Ўзбекистон Республикасининг 1991 йил 15 февралдаги «Корхоналар, бирлашмалар ва ташкилотлардан олинадиган солиқлар тўғрисида»ги Қонунига мувофиқ ва Ўзбекистон Республикасининг 1992 йил 2 июлдаги, 1992 йил 9 декабрдаги қонунлари билан киритилган ўзгартириш ва қўшимчаларни ҳисобга олган ҳолда қурилиш пудрат ташкилотларининг молиявий аҳволини, солиқ ва тўловларнинг бюджетга тушишини барқарорлаштириш ва ташкилотларнинг молиявий ҳисоботларидаги хатоликларни бартараф этиш мақсадида Вазирлар Маҳкамаси қарор қилади:

1. 1994 йилнинг 1 январидан бошлаб қурилиш, қурилиш-монтаж, таъмирлаш-қуриш, ишга тушириш, лойиҳа-қидирув ва илмий ташкилотлар учун бажарилган иш (хизмат}лар учун бюджет билан ҳисоб-китоб қилиш тартиби белгилансин, яъни мазкур ташкилотлар бўйича солиқ олиш мақсадлари учун бажарилган иш (хизмат)дан тушум деганда бажарилган ва улар бўйича ҳисоб-китоб ҳужжатлари тақдим этилган ишлар, хизматлар эвазига олинган сумма тушунилади.

2. Ўзбекистон Республикаси Вазирлар Маҳкамасининг «Ўзбекистон Республикаси корхоналари ва ташкилотларининг бюджет билан ҳисоб-китоб қилиш тартибини қисман ўзгартириш тўғрисида» 1993 йил 18 августдаги 420-сон қарори қурилиш, қурилиш-монтаж, таъмирлаш-қуриш, ишга тушириш, лойиҳа-қидирув ва илмий ташкилотлар учун татбиқ этмасин.