LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Respublika qishloq aholisini ovqat uchun don (bug‘doy) bilan ta’minlashni yanada yaxshilash va shaxsiy yordamchi xo‘jaliklarda g‘alla yetishtirishni ko‘paytirishni rag‘batlantirish maqsadida:
1. Respublika jamoa xo‘jaliklari va davlat xo‘jaliklariga 1991-yilda yetishtirilgan don (bug‘doy) hosilining ortiqchasini g‘alla o‘rimi uchun natura holida to‘lovga qo‘shimcha ravishda har bir qishloq oilasiga, jumladan, pensionyerlar, vrachlar, o‘qituvchilar va aholining boshqa toifalari oilalariga kamida 100 kilogramm don (bug‘doy) sotishga ruxsat etilsin.
2. O‘zbekiston SSR Prezidenti huzuridagi Vazirlar Mahkamasi ushbu Farmonni amalga oshirishga doir qarorni qabul qilsin, unda:
— shaxsiy yondamchi xo‘jaliklarda g‘alla yetishtirishni ko‘paytirishni rag‘batlantirish choralari tizmasi;
— Qoraqalpog‘iston MSSR Vazirlar Kengashiga va viloyat ijroiya qo‘mitalariga ortiqcha don (bug‘doy)ni rayonlar o‘rtasida taqsimlash huquqini berish ko‘zda tutilsin.