Tijorat transportlarini ishlab chiqaruvchi jahonning yetakchi kompaniyalaridan biri bilan integratsiyalashuv asosida respublika avtomobilsozlik sanoatini yanada barqaror rivojlantirish, yuk tashuvchi MAN avtomobillarini ishlab chiqarishni tashkil etish orqali ishlab chiqarilayotgan avtomobilsozlik mahsulotlari turlarini kengaytirish, ularni ichki va tashqi bozorlarda sotish hajmining oʻsishini taʼminlash maqsadida Vazirlar Mahkamasi qarori qabul qiladi:

1. “Oʻzavtosanoat” AJ va “MAN Nutzfahrzeuge AG” kompaniyasi (Germaniya) oʻrtasida 2009-yil 10-iyun kuni masʼuliyati cheklangan jamiyat shaklida ustav kapitali 3 million yevro boʻlgan “JV MAN Auto — Uzbekistan” qoʻshma korxonasini tashkil etish toʻgʻrisida Bitim imzolanganligi;

“JV MAN Auto — Uzbekistan” qoʻshma korxonasini ustav kapitalidagi “Oʻzavtosanoat” AK ulushi 51 foizni, “MAN Nutzfahrzeuge AG” esa 49 foizni tashkil etishi maʼlumot uchun qabul qilinsin.

5. Oʻzbekiston Respublikasi Tashqi ishlar vazirligi “JV MAN Auto — Uzbekistan” MCHJ talabiga binoan mazkur qarorni amalga oshirish doirasida jalb etilgan xorijiy mutaxassislar va ularning oila aʼzolariga konsullik yigʻimlari va boshqa yigʻimlar undirilmasdan, belgilangan tartibda kirish vizalari berilishini taʼminlasin.

6. Oʻzbekiston Respublikasi Ichki ishlar vazirligi “JV MAN Auto — Uzbekistan” MCHJning arizasiga koʻra, belgilangan tartibda koʻp martalik vizalar berilishi va uzaytirilishi, shuningdek, chet ellik mutaxassislar va oila aʼzolarining vaqtincha yashash joyi boʻyicha vaqtincha propiska qilinishi va vaqtincha propiska muddatini davlat boji toʻlashdan ozod etgan holda uzaytitirilishini taʼminlasin.

7. Oʻzbekiston Respublikasi Mehnat va aholini ijtimoiy muhofaza qilish vazirligi “JV MAN Auto — Uzbekistan” MCHJga qoʻshma korxona tashkil etish loyihasini amalga oshirish uchun belgilangan tartibda Oʻzbekiston Respublikasiga xorijiy mutaxassislar va yuqori malakali ishchi kuchini jalb qilish uchun ruxsatnomalar berilishini taʼminlasin.

8. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklatilsin.