“Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuniga hamda Oʻzbekiston Respublikasi Vazirlar Mahkamasining “Oʻzbekiston Respublikasi Vazirlar Mahkamasining ijro etuvchi tuzilmasini tashkil etish toʻgʻrisida” 2004-yil 12-oktabrdagi 475-son qaroriga muvofiq:

1. Oʻzbekiston Respublikasi Bosh vazirining kotibiyati toʻgʻrisidagi Nizom ilovaga muvofiq tasdiqlansin.

2. Mazkur farmoyishning bajarilishini nazorat qilish Oʻzbekiston Respublikasi Vazirlar Mahkamasi Apparatining Rahbari R. V. Abduqodirov zimmasiga yuklansin.

1. Oʻzbekiston Respublikasi Bosh vazirining kotibiyati (keyingi oʻrinlarda Kotibiyat deb yuritiladi) Oʻzbekiston Respublikasi Hukumati Apparatining Oʻzbekiston Respublikasining Bosh vaziri faoliyatini tashkiliy jihatdan taʼminlovchi tarkibiy boʻlinmasi hisoblanadi.

2. Kotibiyat oʻz faoliyatida Oʻzbekiston Respublikasi Konstitutsiyasi, qonunlariga, Oʻzbekiston Respublikasi Oliy Majlisining qarorlari boshqa hujjatlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, shuningdek mazkur Nizomga amal qiladi.

3. Kotibiyat oʻz faoliyatini Oʻzbekiston Respublikasi Vazirlar Mahkamasining Raisi va Oʻzbekiston Respublikasining Bosh vaziri rahbarligida amalga oshiradi.

Kotibiyat oʻz vakolatiga kiruvchi masalalar boʻyicha Oʻzbekiston Respublikasining Bosh vaziriga, tashkiliy masalalar va ijro intizomi masalalari boʻyicha esa — Oʻzbekiston Respublikasi Vazirlar Mahkamasi Apparati Rahbariga boʻysunadi.

4. Kotibiyat oʻz faoliyatini Oʻzbekiston Respublikasi Vazirlar Mahkamasi Apparatining boshqa tarkibiy boʻlinmalari, davlat va xoʻjalik boshqaruvi organlari, mahalliy davlat hokimiyati organlari, boshqa organ va tashkilotlar bilan oʻzaro hamkorlikda amalga oshiradi.

Oʻzbekiston Respublikasi Prezidentining bevosita Oʻzbekiston Respublikasi Bosh vaziriga yuborilgan topshiriqlari, shuningdek Oʻzbekiston Respublikasi Oliy Majlisi, uning Kengashining qarorlari va boshqa hujjatlari toʻgʻrisida Bosh vazirga oʻz vaqtida axborot berilishini tashkil etish va ularning bajarilishini nazorat qilish;

Oʻzbekiston Respublikasining Bosh vaziri faoliyatini tashkiliy jihatdan taʼminlash;

Oʻzbekiston Respublikasi Bosh vazirining koʻrsatmalari bajarilishini nazorat qilish.

Oʻzbekiston Respublikasi Prezidentining bevosita Oʻzbekiston Respublikasining Bosh vaziriga yuborilgan topshiriqlari, shuningdek Oʻzbekiston Respublikasi Oliy Majlisi, uning Kengashining qarorlari va boshqa hujjatlari toʻgʻrisida Bosh vazirga oʻz vaqtida axborot berilishini taʼminlaydi;

Oʻzbekiston Respublikasi Bosh vazirining koʻrsatmalariga muvofiq Vazirlar Mahkamasi Apparatining tarkibiy boʻlinmalari, davlat va xoʻjalik boshqaruvi organlari, boshqa tashkilotlar bilan birgalikda Oʻzbekiston Respublikasi Prezidentining tegishli topshiriqlari, Oʻzbekiston Respublikasi Oliy Majlisi va uning Kengashining qarorlari va boshqa hujjatlari oʻz vaqtida va sifatli bajarilishini tashkil etadi va taʼminlaydi;

Oʻzbekiston Respublikasi Prezidentining tegishli topshiriqlari, Oʻzbekiston Respublikasi Oliy Majlisi va uning Kengashining qarorlari va boshqa hujjatlari bajarilishini nazorat qiladi, ularning bajarilishi va natijalari toʻgʻrisida Oʻzbekiston Respublikasi Bosh vaziriga oʻz vaqtida axborot beradi;

Oʻzbekiston Respublikasining Bosh vaziriga tezkor axborotlar toʻgʻrisida axborot beradi;

Oʻzbekiston Respublikasi Bosh vazirining topshiriqlarini bajaradi hamda uning koʻrsatmalari bajarilishini nazorat qiladi;

Oʻzbekiston Respublikasining Bosh vaziri nomiga kelgan xat-xabarlarni tahlil qiladi, tegishli materiallar toʻgʻrisida Bosh vazirga axborot beradi hamda xat-xabarlarni belgilangan tartibda Bosh vazirning tegishli oʻrinbosarlari Apparatlariga hamda koʻrib chiqish uchun Vazirlar Mahkamasi apparatining tegishli departamentlari va boʻlimlariga yuboradi;

Vazirlar Mahkamasi Apparatida tayyorlangan va ular boʻyicha Oʻzbekiston Respublikasi Bosh vazirining qarori talab qilinadigan topshiriqlar loyihalari va boshqa materiallarning Oʻzbekiston Respublikasining Bosh vaziriga oʻz vaqtida taqdim etilishini taʼminlaydi;

Oʻzbekiston Respublikasining Bosh vaziri uchun uning maʼruzalari va nutqlari uchun materiallar, shuningdek Vazirlar Mahkamasi Apparatining boshqa boʻlinmalari bilan hamkorlikda zarur tahliliy va maʼlumotnoma materiallar tayyorlaydi;

Oʻzbekiston Respublikasi Bosh vazirining topshiriqlari loyihalarini tayyorlaydi;

Oʻzbekiston Respublikasi Vazirlar Mahkamasi Apparatining Rahbari bilan birgalikda Vazirlar Mahkamasi Prezidiumi majlislarining kun tartibini shakllantiradi, materiallar tayyorlanishini va Vazirlar Mahkamasi Prezidiumi majlislari oʻtkazilishini tashkil etadi, Prezidium majlislari qarorlarini rasmiylashtiradi, shuningdek ularning bajarilishini muvofiqlashtiradi va nazorat qiladi;

Vazirlar Mahkamasi Apparatining boshqa boʻlinmalari bilan birgalikda Oʻzbekiston Respublikasining Bosh vaziri uchun Vazirlar Mahkamasi va uning Prezidiumi majlislarini oʻtkazish uchun zarur boʻlgan tahliliy maʼlumotnoma materiallar va boshqa materiallarni tayyorlaydi va Bosh vazirga taqdim etadi;

Oʻzbekiston Respublikasining Bosh vaziri oʻtkazadigan yigʻilishlarni tashkil etadi va ushbu yigʻilishlarda qabul qilingan qarorlarni Vazirlar Mahkamasi Apparatining boshqa boʻlinmalari ishtirokida rasmiylashtiradi;

Vazirlar Mahkamasi Apparatining boshqa boʻlinmalari bilan birgalikda Oʻzbekiston Respublikasi Bosh vaziri amalga oshiradigan tadbirlarning oʻtkazilishini va protokol jihatidan taʼminlanishini tashkil etadi;

Oʻzbekiston Respublikasi Vazirlar Mahkamasi Apparatining boshqa tarkibiy boʻlinmalari bilan birgalikda Oʻzbekiston Respublikasining Bosh vaziri boshchilik qiladigan tegishli Hukumat komissiyalari va idoralararo komissiyalar, kengashlar va tashkiliy qoʻmitalar ishi samaradorligini taʼminlaydi, ular tomonidan qabul qilingan qarorlarning bajarilishini muvofiqlashtiradi va nazorat qiladi;

Oʻzbekiston Respublikasi Bosh vazirining koʻrsatmasiga binoan davlat hokimiyati va boshqaruvi organlari, tashkilotlar, korxonalar va muassasalar rahbarlari bilan tezkor oʻzaro hamkorlikni taʼminlaydi;

fuqarolarning murojaatlarini koʻrib chiqadi va ularda qoʻyilgan masalalarni hal etish boʻyicha takliflar tayyorlaydi, koʻrib chiqish va chora-tadbirlar koʻrish uchun ushbu murojaatlarni tegishli davlat va xoʻjalik boshqaruvi organlariga, mahalliy davlat hokimiyati organlariga yuboradi ularning oʻz vaqtida koʻrib chiqilishini nazorat qiladi, fuqarolarni shaxslar qabul qilishni amalga oshiradi;

oʻziga yuklangan boshqa funksiyalarni belgilangan tartibda amalga oshiradi.

Oʻzbekiston Respublikasining Bosh vaziri koʻrib chiqishi uchun kiritiladigan masalalarni tahlil qilish va tayyorlash uchun zarur boʻlgan materiallar va maʼlumotlarni Oʻzbekiston Respublikasi Vazirlar Mahkamasi Apparatining boshqa tarkibiy boʻlinmalaridan, davlat va xoʻjalik boshqaruvi organlaridan, mahalliy davlat hokimiyati organlaridan, boshqa organlar va tashkilotlardan belgilangan tartibda olish va soʻrash;

Oʻzbekiston Respublikasi Bosh vazirining topshiriqlariga binoan davlat va xoʻjalik boshqaruvi organlari, mahalliy davlat hokimiyati organlari boshqa organlar va tashkilotlar rahbarlari hamda vakillari ishtirokida yigʻilishlar oʻtkazish;

Oʻzbekiston Respublikasi Bosh vazirining topshirigʻiga binoan vazirliklar, davlat qoʻmitalari va idoralar, xoʻjalik boshqaruvi organlarining kollegial organlari majlislarida, davlat boshqa organlarining, nodavlat notijorat va boshqa tashkilotlarning majlislari va yigʻilishlarida qatnashish;

Oʻzbekiston Respublikasi Vazirlar Mahkamasida koʻrib chiqiladigan masalalarni ishlab chiqish uchun davlat va xoʻjalik boshqaruvi organlarining, ilmiy muassasalar va boshqa tashkilotlarning rahbarlari va vakillarini zarurat boʻlganda belgilangan tartibda jalb etish, tegishli masalalar boʻyicha vaqtinchalik ishchi guruhlar tashkil qilish;

“Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuni va Oʻzbekiston Respublikasi Vazirlar Mahkamasining Ish tartibi talablari buzilgan holda tushgan hujjatlarni zarurat boʻlganda qaytarib yuborish.

Kotibiyatning zarur materiallar, maʼlumotlarni taqdim etish, shuningdek tegishli materiallar va hujjatlarni puxta ishlab chiqish boʻyicha talablari, agar Oʻzbekiston Respublikasi Vazirlar Mahkamasi Raisining, Oʻzbekiston Respublikasi Bosh vazirining, uning oʻrinbosarlarining va Oʻzbekiston Respublikasi Vazirlar Mahkamasi Apparati Rahbarining topshiriqlarida boshqa bajarish muddatlari belgilanmagan boʻlsa, Kotibiyat belgilagan muddatlarda bajarilishi kerak.

oʻziga yuklangan vazifalarning zarur darajada va samarali bajarilishi uchun;

Oʻzbekiston Respublikasi Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq ijro intizomi mustahkamlanishi uchun javob beradi.

9. Kotibiyatning tuzilmasiga Kotibiyat mudiri, Bosh vazirning yordamchisi, matbuot kotibi, shuningdek inspektorlar kiradi.

Kotibiyat tuzilmasi Oʻzbekiston Respublikasi Vazirlar Mahkamasi tomonidan tasdiqlanadi.

10. Kotibiyat ishlariga mudir rahbarlik qiladi.

11. Kotibiyat mudiri, Bosh vazirning yordamchisi va matbuot kotibi belgilangan tartibda lavozimga tayinlanadi va lavozimdan ozod qilinadi.

12. Kotibiyat ishlari “Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuniga, Vazirlar Mahkamasining Ish tartibiga, ushbu Nizomga, Vazirlar Mahkamasi Apparatida ish yuritish boʻyicha yoʻriqnomaga, Vazirlar Mahkamasi Raisining, Oʻzbekiston Respublikasi Bosh vazirining topshiriqlariga, Vazirlar Mahkamasi Apparati Rahbarining buyruqlari va topshiriqlariga muvofiq, shuningdek Oʻzbekiston Respublikasi Vazirlar Mahkamasining ish rejasi asosida tashkil etiladi.

Kotibiyatga bevosita rahbarlikni amalga oshiradi, yordamchi, matbuot kotibi va inspektorlar ishlarini tashkil qiladi, Kotibiyatga yuklangan vazifalar va funksiyalarning bajarilishi hamda ijro intizomining ahvoli uchun shaxsan javob beradi;

xat-xabarlar va boshqa materiallar toʻgʻrisida Oʻzbekiston Respublikasining Bosh vaziriga axborot beradi;

Vazirlar Mahkamasi Prezidiumi kun tartibi loyihasini tuzadi, kelishish uchun Vazirlar Mahkamasi Apparati Rahbariga va Oʻzbekiston Respublikasining Bosh vaziriga kiritadi, materiallar tayyorlanishini Vazirlar Mahkamasi Prezidiumi majlislari oʻtkazilishini tashkil etadi, majlis qarorlarini rasmiylashtiradi, ularning bajarilishini muvofiqlashtiradi va nazorat qiladi;

Vazirlar Mahkamasi Apparatining tegishli boʻlinmalari bilan birgalikda Oʻzbekiston Respublikasining Bosh vaziri rahbarlik qiladigan Hukumat komissiyalari, idoralararo komissiyalar, kengashlar va tashkilot qoʻmitalar majlislari tayyorlanishini (qatnashchilarni chaqirish, tartibini shakllantirish, hujjatlar paketini tayyorlash va boshqa tashkiliy masalalarni hal qilish) hamda oʻtkazilishini tashkil etadi, ularda qabul qilingan qarorlarning bajarilishini muvofiqlashtiradi va nazorat qabul belgilangan muddatlarda bu haqda Oʻzbekiston Respublikasining Bosh vaziriga axborot beradi;

Oʻzbekiston Respublikasi Vazirlar Mahkamasining va uni Prezidiumining majlislarida, Oʻzbekiston Respublikasining Bosh vaziri oʻtkazadigan yigʻilishlarda, Hukumat komissiyalari va idoralararo komissiyalar, kengashlar va tashkiliy qoʻmitalar majlislarida, Oʻzbekiston Respublikasi Vazirlar Mahkamasi Apparati Rahbari tomonidan Kotibiyat vakolati sohasiga kiruvchi masalalar boʻyicha oʻtkaziladigan yigʻilishlarga qatnashadi;

Oʻzbekiston Respublikasi Vazirlar Mahkamasiga davlat hokimiyat organlaridan, boshqa organlar va tashkilotlardan tushgan, Oʻzbekiston Respublikasi Vazirlar Mahkamasining qarorini talab qilmaydigan hujjatlarni tegishli davlat va xoʻjalik boshqaruvi organlariga koʻrib chiqish uchun yuboradi;

Kotibiyat xodimlari oʻrtasida vazifalarni taqsimlaydi;

Vazirlar Mahkamasi Apparatida amalda boʻlgan yoʻriqnomaga muvofiq ishlarning yuritilishini taʼminlaydi;

chiquvchi xat-xabarlarni imzolaydi;

Kotibiyat ishini takomillashtirish, uning xodimlari ish malakasini oshirish tadbirlarini ishlab chiqadi va amalga oshiradi;

Kotibiyat xodimlarini lavozimga tayinlash va lavozimdan ozod qilish, ularning malakasini oshirish, ularni ragʻbatlantirish hamda ularga tanbeh berish toʻgʻrisidagi Oʻzbekiston Respublikasi Vazirlar Mahkamasi Apparati Rahbari bilan kelishilgan takliflarni Oʻzbekiston Respublikasining vaziriga taqdim etadi.

14. Kotibiyat mudiri vaqtincha boʻlmagan taqdirda uning vazifasini Bosh vazirning yordamchisi bajaradi.

Oʻzbekiston Respublikasi Prezidentining tegishli topshiriqlari, Oʻzbekiston Respublikasi Oliy Majlisi, uning Kengashi qarorlari va boshqa hujjatlari, Oʻzbekiston Respublikasi Vazirlar Mahkamasi qarorlarining bajarilishi nazorat va tahlil qilinishini taʼminlaydi, Oʻzbekiston Respublikasining Bosh vaziriga ularning bajarilishi va natijalari toʻgʻrisida axborot beradi;

Oʻzbekiston Respublikasining Bosh vaziri ish rejasini shakllantirishda qatnashadi, ularning ijrosini tashkil qiladi, Oʻzbekiston Respublikasi Bosh vazirini moʻljallangan tadbirlar toʻgʻrisida oʻz vaqtida xabardor qiladi;

Vazirlar Mahkamasi Apparatining tarkibiy boʻlinmalari bilan birgalikda Oʻzbekiston Respublikasining Bosh vaziri masalalarni koʻrib chiqishi uchun zarur boʻlgan axborot-maʼlumotnoma va boshqa materiallarni, shuningdek Oʻzbekiston Respublikasi Bosh vazirining maʼruzalari va nutqlarini tayyorlaydi;

Oʻzbekiston Respublikasining Bosh vaziri oʻtkazadigan yigʻilishlar va majlislar tayyorlanishini (qatnashchilarni chaqirish, kun tartibini shakllantirish, hujjatlar paketini tayyorlash va boshqa tashkiliy masalalarni hal qilish) hamda oʻtkazilishini tashkil etadi, yigʻilishlar protokollarini yuritadi, topshiriqlarni umumlashtiradi, ularning bajarilishini nazorat qiladi, belgilangan muddatlarda Kotibiyat mudiriga va Oʻzbekiston Respublikasining Bosh vaziriga topshiriqlar va koʻrsatmalarning bajarilishi, bajarish muddatlarini kechiktirish sabablari va muddatlari toʻgʻrisida axborot beradi;

Oʻzbekiston Respublikasining Bosh vaziri tomonidan davlat va xoʻjalik boshqaruvi organlari, mahalliy davlat hokimiyati organlari rahbarlari qabul qilinishini taʼminlaydi:

Vazirlar Mahkamasi Apparatining tarkibiy boʻlinmalari bilan birgalikda Oʻzbekiston Respublikasining Bosh vaziri tomonidan fuqarolar qabul qilinishini tashkil etadi, Bosh vazir va Kotibiyat mudiri topshirigʻiga binoan fuqarolarni shaxsan qabul qiladi;

Oʻzbekiston Respublikasining Bosh vaziri topshiriqlarini bajaruvchilarga yetkazadi, Bosh vazirning topshiriqlari va koʻrsatmalari bajarilishini nazorat qiladi;

Vazirlar Mahkamasi Apparatining tarkibiy boʻlinmalaridan zarur maʼlumotnomalarni, axborot materiallarni soʻrab oladi.

kelayotgan davriy nashrlarni, elektron ommaviy axborot vositalarini, shu jumladan xorijiy matbuotni tahlil qiladi;

respublika matbuoti va xorijiy matbuot boʻyicha obzorlar va tahlillar tayyorlaydi va Oʻzbekiston Respublikasining Bosh vaziriga kiritadi;

ommaviy axborot vositalarida eʼlon qilingan eng muhim, dolzarb muammoli materiallar yuzasidan Oʻzbekiston Respublikasi Bosh vazirining tegishli topshiriqlarini tayyorlaydi;

Oʻzbekiston Respublikasi Bosh vazirining ommaviy axborot vositalari bilan oʻzaro hamkorligini taʼminlaydi;

Vazirlar Mahkamasi Apparati tarkibiy boʻlinmalarining ommaviy axborot vositalari bilan oʻzaro hamkorlik masalalari boʻyicha faoliyatini muvofiqlashtiradi;

Oʻzbekiston Respublikasi Vazirlar Mahkamasi, Oʻzbekiston Respublikasining Bosh vaziri, Hukumat aʼzolari, shuningdek Vazirlar Mahkamasi Apparati faoliyatining ommaviy axborot vositalarida yoritilishi monitoringini olib boradi.

Kotibiyatda ish yuritishni, hujjatlarning oʻtishi ustidan nazoratni;

hujjatlar yigʻmajildlarining tayyorlanishini va arxivda saqlashga vaqtida berilishini taʼminlaydilar;

Oʻzbekiston Respublikasi Bosh vaziri qabulxonasi ishlarini amalga oshiradilar;

Bosh vazirning uning oʻrinbosarlari, Vazirlar Mahkamasi Apparati Rahbari, Vazirlar Mahkamasi Apparati tarkibiy boʻlinmalari rahbarlari mutaxassislari, davlat va xoʻjalik boshqaruvi organlari, boshqa tashkilot rahbarlari bilan tezkor aloqasini taʼminlaydilar;

oʻzlariga yuklangan boshqa funksiyalarni bajaradilar.

Inspektorlar oʻrtasida vazifalar Oʻzbekiston Respublikasining vaziri bilan kelishgan holda Kotibiyat mudiri tomonidan taqsimlanadi.