Ilgʻor xorijiy texnologiyalardan foydalangan holda temir yoʻl yoʻllarini oʻz vaqtida modernizatsiya qilish va kapital taʼmirlashni taʼminlash maqsadida:

1. Quyidagilar maʼlumot uchun qabul qilinsin:

“Oʻzbekiston temir yoʻllari” davlat-aksiyadorlik kompaniyasi tomonidan transport temir yoʻl kommunikatsiyalarini modernizatsiya qilish va kapital taʼmirlash boʻyicha, 2015-yilgacha, har yili, 280 km temir yoʻl yoʻllarini, eng murakkab uchastkalarda yuqori iqtisodiy samaradorlikka va foydalanish muddati ancha uzoqqa yetadigan zamonaviy elastik mahkamlanadigan shpallardan foydalanishni nazarda tutadigan chora-tadbirlar ishlab chiqilgan;

mazkur chora-tadbirlarni amalga oshirish uchun Osiyo taraqqiyot bankining (OTB) krediti jalb etilgan, uning doirasida respublikada “Fleks International Manufactured & Tgading LTD” xalqaro kompaniyasi tomonidan beriladigan butlovchi qismlar va litsenziyalashgan texnologiyalaridan foydalangan holda elastik mahkamlanadigan shpallarni birgalikda ishlab chiqarish tashkil etilgan;

2006-yilda yakunlangan OTB loyihasiga muvofiq, “Oʻzbekiston temir yoʻllari” davlat-aksiyadorlik kompaniyasi bojxona toʻlovlari toʻlashdan ozod etilgan holda 500 mingdan ortiq shpallar xarid qildi. Bunda tayyor shpallar “Oʻzbekiston temir yoʻllari” davlat-aksiyadorlik kompaniyasiga bojxona qonunchiligiga muvofiq, Oʻzbekiston Respublikasi hududida joylashgan bojxona omboridan ularni ishlab chiqarish litsenziyasiga ega boʻlgan “Fleks International Manufactured & Tgading LTD” kompaniyasi tomonidan yetkazib berilgan.

2. OTB loyihasi yakunlangani hamda elastik mahkamlanadigan shpallardan foydalanishning bundan buyon ham maqsadga muvofiqligi munosabati bilan “Oʻzbekiston temir yoʻllari” davlat-aksiyadorlik kompaniyasiga Oʻzbekiston Respublikasi hududida joylashgan “Fleks” kompaniyasi bojxona omboridan yetkazib beriladigan 750 ming dona temir yoʻl elastik mahkamlanadigan shpallar 2010-yilning 1-yanvarigacha mustasno tariqasida, bojxona toʻlovlari toʻlashdan (bojxona rasmiylashtiruvi yigʻimlaridan tashqari) ozod etilsin.

3. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari N.M. Xanov zimmasiga yuklansin.