LexUZ sharhi
Mazkur Qonun O‘zbekiston Respublikasining 2007-yil 28-dekabrdagi O‘RQ-138-sonli “O‘zbekiston Respublikasining Soliq kodeksi qabul qilinishi munosabati bilan O‘zbekiston Respublikasining ayrim Qonun hujjatlariga o‘zgartish va qo‘shimchalar kiritish, shuningdek ayrim qonun hujjatlarini o‘z kuchini yo‘qotgan deb topish to‘g‘risida”gi Qonuni bilan o‘z kuchini yo‘qotgan.
Bozorlar, yarmarkalar va oldi-sotdi qilish uchun maxsus belgilangan boshqa joylarda mollar, buyumlar va qishloq xo‘jalik mahsulotlarini sotayotgan jismoniy shaxslar patta haqi to‘laydilar.
Patta to‘lovi oldi-sotdi qilishga ajratilgan har bir joy uchun, savdo qilingan har bir kun yoki har bir mol, buyum, har bosh chorva mol uchun olinadi. Agar oldi-sotdi qilish uchun ajratilgan joy uchun ijara shartnomasiga ko‘ra ijara haqi to‘lansa, u holda patta to‘lovi ijara qiymatiga kiritiladi.
Patta to‘lovi har bir to‘lovchidan naqd pul olib, unga patta qog‘ozi berish yo‘li bilan undiriladi. Patta qog‘ozini boshqa to‘lovchilarga berish man etiladi. Patta to‘lovi bozorlar, yarmarkalar va oldi-sotdi uchun maxsus ajratilgan boshqa joylar xodimlari tomonidan yig‘iladi.
LexUZ sharhi
Patta to‘lovlari miqdorlari Vazirlar Mahkamasining 1993-yil 23-martdagi 152-son “Patta to‘lovlari miqdorlarini belgilash haqida”gi qarori bilan tasdiqlangan.
Mollar, buyumlar va qishloq xo‘jaligi mahsulotini bozorlar, yarmarkalar yoki oldi-sotdi qilish uchun ajratilgan boshqa maxsus joylarda patta haqi to‘lamasdan sotish taqiqlanadi.
Bozorlar, yarmarkalar hamda mollar, qishloq xo‘jaligi mahsulotlari sotish uchun maxsus ajratilgan boshqa joylarning ma’muriyati patta haqi to‘g‘ri va o‘z vaqtida undirilishiga rioya qilishi shart. Patta to‘lovidan tushgan mablag‘ budjetga har oyda bir marta, lekin hisobot oyidan keyingi oyning 15-kunidan kechiktirilmay o‘tkaziladi. Patta to‘lovidan tushgan mablag‘ni o‘z vaqtida budjetga o‘tkazmaganlik uchun har bir kechiktirilgan kun hisobidan 0,5 foiz miqdorda jarima undiriladi.
Patta to‘lovi mablag‘laridan foydalanishning tartibi har yili xalq deputatlari mahalliy Kengashlari tomonidan belgilanadi, lekin shu mablag‘ning kamida yarmi bozor, yarmarka yoki mollar, buyumlar va qishloq xo‘jaligi mahsulotlarini sotish uchun maxsus ajratilgan joylardan foydalanish huquqiga ega boshqa tashkilot tasarrufida qolishi sharti bilan.
Keyingi tahrirga qarang.
Ushbu Qonunni qo‘llanishga doir yo‘riqnoma O‘zbekiston Respublikasi Moliya vazirligi bilan kelishilgan holda O‘zbekiston Respublikasi Vazirlar Mahkamasi huzuridagi Davlat soliq boshqarmasi tomonidan chiqariladi.
Keyingi tahrirga qarang.