LexUZ sharhi
Mazkur qaror O‘zbekiston Respublikasi Vazirlar Mahkamasining 2009-yil 11-martdagi 63-sonli “O‘zbekiston Respublikasi Hukumatining ayrim qarorlariga o‘zgartirishlar kiritish, shuningdek ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘zbekiston Respublikasi Prezidentining ayrim qarorlariga o‘zgartirishlar kiritish to‘g‘risida” 2009-yil 27-fevraldagi PQ-1062-son qarori)”gi qaroriga asosan o‘z kuchini yo‘qotgan.
“Tadbirkorlik faoliyati bilan shug‘ullanuvchi jismoniy shaxslardan ro‘yxatga olganlik uchun undiriladigan yig‘im va bunday shaxslarni ro‘yxatga olish tartibi to‘g‘risida”gi O‘zbekiston Respublikasi Qonunini amalga kiritish tartibi haqida O‘zbekiston Respublikasi Oliy Kengashining 1993-yil 28-dekabrdagi qaroriga muvofiq Vazirlar Mahkamasi qaror qiladi:
1. Tadbirkorlik faoliyati bilan shug‘ullanuvchi jismoniy shaxslardan ro‘yxatga olganlik uchun undiriladigan yig‘imlar stavkalarining miqdorlari quyidagicha belgilansin:
savdo va savdo-vositachilik faoliyati bilan shug‘ullanuvchi tadbirkorlar uchun O‘zbekiston Respublikasi qonunchiligida belgilangan eng kam oylik ish haqi miqdorida;
kosiblik va ishlab chiqarish faoliyati bilan shug‘ullanuvchi tadbirkorlar uchun O‘zbekiston Respublikasi qonunchiligida belgilangan eng kam oylik ish haqining yarmi miqdorida;
Ayrim to‘lovchilardan undiriladigan yig‘im stavkalarining aniq miqdorlari davlat hokimiyatining mahalliy organlari tomonidan belgilanadi:
2. Tadbirkorlik faoliyati bilan shug‘ullanadigan jismoniy shaxslardan ro‘yxatga olganlik uchun undiriladigan yig‘imlarning o‘z vaqtida va to‘liq to‘lanishi hamda ularni ro‘yxatga olish tartibi ustidan nazoratni davlat soliq organlari amalga oshiradi.
3. Mazkur qarorning qabul qilinishi munosabati bilan Vazirlar Mahkamasining “Davlat boji stavkalari haqida” 1993-yil 26-apreldagi 192-son qarori bilan tasdiqlangan Davlat boji stavkalari 5-bandining “p” kichik bandi o‘z kuchini yo‘qotgan deb hisoblansin.
4. Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari bir oy muddatda ayrim to‘lovchilardan ro‘yxatga olganlik uchun undiriladigan yig‘imlar stavkalarini aniq miqdorlarda belgilasinlar.