻibot markazi rahbari vazifasini vaqtincha bajaruvchi
T. Axmedov	—	Vazirlar Mahkamasi huzuridagi Ijtimoiy tadqiqotlar instituti direktori
R. Ubaydullayeva	—	“Ijtimoiy fikr” jamoatchilik markazi direktori
N. Muxammadiyev	—	Oʻzbekiston Respublikasi Baynalmilal madaniyat markazi direktori
A. Mavrulov	—	Respublika Milliy gʻoya va mafkura ilmiy-amaliy markazi rahbari
H. Mamadaliyeva	—	“Oila” ilmiy-amaliy markazi direktori

Izoh: Kengash aʼzolari boshqa ishga oʻtgan taqdirda ana shu lavozimlarga yangidan tayinlangan shaxslar yoki tegishli majburiyatlarni bajarish zimmasiga yuklangan shaxslar Kengash tarkibiga kiritiladi.

Qoraqalpogʻiston Respublikasi, viloyatlar va Toshkent shahri hududiy kengashlarining raislari bir vaqtning oʻzida Kengash aʼzosi ham hisoblanadi.

A. Aripov	—	Oʻzbekiston Respublikasi Bosh vazirining oʻrinbosari, Respublika kengashi raisi
J. Inogʻomov	—	“Mahalla” xayriya jamoat fondi respublika boshqaruvi raisi, Respublika kengashi raisi oʻrinbosari
D. Allayev	—	“Mahalla” xayriya jamoat fondi respublika boshqaruvi raisining birinchi oʻrinbosari, Respublika kengashi masʼul kotibi
A. Saidov	—	Oʻzbekiston Respublikasi Oliy Majlisi Qonunchilik palatasining Demokratik institutlar, nodavlat tashkilotl�r va fuqarolarning oʻzini oʻzi boshqarish organlari qoʻmitasi raisi (kelishuv asosida)
B. Matmuratov	—	Oʻzbekiston Respublikasi Oliy Majlisi Senatining Qonunchilik va sud-huquq masalalari qoʻmitasi raisi (kelishuv asosida)
O. Soliyev	—	Oʻzbekiston Respublikasi Prezidenti Devonining Fuqarolarni oʻzini oʻzi boshqarish organlari bilan ishlash shoʻbasi mudiri (kelishuv asosida)
M. Aliyev	—	Oʻzbekiston Respublikasi Prezidenti huzuridagi Davlat boshqaruvi akademiyasi rektori (kelishuv asosida)
J. Qoʻchqorov	—	Oʻzbekiston Respublikasi M�liya vazirining oʻrinbosari
D. Turdiyev	—	Oʻzbekiston Respublikasi Iqtisodiyot vazirining oʻrinbosari
Y. Tursunov	—	Oʻzbekiston Respublikasi Ichki ishlar vazirining oʻrinbosari
M. Saliyev	—	Oʻzbekiston Respublikasi Mudofaa vazirining oʻrinbosari
B. Nizamov	—	Oʻzbekiston Respublikasi Mehnat vazirining oʻrinbosari
U. Salimov	—	Oʻzbekiston Respublikasi Oliy va oʻrta maxsus taʼlim vazirining birinchi oʻrinbosari, Oʻrta maxsus, kasb-hunar taʼlimi markazi direktori
D. Kenjayev	—	Oʻzbekiston Respublikasi Xalq taʼlimi vazirining oʻrinbosari
L. Tuychiyev	—	Oʻzbekiston Respublikasi Sogʻliqni saqlash vazirining oʻrinbosari
M. Xodjimatov	—	Oʻzbekiston Respublikasi Madaniyat vazirining birinchi oʻrinbosari
(lavozimiga koʻra)	—	Oʻzbekiston Respublikasi Qishloq xoʻjaligi vazirining oʻrinbosari
A. Usmanov	—	Oʻzbekiston Respublikasi Adliya vazirining oʻrinbosari
O. Yusupov	—	Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita raisi
R. Aminov	—	Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi raisining oʻrinbosari
R. Fayziyev	—	Oʻzbekiston Respublikasi Tabiatni muhofaza qilish davlat qoʻmitasi raisining oʻrinbosari
(lavozimiga koʻra)	—	“Oʻzkommunxizmat” agentligi bosh direktorining oʻrinbosari
I. Djurayev	—	Axborot texnologiyalari va kommunikatsiyalarini rivojlantirish vazirining oʻrinbosari
A. Xodjayev	—	Oʻzbekiston milliy teleradiokompaniyasi raisi
M. Hazratqulov	—	Oʻzbekiston Milliy axborot agentligining Bosh direktori
A. Abdullayev	—	Oʻzbekiston Respublikasi Xalq banki boshqaruvi raisi
Gʻ. Abdukarimov	—	Fuqarolik jamiyati shakllanishini monitoring qilish mustaqil instituti direktori oʻrinbosari
O. Parpiboyeva	—	Oʻzbekiston Xotin-qizlar qoʻmitasi raisining oʻrinbosari
T. Narbayeva	—	Oʻzbekiston Kasaba uyushmalari Federatsiyasi Kengashi raisi
B. Yusupov	—	Oʻzbekiston fermer, dehqon xoʻjaliklari va tomorqa yer egalari kengashi raisi
Q. Quranbayev	—	Oʻzbekiston yoshlar ittifoqi Markaziy Kengashi raisi
Sh. Usmonov	—	Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi raisi
A. Shayxov	—	Oʻzbekiston Savdo-sanoat palatasi raisi
R. Niyazov	—	Oʻzbekiston Respublikasi mudofaasiga koʻmaklashuvchi “Vatanparvar” tashkiloti raisi
A. Qodirov	—	Respublika Maʼnaviyat va maʼrifat markazi rahbari
T. Axmedov	—	Vazirlar Mahkamasi huzuridagi Ijtimoiy tadqiqotlar instituti direktori
R. Ubaydullayeva	—	“Ijtimoiy fikr” jamoatchilik markazi direktori
N. Muxammadiyev	—	Oʻzbekiston Respublikasi Baynalmilal madaniyat markazi direktori
H. Mamadaliyeva	—	“Oila” ilmiy-amaliy markazi direktori

Vazirlar Mahkamasining 2013-yil 30-sentabrdagi 267-sonli qaroriga
2-ILOVA

Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi toʻgʻrisida

NIZOM

I. Umumiy qoidalar

1. Ushbu Nizom “Fuqarolarning oʻzini oʻzi boshqarish organlari toʻgʻrisida”gi Oʻzbekiston Respublikasi Qonunining 20-moddasiga muvofiq, Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi (keyingi oʻrinlarda Kengash deb ataladi) faoliyatini tartibga soladi.

Kengash fuqarolarning oʻzini oʻzi boshqarish organlari faoliyatining tashkiliy asoslarini yanada takomillashtirish, qonun hujjatlarida belgilangan vakolatlarining amalga oshirilishiga koʻmaklashish, ular faoliyatidagi muammolarni kompleks oʻrganish va tizimli hal qilish yuzasidan aniq asoslangan takliflar hamda taʼsirchan mexanizmlar ishlab chiqish maqsadida tashkil etilgan kollegial organ hisoblanadi.

2. Kengash oʻz faoliyatida Oʻzbekiston Respublikasi Konstitutsiyasiga, Oʻzbekiston Respublikasi qonunlariga, Oʻzbekiston Respublikasi Oliy Majlisi palatalari qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlariga, ushbu Nizomga hamda boshqa qonun hujjatlariga amal qiladi.

3. Kengash oʻz faoliyatida qonuniylik, oshkoralik, teng huquqlilik va kollegiallik tamoyillariga amal qiladi.

4. Qoraqalpogʻiston Respublikasi, viloyatlar va Toshkent shahri, tumanlar va shaharlarda Fuqarolarning oʻzini oʻzi boshqarish organlari faoliyatini muvofiqlashtirish boʻyicha hududiy kengashlar (keyingi oʻrinlarda Hududiy kengashlar deb ataladi) faoliyat koʻrsatadi.

Hududiy kengashlarning asosiy vazifalari, huquqlari, ularning faoliyatini tashkil etish tartibi hamda hududiy kengashlarning oʻzaro hamkorligi Fuqarolarning oʻzini oʻzi boshqarish organlari faoliyatini muvofiqlashtirish boʻyicha Qoraqalpogʻiston Respublikasi, viloyatlar va Toshkent shahri hamda tuman va shaharlar kengashlari toʻgʻrisidagi namunaviy nizomlarda belgilanadi.

II. Kengashning asosiy vazifalari va huquqlari

5. Kengashning asosiy vazifalari quyidagilardan iborat:

fuqarolarning oʻzini oʻzi boshqarish organlari faoliyatini qoʻllab-quvvatlash, ularga qonun hujjatlarida belgilangan vakolatlarning amalga oshirilishiga koʻmaklashish;

fuqarolarning oʻzini oʻzi boshqarish organlari faoliyatini tahlil qilish, ularning faoliyatini takomillashtirish yuzasidan aniq asoslangan takliflar hamda taʼsirchan mexanizmlar ishlab chiqish, fuqarolarning oʻzini oʻzi boshqarish organlari ilgʻor tajribalarini ommalashtirish, ular tomonidan ishlab chiqilgan istiqbolli gʻoyalar va loyihalarni amalga oshirishda koʻmaklashish;

fuqarolar ijtimoiy faolligini oshirishda mahalla institutining ahamiyati va rolini kuchaytirishga qaratilgan chora-tadbirlarni belgilash;

fuqarolarning oʻzini oʻzi boshqarish organlari xodimlarining malakasini oshirish, ularda zamonaviy boshqaruv koʻnikmalarini shakllantirishga koʻmaklashish.

6. Kengash oʻziga yuklangan vazifalarni bajarish uchun quyidagi funksiyalarni amalga oshiradi:

fuqarolarning oʻzini oʻzi boshqarish organlari faoliyatiga oid normativ-huquqiy hujjatlar ijro etilishi monitoringini olib boradi va ularni yanada takomillashtirish yuzasidan takliflar tayyorlaydi;

fuqarolarning oʻzini oʻzi boshqarish organlari faoliyatining asosiy yoʻnalishlari boʻyicha komissiyalar faoliyatini takomillashtirishga doir takliflar tayyorlaydi;

fuqarolar yigʻinlari raislari (oqsoqollari) va ularning maslahatchilari eng munosib fuqarolar orasidan saylanishini taʼminlash chora-tadbirlarining amalga oshirilishiga koʻmaklashadi, uslubiy tavsiyalar ishlab chiqadi;

fuqarolarning oʻzini oʻzi boshqarish organlarining oʻzaro munosabatlarini rivojlantirishga oid tavsiyalar ishlab chiqadi;

fuqarolar yigʻini raisi (oqsoqoli), masʼul kotibi, diniy maʼrifat va maʼnaviy-axloqiy tarbiya masalalari boʻyicha maslahatchi hamda “Mahalla posboni” jamoatchilik tuzilmasi rahbari faoliyatini ragʻbatlantirishga doir takliflar tayyorlaydi va ularning ishlarini muvofiqlashtiradi;

fuqarolar yigʻini raisi (oqsoqoli), uning oʻrinbosarlari (fuqarolar yigʻini raisining keksalar va faxriylar ishlari hamda yoshlar masalalari boʻyicha maslahatchilari), masʼul kotib, diniy maʼrifat va maʼnaviy-axloqiy tarbiya masalalari boʻyicha maslahatchi faoliyatini ragʻbatlantirishga doir takliflar tayyorlaydi va ularning ishlarini muvofiqlashtiradi;

fuqarolarning oʻzini oʻzi boshqarish organlari faoliyati uchun zarur boʻlgan oʻquv-uslubiy adabiyotlar, qoʻllanmalarning mazmun-mohiyati, ularni nashr etish hamda tirajlarini belgilash boʻyicha tavsiyalar tayyorlaydi;

fuqarolarning oʻzini oʻzi boshqarish organlari faoliyatining tashkiliy asoslarini yanada takomillashtirish, ularning vazifalari koʻlamini kengaytirish, fuqarolarning oʻzini oʻzi boshqarish organlari bilan davlat organlari, fuqarolik jamiyatining boshqa institutlari, xususiy uy-joy mulkdorlari shirkatlari va boshqa tashkilotlar oʻrtasidagi ijtimoiy sheriklik munosabatlarini rivojlantirish yuzasidan takliflar ishlab chiqadi hamda amalga oshirilishiga koʻmaklashadi;

fuqarolarning oʻzini oʻzi boshqarish organlari moddiy-texnika bazasini mustahkamlash boʻyicha takliflar tayyorlaydi va bu borada aniq chora-tadbirlarning amalga oshirilishini taʼminlaydi;

mahallani aniq yoʻnaltirilgan asosda aholini ijtimoiy qoʻllab-quvvatlash, xususiy tadbirkorlik va oilaviy biznesni rivojlantirish markaziga aylantirishga koʻmaklashadi;

hududda keksalar va nogironlarning ijtimoiy, shu jumladan pensiya va tibbiy taʼminoti sifatini yaxshilash masalalarida fuqarolarning oʻzini oʻzi boshqarish organlari tomonidan jamoatchilik nazoratini oʻrnatish hamda ularning roli va taʼsirini kengaytirishga doir takliflar ishlab chiqadi va amalga oshirilishiga koʻmaklashadi;

“Kuchli davlatdan kuchli fuqarolik jamiyati sari” tamoyilini joylarda izchillik bilan tatbiq etish, fuqarolarning faolligini, jamiyatda amalga oshirilayotgan islohotlarga daxldorlik hissini oshirish, fuqarolarning oʻzini oʻzi boshqarish organlari tomonidan jamoatchilik nazoratini olib borish tizimidagi vazifalar koʻlamini yanada kengaytirish boʻyicha tavsiyalar ishlab chiqadi;

mahallalarda tarixan tarkib topgan milliy va maʼnaviy qadriyatlarni eʼzozlash va izchil targʻib qilish, xalqimizning eng yaxshi udum va anʼanalarini asrash va ommalashtirish chora-tadbirlarini amalga oshiradi;

ommaviy axborot vositalari bilan oʻzaro hamkorlik qiladi, mahalla institutining faoliyatini yoritishga doir tadbirlarning amalga oshirilishiga koʻmaklashadi;

fuqarolar ijtimoiy faolligini kuchaytirishda mahallaning roli va taʼsirini oshirish, fuqarolarning oʻzini oʻzi boshqarish organlari faollarining tashabbuslarini qoʻllab-quvvatlash ishlarini tashkil etadi, shuningdek ularning bilim va malakasini hamda huquqiy madaniyatini oshirish, zamonaviy boshqaruv koʻnikmalarini shakllantirishga oid chora-tadbirlarga koʻmaklashadi;

barkamol avlodni tarbiyalashda “Oila — mahalla — taʼlim muassasasi” hamkorlik mexanizmini kuchaytirishga doir takliflar tayyorlaydi;

mahalla institutining dolzarb masalalari boʻyicha xalqaro va respublika konferensiyalari hamda seminarlarini tashkil etishda va oʻtkazishda muvofiqlashtirishni amalga oshiradi.

7. Kengash oʻziga yuklangan vazifalar va funksiyalarni bajarishda quyidagi huquqlarga ega:

fuqarolarning oʻzini oʻzi boshqarish organlari faoliyatini muvofiqlashtirishga yoʻnaltirilgan qarorlar qabul qilish va ularning ijrosini nazorat qilish;

fuqarolar yigʻinlarining raislari, masʼul kotiblari, diniy maʼrifat va maʼnaviy-axloqiy tarbiya masalalari boʻyicha maslahatchilari, “Mahalla posboni” jamoatchilik tuzilmalarining rahbarlari malakasini oshirish yuzasidan takliflar kiritish;

fuqarolar yigʻinlarining raislari, rais oʻrinbosarlari (fuqarolar yigʻini raisining keksalar va faxriylar ishlari hamda yoshlar masalalari boʻyicha maslahatchilari), masʼul kotiblari, diniy maʼrifat va maʼnaviy-axloqiy tarbiya masalalari boʻyicha maslahatchilari malakasini oshirish yuzasidan takliflar kiritish;

fuqarolarning oʻzini oʻzi boshqarish organlari manfaatlarini koʻzlab sudga daʼvo qilish, shuningdek, davlat va xoʻjalik boshqaruvi organlari, mahalliy davlat hokimiyati organlarining qarorlari, ularning mansabdor shaxslari harakatlari (harakatsizligi) ustidan fuqarolarning oʻzini oʻzi boshqarish organlari manfaatlarini koʻzlab sudga shikoyat qilish;

davlat organlari, nodavlat notijorat tashkilotlardan va boshqa tashkilotlardan, mansabdor shaxslardan kengash vakolatiga taalluqli zarur maʼlumot va materiallarni soʻrash va olish;

fuqarolarning oʻzini oʻzi boshqarish organlari faoliyatiga taalluqli masalalar boʻyicha davlat organlari, nodavlat notijorat tashkilotlari va boshqa tashkilotlarning axborotlarini eshitish;

fuqarolarning oʻzini oʻzi boshqarish organlari faoliyatini takomillashtirish boʻyicha taklif va tavsiyalarni tayyorlash uchun ishchi komissiyalar va ekspert guruhlar tashkil etish, shuningdek olimlar va amaliyotchi-mutaxassislarni ushbu komissiyalar va guruhlar ishiga jalb etish;

fuqarolarning oʻzini oʻzi boshqarish organlari faoliyatini takomillashtirish boʻyicha Hududiy kengashlarning taklif va tavsiyalarini Kengash majlislarida muhokama qilish;

fuqarolarning oʻzini oʻzi boshqarish organlari faoliyatiga doir uslubiy qoʻllanmalarni tasdiqlash;

fuqarolarning oʻzini oʻzi boshqarish organlari raislari va faollari uchun oʻquv seminarlari va davra suhbatlari tashkil etish.

Kengash qonun hujjatlariga muvofiq boshqa huquqlarga ham ega boʻlishi mumkin.

III. Kengash faoliyatini tashkil etish

8. Kengash uning raisi, rais oʻrinbosari, masʼul kotibi va aʼzolaridan iborat tarkibda tuziladi.

Kengash tarkibi Oʻzbekiston Respublikasi Vazirlar Mahkamasi tomonidan tasdiqlanadi.

Oʻzbekiston “Mahalla” xayriya jamoat fondi respublika boshqaruvi Kengashning ishchi organi (keyingi oʻrinlarda Ishchi organ deb ataladi) hisoblanadi.

9. Kengashga Oʻzbekiston Respublikasi Bosh vazirining oʻrinbosari raislik qiladi va u Kengashga yuklangan vazifalarning bajarilishi uchun masʼuldir.

9. Kengashga Oʻzbekiston Respublikasining Bosh vaziri jamoatchilik asosida raislik qiladi va Kengashga yuklangan vazifalarning bajarilishi uchun masʼuldir

Kengash raisining vakolatiga quyidagilar kiradi:

Kengash majlislari kun tartibini belgilash va majlislarni chaqirish;

Kengash tomonidan qabul qilingan qarorlarning bajarilishi yuzasidan nazorat tashkil etish;

Kengash aʼzolarining Kengashga yuklangan vazifalarning bajarilishi boʻyicha ishlarini muvofiqlashtirish;

Kengash ishchi organi faoliyatini nazorat qilish;

Kengashning samarali ishlashini taʼminlashga doir boshqa ishlarni bajarish.

10. Kengash aʼzolari:

fuqarolarning oʻzini oʻzi boshqarish organlarining boshqa tashkilotlar bilan hamkorlikdagi faoliyati samarali yoʻlga qoʻyilishiga koʻmaklashadilar;

fuqarolarning oʻzini oʻzi boshqarish organlari faoliyatiga taalluqli masalalar yuzasidan Kengashga takliflar kiritadilar;

Kengash majlislarida koʻrib chiqiladigan masalalarni muhokama qilishda va hal etishda qatnashadilar;

Kengash muhokamasiga kiritilgan masalalar boʻyicha yozma xulosalar va ogʻzaki tushuntirishlar beradilar;

Kengash majlislarida qabul qilingan qarorlar ijrosini oʻz vakolatlari doirasida taʼminlaydilar.

11. Ushbu Nizomda belgilangan vazifalar ijrosini taʼminlash maqsadida Kengash har yili oʻz ish rejasini tasdiqlaydi, shuningdek rais oʻrinbosari, masʼul kotib va Kengashning boshqa aʼzolari vazifalarini belgilaydi.

12. Kengash faoliyati bilan bogʻliq yozishmalarni yuritishda xatlar Kengash raisi yoki uning oʻrinbosari tomonidan imzolanadi.

Kengash oʻz blankasiga ega boʻladi.

13. Kengash oʻz faoliyatini doimiy asosda, oʻz ish rejasiga muvofiq amalga oshiradi va majlislarini zaruriyatga koʻra, lekin har chorakda kamida bir marta oʻtkazadi.

Kengash raisi qarori bilan, Kengash raisining oʻrinbosari yoki Kengash aʼzolari yarmidan koʻpining tashabbusiga koʻra navbatdan tashqari majlis oʻtkazilishi mumkin. Kengashning navbatdan tashqari majlisini oʻtkazish toʻgʻrisidagi taklif zarur hujjatlar bilan birgalikda ishchi organga yuboriladi.

14. Kengash majlisini uning raisi boshqaradi. Kengash raisi boʻlmagan taqdirda majlisni uning oʻrinbosari boshqaradi.

Kengash majlisi aʼzolarining kamida uchdan ikki qismi hozir boʻlganda vakolatli hisoblanadi.

Kengash qarorlari majlisda qatnashganlarning koʻpchilik ovozi bilan qabul qilinadi. Ovozlar teng boʻlgan taqdirda Kengash raisining ovozi hal qiluvchi hisoblanadi. Kengashning har bir aʼzosi qabul qilinayotgan qarorlar boʻyicha oʻz fikr-mulohazasini yozma ravishda bayon qilish huquqiga ega.

Majlisni oʻtqazish uchun kvorum boʻlmaganda, Kengashning yangi majlisi oʻtkaziladigan sana eʼlon qilinadi. Yangi majlisni oʻtkazishda kun tartibini oʻzgartirishga yoʻl qoʻyilmaydi.

15. Kengash raisining ruxsati bilan majlisda uning uzrli sabablarga koʻra qatnashmayotgan aʼzolari oʻrniga ularning vakillari ovoz berish huquqisiz qatnashishi mumkin.

16. Kengash majlisiga unda koʻrib chiqilayotgan masalalarning mohiyatiga koʻra davlat organlari, nodavlat notijorat tashkilotlari va boshqa tashkilotlar rahbarlari, mutaxassislar, Fuqarolarning oʻzini oʻzi boshqarish organlari faoliyatini muvofiqlashtirish boʻyicha tuman va shaharlar kengashlari hamda fuqarolar yigʻinlari vakillari taklif etilishi mumkin.

17. Kengash qarorlari bayonnoma bilan rasmiylashtiriladi, uni rais yoki uning oʻrinbosari, shuningdek masʼul kotib imzolaydi.

18. Kengash qarorlari Kengashning barcha aʼzolariga va manfaatdor shaxslarga yetkaziladi.

Kengashning oʻz vakolatlari doirasida qabul qilgan qarorlari tegishli davlat organlari va tashkilotlar tomonidan bajarilishi majburiydir.

19. Ishchi organ:

Kengash majlislariga tayyorgarlikni va tashkiliy-texnik jihatdan taʼminlash ishlarini amalga oshiradi;

Kengash faoliyati uchun zarur barcha hujjatlarni (tahliliy maʼlumotlar, jadvallar va h. k.) shakllantiradi va qarorlar loyihalari boʻyicha kelishuvni amalga oshiradi;

faoliyat yoʻnalishlariga taalluqli materiallarni toʻplaydi, tahlil qiladi, qarorlar va chora-tadbirlar rejalari loyihalarini tayyorlaydi;

fuqarolarning oʻzini oʻzi boshqarish organlari faoliyatini muvofiqlashtirish ishlarini tahlil qiladi va umumlashtiradi, muvofiqlashtirish natijalari boʻyicha hisobot va axborot materiallarini tayyorlaydi;

Hududiy kengashlar ishchi organlarining faoliyatini muvofiqlashtiradi.

Ishchi organ Kengash qaroriga muvofiq boshqa vakolatlarni ham amalga oshirishi mumkin.

20. Kengash qarorlarining bajarilishi natijalari haqida Ishchi organ har chorakda Kengashga tegishli zarur materiallarni ilova qilgan holda tahliliy maʼlumotlarni taqdim etadi.

21. Ishchi organ rahbari tayyorlangan materiallar va majlis kun tartibi boʻyicha Kengash raisiga axborot beradi, rais tomonidan maʼqullangan taqdirda, kengash majlisi boʻlib oʻtadigan kun va vaqtni, shuningdek taklif etiladigan shaxslarni belgilaydi.

22. Kengash masʼul kotibi Kengash majlisi materiallarini bayon loyihasi bilan birgalikda majlisni oʻtkazish sanasidan kamida besh kun oldin Kengashning har bir aʼzosiga, zarur hollarda majlisga taklif etilgan boshqa shaxslarga taqdim etilishini taʼminlaydi.

Majlis kun tartibi oʻzgargan taqdirda, Kengash masʼul kotibi Kengashning har bir aʼzosini hamda majlisga taklif etilgan shaxslarni majlis boshlanishidan oldin uch kundan kechikmay bunday oʻzgarishlar toʻgʻrisida xabardor qiladi.

23. Ishchi organ Kengash ishiga tayyorgarlik koʻrish maqsadida uning vakolatlari doirasida zarur materiallarni davlat organlari va tashkilotlardan soʻrash hamda olish huquqiga ega.

24. Kengash Hududiy kengashlar bilan oʻzaro hamkorlik qiladi hamda Hududiy kengashlar faoliyatiga tashkiliy hamda uslubiy jihatdan rahbarlikni amalga oshiradi.

Hududiy kengashlar faoliyatini qoʻllab-quvvatlash, ularga qonun hujjatlarida belgilangan vakolatlarning amalga oshirilishiga koʻmaklashish, Hududiy kengashlar faoliyatini muvofiqlashtirib borish va uni monitoring qilish Kengash tomonidan amalga oshiriladi.

Qoraqalpogʻiston Respublikasi, viloyatlar va Toshkent shahri Hududiy kengashlari yilning har choragida fuqarolarning oʻzini oʻzi boshqarish organlari faoliyatini muvofiqlashtirish borasida amalga oshirilgan ishlar toʻgʻrisida Kengashga hisobot beradilar.

25. Qoraqalpogʻiston Respublikasi, viloyatlar va Toshkent shahri Hududiy kengashlarining tarkibi hamda ularning nizomlari Oʻzbekiston Respublikasi Vazirlar Mahkamasi tomonidan tasdiqlangan Fuqarolarning oʻzini oʻzi boshqarish organlari faoliyatini muvofiqlashtirish boʻyicha hududiy kengashlari toʻgʻrisidagi namunaviy nizomlar asosida Kengash tomonidan tasdiqlanadi.

IV. Yakunlovchi qoida

26. Ushbu Nizom talablari buzilishida aybdor boʻlgan shaxslar qonun hujjatlariga muvofiq javob beradilar.

Ko‘rinish

Ko‘rinish