Т/р	Тадбир номи	Амалга ошириш механизми	Ижро муддати	Молиялаштириш манбалари	Масъул ижрочилар
I. Аҳолининг жисмоний тарбия ва оммавий спорт билан шуғулланиши учун шарт-шароитлар яратиш
2.	Пиёдалар ва велосипед йўлакларини ташкил этиш бўйича тегишли лойиҳаларни ишлаб чиқиш.	1. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан пиёдалар ва велосипед йўлакларини ташкил этиш бўйича тегишли лойиҳаларни ишлаб чиқиш ва кенг жамоатчилик билан муҳокама қилиш. 2. Лойиҳада қуйидагилар назарда тутилади: пиёдалар ва велосипед йўлакларининг умумий узунлиги 3 — 5 километрни ташкил этиши ҳамда ўзаро узвий боғлиқ бўлиши; замонавий, энергия тежамкор (ҳаракат сенсорлари билан жиҳозланган) ёритиш тизимлари ва ёруғлик қайтарувчи, йўлакларнинг бошланиши, оралиғи ва якунини кўрсатувчи йўл белгилари билан тўлиқ таъминланиши; пиёдалар ва велосипед йўлакларини барпо этишда алоҳида ҳаракатланиш имкониятларини яратиш ҳамда ногиронлиги бўлган шахслар учун «тўсиқсиз муҳит» ташкил этиш.	2021 йил 1 январь	Инвестиция дастури доирасида 1,4 трлн сўм	Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Қурилиш вазирлиги (Б. Зокиров)
2.		3. Ҳар бир туман (шаҳар)да аҳоли учун қулай бўлган марказий кўчаларни модернизация қилиш доирасида пиёдалар ва велосипед йўлакларини ташкил этиш.	2021 йил 1 май	Инвестиция дастури доирасида 1,4 трлн сўм
3.	Тошкент шаҳрининг барча туманларида босқичма-босқич аҳоли учун қулай, бўлган умумий узунлиги 50 км бўлган пиёдалар ва велосипед йўлакларини ташкил этиш.	1. Тошкент шаҳрининг барча туманларида аҳоли учун қулай, бўлган умумий узунлиги 50 км бўлган пиёдалар ва велосипед йўлакларини ташкил этиш учун Ўзбекистон Республикаси Тикланиш ва тараққиёт жамғармасидан Тошкент шаҳар ҳокимлигига 2023-2024 йилларда қайтариш шарти билан 20 млн АҚШ доллари миқдорида фоизсиз ссуда ажратиш.	2021 йил январь	Ўзбекистон Республикаси Тикланиш ва тараққиёт жамғармаси маблағлари	Тошкент шаҳар ҳокимлиги (Ж. Артикходжаев), Тикланиш ва тараққиёт жамғармаси (Ш. Вафаев), манфаатдор вазирлик ва идоралар Қорақалпоғистон Республикаси Вазирлар Кенгаши (Қ. Салиев), Бухоро (Ф. Умаров), Қашқадарё (З. Мирзаев), Самарқанд (Э. Турдимов), Сурхондарё (Т. Боболов), Тошкент (Р. Холматов), Фарғона (Х. Бозаров), Хоразм (Ф. Эрманов) вилоятлари ҳокимликлари
3.		2. Ушбу тажрибадан келиб чиқиб, 2022 йилдан бошлаб Нукус, Бухоро, Нурафшон, Самарқанд, Термиз, Хива, Шаҳрисабз ва Қўқон шаҳарларида ҳамда 2023 йилдан бошлаб республиканинг барча йирик шаҳарларида пиёда ва велосипедда юриш учун «Саломатлик йўлаклари»ни ташкил этиш.	2022-2023 йиллар
4.	Таълим муассасаларида ўқувчиларни соғлом турмуш тарзини юритишга тарғиб этиб бориш.	1. Умумтаълим, профессионал ва олий таълим муассасаларида дарслар оралиғида (катта танаффус вақтида) «Спорт дақиқаси» жисмоний машқлари, дарслар бошланишидан олдин 2 дақиқа нафас олиш машқларини ўтказиш тартибини ишлаб чиқиш ва амалиётга жорий этиш.	2020 йил 1 декабрь	—	Мактабгача ва мактаб таълими вазирлиги (Х. Умарова), Олий таълим, фан ва инновациялар вазирлиги (И. Абдурахмонов), Ёшлар сиёсати ва спорт вазирлиги (А. Икрамов), тасарруфида профессионал, олий таълим муассасалари мавжуд вазирлик ва идоралар
4.		2. Ўқувчилар, талабаларнинг ёш тоифасига қараб уларнинг жисмоний кўрсаткичлари (югуриш, отиш, сакраш, тортилиш ва ҳ.к)ни баҳолаш мезонларини ишлаб чиқиш, «Кундалик» рейтинг дафтарига алоҳида саҳифа киритиш ҳамда ҳар чорак таҳлиллари ва натижалари акс эттирилишини таъминлаш.	2021/2022 ўқув йилидан бошлаб	Ижрочилар маблағлари
5.	Юриш ва югуриш, мини- футбол, велоспорт, бадминтон, стритбол ва «Workоut» турларини оммавийлаштириш ва ривожлантириш.	1. «Юриш ва югуриш, мини-футбол, велоспорт, бадминтон, стритбол ва «Workоut» турларини оммалаштириш, жисмоний имконияти чекланган ва ногиронлиги бўлган шахсларни жисмоний тарбия ва спорт билан шуғулланишга жалб қилиш ҳамда паралимпия ҳаракатини ривожлантириш, «Соғлом аёл — буюк келажак» ғоясини ўзида мужассам этган хотин-қизлар ўртасида соғлом турмуш тарзини мустаҳкамлаш, уларни жисмоний тарбия ва спорт билан оммавий тарзда шуғулланишга жалб қилишга қаратилган чора-тадбирлар дастурларини тасдиқлаш тўғрисидаги Ҳукумат қарори лойиҳаларини ишлаб чиқиш ва Вазирлар Маҳкамасига киритиш.	2021 йил 1 июнь	—	Жисмоний тарбия ва спорт вазирлиги (Д. Набиев), манфаатдор вазирлик ва идоралар
5.		2. Юриш, югуриш, мини-футбол, велоспорт, бадминтон, стритбол ва «Workоut» спорт турларини оммавийлаштириш ва ривожлантириш дастурларини амалга ошириш учун Давлат бюджетидан 2021 йилдан бошлаб дастурлар тўлиқ бажарилгунга қадар ҳар йили 104 млрд сўмдан; жисмоний имконияти чекланган ва ногиронлиги бўлган шахсларни жисмоний тарбия ва спорт билан шуғулланишга жалб қилишга қаратилган дастурларни молиялаштириш учун Давлат бюджетидан 2021 йилдан бошлаб дастурлар тўлиқ бажарилгунга қадар ҳар йили 10 млрд сўмдан маблағлар ажратиш.	2021 йил давомида	Ўзбекистон Республикаси Давлат бюджети маблағлари	Молия вазирлиги (Т. Ишметов)
6.	Давлат органлари ва ташкилотларида соғлом турмуш тарзи ва оммавий спортни ривожлантириб бориш.	1. Давлат органлари ва ташкилотларида: меҳнат жамоаларида фаолият юритаётган ходимга «Спорт тарғиботчиси» қўшимча вазифасини юклаш ва унинг базавий лавозим маошига қўшимча 20 фоиз миқдорида устама белгилашни йўлга қўйиш; иш вақтидан сўнг танланган кунларда (ҳафтада камида бир марта) барча вазирликлар, идоралар, корхона ва ташкилотлар, маҳаллий давлат органларининг раҳбарлари ва барча ходимлари жисмоний тарбия ва спорт машғулотлари (югуриш, сузиш, футбол, бадминтон, волейбол, баскетбол, стритбол, стол тенниси ва бошқалар) билан шуғулланишини таъминлаш; ҳар шанба куни соат 14:00 дан сўнг ходимлар ва уларнинг оила аъзолари ўртасида югуриш, сузиш, футбол, бадминтон, волейбол, баскетбол, стритбол, стол тенниси ва бошқа спорт турлари бўйича оммавий спорт мусобақалари ташкил этиш. Бунда, мусобақаларнинг байрамона руҳда, шоу кўринишида ўтказилишига, ғолиб ва совриндорларнинг муносиб рағбатлантирилишига алоҳида эътибор қаратиш. 2. Давлат органлари ва ташкилотларнинг бюджетдан ташқари маблағлари ва қонун ҳужжатларида тақиқланмаган бошқа манбалар ҳисобидан меҳнат жамоасининг соғлом турмуш тарзини қўллаб-қувватлаш ва жисмоний фаоллиги даражасини ошириш учун барча зарур шароитларни яратиш (тренажер зали, «Workоut» майдончаси, спорт майдончалари ва хоналари). 3. Вазирликлар, идоралар, корхона ва ташкилотлар, маҳаллий давлат органларининг биринчи раҳбарлари «Шахсий намуна» тамойили асосида ўзларининг антропометрик кўрсаткичларини (семизлик даражасини, вазн индексини камайтириш, саломатликни мустаҳкамлаш ва ҳ.к.) яхшилаши орқали ходимларнинг антропометрик кўрсаткичларини яхшилашга қаратилган чора-тадбирларни амалга ошириш; давлат органлари ва ташкилотларининг веб-сайтлари, ижтимоий тармоқлари, оммавий ахборот воситаларида (телевидение, радио, газета, Интернет тармоғи) бу борада амалга оширилаётган ишларни, шунингдек, соғлом турмуш тарзига амал қилишни мунтазам равишда (ҳар куни) ёритиб боришни таъминлаш.	2021 йил 1 январдан бошлаб, доимий	Ижрочиларнинг бюджетдан ташқари маблағлари ҳисобидан	Давлат органлари ва ташкилотлари
7.	Ҳудудларда хусусий тадбиркорлар томонидан барпо этилган спорт иншоотларидан самарали фойдаланишни ташкил этиш.	Ҳудудларда хусусий тадбиркорлар томонидан барпо этилган спорт иншоотлари базасида давлат-хусусий шериклик шартлари асосида спорт муассасалари фаолиятини йўлга қўйиш ёки давлат спорт муассасалари фаолият турини ўзгартирмаслик шарти билан уларни хусусийлаштириш бўйича дастур ишлаб чиқиб, Вазирлар Маҳкамасига киритиш. Бунда, талаб юқори бўлган спорт турини танлаб олиб, мазкур йўналишдаги муассасаларни давлат бюджети маблағлари ҳисобидан ташкил этиш, сақлаш ва молиялаштиришни босқичма-босқич қисқартириш, давлат спорт муассасаларининг бўш ер майдонларида спорт майдончалари ва иншоотлари, меҳмонхоналар, спорт кийимлари ва жиҳозларини сотишга мўлжалланган дўконлар, соғлом овқатланиш ва хизмат кўрсатиш шохобчалари, фитобарлар, фитнес марказлари учун бинолар қурилишига рухсат берилишини назарда тутиш.	2021 йил 1 июнь	—	Жисмоний тарбия ва спорт вазирлиги (Д. Набиев), Молия вазирлиги (Т. Ишметов), манфаатдор вазирлик ва идоралар
II. Оммавий спортни ривожлантириш бўйича аҳоли орасида, хусусан, ёшлар, аёллар, кексалар ўртасида спорт мусобақалари ва танловларини ташкил этиш
8.	Ходимлар ўртасида мусобақаларнинг тизимли ўтказилишини ташкил этиш.	1. Кейинги йил учун йил давомида ўтказиладиган ҳафталик мусобақаларни ўтказиш календарь режасини тасдиқлаш. 2. Йиллик харажатлар сметасини шакллантиришда мазкур мақсадлар учун маблағ ажратилишини назарда тутиш.	Ҳар йили 1 декабрь	Ижрочилар маблағлари ҳисобидан	Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
9.	Давлат органлари ва ташкилотлари ходимлари ўртасида оммавий спорт турлари ва соғлом турмуш тарзини тарғиб қилиш.	Давлат органлари ва ташкилотларининг касаба уюшмалари ва иш берувчилар ўртасидаги жамоа шартномаларида: иш куни давомида ишлаб чиқариш гимнастикаси машқлари; технология, ишлаб чиқариш ва иш шароитларидан келиб чиқиб, ходимларга ишлаб чиқариш гимнастикаси машқларини бажариши учун иш вақтига киритиладиган махсус танаффусларни белгилаш.	2021 йил 1 январдан бошлаб	—	Давлат органлари ва ташкилотлари
11.	Барча туман (шаҳар)лардаги ҳар бир маҳалла фуқаролар йиғинида спорт йўналишида танловлар ташкил этиш.	1. Барча туман (шаҳар)лардаги ҳар бир маҳалла фуқаролар йиғинида «Соғлом турмуш тарзи ривожланган маҳалла» танловини ташкил этиш.	Ҳар чоракда	—	Маҳалла ва оилани қўллаб-қувватлаш вазирлиги (Р. Маматов), Соғлиқни сақлаш вазирлиги (А. Шадманов), Жисмоний тарбия ва спорт вазирлиги (Д. Набиев), «Маҳалла» хайрия жамоат фонди (келишув асосида)
		2. Танловни ўтказиш тартиби ва баҳолаш мезонларини ишлаб чиқиб, тасдиқлаш. Бунда, маҳалла аҳолисининг доимий равишда жисмоний тарбия машғулотларига жалб этилиши, соғлом овқатланиши ва соғлом ҳаёт тарзига риоя этиши, маҳаллада зарур спорт инфратузилмаси мавжудлиги, ўтказилган мусобақалар сони, маҳалла аҳолисининг касалланиш даражаси пасайиб боришини;	2020 йил декабрь
		танловда биринчи ўринни эгаллаган маҳалла 10 млн сўм, иккинчи ўрин учун 5 млн сўм ва учинчи ўринга 3 млн сўм миқдорида пул мукофоти билан рағбатлантирилишини назарда тутиш.	Танлов натижаларига кўра	«Маҳалла» хайрия жамоат фонди маблағлари
		3. Пул мукофоти маблағларини маҳалла фуқаролар йиғинларининг тижорат банкида очилган ҳисоб рақамига ўтказиш ҳамда маҳалла ҳудудини ободонлаштириш, спорт майдончаларини ташкил этиш ва уларни жиҳозлаш, спорт тадбирларини ўтказиш мақсадларига истисно тариқасида тендер савдоларисиз йўналтириш.	Танлов якунлангандан сўнг	«Маҳалла» хайрия жамоат фонди маблағлари
III. Аҳоли турли гуруҳларининг соғлом овқатланишга бўлган эҳтиёжларини қондириш учун шарт-шароитлар яратиш
13.	Тиббиёт ходимларининг диетология соҳасида билимларини ошириш ва кунлик овқатланиш меъёрларини ишлаб чиқиш.	1. Тиббиёт ходимлари томонидан болаларнинг соғлиғини инобатга олган ҳолда, жисмоний тарбия билан шуғулланиши устидан назорат ўрнатиш ва болаларнинг саломатлиги асосида тиббий-соғломлаштириш гуруҳларига ажратилиши ва шунга қараб жисмоний чиниқтириш миқдорини белгилашни таъминлаш.	2021 йил 1 март	—	Соғлиқни сақлаш вазирлиги (А. Шадманов), Мактабгача таълим вазирлиги (А. Шин), Халқ таълими вазирлиги (Ш. Шерматов), Инновацион ривожланиш вазирлиги (И. Абдурахмонов)
13.		2. Болаларнинг жисмоний ривожланишини баҳолаш учун рақамлаштирилган дастур ёрдамида мониторинг қилиш тизимини ишлаб чиқиш.	2021 йил 1 январь	—
IV. Санитария-гигиена қоидаларига риоя этилишини соғлом турмуш тарзининг ажралмас қисми сифатида тарғиб қилиш
14.	Таълим муассасаларини, хусусан мактабгача таълим, умумтаълим муассасаларини тоза ичимлик суви билан таъминлаш.	Тоза ичимлик суви билан таъминлаш дастурлари доирасида таълим муассасаларини, хусусан мактабгача таълим, умумтаълим муассасаларини тоза ичимлик суви билан таъминлаб бориш чораларини кўриш.	2021 — 2025 йиллар	Мазкур йўналишга ажратилган маблағлар доирасида	«Ўзсувтаъминот» АЖ (А. Сувонқулов), Халқ таълими вазирлиги (Ш. Шерматов), Қурилиш вазирлиги (Б. Закиров), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
15.	Таълим муассасаларида мавжуд ва уларга бириктирилган тиббиёт ходимлари томонидан болаларнинг соғлиғи ва жисмоний камолотини доимий назорат қилиб бориш.	Мактабгача таълим ташкилотларининг тиббиёт ходимлари ҳамда туман (шаҳар) кўп тармоқли марказий поликлиникаларидан умумтаълим мактабларига бириктирилган тиббиёт ходимлари томонидан болалар ва ўқувчилар ҳамда муассаса ходимларининг соғлиғи ва жисмоний камолоти доимий равишда назоратга олинишини, даволаш-профилактика тадбирлари ўтказилиши, санитария-гигиена нормаларига, овқатланиш режими ва сифатига риоя этилишини таъминлаш.	Доимий	—	Соғлиқни сақлаш вазирлиги (А. Шадманов), Мактабгача таълим вазирлиги (А. Шин), Халқ таълими вазирлиги (Ш. Шерматов)
V. Мактабгача таълим, умумтаълим, ўрта махсус, профессионал ва олий таълим муассасаларида, корхона, ташкилот ва бошқа турдаги барча муассасаларда жисмоний тарбия ва спорт билан шуғулланиш учун замонавий моддий-техника базасини шакллантириш
16.	Умумтаълим мактабларининг спорт заллари ва жисмоний тарбия ва спорт муассасаларининг моддий-техника базасини яхшилаш.	1. 2022-2023 йилларга мўлжалланган умумтаълим мактабларини тўлиқ спорт заллари билан таъминлаш, ҳар бир туман(шаҳар)да тўлиқ моддий-техника базасига эга бўлган болалар-ўсмирлар спорт мактабларини ва бошқа жисмоний тарбия ва спорт муассасаларининг спорт иншоотларини қуриш ва жиҳозлаш дастурини ишлаб чиқиш ва тасдиқлаш учун Вазирлар Маҳкамасига киритиш. 2. Келгуси йилларда умумтаълим мактаблари спорт заллари, болалар-ўсмирлар спорт мактаблари ва жисмоний тарбия ва спорт муассасаларининг спорт иншоотларини қуриш параметрларини сезиларли ошириб бориш.	2021 йил 1 апрель	Инвестиция дастури доирасида	Халқ таълими вазирлиги (Ш. Шерматов), Жисмоний тарбия ва спорт вазирлиги (Д. Набиев)
17.	Мактабгача таълим, умумтаълим ва спорт таълим муассасаларини бирламчи спорт жиҳозлари ва анжомлари билан таъминлаш.	Давлат мактабгача таълим, умумтаълим ва спорт таълим муассасаларини бирламчи спорт жиҳозлари ва анжомлари билан таъминлаш, бунда 2021 йилда ҳар бир: давлат мактабгача таълим ташкилотига 2 млн сўмдан; давлат умумтаълим муассасасига 5 млн сўмдан ажратиш.	2021 йил	Давлат бюджети маблағлари	Молия вазирлиги (Т. Ишметов), Мактабгача таълим вазирлиги (А. Шин), Халқ таълими вазирлиги (Ш. Шерматов), Жисмоний тарбия ва спорт вазирлиги (Д. Набиев)
18.	Кўп қаватли турар жойлар, маҳаллалар, қишлоқлар, туманлар ва шаҳарларни боғловчи автомобиль йўллари, аҳоли юриши учун мўлжалланган йўлакларни ташкил этиш.	Ҳудудларда янгидан барпо этилаётган кўп қаватли турар жойларни қуриш бўйича тасдиқланган амалдаги шаҳарсозлик нормаларига қуйидагиларни назарда тутувчи қўшимча ва ўзгартиришлар киритиш: аҳоли сони ва уй-жойларнинг жойлашувини инобатга олган ҳолда, шунингдек, ташкилот ва идораларнинг тегишли ҳудудларида велосипед турар жойлари ва замонавий спорт майдончаларини (шу жумладан Workout) ташкил этиш; маҳаллалар, қишлоқлар, туманлар ва шаҳарларни боғловчи автомобиль йўллари, пиёда ҳамда велосипед юриши учун мўлжалланган «Саломатлик йўлаклари»ни қуриш; автомобиль қатнови юқори бўлган ва катта йўл кесишмаларида аҳолига қулай ўтиш жойларини барпо этиш.	2021 йил 1 январь	—	Қурилиш вазирлиги (Б. Закиров), Қорақалпоғистон Республикаси Вазирлар Кенгаши, вилоятларва Тошкент шаҳар ҳокимликлари
19.	Ёшларда, хусусан боғча ёшидаги болаларда жисмоний тарбия ва спорт тушунчасини пайдо қилиш ва уларни спортга қизиқтириш чораларини кўриш.	Қуйидаги телекўрсатувлар намойиш этишни таъминлаш: Ёшларда, хусусан боғча ёшидаги болаларда жисмоний тарбия ва спорт тушунчасини пайдо қилиш ва уларни қизиқтириш мақсадида «Болаликдан спортга», «Тонгги гимнастика», умумтаълим мактабларида «Биз билан бажар, биздек бажар, биздан яхшироқ бажар!», «Қувноқ стартлар» синфлараро, «Катта ёшдагилар учун аэробика», «Бошланғич йога машғулотлари», «Ортиқча вазндан воз кеч!» каби спорт машғулотларини ҳамда оилалар ўртасида ўтказиладиган «Отам, онам ва мен — спортчилар оиласи!» телевизион спорт мусобақалари; барча телеканаллар, шу жумладан хусусий телеканаллар эфирида ҳар куни уч марта (соат 7:00, 12:00 ва 17:00 да) нуфузли спорт мусобақалари ғолиб ва совриндорлари иштирокидаги 5 дақиқадан иборат оммавий бадантарбия машғулотлари; аёллар ва кексалар учун соғлом турмуш тарзини тарғиб этиш бўйича «Соғлом турмуш» кўрсатувлари.	Доимий	—	Миллий телерадиокомпания (А. Ходжаев), Ўзбекистон электрон оммавий ахборот воситалари миллий ассоциацияси (Ф. Абдухаликов), Мактабгача ва мактаб таълими вазирлиги (Х. Умарова), Ёшлар сиёсати ва спорт вазирлиги (А. Икрамов)
VI. Жисмоний тарбия ва спорт соҳасида илмий салоҳиятга эга бўлган кадрлар тайёрлаш
20.	Жисмоний тарбия ва спорт соҳасида илмий салоҳиятга эга бўлган кадрлар улушини ошириш.	1. Жисмоний тарбия ва спорт соҳасини ривожлантиришга ва соҳадаги муаммоларнинг илмий ечимини таъминлашга қаратилган лойиҳалар танловларини мунтазам эълон қилинишини назарда тутиш. 2. Жисмоний тарбия ва спорт соҳасида илмий салоҳиятга эга бўлган кадрлар улушини ошириш мақсадида таянч докторантура ва докторантура умумий қабул квотаси доирасида Жисмоний тарбия ва спорт вазирлиги тизимидаги олий таълим муассасаларига камида 10 та ўрин ажратиш.	2021 йилдан бошлаб ҳар йили	Грант маблағлари	Олий таълим, фан ва инновациялар вазирлиги (И. Абдурахмонов), Ёшлар сиёсати ва спорт вазирлиги (А. Икрамов)
21.	Миллий спорт турлари ҳамда халқ ўйинлари тарихини ўрганиш.	Республика ҳудудларида экспедиция ташкил қилган ҳолда миллий спорт турлари ҳамда халқ ўйинлари тарихини ўрганиш асосида «Ўзбекистон Республикаси миллий спорт турлари ва халқ ўйинлари энциклопедияси»ни тайёрлаш ва чоп этиш тўғрисидаги Ҳукумат фармойиш лойиҳасини ишлаб чиқиш ва киритиш.	2021 йил 1 сентябрь	Вазирлар Маҳкамасининг захира жамғармаси	Жисмоний тарбия ва спорт вазирлиги (Д. Набиев), Молия вазирлиги (Т. Ишметов), Фанлар академияси (Б. Юлдашев), Ўзбекистон Полвонлар миллий маркази

Изоҳ: норматив-ҳуқуқий ҳужжатлар тегишли ҳуқуқий муносабатларни тартибга солиш соҳаси ва предметига қараб қайта кўриб чиқилиши ёки бир ҳужжатга бирлаштирилиши мумкин.

(1-илова Ўзбекистон Республикаси Президентининг 2025 йил 14 апрелдаги ПФ-66-сонли Фармони таҳририда — Қонунчилик маълумотлари миллий базаси, 16.04.2025 й., 06/25/66/0348-сон)

Ўзбекистон Республикаси Президентининг 2020 йил 30 октябрдаги ПФ-6099-сон Фармонига
2-ИЛОВА

Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар

1. Ўзбекистон Республикаси Президентининг 2018 йил 25 январдаги «Умумий ўрта, ўрта махсус ва касб-ҳунар таълими тизимини тубдан такомиллаштириш чора-тадбирлари тўғрисида»ги ПФ-5313-сон Фармони 1-бандининг иккинчи хатбошисидан «, ихтисослаштирилган олимпия захиралари мактаб-интернатларида» сўзлари чиқариб ташлансин.

2. Ўзбекистон Республикаси Президентининг 2018 йил 5 мартдаги «Жисмоний тарбия ва спорт соҳасида давлат бошқаруви тизимини тубдан такомиллаштириш чора-тадбирлари тўғрисида»ги ПФ-5368-сон Фармонида:

а) 1-бандининг учинчи хатбошисидаги «Жисмоний тарбия ва спорт соҳасида мониторинг» сўзлари «Ички аудит ва молиявий назорат» сўзлари билан алмаштирилсин;

б) илованинг 21-позицияси «Ижро муддати» устунидаги «2020» рақами «2021» рақами билан алмаштирилсин.

3. Ўзбекистон Республикаси Президентининг 2019 йил 26 августдаги «Жисмоний тарбия ва спорт объектларини қуриш, реконструкция қилиш, капитал таъмирлаш ва жиҳозлаш ишларини молиялаштириш тартибини янада такомиллаштириш чора-тадбирлари тўғрисида»ги ПФ-5787-сон Фармони 6-бандида:

қуйидаги мазмундаги олтинчи хатбоши билан тўлдирилсин:

«спорт лотереяларини ташкил этиш ва юридик шахслар томонидан спорт лотереяларини ўтказишдан олинган даромаднинг 10 фоизигача бўлган қисми»;

олтинчи — саккизинчи хатбошилар тегишинча еттинчи — тўққизинчи хатбошилар деб ҳисоблансин.

4. Ўзбекистон Республикаси Президентининг 2019 йил 4 декабрдаги «Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида»ги ПФ-5887-сон Фармонига 3-иловада:

20, 21, 28 ва 48-позицияларнинг «Амалга ошириш муддати» устунидаги «февраль» сўзи «ноябрь» сўзи билан алмаштирилсин;

27-позициянинг «Амалга ошириш муддати» устунидаги «май» сўзи «ноябрь» сўзи билан алмаштирилсин.

5. Ўзбекистон Республикаси Президентининг 2020 йил 24 январдаги «Ўзбекистон Республикасида жисмоний тарбия ва спортни янада такомиллаштириш ва оммалаштириш чора-тадбирлари тўғрисида»ги ПФ-5924-сон Фармонида:

а) 9-банднинг бешинчи хатбошисидаги «бир ой муддатда» сўзлари «2020 йил 1 сентябрга қадар» сўзлари билан алмаштирилсин;

б) 16-банднинг учинчи хатбошисидаги «бир ой муддатда» сўзлари «2020 йил 1 октябрга қадар» сўзлари билан алмаштирилсин;

в) 3-иловада:

2-позиция чиқариб ташлансин;

8-позициянинг «Ижро муддати» устунидаги «июнга» сўзи «ноябрга» сўзи билан алмаштирилсин;

11-позицияда:

«Амалга ошириш механизми» устунидаги 2-банд ўз кучини йўқотган деб топилсин;

«Ижро муддати» устунидан «1 майга қадар» сўзлари чиқариб ташлансин;

15-позициянинг «Ижро муддати» устунидаги «1 майга қадар» сўзлари «1 декабрга қадар» сўзлари билан алмаштирилсин;

22-позиция чиқариб ташлансин.

6. Ўзбекистон Республикаси Президентининг 2020 йил 2 мартдаги ПФ-5953-сон Фармони билан тасдиқланган 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Илм, маърифат ва рақамли иқтисодиётни ривожлантириш йили»да амалга оширишга оид давлат дастурида:

а) 231-позиция ўз кучини йўқотган деб ҳисоблансин;

б) 232-позициядаги «Ҳужжат шакли, амалга ошириш механизми, кутилаётган натижа» устуннинг учинчи хатбошисидан «ҳамда Жисмоний тарбия ва спорт вазирлиги ҳузуридаги Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш марказини университет тасарруфига бериш» сўзлари чиқариб ташлансин.

7. Ўзбекистон Республикаси Президентининг 2020 йил 5 октябрдаги «Рақамли Ўзбекистон-2030» стратегиясини тасдиқлаш ва уни самарали амалга ошириш чора-тадбирлари тўғрисида»ги ПФ-6079-сон Фармонининг 18-иловаси 10-позициясида:

а) «Чора-тадбирлар» устунидаги «ишлаб чиқиш» сўзлари «жорий этиш» сўзлари билан алмаштирилсин;

б) «Амалга ошириш босқичлари» устунидаги 2-кичик банди қуйидаги таҳрирда баён этилсин:

«2. Лойиҳа ижрочиларини аниқлаш бўйича тендер (танлов) савдоларини ўтказиш».

8. Ўзбекистон Республикаси Президентининг 2009 йил 1 декабрдаги «Саноат кооперацияси асосида тайёр маҳсулотлар, бутловчи буюмлар ва материаллар ишлаб чиқаришни маҳаллийлаштиришни чуқурлаштиришга доир қўшимча чора-тадбирлар тўғрисида»ги ПҚ-1236-сон қарорига 3-иловада:

ўн еттинчи хатбоши чиқариб ташлансин;

ўн саккизинчи-ўн тўққизинчи хатбошилар тегишинча ўн еттинчи-ўн саккизинчи хатбошилар деб ҳисоблансин.

9. Ўзбекистон Республикаси Президентининг 2009 йил 30 декабрдаги «Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг ташкилий тузилмасини шакллантириш чора-тадбирлари тўғрисида»ги ПҚ-1252-сон қарорига 2-илованинг рус тилидаги матнидаги «Начальник управления учета и управления средствами Пенсионного фонда» блоки «Заместитель исполнительного директора» блоки билан алмаштирилсин.

10. Ўзбекистон Республикаси Президентининг 2015 йил 23 ноябрдаги «Олий маҳорат спорт мактабларини ташкил этиш тўғрисида»ги ПҚ-2438-сон қарорига 2-илованинг 3-позицияси рус тилидаги матнида «Ответственные исполнители» устунидан «Фонд развития физической культуры и спорта» сўзлари чиқариб ташлансин.

11. Ўзбекистон Республикаси Президентининг 2016 йил 27 декабрдаги «Ўзбекистон Республикасининг 2017 йилги асосий макроиқтисодий кўрсаткичлари прогнози ва давлат бюджети параметрлари тўғрисида»ги ПҚ-2699-сон қарори 22-бандида:

учинчи хатбоши чиқариб ташлансин;

тўртинчи хатбоши учинчи хатбоши деб ҳисоблансин.

12. Ўзбекистон Республикаси Президентининг 2017 йил 9 мартдаги «Ўзбекистон спортчиларини 2020 йил Токио (Япония) шаҳрида бўлиб ўтадиган ХХХII ёзги Олимпия ва ХVI Паралимпия ўйинларига тайёрлаш тўғрисида»ги ПҚ-2821-сон қарори 1-иловасининг рус тилидаги матнида 6, 7 ва 9-позициядаги «Наименование мероприятий» ва «Срок исполнения» устунларидаги «2020» рақами «2021» рақами билан алмаштирилсин.

13. Ўзбекистон Республикаси Президентининг 2017 йил 3 июндаги «Жисмоний тарбия ва оммавий спортни янада ривожлантириш чора-тадбирлари тўғрисида»ги ПҚ-3031-сон қарорида:

а) 3-бандда:

иккинчи ва учинчи хатбошилар чиқариб ташлансин;

тўртинчи — олтинчи хатбошилар тегишинча иккинчи — тўртинчи хатбошилар деб ҳисоблансин;

б) 1-иловада:

13-позицияда:

«Молиялаштириш манбалари» устунидаги «Жисмоний тарбия ва спортни ривожлантириш жамғармаси маблағлари» сўзлари «Ўзбекистон Республикаси Инвестиция дастурлари доирасида Давлат бюджети маблағлари» сўзлари билан алмаштирилсин;

«Ижро учун масъуллар» устунидан «Жисмоний тарбия ва спортни ривожлантириш жамғармаси» сўзлари чиқариб ташлансин;

19-позициянинг «Молиялаштириш манбалари» устунидаги «Жисмоний тарбия ва спортни ривожлантириш жамғармаси маблағлари» сўзлари «Ўзбекистон Республикаси Инвестиция дастурлари доирасида Давлат бюджети маблағлари» сўзлари билан алмаштирилсин;

24, 70 ва 71-позициялардаги «Ижро учун масъуллар» устунидан «Жисмоний тарбия ва спортни ривожлантириш жамғармаси» сўзлари чиқариб ташлансин.

(14-банд Ўзбекистон Республикаси Президентининг 2022 йил 15 январдаги ПФ-52-сонли Фармонига асосан ўз кучини йўқотган — Қонунчилик маълумотлари миллий базаси, 15.01.2022 й., 06/22/52/0029-сон)

15. Ўзбекистон Республикаси Президентининг 2018 йил 16 мартдаги «Футболни янада ривожлантириш чора-тадбирлари тўғрисида»ги ПҚ-3610-сон қарорида:

а) 3-банднинг учинчи хатбошисидан «Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спортни ривожлантириш жамғармаси,» сўзлари чиқариб ташлансин;

б) 9-бандда:

тўртинчи хатбоши чиқариб ташлансин;

бешинчи хатбоши тўртинчи хатбоши деб ҳисоблансин;

в) 10-банднинг учинчи хатбошиси «Ўзбекистон Республикасида ишлаб чиқарилмайдиган спорт асбоб-ускуналари, инвентарлари» сўзларидан кейин «, футбол (футзал) майдонлари учун сунъий ўтлар, шокпад, гранулалар, махсус елим» сўзлари билан тўлдирилсин;

г) иловада:

9, 10, 12, 23, 24, 27, 28 ва 40-позицияларнинг «Молиялаштириш манбаси» устунидаги «, Жисмоний тарбия ва спортни ривожлантириш жамғармаси» ва «Масъул ижрочилар» устунидаги «(Ш. Исраилов)», «(А. Раматов)» сўзлари тегишинча «Ижрочиларнинг бюджет ва бюджетдан ташқари маблағлари», «(Д. Набиев)», «(А. Азизов)» сўзлари билан алмаштирилсин;

11-позициянинг «Тадбирнинг номи» устунидаги «академик лицей ва касб-ҳунар коллежлари», «Молиялаштириш манбаси» устунидаги «, Жисмоний тарбия ва спортни ривожлантириш жамғармаси» ва «Масъул ижрочилар» устунидаги «(Ш. Исраилов)», «(У. Иноятов)», «(А. Раматов)» сўзлари тегишинча «академик лицей, профессионал таълим муассасаси», «Ижрочиларнинг бюджет ва бюджетдан ташқари маблағлари», «(Д. Набиев)», «(Ш. Шерматов)», «(А. Азизов)» сўзлари билан алмаштирилсин.

16. Ўзбекистон Республикаси Президентининг 2018 йил 12 декабрдаги «Ёшларни ватанпарварлик руҳида ва жисмоний тарбиялаш ҳамда чақирилувчиларни ҳарбий-техник мутахассисликлар бўйича тайёрлаш тартибини такомиллаштириш бўйича қўшимча чора-тадбирлар тўғрисида»ги ПҚ-4061-сон қарорига 3-илованинг 10-позицияси «Молиялаштириш манбалари» устунидан «Жисмоний тарбия ва спортни ривожлантириш жамғармаси маблағлари,» сўзлари чиқариб ташлансин.

17. Ўзбекистон Республикаси Президентининг 2019 йил 18 февралдаги «Ўзбекистон Республикасида йилқичилик ва от спортини янада ривожлантириш чора-тадбирлари тўғрисида»ги ПҚ-4194-сон қарори 3-бандининг бешинчи хатбошисидаги «Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спортни ривожлантириш жамғармаси маблағлари» сўзлари «Ўзбекистон Республикасининг республика бюджети» сўзлари билан алмаштирилсин.

18. Ўзбекистон Республикаси Президентининг 2019 йил 8 майдаги «Самарқанд шаҳрида «Россия давлат жисмоний тарбия, спорт, ёшлар ва туризм университети» федерал давлат бюджети олий таълим муассасасининг филиалини ташкил этиш тўғрисида»ги ПҚ-4311-сон қарорида:

5-банднинг «в» кичик бандидан «Ўзбекистон Республикаси Жисмоний тарбия ва спорт вазирлиги ҳузуридаги Жисмоний тарбия ва спортни ривожлантириш жамғармаси ҳамда» сўзлари чиқариб ташлансин;

6-банднинг олтинчи хатбошисидаги «Самарқанд ихтисослаштирилган олимпия захиралари мактаб-интернати» сўзлари «Самарқанд олимпия захиралари коллежи» сўзлари билан алмаштирилсин.

19. Ўзбекистон Республикаси Президентининг 2019 йил 29 октябрдаги «Ўзбекистон Республикасида регби спорт турини ривожлантириш чора-тадбирлари тўғрисида»ги ПҚ-4500-сон қарорида:

а) 1-банднинг «а» кичик банди ва 9-банднинг бешинчи хатбошисидаги «ихтисослаштирилган олимпия захиралари мактаб-интернатларида» сўзлари «олимпия захиралари коллежларида» сўзлари билан алмаштирилсин;

б) иловада:

44-позициянинг «Тадбирлар номи» устунидаги «Ихтисослаштирилган олимпия захиралари мактаб-интернатларида» сўзлари «Олимпия захиралари коллежларида» сўзлари билан алмаштирилсин;

45-позициянинг «Тадбирлар номи» устунидаги «олимпия захиралари ихтисослаштирилган мактаб-интернатини» сўзлари «олимпия захиралари коллежини» сўзлари билан алмаштирилсин.

(Қонун ҳужжатлари маълумотлари миллий базаси, 31.10.2020 й., 06/20/6099/1450-сон; Қонунчилик маълумотлари миллий базаси, 06.05.2021 й., 06/21/6221/0428-сон; 15.01.2022 й., 06/22/52/0029-сон, 07.04.2022 й., 06/22/98/0279-сон; 11.05.2022 й., 06/22/134/0407-сон; 13.06.2023 й., 06/23/92/0366-сон; 29.08.2023 й., 06/23/151/0661-сон; 28.12.2024 й., 06/24/227/1089-сон; 16.04.2025 й., 06/25/66/0348-сон)