1-modda. Oʻzbekiston Respublikasining 2007-yil 25-dekabrda qabul qilingan OʻRQ-136-sonli Qonuni bilan tasdiqlangan Oʻzbekiston Respublikasining Soliq kodeksiga (Oʻzbekiston Respublikasi Oliy Majlisi palatalarining Axborotnomasi, 2007-yil, 12-songa 1-ilova; 2008-yil, № 12, 639-modda; 2009-yil, № 9, 330, 331-moddalar) quyidagi oʻzgartish va qoʻshimchalar kiritilsin:

1) 3-moddaning oltinchi qismi quyidagi tahrirda bayon etilsin:

“Soliqlar va boshqa majburiy toʻlovlarning stavkalari oʻzgartirilishini nazarda tutuvchi soliq toʻgʻrisidagi qonun hujjatlari, agar ularda kechroq muddat koʻrsatilmagan boʻlsa, ular rasmiy eʼlon qilingan oydan keyingi oyning birinchi kunidan eʼtiboran amalga kiritiladi”;

2) 16-moddaning birinchi qismi:

uchinchi xatboshisi quyidagi tahrirda bayon etilsin:

“chet davlatning qonun hujjatlariga muvofiq tashkil etilgan chet el tashkiloti”;

quyidagi mazmundagi toʻrtinchi xatboshi bilan toʻldirilsin:

“Oʻzbekiston Respublikasining, chet davlatning qonun hujjatlariga yoki xalqaro shartnomaga muvofiq tashkil etilgan xalqaro tashkilot”;

3) 20-moddaning:

birinchi qismi quyidagi mazmundagi jumla bilan toʻldirilsin:

“Norezidentning Oʻzbekiston Respublikasidagi doimiy muassasasi deganda Oʻzbekiston Respublikasi hududida har qanday ketma-ketlikdagi oʻn ikki oylik davr ichida bir yuz sakson uch kalendar kunidan ortiq davom etadigan tadbirkorlik faoliyatining amalga oshirilishi ham eʼtirof etiladi”;

beshinchi qismi 2-bandining oʻzbekcha matnidagi “ishonchli shaxs” degan soʻzlar “ishonchli vakil” degan soʻzlar bilan almashtirilsin;

4) 21-moddaning beshinchi xatboshisidagi “uzoq muddatli” degan soʻzlar “moliyaviy” degan soʻz bilan almashtirilsin;

5) 22-moddaning:

uchinchi xatboshisi quyidagi tahrirda bayon etilsin:

“asosiy faoliyat turi — yuridik shaxsning hisobot davri yakunlari boʻyicha umumiy realizatsiya qilish hajmidagi tushum ulushi ustunlik qiladigan faoliyati”;

beshinchi xatboshisi quyidagi tahrirda bayon etilsin:

“budjetdan ajratiladigan subsidiya — davlat tomonidan muayyan maqsadlar uchun budjet hisobidan beriladigan pul mablagʻlari; soliq toʻlovchiga muayyan maqsadlarga yoʻnaltirish sharti bilan soliqlar va boshqa majburiy toʻlovlar boʻyicha berilgan imtiyozlar hisobiga boʻshaydigan mablagʻlar”;

yettinchi xatboshisi “taqsimlanmagan foyda ustav fondini (ustav kapitalini) koʻpaytirish uchun yoʻnaltirilgan taqdirda, yuridik shaxs aksiyadorining, muassisining (ishtirokchisining, aʼzosining) qoʻshimcha aksiyalar qiymati, aksiyalar nominal qiymatining oshishi, ulush (pay, hissa) qiymatining oshishi tarzida olingan daromadlari” degan soʻzlar bilan toʻldirilsin;

oʻn toʻrtinchi xatboshisi quyidagi tahrirda bayon etilsin:

“mol-mulk — egalik qilish, foydalanish, tasarruf etish obyektlari boʻla oladigan moddiy obyektlar, shu jumladan pul mablagʻlari, qimmatli qogʻozlar, ulushlar (paylar, hissalar) hamda nomoddiy obyektlar”;

yigirmanchi xatboshisidagi “savdo markasiga” degan soʻzlar “tovar belgisiga (xizmat koʻrsatish belgisiga), savdo markasiga” degan soʻzlar bilan almashtirilsin;

6) 30-moddaning ikkinchi qismi quyidagi tahrirda bayon etilsin:

“Mol-mulk soligʻi, yer soligʻi, yagona yer soligʻi hamda obodonlashtirish va ijtimoiy infratuzilmani rivojlantirish soligʻi boʻyicha imtiyozlarni berish Oʻzbekiston Respublikasi Vazirlar Mahkamasi tomonidan belgilangan tartibda mahalliy davlat hokimiyati organlari tomonidan amalga oshirilishi mumkin”;

7) 40-modda quyidagi mazmundagi ikkinchi va uchinchi qismlar bilan toʻldirilsin:

“Agar oʻzaro aloqador yuridik shaxslar oʻz tijorat va moliyaviy munosabatlarida oʻzaro aloqador boʻlmagan yuridik shaxslar oʻrtasida qoʻllanilishi mumkin boʻlgan narxlardan farq qiladigan narxlarni qoʻllasa, soliq solinadigan baza tovarlarni (ishlarni, xizmatlarni) realizatsiya qilish narxlari asosida hisoblab chiqariladigan soliq solish obyektini aniqlashda davlat soliq xizmati organlari oʻzaro aloqador boʻlmagan yuridik shaxslar oʻrtasida qoʻllaniladigan narxlardan foydalanadi.

Oʻzaro aloqador yuridik shaxslar quyidagilardir:

Oʻzbekiston Respublikasida roʻyxatdan oʻtkazilgan yuridik shaxslar va ularning chet davlatlar yuridik shaxslari boʻlgan muassislari (ishtirokchilari, aʼzolari);

chet davlatlarning yuridik shaxslari va ularning Oʻzbekiston Respublikasida roʻyxatdan oʻtkazilgan yuridik shaxslar boʻlgan muassislari (ishtirokchilari, aʼzolari);

muassislari (ishtirokchilari, aʼzolari) ayni bir yuridik yoki jismoniy shaxslar boʻlgan Oʻzbekiston Respublikasida roʻyxatdan oʻtkazilgan yuridik shaxslar va chet davlatlarning yuridik shaxslari”;

8) 46-moddaning:

birinchi qismi quyidagi mazmundagi jumla bilan toʻldirilsin:

“Mazkur norma davlat soliq xizmati organlari tomonidan moliya-xoʻjalik faoliyati tekshiruvi (taftishi) doirasida tekshirish oʻtkazilgan davr uchun soliqlar va boshqa majburiy toʻlovlar summasining kamayishini nazarda tutuvchi aniqlashtirilgan soliq hisoboti taqdim etiladigan hollarda qoʻllanilmaydi”;

toʻrtinchi qismidagi “soliq hisoboti taqdim etilgan kundan eʼtiboran” degan soʻzlar “aniqlashtirilgan soliq hisoboti taqdim etilgan kundan eʼtiboran” degan soʻzlar bilan almashtirilsin;

9) 52-moddaning toʻqqizinchi qismi quyidagi tahrirda bayon etilsin:

“Vafot etgan jismoniy shaxsning jismoniy shaxslardan olinadigan daromad soligʻini va qatʼiy belgilangan soliqni toʻlash boʻyicha qarzi umidsiz qarz deb eʼtirof etiladi”;

10) 56-modda toʻrtinchi qismining oʻzbekcha matnidagi “hisobga olishni amalga oshirish toʻgʻrisida davlat soliq xizmati organi tomonidan xulosa taqdim etilgan taqdirda, soliq toʻlovchining yozma arizasi asosida” degan soʻzlar “soliq toʻlovchining yozma arizasi asosida davlat soliq xizmati organi tomonidan hisobga olishni amalga oshirish toʻgʻrisida xulosa taqdim etilgan taqdirda” degan soʻzlar bilan almashtirilsin;

11) 58-moddaning toʻrtinchi qismi quyidagi tahrirda bayon etilsin:

“Ortiqcha toʻlangan boshqa majburiy toʻlovlar summalarini qaytarish ortiqcha toʻlangan summa qaysi budjetga yoki davlat maqsadli jamgʻarmasiga oʻtkazilgan boʻlsa, oʻsha budjet yoki davlat maqsadli jamgʻarmasi mablagʻlaridan soliq toʻlovchining yozma arizasi asosida, zimmasiga majburiy toʻlovlarni undirib olish majburiyati yuklatilgan organlarga tegishli ariza berilgan sanadan eʼtiboran oʻttiz ish kuni ichida amalga oshiriladi”;

12) 60-moddaning uchinchi qismidagi “topshirilganligi toʻgʻrisidagi kvitansiyada” degan soʻzlar “pochta joʻnatmasi topshirilganligi toʻgʻrisidagi bildirish blankasida” degan soʻzlar bilan almashtirilsin;

13) 62-modda:

uchinchi qismi quyidagi tahrirda bayon etilsin:

“Soliq qarzini majburiy undirish choralari jismoniy shaxslarga nisbatan faqat sud tartibida qoʻllaniladi va ularga ushbu Kodeks 63 — 65-moddalarining qoidalari tatbiq etilmaydi, bundan yakka tartibdagi tadbirkorlar mustasno”;

quyidagi mazmundagi toʻrtinchi qism bilan toʻldirilsin:

“Yakka tartibdagi tadbirkorlarga tadbirkorlik faoliyatiga doir qismi boʻyicha soliq qarzini majburiy undirish choralari ushbu Kodeksning 63 — 65-moddalarida nazarda tutilgan tartibda qoʻllaniladi”;

toʻrtinchi qismi beshinchi qism deb hisoblansin;

14) 64-moddaning:

toʻrtinchi qismidagi “uch kunlik muddatda” degan soʻzlar “uch ish kuni ichida” degan soʻzlar bilan almashtirilsin;

beshinchi qismi quyidagi mazmundagi jumla bilan toʻldirilsin:

“Ushbu moddaning toʻrtinchi qismida belgilangan majburiyat soliq toʻlovchining debitori tomonidan bajarilmagan taqdirda, undiruv soliq toʻlovchi taqdim etgan solishtirma dalolatnoma asosida amalga oshiriladi”;

15) 65-moddaning uchinchi qismidagi “sud qarori” degan soʻzlar “sud hujjatlari” degan soʻzlar bilan almashtirilsin;

16) 81-modda:

uchinchi qismidagi “jismoniy shaxslar uchun esa mol-mulk soligʻini ham” degan soʻzlar chiqarib tashlansin;

quyidagi mazmundagi toʻrtinchi qism bilan toʻldirilsin:

“Obyektlar boʻyicha hisobga qoʻyilishi davlat soliq xizmati organlari tomonidan mustaqil ravishda amalga oshiriladigan mol-mulk soligʻi va yer soligʻi toʻlovchi — jismoniy shaxslarga nisbatan ushbu moddaning uchinchi qismida koʻrsatilgan majburiyat tatbiq etilmaydi”;

toʻrtinchi qismi beshinchi qism deb hisoblansin;

17) 84-modda quyidagi mazmundagi oʻn birinchi qism bilan toʻldirilsin:

“Soliq toʻlovchilarning majburiyatlari yuzaga kelganligi toʻgʻrisida axborot taqdim etish tartibi ushbu moddada nazarda tutilgan organlar bilan kelishilgan holda Oʻzbekiston Respublikasi Davlat soliq qoʻmitasi tomonidan belgilanadi”;

18) 96-moddaning:

birinchi qismi quyidagi mazmundagi jumla bilan toʻldirilsin:

“Soliq toʻlovchining banklardagi hisobvaraqlari boʻyicha operatsiyalarini toʻxtatib turish quyidagi hollarda davlat soliq xizmati organlarining qarorlari asosida ham amalga oshirilishi mumkin:

soliq va (yoki) moliyaviy hisobot uni taqdim etishning belgilangan muddati tugaganidan keyin oʻn besh kun ichida soliq toʻlovchi — yuridik shaxs tomonidan taqdim etilmaganda;

soliq toʻlovchi — yuridik shaxs koʻrsatilgan manzilda boʻlmaganda”;

ikkinchi qismidagi “shuningdek soliq hisoboti taqdim etilmagan” degan soʻzlar chiqarib tashlansin;

19) 103-modda birinchi qismining uchinchi xatboshisi oʻzbekcha matnidagi “bundan voz kechishni” degan soʻzlar “buni rad etishni” degan soʻzlar bilan almashtirilsin;

20) 104-moddaning oltinchi va yettinchi qismlari quyidagi tahrirda bayon etilsin:

“Ushbu moddaning toʻrtinchi qismiga muvofiq soliq toʻlovchi sodir etilgan soliqqa oid huquqbuzarliklardagi aybini tan olganligi va jarimani ixtiyoriy ravishda toʻlash toʻgʻrisidagi yoki uni rad etganligi toʻgʻrisidagi yozma bildirishni taqdim etmagan yoxud rad etganligi toʻgʻrisida yozma bildirish taqdim etgan taqdirda, shuningdek ushbu moddaning beshinchi qismiga muvofiq berilgan muddat ichida jarima toʻlanmagan taqdirda, davlat soliq xizmati organi soliq toʻlovchiga nisbatan jarima qoʻllash toʻgʻrisidagi daʼvo arizasi bilan sudga murojaat qiladi.

Davlat soliq xizmati organlari mansabdor shaxslarining ushbu bob qoidalariga rioya etmaganligi davlat soliq xizmati organining qarori davlat soliq xizmatining yuqori turuvchi organi tomonidan bekor qilinishi yoki mazkur qarorning sud tomonidan haqiqiy emas deb topilishi uchun asos boʻlishi mumkin”;

21) 108-modda quyidagi mazmundagi toʻrtinchi qism bilan toʻldirilsin:

“Yakka tartibdagi tadbirkor tomonidan sodir etilgan soliqqa oid huquqbuzarlik uchun moliyaviy sanksiyalar yuridik shaxslar uchun nazarda tutilgan tartibda qoʻllaniladi”;

toʻrtinchi—sakkizinchi qismlari tegishincha beshinchi — toʻqqizinchi qismlar deb hisoblansin;

22) 110-modda nomining oʻzbekcha matni quyidagi tahrirda bayon etilsin:

23) 113-modda quyidagi mazmundagi ikkinchi qism bilan toʻldirilsin:

“Soliq toʻlovchining, shu jumladan Oʻzbekiston Respublikasi norezidentining davlat soliq xizmati organida obyektlar boʻyicha hisobga turishdan boʻyin tovlashi quyidagi miqdorda jarima solinishiga sabab boʻladi:

agar hisobga turish boʻyicha belgilangan muddatdan koʻpi bilan oʻttiz kun oʻtgan boʻlsa, — eng kam ish haqining ellik baravari miqdorida;

agar hisobga turish boʻyicha belgilangan muddatdan oʻttiz kundan ortiq oʻtgan boʻlsa, — eng kam ish haqining yuz baravari miqdorida”;

24) 115-moddaning birinchi xatboshisi quyidagi tahrirda bayon etilsin:

“Soliq toʻlovchi — jismoniy shaxsga yoki soliq toʻlovchining mansabdor shaxsiga nisbatan maʼmuriy jazo qoʻllanilganidan keyin bir yil ichida takroran sodir etilgan soliq hisobotini oʻz vaqtida taqdim etmaganlik yoki kameral nazorat natijalari boʻyicha aniqlangan tafovutlar asoslarini yoxud aniqlashtirilgan soliq hisobotini belgilangan muddatda taqdim etmaganlik”;

25) 117-moddaning ikkinchi xatboshisi quyidagi tahrirda bayon etilsin:

“faoliyatning ushbu turlarini litsenziyasiz yoki boshqa ruxsat beruvchi hujjatlarsiz amalga oshirish davrida olingan sof foyda miqdorida, biroq eng kam ish haqining ellik baravaridan kam boʻlmagan miqdorda jarima solishga sabab boʻladi”;

26) 118-modda birinchi qismining birinchi xatboshisi quyidagi tahrirda bayon etilsin:

“Qoʻshilgan qiymat soligʻi solinmaydigan tovarlarni (ishlarni, xizmatlarni) realizatsiya qilishda, shuningdek qoʻshilgan qiymat soligʻi toʻlovchisi boʻlmagan mahsulot yetkazib beruvchilar tomonidan tovarlarni (ishlarni, xizmatlarni) realizatsiya qilishda qoʻshilgan qiymat soligʻini hisobvaraq-fakturada aks ettirganlik”;

27) 119-modda:

nomi quyidagi tahrirda bayon etilsin:

birinchi qismining birinchi xatboshisi “Fiskal xotirali nazorat-kassa mashinalarini” degan soʻzlardan keyin “va (yoki) toʻlovlarni plastik kartochkalar asosida qabul qilish boʻyicha hisob-kitob terminallarini” degan soʻzlar bilan toʻldirilsin;

uchinchi qismining birinchi xatboshisi “shuningdek plastik kartochkalar asosida toʻlovlarni qabul qilishni rad etganlik” degan soʻzlar bilan toʻldirilsin;

28) 129-modda uchinchi qismining:

2-bandi “muassislar (ishtirokchilar) tarkibidan chiqilayotganda (chiqarilayotganda)” degan soʻzlardan keyin “yoki muassis (ishtirokchi) ulushining miqdori kamaytirilganda” degan soʻzlar bilan toʻldirilsin;

8-bandi “va insonparvarlik yordami” degan soʻzlar bilan toʻldirilsin;

9-bandi chiqarib tashlansin;

12-bandi oʻzbekcha matni quyidagi tahrirda bayon etilsin:

“12) vositachiga yoki boshqa ishonchli vakilga vositachilik, topshiriq shartnomasi yoki vositachilik xizmatlarini koʻrsatish yuzasidan boshqa shartnoma boʻyicha majburiyatlarni bajarish munosabati bilan, shuningdek komitent yoxud boshqa topshiriq beruvchi uchun vositachi yoki boshqa ishonchli vakil tomonidan qilingan xarajatlarni qoplash hisobiga kelib tushgan mol-mulk (haq toʻlovi bundan mustasno)”;

13-bandidagi “obyekt” degan soʻz “moliyaviy ijara (lizing) obyekti” degan soʻzlar bilan almashtirilsin;

15-bandidagi “ularning” degan soʻz “uning” degan soʻz bilan almashtirilsin;

29) 130-modda:

quyidagi mazmundagi toʻrtinchi — oltinchi qismlar bilan toʻldirilsin:

“Nashriyot va tahririyatlar uchun gazeta va jurnallarni realizatsiya qilishdan olingan tushum ularda reklamani joylashtirishdan olingan daromadlar kiritilgan holda aniqlanadi.

Mol-mulkni ijaraga berishdan foizlar, royalti, daromadlar olish imkonini beruvchi mol-mulkni va mulkiy huquqlarni boshqa shaxslarga foydalanishga berish, shuningdek talab qilish huquqidan boshqa shaxsning foydasiga voz kechishdan olingan daromadlar, agar ushbu xizmatlardan olingan jami daromadlar summasi tovarlarni (ishlarni, xizmatlarni) realizatsiya qilishdan olingan daromadlarning umumiy summasida ustunlik qilsa, xizmatlarni realizatsiya qilishdan olingan daromadlar deb eʼtirof etiladi.

Kredit, sugʻurta tashkilotlari, qimmatli qogʻozlar bozorining professional ishtirokchilari uchun ushbu Kodeksning tegishincha 148, 150 va 152-moddalarida koʻrsatilgan daromadlar xizmatlarni realizatsiya qilishdan olingan daromadlar deb eʼtirof etiladi”;

toʻrtinchi—sakkizinchi qismlari tegishincha yettinchi — oʻn birinchi qismlar deb hisoblansin;

30) 131-modda quyidagi mazmundagi toʻrtinchi qism bilan toʻldirilsin:

“Tovarlarni (ishlarni, xizmatlarni) realizatsiya qilishdan olinadigan daromadga ushbu moddaning birinchi qismida nazarda tutilgan hollarda tuzatish kiritish koʻrsatilgan hollar yuz bergan soliq davrida amalga oshiriladi”;

31) 132-modda:

9-bandi quyidagi tahrirda bayon etilsin:

“9) ushbu Kodeksning 138-moddasiga muvofiq ilgari chegirib tashlangan xarajatlarning yoki zararlarning oʻrnini qoplash tarzidagi daromadlar”;

12 va 13-bandlari quyidagi tahrirda bayon etilsin:

“12) undirib olingan yoki qarzdor tomonidan tan olingan jarimalar va penya, shuningdek qonuniy kuchga kirgan sud hujjati asosida qarzdor tomonidan toʻlanishi lozim boʻlgan jarimalar va penya;

13) ushbu Kodeksning 140-moddasiga muvofiq kursdagi ijobiy farq”;

quyidagi mazmundagi ikkinchi va uchinchi qismlar bilan toʻldirilsin:

“Qoʻshilgan qiymat soligʻi solinadigan boshqa daromadlar qoʻshilgan qiymat soligʻi summasi chegirilgan holda aniqlanadi.

Notijorat tashkilotlari uchun ushbu moddada nazarda tutilgan boshqa daromadlarga soliq solinmaydi, bundan mazkur modda birinchi qismining 11, 14 va 15-bandlarida nazarda tutilgan boshqa daromadlar mustasno”;

32) 133-moddaning:

birinchi qismidagi “nomoddiy aktivlar, qimmatli qogʻozlarning (ulushning, payning), tovar-moddiy zaxiralar” degan soʻzlar chiqarib tashlansin;

ikkinchi qismi quyidagi tahrirda bayon etilsin:

“Asosiy vositalar va boshqa mol-mulk obyektlarining chiqib ketishidan olinadigan moliyaviy natijani (foydani yoki zararni) aniqlashda asosiy vositalar va boshqa mol-mulk obyektlarining ilgarigi qayta baholashlardagi ortgan summasining ushbu asosiy vositalar va boshqa mol-mulk obyekti qiymatining ilgarigi qayta baholashlardagi kamayishi summasidan ortgan qismi asosiy vositalar va boshqa mol-mulkning chiqib ketishidan olingan daromad tarkibiga kiritiladi”;

33) 135-modda uchinchi qismining ikkinchi xatboshisi quyidagi tahrirda bayon etilsin:

“joʻnatish, yetkazib berish yoki topshirish hujjatlari”;

34) 138-modda:

birinchi qismi quyidagi tahrirda bayon etilsin:

“Qoplash tarzida olinadigan daromadlarga soliq solinadigan bazani aniqlashda ilgari chegirilgan va joriy soliq davrida oʻrni qoplangan xarajatlar va (yoki) zararlar kiradi”;

uchinchi qismidagi “jami” degan soʻz “boshqa” degan soʻz bilan almashtirilsin;

quyidagi mazmundagi toʻrtinchi qism bilan toʻldirilsin:

“Zaxiralarni tashkil etish xarajatlari soliq solinadigan bazani aniqlashda ilgari chegirib tashlangan shubhali qarzlar (tavakkalchilik operatsiyalari) boʻyicha zaxiralar qisqargan hollarda, ularning qisqarish summasi boshqa daromadlar tarkibida hisobga olinadi yoki buxgalteriya hisobi toʻgʻrisidagi qonun hujjatlariga muvofiq xarajatlarni kamaytiradi”;

35) 141-modda sakkizinchi qismi 1-bandining oʻzbekcha matni quyidagi tahrirda bayon etilsin:

“1) vositachilik, topshiriq shartnomasi yoki vositachilik xizmatlarini koʻrsatish uchun boshqa shartnoma boʻyicha majburiyatlar bajarilishi munosabati bilan, shuningdek komitent yoki boshqa topshiriq beruvchi uchun vositachi va (yoki) boshqa ishonchli vakil tomonidan qilingan xarajatlarga haq toʻlash hisobiga vositachi va (yoki) boshqa ishonchli vakil tomonidan topshirilgan mol-mulk tarzidagi toʻlovlar, agar bunday xarajatlar tuzilgan shartnomalarning shartlariga muvofiq vositachi yoki boshqa ishonchli vakilning yoxud boshqa topshiriq beruvchining xarajatlari tarkibiga kiritilishi lozim boʻlmasa”;

36) 143-moddaning matni quyidagi tahrirda bayon etilsin:

“Mehnatga haq toʻlash xarajatlariga quyidagilar kiradi:

1) haqiqatda bajarilgan ish uchun mehnatga haq toʻlashning qabul qilingan shakllari va tizimlariga muvofiq ishbay narxlar, tarif stavkalari va mansab maoshlaridan kelib chiqqan holda hisoblangan ish haqi;

2) ilmiy daraja va faxriy unvon uchun ustamalar;

3) predmeti ishlarni bajarish va xizmatlar koʻrsatish boʻlgan fuqarolik-huquqiy tusda tuzilgan shartnomalarga muvofiq jismoniy shaxslarga toʻlanadigan toʻlovlar, bundan yakka tartibdagi tadbirkorlar bilan tuzilgan shartnomalar mustasno;

4) yuridik shaxsning boshqaruv organi (kuzatuv kengashi yoki boshqa shunga oʻxshash organi) aʼzolariga yuridik shaxsning oʻzi tomonidan amalga oshiriladigan toʻlovlar;

5) ragʻbatlantirish xususiyatiga ega toʻlovlar:

a) yillik ish yakunlari boʻyicha mukofot;

b) yuridik shaxsning mukofotlash toʻgʻrisidagi lokal hujjatlarida nazarda tutilgan toʻlovlar;

v) kasb mahorati, murabbiylik uchun tarif stavkalariga va mansab maoshlariga ustamalar;

g) koʻp yil ishlaganlik uchun pul mukofoti va toʻlovlar;

d) ratsionalizatorlik takliflari uchun toʻlovlar;

6) kompensatsiya toʻlovlari (kompensatsiya):

a) qonun hujjatlariga muvofiq amalga oshiriladigan tabiiy-iqlim sharoitlari noqulay boʻlgan joylardagi ishlar bilan bogʻliq qoʻshimcha toʻlovlar (ish staji uchun ustamalar, baland togʻli, choʻl va suvsiz hududlarda ishlaganlik uchun belgilangan koeffitsiyentlar boʻyicha toʻlovlar);

b) Oʻzbekiston Respublikasi Vazirlar Mahkamasi tomonidan tasdiqlangan kasblar va ishlar roʻyxati boʻyicha ogʻir, zararli, oʻta zararli mehnat sharoitlarida ishlaganlik uchun ustamalar, shu jumladan shunday sharoitlardagi uzluksiz ish staji uchun ish haqiga ustamalar;

v) texnologik jarayon jadvalida nazarda tutilgan tungi vaqtda, ish vaqtidan tashqari dam olish kunlarida va bayram (ishlanmaydigan) kunlarida ishlaganlik uchun tarif stavkalariga hamda mansab maoshlariga ustamalar va qoʻshimcha toʻlovlar;

g) koʻp smenali rejimda ishlaganlik, shuningdek bir necha kasbda, lavozimda ishlaganlik, xizmat koʻrsatish doirasi kengayganligi, bajariladigan ishlar hajmi ortganligi, oʻzining asosiy ishi bilan bir qatorda ishda vaqtincha boʻlmagan xodimlarning vazifalarini bajarganlik uchun ustamalar;

d) doimiy ishi yoʻlda kechadigan yoki koʻchib yurish va harakatlanish xususiyatiga ega boʻlgan xodimlarning joʻnab ketish paytidan qaytib kelish paytigacha yoʻldagi har bir sutka uchun toʻlanadigan ish haqiga ustamalar;

e) qonun hujjatlarida nazarda tutilgan hollarda ishlar vaxta usulida bajarilganda xodimlarning ish haqiga ustamalar;

j) yuridik shaxs joylashgan yerdan (yigʻilish punktidan) ishlash joyigacha va orqaga qaytish uchun vaxtada ishlash jadvalida nazarda tutilgan, ishlar vaxta usulida bajarilgan taqdirda yoʻlga ketadigan kunlar, shuningdek xodimlar meteorologik sharoitlar sababli va (yoki) transport tashkilotlarining aybi bilan yoʻlda ushlanib qolgan kunlar uchun tarif stavkasi, mansab maoshi miqdorida toʻlanadigan summalar;

z) ishlar vaxta usulida tashkil qilinganda, ish vaqti umumlashtirilgan holda hisobga olinayotganda va qonun hujjatlarida nazarda tutilgan boshqa hollarda xodimlarga ish vaqtining belgilangan davomiyligidan ortiq ishlaganligi munosabati bilan beriladigan dam olish kunlari (otgullar) uchun toʻlovlar;

i) yer osti ishlarida doimiy band boʻlgan xodimlarga ularning stvoldan ishlash joyiga borish va u yerdan qaytish uchun shaxtada (konda) harakatlanishining meʼyoriy vaqti uchun toʻlanadigan qoʻshimcha haqlar;

k) dala taʼminoti;

7) ishlanmagan vaqt uchun haq toʻlash:

a) qonun hujjatlariga muvofiq:

yillik asosiy (uzaytirilgan asosiy) taʼtilga haq toʻlash, shuningdek undan foydalanilmaganda, shu jumladan xodim bilan tuzilgan mehnat shartnomasi bekor qilinganda pullik kompensatsiya toʻlash;

noqulay va oʻziga xos mehnat sharoitlarida, shuningdek ogʻir va noqulay tabiiy-iqlim sharoitlarida ishlaganligi uchun ayrim tarmoqlarning xodimlariga beriladigan qoʻshimcha taʼtilga haq toʻlash;

oʻqish bilan bogʻliq taʼtilga va ijodiy taʼtillarga haq toʻlash;

oʻn ikki yoshga toʻlmagan ikki va undan ortiq bolasi yoki oʻn olti yoshga toʻlmagan nogiron bolasi bor ayollarga berilgan qoʻshimcha taʼtilga haq toʻlash;

b) asosiy ish joyi boʻyicha asosiy ish haqi qisman saqlab qolingan holda majburiy taʼtilda boʻlgan xodimlarga beriladigan toʻlovlar;

v) donor xodimlarga koʻrikdan oʻtish, qon topshirish va qon topshirilgan har bir kundan keyin beriladigan dam olish kunlari uchun haq toʻlash;

g) Oʻzbekiston Respublikasining Mehnat kodeksiga muvofiq davlat yoki jamoat vazifalarini bajarganlik uchun mehnatga haq toʻlash;

d) qishloq xoʻjaligi ishlariga va boshqa ishlarga jalb qilinadigan xodimlarning asosiy ish joyi boʻyicha saqlab qolinadigan ish haqi;

e) avvalgi ish joyi boʻyicha mansab maoshi miqdorlari muayyan bir muddat davomida saqlab qolingan holda boshqa yuridik shaxslardan ishga joylashtirilgan, shuningdek vazifani vaqtincha bajarib turganda xodimlarga maoshdagi farqni toʻlash;

j) yuridik shaxslarning xodimlariga kadrlarni qayta tayyorlash va malakasini oshirish tizimida ishdan ajralgan holda oʻqishi vaqtida asosiy ish joyi boʻyicha toʻlanadigan ish haqi;

z) xodimning aybisiz bekor turib qolingan vaqt uchun haq toʻlash;

i) sogʻligʻining holatiga koʻra yengilroq yoki noqulay ishlab chiqarish omillarining taʼsiridan holi boʻlgan kamroq haq toʻlanadigan ishga oʻtkazilganda saqlanadigan avvalgi oʻrtacha oylik ish haqini qonun hujjatlarida nazarda tutilgan hollarda toʻlash, shuningdek vaqtincha mehnatga qobiliyatsizlik nafaqalariga ish haqining haqiqiy miqdorigacha qoʻshimcha haq toʻlash;

k) majburiy progul vaqti yoki kam haq toʻlanadigan ishni bajarganlik uchun qonun hujjatlariga muvofiq yoki yuridik shaxsning qaroriga koʻra haq toʻlash;

l) oʻn sakkiz yoshga toʻlmagan shaxslarning imtiyozli soatlariga, onalarga bolani ovqatlantirishi uchun ishda beriladigan tanaffuslarga, shuningdek tibbiy koʻrikdan oʻtish bilan bogʻliq vaqt uchun haq toʻlash;

m) yuridik shaxslarning asosiy ishidan ozod qilingan va ozod qilinmagan holda xodimlarni tayyorlash, qayta tayyorlash va ularning malakasini oshirish uchun, oʻquvchilar va talabalarning ishlab chiqarish amaliyotiga rahbarlik qilish uchun jalb qilinadigan malakali xodimlari mehnatiga haq toʻlash;

n) oliy oʻquv yurtini tamomlaganidan keyin yosh mutaxassislarga taʼtil vaqti uchun yuridik shaxs hisobidan toʻlanadigan nafaqalar;

8) nogironlarga qonun hujjatlarida nazarda tutilgan qoʻshimcha toʻlovlar”;

37) 144-modda jadvalining VII guruhi quyidagi tahrirda bayon etilsin:

38) 145-modda:

1-bandining oʻzbekcha matnidagi “chet” degan soʻz “oʻzga” degan soʻz bilan almashtirilsin;

2-bandining oʻzbekcha matnidagi “butkul” degan soʻz “kapital” degan soʻz bilan almashtirilsin;

5-bandi quyidagi tahrirda bayon etilsin:

“5) vakolatli tashkilotlar tomonidan muayyan huquqlar yoki litsenziyalar va boshqa ruxsat beruvchi hujjatlarni berishni nazarda tutuvchi hujjatlarni berganlik uchun yigʻimlar, bojlar va boshqa toʻlovlarni toʻlash boʻyicha xarajatlar, shuningdek tovarlarni (ishlarni, xizmatlarni) ekspertizadan oʻtkazish hamda mahsulotni sertifikatlashtirish bilan bogʻliq xarajatlar”;

11-bandining uchinchi jumlasi quyidagi tahrirda bayon etilsin:

“Bu xarajatlar mazkur shaxslarning rasmiy qabulini oʻtkazish, transport taʼminoti, ovqatlanishi va turar joyi, soliq toʻlovchining shtatida turmagan tarjimonlar xizmatiga haq toʻlash xarajatlaridir”;

15-bandi “ushbu Kodeksning 143-moddasida koʻrsatilganlari bundan mustasno” degan soʻzlar bilan toʻldirilsin;

18-bandining oʻzbekcha matnidagi “qayta” degan soʻz chiqarib tashlansin;

20-bandi quyidagi tahrirda bayon etilsin:

“20) soliq toʻlovchining faoliyatida zarur boʻlgan kadrlarni tayyorlash va qayta tayyorlash, shuningdek xodimlarning malakasini oshirish xarajatlari”;

22-bandi quyidagi tahrirda bayon etilsin:

“22) assotsiatsiyalarga, jamgʻarmalarga va boshqa tashkilotlarga, shu jumladan xalqaro tashkilotlarga toʻlanadigan badallar, agar bunday badallarni toʻlash soliq toʻlovchi faoliyatining amalga oshirilishi uchun majburiy shart boʻlsa yoki Oʻzbekiston Respublikasi Prezidentining, Oʻzbekiston Respublikasi Vazirlar Mahkamasining qarorlariga binoan amalga oshirilsa”;

25-bandidagi “davriy (joriy)” degan soʻzlar chiqarib tashlansin;

27-bandining oʻzbekcha matnidagi “mehnatda jarohatlanishi” degan soʻzlar “mehnatda mayib boʻlishi” degan soʻzlar bilan almashtirilsin;

28-bandi chiqarib tashlansin;

31-bandidagi “xalq taʼlimi” degan soʻzlar “taʼlim” degan soʻz bilan almashtirilsin;

33-bandi quyidagi tahrirda bayon etilsin:

“33) Oʻzbekiston Respublikasida sugʻurta faoliyatini amalga oshirish uchun litsenziyaga ega boʻlgan yuridik shaxslarga mol-mulkni sugʻurta qilish va hayotni uzoq muddatli sugʻurta qilish boʻyicha toʻlanadigan sugʻurta mukofotlari summalari”;

43-bandi ikkinchi va uchinchi xatboshilarining oʻzbekcha matnidagi “mulk huquqining ushbu chet el valyutasiga oʻtishi sanasidagi holatga koʻra” degan soʻzlar “ushbu chet el valyutasiga boʻlgan mulk huquqining oʻtish sanasida” degan soʻzlar bilan almashtirilsin;

49-bandi quyidagi tahrirda bayon etilsin:

“49) vaqtincha mehnatga qobiliyatsizlik nafaqalarini, bolani ikki yoshga toʻlguniga qadar parvarishlash nafaqalarini, shuningdek qonun hujjatlarida belgilangan boshqa nafaqalarni toʻlash xarajatlari”;

quyidagi mazmundagi 50 — 56-bandlar bilan toʻldirilsin:

“50) xodim bilan mehnat shartnomasi bekor qilinganda mehnat toʻgʻrisidagi qonun hujjatlariga muvofiq amalga oshiriladigan ishdan boʻshatish nafaqasi va boshqa toʻlovlar;

51) mehnat sharoitlari noqulay boʻlgan ishlarda band boʻlgan xodimlarni mehnat toʻgʻrisidagi qonun hujjatlarida belgilangan tartibda sut, davolash-profilaktika oziq-ovqati, gazlangan shoʻr suv, shaxsiy himoya va gigiyena vositalari bilan taʼminlash xarajatlari;

52) xodimlarni ish joyiga olib kelish va qaytarib olib ketish xarajatlari;

53) xodimga xizmat vazifalarini bajarish uchun zarur boʻlgan maxsus kiyim-bosh, maxsus poyabzal, formali kiyim-bosh berish xarajatlari yoki ularni pasaytirilgan baholarda sotish munosabati bilan qilingan xarajatlar, shuningdek qonun hujjatlarida nazarda tutilgan hollarda ayrim toifadagi xodimlarni oʻz xizmat vazifalarini bajarishi chogʻida oziq-ovqat bilan taʼminlash xarajatlari;

54) xodim boshqa joyga ishga oʻtkazilganda yoxud koʻchib borganda koʻchish, mol-mulkini koʻchirib borish, joy ijarasi (yoʻl xarajatlari uchun beriladigan pul) xarajatlari;

55) mehnatda mayib boʻlganlik, kasb kasalligi yoki sogʻliqqa boshqacha shikast yetganligi bilan bogʻliq zararning oʻrnini qoplash boʻyicha quyidagi miqdordagi toʻlovlar:

jabrlanuvchi mehnatda mayib boʻlguniga qadar olgan oʻrtacha oylik ish haqiga nisbatan foiz hisobidagi, uning kasbga oid mehnat qobiliyatini yoʻqotganlik darajasiga muvofiq belgilanadigan har oylik toʻlovlar (voyaga yetmagan shaxs mehnatda mayib boʻlgan taqdirda, zararning oʻrni uning ish haqi (daromadi) miqdoridan kelib chiqqan holda, lekin eng kam ish haqining besh baravaridan kam boʻlmagan miqdorda qoplanadi);

maxsus tibbiy parvarishga muhtoj jabrlanuvchilarga qoʻshimcha xarajatlar uchun oyiga eng kam ish haqining ikki baravari miqdoridagi toʻlovlar;

jabrlanuvchining maishiy parvarishi uchun qoʻshimcha xarajatlar tariqasida har oyda eng kam ish haqining ellik foizi miqdoridagi toʻlovlar;

xodimning sogʻligʻiga shikast yetganligi munosabati bilan ish beruvchi tomonidan bir yoʻla toʻlanadigan nafaqa tariqasida jabrlanuvchining yillik oʻrtacha ish haqi miqdoridagi toʻlovlar;

56) boquvchisi vafot etganligi munosabati bilan quyidagi miqdordagi toʻlovlar:

marhum oʻrtacha oylik ish haqining vafot etgan boquvchining qaramogʻida boʻlgan va uning vafoti munosabati bilan zararni undirishga haqli boʻlgan mehnatga qobiliyatsiz shaxslarga toʻgʻri keladigan ulushi miqdoridagi toʻlovlar;

boquvchisi vafot etganligi munosabati bilan zararni undirishga haqli boʻlgan shaxslarga bir yoʻla toʻlanadigan nafaqa tariqasida marhumning oʻrtacha yillik ish haqining olti baravari miqdoridagi toʻlovlar”;

39) 146-moddaning nomi va birinchi qismi birinchi xatboshisining oʻzbekcha matnidagi “bazadan”, “bazani” degan soʻzlar tegishincha “foydadan”, “foydani” degan soʻzlar bilan almashtirilsin;

40) 147-moddaning:

9—11-bandlari quyidagi tahrirda bayon etilsin:

“9) ushbu Kodeksning 177-moddasida nazarda tutilgan jismoniy shaxsning moddiy naf tarzidagi daromadlari hisoblanadigan soliq toʻlovchining xarajatlari;

10) xodimlarga taʼtil uchun mehnat toʻgʻrisidagi qonun hujjatlarida belgilangan normalardan ortiqcha toʻlangan haq va ular boʻyicha pullik kompensatsiyalar, bundan ushbu Kodeksning 143-moddasida koʻrsatilganlari mustasno;

11) dala taʼminoti, xizmat maqsadida xodimning shaxsiy avtotransportdan foydalanganlik uchun qonun hujjatlarida belgilangan normalardan ortiqcha toʻlangan toʻlovlar”;

14 va 15-bandlari quyidagi tahrirda bayon etilsin:

“14) mehnatda mayib boʻlganlik, kasb kasalligi yoxud mehnat vazifalarini bajarish bilan bogʻliq holda sogʻligʻining boshqacha shikastlanishi sababli xodimlarga yetkazilgan zararning oʻrnini qoplash uchun qonun hujjatlarida belgilangan normalardan ortiqcha toʻlanadigan toʻlovlar;

15) ekologiya, sogʻlomlashtirish va xayriya jamgʻarmalariga, madaniyat, sogʻliqni saqlash, mehnat va aholini ijtimoiy muhofaza qilish, jismoniy tarbiya va sport muassasalariga, taʼlim muassasalariga, mahalliy davlat hokimiyati organlariga, fuqarolarning oʻzini oʻzi boshqarish organlariga badallar, homiylik va xayriya yordamlari tarzidagi mablagʻlar”;

21-bandi “va taʼtilga qoʻshimcha toʻlanadigan haqlar” degan soʻzlar bilan toʻldirilsin;

41) 148-modda:

nomi quyidagi tahrirda bayon etilsin:

birinchi qismining:

birinchi xatboshisi va 1-bandi quyidagi tahrirda bayon etilsin:

“Kredit tashkilotlarining xizmatlarni realizatsiya qilishdan olinadigan daromadlariga quyidagilar kiradi:

1) kredit tashkilotining oʻz nomidan va oʻz hisobidan pul mablagʻlarini joylashtirishdan, kreditlar hamda zayomlar berishdan olinadigan foizlar, boshqa foizli daromadlar. Oʻzbekiston Respublikasi kafolati ostida berilgan kreditlar va Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasi qarorlariga muvofiq foizlarni toʻlash boʻyicha imtiyozli davr berilgan kreditlar boʻyicha foizli daromadlar kredit shartnomasiga koʻra olish muddati yetib kelmagunicha soliq solinadigan daromad sifatida qaralmaydi”;

6 va 11-bandlari chiqarib tashlansin;

quyidagi mazmundagi ikkinchi qism bilan toʻldirilsin:

“Balansning valyuta qismi qayta baholanishidan olingan daromadlar, shuningdek chet el valyutasi kursining oʻzgarishi munosabati bilan yuzaga kelgan ijobiy farq ushbu Kodeksning 132-moddasiga muvofiq boshqa daromadlar sifatida qaraladi”;

ikkinchi qismi uchinchi qism deb hisoblansin;

42) 150-moddaning nomi va birinchi xatboshisi quyidagi tahrirda bayon etilsin:

Sugʻurta tashkilotlarining xizmatlarni realizatsiya qilishdan olinadigan daromadlariga quyidagilar kiradi”;

43) 151-moddaning 8-bandi oʻzbekcha matnidagi “chet” degan soʻz “oʻzga” degan soʻz bilan almashtirilsin;

44) 152-moddaning nomi va birinchi xatboshisi quyidagi tahrirda bayon etilsin:

Qimmatli qogʻozlar bozori professional ishtirokchilarining xizmatlarni realizatsiya qilishdan olinadigan daromadlariga quyidagilar kiradi”;

45) 154-modda:

birinchi qismi quyidagi tahrirda bayon etilsin:

“Oʻzbekiston Respublikasida faoliyatni doimiy muassasa orqali amalga oshirayotgan yuridik shaxs — Oʻzbekiston Respublikasi norezidentining soliq solinadigan foydasini aniqlashda foyda soligʻini hisoblab chiqarish maqsadi uchun soliq solinadigan foyda summasi ushbu moddaning uchinchi qismida nazarda tutilgan xarajatlar summasining 10 foizidan kam boʻlishi mumkin emas”;

uchinchi qismidagi “ushbu Kodeksning 147-moddasiga muvofiq chegirib tashlanmaydigan xarajatlar bundan mustasno” degan soʻzlar chiqarib tashlansin;

beshinchi qismining 2-bandi quyidagi tahrirda bayon etilsin:

“2) Oʻzbekiston Respublikasi ushbu norezidentining xizmatlari uchun vositachilik daromadlari”;

46) 155-modda:

uchinchi qismi:

9-bandining oxirgi jumlasi quyidagi tahrirda bayon etilsin:

“Bunda, agar joʻnatish punkti yoki tayin etilgan punkt Oʻzbekiston Respublikasi hududidan tashqarida joylashgan boʻlsa, tashish xalqaro tashish deb hisoblanadi”;

10-bandining birinchi jumlasi quyidagi tahrirda bayon etilsin:

“10) xalqaro tashishlarda va Oʻzbekiston Respublikasi hududidagi tashishlarda transport-ekspeditorlik xizmatlarini koʻrsatishdan olinadigan daromadlar”;

quyidagi mazmundagi 11¹-band bilan toʻldirilsin:

“11¹) tekinga olingan mol-mulk”;

toʻrtinchi qismining toʻrtinchi xatboshisi quyidagi tahrirda bayon etilsin:

“Oʻzbekiston Respublikasi hududidan tashqarida bajarilgan ishlar, koʻrsatilgan xizmatlardan olinadigan daromadlar, bundan ushbu moddaning uchinchi qismida nazarda tutilgan bajarilgan ishlar, koʻrsatilgan xizmatlardan olinadigan daromadlar mustasno”;

47) 156-moddaning ikkinchi qismi quyidagi tahrirda bayon etilsin:

“Davlat obligatsiyalari va davlatning boshqa qimmatli qogʻozlari boʻyicha daromadlar, shuningdek davlat maqsadli jamgʻarmalarining hamda Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining qaroriga koʻra tashkil qilinadigan budjetdan tashqari jamgʻarmalarning vaqtincha boʻsh mablagʻlarini moliya bozorlarida joylashtirishdan foizlar tarzida olinadigan daromadlar soliq solishdan ozod qilinadi”;

48) 159-moddaning birinchi qismi:

1-bandi quyidagi tahrirda bayon etilsin:

“1) ekologiya, sogʻlomlashtirish va xayriya jamgʻarmalariga, madaniyat, sogʻliqni saqlash, mehnat va aholini ijtimoiy muhofaza qilish, jismoniy tarbiya va sport muassasalariga, taʼlim muassasalariga, mahalliy davlat hokimiyati organlariga, fuqarolarning oʻzini oʻzi boshqarish organlariga beriladigan badallar, homiylik va xayriya tariqasidagi mablagʻlar summasiga, biroq soliq solinadigan foydaning ikki foizidan koʻp boʻlmagan miqdorda”;

3-bandi quyidagi tahrirda bayon etilsin:

“3) ishlab chiqarishni modernizatsiyalashga, texnik va texnologik jihatdan qayta jihozlashga, yangi texnologik jihoz xarid qilishga, ishlab chiqarishni yangi qurilish shaklida kengaytirishga, ishlab chiqarish ehtiyojlari uchun foydalaniladigan binolar va inshootlarni rekonstruksiya qilishga, shuningdek ushbu maqsadlar uchun olingan kreditlarni uzishga, lizing obyekti qiymatining oʻrnini qoplashga yoʻnaltiriladigan mablagʻlar summasiga, tegishli soliq davrida hisoblangan amortizatsiyani chegirib tashlagan holda, biroq soliq solinadigan foydaning 30 foizidan koʻp boʻlmagan miqdorda. Soliq solinadigan foydani kamaytirish yuqorida koʻrsatib oʻtilgan xarajatlar qilingan soliq davridan eʼtiboran, texnologik jihoz boʻyicha esa u foydalanishga topshirilgan paytdan eʼtiboran besh yil ichida amalga oshiriladi. Yangi texnologik jihoz xarid qilingan (import qilingan) paytdan eʼtiboran uch yil ichida realizatsiya qilingan yoki tekinga berilgan taqdirda, yuridik shaxslardan olinadigan foyda soligʻini toʻlash boʻyicha majburiyatlar tiklangan holda, mazkur imtiyozning amal qilishi imtiyoz qoʻllanilgan butun davr uchun bekor qilinadi. Ushbu imtiyoz tovarlar (ishlar, xizmatlar) ishlab chiqarishni amalga oshiruvchi soliq toʻlovchilar tomonidan qoʻllaniladi”;

4-bandi chiqarib tashlansin;

quyidagi mazmundagi 7-band bilan toʻldirilsin:

“7) qoʻshimcha foyda soligʻini toʻlovchilar uchun sof qoʻshimcha foyda summasiga”;

49) 168-moddaning matni quyidagi tahrirda bayon etilsin:

“Jismoniy shaxslarning — Oʻzbekiston Respublikasi norezidentlarining Oʻzbekiston Respublikasidagi manbalardan olingan daromadlariga ushbu Kodeksning 182-moddasida nazarda tutilgan oʻziga xos xususiyatlar hisobga olingan holda va stavkalar boʻyicha soliq solinadi”;

50) 171-modda ikkinchi qismining:

1-bandi quyidagi tahrirda bayon etilsin:

“1) mehnat sharoitlari noqulay boʻlgan ishlarda band boʻlgan xodimlarni mehnat toʻgʻrisidagi qonun hujjatlarida belgilangan tartibda sut, davolash-profilaktika oziq-ovqati, gazlangan shoʻr suv, shaxsiy himoya va gigiyena vositalari bilan taʼminlash xarajatlari”;

3-bandi quyidagi tahrirda bayon etilsin:

“3) xodimlarni ish joyiga olib kelish va qaytarib olib ketish xarajatlari”;

5-bandi quyidagi tahrirda bayon etilsin:

“5) xodimga xizmat vazifalarini bajarish uchun zarur boʻlgan maxsus kiyim-bosh, maxsus poyabzal, formali kiyim-bosh berish xarajatlari yoki ularni pasaytirilgan baholarda sotish munosabati bilan qilingan xarajatlar, shuningdek qonun hujjatlarida nazarda tutilgan hollarda ayrim toifadagi xodimlarni oʻz xizmat vazifalarini bajarishi chogʻida oziq-ovqat bilan taʼminlash xarajatlari”;

8-bandi beshinchi xatboshisi quyidagi tahrirda bayon etilsin:

“qonun hujjatlarida nazarda tutilgan tartibda va normalar boʻyicha boshqa kompensatsiya toʻlovlari (kompensatsiyalar), bundan ushbu Kodeksning 174 va 178-moddalarida koʻrsatilganlari mustasno”;

11-bandidagi “agar qonun hujjatlarida boshqacha qoida nazarda tutilmagan boʻlsa” degan soʻzlar chiqarib tashlansin;

12-bandi chiqarib tashlansin;

13-bandi birinchi jumlasi quyidagi tahrirda bayon etilsin:

“13) mol-mulkni sugʻurta qilish va (yoki) hayotni uzoq muddatli sugʻurta qilish boʻyicha Oʻzbekiston Respublikasida sugʻurta faoliyatini amalga oshirish uchun litsenziyaga ega boʻlgan yuridik shaxslarga toʻlanadigan sugʻurta mukofotlari”;

51) 172-moddaning matni quyidagi tahrirda bayon etilsin:

“Ish beruvchi bilan mehnatga oid munosabatlarda boʻlgan va tuzilgan mehnat shartnomasiga (kontraktiga) muvofiq ishlarni bajarayotgan jismoniy shaxslarga hisoblanadigan va toʻlanadigan barcha toʻlovlar mehnatga haq toʻlash tarzidagi daromadlar deb eʼtirof etiladi:

mehnatga haq toʻlashning qabul qilingan shakllari va tizimlariga muvofiq ishbay narxlar, tarif stavkalari va mansab maoshlaridan kelib chiqqan holda haqiqatda bajarilgan ish uchun hisoblangan ish haqi;

ilmiy daraja va faxriy unvon uchun qoʻshimcha toʻlovlar;

ushbu Kodeksning 173-moddasiga muvofiq ragʻbatlantirish xususiyatiga ega toʻlovlar;

ushbu Kodeksning 174-moddasiga muvofiq kompensatsiya toʻlovlari (kompensatsiya);

ushbu Kodeksning 175-moddasiga muvofiq ishlanmagan vaqt uchun haq toʻlash.

Mehnatga haq toʻlash tarzidagi daromadlarga quyidagilar ham kiradi:

predmeti ishlarni bajarish va xizmatlar koʻrsatish boʻlgan fuqarolik-huquqiy tusda tuzilgan shartnomalarga muvofiq jismoniy shaxslarga (ushbu Kodeks 169-moddasining ikkinchi qismida koʻrsatilgan daromadlar bundan mustasno) toʻlovlar;

yuridik shaxsning boshqaruv organi (kuzatuv kengashi yoki boshqa shunga oʻxshash organi) aʼzolariga yuridik shaxsning oʻzi tomonidan amalga oshiriladigan toʻlovlar”;

52) 173-moddaning:

1-bandi quyidagi tahrirda bayon etilsin:

“1) yillik ish yakunlari boʻyicha mukofot, bayram sanalari va muhim sanalar, jamoatchilik faoliyatidagi yutuqlar munosabati bilan xodimlarni ragʻbatlantirish xususiyatiga ega bir yoʻla beriladigan mukofotlar va boshqa shunga oʻxshash toʻlovlar”;

4-bandidagi “har yilgi” degan soʻzlar chiqarib tashlansin;

53) 174-moddaning:

1 va 2-bandlari quyidagi tahrirda bayon etilsin:

“1) tabiiy-iqlim sharoitlari noqulay boʻlgan joylardagi ishlar bilan bogʻliq qoʻshimcha toʻlovlar (ish staji uchun ustamalar, baland togʻli, choʻl va suvsiz hududlarda ishlaganlik uchun belgilangan koeffitsiyentlar boʻyicha toʻlovlar);

2) Oʻzbekiston Respublikasi Vazirlar Mahkamasi tomonidan tasdiqlangan kasblar va ishlar roʻyxati boʻyicha ogʻir, zararli, oʻta zararli mehnat sharoitlarida ishlaganlik uchun ustamalar, shu jumladan shunday sharoitlardagi uzluksiz ish staji uchun ish haqiga ustamalar”;

4-bandi quyidagi tahrirda bayon etilsin:

“4) koʻp smenali rejimda ishlaganlik, shuningdek bir necha kasbda, lavozimda ishlaganlik, xizmat koʻrsatish doirasi kengayganligi, bajariladigan ishlar hajmi ortganligi, oʻzining asosiy ishi bilan bir qatorda ishda vaqtincha boʻlmagan xodimlarning vazifalarini bajarganlik uchun ustamalar”;

54) 175-moddaning:

1-bandi quyidagi tahrirda bayon etilsin:

“1) qonun hujjatlariga muvofiq:

a) yillik asosiy (uzaytirilgan asosiy) taʼtilga haq toʻlash, shuningdek ushbu taʼtildan foydalanilmaganda, shu jumladan xodim bilan mehnat shartnomasi bekor qilinganda pullik kompensatsiya toʻlash;

b) noqulay va oʻziga xos mehnat sharoitlarida, shuningdek ogʻir va noqulay tabiiy-iqlim sharoitlarida ishlaganligi uchun ayrim tarmoqlarning xodimlariga beriladigan qoʻshimcha taʼtilga haq toʻlash;

v) oʻqish bilan bogʻliq taʼtilga va ijodiy taʼtillarga haq toʻlash;

g) oʻn ikki yoshga toʻlmagan ikki va undan ortiq bolasi yoki oʻn olti yoshga toʻlmagan nogiron bolasi bor ayollarga berilgan qoʻshimcha taʼtilga haq toʻlash”;

11-bandi quyidagi tahrirda bayon etilsin:

“11) oʻn sakkiz yoshga toʻlmagan shaxslarning imtiyozli soatlariga, onalarga bolani ovqatlantirishi uchun ishda beriladigan tanaffuslarga, shuningdek tibbiy koʻrikdan oʻtish bilan bogʻliq vaqt uchun haq toʻlash”;

13, 14 va 17-bandlari chiqarib tashlansin;

55) 176-moddaning:

4-bandi quyidagi mazmundagi jumla bilan toʻldirilsin:

“Mol-mulkni olish narxi va realizatsiya qilish narxi, olish narxi boʻlmagan taqdirda esa, inventarizatsiya qiymati va realizatsiya qilish narxi oʻrtasidagi farq daromad deb eʼtirof etiladi”;

5-bandi quyidagi tahrirda bayon etilsin:

“5) sanoat mulki obyektlariga, seleksiya yutugʻiga berilgan patent (litsenziya) egasi boʻlgan jismoniy shaxsning patentdan boshqa shaxs foydasiga voz kechganda yoki litsenziya shartnomasi tuzganda olgan daromadi”;

7-bandi chiqarib tashlansin;

56) 177-modda birinchi qismining:

birinchi xatboshisi quyidagi tahrirda bayon etilsin:

“Soliq toʻlovchi tomonidan yuridik shaxsdan moddiy naf tarzida olingan daromadlar, agar ushbu Kodeks 171-moddasining ikkinchi qismida boshqacha qoida nazarda tutilmagan boʻlsa, quyidagilardir”;

2-bandi quyidagi tahrirda bayon etilsin:

“2) soliq toʻlovchining manfaatlarini koʻzlab tekinga, shu jumladan hadya shartnomasi asosida berilgan mol-mulk, bajarilgan ishlar va koʻrsatilgan xizmatlar qiymati”;

57) 178-modda:

3-bandi quyidagi tahrirda bayon etilsin:

“3) fuqarolarning oʻzini oʻzi boshqarish organlari, xayriya va ekologiya jamgʻarmalari tomonidan jismoniy shaxslarga beriladigan nafaqalar hamda boshqa turlardagi yordam”;

13-bandi quyidagi tahrirda bayon etilsin:

“13) Oʻzbekiston Respublikasining davlat mukofotlari va davlat pul mukofotlariga sazovor boʻlgan jismoniy shaxslar olgan bir yoʻla beriladigan davlat pul mukofoti yoki shunga teng bahodagi esdalik sovgʻalarining qiymati, shuningdek Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining qarori asosida bir yoʻla beriladigan pul mukofoti”;

15 va 16-bandlari quyidagi tahrirda bayon etilsin:

“15) xodim bilan tuzilgan mehnat shartnomasi bekor qilinganda mehnat toʻgʻrisidagi qonun hujjatlariga muvofiq beriladigan ishdan boʻshatish nafaqasi va boshqa toʻlovlar”;

16) moddiy yordam tariqasida:

vafot etgan xodimning oila aʼzolariga yoki oila aʼzosi vafot etganligi munosabati bilan xodimga beriladigan toʻlovlar;

xodimga mehnatda mayib boʻlganligi, kasb kasalligi yoxud sogʻligʻiga boshqacha shikast yetganligi bilan bogʻliq toʻlovlar;

favqulodda holatlar munosabati bilan beriladigan toʻlovlar;

maqsadli xususiyatga ega boʻlgan hamda xodimlar bilan yuz bergan shaxsiy tusdagi voqealar, hodisalar va tadbirlar bilan bogʻliq boʻlgan hamda bajariladigan ish natijalariga bogʻliq boʻlmagan toʻlovlar;

qishloq xoʻjaligi mahsulotlarini berish yoki ularni sotib olish uchun mablagʻlar berish tarzidagi toʻlovlar”;

quyidagi mazmundagi 17 — 20-bandlar bilan toʻldirilsin:

“17) qonun hujjatlariga muvofiq uy-joy-kommunal xizmatlari haqini toʻlash boʻyicha har oylik kompensatsiya pul toʻlovlari;

18) ishlamaydigan pensionyerlarga yuridik shaxs tomonidan toʻlanadigan toʻlovlar;

19) sugʻurta tovoni summalari;

20) maʼnaviy zararni kompensatsiya qilish boʻyicha pul toʻlovlari”;

58) 179-modda:

1-bandining toʻrtinchi xatboshisi quyidagi tahrirda bayon etilsin:

“boshqa hollarda — soliq davri uchun eng kam ish haqining oʻn ikki baravarigacha miqdorda”;

7-bandi quyidagi tahrirda bayon etilsin:

“7) Oʻzbekiston Respublikasining davlat mukofotlari va davlat pul mukofotlariga sazovor boʻlgan jismoniy shaxslar olgan bir yoʻla beriladigan davlat pul mukofoti yoki shunga teng bahodagi esdalik sovgʻalarining qiymati, shuningdek Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining qarori asosida bir yoʻla beriladigan pul mukofoti”;

11-bandi quyidagi tahrirda bayon etilsin:

“11) jismoniy shaxslarga xususiy mulk huquqi asosida tegishli boʻlgan mol-mulkni sotishdan olinadigan daromadlar, bundan qimmatli qogʻozlarni, yuridik shaxslarning ustav fondidagi (ustav kapitalidagi) ulushlarini (paylarini) realizatsiya qilishdan olingan daromadlar, shuningdek amalga oshiriladigan tadbirkorlik faoliyati doirasida olingan mol-mulkni sotishdan tushadigan daromadlar mustasno”;

14-bandi quyidagi tahrirda bayon etilsin:

“14) yuridik shaxsdan soliq davri mobaynida eng kam ish haqining olti baravari miqdorigacha boʻlgan qiymatdagi:

xodimlar natura shaklida olgan sovgʻalar;

ilgari mazkur yuridik shaxsning xodimlari boʻlgan ishlamayotgan pensionyerlar va mehnat qobiliyatini yoʻqotgan shaxslar, vafot etgan xodimning oila aʼzolari tomonidan olingan sovgʻalar va boshqa turlardagi yordam”;

19-bandining birinchi jumlasi quyidagi tahrirda bayon etilsin:

“19) fuqarolarning soliq solinadigan ish haqi va boshqa daromadlarining davlat korxonalari mol-mulkini sotib olish, xususiylashtirilayotgan korxonalar aksiyalarini olish uchun yoʻnaltiriladigan summalari, shuningdek dividendlar tarzida olingan va dividend toʻlagan yuridik shaxsning ustav fondiga (ustav kapitaliga) yoʻnaltirilgan daromadlar”;

20-bandidagi “xayriya va ekologiya jamgʻarmalari mablagʻlaridan” degan soʻzlar “fuqarolarning oʻzini oʻzi boshqarish organlari, xayriya va ekologiya jamgʻarmalaridan” degan soʻzlar bilan almashtirilsin;

22 va 23-bandlari quyidagi tahrirda bayon etilsin:

“22) fuqarolarning sugʻurta tovoni sifatida oladigan summalari;

23) qonun hujjatlarida davlat stipendiyalari uchun belgilangan miqdorlarda taʼlim va ilmiy-tadqiqot muassasalari tomonidan toʻlanadigan stipendiyalar”;

28-bandi quyidagi tahrirda bayon etilsin:

“28) fuqarolarning soliq solinadigan va Oʻzbekiston Respublikasida sugʻurta faoliyatini amalga oshirish uchun litsenziyaga ega boʻlgan yuridik shaxslarga mol-mulkni sugʻurta qilish hamda hayotni uzoq muddatli sugʻurta qilish boʻyicha sugʻurta mukofotlari toʻlovi uchun yoʻnaltiriladigan ish haqi va boshqa daromadlarining summalari”;

30-bandi quyidagi tahrirda bayon etilsin:

“30) quyidagi jismoniy shaxslarning soliq solinadigan ish haqi va boshqa daromadlari summalari:

yosh oila aʼzolari tomonidan yakka tartibda uy-joyni qurish, rekonstruksiya qilish va sotib olish uchun yoki koʻp kvartirali uydagi kvartirani rekonstruksiya qilish va sotib olish uchun olingan ipoteka kreditlarini hamda ular boʻyicha hisoblangan foizlarni qoplash uchun yoʻnaltirilganda;

“Qishloq qurilish bank” aksiyadorlik tijorat bankining kreditlari hisobiga qishloq joylarida namunaviy loyihalar boʻyicha yakka tartibda uy-joy quruvchi shaxslar tomonidan olingan ipoteka kreditlarini hamda ular boʻyicha hisoblangan foizlarni qoplash uchun yoʻnaltirilganda.

Ushbu bandda koʻrsatilgan mol-mulk olingan (mol-mulkka boʻlgan huquq davlat roʻyxatidan oʻtkazilgan) sanadan eʼtiboran besh yil ichida sotilsa, mazkur bandda nazarda tutilgan daromadlarga belgilangan tartibda soliq solinadi”;

quyidagi mazmundagi 31-band bilan toʻldirilsin:

“31) fuqarolarning soliq solinadigan ish haqi va boshqa daromadlarining:

Oʻzbekiston Respublikasi oliy oʻquv yurtlarida taʼlim olish uchun (oʻzining oʻqishi yoki yigirma olti yoshga toʻlmagan farzandlarining oʻqishi uchun) yoʻnaltiriladigan summalari;

Oʻzbekiston Respublikasi Xalq bankidagi fuqarolarning shaxsiy jamgʻarib boriladigan pensiya hisobvaraqlariga ixtiyoriy ravishda yoʻnaltiriladigan summalari”;

59) 182-modda:

nomi quyidagi tahrirda bayon etilsin:

birinchi qismining:

birinchi xatboshisidagi “doimiy muassasa bilan bogʻliq boʻlmagan” degan soʻzlar chiqarib tashlansin;

toʻrtinchi xatboshisi quyidagi tahrirda bayon etilsin:

“intellektual mulk obyektlariga boʻlgan mulkiy huquqlarni boshqa shaxsga oʻtkazganlik uchun mukofot, ijara boʻyicha daromadlarga hamda ishlarni bajarish, xizmatlar koʻrsatish bilan bogʻliq boʻlgan, mehnat shartnomalari (kontraktlari) va fuqarolik-huquqiy tusga ega shartnomalar boʻyicha olingan boshqa daromadlarga — 20 foiz”;

60) 184-modda:

ikkinchi qismi quyidagi tahrirda bayon etilsin:

“Jismoniy shaxslarning toʻlov manbaida soliq solinadigan daromadlariga quyidagi daromadlar kiradi:

1) ushbu Kodeksning 172-moddasiga muvofiq jismoniy shaxslarning mehnatga haq toʻlash tarzidagi daromadlari;

2) ushbu Kodeksning 177-moddasiga muvofiq moddiy naf tarzidagi daromadlar;

3) mulkiy daromadlar, agar daromadning toʻlov manbai yuridik shaxs — Oʻzbekiston Respublikasining rezidenti, faoliyatini Oʻzbekiston Respublikasida doimiy muassasa orqali amalga oshirayotgan Oʻzbekiston Respublikasining norezidenti, chet el yuridik shaxsining vakolatxonasi boʻlsa;

4) ushbu Kodeksning 178-moddasiga muvofiq boshqa daromadlar, agar daromadning toʻlov manbai yuridik shaxs — Oʻzbekiston Respublikasining rezidenti, faoliyatini Oʻzbekiston Respublikasida doimiy muassasa orqali amalga oshirayotgan Oʻzbekiston Respublikasining norezidenti, chet el yuridik shaxsining vakolatxonasi boʻlsa”;

quyidagi mazmundagi uchinchi qism bilan toʻldirilsin:

“Mehnatga oid munosabatlarda boʻlmagan jismoniy shaxsga moddiy naf tarzida daromad toʻlovchi soliq agenti, jismoniy shaxsning yozma arizasi asosida jismoniy shaxslardan olinadigan daromad soligʻini ushlab qolmaslikka haqlidir. Bunda jismoniy shaxs moddiy naf tarzidagi daromad boʻyicha ushbu Kodeksning 189-moddasiga muvofiq jismoniy shaxslardan olinadigan daromad soligʻini toʻlashi shart”;

61) 186-moddaning:

toʻrtinchi va beshinchi qismlari quyidagi tahrirda bayon etilsin:

“Oʻz xodimlariga moddiy yordam koʻrsatgan va sovgʻalar bergan soliq agentlari jismoniy shaxslardan olinadigan daromad soligʻi summasini soliq davrining oxirida amalda boʻlgan eng kam ish haqi miqdoridan kelib chiqqan holda qayta hisob-kitob qiladi.

Jismoniy shaxsning asosiy boʻlmagan ish joyidan yoki boshqa yuridik shaxslardan sovgʻa, moddiy yordam va boshqa turlardagi yordam olgan jismoniy shaxslardan olinadigan daromad soligʻi summasini qayta hisob-kitob qilish jismoniy shaxs daromadlar toʻgʻrisida deklaratsiya topshirgan taqdirda, davlat soliq xizmati organlari tomonidan soliq davrining oxirida amalda boʻlgan eng kam ish haqi miqdoridan kelib chiqqan holda amalga oshiriladi”;

sakkizinchi va toʻqqizinchi qismlaridagi “179-moddasi 1-bandining uchinchi va toʻrtinchi xatboshilarida, 14-bandida” degan soʻzlar “179-moddasi 1-bandining toʻrtinchi xatboshisida” degan soʻzlar bilan almashtirilsin;

oʻn birinchi qismidagi “ish haqi toʻlayotganda” degan soʻzlar chiqarib tashlansin;

oʻn ikkinchi qismidagi “olingan daromadlar, qilingan xarajatlar va ushlab qolingan soliq summalari” degan soʻzlar “jismoniy shaxsning jami yillik daromadi” degan soʻzlar bilan almashtirilsin;

62) 187-moddaning 2-bandidagi “25-kuniga qadar” degan soʻzlar “25-kunidan kechiktirmay” degan soʻzlar bilan almashtirilsin;

63) 188-modda birinchi qismining ikkinchi xatboshisi quyidagi mazmundagi jumla bilan toʻldirilsin:

“Ish haqi boʻyicha oyning birinchi yarmi uchun boʻnak (avans) olish uchun hujjatlar taqdim etilganda soliqni toʻlash amalga oshirilmaydi”;

64) 189-moddaning matni quyidagi tahrirda bayon etilsin:

“Deklaratsiya asosida soliq solinadigan daromadlarga Oʻzbekiston Respublikasi rezidentlarining quyidagi daromadlari kiradi:

mulkiy daromadlar, agar bu daromadlarga toʻlov manbaida soliq solinmagan boʻlsa;

fan, adabiyot va sanʼat asarlarini yaratganlik hamda ulardan foydalanganlik uchun mualliflik haqi tariqasida olingan daromadlar;

asosiy boʻlmagan ish joyidan olingan moddiy naf tarzidagi daromadlar;

ikki yoki undan koʻp manbadan olingan soliq solinadigan daromadlar;

Oʻzbekiston Respublikasi hududidan tashqaridagi manbalardan olingan daromadlar;

soliq agentlari boʻlmagan manbalardan olingan daromadlar.

Agar soliq toʻlovchining asosiy boʻlmagan ish joyidan olgan daromadlaridan jismoniy shaxslardan olinadigan daromad soligʻi uning arizasiga koʻra belgilangan eng yuqori stavka qoʻllanilgan holda ushlab qolingan boʻlsa, daromadlar toʻgʻrisida deklaratsiya taqdim etilmaydi, ushbu modda birinchi qismining oltinchi va yettinchi xatboshilarida koʻrsatilgan daromadlar bundan mustasno.

Oʻzbekiston Respublikasi rezidentiga aylangan chet ellik jismoniy shaxs, mazkur moddaning birinchi va ikkinchi qismlari qoidalaridan qatʼi nazar, ushbu Kodeksning 192-moddasida nazarda tutilgan tartibda va muddatlarda daromadlari toʻgʻrisida deklaratsiya taqdim etadi”;

65) 191-modda:

quyidagi mazmundagi ikkinchi qism bilan toʻldirilsin:

“Jismoniy shaxsning jami yillik daromadi toʻgʻrisidagi deklaratsiyasiga asosiy ish joyi boʻyicha toʻlangan daromadlar va jismoniy shaxslardan olinadigan daromad soligʻining ushlab qolingan summalari toʻgʻrisida Oʻzbekiston Respublikasi Davlat soliq qoʻmitasi va Oʻzbekiston Respublikasi Moliya vazirligi tomonidan tasdiqlangan shakldagi maʼlumotnoma ilova qilinadi”;

ikkinchi—toʻqqizinchi qismlari tegishincha uchinchi — oʻninchi qismlar deb hisoblansin;

66) 192-modda:

quyidagi mazmundagi ikkinchi qism bilan toʻldirilsin:

“Deklaratsiya qilinishi shart boʻlmagan daromadlarni olgan soliq toʻlovchilar doimiy yashash joyidagi davlat soliq xizmati organiga jami yillik daromadlari toʻgʻrisidagi deklaratsiyani ixtiyoriy ravishda taqdim etishi mumkin”;

ikkinchi—yettinchi qismlari tegishincha uchinchi — sakkizinchi qismlar deb hisoblansin;

beshinchi qismidagi “uchinchi qismida” degan soʻzlar “toʻrtinchi qismida” degan soʻzlar bilan almashtirilsin;

quyidagi mazmundagi toʻqqizinchi qism bilan toʻldirilsin:

“Agar soliq toʻlovchi daromadlar toʻgʻrisidagi deklaratsiyani taqdim etmagan boʻlsa, davlat soliq xizmati organi oʻzidagi mavjud maʼlumotlar asosida soliq summasini eng yuqori stavka boʻyicha hisoblashga va soliq toʻlovchiga toʻlanishi lozim boʻlgan hisoblangan soliq summasi toʻgʻrisida bildirishnoma topshirishga haqli. Soliq toʻlovchi tomonidan jami yillik daromadi toʻgʻrisida deklaratsiya taqdim etilgan taqdirda, soliqning yakuniy summasi ushbu deklaratsiya hisobga olingan holda aniqlanadi”;

67) 196-modda quyidagi mazmundagi ikkinchi qism bilan toʻldirilsin:

“Oʻzbekiston Respublikasidan tashqarida toʻlangan jismoniy shaxslardan olinadigan daromad soligʻi summasini hisobga olish uchun chet davlat vakolatli organining maʼlumotnomasi yoki jismoniy shaxslardan olinadigan daromad soligʻi Oʻzbekiston Respublikasidan tashqarida toʻlanganligini tasdiqlovchi boshqa hujjat asos boʻladi”;

68) 199-modda:

birinchi qismining 7-bandi quyidagi tahrirda bayon etilsin:

“7) yuridik shaxslardan olinadigan foyda soligʻini hisoblab chiqarishda ushbu Kodeksning 147-moddasiga muvofiq xarajatlari chegirilmaydigan soliq toʻlovchining oʻz ehtiyojlari uchun oʻzi ishlab chiqargan tovarlarni berish, oʻz kuchi bilan ishlarni bajarish, xizmatlar koʻrsatish”;

ikkinchi qismi:

1-bandi quyidagi tahrirda bayon etilsin:

“1) soliq toʻlovchining xarajatlari sifatida qaraladigan, uning oʻz ehtiyojlari uchun tovarlarni berish, ishlarni bajarish, xizmatlar koʻrsatish, bundan ushbu moddaning birinchi qismi 7-bandida nazarda tutilgan xarajatlar mustasno”;

4-bandining birinchi jumlasi quyidagi tahrirda bayon etilsin:

“4) qaytariladigan tarani joʻnatish”;

7-bandi quyidagi tahrirda bayon etilsin:

“7) banklar va sugʻurta tashkilotlari tomonidan mol-mulkni oʻz filiallariga berish”;

quyidagi mazmundagi 13-band bilan toʻldirilsin:

“13) tovarlardan foydalanishning kafolatli muddati davrida ularni taʼmirlash va ularga texnik xizmat koʻrsatish boʻyicha qoʻshimcha haq olmasdan ishlarni bajarish va xizmatlar koʻrsatish”;

69) 200-moddaning nomi, birinchi va ikkinchi qismlari quyidagi tahrirda bayon etilsin:

Soliq toʻlovchining tovarlarni (ishlarni, xizmatlarni) realizatsiya qilish oboroti soliq solinadigan oborotdir, ushbu moddaning ikkinchi qismida nazarda tutilgan oborotlar bundan mustasno.

Soliq toʻlovchining tovarlarni (ishlarni, xizmatlarni) quyidagi realizatsiya qilish oborotlari soliq solinmaydigan oborotdir:

ushbu Kodeksning 208, 209 va 210-moddalariga muvofiq qoʻshilgan qiymat soligʻidan ozod qilingan oborot;

realizatsiya qilingan joyi Oʻzbekiston Respublikasi boʻlmagan oborot. Tovarlarni (ishlarni, xizmatlarni) realizatsiya qilish joyi ushbu Kodeksning 202-moddasiga muvofiq belgilanadi”;

70) 202-modda uchinchi qismining 4-bandi oltinchi xatboshisining oʻzbekcha matnidagi “ishonchli shaxs” degan soʻzlar “ishonchli vakil” degan soʻzlar bilan almashtirilsin;

71) 204-moddaning toʻrtinchi—oʻn oltinchi qismlari quyidagi mazmundagi toʻrtinchi — oʻn sakkizinchi qismlar bilan almashtirilsin:

“Qurilish, qurilish-montaj va taʼmirlash-qurilish, ishga tushirish-sozlash, loyiha-qidiruv va ilmiy ishlar, xizmatlar boʻyicha, shuningdek obyektlarni foydalanishga tayyor holda qurishda shartnomaviy narxlardan kelib chiqqan holda hisob-kitob hujjatlari haq toʻlash uchun taqdim etilgan, bajarilgan va buyurtmachi tomonidan tasdiqlangan ishlarning, xizmatlarning qoʻshilgan qiymat soligʻi kiritilmagan qiymati soliq solinadigan bazadir. Agar shartnomaga binoan bu ishlarni materiallar bilan taʼminlash majburiyati buyurtmachining zimmasida boʻlsa, ushbu materiallarga boʻlgan mulk huquqi buyurtmachining oʻzida saqlanib qolgan taqdirda, bajarilgan hamda tasdiqlangan ishlarning buyurtmachi materiallarining qiymati kiritilmagan holdagi qiymati soliq solinadigan bazadir.

Import qilingan tovarlar realizatsiya qilinganda, soliq solinadigan baza realizatsiya qilinayotgan tovarlarning qoʻshilgan qiymat soligʻi kiritilmagan qiymatidan kelib chiqqan holda belgilanadi. Bunda soliq solinadigan baza mazkur tovar import qilinganda qoʻshilgan qiymat soligʻini hisoblab chiqarish uchun qabul qilingan qiymatdan past boʻlishi mumkin emas.

Aksiz toʻlanadigan tovarlar boʻyicha soliq solinadigan bazaga aksiz soligʻining summasi kiritiladi.

Asosiy vositalar va nomoddiy aktivlar realizatsiya qilingan taqdirda, soliq solinadigan baza qoʻshilgan qiymat soligʻi summasini ham oʻz ichiga oladigan, ularning realizatsiya qilish narxi bilan qoldiq qiymati oʻrtasidagi ijobiy farq sifatida belgilanadi.

Mol-mulk moliyaviy ijaraga, shu jumladan lizingga berilganda, soliq solinadigan baza qoʻshilgan qiymat soligʻi summasini oʻz ichiga oladigan, chiqib ketayotgan aktiv qiymati bilan uning balans (qoldiq) qiymati oʻrtasidagi ijobiy farq sifatida belgilanadi, soliq toʻlovchi tomonidan ishlab chiqarilgan tovarlar moliyaviy ijaraga (lizingga) berilganda esa, qoʻshilgan qiymat soligʻini oʻz ichiga oladigan, chiqib ketayotgan aktivning qiymati soliq solinadigan bazadir. Bunda chiqib ketayotgan aktivning qiymati buxgalteriya hisobi toʻgʻrisidagi qonun hujjatlariga muvofiq aniqlanadigan, moliyaviy ijara ijaraga beruvchining buxgalteriya hisobida aktiv sifatida eʼtirof etiladigan summa tarzida belgilanadi.

Qurilishi tugallanmagan obyekt realizatsiya qilingan taqdirda, soliq solinadigan baza qoʻshilgan qiymat soligʻi summasini ham oʻz ichiga oladigan, qurilishi tugallanmagan obyektni realizatsiya qilish narxi bilan balans qiymati oʻrtasidagi ijobiy farq sifatida belgilanadi.

Kredit tashkiloti tomonidan garov bilan taʼminlangan majburiyatni qoplash hisobiga olingan mol-mulk realizatsiya qilingan taqdirda, soliq solinadigan baza qoʻshilgan qiymat soligʻi summasini oʻz ichiga oladigan, realizatsiya qilish narxi bilan qarzni qoplash hisobiga mazkur garov mol-mulki olingan qarz summasi oʻrtasidagi ijobiy farq sifatida aniqlanadi.

Baholari (tariflari) davlat tomonidan tartibga solinishi nazarda tutilgan tovarlar (ishlar, xizmatlar) realizatsiya qilinganda, soliq solinadigan baza belgilangan baholardan (tariflardan) kelib chiqqan holda aniqlanadi.

Ushbu Kodeks 200-moddasining ikkinchi qismiga muvofiq realizatsiya qilishda soliq solinmaydigan oborotlar hisoblanuvchi chiptalar, abonementlar, yoʻllanmalar (joysiz davolanish uchun berilgan hujjatlar) va xizmatlar olishga huquq beruvchi boshqa hujjatlar mazkur xizmatlarni koʻrsatmaydigan yuridik shaxslar tomonidan oʻz xodimlari va ularning oila aʼzolari uchun realizatsiya qilingan taqdirda, soliq solinadigan baza qoʻshilgan qiymat soligʻi summasini oʻz ichiga oladigan, realizatsiya qilish bahosi va ularni olish bahosi oʻrtasidagi ijobiy farq sifatida aniqlanadi.

Ushbu Kodeks 219-moddasining 5 va 6-bandlariga muvofiq qoʻshilgan qiymat soligʻi boʻyicha hisobga olish nazarda tutilmagan mol-mulk realizatsiya qilingan taqdirda (mazkur mol-mulk qoʻshilgan qiymat soligʻi bilan olinganligi yoki olinmaganligidan qatʼi nazar), soliq solinadigan baza uning realizatsiya qilish (chiqib ketish) qiymati bilan balans qiymati oʻrtasidagi ijobiy farq sifatida aniqlanadi.

Transport ekspeditsiyasi shartnomasi boʻyicha xizmatlar koʻrsatilgan taqdirda, ekspeditorning soliq solinadigan bazasi qoʻshilgan qiymat soligʻi summasini ham oʻz ichiga oladigan, koʻrsatilgan xizmatlar uchun haq tariqasida olinishi lozim boʻlgan summadan kelib chiqqan holda belgilanadi.

Vositachilik shartnomasi, topshiriq yoki vositachilik xizmatlari koʻrsatish boʻyicha boshqa shartnoma asosida oʻzga shaxsning manfaatlarini koʻzlab xizmatlar koʻrsatilgan taqdirda, qoʻshilgan qiymat soligʻi boʻyicha soliq solinadigan baza qoʻshilgan qiymat soligʻi summasini ham oʻz ichiga oladigan, koʻrsatilgan xizmatlar uchun haq (foiz) tariqasida olinishi lozim boʻlgan summadan kelib chiqqan holda belgilanadi.

Vositachilik, topshiriq shartnomasiga binoan komitent yoki topshiriq beruvchi Oʻzbekiston Respublikasining norezidenti boʻlgan taqdirda, soliq solinadigan baza realizatsiya qilinayotgan tovarlarning qoʻshilgan qiymat soligʻi kiritilmagan qiymatidan kelib chiqqan holda belgilanadi. Bunda soliq solinadigan baza mazkur tovar import qilinganida qoʻshilgan qiymat soligʻini hisoblab chiqarish uchun qabul qilingan qiymatdan past boʻlishi mumkin emas.

Garovga qoʻyuvchi garov mol-mulkini garov bilan taʼminlangan majburiyatni bajarish hisobiga topshirgan taqdirda, garovga qoʻyuvchining soliq solinadigan oboroti miqdori garovga oluvchi tomonidan realizatsiya qilingan mol-mulk qiymatidan kelib chiqqan, biroq qoʻshilgan qiymat soligʻini qoʻshmagan holda mazkur garovga qoʻyilgan mol-mulkka olingan zayom mablagʻlari summasidan kam boʻlmagan miqdorda belgilanadi. Garovga topshirilgan asosiy vositalar, nomoddiy aktivlar va qurilishi tugallanmagan obyektlar boʻyicha garovga qoʻyuvchining soliq solinadigan bazasi qoʻshilgan qiymat soligʻini ham oʻz ichiga oladigan, ularning realizatsiya qilish narxi bilan balans (qoldiq) qiymati oʻrtasidagi ijobiy farqdan kelib chiqqan holda belgilanadi.

Qaytariladigan tara soliq solinadigan oborotga kiritilgan taqdirda, tara belgilangan muddatda qaytarilmasa, soliq solinadigan baza mazkur taraning qoʻshilgan qiymat soligʻi summasini ham oʻz ichiga oladigan garov qiymati asosida belgilanadi”;

72) 205-modda quyidagi mazmundagi toʻrtinchi qism bilan toʻldirilsin:

“Soliq solinadigan bazaga ushbu moddaning birinchi qismida nazarda tutilgan hollarda tuzatish kiritish koʻrsatilgan hollar yuz bergan soliq davrida amalga oshiriladi”;

73) 208-modda:

birinchi xatboshisi “qoʻshilgan qiymat soligʻidan” degan soʻzlardan keyin “agar ushbu Kodeksning 212-moddasida boshqacha qoida nazarda tutilmagan boʻlsa” degan soʻzlar bilan toʻldirilsin;

1-bandi quyidagi tahrirda bayon etilsin:

“1) yuridik va jismoniy shaxslarga muayyan huquqlar berilganda davlat organlari, fuqarolarning oʻzini oʻzi boshqarish organlari hamda vakolatli tashkilotlar tomonidan koʻrsatiladigan, davlat boji, patent boji, yigʻim yoki boshqa toʻlovlar undiriladigan xizmatlar”;

10-bandining uchinchi jumlasi quyidagi tahrirda bayon etilsin:

“Ushbu bandning qoidalari yuridik va jismoniy shaxslarning buyurtmalariga koʻra shahar yoʻlovchilar tashish transportida xodimlarni ishdan va (yoki) ishga tashish boʻyicha xizmatlarga, tadbirlar oʻtkazish uchun tashish boʻyicha xizmatlarga, shu jumladan shahar tashqarisiga tashishga ham tatbiq etiladi”;

15-bandining birinchi va ikkinchi xatboshilari quyidagi tahrirda bayon etilsin:

“15) sanatoriy-kurort, sogʻlomlashtirish, turistik-ekskursiya xizmatlari, shuningdek jismoniy tarbiya va sport muassasalarining xizmatlari. Ushbu bandni qoʻllash maqsadida:

sanatoriy-kurort va sogʻlomlashtirish xizmatlariga sanatoriylar, shifoxonalar, profilaktoriylar, kurortlar, pansionatlar, dam olish uylari va zonalari, bolalar dam olish oromgohlari va boshqa dam olish tashkilotlari tomonidan ularning asosiy ustav faoliyati doirasida koʻrsatiladigan xizmatlar kiradi”;

21-bandi chiqarib tashlansin;

24-bandidagi “sanitariya tozalash” degan soʻzlar chiqarib tashlansin;

25 va 35-bandlari chiqarib tashlansin;

74) 211-modda:

7-bandining ikkinchi jumlasidagi “imtiyoz qoʻllanilgan butun davr uchun” degan soʻzlar chiqarib tashlansin;

quyidagi mazmundagi 11-band bilan toʻldirilsin:

“11) qonun hujjatlarida belgilanadigan roʻyxat boʻyicha yogʻoch-taxta materiallari va yogʻoch”;

75) 213-modda ikkinchi qismi birinchi xatboshisining oʻzbekcha matnidagi “(ishonch bildiruvchi)” degan soʻzlar “(topshiriq beruvchi)” degan soʻzlar bilan almashtirilsin;

76) 217-modda “kanalizatsiya” degan soʻzdan keyin “sanitariya tozalash” degan soʻzlar bilan toʻldirilsin;

77) 218-modda:

birinchi qismi:

birinchi xatboshisi quyidagi tahrirda bayon etilsin:

“Budjetga toʻlanishi lozim boʻlgan soliq summasini aniqlashda tovarlarni (ishlarni, xizmatlarni) oluvchi haqiqatda olingan va (yoki) soliq toʻlovchi tomonidan ishlab chiqarilgan hamda oʻz ehtiyojlari uchun foydalanilgan tovarlar (ishlar, xizmatlar) boʻyicha toʻlanishi lozim boʻlgan (toʻlangan) qoʻshilgan qiymat soligʻining summasini hisobga olish huquqiga ega, agar bunda quyidagi shartlar bajarilsa”;

quyidagi mazmundagi 1¹-band bilan toʻldirilsin:

“1¹) tovarlardan (ishlardan, xizmatlardan) soliq solinadigan oborotlar, shu jumladan nol darajali stavka qoʻllaniladigan oborotlar maqsadida foydalanilsa”;

3-bandi quyidagi mazmundagi jumla bilan toʻldirilsin:

“Agar import qilingan tovarlar boʻyicha soliqni budjetga toʻlashdan ozod etish tarzida boʻshagan mablagʻlarni aniq maqsadlarga yoʻnaltirish sharti bilan imtiyoz berilgan boʻlsa ham qoʻshilgan qiymat soligʻi hisobga olinadi”;

uchinchi—toʻqqizinchi qismlari quyidagi mazmundagi uchinchi — sakkizinchi qismlar bilan almashtirilsin:

“Realizatsiya qilinganda nol darajali stavka boʻyicha soliq solinadigan eksport qilinadigan tovarlarni ishlab chiqarish uchun ishlatiladigan, haqiqatda olingan tovarlar (ishlar, xizmatlar) boʻyicha toʻlanishi lozim boʻlgan (toʻlangan) qoʻshilgan qiymat soligʻi tovarlar eksportidan soliq toʻlovchining Oʻzbekiston Respublikasidagi bank hisobvaragʻiga kelib tushgan valyuta tushumining ulushida hisobga olinadi. Tovar vositachilik, topshiriq shartnomasi boʻyicha vositachi, ishonchli vakil orqali eksportga realizatsiya qilingan taqdirda, qoʻshilgan qiymat soligʻi vositachining, ishonchli vakilning yoki soliq toʻlovchining hisobvaragʻiga kelib tushgan valyuta tushumining summasi ulushida hisobga olinadi.

Tovarlardan foydalanishning kafolatli muddati davrida ularni taʼmirlash va texnik xizmat koʻrsatish boʻyicha qoʻshimcha haq olmasdan ishlar bajarilganda, xizmatlar koʻrsatilganda moddiy resurslar boʻyicha toʻlanishi lozim boʻlgan (toʻlangan) qoʻshilgan qiymat soligʻi summasi, shu jumladan ehtiyot qismlar va detallar qiymati ushbu moddaning birinchi qismida koʻrsatilgan shartlarga rioya etilgan taqdirda hisobga olinadi.

Tovar vositachilik, topshiriq shartnomasi boʻyicha olingan taqdirda, komitent, topshiriq beruvchi Oʻzbekiston Respublikasining norezidenti boʻlsa, Oʻzbekiston Respublikasi hududiga kirishda toʻlangan qoʻshilgan qiymat soligʻi hisobot davrida realizatsiya qilingan tovarlar ulushida hisobga olinadi.

Umumbelgilangan soliqlarni toʻlashga va (yoki) qoʻshilgan qiymat soligʻini ixtiyoriy toʻlashga oʻtilgan taqdirda, yuridik shaxs bunday turdagi toʻlovlarga oʻtilgan paytdan eʼtiboran tovarlarning (ishlarning, xizmatlarning) qoldiqlari boʻyicha qoʻshilgan qiymat soligʻi summasini hisobga olish huquqiga ega, ushbu moddaning uchinchi qismida koʻrsatilgan hollar bundan mustasno. Shunday tartib imtiyozlar bekor qilinganda, qoʻshilgan qiymat soligʻini toʻlash boʻyicha majburiyat yuzaga kelgan soliq toʻlovchilarga nisbatan ham tatbiq etiladi.

Qoʻshilgan qiymat soligʻini toʻlovchida soliq solinadigan va solinmaydigan oborotlar, shu jumladan qoʻshilgan qiymat soligʻidan ozod qilingan oborotlar mavjud boʻlgan taqdirda, qoʻshilgan qiymat soligʻi ushbu Kodeksning 221-moddasida nazarda tutilgan tartibda hisobga olinadi.

Ushbu bobni qoʻllash maqsadida mol-mulkni ijaraga berishga, intellektual mulk obyektlaridan foydalanish huquqini berishga xizmatlar sifatida qaraladi”;

78) 219-moddaning:

1-bandi quyidagi tahrirda bayon etilsin:

“1) olinayotgan asosiy vositalar, nomoddiy aktivlar va qurilishi tugallanmagan obyektlar boʻyicha, shuningdek moliyaviy ijaraga, shu jumladan lizingga berish uchun olinayotgan mol-mulk boʻyicha”;

3-bandi chiqarib tashlansin;

6-bandi quyidagi tahrirda bayon etilsin:

“6) ushbu Kodeksning 147-moddasiga muvofiq chegirib tashlanmaydigan xarajatlarni amalga oshirish maqsadida olingan mol-mulk boʻyicha”;

79) 220-moddaning birinchi qismi quyidagi mazmundagi toʻrtinchi xatboshi bilan toʻldirilsin:

“qonun hujjatlariga muvofiq vakolatli organ tomonidan tasdiqlangan normalardan, bunday normalar mavjud boʻlmaganda esa soliq toʻlovchi tomonidan tasdiqlangan normalardan ortiqcha moddiy resurslar boʻyicha yoʻqotishlar va buzilishlar”;

80) 222-moddaning:

ikkinchi qismi:

4-bandidagi “oʻninchi qismiga” degan soʻzlar “sakkizinchi qismiga” degan soʻzlar bilan almashtirilsin;

6-bandi oʻzbekcha matnidagi “kafillik shartnomasi” degan soʻzlar “topshiriq shartnomasi” degan soʻzlar bilan almashtirilsin;

uchinchi qismi quyidagi mazmundagi jumla bilan toʻldirilsin:

“Bunda qoʻshilgan qiymat soligʻi solinadigan tovarlar (ishlar, xizmatlar) yetkazib berilgan taqdirda, ushbu hujjatlarda qoʻshilgan qiymat soligʻi summasi albatta ajratib koʻrsatilishi kerak”;

sakkizinchi qismidagi “hisobot davrining” degan soʻzlar “oyning” degan soʻz bilan almashtirilsin;

oʻn birinchi—oʻn uchinchi qismlari quyidagi mazmundagi oʻn birinchi — oʻn toʻrtinchi qismlar bilan almashtirilsin:

“Tovarlarni (ishlarni, xizmatlarni) yetkazib beruvchi soliq solinadigan bazaga uni koʻpaytirishga (kamaytirishga) qaratilgan tuzatish kiritgan taqdirda, mazkur tovarlarni (ishlarni, xizmatlarni) oluvchi tomonidan tasdiqlanadigan qoʻshimcha hisobvaraq-faktura tuziladi.

Tovarlarni (ishlarni, xizmatlarni) yetkazib beruvchi qoʻshimcha hisobvaraq-fakturada quyidagi maʼlumotlarni koʻrsatishi kerak:

1) qoʻshimcha hisobvaraq-fakturaning raqami va tuzilgan sanasi;

2) hisobvaraq-fakturani toʻldirishda zarur boʻlgan, ushbu moddaning birinchi qismida nazarda tutilgan rekvizitlar;

3) tuzatish kiritilayotgan hisobvaraq-fakturaning raqami va sanasi;.

4) qoʻshilgan qiymat soligʻini hisobga olmagan holda soliq solinadigan bazaga tuzatish kiritish miqdori (salbiy yoki ijobiy);

5) qoʻshilgan qiymat soligʻi summasiga tuzatish kiritish miqdori (salbiy yoki ijobiy).

Qoʻshilgan qiymat soligʻini toʻlovchilar oʻzlari olgan tovarlar (ishlar, xizmatlar) boʻyicha hisobvaraq-fakturalarning, shuningdek realizatsiya qilingan tovarlar (ishlar, xizmatlar) boʻyicha taqdim etilgan hisobvaraq-fakturalarning reyestrini yuritishi shart. Bunda olingan tovarlar (ishlar, xizmatlar) boʻyicha hisobvaraq-fakturalar reyestriga faqat qoʻshilgan qiymat soligʻi ajratib koʻrsatilgan hisobvaraq-fakturalar kiritiladi.

Hisobvaraq-fakturaning shakli, uni toʻldirish tartibi, shuningdek kelib tushgan va taqdim etilgan hisobvaraq-fakturalar reyestrini yuritish tartibi Oʻzbekiston Respublikasi Davlat soliq qoʻmitasi va Oʻzbekiston Respublikasi Moliya vazirligi tomonidan tasdiqlanadi”;

81) 225-modda ikkinchi qismining birinchi jumlasi quyidagi tahrirda bayon etilsin:

“Soliq toʻlovchilar, bundan kredit va sugʻurta tashkilotlari mustasno, qoʻshilgan qiymat soligʻining hisob-kitobi bilan bir vaqtda soliq davri mobaynida olingan tovarlar (ishlar, xizmatlar) boʻyicha hisobvaraq-fakturalar reyestrini taqdim etadi”;

82) 227-modda:

quyidagi mazmundagi uchinchi qism bilan toʻldirilsin:

“Hisobga olinadigan qoʻshilgan qiymat soligʻi summasining soliq davri yakunlariga koʻra hisoblangan soliq summasidan ortiqchaligi saqlanib qolgan taqdirda, ushbu ortiqcha summa keyingi soliq davriga oʻtkaziladi va qoʻshilgan qiymat soligʻi boʻyicha kelgusi toʻlovlar hisobiga oʻtkaziladi yoxud soliq toʻlovchiga mazkur moddada belgilangan tartibda qaytariladi”;

uchinchi va toʻrtinchi qismlari tegishincha toʻrtinchi va beshinchi qismlar deb hisoblansin;

83) 228-moddaning uchinchi qismi:

1-bandi quyidagi tahrirda bayon etilsin:

“1) tovarlarni eksport qilishni amalga oshirayotgan yuridik shaxslar — ushbu Kodeks 213-moddasining birinchi qismiga muvofiq hujjatlarning koʻchirma nusxalarini, shuningdek chet el valyutasida realizatsiya qilingan tovarlar uchun tushum soliq toʻlovchining Oʻzbekiston Respublikasidagi bank hisobvaragʻiga kelib tushganligini tasdiqlovchi bank hujjatidan koʻchirmalarni”;

quyidagi mazmundagi 1¹-band bilan toʻldirilsin:

“11) tovarlar eksportini vositachilik, topshiriq shartnomasi boʻyicha vositachi, ishonchli vakil orqali amalga oshirayotgan yuridik shaxslar — ushbu Kodeks 213-moddasining ikkinchi qismiga muvofiq hujjatlarning koʻchirma nusxalarini, shuningdek chet el valyutasida realizatsiya qilingan tovarlar uchun tushum vositachining, ishonchli vakilning yoki soliq toʻlovchining Oʻzbekiston Respublikasidagi bank hisobvaragʻiga kelib tushganligini tasdiqlovchi bank hujjatidan koʻchirmalarni yoki ularning koʻchirma nusxalarini”;

84) 230-modda ikkinchi qismining 3-bandi quyidagi tahrirda bayon etilsin:

“3) Oʻzbekiston Respublikasining bojxona hududiga:

Oʻzbekiston Respublikasi Vazirlar Mahkamasi tomonidan belgilanadigan tartibda insonparvarlik yordami sifatida;

davlatlar, hukumatlar, xalqaro tashkilotlar tomonidan xayriya yordami maqsadida, shu jumladan texnik koʻmak koʻrsatish maqsadida;

Oʻzbekiston Respublikasining xalqaro shartnomalari boʻyicha xalqaro va chet el hukumat moliya tashkilotlari tomonidan berilgan zayomlar (kreditlar) mablagʻlari hisobiga, shuningdek grantlar hisobiga yuridik shaxslar tomonidan olib kirilayotgan, aksiz toʻlanadigan tovarlarni import qilishga”;

85) 233-modda quyidagi mazmundagi toʻrtinchi qism bilan toʻldirilsin:

“Tovarlarni (ishlarni, xizmatlarni) realizatsiya qilishdan olinadigan daromadga ushbu moddaning birinchi qismida nazarda tutilgan hollarda tuzatish kiritish koʻrsatilgan hollar yuz bergan soliq davrida amalga oshiriladi”;

86) 242-moddaning birinchi qismi quyidagi tahrirda bayon etilsin:

“Oʻzbekiston Respublikasi hududida konlarni aniqlash va qidirish, foydali qazilmalarni kavlab olish, mineral xomashyodan va (yoki) texnogen mineral hosilalardan foydali komponentlarni ajratib olishni amalga oshirayotgan, shuningdek foydali qazilmalardan foydali komponentlarni ajratib olgan holda ularni qayta ishlashni amalga oshirayotgan yuridik va jismoniy shaxslar soliq solish maqsadida yer qaʼridan foydalanuvchilardir”;

87) 243-moddaning ikkinchi xatboshisi quyidagi tahrirda bayon etilsin:

“yer qaʼridan foydali qazilmalarni kavlab olayotgan, mineral xomashyodan va (yoki) texnogen mineral hosilalardan foydali komponentlarni ajratib olayotgan yer qaʼridan foydalanuvchilar”;

88) 244-modda:

beshinchi qismi quyidagi tahrirda bayon etilsin:

“Qatlamdagi bosimni saqlab turish va (yoki) uglevodorodlarni tugal texnologik jarayon doirasida ajratib olish uchun mahsuldor qatlamga qayta haydab kiritiladigan tabiiy gaz hajmi soliq solish obyekti boʻlmaydi”;

yettinchi qismining ikkinchi va uchinchi xatboshilari quyidagi tahrirda bayon etilsin:

“kavlab olingan (shu jumladan qoʻshilib chiqadigan) foydali qazilmalar;

foydali qazilmalardan, mineral xomashyodan, texnogen mineral hosilalardan ajratib olingan foydali komponentlar”;

89) 247-modda ikkinchi qismining ikkinchi va uchinchi xatboshilari “yil yakunlari boʻyicha esa yillik moliyaviy hisobot taqdim etiladigan muddatda” degan soʻzlar bilan toʻldirilsin;

90) 250-moddaning matni quyidagi tahrirda bayon etilsin:

“Qoʻshimcha foyda summasi bilan qoʻshimcha foyda qismiga toʻgʻri keladigan sof tushumdan hisoblab chiqarilgan soliq va boshqa majburiy toʻlovlar summasi oʻrtasidagi farq sifatida aniqlanadigan sof qoʻshimcha foyda soliq solinadigan bazadir”;

91) 253-moddaning birinchi qismidagi “aniqlash, qidirish va kavlab olish boʻyicha” degan soʻzlar “aniqlash va qidirish boʻyicha” degan soʻzlar bilan almashtirilsin;

92) 254-moddaning birinchi qismi quyidagi mazmundagi jumla bilan toʻldirilsin:

“Tijoratbop topilma bonusi, agar avval mazkur kon boʻyicha tijoratbop topilma bonusi toʻlanmagan boʻlsa, foydali qazilmalarni kavlab olish huquqini olgan yer qaʼridan foydalanuvchilar tomonidan ham toʻlanadi”;

93) 263-modda uchinchi qismining:

1-bandi quyidagi tahrirda bayon etilsin:

“1) suv resurslaridan foydalanganlik uchun toʻlanadigan soliqning umumiy summasi yilning bir choragida eng kam ish haqining ellik baravaridan koʻpni tashkil etadigan yuridik shaxslar tomonidan (qishloq xoʻjaligi korxonalari, mikrofirmalar va kichik korxonalar bundan mustasno) — har oyda, hisobot oyidan keyingi oyning 25-kunidan kechiktirmay, yil yakunlari boʻyicha esa yillik moliyaviy hisobot taqdim etiladigan muddatda”;

2 va 4-bandlaridagi “25-kunigacha” degan soʻzlar “25-kunidan kechiktirmay” degan soʻzlar bilan almashtirilsin;

94) 269-modda:

birinchi qismining:

2-bandidagi “xalq taʼlimi” degan soʻzlar “taʼlim” degan soʻz bilan almashtirilsin;

8-bandi ikkinchi jumlasi quyidagi tahrirda bayon etilsin:

“Obyektlarni tabiatni muhofaza qilish, sanitariya-tozalash maqsadlari va yongʻin xavfsizligi uchun foydalaniladigan obyektlarga kiritish tegishli tabiatni muhofaza qilish yoki davlat yongʻin nazorati organining maʼlumotnomasi asosida amalga oshiriladi”;

9-bandi ruscha matnidagi “energoperedach” degan soʻz “elektroperedachi” degan soʻz bilan almashtirilsin;

ikkinchi qismining 4-bandi quyidagi tahrirda bayon etilsin:

“4) yangi tashkil etilgan korxonalar — davlat roʻyxatidan oʻtkazilgan paytdan eʼtiboran ikki yil mobaynida. Mazkur imtiyoz qayta tashkil etilgan yuridik shaxslar negizida tashkil etilgan korxonalarga, shuningdek boshqa korxonalar hududida shu korxonalardan ijaraga olingan asbob-uskunalardan foydalangan holda oʻz faoliyatini amalga oshirayotgan yuridik shaxslarga nisbatan qoʻllanilmaydi”;

95) 271-modda oltinchi qismining ikkinchi va uchinchi xatboshilari quyidagi tahrirda bayon etilsin:

“Oʻzbekiston Respublikasida faoliyatni doimiy muassasa orqali amalga oshirayotgan Oʻzbekiston Respublikasining norezidenti doimiy muassasaning soliq boʻyicha hisobga olish joyidagi davlat soliq xizmati organiga soliq solinadigan mavjud mol-mulk toʻgʻrisidagi maʼlumotnomani hisobot yilidan keyingi yilning 25-yanvaridan kechiktirmay taqdim etishi shart. Taqdim etilgan maʼlumotnoma asosida davlat soliq xizmati organi yuridik shaxslarning mol-mulkiga solinadigan soliq summasi hisob-kitobini oʻn kun ichida amalga oshiradi va toʻlov xabarnomasini yozadi;

Oʻzbekiston Respublikasining koʻchmas mulk joylashgan yerdagi davlat soliq xizmati organlari Oʻzbekiston Respublikasining koʻchmas mulkka ega boʻlgan norezidentlariga soliq toʻlovchidan yoki koʻchmas mulkka boʻlgan huquqlarni davlat roʻyxatidan oʻtkazuvchi organdan olingan maʼlumotlar asosida toʻlov xabarnomasini yozadi”;

96) 275-modda birinchi qismining:

2-bandi ikkinchi jumlasi quyidagi tahrirda bayon etilsin:

“Mazkur imtiyoz urush nogironining (qatnashchisining) tegishli guvohnomasi yoki mudofaa ishlari boʻlimining yoxud boshqa vakolatli organning maʼlumotnomasi asosida, boshqa nogironlarga (qatnashchilarga) esa nogironning (qatnashchining) imtiyozlarga boʻlgan huquqi toʻgʻrisidagi guvohnoma asosida beriladi”;

8-bandi chiqarib tashlansin;

97) 276-moddaning matni quyidagi tahrirda bayon etilsin:

“Soliq solish obyektlari jismoniy shaxslar tomonidan tadbirkorlik faoliyati uchun foydalanilgan yoxud ular yuridik shaxsga yoki yakka tartibdagi tadbirkorga ijaraga berilgan taqdirda, shuningdek jismoniy shaxslarning mulkida boʻlgan yashash uchun moʻljallanmagan joylar boʻyicha jismoniy shaxslarning mol-mulkiga solinadigan soliq yuridik shaxslar uchun belgilangan stavka boʻyicha toʻlanadi”;

98) 277-moddaning oʻninchi qismi quyidagi tahrirda bayon etilsin:

“Kalendar yil mobaynida imtiyoz huquqi vujudga kelgan (amal qilishi tugagan) taqdirda, jismoniy shaxslarning mol-mulkiga solinadigan soliqni qayta hisob-kitob qilish ushbu huquq vujudga kelgan (amal qilishi tugagan) oydan eʼtiboran amalga oshiriladi”;

99) 282-modda ikkinchi qismining 9-bandidagi “xalq taʼlimi” degan soʻzlar “taʼlim” degan soʻz bilan almashtirilsin;

100) 285-moddaning uchinchi qismi quyidagi tahrirda bayon etilsin:

“Soliq solinadigan bazada (hisoblangan soliq summasida) soliq davri mobaynida oʻzgarish boʻlganda yuridik shaxslar bir oylik muddat ichida davlat soliq xizmati organiga yer soligʻining aniqlashtirilgan hisob-kitobini taqdim etishi shart”;

101) 288-moddaning ikkinchi qismi “ushbu modda birinchi qismining 7-bandida koʻrsatilganlari bundan mustasno” degan soʻzlar bilan toʻldirilsin;

102) 290-modda birinchi qismi:

3-bandining ikkinchi jumlasi quyidagi tahrirda bayon etilsin:

“Mazkur imtiyoz urush nogironining (qatnashchisining) tegishli guvohnomasi yoki mudofaa ishlari boʻlimining yoxud boshqa vakolatli organning maʼlumotnomasi asosida, boshqa nogironlarga (qatnashchilarga) esa nogironning (qatnashchining) imtiyozlarga boʻlgan huquqi toʻgʻrisidagi guvohnoma asosida beriladi”;

5-bandi quyidagi tahrirda bayon etilsin:

“5) yolgʻiz pensionyerlar. Yolgʻiz yoki voyaga yetmagan bolalari bilan yoxud nogiron bolasi bilan alohida uyda birga yashovchi pensionyerlar yolgʻiz pensionyerlar deb tushuniladi. Mazkur imtiyoz pensiya guvohnomasi yoki tuman (shahar) ijtimoiy taʼminot boʻlimining maʼlumotnomasi, shuningdek fuqarolarning oʻzini oʻzi boshqarish organlarining maʼlumotnomasi asosida beriladi”;

7-bandining birinchi jumlasi quyidagi tahrirda bayon etilsin:

“7) Chernobil AESdagi avariya oqibatlarini tugatishda ishtirok etganlik uchun imtiyozlar oladigan fuqarolar (shu jumladan vaqtincha yuborilgan yoki xizmat safariga yuborilgan fuqarolar)”;

103) 293-modda:

quyidagi mazmundagi uchinchi qism bilan toʻldirilsin:

“Ushbu Kodeksning 290-moddasida koʻrsatilgan imtiyozlarni olish huquqiga ega boʻlgan shaxslar yer uchastkasi joylashgan yerdagi davlat soliq xizmati organlariga ushbu imtiyozlarga boʻlgan huquqni tasdiqlovchi hujjatlarni mustaqil ravishda taqdim etadi”;

uchinchi va toʻrtinchi qismlari tegishincha toʻrtinchi va beshinchi qismlar deb hisoblansin;

104) 296-moddaning ikkinchi jumlasi quyidagi tahrirda bayon etilsin:

“Bunda soliq solinadigan baza olinishi lozim boʻlgan (olingan) dividendlar summasiga, qoʻshimcha foyda soligʻi toʻlovchilar uchun esa sof qoʻshimcha foyda summasiga ham kamaytiriladi”;

105) 297-moddaning ikkinchi qismidagi “xalq taʼlimi” degan soʻzlar “taʼlim” degan soʻz bilan almashtirilsin;

106) XIV boʻlim nomining oʻzbekcha matnidagi “YoNILGʻISI” degan soʻz “YoQILGʻISI” degan soʻz bilan almashtirilsin;

107) 301 va 302-moddalarning oʻzbekcha matnidagi “yonilgʻisi” degan soʻz “yoqilgʻisi” degan soʻz bilan almashtirilsin;

108) 304-moddaning oʻzbekcha matnidagi “yonilgʻisi” va “yonilgʻi” degan soʻzlar tegishincha “yoqilgʻisi” va “yoqilgʻi” degan soʻzlar bilan almashtirilsin;

109) 308-modda:

3-bandi chiqarib tashlansin;

quyidagi mazmundagi 6-band bilan toʻldirilsin:

“6) Oʻzbekiston Respublikasi Mudofaa, Ichki ishlar, Favqulodda vaziyatlar vazirliklarining, Oʻzbekiston Respublikasi Milliy xavfsizlik xizmatining harbiy xizmatchilariga, ichki ishlar organlarining hamda Oʻzbekiston Respublikasi Davlat bojxona qoʻmitasining oddiy, serjant va ofitser tarkiblarida xizmatni oʻtashi (xizmat majburiyatlarini bajarishi) munosabati bilan toʻlanadigan pul taʼminoti, pul mukofotlari va boshqa toʻlovlar”;

110) 310-modda beshinchi qismining uchinchi xatboshisi quyidagi mazmundagi jumla bilan toʻldirilsin:

“Ish haqi hisobiga oyning birinchi yarmi uchun boʻnak (avans) olish uchun hujjatlar taqdim etilganda sugʻurta badallari toʻlovi amalga oshirilmaydi”;

111) 311-modda:

birinchi qismi quyidagi tahrirda bayon etilsin:

“Soliq toʻlovchining kalendar oyida ishlagan kunlari sonidan qatʼi nazar, yakka tartibdagi tadbirkorlar sugʻurta badallarini majburiy tartibda oyiga eng kam ish haqidan kam boʻlmagan miqdorda toʻlaydi”;

toʻrtinchi qismining ikkinchi xatboshisidagi “keyingi oyning 10-kunidan kechiktirmay” degan soʻzlar “tadbirkorlik faoliyati amalga oshirilgan oyning 25-kunidan kechiktirmay” degan soʻzlar bilan almashtirilsin;

112) 312-moddaning birinchi qismi quyidagi tahrirda bayon etilsin:

“Budjetdan tashqari Pensiya jamgʻarmasiga majburiy ajratmalarni toʻlovchilar quyidagilardir:

yuridik shaxslar — Oʻzbekiston Respublikasining rezidentlari;

oddiy shirkat ishlarini yuritish zimmasiga yuklatilgan (ishonchli shaxs) sherik (ishtirokchi) — yuridik shaxs”;

113) 313-modda ikkinchi qismining:

2-bandi quyidagi mazmundagi jumla bilan toʻldirilsin:

“Bunda, agar yuqorida qayd etilgan ishlarni materiallar bilan taʼminlash majburiyati shartnomaga binoan buyurtmachining zimmasida boʻlsa, ushbu materiallarga boʻlgan mulk huquqi buyurtmachining oʻzida saqlanib qolgan taqdirda, oʻz kuchlari bilan bajarilgan ishlarni realizatsiya qilishdan olinadigan tushum bajarilgan hamda tasdiqlangan ishlarning buyurtmachi materiallarining qiymati kiritilmagan holdagi qiymati sifatida belgilanadi”;

3-bandi oʻzbekcha matnidagi “pul mukofoti” degan soʻzlar “haq” degan soʻz bilan almashtirilsin;

114) 316-moddaning birinchi qismi quyidagi tahrirda bayon etilsin:

“Respublika yoʻl jamgʻarmasiga majburiy ajratmalarni toʻlovchilar quyidagilardir:

yuridik shaxslar — Oʻzbekiston Respublikasining rezidentlari;

oddiy shirkat ishlarini yuritish zimmasiga yuklatilgan (ishonchli shaxs) sherik (ishtirokchi) — yuridik shaxs”;

115) 317-modda ikkinchi qismining 2-bandi quyidagi mazmundagi jumla bilan toʻldirilsin:

“Bunda, agar yuqorida qayd etilgan ishlarni materiallar bilan taʼminlash majburiyati shartnomaga binoan buyurtmachining zimmasida boʻlsa, ushbu materiallarga boʻlgan mulk huquqi buyurtmachining oʻzida saqlanib qolgan taqdirda, oʻz kuchlari bilan bajarilgan ishlarni realizatsiya qilishdan olinadigan tushum bajarilgan hamda tasdiqlangan ishlarning buyurtmachi materiallarining qiymati kiritilmagan holdagi qiymati sifatida belgilanadi”;

116) 323-moddaning ikkinchi xatboshisi “yoki avtotransport vositalarining qiymati” degan soʻzlar bilan toʻldirilsin;

117) 324-moddaning 6-bandi “maktab-internatlar” degan soʻzlardan keyin “nogiron bolalar uchun markazlar” degan soʻzlar bilan toʻldirilsin;

118) 330-modda:

1-bandi chiqarib tashlansin;

quyidagi mazmundagi 25 — 27-bandlar bilan toʻldirilsin:

“25) yuridik va jismoniy shaxslar — sud ijrochisining harakatlari (harakatsizligi) ustidan shikoyatlari boʻyicha;

26) xalqaro va chet el hukumat moliya tashkilotlari tomonidan hukumatlararo kelishuvlar asosida berilgan kreditlar boʻyicha asosiy qarzdor sifatida qatnashuvchi davlat organlari va tashkilotlari - subzayom oluvchilardan paydo boʻlgan qarzdorliklarni undirish toʻgʻrisidagi daʼvolar yuzasidan;

27) davlat ehtiyojlari uchun tovarlar (ishlar, xizmatlar) yetkazib berish shartnomalari boʻyicha sotib oluvchi hisoblangan davlat organlari va tashkilotlari — yetkazib beruvchilar (pudratchilar) tomonidan shartnoma majburiyatlarining bajarilmaganligi bilan bogʻliq daʼvolar yuzasidan”;

119) 335-moddaning ikkinchi qismi quyidagi tahrirda bayon etilsin:

“Dehqon xoʻjaliklarini, davlat korxonalari negizida tuzilayotgan aksiyadorlik jamiyatlarini, shuningdek xususiy uy-joy mulkdorlari shirkatlarini davlat roʻyxatidan oʻtkazganlik uchun davlat boji undirilmaydi”;

120) 336-moddaning yettinchi qismidagi “qismining” degan soʻz chiqarib tashlansin;

121) 337-moddaning:

oʻn sakkizinchi qismidagi “mol-mulkni boshqa shaxsga berishga doir shartnomalarni haqiqiy emas deb topish toʻgʻrisidagi” degan soʻzlar “mol-mulkni talab qilib olish toʻgʻrisidagi” degan soʻzlar bilan almashtirilsin;

yigirma beshinchi qismi chiqarib tashlansin;

yigirma oltinchi qismi yigirma beshinchi qism deb hisoblansin;

quyidagi mazmundagi yigirma oltinchi qism bilan toʻldirilsin:

“Pul mablagʻlari mavjud boʻlmagan, bu xizmat koʻrsatuvchi bank tomonidan tasdiqlangan taqdirda, tadbirkorlik faoliyati bilan shugʻullanuvchi yuridik va jismoniy shaxslarga umumiy yurisdiksiya sudining, xoʻjalik sudining ajrimiga koʻra davlat bojini kechiktirib toʻlashga ruxsat berilishi mumkin. Bank tasdigʻida umumiy yurisdiksiya sudiga, xoʻjalik sudiga murojaat qilingan sanadan koʻpi bilan uch kun oldingi sana qayd etilgan boʻlishi lozim”;

122) 348-modda ikkinchi qismining oʻzbekcha matnidagi “yagona soliq” degan soʻzlar “yagona soliq toʻlovi” degan soʻzlar bilan almashtirilsin;

123) 350-moddaning:

birinchi qismi quyidagi mazmundagi 3-band bilan toʻldirilsin:

“3) oddiy shirkat ishlarini yuritish zimmasiga yuklatilgan (ishonchli shaxs) sherik (ishtirokchi) — yakka tartibdagi tadbirkor”;

ikkinchi qismining ikkinchi xatboshisi quyidagi tahrirda bayon etilsin:

“aksiz soligʻi toʻlanadigan mahsulot ishlab chiqarishni va yer qaʼridan foydalanganlik uchun soliq solinadigan foydali qazilmalarni qazib olishni amalga oshiruvchi mikrofirmalar va kichik korxonalarga, bundan maxsus pechlardan foydalangan holda energiya tejaydigan zamonaviy texnologiyalar asosida pishiq gʻisht ishlab chiqaruvchi mikrofirmalar va kichik korxonalar mustasno”;

124) 354-moddaning yettinchi qismidagi “toʻlovchilar” degan soʻz “toʻlovchilar — yuridik shaxslar” degan soʻzlar bilan almashtirilsin;

125) 355-modda:

ikkinchi qismining 1-bandi:

uchinchi xatboshisi quyidagi mazmundagi jumla bilan toʻldirilsin:

“Bunda, agar yuqorida qayd etilgan ishlarni materiallar bilan taʼminlash majburiyati shartnomaga binoan buyurtmachining zimmasida boʻlsa, ushbu materiallarga boʻlgan mulk huquqi buyurtmachining oʻzida saqlanib qolgan taqdirda, oʻz kuchlari bilan bajarilgan ishlarni realizatsiya qilishdan olinadigan tushum bajarilgan hamda tasdiqlangan ishlarning buyurtmachi materiallarining qiymati kiritilmagan holdagi qiymati sifatida belgilanadi”;

oltinchi xatboshisi oʻzbekcha matnidagi “pul mukofoti” degan soʻzlar “haq” degan soʻz bilan almashtirilsin;

quyidagi mazmundagi toʻqqizinchi xatboshi bilan toʻldirilsin:

“tovarlarni tannarxidan yoki olish bahosidan past baholarda realizatsiya qiluvchi, shuningdek tovarlarni tekinga beruvchi yuridik shaxslar uchun — tovarlar tannarxi yoki ularni olish bahosi. Bunda baholari (tariflari) davlat tomonidan tartibga solinishi nazarda tutilgan tovarlar uchun realizatsiya qilishdan olinadigan tushum belgilangan baholardan (tariflardan) kelib chiqqan holda aniqlanadi. Ushbu norma ekologiya, sogʻlomlashtirish hamda xayriya jamgʻarmalariga, madaniyat, sogʻliqni saqlash, mehnat va aholini ijtimoiy muhofaza qilish, jismoniy tarbiya va sport, taʼlim muassasalariga tekinga beriladigan tovarlarga tatbiq etilmaydi”;

uchinchi qismidagi “ushbu Kodeks 130-moddasining toʻrtinchi — yettinchi qismlarida” degan soʻzlar “ushbu Kodeks 130-moddasining yettinchi — oʻninchi qismlarida” degan soʻzlar bilan almashtirilsin;

toʻrtinchi qismi:

8-bandi quyidagi tahrirda bayon etilsin:

“8) olingan grantlar va insonparvarlik yordami”;

9-bandi chiqarib tashlansin;

11-bandining oʻzbekcha matni quyidagi tahrirda bayon etilsin:

“11) vositachiga yoki boshqa ishonchli vakilga vositachilik, topshiriq shartnomasi yoki vositachilik xizmatlarini koʻrsatishga oid boshqa shartnoma boʻyicha majburiyatlarni bajarish munosabati bilan, shuningdek komitent yoxud boshqa topshiriq beruvchi uchun vositachi yoki boshqa ishonchli vakil tomonidan qilingan xarajatlarni qoplash hisobiga kelib tushgan mol-mulk (haq toʻlovi bundan mustasno)”;

14-bandidagi “ularning” degan soʻz “uning” degan soʻz bilan almashtirilsin;

126) 357-modda quyidagi mazmundagi toʻrtinchi qism bilan toʻldirilsin:

“Tovarlarni (ishlarni, xizmatlarni) realizatsiya qilishdan olinadigan daromadga ushbu moddaning birinchi qismida nazarda tutilgan hollarda tuzatish kiritish koʻrsatilgan hollar yuz bergan soliq davrida amalga oshiriladi”;

127) 359-moddaning ikkinchi qismi quyidagi tahrirda bayon etilsin:

“Hisobot davri quyidagilardir:

mikrofirmalar va kichik korxonalar uchun — yil choragi;

mikrofirmalar va kichik korxonalar jumlasiga kirmaydigan soliq toʻlovchilar uchun — bir oy”;

128) 363-moddaning beshinchi qismi oʻzbekcha matnidagi “daromad” degan soʻz “foyda” degan soʻz bilan almashtirilsin;

129) 372-moddaning uchinchi qismi quyidagi tahrirda bayon etilsin:

“Qatʼiy belgilangan soliq summasi soliq toʻlovchining kalendar oyida ishlagan kunlari sonidan qatʼi nazar soliq solinadigan baza va belgilangan stavkadan kelib chiqqan holda aniqlanadi”;

130) 373-moddaning toʻrtinchi qismi quyidagi tahrirda bayon etilsin:

“Yakka tartibdagi tadbirkorning faoliyati vaqtincha toʻxtatilganligi yoki qayta tiklanganligi toʻgʻrisidagi arizani olgan tadbirkorlik subyektini davlat roʻyxatidan oʻtkazishni amalga oshiruvchi organ kelgusi ish kuni tugaguniga qadar soliq boʻyicha hisobga olish joyidagi davlat soliq xizmati organlariga yakka tartibdagi tadbirkorning faoliyati vaqtincha toʻxtatilganligi yoki qayta tiklanganligi toʻgʻrisida Oʻzbekiston Respublikasi Davlat soliq qoʻmitasi va Oʻzbekiston Respublikasi Moliya vazirligi tomonidan tasdiqlanadigan shaklda axborot taqdim etadi”;

131) 375-moddaning:

birinchi qismi quyidagi tahrirda bayon etilsin:

“Soliq toʻlovchining kalendar oyida ishlagan kunlari sonidan qatʼi nazar, qatʼiy belgilangan soliq tadbirkorlik faoliyatining turi va soliq toʻlovchining faoliyatni amalga oshirish joyiga qarab belgilangan stavkalar boʻyicha toʻlanadi”;

toʻrtinchi qismidagi “25-kuniga qadar” degan soʻzlar “25-kunidan kechiktirmay” degan soʻzlar bilan almashtirilsin;

132) 380-modda:

beshinchi qismi quyidagi tahrirda bayon etilsin:

“Birgalikdagi faoliyat natijasida olingan daromad birgalikda ishlab chiqarilgan mahsulotni realizatsiya qilishdan tushadigan, davlat maqsadli jamgʻarmalariga majburiy ajratmalar chegirib tashlangan holdagi sof tushum bilan realizatsiya qilingan birgalikda ishlab chiqarilgan mahsulotlarga toʻgʻri keladigan birgalikdagi faoliyatga kiritilgan mablagʻlar summasi oʻrtasidagi farq tarzida aniqlanadi”;

quyidagi mazmundagi sakkizinchi va toʻqqizinchi qismlar bilan toʻldirilsin:

“Agar birgalikda ishlab chiqarilgan mahsulot realizatsiya qilinmasdan oddiy shirkat shartnomasi sheriklari (ishtirokchilari) oʻrtasida taqsimlab olinsa, ishonchli shaxs tomonidan birgalikdagi faoliyat sheriklaridan (ishtirokchilaridan) ushbu Kodeks 381-moddasining ikkinchi va uchinchi qismlariga muvofiq olingan qoʻshilgan qiymat soligʻi summasiga mazkur Kodeksning 220-moddasida belgilangan tartibda tuzatish kiritilishi va bu summa ilgari uni ishonchli shaxsga topshirgan sherikka (ishtirokchiga) qaytarib berilishi lozim. Bunda ushbu qismga muvofiq tuzatish kiritilishi lozim boʻlgan soliq summasi topshiriladigan birgalikda ishlab chiqarilgan mahsulotning qiymatiga kiritilmaydi va birgalikda ishlab chiqarilgan mahsulotning tegishli hissasini oladigan sheriklar (ishtirokchilar) tomonidan hisobga olinadi. Tuzatish kiritilgan soliq summasi ushbu moddaning toʻqqizinchi qismiga muvofiq mazkur mol-mulkni topshirish rasmiylashtiriladigan hujjatlarda koʻrsatiladi.

Ishonchli shaxs birgalikda ishlab chiqarilgan mahsulotni sheriklariga (ishtirokchilariga) topshirayotganda ushbu moddaning sakkizinchi qismida nazarda tutilgan tartibga muvofiq aniqlanadigan qoʻshilgan qiymat soligʻi summasini koʻrsatgan holda hisobvaraq-fakturani rasmiylashtiradi. Birgalikda ishlab chiqarilgan mahsulotni topshirish uchun rasmiylashtirilgan hisobvaraq-faktura budjetga toʻlanishi lozim boʻlgan qoʻshilgan qiymat soligʻi hisob-kitobida sherikning (ishtirokchining) ushbu soliq summasini hisobga olishi uchun asos boʻladi. Hisobvaraq-fakturadagi “tovar joʻnatish hujjatlarining yoki shartnomalarning raqami va sanasi” satriga “birgalikda ishlab chiqarilgan mahsulotning taqsimoti” degan belgi qoʻyiladi”;

133) 381-moddaning:

uchinchi qismi quyidagi mazmundagi jumlalar bilan toʻldirilsin:

“Bunda ushbu qismga muvofiq tuzatish kiritilishi lozim boʻlgan soliq summasi topshirilayotgan mol-mulkning qiymatiga kiritilmaydi va birgalikda ishlab chiqarilgan mahsulotni realizatsiya qilishni amalga oshiruvchi ishonchli shaxs tomonidan hisobga olinadi. Tuzatish kiritilgan soliq summasi ushbu moddaning toʻrtinchi qismiga muvofiq mazkur mol-mulkni topshirish rasmiylashtiriladigan hujjatlarda koʻrsatiladi”;

toʻrtinchi qismining birinchi jumlasi quyidagi tahrirda bayon etilsin:

“Oddiy shirkat shartnomasining birgalikdagi faoliyatga hissa sifatida mol-mulk topshirayotgan sherigi (ishtirokchisi) qoʻshilgan qiymat soligʻi toʻlovchi boʻlishi yoki boʻlmasligidan qatʼi nazar, ushbu moddaning ikkinchi va uchinchi qismlarida nazarda tutilgan tartibda ishonchli shaxs tomonidan hisobga olinishi uchun topshirilayotgan mol-mulk boʻyicha qoʻshilgan qiymat soligʻi summasini koʻrsatgan holda hisobvaraq-fakturani rasmiylashtiradi”;

134) 387-modda:

quyidagi mazmundagi toʻrtinchi qism bilan toʻldirilsin:

“Qatʼiy belgilangan soliq solinadigan faoliyat turlari bozorlar tomonidan amalga oshirilganda, bunday faoliyatdan olingan daromadlarga ushbu Kodeksning 58-bobiga muvofiq qatʼiy belgilangan soliq solinadi. Bunda mazkur daromadlarga ushbu modda uchinchi qismining qoidalari tatbiq etilmaydi”;

toʻrtinchi va beshinchi qismlari tegishincha beshinchi va oltinchi qismlar deb hisoblansin.

2-modda. Ushbu Qonun 2010-yilning 1-yanvaridan eʼtiboran kuchga kiradi.