O‘zbekiston Respublikasi Prezidentining 2019-yil 21-maydagi “Mehnatga haq to‘lash, pensiyalar va boshqa to‘lovlar miqdorlarini aniqlash tartibini takomillashtirish to‘g‘risida”gi PF-5723-son Farmoniga muvofiq, shuningdek O‘zbekiston Respublikasi Moliya vazirligi huzuridagi Pensiya jamg‘armasi tuzilmasini takomillashtirish, aholining xavfsiz oziq-ovqat mahsulotlariga bo‘lgan talablarini qondirish maqsadida:
1. O‘zbekiston Respublikasi Prezidentining ayrim hujjatlariga ilovaga muvofiq o‘zgartirish va qo‘shimchalar kiritilsin.
2. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov zimmasiga yuklansin.
1. O‘zbekiston Respublikasi Prezidentining 2018-yil 12-dekabrdagi “Fuqarolarning pensiya ta’minoti tizimi samaradorligini oshirish va pensionyerlarni ijtimoiy qo‘llab-quvvatlashni kuchaytirishga oid qo‘shimcha chora-tadbirlar to‘g‘risida”gi PF-5597-son Farmoni 2-bandidagi “eng kam oylik ish haqining” so‘zlari “pensiyani hisoblash bazaviy miqdorining” so‘zlari bilan almashtirilsin.
2. O‘zbekiston Respublikasi Prezidentining 2019-yil 21-maydagi “Mehnatga haq to‘lash, pensiyalar va boshqa to‘lovlar miqdorlarini aniqlash tartibini takomillashtirish to‘g‘risida”gi PF-5723-son Farmoni 2-bandi “b” kichik bandida:
“davlat mukofotlari (shu jumladan, mukofot pullari), idoraviy mukofotlar, jumladan unvonlar, esdalik va ko‘krak nishonlari uchun nazarda tutilgan mukofotlar, shuningdek, oziq-ovqat va yo‘lkira uchun xarajatlar qiymatini qoplash va shu kabi ayrim kompensatsiyalar miqdorlarini aniqlashda qo‘llaniladi”.
3. O‘zbekiston Respublikasi Prezidentining 2006-yil 23-martdagi “Shaxsiy yordamchi, dehqon va fermer xo‘jaliklarida chorva mollarni ko‘paytirishni rag‘batlantirish chora-tadbirlari to‘g‘risida”gi PQ-308-son qarori 1-bandi ikkinchi xatboshisidagi “eng kam oylik ish haqining” so‘zlari “bazaviy hisoblash miqdorining” so‘zlari bilan almashtirilsin.
4. O‘zbekiston Respublikasi Prezidentining 2009-yil 30-dekabrdagi “O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasining tashkiliy tuzilmasini shakllantirish chora-tadbirlari to‘g‘risida”gi PQ-1252-son qarori rus tilidagi matnida:
“Zamestitel ispolnitelnogo direktora — nachalnik upravleniya ucheta i upravleniya sredstvami Pensionnogo fonda” bloki “Nachalnik upravleniya ucheta i upravleniya sredstvami Pensionnogo fonda” bloki bilan almashtirilsin;
“Otdel vnedreniya informatsionnix texnologiy 2” blokidagi “2” raqami “3” raqami bilan almashtirilsin;
“Svodniy otdel analiticheskoy i statisticheskoy raboti 3” blokidagi “3” raqami “2” raqami bilan almashtirilsin;
Kuchkarov D.A. | — | zamestitel Premyer-ministra Respubliki Uzbekistan po finansovo-ekonomicheskim voprosam i sokraщeniyu bednosti — ministr ekonomicheskogo razvitiya i sokraщeniya bednosti Respubliki Uzbekistan, predsedatel Soveta |
Ishmetov T.A. | — | ministr finansov, zamestitel predsedatelya Soveta |
Abruyev J.I. | — | zamestitel ministra finansov |
Xusanov N.B. | — | ministr zanyatosti i trudovix otnosheniy |
Shadmanov A.K. | — | ministr zdravooxraneniya |
Meliyev X.X. | — | zamestitel ministra yustitsii |
Kudbiyev Sh.D. | — | predsedatel Gosudarstvennogo nalogovogo komiteta |
5. O‘zbekiston Respublikasi Prezidentining 2015-yil 18-dekabrdagi “Davlat va xo‘jalik boshqaruvi organlari tuzilmasini yanada takomillashtirish va boshqaruv xodimlarining sonini maqbullashtirish chora-tadbirlari to‘g‘risida”gi PQ-2450-son qarori 3-bandi o‘z kuchini yo‘qotgan deb hisoblansin.
6. O‘zbekiston Respublikasi Prezidentining 2018-yil 2-iyuldagi “Fermer xo‘jaliklarida hisob tizimini tubdan yaxshilash va ularga bank xizmatlari ko‘rsatishni takomillashtirishning qo‘shimcha chora-tadbirlari to‘g‘risida”gi PQ-3824-son qaroriga 2-ilovaning izohi quyidagi tahrirda bayon etilsin:
7. O‘zbekiston Respublikasi Prezidentining 2018-yil 17-yanvardagi “Mamlakat iqtisodiyotining tarmoqlarini talab yuqori bo‘lgan mahsulot va xomashyo turlari bilan barqaror ta’minlash chora-tadbirlari to‘g‘risida”gi PQ-3479-son qarori 2-bandi “a” kichik bandining uchinchi xatboshisi quyidagi tahrirda bayon etilsin:
“paxta texnik chigiti — tashkiliy-huquqiy shaklidan qat’i nazar paxta texnik chigitini to‘liq texnologik sikl (mag‘izni yanchish, gidrotermik ishlov berish, presslash, ekstraksiyalash, rafinatsiyalash, dezodoratsiyalash va qadoqlash sexlari)da qayta ishlab olingan tayyor mahsulotlar uchun tegishli gigiyenik xulosa va muvofiqlik sertifikatlariga ega bo‘lgan mahalliy korxonalarga. Bunda, tayyor paxta moyi ishlab chiqarishga gigiyenik xulosa va muvofiqlik sertifikatlarini olish uchun paxta texnik chigiti tuman yoki shahar hokimining foydalanishga topshirish dalolatnomasi asosida mulkchilik shaklidan qat’i nazar mahalliy korxonalarga 5 tonnagacha hajmda sotiladi, sotib olingan paxta texnik chigitini qayta sotish esa faqat birja savdolari orqali amalga oshiriladi. Korxonalarning paxta texnik chigitini to‘liq texnologik siklda maqsadli qayta ishlaganligi hamda ularning mahsulot sifatini tasdiqlovchi gigiyenik xulosa va muvofiqlik sertifikatlariga ega ekanligi ustidan nazorat Vazirlar Mahkamasi huzuridagi Agrosanoat majmui ustidan nazorat qilish inspeksiyasi tomonidan qonun hujjatlarida belgilangan tartibda amalga oshiriladi”.
8. O‘zbekiston Respublikasi Prezidentining 2019-yil 26-fevraldagi “Ichki ishlar organlari xodimlari va ularning oila a’zolarini ijtimoiy himoya qilishni yanada kuchaytirish chora-tadbirlari to‘g‘risida”gi PQ-4212-son qarori 7-bandining birinchi xatboshisidagi “eng kam oylik ish haqining” so‘zlari “bazaviy hisoblash miqdorining” so‘zlari bilan almashtirilsin.
9. O‘zbekiston Respublikasi Prezidentining 2019-yil 7-martdagi “Xotin-qizlarning mehnat huquqlari kafolatlarini yanada kuchaytirish va tadbirkorlik faoliyatini qo‘llab-quvvatlashga oid chora-tadbirlar to‘g‘risida”gi PQ-4235-son qarorida:
muqaddimaning ikkinchi xatboshisidagi “jamoat fondi” so‘zlari “davlat maqsadli jamg‘armasi” so‘zlari bilan almashtirilsin;
4-bandning ikkinchi, uchinchi va oltinchi xatboshilaridagi tegishli kelishikdagi “jamoat fondi” so‘zlari tegishli kelishikdagi “davlat maqsadli jamg‘armasi” so‘zlari bilan almashtirilsin.
10. O‘zbekiston Respublikasi Prezidentining 2019-yil 4-iyundagi “Aholi punktlarini obodonlashtirish sohasida ishlar samaradorligini oshirishga doir qo‘shimcha chora-tadbirlar to‘g‘risida”gi PQ-4351-son qarori 5-bandining “b” kichik bandidagi “eng kam oylik ish haqining” so‘zlari “bazaviy hisoblash miqdorining” so‘zlari bilan almashtirilsin.
11. O‘zbekiston Respublikasi Prezidentining 2020-yil 11-avgustdagi “Kambag‘al va ishsiz fuqarolarni tadbirkorlikka jalb qilish, ularning mehnat faolligini oshirish va kasb-hunarga o‘qitishga qaratilgan hamda aholi bandligini ta’minlashga oid qo‘shimcha chora-tadbirlar to‘g‘risida”gi PQ-4804-son qaroriga 1-ilovada:
“Ishga marhamat” monomarkazlarini tashkil etish uchun binosi ajratilayotgan ta’lim muassasalari” ustuni “ta’lim muassasalari” so‘zlaridan keyin “va boshqa obyektlar” so‘zlari bilan to‘ldirilsin;
7-pozitsiyaning “Ishga marhamat” monomarkazlarini tashkil etish uchun binosi ajratilayotgan ta’lim muassasalari va boshqa obyektlar” ustunidagi “Namangan qurilish va dizayn kasb-hunar kolleji” so‘zlari “Namangan viloyati hokimligi operativ boshqaruvidagi sobiq “Karbonam” mas’uliyati cheklangan jamiyati bino va inshootlari” so‘zlari bilan almashtirilsin.