Aydar-Arnasoy ko‘llar tizimini rivojlantirish orqali aholining baliq va baliq mahsulotlariga bo‘lgan ehtiyojini qondirish, hududda hayvonot va o‘simlik dunyosi muhofazasini kuchaytirish, turizm salohiyatidan unumli foydalanish hamda sohaga oid qonun hujjatlarining to‘liq va so‘zsiz ijrosini ta’minlash maqsadida Vazirlar Mahkamasi qaror qiladi:
1. Quyidagilar Aydar-Arnasoy ko‘llar tizimining biologik resurslaridan foydalanishning ustuvor yo‘nalishlari etib belgilansin:
Oldingi tahrirga qarang.
hududda jismoniy va yuridik shaxslar tomonidan biologik resurslardan foydalanish, shu jumladan, tabiatni muhofaza qilishga oid qonunchilik hujjatlari talablariga so‘zsiz va qat’iy rioya qilinishini ta’minlash;
(1-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
ko‘llar tizimining biologik xilma-xilligini saqlash hamda mavjud tabiiy ozuqa zaxiralarini hisobga olgan holda suv havzalarida yetishtirilishi mumkin bo‘lgan yangi baliq turlarini baliqchilik sanoatiga kiritish;
hududga investitsiyalar, shu jumladan, to‘g‘ridan to‘g‘ri xorijiy investitsiyalarni keng jalb qilish hamda baliqchilik klasterlarini tashkil etish orqali baliq yetishtirish, qayta ishlash, qadoqlash, saqlash va eksport qilishni jadal rivojlantirish;
baliqchilik tarmog‘i rivojlangan mamlakatlarning ilg‘or tajribasini amaliyotga tatbiq etish orqali ko‘llar tizimini mamlakatimizdagi baliq chavoqlarini yetishtiruvchi asosiy hududlardan biriga aylantirish;
hududda turizmni rivojlantirish imkoniyatlarini hisobga olgan holda havaskor va sport baliq ovi turizmini yo‘lga qo‘yish va kengaytirish, turizm infratuzilmasini yanada rivojlantirish, sayyohlarga ko‘rsatiladigan xizmatlar hajmini oshirish.
2. Aydar-Arnasoy ko‘llar tizimi, shu jumladan, uning hududida joylashgan orolchalar va quruqliklarni boshqarish uchun O‘zbekiston Respublikasi Davlat soliq qo‘mitasi huzurida “Aydar-Arnasoy ko‘llar tizimi direksiyasi” davlat unitar korxonasi (keyingi o‘rinlarda Direksiya deb ataladi) tashkil etilganligi ma’lumot uchun qabul qilinsin.
Oldingi tahrirga qarang.
2019-yil 1-iyuldan boshlab Aydar-Arnasoy ko‘llar tizimining bo‘sh suv havzalari konturlarini tanlov asosida ijaraga berish “E-auksion” elektron savdo platformasi orqali amalga oshiriladi;
(3-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 12-yanvardagi 18-sonli qarori tahririda — Qonunchilik ma’lumotlari milliy bazasi, 13.01.2022-y., 09/22/18/0019-son)
Oldingi tahrirga qarang.
“Aydar-Arnasoy ko‘llar tizimi” MChJ mahalliy hokimliklar, manfaatdor vazirliklar va idoralar hamda baliq ovlash faoliyati bilan shug‘ullanuvchi xo‘jaliklar bilan birgalikda har oyning birinchi shanba kuni Aydar-Arnasoy ko‘llar tizimi hududida obodonlashtirish, ko‘kalamzorlashtirish va ko‘llar tubini chiqindilardan tozalash ishlarini amalga oshiradi.
(3-bandning uchinchi xatboshisi O‘zbekiston Respublikasi Vazirlar Mahkamasining 2022-yil 25-iyuldagi 404-sonli qarori tahririda — Qonunchilik ma’lumotlari milliy bazasi, 26.07.2022-y., 09/22/404/0674-son)
Oldingi tahrirga qarang.
(3-bandning to‘rtinchi va beshinchi xatboshilari O‘zbekiston Respublikasi Vazirlar Mahkamasining 2022-yil 25-iyuldagi 404-sonli qaroriga asosan chiqarilgan — Qonunchilik ma’lumotlari milliy bazasi, 26.07.2022-y., 09/22/404/0674-son)
a) bir oy muddatda belgilangan umumiy shtat birliklari doirasida Navoiy va Jizzax viloyatlari hududiy boshqarmalarining Ekologiya va atrof-muhitni muhofaza qilish sohasidagi nazorat bo‘yicha inspeksiyalari shtat birliklarini oshirish hisobiga Aydar-Arnasoy ko‘llar tizimining akvatoriyasida kunu tun faoliyat yuritadigan davlat ekologik nazoratini amalga oshiruvchi punktlarni (keyingi o‘rinlarda Nazorat punktlari deb ataladi) tashkil etsin;
b) 2019-2020-yillarda bosqichma-bosqich Nazorat punktlarini Aydar-Arnasoy ko‘llar tizimi akvatoriyasining o‘ziga xos xususiyatlaridan kelib chiqqan holda tegishli yo‘ltanlamas maxsus avtomashinalar, katerlar, yuqori aniqlikdagi erni masofadan zondlash vositalari va dasturlari, GPS navigatorlar, videokuzatuv vositalari bilan jihozlangan uchuvchisiz uchadigan apparatlar, videokuzatuv tizimi, elektr generatorlar, aloqa vositalari, zarur inventar va boshqa moddiy-texnika vositalari bilan ta’minlash choralarini ko‘rsin;
v) “O‘zbekbaliqsanoat” uyushmasi, Yer resurslari, geodeziya, kartografiya va davlat kadastri davlat qo‘mitasi, Baliqchilik ilmiy-tadqiqot instituti va Direksiya bilan birgalikda ilmiy asoslangan holda ikki oy muddatda:
Aydar-Arnasoy ko‘llar tizimida baliq urchitish konturlarini aniqlab, ularda baliq ovlashni taqiqlasin;
Aydar-Arnasoy ko‘llar tizimida mavjud baliq resurslari hajmini aniqlasin va ularni ko‘paytirish choralarini ko‘rsin.
5. O‘zbekiston Respublikasi Transport vazirligining “O‘zbekiston temir yo‘llari” AJga tegishli Aydar-Arnasoy ko‘llar tizimi atrofidagi vagon uylarni O‘zbekiston Respublikasi Ekologiya va atrof muhitni muhofaza qilish davlat qo‘mitasining ehtiyojiga muvofiq Nazorat punktlarini tashkil etish uchun qo‘mitaning Jizzax va Navoiy viloyatlari hududiy boshqarmalariga operativ boshqaruv huquqi asosida tekin berish haqidagi taklifi ma’qullansin.
ikki oy muddatda Aydar-Arnasoy ko‘llar tizimi hamda uning atrofidagi yer uchastkalarini, mavjud bino va inshootlarni, shu jumladan noqonuniy qurilmalarni aniqlash yuzasidan to‘liq xatlovdan o‘tkazsin va belgilangan tartibda ulardan samarali foydalanish choralarini ko‘rsin;
uch oy muddatda O‘zbekiston Respublikasi Turizmni rivojlantirish davlat qo‘mitasi, Suv xo‘jaligi vazirligi, Yer resurslari, geodeziya, kartografiya va davlat kadastri davlat qo‘mitasi hamda Direksiya bilan hamkorlikda Aydar-Arnasoy ko‘llar tizimi hududi va uning atrofida turizmni rivojlantirish uchun ajratiladigan hududlarni tasdiqlasin va ular haqidagi ma’lumotlarni Turizmni rivojlantirish davlat qo‘mitasining rasmiy veb-sahifasida joylashtirish choralarini ko‘rsin.
Aydar-Arnasoy ko‘llar tizimining turistik salohiyatini Turizm sohasini qo‘llab-quvvatlash jamg‘armasi mablag‘lari hisobiga targ‘ib qilish bo‘yicha reklama mahsulotlari (buklet, broshyura, video) tayyorlanishini, turistik tashkilotlar va ommaviy axborot vositalari vakillari uchun infoturlar tashkil etilishini ta’minlasin;
Tashqi ishlar vazirligi bilan birgalikda Aydar-Arnasoy ko‘llar tizimining turistik salohiyatini ko‘rsatuvchi targ‘ibot materiallarining xorijiy mamlakatlarda o‘tkaziladigan turistik va boshqa tadbirlarda taqdimotlarini o‘tkazsin.
8. “O‘zbekbaliqsanoat” uyushmasi Davlat soliq qo‘mitasi bilan birgalikda uch oy muddatda Aydar-Arnasoy ko‘llar tizimida baliq va baliq mahsulotlarini yetishtirish, ixtisoslashtirilgan baliqchilik klasterlarini tashkil etish, turizmni rivojlantirish bo‘yicha investitsiya loyiha takliflarini ishlab chiqsin.
O‘zbekiston Respublikasi Investitsiyalar va tashqi savdo vazirligi ushbu loyihalarga mahalliy va xorijiy investorlarni jalb qilish choralarini ko‘rsin.
9. O‘zbekiston Respublikasi Bosh prokuraturasi tuzilmasida Aydar-Arnasoy ko‘llar tizimini rivojlantirishda qonunchilik ijrosi ustidan nazorat boshqarmasi (keyingi o‘rinlarda Bosh prokuratura boshqarmasi deb ataladi) va O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti tuzilmasida Aydar-Arnasoy ko‘llar tizimi resurslaridan foydalanish sohasida iqtisodiy huquqbuzarliklarga qarshi kurashish bo‘limi (keyingi o‘rinlarda Departament bo‘limi deb ataladi) tashkil etilganligi ma’lumot uchun qabul qilinsin.
Bosh prokuratura boshqarmasi va Departament bo‘limini moddiy-texnik ta’minlash, shu jumladan, ular joylashtiriladigan Jizzax viloyati, Arnasoy tumani, G‘oliblar qo‘rg‘oni, Xalqlar do‘stligi ko‘chasi manzilida joylashgan Arnasoy tuman prokuraturasining ma’muriy binosini ta’mirlash, faoliyatiga zamonaviy axborot-kommunikatsiya texnologiyalarini joriy qilish;
Aydar-Arnasoy ko‘llar tizimida nazoratning samarali boshqaruvini amalga oshirish imkonini beruvchi Bosh prokuratura boshqarmasining situatsion-tahlil punktlarini (keyingi o‘rinlarda Situatsion-tahlil punkti deb ataladi) tashkil etish;
Situatsion-tahlil punktlarini uchuvchisiz uchadigan apparatlar, tunda ko‘rish uchun mo‘ljallangan kameralar, yo‘ltanlamas maxsus avtomashinalar, ko‘chma konteyner-ofislar, elektr generatorlar, kompyuter texnikasi, erni yuqori aniqlikdagi masofadan zondlash vositalari va dasturiy ta’minot mahsulotlari, aloqa vositalari hamda boshqa texnika bilan ta’minlash;
Bosh prokuratura boshqarmasi, Departament bo‘limi va Situatsion-tahlil punktlarining faoliyatini ta’minlash uchun zarur bo‘lgan texnik va xizmat ko‘rsatuvchi xodimlarni ajratish haqidagi takliflari ma’qullansin.
11. O‘zbekiston Respublikasi Bosh prokuraturasi hamda O‘zbekiston Respublikasi Ekologiya va atrof muhitni muhofaza qilish davlat qo‘mitasiga Aydar-Arnasoy ko‘llar tizimida ekologik nazoratni samarali tashkil etish uchun videokuzatuv vositalari bilan jihozlangan uchuvchisiz uchadigan apparatlar, radioaloqa vositalarini xarid qilish, olib kirish, ulardan foydalanishga, xodimlariga o‘z xizmat vazifalarini bajarishlari uchun maxsus avtotransport vositalari, shu jumladan, mansubligini anglatuvchi maxsus chiroqli signallarga hamda maxsus texnik jihoz (ratsiya, sirena, tovush chiqarish moslamalari, yoritgichlar va boshqalar)lar o‘rnatishga ruxsat berilsin.
12. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi Bosh prokuraturaning murojaatiga asosan belgilangan tartibda Aydar-Arnasoy ko‘llar tizimi hududini, Bosh prokuratura boshqarmasini, Departament bo‘limini, Nazorat hamda Situatsion-tahlil punktlarini simsiz internet va mobil aloqa bilan ta’minlash choralarini ko‘rsin.
a) 2021-yil 1-yanvarga qadar Aydar-Arnasoy ko‘llar tizimida biologik resurslardan foydalanish ustidan nazoratni tashkil etish uchun belgilangan tartibda shakllantiriladigan ro‘yxatlar bo‘yicha O‘zbekiston Respublikasi Bosh prokuraturasi hamda Ekologiya va atrof muhitni muhofaza qilish davlat qo‘mitasi tomonidan olib kiriladigan, O‘zbekistonda ishlab chiqarilmaydigan tovarlar, uskunalar, motorli qayiqlar va katerlar, yo‘ltanlamas maxsus avtomashinalar, mashina va mexanizmlar, erni yuqori aniqlikdagi masofadan zondlash vositalari va dasturlari, GPS navigatorlar, videokuzatuv vositalari bilan jihozlangan uchuvchisiz uchadigan apparatlar, videokuzatuv tizimi, elektr generatorlar, aloqa vositalari, butlovchi va ehtiyot qismlar, dasturiy ta’minot mahsulotlari, materiallar va texnologik jihozlar bojxona to‘lovlaridan (bojxona rasmiylashtiruvi yig‘imlaridan tashqari) ozod qilinadi;
O‘zbekiston Respublikasi Ekologiya va atrof muhitni muhofaza qilish davlat qo‘mitasi tomonidan ushbu qarorga muvofiq amalga oshiriladigan tadbirlar qo‘mita tizimiga ajratilgan O‘zbekiston Respublikasi Davlat budjeti mablag‘lari doirasida hamda Ekologiya, atrof muhitni muhofaza qilish va chiqindilar bilan bog‘liq ishlarni amalga oshirish jamg‘armasi mablag‘lari hisobiga;
Bosh prokuratura tomonidan ushbu qarorga muvofiq amalga oshiriladigan tadbirlar, shu jumladan, ma’muriy binolarni ta’mirlash, videokuzatuv vositalari bilan jihozlangan uchuvchisiz uchadigan apparatlar, tunda ko‘rish uchun mo‘ljallangan kameralar, yo‘ltanlamas maxsus avtomashinalar, motorli qayiqlar va katerlar, ko‘chma konteyner-ofislar, elektr generatorlar, kompyuter texnikasi, dasturiy ta’minot mahsulotlari, aloqa vositalari va boshqa texnikalarni xarid qilish hamda tegishli xizmatlarni amalga oshirish Majburiy ijro byurosini rivojlantirish jamg‘armasi mablag‘lari hisobiga moliyalashtiriladi;
Bosh prokuratura tomonidan xarid qilinadigan motorli qayiqlar, katerlar va 2 ta yo‘ltanlamas maxsus avtomashinalar operativ boshqaruv huquqi bilan Ekologiya va atrof muhitni muhofaza qilish davlat qo‘mitasiga o‘tkaziladi hamda keyinchalik tekin foydalanish huquqi bilan belgilangan tartibda Nazorat punktlariga beriladi.
14. O‘zbekiston Respublikasi Transport vazirligi Jizzax va Navoiy viloyatlari hokimliklari bilan birgalikda bir oy muddatda Aydar-Arnasoy ko‘llar tizimi hududiga qadar olib boruvchi mahalliy ahamiyatga molik avtomobil yo‘llarini rekonstruksiya qilish va ta’mirlash bo‘yicha takliflarni ishlab chiqsin hamda avtomobil yo‘llarini bosqichma-bosqich 2019 — 2021-yillarda rekonstruksiya qilinishi hamda ta’mirlanishini ta’minlasin.
15. O‘zbekiston Respublikasi Ichki ishlar vazirligi Bosh prokuratura, Milliy gvardiya va boshqa manfaatdor idoralar bilan birgalikda bir oy muddatda Aydar-Arnasoy ko‘llar tizimida qonun buzilishi holatlarini aniqlash va ularning oldini olishga qaratilgan o‘zaro hamkorlikdagi harakatlar dasturini tasdiqlasin.
16. O‘zbekiston milliy teleradiokompaniyasiga, O‘zbekiston Milliy axborot agentligiga ommaviy axborot vositalarida mazkur qarorning mazmuni va ahamiyatini keng yoritish, aholiga yetkazish, shuningdek, Turizmni rivojlantirish davlat qo‘mitasi tomonidan Aydar-Arnasoy ko‘llar tizimining turizm salohiyatini targ‘ib qilish bo‘yicha tayyorlangan reklama materiallarini teleradiokanallarda bepul yoritib borish tavsiya etilsin.
17. Jizzax va Navoiy viloyatlari hokimliklari, O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi, “O‘zbekbaliqsanoat” uyushmasi, Direksiya bilan birgalikda bir oy muddatda Aydar-Arnasoy ko‘llar tizimi hududining kadastr yig‘majildini tayyorlasin va belgilangan tartibda davlat ro‘yxatidan o‘tkazsin, shuningdek, hududning joylashishini ifodalovchi batafsil elektron xaritasini ishlab chiqsin.
O‘zbekiston Respublikasi Davlat soliq qo‘mitasi raisi B. Musayevga — mazkur qarorda belgilangan chora-tadbirlarning Direksiya tomonidan o‘z vaqtida va sifatli bajarilishini ta’minlash hamda baliq mahsulotlarining ulgurji va chakana savdosi nazorati uchun;
O‘zbekiston Respublikasi Investitsiyalar va tashqi savdo vaziri S. Umurzoqovga — Aydar-Arnasoy ko‘llar tizimida baliqchilikni rivojlantirish va turistik zonalarni tashkil etishga mahalliy va xorijiy investorlarni jalb qilish uchun;
O‘zbekiston Respublikasi Ekologiya va atrof muhitni muhofaza qilish davlat qo‘mitasi raisi B. Qo‘chqorovga — Aydar-Arnasoy ko‘llar tizimida davlat ekologik nazoratini ta’minlash uchun;
O‘zbekiston Respublikasi Axborot texnologiyalari va kommunikatsiyalarini rivojlantirish vaziri Sh. Sadikovga — Aydar-Arnasoy ko‘llar tizimida simsiz aloqa va internet aloqasini ta’minlash uchun shaxsiy javobgarlik yuklansin.
19. O‘zbekiston Respublikasi Davlat soliq qo‘mitasi manfaatdor vazirlik va idoralar bilan birgalikda bir oy muddatda o‘zlari qabul qilgan normativ-huquqiy hujjatlarni ushbu qarorga muvofiqlashtirsin.
20. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — moliya vaziri J.A. Qo‘chqorov zimmasiga yuklansin.