O‘zbekiston Respublikasi Prezidentining 2019-yil 17-yanvardagi PF-5635-son Farmoni bilan tasdiqlangan 2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturida belgilangan vazifalar ijrosini ta’minlash hamda respublika ta’lim xizmatlari sohasi va real sektori tarmoqlari uchun yuqori malakali, xalqaro miqyosda raqobatbardosh kadrlar tayyorlashni yanada takomillashtirish, shuningdek, oliy ta’lim tizimida xalqaro hamkorlikni rivojlantirish maqsadida Vazirlar Mahkamasi qaror qiladi:
1. O‘zbekiston Respublikasi Jismoniy tarbiya va sport vazirligi, Oliy va o‘rta maxsus ta’lim vazirligi, Belarus Respublikasining Belarus davlat jismoniy tarbiya universiteti hamda Rossiya Federatsiyasining P.F. Lesgaft nomidagi Sankt-Peterburg milliy davlat jismoniy tarbiya, sport va salomatlik universitetining O‘zbekiston davlat jismoniy tarbiya va sport universiteti (keyingi o‘rinlarda universitet deb ataladi) tarkibida:
2019/2020 o‘quv yilidan boshlab Belarus davlat jismoniy tarbiya universiteti (Belarus Respublikasi) bilan hamkorlikdagi qo‘shma jismoniy tarbiya, sport va turizm fakultetini;
2020/2021 o‘quv yilidan boshlab P.F. Lesgaft nomidagi Sankt-Peterburg milliy davlat jismoniy tarbiya, sport va salomatlik universiteti (Rossiya Federatsiyasi) bilan hamkorlikda qo‘shma jismoniy tarbiya, sport va salomatlik fakultetini (keyingi o‘rinlarda qo‘shma fakultetlar deb ataladi) tashkil etish to‘g‘risidagi takliflari ma’qullansin.
jismoniy tarbiya, sport va salomatlik sohalarida bakalavriat ta’lim yo‘nalishlari va magistratura mutaxassisliklarini tashkil etish hamda ta’lim berish;
jismoniy tarbiya va sportni rivojlantirish uchun turli darajalardagi pedagog kadrlar, trenerlar, hakamlar jismoniy tarbiya va sport boshqaruvi bo‘yicha mutaxassislarni qayta tayyorlash va malakasini oshirish;
jismoniy tarbiya, sport va salomatlik sohalarida magistrantlar va doktorantlarni maqsadli tayyorlashni amalga oshirish hamda hamkorlikda ilmiy tadqiqotlar olib borish;
yuqori malakali mutaxassislar hamda ilmiy-pedagog kadrlar tayyorlash tizimini ilm-fan va ishlab chiqarishning uzviyligi hamda uzluksizligi tamoyillari, shuningdek, jahon ta’lim va ilmiy hamjamiyatiga integratsiyalashish asosida rivojlantirish;
jismoniy tarbiya, sport va salomatlik sohalarida xorijiy mamlakatlarning yetakchi ta’lim muassasalari, ilmiy-tadqiqot markazlari bilan uzoq muddatli aloqalar o‘rnatish, rivojlantirish va mustahkamlash.
qo‘shma fakultetlar kadrlarga bo‘lgan ehtiyojni inobatga olgan holda ta’lim yo‘nalishlari hamda mutaxassisliklari bo‘yicha bakalavr va magistrlar, ilmiy-pedagog kadrlar tayyorlashni amalga oshiradigan, yuridik shaxs maqomiga ega bo‘lmagan universitet tarkibiy bo‘linmasi hisoblanadi;
qo‘shma fakultetlarda talabalarni o‘qitish to‘lov-kontrakt asosida rus tilida, kunduzgi ta’lim shaklida O‘zbekiston Respublikasi oliy ta’limning davlat ta’lim standartlari talablari inobatga olingan holda tegishlicha Belarus davlat jismoniy tarbiya universiteti (Belarus Respublikasi) hamda P.F. Lesgaft nomidagi Sankt-Peterburg milliy davlat jismoniy tarbiya, sport va salomatlik universiteti (Rossiya Federatsiyasi) bilan qo‘shma ta’lim dasturlari asosida amalga oshiriladi;
qo‘shma fakultetlarga abituriyentlarni talabalikka qabul qilish va qo‘shma fakultetlar bitiruvchilarining attestatsiyasi tegishlicha Belarus davlat jismoniy tarbiya universiteti (Belarus Respublikasi) hamda P.F. Lesgaft nomidagi Sankt-Peterburg milliy davlat jismoniy tarbiya, sport va salomatlik universitetida (Rossiya Federatsiyasi) belgilangan tartib, talablar va muddatlarga muvofiq, O‘zbekiston Respublikasi Jismoniy tarbiya va sport vazirligi hamda Oliy va o‘rta maxsus ta’lim vazirligi bilan kelishgan holda amalga oshiriladi;
qo‘shma fakultetlarda bakalavr ta’lim yo‘nalishlari va magistratura mutaxassisliklariga qabul kvotasi mavjud talab va ehtiyojdan kelib chiqib, universitet va tegishlicha Belarus davlat jismoniy tarbiya universiteti (Belarus Respublikasi) hamda P.F. Lesgaft nomidagi Sankt-Peterburg milliy davlat jismoniy tarbiya, sport va salomatlik universiteti (Rossiya Federatsiyasi) tomonidan O‘zbekiston Respublikasi Jismoniy tarbiya va sport vazirligi bilan kelishgan holda belgilanadi;
qo‘shma fakultetlarda o‘qish uchun to‘lov-kontrakt mablag‘lari miqdori milliy valyutada tegishli bakalavriat ta’lim yo‘nalishlari va magistratura mutaxassisliklarining bazaviy to‘lov-kontrakt summasidan kam bo‘lmagan miqdorda universitet va tegishlicha Belarus davlat jismoniy tarbiya universiteti (Belarus Respublikasi) hamda P.F. Lesgaft nomidagi Sankt-Peterburg milliy davlat jismoniy tarbiya, sport va salomatlik universiteti (Rossiya Federatsiyasi) tomonidan O‘zbekiston Respublikasi Jismoniy tarbiya va sport vazirligi bilan kelishgan holda belgilanadi;
qo‘shma fakultetlarda ta’lim oluvchi talabalar o‘quv jarayonida O‘zbekiston Respublikasi Jismoniy tarbiya va sport vazirligi va O‘zbekiston Milliy olimpiya qo‘mitasining sport inshootlari, bazalar, laboratoriyalar hamda axborot-resurs markazlaridan tekin foydalanadi;
qo‘shma fakultetlar bitiruvchilariga O‘zbekiston Respublikasi hamda tegishlicha Belarus Respublikasida yoki Rossiya Federatsiyasida oliy ta’lim to‘g‘risidagi hujjat sifatida e’tirof etiladigan, o‘zaro kelishuv asosida ikki tomonlama e’tirof etiladigan universitet va tegishlicha Belarus davlat jismoniy tarbiya universiteti (Belarus Respublikasi) hamda P.F. Lesgaft nomidagi Sankt-Peterburg milliy davlat jismoniy tarbiya, sport va salomatlik universiteti (Rossiya Federatsiyasi) diplomlari beriladi;
Oldingi tahrirga qarang.
qo‘shma fakultetlar faoliyatini moliyalashtirish universitetga talabalarni to‘lov-kontrakt asosida o‘qitishdan tushadigan mablag‘lar, jismoniy va yuridik shaxslarning homiylik xayriyalari, tegishli shartnomalar asosida manfaatdor tashkilotlar tomonidan taqdim etiladigan grantlar, shuningdek, qonunchilik hujjatlarida taqiqlanmagan boshqa manbalar hisobiga amalga oshiriladi.
(3-bandning to‘qqizinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
4. Belarus davlat jismoniy tarbiya universiteti (Belarus Respublikasi) hamda P.F. Lesgaft nomidagi Sankt-Peterburg milliy davlat jismoniy tarbiya, sport va salomatlik universitetidan (Rossiya Federatsiyasi) jalb qilinadigan xorijiy professor-o‘qituvchilar va mutaxassislarning mehnatiga haq to‘lash va xizmat safari xarajatlari O‘zbekiston Respublikasi Prezidentining “Oliy ta’lim tizimini yanada rivojlantirish chora-tadbirlari to‘g‘risida” 2017-yil 20-apreldagi PQ-2909-son qarorining 4-bandiga muvofiq amalga oshiriladi.
5. O‘zbekiston Respublikasi Jismoniy tarbiya va sport vazirligi manfaatdor vazirliklar va idoralar bilan birgalikda, Belarus davlat jismoniy tarbiya universiteti (Belarus Respublikasi) hamda P.F. Lesgaft nomidagi Sankt-Peterburg milliy davlat jismoniy tarbiya, sport va salomatlik universiteti (Rossiya Federatsiyasi) bilan kelishgan holda o‘quv jarayoni boshlanguniga qadar:
qo‘shma fakultetlarga universitet hududidagi binolardan mos joy ajratish, ularning faoliyatini tashkil etish;
qo‘shma fakultetlar professor-o‘qituvchilari va ilmiy xodimlari tarkibini yuqori malakali mahalliy hamda xorijiy ilmiy-pedagog kadrlar hisobiga to‘ldirish;
qo‘shma fakultetlarga tegishli bo‘lgan nizom, malaka talablari, o‘quv rejalari va fan dasturlarini ishlab chiqish va tasdiqlash ishlari amalga oshirilishini ta’minlash choralarini ko‘rsin.
6. O‘zbekiston Respublikasi Bandlik va mehnat munosabatlari vazirligi Jismoniy tarbiya va sport vazirligi hamda O‘zbekiston davlat jismoniy tarbiya va sport universitetining buyurtmalariga asosan belgilangan tartibda (O‘zbekiston Respublikasi fuqarolari orasida mavjud bo‘lmagan mutaxassisliklar bo‘yicha) xorijiy ishchi kuchini jalb qilishga ruxsatnomalar berilishi (amal qilish muddati uzaytirilishi)ni, shuningdek, xorijiy fuqarolarning O‘zbekiston Respublikasi hududida mehnat faoliyatini amalga oshirish huquqiga tasdiqnomalar berilishi (amal qilish muddati uzaytirilishi)ni ta’minlasin.
Oldingi tahrirga qarang.
(7-band O‘zbekiston Respublikasi Prezidentining 2021-yil 24-dekabrdagi PQ-60-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 25.12.2021-y., 07/21/60/1177-son)
8. O‘zbekiston Respublikasi Jismoniy tarbiya va sport vazirligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
9. Mazkur qarorning bajarilishini nazorat qilish O‘zbekiston Respublikasi Bosh vazirining ijtimoiy rivojlantirish masalalari bo‘yicha o‘rinbosari A.A. Abduxakimov hamda O‘zbekiston Respublikasi jismoniy tarbiya va sport vaziri D.X. Nabiyev zimmasiga yuklansin.
Oldingi tahrirga qarang.
(ilova O‘zbekiston Respublikasi Prezidentining 2021-yil 24-dekabrdagi PQ-60-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 25.12.2021-y., 07/21/60/1177-son)