Ўзбекистон ССР Министрлар Совети республика истеъмол бозорини барқарор қилиш мақсадида қарор қилади:

1. 1990 йил 30 майдан бошлаб республика территориясида яшовчи аҳолига озиқ-овқат ва ноозиқ-овқат молларини паспорт, хизмат гувоҳномаси, студент билети, пенсия гувоҳномаси ҳамда шахсини тасдиқловчи бошқа ҳужжатларга қараб сотишнинг муваққат тартиби жорий этилсин.

Республикага вақтинча (командировка, ҳарбий хизмат, туристик сафар, меҳнат шартномаси бўйича иш ва бошқа сабаблар билан) келган фуқароларга кундалик эҳтиёж моллари халқ депутатлари маҳаллий Совети тегишли ижроия комитети томонидан белгилаб қўйилган алоҳида рўйхат ва нормага мувофиқ сотилади.

Халқ анъаналари ва удумлари (тўйлар, дафн маросимлари, марҳумлар ҳурмати учун ўтказиладиган маросимлар ва бошқалар) билан боғлиқ тадбирларни ўтказиш чоғида аҳолига озиқ-овқат маҳсулотлари ва моллар сотиш нормаси кўзда тутилсин.

Харидоргир ноозиқ-овқат молларни сотиш халқ депутатлари маҳаллий Советлари ижроия комитетларининг қарорига мувофиқ амалга оширилсин.

3. Молларни сотишнинг муваққат тартиби жорий этилиши муносабати билан Қорақалпоғистон АССР Министрлар Совети, вилоят ижроия комитетлари ва Тошкент шаҳар ижроия комитети вужудга келадиган барча масалаларни кўриб чиқсинлар ва ҳал этсинлар, шунингдек, молларнинг белгиланган нормага мувофиқ сотилишини назорат қилиб туришни таъминласинлар.

4. Ўзбекистон ССР Савдо министрлиги, Ўзбекбирлашув, Ўзбекистон ССР Давлат моддий-техника таъминоти комитети, Ўзбекистон ССР Қишлоқ хўжалиги давлат-кооператив комитети, Ўзбекистон ССР Дон маҳсулотлари министрлиги, Ўзбекистон ССР Бинокорлик материаллари саноати министрлиги, Ўзбекистон ССР Қурилиш министрлиги, Ўзбекистон ССР Давлат нефть маҳсулотлари билан таъминлаш комитети, Қорақалпоғистон АССР Министрлар Совети, вилоят ижроия комитетлари, Тошкент шаҳар ижроия комитети савдонинг узлуксиз бўлишини таъминлаш учун планга қўшимча маҳсулот ишлаб чиқариш ҳисобидан, шунингдек товар айирбошлаш йўли билан олинган ресурслардан молларнинг запасларини вужудга келтириш учун зарур чораларни кўрсинлар.

Савдо ташкилотларига ана шу мақсадда норматив товар запасларини кўпайтиришга рухсат этилсин. СССР давлат банки, Ўзбекистон республика банки, ихтисослаштирилган банклар йилига 2 фоиз фойда олиб, нормадан ортиқча моллар запасларига кредит беришни таъминласинлар.

5. Ўзбекбирлашувга «Центросоюз» йўли билан товар айирбошлаш операциялари орқали олинган радиотелеаппаратлар ва бошқа чет эл молларини Ўзбекистон ССР Министрлар Советининг розилиги билан озиқ-овқат маҳсулотларига ва бинокорлик материалларига алмаштириш учун мамлакатнинг бошқа регионларига юбориш тавсия этилсин. Республика учун ажратилган чет эл радиотехникасини 1991 йилдан бошлаб тегишли миқдордаги озиқ-овқат маҳсулотлари, тикув ва тўқув машиналари, болалар учун чиқарилган товарларга алмаштириш имкониятлари «Центросоюз» билан биргаликда кўриб чиқилсин.

7. Ўзбекистон ССР Давлат телевидение ва радиоэшиттириш комитети, ЎзТАГ, республика газеталари редакциялари мазкур қарорни матбуотда эълон қилсинлар, уни кенг ёритиш бўйича кўрсатув ва эшиттиришлар туркуми тайёрлашни назарда тутсинлар.

8. Мазкур қарорнинг бажарилишини назорат қилиш Ўзбекистон ССР Министрлар Совети Раисининг ўринбосари ўртоқ Д. Д. Берковга, Қорақалпоғистон АССР Министрлар Советининг, вилоят ижроия комитетларининг, Тошкент шаҳар ижроия комитетининг раисларига юклатилсин.