Hukumat apparati tuzilmasini yanada takomillashtirish va uning faoliyati samaradorligini oshirish maqsadida Vazirlar Mahkamasi qaror qiladi:

1. Ijtimoiy masalalar, fan va madaniyat boʻlimi tugatilsin hamda:

xodimlari soni 10 nafardan iborat boʻlgan Taʼlim va Fan boʻlimi;

xodimlari soni 11 nafardan iborat boʻlgan Ijtimoiy masalalar va madaniyat boʻlimi tashkil etilsin.

2. Quyidagilar bu boʻlimlarning asosiy vazifalari etib belgilansin:

Taʼlim va fan boʻlimi boʻyicha:

Oʻzbekiston Respublikasi qonunlarining, Oʻzbekiston Respublikasi Prezidentining farmonlari va farmoyishlarining, Vazirlar Mahkamasining qarorlari va farmoyishlarining bajarilishini taʼminlash ishlarini tashkil etish;

vazirliklar, idoralar, korporatsiyalar, konsernlar, uyushmalar, birlashmalar, korxonalar, idoraviy boʻysunishidan qatʼi nazar, ilmiy tashkilotlarning taʼlim, fan va informatika sohasida davlat siyosatini amalga oshirish boʻyicha faoliyatlarini muvofiqlashtirish;

respublika Hukumatiga kiritish uchun taʼlim, fan, texnika va yuqori malakali mutaxassislar tayyorlash sohalarini konseptual rivojlantirish toʻgʻrisidagi takliflarni tahlil qilish, umumlashtirish va ishlab chiqish;

Ijtimoiy masalalar va madaniyat boʻlimi boʻyicha:

Oʻzbekiston Respublikasi qonunlarining, Oʻzbekiston Respublikasi Prezidentining farmonlari va farmoyishlarining, Vazirlar Mahkamasining qarorlari va farmoyishlarining bajarilishini taʼminlash ishlarini tashkil etish;

vazirliklar, idoralar, korporatsiyalar, konsernlar, uyushmalar, birlashmalar, korxonalar, tashkilotlar va muassasalarning ijtimoiy soha va madaniyat sohasidagi davlat siyosatini amalga oshirish boʻyicha faoliyatlarini muvofiqlashtirish;

respublika Hukumatiga kiritish uchun aholini davlat tomonidan kafolatli ijtimoiy himoya qilishni, sogʻliqni saqlash, madaniyat, sport, turizmni va axborot bilan taʼminlashni takomillashtirish va rivojlantirish yoʻllarini amalga oshirish boʻyicha takliflarni tahlil qilish, umumlashtirish va tayyorlash.

3. Kompleks rahbari M. Q. Qoraboyev 10 kun muddatda Taʼlim va fan boʻlimi hamda Ijtimoiy masalalar va madaniyat boʻlimi toʻgʻrisidagi nizomlarni belgilangan tartibda tasdiqlasin.