Кейинги йилларда мамлакатимизда маҳкумларнинг ҳуқуқлари ва эркинликларини кафолатлаш, озодликдан маҳрум этиш жойларида сақланаётган маҳкумларни сақлаш шарт-шароитларини яхшилаш бўйича тизимли ишлар олиб борилмоқда.

Шу билан бирга замонавий ахборот-коммуникация технологияларини жорий этиш орқали маҳкумларнинг ҳуқуқларини янада кенгайтириш, жиноят-ижроия қонунчилигини халқаро нормаларга мувофиқлаштириш зарурати мавжуд.

Ушбу Қонун билан Ўзбекистон Республикасининг Жиноят-ижроия кодексига озодликдан маҳрум этишга ҳукм қилинган маҳкумларнинг масофали видео-учрашувдан фойдаланиш ҳуқуқини белгилашни назарда тутувчи ўзгартириш ва қўшимчалар киритилмоқда.

Мазкур Қонун маҳкумларнинг ҳуқуқлари, эркинликлари ва қонуний манфаатларини ҳимоя қилишга, уларнинг яқин қариндошлари билан масофадан туриб видео-учрашувлар ўтказиши учун имконият яратишга хизмат қилади.

1-модда. Ўзбекистон Республикасининг 1997 йил 25 апрелда қабул қилинган 409-I-сонли Қонуни билан тасдиқланган Ўзбекистон Республикасининг Жиноят-ижроия кодексига (Ўзбекистон Республикаси Олий Мажлисининг Ахборотномаси, 1997 йил, № 6, 175-модда; 2003 йил, № 9-10, 149-модда; 2004 йил, № 1-2, 18-модда; Ўзбекистон Республикаси Олий Мажлиси палаталарининг Ахборотномаси, 2007 йил, № 6, 248-модда, № 9, 422-модда, № 12, 595-модда; 2008 йил, № 4, 187-модда, № 12, 636, 641-моддалар; 2009 йил, № 4, 136-модда, № 12, 470-модда; 2010 йил, № 9, 334-модда; 2012 йил, № 9/1, 238-модда; 2014 йил, № 9, 244-модда; 2015 йил, № 8, 310-модда; 2017 йил, № 3, 47-модда, № 10, 605-модда; 2019 йил, № 3, 165-модда, № 5, 267-модда, № 8, 469-модда, № 9, 588, 592-моддалар, № 12, 880-модда; 2020 йил, № 6, 337-модда; 2021 йил, 4-сонга илова, № 11, 1061-модда, № 12, 1193-модда; 2022 йил, № 5, 464-модда; 2023 йил, № 2, 104-модда, № 3, 187-модда, № 4, 269-модда; 2024 йил, № 2, 115-модда, № 8, 818, 823, 828-моддалар) қуйидаги ўзгартириш ва қўшимчалар киритилсин:

1) 54-модда иккинчи қисмининг учинчи хатбошиси қуйидаги таҳрирда баён этилсин:

«ўз шахсий маблағлари ҳисобидан тўланадиган, ўн беш дақиқа давом этадиган бир марта масофали видео-учрашув ёки телефон орқали сўзлашиш ҳуқуқига эга»;

2) 55-модданинг иккинчи қисмидаги «йўқлов ва бандероллар олиш» деган сўзлар «йўқлов ва бандероллар олиш, масофали видео-учрашув ёки» деган сўзлар билан алмаштирилсин;

3) 77-модда қуйидаги таҳрирда баён этилсин:

Озодликдан маҳрум этишга ҳукм қилинганларга уларнинг ихтиёрига кўра масофали видео-учрашувлар ёки телефон орқали сўзлашувлар ҳуқуқи берилади.

Умумий, қаттиқ, махсус тартибли колонияларда, тарбия колонияларида, турмаларда ва маҳкумлар учун ихтисослашган касалхоналарда жазони ўтаётган маҳкумларнинг масофали видео-учрашувлари ёки телефон орқали сўзлашувлари муассаса маъмурияти назорати остида ўтказилади ҳамда уларнинг ҳақи маҳкумнинг шахсий ҳисобварағидан тўланади.

Масофали видео-учрашувлар ёки телефон орқали сўзлашувлар миқдори жазони ижро этиш муассасасининг тартиб турига ҳамда маҳкум сақланаётган шароитга қараб белгиланади. Маҳкумнинг илтимосига кўра, маҳкум жазони ижро этиш муассасасига етиб келганидан кейин, шунингдек алоҳида ҳолларда унга қўшимча равишда масофали видео-учрашувга ёки телефон орқали сўзлашувга рухсат этилиши мумкин.

Интизомий бўлинмаларда сақланаётган маҳкумларга фақат алоҳида ҳолларда масофали видео-учрашувга ёки телефон орқали сўзлашувга рухсат этилиши мумкин.

Озодликдан маҳрум этиш жойларида сақланаётган маҳкумларнинг масофали видео-учрашувлари ёки телефон орқали ўзаро сўзлашувлари тақиқланади.

Маҳкумларга масофали видео-учрашувларга ёки телефон орқали сўзлашувларга рухсат этиш тартиби Ўзбекистон Республикаси Ички ишлар вазирлиги томонидан белгиланади»;

4) 87-модданинг тўққизинчи қисмидаги «телефон орқали қўшимча сўзлашишга» деган сўзлар «қўшимча масофали видео-учрашувга ёки телефон орқали сўзлашувга» деган сўзлар билан алмаштирилсин;

5) 102-модда:

иккинчи қисмининг олтинчи хатбошиси «қўшимча учрашув ёки» деган сўзлардан кейин «масофали видео-учрашув ёхуд» деган сўзлар билан тўлдирилсин;

иккинчи хатбошисидаги «бир марта телефон орқали сўзлашув» деган сўзлар «бир марта масофали видео-учрашув ёки телефон орқали сўзлашув» деган сўзлар билан алмаштирилсин;

учинчи хатбошисидаги «бир марта телефон орқали сўзлашув» деган сўзлар «бир марта масофали видео-учрашув ёки телефон орқали сўзлашув» деган сўзлар билан алмаштирилсин;

6) 109-модданинг:

тўртинчи қисми «учрашув» деган сўздан кейин «масофали видео-учрашув» деган сўзлар билан тўлдирилсин;

бешинчи қисми «учрашув» деган сўздан кейин «масофали видео-учрашув» деган сўзлар билан тўлдирилсин;

7) 114-модданинг иккинчи қисмидаги «йигирма тўрт марта узоқ муддатли учрашувлар» деган сўзлар «йигирма тўрт марта узоқ муддатли учрашув ва йигирма тўрт марта масофали видео-учрашув» деган сўзлар билан алмаштирилсин;

8) 117-модда учинчи қисмининг учинчи хатбошиси қуйидаги таҳрирда баён этилсин:

«ўн икки марта масофали видео-учрашув ёки телефон орқали сўзлашув»;

9) 119-модда учинчи қисмининг учинчи хатбошиси қуйидаги таҳрирда баён этилсин:

«саккиз марта масофали видео-учрашув ёки телефон орқали сўзлашув»;

10) 121-модда учинчи қисмининг учинчи хатбошиси қуйидаги таҳрирда баён этилсин:

«олти марта масофали видео-учрашув ёки телефон орқали сўзлашув»;

11) 123-модда учинчи қисмининг учинчи хатбошиси қуйидаги таҳрирда баён этилсин:

«тўрт марта масофали видео-учрашув ёки телефон орқали сўзлашув»;

12) 125-модда учинчи қисмининг учинчи хатбошиси қуйидаги таҳрирда баён этилсин:

«йигирма тўрт марта масофали видео-учрашув ёки телефон орқали сўзлашув»;

13) 137-модданинг:

иккинчи қисмидаги «бир марта телефон орқали сўзлашув» деган сўзлар «бир марта масофали видео-учрашув ёки телефон орқали сўзлашув» деган сўзлар билан алмаштирилсин;

учинчи қисмидаги «икки марта телефон орқали сўзлашув» деган сўзлар «икки марта масофали видео-учрашув ёки телефон орқали сўзлашув» деган сўзлар билан алмаштирилсин;

тўртинчи қисмидаги «уч марта телефон орқали сўзлашув» деган сўзлар «уч марта масофали видео-учрашув ёки телефон орқали сўзлашув» деган сўзлар билан алмаштирилсин;

14) 139-модданинг биринчи қисми «учрашиш ёки» деган сўзлардан кейин «масофали видео-учрашув ёхуд» деган сўзлар билан тўлдирилсин.

2-модда. Ўзбекистон Республикаси Ички ишлар вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

3-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

4-модда. Ушбу Қонун расмий эълон қилинган кундан эътиборан кучга киради.