Oʻzbekiston Respublikasining “Intellektual mulk toʻgʻrisidagi qonun hujjatlari takomillashtirilishi munosabati bilan Oʻzbekiston Respublikasining ayrim qonunlariga oʻzgartish va qoʻshimchalar kiritish haqida” 2011-yil 26-dekabrdagi OʻRQ-312-son Qonuniga muvofiq Vazirlar Mahkamasi qaror qiladi:

1. Quyidagilar:

Audiovizual asarlarni, fonogrammalar va EHM uchun yaratilgan dasturlarni takrorlash, sotish, prokatga berish, fonogrammalarni tayyorlash, shuningdek audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarish boʻyicha faoliyat turlarini litsenziyalash toʻgʻrisidagi nizom 1-ilovaga muvofiq;

Audiovizual asarlarni tayyorlash, dublyaj qilish va ekranda namoyish etish boʻyicha faoliyat turlarini litsenziyalash toʻgʻrisidagi nizom 2-ilovaga muvofiq tasdiqlansin.

2. Belgilab qoʻyilsinki:

kinovideo mahsulotlarini ishlab chiqarish, koʻpaytirish, dublyaj qilish, sotish va ularning prokati boʻyicha hamda gramplastinkalar, audiokassetalar va lazerli disklarni ishlab chiqish, ishlab chiqarish, yozish, koʻpaytirish va sotish boʻyicha faoliyatni amalga oshirish uchun Oʻzbekiston Respublikasining “Intellektual mulk toʻgʻrisidagi qonun hujjatlari takomillashtirilishi munosabati bilan Oʻzbekiston Respublikasining ayrim qonunlariga oʻzgartish va qoʻshimchalar kiritish haqida” 2011-yil 26-dekabrdagi OʻRQ-312-son Qonuni kuchga kirgunga qadar xoʻjalik yurituvchi subyektlarga berilgan litsenziyalar ularning amal qilish muddati tugagunga qadar amal qiladi;

kinovideo mahsulotlarini ishlab chiqarish, koʻpaytirish, dublyaj qilish, sotish va ularning prokati boʻyicha va gramplastinkalar, audiokassetalar va lazerli disklarni ishlab chiqish, ishlab chiqarish, yozish, koʻpaytirish va sotish boʻyicha faoliyatni amalga oshirish uchun litsenziyalarning amal qilish muddati tugagandan soʻng xoʻjalik yurituvchi subyektlar audiovizual asarlarni tayyorlash, dublyaj qilish va ekranda namoyish etish boʻyicha va audiovizual asarlarni, fonogrammalar va EHM uchun yaratilgan dasturlarni takrorlash, sotish, prokatga berish, fonogrammalarni tayyorlash, shuningdek audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarish faoliyatini amalga oshirish huquqi uchun litsenziyalarni oladilar;

hozirgi vaqtda EHM uchun dasturlarni takrorlash, sotish, prokatga berish boʻyicha litsenziyasiz faoliyat koʻrsatayotgan xoʻjalik yurituvchi subyektlar ushbu faoliyat turlarini tegishli litsenziya olgunga qadar, biroq 2012-yil 1-maydan kechiktirmasdan davom ettirish huquqiga ega boʻladilar.

3. Oʻzbekiston Respublikasi Intellektual mulk agentligi:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, shuningdek “Oʻzbekkino” Milliy agentligi bilan birgalikda kinovideo mahsulotlarini ishlab chiqarish, koʻpaytirish, dublyaj qilish, sotish va ularning prokati boʻyicha va gramplastinkalar, audiokassetalar va lazerli disklarni ishlab chiqish, ishlab chiqarish, yozish, koʻpaytirish va sotish boʻyicha faoliyatni amalga oshirish uchun ilgari berilgan litsenziyalarni 2012-yil 1-maygacha xatlovdan oʻtkazsin;

audiovizual asarlar, fonogrammalar va EHM uchun dasturlarga mutlaq (nomutlaq) mulkiy huquqlarga ega boʻlgan huquq egalarining maʼlumotlar bazasini yaratsin.

4. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.

5. Oʻzbekiston Respublikasi Hukumatining 4-ilovaga muvofiq ayrim qarorlari oʻz kuchini yoʻqotgan deb hisoblansin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.

1. Mazkur Nizom audiovizual asarlarni, fonogrammalar va EHM uchun yaratilgan dasturlarni takrorlash, sotish, prokatga berish, fonogrammalarni tayyorlash, shuningdek audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarish boʻyicha faoliyat turlarini litsenziyalash tartibini belgilaydi.

2. Mazkur Nizomda quyidagi asosiy tushunchalardan foydalanildi:

audiovizual asar — bir-biri bilan bogʻliq boʻlgan (ovoz joʻrligida yoki ovoz joʻrligisiz) tasvirlarning yozib olingan turkumidan iborat boʻlgan, tegishli texnika vositalari yordamida koʻrib va eshitib (ovoz joʻrligi boʻlsa) idrok etish uchun moʻljallangan yozuv, shu jumladan kinematografiya, multiplikatsiya va animatsiya asarlari hamda kinematografiyanikiga oʻxshash vositalar bilan ifodalangan barcha asarlar (tele-, kino- va videofilmlar, kliplar, konsert dasturlarining yozuvlari, multfilmlar, anime, xentay va shu kabilar);

takrorlash — audiovizual asarlar, fonogrammalar va EHM uchun yaratilgan dasturlarni yoxud ulardan bir qismini axborot tashuvchilarda (kinoplyonka, videokassetalar, lazer disklari (CD, DVD) va boshqa turdagi tashuvchilarda) bir nusxadan ortiq tayyorlash, shu jumladan keyinchalik barchaning eʼtiboriga yetkazish uchun EHM xotirasiga yozib olish;

barchaning eʼtiboriga yetkazish — audiovizual asarlar, fonogrammalar va EHM uchun yaratilgan dasturlarni simlar yoki simsiz aloqa vositalari orqali telekommunikatsiya tizimlaridan foydalanuvchilar oʻz tanloviga koʻra istalgan joyda va istalgan vaqtda ulardan foydalana olishi mumkin boʻlgan tarzda barchaning eʼtibori uchun (pulli yoki bepul) yuborish;

fonogrammalarni tayyorlash — fonogrammaning dastlabki ovozli yozuvini amalga oshirish boʻyicha faoliyat;

huquq egasi — audiovizual asar va EHM uchun yaratilgan dasturga nisbatan muallif yoki uning merosxoʻrlari, fonogrammalarga nisbatan ijrochi yoki uning merosxoʻrlari, fonogrammani tayyorlovchi, efir yoki kabel orqali koʻrsatuv yoxud eshittirish beruvchi tashkilot, shuningdek shartnoma boʻyicha yoki qonun hujjatlarida nazarda tutilgan boshqa asos boʻyicha audiovizual asarlar, fonogrammalar yoki EHM uchun yaratilgan dasturlardan foydalanish huquqini olgan boshqa yuridik yoki jismoniy shaxslar;

EHM uchun yaratilgan dastur — muayyan natija olish maqsadida EHM, EHM shoxobchalari va boshqa kompyuter vositalarining ishlashi uchun moʻljallangan maʼlumotlar va koʻrsatmalar majmui;

moddiy jismlarni ishlab chiqarish — audiovizual asarlar, fonogrammalar va EHM uchun yaratilgan dasturlarni yozib olish uchun moʻljallangan axborot tashuvchilarni tayyorlash uchun texnologik jarayonni qoʻllash bilan bogʻliq faoliyat;

sotish — audiovizual asarlar, fonogrammalar va EHM uchun yaratilgan dasturlarni pulli yoki bepul (shu jumladan barchaning eʼtiboriga yetkazish yoʻli bilan) tarqatish;

prokatga berish — audiovizual asarlar, fonogrammalar va EHM uchun yaratilgan dasturlarni daromad olish maqsadida vaqtinchalik foydalanish uchun berish;

fonogramma — biron-bir ijroning, boshqa ovozlarning har qanday faqat ovozli yozuvi, audiovizual asarga kiritilgan ovozli yozuv bundan mustasno.

3. Mazkur Nizomning maqsadlariga koʻra quyidagi faoliyat turlari litsenziyalanadi:

audiovizual asarlar, fonogrammalar va EHM uchun yaratilgan dasturlarni takrorlash;

audiovizual asarlar, fonogrammalar va EHM uchun yaratilgan dasturlarni sotish;

audiovizual asarlar, fonogrammalar va EHM uchun yaratilgan dasturlarni prokatga berish;

fonogrammalarni tayyorlash;

audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarish.

4. Litsenziyalarni berish, amal qilishini toʻxtatib turish yoki toʻxtatish, shuningdek uni bekor qilish yoki qaytadan rasmiylashtirish haqidagi qarorlar Oʻzbekiston Respublikasi Vazirlar Mahkamasi (litsenziyalovchi organ) tomonidan qabul qilinadi.

Hujjatlarni qabul qilish, qabul qilingan hujjatlar boʻyicha ekspert xulosalarni tayyorlash, litsenziyalarni berish, litsenziya bitimlarini tuzish boʻyicha ishlarni amalga oshirish uchun Oʻzbekiston Respublikasi Vazirlar Mahkamasining Axborot tizimlari va telekommunikatsiyalar masalalari axborot-tahlil departamenti huzurida Intellektual mulk agentligi, “Oʻzbekkino” Milliy agentligi, Madaniyat va sport ishlari vazirligi va boshqa davlat boshqaruvi organlari mutaxassislari ishtirokida ishchi guruh (keyingi oʻrinlarda Ishchi guruh deb ataladi) tuziladi. Ishchi guruhni Oʻzbekiston Respublikasi Vazirlar Mahkamasining Axborot tizimlari va telekommunikatsiyalar masalalari axborot-tahlil departamentining masʼul xodimi boshqaradi. Ishchi guruhning tarkibi va Ishchi guruh haqidagi Nizom Oʻzbekiston Respublikasi Bosh vazirining oʻrinbosari — Vazirlar Mahkamasining axborot tizimlari va telekommunikatsiyalar masalalari kompleksi rahbari tomonidan tasdiqlanadi.

5. Audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, fonogrammalarni tayyorlash, shuningdek audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarish boʻyicha faoliyat turlari yuridik shaxslar tomonidan amalga oshiriladi.

6. Audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, fonogrammalarni tayyorlash, shuningdek audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarish boʻyicha faoliyat turlarini amalga oshirish uchun namunaviy (oddiy) litsenziya beriladi.

Litsenziya talabgorining arizasiga koʻra litsenziyalar umuman faoliyat turiga yoxud uning bir qismiga beriladi.

7. Audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, fonogrammalarni tayyorlash, shuningdek audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarish boʻyicha faoliyat turlarini amalga oshirishga litsenziya 5 yil muddatga beriladi. Talabgorning arizasiga koʻra litsenziya besh yildan kam muddatga berilishi mumkin. Litsenziyaning amal qilish muddati litsenziya berilgan kundan eʼtiboran hisoblanadi.

8. Quyidagilar bilan bogʻliq faoliyat litsenziyalanmaydi:

audiovizual asarlar, fonogrammalar yoki EHM uchun yaratilgan dasturlarni shaxsiy maqsadlarda oilaviy foydalanish uchun takrorlash bilan bogʻliq faoliyat;

EHM uchun yaratilgan dasturlarni sotish va takrorlash bilan bogʻliq faoliyat, agar bunday faoliyat EHM uchun dastur yaratilishini tashkil qilgan hamda EHM uchun yaratilgan mazkur dasturga nisbatan mutlaq mulkiy huquqlarga ega boʻlgan yuridik shaxs tomonidan amalga oshirilayotgan boʻlsa;

EHM uchun yaratilgan dasturlarni sotish, agar EHM uchun yaratilgan dasturning qiymati uskuna (serverlar, printerlar, kompyuterlar, noutbuklar va hokazolar) qiymatiga kiritilgan boʻlsa.

9. Litsenziya talabgorida litsenziyalanadigan faoliyatni amalga oshirish uchun foydalaniladigan filiallar mavjud boʻlgan taqdirda, litsenziya berish bilan bir vaqtda bunday filiallar soniga qarab, ulardan har birining joylashgan joyi koʻrsatilgan holda, ular tegishli litsenziya talablari va shartlariga amal qilishlari sharti bilan, litsenziyalovchi organ tomonidan tasdiqlangan litsenziya nusxalari beriladi.

10. Quyidagilar audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, fonogrammalarni tayyorlash, shuningdek audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarish boʻyicha faoliyat turlarini amalga oshirishning litsenziya talablari va shartlari hisoblanadi:

litsenziatning mualliflik huquqi va turdosh huquqlar haqidagi qonun hujjatlari talablariga majburiy tarzda rioya qilinishi;

zoʻravonlikni, pornografiyani, mamlakat xavfsizligi va ijtimoiy-siyosiy barqarorlikni, fuqarolar tinchligini, millatlararo va dinlararo totuvlikni buzishni, Oʻzbekiston toʻgʻrisida notoʻgʻri axborotlar tarqatilishini hamda uning tarixiy, madaniy va maʼnaviy boyliklari buzib koʻrsatilishini targʻib qilish uchun audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, fonogrammalarni tayyorlashga yoʻl qoʻymaslik yuzasidan litsenziatning majburiyati;

audiovizual asarlar, fonogrammalar va EHM uchun yaratilgan dasturlardan foydalanilganda haq toʻlash toʻgʻrisidagi qonun hujjatlari talablariga majburiy tarzda rioya qilinishi;

litsenziat tomonidan litsenziyalanadigan faoliyat yongʻin xavfsizligi va sanitariya normalari talablariga javob beradigan binolar va xonalarda amalga oshirilishi.

11. Quyidagilar audiovizual asarlar, fonogrammalar va EHM uchun yaratilgan dasturlarni takrorlashda qoʻshimcha litsenziya talablari hisoblanadi:

a) takrorlanayotgan audiovizual asarlar, fonogrammalar va EHM uchun yaratilgan dasturlarning texnik sifatiga qoʻyiladigan talablarga texnik jihatdan tartibga solish sohasidagi qonun hujjatlari talablariga, shuningdek ularni takrorlashda va rasmiylashtirishda qoʻyiladigan talablarga majburiy tarzda rioya qilinishi;

b) litsenziat yoki tiraj buyurtmachisining audiovizual asarlar, fonogrammalar va EHM uchun yaratilgan dasturlarni takrorlashga boʻlgan huquqini tasdiqlovchi hujjatlar (audiovizual asarlar, fonogrammalar va EHM uchun yaratilgan dasturlarni takrorlashga boʻlgan mualliflik va (yoki) turdosh huquqlarga ega boʻlish haqidagi shartnomalar, shuningdek ularni takrorlash haqida mulkiy huquqlarni jamoaviy asosda boshqaruvchi tashkilotlar bilan tuzilgan shartnomalar)ning mavjudligi;

v) audiovizual asarlar, fonogrammalar va EHM uchun yaratilgan dasturlarning nomini koʻrsatgan holda litsenziat tomonidan takrorlangan audiovizual asarlar, fonogrammalar va EHM uchun yaratilgan dasturlar nusxalarining hisobini yuritish;

g) quyidagilarni:

huquq egasining nomini;

mahsulot nomini;

ushbu mahsulot tarkibiga kirgan asarlar va (yoki) turdosh huquqlar obyektlarining nomlarini;

mahsulot tayyorlangan joyning nomini;

yosh jihatdan cheklovlarni (mavjud boʻlsa) koʻrsatgan holda audiovizual asarlar, fonogrammalar va EHM uchun yaratilgan dasturlarni takrorlash;

d) litsenziat shtatida audiovizual asarlar, fonogrammalar va EHM uchun yaratilgan dasturlarning takrorlangan nusxalari hisobini olib borish uchun masʼul shaxsning boʻlishi;

e) litsenziatda litsenziyalanadigan faoliyatni amalga oshirish uchun mulk huquqi yoki boshqa qonuniy asosda zarur ishlab chiqarish xonalari va ishlab chiqarish asbob-uskunalarining mavjud boʻlishi;

j) litsenziat tomonidan audiovizual asarlar, fonogrammalar va EHM uchun yaratilgan dasturlarni takrorlashga doir ishlab chiqarish faoliyati texnik jihatdan tartibga solish sohasidagi normativ hujjatlar talablariga javob beradigan asbob-uskunalar va boshqa texnik vositalardan foydalangan holda amalga oshirilishi.

12. Quyidagilar audiovizual asarlar, fonogrammalar va EHM uchun yaratilgan dasturlarni sotish boʻyicha qoʻshimcha litsenziya talablari hisoblanadi:

a) litsenziatning audiovizual asarlar, fonogrammalar va EHM uchun yaratilgan dasturlarni sotishga boʻlgan huquqini tasdiqlovchi hujjatlar (audiovizual asarlar, fonogrammalar va EHM uchun yaratilgan dasturlarni sotib olish haqidagi shartnomalar yoki boshqa hujjatlar)ning mavjud boʻlishi;

b) litsenziat tomonidan audiovizual asarlar, fonogrammalar va EHM uchun yaratilgan dasturlarning sotilayotgan nusxalarning hisobi audiovizual asarlar, fonogrammalar va EHM uchun yaratilgan dasturlarning nomi koʻrsatilgan holda yuritilishi;

v) audiovizual asarlar, fonogrammalar va EHM uchun yaratilgan dasturlar nusxalarini quyidagilarni:

huquq egasining nomini;

mahsulotning nomini;

ushbu mahsulot tarkibiga kirgan asarlar va (yoki) turdosh huquqlar obyektlarining nomlarini;

mahsulot tayyorlangan joyning nomini;

yosh jihatdan cheklovlarni koʻrsatgan holda sotish;

g) litsenziat shtatida audiovizual asarlar, fonogrammalar va EHM uchun yaratilgan dasturlarning mavjud boʻlgan va sotilgan nusxalari hisobi olib borilishi uchun masʼul shaxsning boʻlishi.

13. Quyidagilar audiovizual asarlar, fonogrammalar va EHM uchun yaratilgan dasturlarni prokatga berishda qoʻshimcha litsenziya talablari hisoblanadi:

a) litsenziatning audiovizual asarlar, fonogramma va EHM uchun yaratilgan dasturlarni prokatga berishga boʻlgan huquqini tasdiqlovchi hujjatlar (audiovizual asarlar, fonogrammalar va EHM uchun yaratilgan dasturlarni prokatga berish haqidagi shartnomalar yoki boshqa hujjatlar, shuningdek audiovizual asarlar va fonogrammalar uchun — ularni prokatga berish haqida mulkiy huquqlarni jamoaviy asosda boshqaruvchi tashkilotlar bilan tuzilgan shartnomalar)ning mavjudligi;

b) litsenziat tomonidan audiovizual asarlar, fonogrammalar va EHM uchun yaratilgan dasturlarning prokatga berilayotgan nusxalarining hisobi audiovizual asarlar, fonogrammalar va EHM uchun yaratilgan dasturlarning nomi koʻrsatilgan holda yuritilishi;

v) audiovizual asarlar, fonogrammalar va EHM uchun yaratilgan dasturlarni quyidagilarni:

huquq egasining nomini;

mahsulotning nomini;

ushbu mahsulot tarkibiga kirgan asarlar va (yoki) turdosh huquqlar obyektlarining nomlarini;

mahsulot tayyorlangan joyning nomini;

yosh jihatdan cheklovlarni koʻrsatgan holda prokatga berish;

g) litsenziat shtatida audiovizual asarlar, fonogrammalar va EHM uchun yaratilgan dasturlarning prokatga berilayotgan nusxalar hisobi olib borilishi uchun masʼul shaxsning boʻlishi.

14. Quyidagilar fonogrammalarni tayyorlashda qoʻshimcha litsenziya talablari hisoblanadi:

a) fonogrammalarning texnik sifatiga quyiladigan texnik jihatdan tartibga solish sohasidagi qonun hujjatlari talablariga majburiy tarzda rioya qilinishi;

b) litsenziat yoki tiraj buyurtmachisining fonogrammalarni tayyorlashga boʻlgan huquqini tasdiqlovchi hujjatlar (fonogrammalarni tayyorlashda mualliflik va turdosh huquqlarga ega boʻlish haqidagi shartnomalar)ning mavjudligi;

v) litsenziat tomonidan tayyorlangan fonogrammalarning hisobi mahsulot nomi, ushbu mahsulot tarkibiga kirgan asarlar va (yoki) ijrolar nomi, tayyorlangan nusxalar soni, tayyorlangan joy koʻrsatilgan holda olib borilishi;

g) litsenziat shtatida tayyorlangan fonogrammalarning hisobi olib borilishi uchun masʼul shaxsning boʻlishi;

d) litsenziatda litsenziyalanadigan faoliyatni amalga oshirish uchun mulk huquqi yoki boshqa qonuniy asosda zarur boʻlgan ishlab chiqarish xonalari va ishlab chiqarish asbob-uskunalarining mavjudligi;

e) litsenziat tomonidan fonogrammalarni tayyorlashga doir ishlab chiqarish faoliyati texnik jihatdan tartibga solish sohasidagi normativ hujjatlar talablariga mos keladigan asbob-uskunalar va boshqa texnik vositalardan foydalangan holda amalga oshirilishi.

15. Quyidagilar audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarishda qoʻyiladigan qoʻshimcha litsenziya talablari hisoblanadi:

a) audiovizual asarlar, fonogramma va EHM uchun yaratilgan dasturlar uchun moddiy jismlarning texnik sifatiga qoʻyiladigan texnik jihatdan tartibga solish sohasidagi qonun hujjatlari talablariga majburiy tarzda rioya qilish;

b) audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarish jarayonida ular oʻqiladigan tomonida optik diskning ichki halqasida oʻrnatish teshigi atrofida litsenziatning nomi va litsenziya raqamini tushirish boʻyicha texnologik operatsiyani amalga oshirish;

v) litsenziat shtatida ishlab chiqarilgan moddiy jismlarning hisobini olib borish uchun masʼul shaxsning boʻlishi;

g) litsenziatda litsenziyalanadigan faoliyatni amalga oshirish uchun mulk huquqi yoki boshqa qonuniy asosda zarur boʻlgan ishlab chiqarish xonalari va ishlab chiqarish asbob-uskunalarining mavjudligi;

d) litsenziat tomonidan audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarishga oid ishlab chiqarish faoliyati texnik jihatdan tartibga solish sohasidagi normativ hujjatlar talablariga mos keladigan asbob-uskunalar va boshqa texnik vositalardan foydalangan holda amalga oshirilishi.

16. Agar moddiy jismlarni ishlab chiqarish bilan birgalikda audiovizual asarlar, fonogrammalar va EHM uchun yaratilgan dasturlarning takrorlanishi ham amalga oshirilsa, bu holda litsenziatga ushbu Nizomning 11-bandida nazarda tutilgan talablar va shartlar ham tegishli boʻladi.

17. Litsenziya bitimida ushbu Nizomning 10 — 15-bandlaridan kelib chiqadigan aniq litsenziya talablari va shartlari nazarda tutilishi mumkin.

18. Litsenziya talabgori litsenziya olish uchun litsenziyalovchi organga quyidagi hujjatlarni taqdim etadi:

a) litsenziya berish toʻgʻrisida ariza, unda quyidagilar koʻrsatiladi:

yuridik shaxsning nomi va tashkiliy-huquqiy shakli, joylashgan joyi (pochta manzili), bank nomi va bankdagi hisob-kitob raqami;

litsenziya beriladigan faoliyat turi (yoxud uning bir qismi);

b) yuridik shaxs davlat roʻyxatidan oʻtkazilganligi toʻgʻrisidagi guvohnomaning nusxasi;

v) litsenziyalanadigan faoliyat amalga oshiriladigan binolar va xonalarga mulk huquqi yoki boshqa ashyoviy huquqni tasdiqlovchi hujjat;

g) tuzilgan shartnomalar mualliflik huquqi va turdosh huquqlar toʻgʻrisidagi qonun hujjatlariga muvofiqligi boʻyicha Oʻzbekiston Respublikasi Intellektual mulk agentligining (keyingi oʻrinlarda Agentlik deb ataladi) xulosasi;

d) litsenziyalanadigan faoliyat turi amalga oshiriladigan binolar va xonalarning yongʻin xavfsizligi talablari va sanitariya normalariga mos kelishi haqida yongʻin va sanitariya-epidemiologiya nazorati organlari xulosalarining nusxalari;

e) ariza koʻrib chiqilganligi uchun litsenziya talabgori tomonidan yigʻim toʻlanganligini tasdiqlaydigan hujjat.

19. Litsenziya talabgori tomonidan ushbu Nizomning 18-bandida koʻrsatilgan hujjatlarga qoʻshimcha ravishda quyidagi hujjatlar taqdim etiladi:

a) audiovizual asarlar, fonogrammalar va EHM uchun yaratilgan dasturlarni takrorlash faoliyatini amalga oshirish uchun:

litsenziyalanadigan faoliyatini amalga oshirish uchun zarur boʻlgan mavjud moddiy-texnik baza, asbob-uskunalar va boshqa texnik vositalar toʻgʻrisidagi maʼlumotlar;

litsenziya talabgorining audiovizual asarlar, fonogrammalar va EHM uchun yaratilgan dasturlarni takrorlash huquqlarini tasdiqlovchi hujjatlar “Mualliflik huquqi va turdosh huquqlar toʻgʻrisida”gi Oʻzbekiston Respublikasi Qonunining 38 — 42-moddalariga muvofiq tuzilgan audiovizual asarlar, fonogrammalar va EHM uchun yaratilgan dasturlarni takrorlashga boʻlgan mualliflik va (yoki) turdosh huquqlarga ega boʻlish toʻgʻrisidagi shartnomalar)ning nusxalari;

yuridik shaxsning muhri bilan tasdiqlangan mehnat daftarchasi va ishga qabul qilinganlik haqidagi buyruq nusxalari — audiovizual asarlar, fonogrammalar va EHM uchun yaratilgan dasturlarning takrorlangan nusxalarining hisobi olib borilishi boʻyicha masʼul shaxs uchun;

b) audiovizual asarlar, fonogrammalar va EHM uchun yaratilgan dasturlarni sotish faoliyatini amalga oshirish uchun:

litsenziya talabgorining audiovizual asarlar, fonogrammalar va EHM uchun yaratilgan dasturlarni sotish huquqlarini tasdiqlovchi hujjatlar nusxalari (audiovizual asarlar, fonogrammalar va EHM uchun yaratilgan dasturlarni sotib olinganligi toʻgʻrisidagi hujjat (shartnoma, invoys va hokazolar);

yuridik shaxsning muhri bilan tasdiqlangan mehnat daftarchasi va ishga qabul qilinganlik haqidagi buyruq nusxalari — sotilayotgan audiovizual asarlar, fonogrammalar va EHM uchun yaratilgan dasturlarning hisobi olib borilishi boʻyicha masʼul shaxs uchun;

v) audiovizual asarlar, fonogrammalar va EHM uchun yaratilgan dasturlarni prokatga berish boʻyicha faoliyatni amalga oshirish uchun:

litsenziya talabgorining audiovizual asarlar, fonogrammalar va EHM uchun yaratilgan dasturlarni prokatga berish huquqini tasdiqlovchi hujjatlar (audiovizual asarlar, fonogrammalar va EHM uchun yaratilgan dasturlarni sotib olish uchun oldi-sotdi shartnomalari)ning nusxalari;

yuridik shaxsning muhri bilan tasdiqlangan mehnat daftarchasi va ishga qabul qilinganlik haqidagi buyruq nusxalari — prokatga berilayotgan audiovizual asarlar, fonogrammalar va EHM uchun yaratilgan dasturlarning hisobi olib borilishi boʻyicha masʼul shaxs uchun;

g) fonogrammalarni tayyorlash faoliyatini amalga oshirish uchun:

litsenziyalanadigan faoliyatini amalga oshirish uchun zarur boʻlgan mavjud moddiy-texnik baza, asbob-uskunalar va boshqa texnik vositalar toʻgʻrisidagi maʼlumotlar;

litsenziya talabgorining fonogrammalarni tayyorlash huquqlarini tasdiqlovchi hujjatlar (“Mualliflik huquqi va turdosh huquqlar toʻgʻrisida”gi Oʻzbekiston Respublikasi Qonunining 38 — 42-moddalariga muvofiq tuzilgan fonogrammalarni tayyorlash toʻgʻrisidagi shartnomalar)ning nusxalari;

yuridik shaxsning muhri bilan tasdiqlangan mehnat daftarchasining nusxasi va ishga qabul qilinganlik haqidagi buyruq — tayyorlanayotgan fonogrammalarning hisobi olib borilishi boʻyicha masʼul shaxs uchun;

d) audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarish faoliyatini amalga oshirish uchun:

litsenziyalanadigan faoliyatini amalga oshirish uchun zarur boʻlgan mavjud moddiy-texnik baza, asbob-uskunalar va boshqa texnik vositalar toʻgʻrisidagi maʼlumotlar;

yuridik shaxsning muhri bilan tasdiqlangan mehnat daftarchasining nusxasi va ishga qabul qilinganlik haqidagi buyruq — ishlab chiqarilayotgan moddiy jismlarning hisobi olib borilishi boʻyicha masʼul shaxs uchun.

20. Litsenziya talabgoridan mazkur Nizomda nazarda tutilmagan hujjatlarning taqdim etilishini talab qilishga yoʻl qoʻyilmaydi.

21. Hujjatlar litsenziya talabgori tomonidan litsenziyalovchi organga bevosita yoxud olinganligi toʻgʻrisidagi bildirishnoma bilan pochta aloqasi vositasi orqali yetkazib beriladi.

Hujjatlar ishchi guruh rahbari tomonidan roʻyxat boʻyicha qabul qilinadi, roʻyxatning nusxasi hujjatlar qabul qilib olingan sana toʻgʻrisida belgi qoʻyilgan holda litsenziya talabgoriga yuboriladi (topshiriladi).

22. Notoʻgʻri yoki buzilgan maʼlumotlar taqdim etilganligi uchun litsenziya talabgori qonun hujjatlariga muvofiq javob beradi.

23. Litsenziya talabgori arizasi koʻrib chiqilganligi uchun qonun hujjatlarida toʻlov kunida belgilangan eng kam oylik ish haqining besh baravari miqdorida yigʻim undiriladi.

Ariza koʻrib chiqilganligi uchun yigʻim summasi litsenziyalovchi organning hisob raqamiga oʻtkaziladi.

Litsenziya talabgori berilgan arizadan voz kechgan taqdirda toʻlangan yigʻim summasi qaytarilmaydi.

24. Audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, fonogrammalarni tayyorlash, shuningdek audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarish boʻyicha faoliyat turlarini litsenziyalash ushbu Nizomga ilova qilingan sxemaga muvofiq amalga oshiriladi.

Litsenziya talabgoriga litsenziya berish yoki litsenziya berishni rad etish toʻgʻrisida qaror litsenziya talabgorining arizasi olingan kundan boshlab oʻttiz kundan ortiq boʻlmagan muddatda qabul qilinadi.

25. Ishchi guruh ariza olingan kundan boshlab oʻn besh kundan ortiq boʻlmagan muddatda hujjatlarni koʻrib chiqadi, ular boʻyicha ekspertiza xulosasi tayyorlaydi va taklifini taqdim etadi.

Ishchi guruhning ekspertiza xulosasiga asosan Vazirlar Mahkamasi litsenziya talabgoriga litsenziya berish yoki litsenziya berishni rad etish toʻgʻrisida qaror qabul qiladi.

26. Ishchi guruh tegishli qaror qabul qilingandan keyin uch kun muddatda litsenziya talabgorini qabul qilingan qaror toʻgʻrisida xabardor qiladi.

Litsenziya berishga qaror qabul qilinganligi toʻgʻrisidagi bildirishnoma litsenziya talabgoriga bank hisob raqami rekvizitlari, davlat boji toʻlash muddati koʻrsatilgan holda yozma shaklda yuboriladi (topshiriladi).

27. Litsenziya bitimi litsenziyalovchi organ bilan litsenziat oʻrtasida tuziladi, unda quyidagilar boʻlishi kerak:

bitimni imzolagan shaxslarning familiyasi, ismi, otasining ismi, egallab turgan lavozimi;

tomonlarning rekvizitlari;

amalga oshirish huquqiga litsenziya berilayotgan faoliyatning aniq turi;

litsenziyalanadigan faoliyat amalga oshiriladigan manzil;

litsenziyaning amal qilish muddati;

litsenziatga qoʻyiladigan litsenziya talablari va shartlari;

litsenziya bitimi talablari va shartlari buzilganligi uchun tomonlarning javobgarligi;

litsenziat tomonidan litsenziya bitimi talablari va shartlari bajarilishini Agentlik tomonidan nazorat qilish tartibi;

audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, fonogrammalarni tayyorlash, shuningdek audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarish faoliyatning oʻziga xos boʻlgan boshqa shartlar.

Litsenziyalovchi organ tomonidan litsenziya bitimi ishchi guruh rahbari tomonidan imzolanadi.

Litsenziya bitimi uch nusxada — litsenziat, litsenziyalovchi organ va Agentlik uchun bir nusxadan tuziladi.

28. Litsenziyalar ishchi guruh tomonidan belgilangan shakldagi blankalarda rasmiylashtiriladi va Oʻzbekiston Respublikasi Bosh vazirining oʻrinbosari — Vazirlar Mahkamasining axborot tizimlari va telekommunikatsiyalar masalalari kompleksi rahbari tomonidan imzolanadi.

Litsenziyalar blankalari qatʼiy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega boʻladi.

29. Audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, fonogrammalarni tayyorlash, shuningdek audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarish faoliyat turlarini amalga oshirish huquqi uchun litsenziya berilganligi uchun toʻlov kunida qonun hujjatlarida belgilangan eng kam oylik ish haqining oʻn baravari miqdorida davlat boji undiriladi.

Litsenziya talabgorining arizasiga koʻra litsenziya besh yildan kam muddatga berilgan va besh yildan kam muddatga muddati uzaytirilgan taqdirda davlat boji miqdori litsenziyaning amal qilish muddatiga mutanosib ravishda kamayadi.

Litsenziya berilganligi uchun davlat boji mablagʻlari davlat budjeti daromadiga oʻtkaziladi.

30. Litsenziya litsenziya talabgori tomonidan davlat boji toʻlanganligini tasdiqlovchi hujjat taqdim etilgandan va litsenziya bitimi imzolangandan keyin uch kun muddatda beriladi.

31. Agar litsenziat litsenziya berish toʻgʻrisida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida litsenziyalovchi organga litsenziya berilganligi uchun davlat boji toʻlanganligini tasdiqlovchi hujjatni taqdim etmasa yoxud litsenziya bitimini imzolamasa, litsenziyalovchi organ litsenziyani bekor qilish toʻgʻrisida qaror qabul qilishga haqlidir.

32. Litsenziya berish “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunining 17-moddasida nazarda tutilgan asoslar boʻyicha rad etilishi mumkin.

Litsenziya talabgori litsenziya berishni rad etish toʻgʻrisidagi qaror, shuningdek mansabdor shaxsning harakati (harakatsizligi) yuzasidan qonunchilikda belgilangan tartibda shikoyat qilish huquqiga ega.

33. Litsenziya berish rad etilishi toʻgʻrisida qaror qabul qilingan taqdirda rad etish toʻgʻrisidagi bildirishnoma litsenziya talabgoriga rad etishning aniq sabablari va litsenziya talabgori koʻrsatib oʻtilgan sabablarni bartaraf etib hujjatlarni takroran koʻrib chiqishga taqdim etishi uchun yetarli boʻlgan muddat koʻrsatilgan holda yozma shaklda yuboriladi (topshiriladi).

Litsenziya berishni rad etish haqidagi bildirishnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi kerak.

34. Litsenziya talabgori tomonidan litsenziya berish rad etilishiga asos boʻlgan sabablar bartaraf etilgan taqdirda, hujjatlarni takroran koʻrib chiqish litsenziya talabgorining arizasi barcha zarur hujjatlar bilan birgalikda olingan kundan boshlab oʻn kundan ortiq boʻlmagan muddatda amalga oshiriladi.

Bunda ishchi guruh hujjatlar takroran taqdim etilgandan keyin olti kun mobaynida ular yuzasidan ekspert xulosani tayyorlaydi va Vazirlar Mahkamasiga litsenziya talabgoriga litsenziya berish yoki litsenziya berishni rad etish toʻgʻrisidagi taklifni taqdim etadi.

Vazirlar Mahkamasi ishchi guruh taklifi olingandan keyin toʻrt kun muddatda uni koʻrib chiqadi va tegishli qaror qabul qiladi.

Litsenziya talabgorlarining arizalari takroran koʻrib chiqilganligi uchun yigʻim undirilmaydi.

Litsenziya berish rad etilganligi toʻgʻrisidagi bildirishnomada koʻrsatilgan muddat oʻtgandan keyin berilgan ariza yangidan berilgan ariza hisoblanadi.

35. Litsenziat qayta tashkil etilgan, nomi yoki joylashgan joyi (pochta manzili) oʻzgargan taqdirda, litsenziat yoki uning huquqiy vorisi qayta roʻyxatdan oʻtkazilgandan keyin bir oy muddatda litsenziyalovchi organga koʻrsatib oʻtilgan maʼlumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish toʻgʻrisida ariza berishi shart.

Litsenziat litsenziya qayta rasmiylashtirilgunga qadar unda koʻrsatilgan faoliyat turini oldin berilgan litsenziya asosida amalga oshiradi.

Takrorlanadigan, sotiladigan, prokatga beriladigan audiovizual asarlar, fonogrammalar va EHM uchun yaratilgan dasturlarning hisobini yuritish uchun masʼul boʻlgan shaxs oʻzgargan taqdirda, litsenziat litsenziyalovchi organga bir hafta muddat ichida mehnat daftarchasi nusxasi bilan birgalikda va ishga qabul qilinganlik haqidagi litsenziat muhri bilan tasdiqlangan buyruqni taqdim etishi shart.

36. Litsenziyani qayta rasmiylashtirishda litsenziyalovchi organ litsenziyalar reyestriga tegishli oʻzgartirishlar kiritadi. Litsenziyani qayta rasmiylashtirish litsenziyalovchi organ tomonidan tegishli hujjatlar ilova qilingan holda litsenziyani qayta rasmiylashtirish toʻgʻrisida ariza olingan kundan boshlab besh kun mobaynida amalga oshiriladi.

37. Litsenziyani qayta rasmiylashtirishda yoki filial ochishda litsenziya shartnomasiga oʻzgartirish yoki qoʻshimchalar kiritiladi yoxud yangi litsenziya shartnomasi tuziladi.

Litsenziyalarni qayta rasmiylashtirishda litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi miqdorida yigʻim undiriladi. Yigʻim summasi litsenziyalovchi organ hisob raqamiga oʻtkaziladi.

38. Litsenziyaning amal qilish muddatini uzaytirish litsenziatning arizasiga koʻra amalga oshiriladi.

Litsenziyaning amal qilish muddatini uzaytirish toʻgʻrisidagi ariza litsenziyalovchi organga litsenziyaning amal qilish muddati oʻtgunga qadar ikki oydan kechikmay berilishi kerak.

Litsenziyaning amal qilish muddatini uzaytirish litsenziya berish uchun nazarda tutilgan tartibda amalga oshiriladi.

39. Amal qilish muddati oʻtmagan yoʻqolgan yoki yaroqsiz holga kelgan litsenziya oʻrniga litsenziatning arizasiga koʻra uning dublikati berilishi mumkin.

Litsenziyaning dublikatini berishda litsenziya talabgorining litsenziya berish toʻgʻrisidagi arizasi koʻrib chiqilganligi uchun toʻlanadigan summaning yarmi miqdorida yigʻim undiriladi. Yigʻim summasi litsenziyalovchi organ hisob raqamiga oʻtkaziladi.

40. Litsenziat tomonidan litsenziya talablari va shartlariga rioya etilishi ustidan nazorat qonun hujjatlarida belgilangan tartibda Agentlik tomonidan amalga oshiriladi.

41. Litsenziya talablari va shartlariga rioya etilishi ustidan nazoratni amalga oshirishda Agentlik oʻz vakolatlari doirasida quyidagi huquqlarga ega:

qonunchilikda belgilangan tartibda rejali tekshirish;

litsenziya talablari va shartlari litsenziat tomonidan buzilganligidan dalolat beruvchi hollar mavjud boʻlgan taqdirda litsenziatning ularga rioya etishini belgilangan tartibda rejadan tashqari tekshirish;

litsenziya talablari va shartlariga rioya etilishini tekshirish chogʻida paydo boʻladigan masalalar yuzasidan litsenziatdan zarur axborotni soʻrash va olish;

tekshirishlar natijalari asosida, litsenziya talablari va shartlarining aniq buzilishlarini koʻrsatgan holda dalolatnomalar (maʼlumotnomalar) tuzish;

litsenziatga aniqlangan buzilishlarni bartaraf etish majburiyatini yuklovchi qarorlar chiqarish, bunday buzilishlarni bartaraf etish muddatlarini belgilash.

xoʻjalik yurituvchi subyektlar tomonidan faoliyat litsenziyasiz amalga oshirilishi hollari aniqlangan taqdirda Agentlik materiallarni qonun hujjatlarida belgilangan choralarni koʻrish uchun belgilangan tartibda huquqni muhofaza qiluvchi organlarga yuboradi.

42. Litsenziya talablari va shartlariga rioya etilishini tekshirishda Agentlik tomonidan uch nusxada dalolatnoma (maʼlumotnoma) tuziladi, ularning bittasi litsenziatga beriladi, ikkinchisi litsenziyalovchi organda qoladi va uchinchi nusxa ishchi guruhga beriladi.

43. Litsenziya talablari va shartlariga rioya etilishi yuzasidan tekshirishlar oʻtkazish uchun Agentlik tegishli tashkilotlar mutaxassislarini jalb qilishi mumkin.

44. Nazorat qiluvchi va huquqni muhofaza qiluvchi organlar oʻz vakolatlari doirasida litsenziat tomonidan litsenziya talablari va shartlari buzilganligi holatlarini aniqlaganda ishchi guruhga va Agentlikka aniqlangan buzilishlar toʻgʻrisida maʼlum qiladilar.

45. Litsenziyaning amal qilishini toʻxtatib turish, toʻxtatish va litsenziyani bekor qilish “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunining 22 — 24-moddalarida nazarda tutilgan hollarda va tartibda amalga oshiriladi.

Litsenziyalovchi organning litsenziyaning amal qilishini toʻxtatib turish, toʻxtatish va litsenziyani bekor qilish toʻgʻrisidagi qarori yuzasidan sudga shikoyat qilish mumkin. Litsenziyalovchi organ qarori asossiz ekanligi sud tomonidan eʼtirof etilgan taqdirda, litsenziyalovchi organ litsenziat oldida litsenziat koʻrgan zarar miqdorida javob beradi.

46. Litsenziyalovchi organ litsenziyalar reyestrini yuritadi.

Reyestrda quyidagilar koʻrsatilishi kerak:

yuridik shaxsning nomi, uning tashkiliy-huquqiy shakli, pochta manzili, telefoni;

litsenziyalanadigan faoliyat turining nomi;

litsenziyalanadigan faoliyat turi amalga oshiriladigan joy manzili;

litsenziyaning umuman faoliyat turiga yoki uning bir qismiga berilganligi toʻgʻrisidagi maʼlumotlar;

litsenziyaning berilgan sanasi va tartib raqami;

litsenziyaning amal qilish muddati;

litsenziyani qayta rasmiylashtirish, uning amal qilish muddatini uzaytirish, toʻxtatib turish va tiklashning asoslari va sanasi;

litsenziyaning amal qilishini toʻxtatishning asoslari va sanasi;

litsenziyani bekor qilishning asoslari va sanasi;

dublikat berishning asoslari va sanasi.

47. Litsenziyalarning reyestrlarida mavjud boʻlgan maʼlumotlar Agentlikning veb-saytida joylashtiriladi va tanishish uchun ochiq boʻladi.

1. Mazkur Nizom audiovizual asarlarni tayyorlash, dublyaj qilish va ekranda namoyish etish boʻyicha faoliyat turlarini litsenziyalash tartibini belgilaydi.

2. Mazkur Nizomda quyidagi asosiy tushunchalardan foydalanildi:

audiovizual asar — bir-biri bilan bogʻliq boʻlgan (ovoz joʻrligida yoki ovoz joʻrligisiz) tasvirlarning yozib olingan turkumidan iborat boʻlgan, tegishli texnika vositalari yordamida koʻrib va eshitib (ovoz joʻrligi boʻlsa) idrok etish uchun moʻljallangan yozuv, shu jumladan kinematografiya, multiplikatsiya va animatsiya asarlari hamda kinematografiyanikiga oʻxshash vositalar bilan ifodalangan barcha asarlar (tele-, kino- va videofilmlar, kliplar, konsert dasturlarining yozuvlari, multfilmlar, anime, xentay va shu kabilar);

audiovizual asarning ekranda namoyish qilinishi — jamoa uchun ochiq joyda yoki bitta oilaning aʼzolari boʻlmagan keng shaxslar doirasi hozir boʻlgan joyda audiovizual asarni texnik vositalar yordamida eshittirish va (yoki) koʻrsatish;

audiovizual asarni dublyaj qilish — audiovizual asarni tarjima qilish, bunda aktyorlarning nutqlari bir tildan boshqa tilga qayta ovoz berish yoʻli bilan ham subtitrlash vositasida toʻliq almashtiriladi;

subtitrlash — audiovizual asarga hamkorni ilova qilish jarayoni;

ovoz berish — ovoz qatorini tashkil qiluvchi dastlabki elementlarning hammasini bitta jismga oʻtkazish (qayta yozish) yoʻli bilan audiovizual asar fonogrammasining soʻnggi (yakuniy) variantini yaratish jarayoni;

audiovizual asarni tayyorlash — audiovizual asarni kinoplyonkada, raqamli yoki boshqa bir jismda yaratishga oid faoliyat;

huquq egasi — audiovizual asarning muallifi yoki uning vorislari, shuningdek shartnoma boʻyicha yoki qonun hujjatlarida nazarda tutilgan boshqa asosga koʻra audiovizual asardan foydalanish huquqini olgan boshqa yuridik yoki jismoniy shaxslar.

3. Mazkur Nizomning maqsadlariga koʻra quyidagi faoliyat turlari litsenziyalanadi: audiovizual asarlarni tayyorlash, dublyaj qilish va ekranda namoyish qilish.

4. Litsenziyalarni berish, litsenziyaning amal qilishini toʻxtatib turish yoki toʻxtatish, shuningdek uni bekor qilish yoki qaytadan rasmiylashtirish haqidagi qarorlar Vazirlar Mahkamasi (litsenziyalovchi organ) tomonidan “Maʼnaviyat va maʼrifat” Respublika kengashining (keyingi oʻrinlarda Kengash deb ataladi) xulosasi asosida qabul qilinadi.

Hujjatlarni qabul qilish, ular boʻyicha ekspert xulosalarni tayyorlash, litsenziyalarni berish va qayta rasmiylashtirish, litsenziatlar tomonidan litsenziya talablari va shartlarining bajarilishi ustidan nazoratni tashkil etish boʻyicha Vazirlar Mahkamasi ishchi organining vazifalarini “Oʻzbekkino” Milliy agentligi (keyingi oʻrinlarda ishchi organ deb yuritiladi) bajaradi.

Kengash qarorlarining bayonnomalarini rasmiylashtirish, Ishchi organ tomonidan litsenziyalarning oʻz vaqtida berilishini nazorat qilib borish va ularning hisobini yuritish Oʻzbekiston Respublikasi Vazirlar Mahkamasining Madaniyat, sogʻliqni saqlash va ijtimoiy muhofaza masalalari axborot-tahlil departamenti tomonidan amalga oshiriladi.

Ishchi organ litsenziya berish yoki litsenziya berishni rad etish, litsenziyaning amal qilishini toʻxtatish yoki litsenziyani bekor qilish haqida takliflar tayyorlaydi va ularni koʻrib chiqish uchun Kengashga taqdim etadi.

5. Audiovizual asarlarni tayyorlash, dublyaj qilish va ekranda namoyish etish boʻyicha faoliyat turlari yuridik shaxslar tomonidan amalga oshiriladi.

6. Audiovizual asarlarni tayyorlash, dublyaj qilish va ekranda namoyish etish boʻyicha faoliyat turlarini amalga oshirish huquqi uchun namunali (oddiy) litsenziyalar beriladi.

Litsenziya talabgorining arizasiga koʻra litsenziya umuman faoliyat turiga yoki uning bir qismiga beriladi.

7. Audiovizual asarlarni tayyorlash, dublyaj qilish va ekranda namoyish etish boʻyicha faoliyat turlarini amalga oshirish huquqi uchun litsenziya 5 yil muddatga beriladi. Litsenziyaning amal qilish muddati litsenziya berilgan kundan eʼtiboran hisoblanadi.

8. Audiovizual asarning shaxsiy maqsadlarda oilaviy koʻrish uchun ekranda namoyish qilinishi bilan bogʻliq faoliyat litsenziyalanmaydi.

9. Litsenziya talabgorining ixtiyorida litsenziyalangan faoliyatni amalga oshirish uchun foydalaniladigan filiallar mavjud boʻlganda, litsenziya bilan bir paytda koʻrsatilgan filiallar soniga qarab, har birining joylashgan manzili koʻrsatilgan holda, ular tegishli litsenziya talablari va shartlariga amal qilish sharti bilan, litsenziyalovchi organ tomonidan tasdiqlangan litsenziya nusxalari beriladi.

10. Audiovizual asarlarni tayyorlash, dublyaj qilish va ekranda namoyish etish boʻyicha faoliyat turlarini amalga oshirish boʻyicha litsenziya talablari va shartlariga quyidagilar kiradi:

litsenziatning mualliflik huquqi va turdosh huquqlar toʻgʻrisidagi qonun hujjatlariga majburiy rioya qilinishi;

zoʻravonlikni, pornografiyani targʻib qilishi, mamlakatda xavfsizlik va ijtimoiy-siyosiy barqarorlik, fuqarolar tinchligi, millatlararo va dinlararo totuvlikni buzishi, Oʻzbekiston haqida notoʻgʻri axborot tarqatishi hamda uning tarixiy, madaniy va maʼnaviy qadriyatlarini buzib koʻrsatishi mumkin boʻlgan audiovizual asarlarni tayyorlash, dublyaj qilish va ekranda namoyish etishga yoʻl qoʻymaslik boʻyicha litsenziatning majburiyatlari;

audiovizual asarlardan foydalanganda haq toʻlash toʻgʻrisidagi qonun hujjatlari talablariga majburiy rioya qilinishi;

tayyorlanadigan, dublyaj qilinadigan va ekranda namoyish etiladigan audiovizual asarlarning texnik sifatiga qoʻyiladigan texnik tartibga solish sohasidagi qonun hujjatlariga majburiy rioya qilinishi;

audiovizual asarlarni tayyorlash, dublyaj qilish va ekranda namoyish etish boʻyicha faoliyat litsenziat tomonidan yongʻin xavfsizligi va sanitariya normalari talablariga javob beradigan binolarda amalga oshirilishi;

litsenziatda mulkiy huquq asosida yoki boshqa qonuniy asosda faoliyat turini amalga oshirish uchun zarur boʻlgan ishlab chiqarish binolari va tegishli ishlab chiqarish asbob-uskunalarining mavjudligi;

litsenziat yoxud buyurtmachining audiovizual asarlarni tayyorlash, dublyaj qilish va ekranda namoyish etish huquqlarini tasdiqlaydigan hujjatlarning (audiovizual asarlarni tayyorlash, dublyaj qilish va ekranda namoyish etish uchun mualliflar yoki huquq egalari bilan tuzilgan shartnomalarning) mavjudligi;

audiovizual asarlarni tayyorlash, dublyaj qilish va ekranda namoyish etish uchun zarur boʻlgan tegishli moddiy-texnika baza, asbob-uskunalar va boshqa texnik vositalarning mavjudligi;

litsenziat tomonidan audiovizual asarlarni tayyorlash, dublyaj qilish va ekranda namoyish etish boʻyicha ishlab chiqarish faoliyati tegishli standartlar talablariga muvofiq keladigan asbob-uskunalar va boshqa texnik vositalardan foydalangan holda amalga oshirilishi;

litsenziat tomonidan ekranda namoyish etiladigan audiovizual asarlarning hisobi olib borilishi.

11. Litsenziya bitimida mazkur Nizomning 10-bandidan kelib chiqadigan aniq litsenziya talablari va shartlari nazarda tutilishi mumkin.

12. Litsenziya talabgori litsenziya olish uchun ishchi organga quyidagi hujjatlarni taqdim etadi:

a) litsenziya berish haqida quyidagi maʼlumotlar koʻrsatilgan ariza:

yuridik shaxsning nomi va tashkiliy-huquqiy shakli, uning joylashgan joyi (pochta manzili), bank nomi va bankdagi hisob raqami;

litsenziyalanadigan faoliyat turi (yoxud uning bir qismi);

b) yuridik shaxs davlat roʻyxatidan oʻtganligi haqidagi guvohnoma nusxasi;

v) litsenziyalanadigan faoliyat turi amalga oshiriladigan binolar va xonalarga litsenziatning huquqlarini yoki boshqa biron mulkiy huquqlarni tasdiqlaydigan hujjat;

g) mavjud binolar va xonalarning yongʻin xavfsizligi talablari va sanitariya normalariga mos kelishi haqida yongʻin va sanitariya-epidemiologiya nazorati organlari xulosalarining nusxalari;

d) Oʻzbekiston Respublikasi Intellektual mulk agentligining audiovizual asarlarni ekranda namoyish etish uchun tuzilgan shartnomalarning mualliflik huquqi va turdosh huquqlar toʻgʻrisidagi qonun hujjatlariga muvofiqligi haqidagi xulosasi;

e) litsenziyalanadigan faoliyat turini amalga oshirish uchun zarur boʻlgan moddiy-texnika baza, asbob-uskunalar va boshqa texnik vositalarning mavjudligi haqidagi maʼlumot.

13. Litsenziya talabgoridan mazkur Nizomda nazarda tutilmagan hujjatlarning taqdim etilishini talab qilishga yoʻl qoʻyilmaydi.

14. Hujjatlar litsenziya talabgori tomonidan ishchi organga bevosita yoxud ular olinganligi haqidagi bildirishnoma bilan pochta aloqasi vositalari orqali taqdim etiladi.

Hujjatlar ishchi organ tomonidan roʻyxat boʻyicha qabul qilinadi, roʻyxatning nusxasi hujjatlar qabul qilingan sana haqida belgi qoʻyilgan holda ariza beruvchiga yuboriladi (topshiriladi).

Litsenziya talabgori notoʻgʻri yoki buzib koʻrsatilgan maʼlumotlar taqdim etganligi uchun qonun hujjatlariga muvofiq javob beradi.

15. Litsenziya talabgorining arizasi koʻrib chiqilganligi uchun qonun hujjatlarida toʻlov kunida belgilangan eng kam oylik ish haqining toʻrt baravari miqdorida yigʻim undiriladi.

Ariza koʻrib chiqilganligi uchun yigʻim summasi ishchi organ hisob raqamiga oʻtkaziladi.

Litsenziya talabgori berilgan arizadan voz kechgan taqdirda toʻlangan yigʻim summasi qaytarilmaydi.

16. Audiovizual asarlarni tayyorlash, dublyaj qilish va ekranda namoyish etish boʻyicha faoliyat turlarini litsenziyalash mazkur Nizomga ilova qilinayotgan sxemaga muvofiq amalga oshiriladi.

Litsenziya talabgoriga litsenziya berish yoki litsenziya berishni rad etish haqidagi qaror litsenziya talabgorining arizasi kelib tushgan kundan eʼtiboran 30 kundan oshmagan muddatda qabul qilinadi.

Ishchi organ ariza olingan kundan eʼtiboran 15 kundan oshmagan muddatda hujjatlarni koʻrib chiqadi, Kengash majlisida koʻrib chiqish uchun hujjatlar boʻyicha ekspert xulosani tayyorlaydi.

Kengash ishchi organdan taklif olingandan keyin oʻn kundan oshmagan muddatda taklifni koʻrib chiqadi va litsenziya talabgoriga litsenziya berish yoki litsenziya berishni rad etish haqidagi oʻz taklifini Vazirlar Mahkamasiga taqdim etadi. Vazirlar Mahkamasining Taʼlim, sogʻliqni saqlash va ijtimoiy muhofaza masalalari axborot-tahlil departamenti tomonidan Kengash raisi (yoki rais oʻrinbosari) imzolaydigan majlis bayonnomasi rasmiylashtiriladi. Zarur hollarda Kengash qarori soʻrov yoʻli bilan qabul qilinishi mumkin.

Vazirlar Mahkamasi Kengash taklifini olganidan soʻng 5 kundan oshmagan muddatda uni koʻrib chiqadi va litsenziya berish yoki litsenziya berishni rad etish haqida qaror qabul qiladi.

17. Ishchi organ tegishli qaror qabul qilinganidan keyin uch kun mobaynida litsenziya talabgorini qabul qilingan qaror haqida xabardor qiladi.

Litsenziya berilganligi haqida qabul qilingan qaror toʻgʻrisidagi xabarnoma litsenziya talabgoriga yozma ravishda bank hisob raqamining rekvizitlari va davlat bojini toʻlash muddati koʻrsatilgan holda yuboriladi (topshiriladi).

Litsenziya bitimi ishchi organ va litsenziat oʻrtasida tuziladi va quyidagi maʼlumotlarni oʻz ichiga olishi kerak:

bitimni imzolagan shaxslarning familiyasi, ismi, otasining ismi, lavozimi;

tomonlarning rekvizitlari;

litsenziya berilayotgan aniq faoliyat turining nomi;

litsenziyaning amal qilish muddati;

litsenziatga qoʻyiladigan litsenziya talablari va shartlari;

litsenziya bitimining talablari va shartlari buzilgani uchun tomonlarning majburiyatlari;

litsenziat tomonidan litsenziya bitimining talablari va shartlari bajarilishi ustidan ishchi organ tomonidan olib boriladigan nazorat tartibi.

Litsenziya bitimi ikki nusxada — litsenziat va ishchi organ uchun bir nusxadan tuziladi.

18. Litsenziyalar Ishchi organ tomonidan belgilangan shakldagi blankalarda rasmiylashtiriladi. Litsenziyalar blankalari qatʼiy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega boʻladi. Litsenziyalar blankalarining namunalari ishchi organ tomonidan Vazirlar Mahkamasi bilan kelishilgan holda ishlab chiqiladi. Litsenziyalar blankalari ishchi organ buyurtmasi boʻyicha “Davlat belgisi” davlat ishlab chiqarish birlashmasi tomonidan bosmaxona usulida tayyorlanadi. Ishchi organ rahbari litsenziya blankalari hisobga olinishi, saqlanishi va ulardan maqsadli foydalanilishi uchun shaxsan javob beradi.

Ishchi organ tomonidan litsenziyalarni rasmiylashtirish va berish muddatlariga rioya qilinishi, shuningdek berilgan litsenziyalarning hisobini yuritish ustidan nazorat qilish Oʻzbekiston Respublikasi Vazirlar Mahkamasining Taʼlim, sogʻliqni saqlash va ijtimoiy muhofaza masalalari axborot-tahlil departamenti tomonidan amalga oshiriladi.

Litsenziyalar Oʻzbekiston Respublikasi Bosh vazirining oʻrinbosari — Vazirlar Mahkamasining Madaniyat, sogʻliqni saqlash va ijtimoiy muhofaza masalalari kompleksi rahbari tomonidan imzolanadi.

19. Litsenziya litsenziya talabgori tomonidan davlat boji toʻlanganligini tasdiqlovchi hujjat topshirilgandan va litsenziya bitimi imzolangandan keyin uch kun muddatda beriladi.

20. Agar litsenziat litsenziya berish haqidagi qaror qabul qilinganligi toʻgʻrisidagi xabarnoma yuborilgan (topshirilgan) paytdan eʼtiboran uch oy muddat davomida ishchi organga davlat boji toʻlanganini tasdiqlaydigan hujjatni topshirmagan boʻlsa yoki litsenziya bitimini imzolamagan boʻlsa, Vazirlar Mahkamasi litsenziyani bekor qilish haqida qaror qabul qilish huquqiga ega.

21. Litsenziya berish “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunining 17-bandida nazarda tutilgan asoslar boʻyicha ham rad etilishi mumkin.

Litsenziya talabgori litsenziya berishni rad etish haqidagi qaror, shuningdek ishchi organ yoki litsenziyalovchi organining harakati (harakatsizligi) yuzasidan qonun hujjatlarida belgilangan tartibda shikoyat qilishi mumkin.

22. Litsenziya berishni rad etish toʻgʻrisida qaror qabul qilingan taqdirda rad etish toʻgʻrisidagi bildirishnoma litsenziya talabgoriga rad etishning aniq sabablari va litsenziya talabgori koʻrsatib oʻtilgan sabablarni bartaraf etib hujjatlarni takroran koʻrib chiqishga taqdim etish uchun yetarli boʻlgan muddat koʻrsatilgan holda yozma shaklda yuboriladi (topshiriladi). Litsenziya berishni rad etish haqidagi xabarnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi kerak.

23. Litsenziya berishni rad etish uchun asos boʻlgan sabablar litsenziya talabgori tomonidan bartaraf etilgan taqdirda hujjatlarni takroran koʻrib chiqish barcha zarur hujjatlar bilan litsenziya talabgorining arizasi qabul qilingan kundan eʼtiboran oʻn kundan oshmagan muddatda amalga oshiriladi.

Bunda ishchi organ hujjatlar qayta topshirilgandan keyin uch kun muddatda Kengash majlisida koʻrib chiqish uchun ushbu hujjatlar boʻyicha ekspert xulosasini tayyorlaydi.

Kengash ekspert xulosani olgandan keyin toʻrt kun muddatda uni koʻrib chiqadi va Vazirlar Mahkamasiga Kengashning tegishli bayonnomasi bilan litsenziya talabgoriga litsenziya berish yoki litsenziya berishni rad etish haqidagi taklifni taqdim etadi.

Vazirlar Mahkamasi Kengash taklifini olgandan keyin uch kundan oshmagan muddatda uni koʻrib chiqadi va litsenziya berish yoki litsenziya berishni rad etish haqida qaror qabul qiladi.

Litsenziya talabgorlarining arizalari qayta koʻrib chiqilgani uchun toʻlov undirilmaydi.

Litsenziya berishni rad etish haqidagi xabarnomada koʻrsatilgan muddat oʻtganidan keyin topshirilgan ariza yangidan berilgan ariza deb hisoblanadi.

24. Litsenziat qayta tashkil etilgan, nomi yoki joyi (pochta manzili) oʻzgargan hollarda litsenziat yoki uning huquqiy vorisi qayta roʻyxatdan oʻtganidan keyin bir oy muddatda ishchi organga koʻrsatilgan maʼlumotlarni tasdiqlaydigan hujjatlarni ilova qilgan holda litsenziyani qayta rasmiylashtirish haqida ariza topshirishi shart.

25. Litsenziya qayta rasmiylashtirilgunga qadar litsenziat litsenziyada koʻrsatilgan faoliyatni avval berilgan litsenziya asosida amalga oshiradi.

26. Litsenziyani qayta rasmiylashtirishda ishchi organ litsenziyalar reyestriga tegishli oʻzgartishlar kiritadi. Litsenziyani qayta rasmiylashtirish tegishli hujjatlarni ilova qilgan holda litsenziyani qayta rasmiylashtirish haqida ariza ishchi organga tushgan kundan eʼtiboran besh kun mobaynida amalga oshiriladi.

Litsenziyani qayta rasmiylashtirishda litsenziya talabgorining litsenziya berish haqidagi arizasini koʻrib chiqish uchun toʻlanadigan summaning yarmiga teng miqdorda yigʻim undiriladi. Yigʻim summasi ishchi organ hisob raqamiga oʻtkaziladi.

27. Litsenziyaning amal qilish muddatini uzaytirish litsenziatning arizasi boʻyicha amalga oshiriladi.

Litsenziyaning amal qilish muddatini uzaytirish haqidagi ariza Ishchi organga litsenziyaning amal qilish muddati tugashidan ikki oydan kechikmasdan topshirilishi lozim.

Litsenziyaning amal qilish muddatini uzaytirish yoki amal qilish muddatini uzaytirishni rad etish haqidagi qaror litsenziya berish uchun nazarda tutilgan tartibda qabul qilinadi.

28. Litsenziatning arizasiga koʻra amal qilish muddati tugamasdan yoʻqotilgan yoki yaroqsiz holga kelgan litsenziya oʻrniga uning dublikati berilishi mumkin.

Litsenziyaning dublikatini berishda litsenziya talabgorining litsenziya berish haqidagi arizasini koʻrib chiqish uchun toʻlanadigan summaning yarmiga teng miqdorda yigʻim undiriladi. Yigʻim summasi ishchi organning hisob raqamiga oʻtkaziladi.

29. Litsenziat tomonidan litsenziya talablari va shartlariga rioya qilinishi ustidan nazorat ishchi organ tomonidan belgilangan tartibda amalga oshiriladi.

30. Litsenziya talablari va shartlariga rioya qilish ustidan nazoratni amalga oshirishda ishchi organ oʻz vakolatlari doirasida quyidagi huquqlarga ega:

litsenziat tomonidan litsenziya talablari va shartlariga rioya qilinishi ustidan belgilangan tartibda rejali tekshirishlar olib borish;

litsenziya talablari va shartlari litsenziat tomonidan buzilganligidan dalolat beruvchi hollar mavjud boʻlgan taqdirda litsenziatning ularga rioya etishini belgilangan tartibda rejadan tashqari tekshirish;

litsenziya talablari va shartlariga rioya etilishini tekshirish chogʻida paydo boʻladigan masalalar yuzasidan litsenziatdan zarur axborotni soʻrash va olish;

tekshirishlar natijalari asosida, litsenziat tomonidan litsenziya talablari va shartlarining aniq buzilishlarini koʻrsatgan holda dalolatnomalar (maʼlumotnomalar) tuzish;

litsenziatning zimmasiga aniqlangan kamchiliklarni bartaraf etish majburiyatini yuklaydigan qarorlar qabul qilish, bunday kamchiliklarni bartaraf etish muddatlarini belgilash;

litsenziyalovchi organ koʻrib chiqishi uchun litsenziyaning amal qilishini toʻxtatib turish va toʻxtatish yoxud uni bekor qilish toʻgʻrisida taklif kiritish;

xoʻjalik yurituvchi subyektlar tomonidan faoliyatni litsenziyasiz amalga oshirish hollari aniqlangan taqdirda materiallarni qonun hujjatlarida nazarda tutilgan choralarni koʻrish uchun belgilangan tartibda soliq organlariga yuborish.

31. Litsenziya talablari va shartlariga rioya etilishini tekshirishda ishchi organ xodimlari tomonidan ikki nusxada dalolatnoma (maʼlumotnoma) tuziladi, ularning bittasi litsenziatga beriladi, ikkinchi nusxasi ishchi organda qoladi.

Kengash yoki ishchi organ qaroriga koʻra litsenziya talablari va shartlariga rioya etilishi yuzasidan tekshirishlar oʻtkazish uchun tegishli tashkilotlar mutaxassislari jalb qilinishi mumkin.

32. Litsenziyaning amal qilishini toʻxtatib turish, toʻxtatish, litsenziyani bekor qilish “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunining 22 — 24-moddalarida nazarda tutilgan hollarda va tartibda litsenziyalovchi organ qaroriga koʻra amalga oshiriladi.

33. Litsenziyalovchi organning litsenziyaning amal qilishini toʻxtatib turish, toʻxtatish va litsenziyani bekor qilish toʻgʻrisidagi qarori yuzasidan sudga shikoyat qilish mumkin. Litsenziyalovchi organ qarori asossiz ekanligi sud tomonidan eʼtirof etilgan taqdirda litsenziyalovchi organ litsenziat oldida qonun hujjatlariga muvofiq javob beradi.

34. Ishchi organ litsenziyalar reyestrini yuritadi.

Litsenziyalar reyestrida quyidagi maʼlumotlar koʻrsatilishi kerak:

yuridik shaxsning nomi, uning tashkiliy-huquqiy shakli, pochta manzili, telefon raqami;

litsenziyalanadigan faoliyat turining nomi;

litsenziyalanadigan faoliyat amalga oshiriladigan joy manzili;

litsenziyaning umuman faoliyat turiga yoki uning bir qismiga berilganligi toʻgʻrisidagi maʼlumotlar;

litsenziyaning berilgan sanasi va tartib raqami;

litsenziyaning amal qilish muddati;

litsenziyani qayta rasmiylashtirish, uning amal qilishini toʻxtatib turish va tiklashning asoslari va sanasi;

litsenziyaning amal qilishini toʻxtatish asoslari va sanasi;

litsenziyani bekor qilishning asoslari va sanasi;

dublikat berish asoslari va sanasi.

35. Litsenziyalar reyestrlarida mavjud boʻlgan maʼlumotlar ishchi organning veb-saytida joylashtiriladi va tanishish uchun ochiq boʻladi.

36. Audiovizual asarlarni tayyorlash, dublyaj qilish va ekranda namoyish etish boʻyicha faoliyat turlarini amalga oshirish huquqi uchun litsenziya berilganligi uchun toʻlov kunida qonun hujjatlarida belgilangan eng kam oylik ish haqining oʻn baravari miqdorida davlat boji undiriladi.

Litsenziya talabgorining arizasiga koʻra litsenziya besh yildan kam muddatga berilgan va besh yildan kam muddatga muddati uzaytirilgan taqdirda davlat boji miqdori litsenziyaning amal qilish muddatiga mutanosib ravishda kamayadi.

Davlat boji respublika budjeti daromadiga oʻtkaziladi.

1. Vazirlar Mahkamasining 1998-yil 31-martdagi 137-son qarori bilan tasdiqlangan Oʻzbekiston Respublikasining vakolatli organlari tomonidan beriladigan ruxsatnomalar boʻyicha eksport va import qilinadigan maxsus tovarlar (ishlar, xizmatlar) roʻyxatida:

a) 2-band quyidagi tahrirda bayon qilinsin:

b) 8-banddagi “kino-, videomahsulotlar” soʻzlari “audiovizual asarlar” soʻzlari bilan almashtirilsin.

2. Vazirlar Mahkamasining 1999-yil 23-martdagi 131-son qarori bilan tasdiqlangan Madaniy boyliklarning olib chiqilishi va olib kirilishi tartibi toʻgʻrisidagi nizomda (Oʻzbekiston Respublikasi QT, 1999-y., 3-son, 15-modda):

a) 2-bandning oʻn yettinchi xatboshi quyidagi tahrirda bayon qilinsin:

“audiovizual asarlar, fonogrammalar va fotomateriallar”;

b) 23-bandga quyidagi mazmundagi oʻn birinchi xatboshi qoʻshilsin:

“audiovizual asarlar va fonogrammalar”.

3. Vazirlar Mahkamasining “Gastrol-konsert faoliyati sohasida soliq solishni va audio-video tashuvchilarni tarqatishni takomillashtirish boʻyicha chora-tadbirlar toʻgʻrisida” 2001-yil 29-iyundagi 285-son qarorining (Oʻzbekiston Respublikasi QT, 2001-y., 6-son, 36-modda) 7-bandidan “shuningdek gramplastinkalar, audio va videokassetalar, lazer disklarini ishlab chiqish, ishlab chiqarish, koʻpaytirish va sotish boʻyicha faoliyatning” soʻzlari chiqarib tashlansin.

4. Vazirlar Mahkamasining 2002-yil 28-iyundagi 236-son qarori bilan tasdiqlangan Faoliyatning ayrim turlarini litsenziyalovchi organlar roʻyxatida (Oʻzbekiston Respublikasi QT, 2002-y., 6-son, 36-modda):

a) “Oʻzbekiston Respublikasi Vazirlar Mahkamasi” boʻlimining yigirma oltinchi — yigirma sakkizinchi xatboshilari quyidagi mazmundagi yigirma oltinchi — yigirma toʻqqizinchi xatboshilar bilan bayon qilinsin:

“Audiovizual asarlarni tayyorlash, dublyaj qilish va ekranda namoyish etish.

Audiovizual asarlarni, fonogrammalar va EHM uchun yaratilgan dasturlarni takrorlash, sotish, prokatga berish.

Fonogrammalarni tayyorlash.

Audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarish”;

yigirma toʻqqizinchi — oʻttiz birinchi xatboshilar tegishli ravishda oʻttizinchi — oʻttiz ikkinchi xatboshilar deb hisoblansin;

b) “Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari” boʻlimining birinchi xatboshi chiqarib tashlansin.

5. Vazirlar Mahkamasining 2003-yil 13-fevraldagi 75-son qarori bilan tasdiqlangan Oʻzbekiston Respublikasida chakana savdo qoidalarining 189-bandida (Oʻzbekiston Respublikasi QT, 2003-y., 2-son, 15-modda):

a) oʻn uchinchi xatboshi quyidagi tahrirda bayon qilinsin:

“audiovizual asarlarni sotish”;

b) quyidagi mazmundagi oʻn yettinchi xatboshi qoʻshilsin:

“audiovizual asarlar, fonogrammalar va EHM uchun yaratilgan dasturlarning kontrafakt nusxalarini”;

v) oʻn yettinchi — yigirma ikkinchi xatboshilar mos ravishda oʻn sakkizinchi — yigirma uchinchi xatboshilar deb hisoblansin.

6. Vazirlar Mahkamasining 2003-yil 28-iyuldagi 330-son qarori bilan tasdiqlangan Oʻzbekiston Respublikasi bozorlarida savdo faoliyatini tashkil etish qoidalariga ilovaning uchinchi xat boshi (Oʻzbekiston Respublikasi QT, 2003-y., 7-son, 68-modda) quyidagi tahrirda bayon qilinsin:

“audiovizual asarlar, fonogrammalar, EHM uchun dasturlar va ularning moddiy jismlari, kompyuter va maishiy texnika (bozor hududida joylashgan turgʻun savdo shoxobchasi bundan mustasno)”.

7. Vazirlar Mahkamasining “Oʻzbekiston Respublikasida va uning hududidan tashqarida gastrol-konsert faoliyatini, shuningdek toʻy, yubiley va boshqa tantanalarda konsert xizmati koʻrsatishni, gramplastinkalar, audio-kassetalar va lazerli disklarni ishlab chiqish, ishlab chiqarish, yozish, koʻpaytirish va sotish faoliyatini litsenziyalash toʻgʻrisidagi Nizomlarni tasdiqlash haqida” 2003-yil 11-noyabrdagi 498-son qarorida (Oʻzbekiston Respublikasi QT, 2003-y., 11-son, 114-modda):

a) qaror nomidan “gramplastinkalar, audio-kassetalar va lazerli disklarni ishlab chiqish, ishlab chiqarish, yozish, koʻpaytirish va sotish faoliyatini” soʻzlari chiqarib tashlansin;

b) 1-bandning uchinchi xatboshi va qarorga 2-ilova oʻz kuchini yoʻqotgan deb hisoblansin.

8. Vazirlar Mahkamasining “Adabiyot va sanʼat asarlaridan foydalanganlikning baʼzi turlari uchun mualliflik haqining minimal stavkalari toʻgʻrisida” 2008-yil 19-yanvardagi 10-son qarorida (Oʻzbekiston Respublikasi QT, 2008-y., 1-son, 2-modda):

a) 1-bandning uchinchi xatboshida “ovozli yozuvda” va “ovozli yozuvlar” soʻzlari tegishli ravishda “fonogrammada” va “fonogrammalar” soʻzlari bilan almashtirilsin;

b) 2-ilovada:

ilovaning va boʻlimlarning nomida “ovozli yozuvda” va “ovozli yozuvlar” soʻzlari tegishli ravishda “fonogramma” va “fonogrammalar” soʻzlari bilan almashtirilsin;

matnda “ovozli yozuv”, “ovozli (mexanik) yozuv” va “ovoz yozuvlar”, “ovozli yozuvlarning” soʻzlari tegishli ravishda “fonogramma”, “fonogrammalar” va “fonogrammalarning” soʻzlari bilan almashtirilsin.

9. Vazirlar Mahkamasining “Xususiy tadbirkorlar yuridik shaxs tashkil etmasdan shugʻullanishi mumkin boʻlgan faoliyat turlari roʻyxatini tasdiqlash toʻgʻrisida” 2011-yil 7-yanvardagi 6-son qaroriga (Oʻzbekiston Respublikasi QT, 2011-y., 1-son, 3-modda) 1-ilovada “Faoliyat turining nomi” ustunining 3-bandidagi “kino- va videomahsulotlarini” soʻzlari “audiovizual asarlar, fonogrammalar va EHM uchun yaratilgan dasturlarni” soʻzlari bilan almashtirilsin.

10. Vazirlar Mahkamasining 2011-yil 8-iyundagi 166-son qarori bilan tasdiqlangan Oʻzbekiston Respublikasi Intellektual mulk agentligi toʻgʻrisidagi nizomning 8-bandiga (Oʻzbekiston Respublikasi QT, 2011-y., 1-son, 47-modda) quyidagi mazmundagi xatboshilar qoʻshilsin:

“tuzilgan shartnomalarning mualliflik huquqi va turdosh huquqlar toʻgʻrisidagi qonun hujjatlariga muvofiqligi toʻgʻrisida xulosa beradi;

audiovizual asarlar, fonogrammalar va EHM uchun yaratilgan dasturlarni takrorlash, sotish, prokatga berish, fonogrammalarni tayyorlash, shuningdek audiovizual asarlar, fonogrammalar va EHM uchun yaratilgan dasturlar uchun moddiy jismlarni ishlab chiqarish sohasida litsenziatlar tomonidan litsenziya talablari va shartlariga rioya qilinishi ustidan nazoratni amalga oshiradi”.

1. Vazirlar Mahkamasining “Kino-videomahsulotni ishlab chiqarish, koʻpaytirish, dublyaj qilish, sotish va ularning prokati boʻyicha faoliyat turlarini litsenziyalash toʻgʻrisidagi nizomni tasdiqlash toʻgʻrisida” 2004-yil 22-martdagi 135-son qarori (Oʻzbekiston Respublikasi QT, 2004-y., 3-son, 31-modda).

2. Vazirlar Mahkamasining “Oʻzbekiston Respublikasi Hukumatining ayrim qarorlari oʻz kuchini yoʻqotgan deb hisoblash hamda baʼzilariga oʻzgartishlar kiritish toʻgʻrisida” 2005-yil 22-fevraldagi 73-son qaroriga (Oʻzbekiston Respublikasi QT, 2005-y., 2-son, 13-modda) 2-ilovaning 28-bandi.

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2005-yil 6-iyuldagi 156-son qaroriga (Oʻzbekiston Respublikasi QT, 2005-y., 6-7-son, 35-modda) ilovaning 23-bandi.

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Tadbirkorlik faoliyati yuritish uchun ruxsatnoma turlarini qisqartirish va ularni berish tartib-qoidalarini soddalashtirish toʻgʻrisida” 2005-yil 21-sentabrdagi PQ-186-son qarori)” 2006-yil 22-maydagi 92-son qaroriga (Oʻzbekiston Respublikasi QT, 2006-y., 5-son, 34-modda) ilova 31-bandining “b” kichik bandi va 47-bandi.

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (“Tadbirkorlik subyektlarini huquqiy himoya qilish tizimi takomillashtirilganligi hamda ularning moliyaviy javobgarligi erkinlashtirilganligi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida” Oʻzbekiston Respublikasining 2006-yil 10-oktabrdagi OʻRQ-59-son Qonuni)” 2006-yil 10-noyabrdagi 235-son qaroriga (Oʻzbekiston Respublikasi QT, 2006-y., 11-son, 86-modda) 1-ilova 52-bandining “b” kichik bandi.

6. Vazirlar Mahkamasining “Isteʼmol tovarlari (xizmatlar)ning ayrim turlarini ishlab chiqarish va sotishni tartibga solish toʻgʻrisida” 2009-yil 9-iyuldagi 190-son qarori (Oʻzbekiston Respublikasi QT, 2009-y., 7-son, 55-modda).

7. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish hamda baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasiga oʻzgartirishlar kiritish toʻgʻrisida” 2009-yil 27-oktabrdagi PQ-1211-son qarori)” 2009-yil 10-noyabrdagi 293-son qaroriga (Oʻzbekiston Respublikasi QT, 2009-y., 11-son, 72-modda) 1-ilovaning 3-bandi.

8. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartish va qoʻshimchalar kiritish toʻgʻrisida (Oʻzbekiston Respublikasining “Oʻzbekiston Respublikasining “Ayrim faoliyat turlarini litsenziyalash toʻgʻrisida”gi Qonuniga oʻzgartish va qoʻshimchalar kiritish haqida” 2011-yil 7-sentabrdagi OʻRQ-292-son Qonuni)” 2012-yil 1-fevraldagi 26-son qaroriga 1-ilova 16-bandining “b” kichik bandi va 28-bandi.