Ўзбекистон Республикаси Олий Кенгашининг «Таълим тўғрисида» ги Ўзбекистон Республикаси Қонунини амалга киритиш тартиби ҳақида» 1992 йил 2 июлдаги қарорига мувофиқ Вазирлар Маҳкамаси қарор қилади:

4. Ўзбекистон Республикаси Олий ва ўрта махсус таълим вазирлиги, Халқ таълими вазирлиги, Фан ва техника давлат қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:

белгилаб қўйилсинки, мазкур қарор билан тасдиқланган таълим муассасаларини аттестациядан ўтказиш ва рўйхатдан ўтказиш тўғрисидаги Низомга мувофиқ 1993—1996 йилларда Ўзбекистон Республикасининг барча таълим муассасаларини аттестациядан ўтказишлари керак;

уч ой муддатда республика таълим муассасаларини аттестациядан ўтказиш жадвалини ишлаб чиқсинлар ва тасдиқласинлар;

қўйилган вазифаларни ҳал этиш учун Ўзбекистон Республикаси ҳудудида фаолият кўрсатаётган барча таълим муассасалари вақтинча рўйхатдан ўтказилган деб ҳисобласинлар.

5. Ўзбекистон Республикаси Халқ таълими вазирлиги:

1998-99 ўқув йилида таълимнинг янги тизимига ўтиш тўлиқ ниҳоясига етказилгунга қадар, III даражали умумтаълим мактабларининг ихтисоси белгиланмаган синфларига ўқувчиларни танловсиз қабул қилишга рухсат этсин;

«Ўзистиқболстат» давлат қўмитаси ва Меҳнат вазирлиги билан биргаликда 1994 йилнинг 1 январигача ёшларни оммавий ишчи касблари бўйича тайёрлашни амалга ошириш дастурини ишлаб чиқсин ва тасдиқласин, бунда тайёрлов тизимига Ўзбекистон учун анъанавий бўлган фаолият турлари бўйича халқ усталари ва ҳунармандларни кўплаб жалб қилиш назарда тутилсин.

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан келишиб уч ой муддатда педагог ходимларга бўлган эҳтиёжларни ҳисобга олиб педагогика билим юртлари тармоқларини тартибга солиш тўғрисида Вазирлар Маҳкамасига таклифлар киритсин.

6. Мазкур қарорнинг бажарилишини назорат қилиш Бош вазирнинг ўринбосари М. Қ. Қорабоев зиммасига юклатилсин.