Oʻzbekiston Respublikasi Prezidentining “Oʻzbekiston Respublikasi Moliya vazirligi huzurida Monopoliyadan chiqarish va raqobatni rivojlantirish Qoʻmitasini tashkil etish toʻgʻrisida” 1996-yil 15-maydagi PF-1464-son Farmoniga muvofiq Vazirlar Mahkamasi qaror qiladi:

1. Quyidagilar tasdiqlansin:

Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi toʻgʻrisidagi Nizom 1-ilovaga muvofiq;

Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi boshqaruvining tashkiliy tuzilmasi, markaziy apparatining tuzilmasi hamda uning hududiy boshqarmalari namunaviy tuzilmasi 2, 3, 3a, 4 va 4a-ilovalarga muvofiq;

Monopoliyadan chiqarish va raqobatni rivojlantirish qoʻmitasi tizimi xodimlarining cheklangan soni 487 nafar etib, ulardan markaziy apparat xodimlari — 63 nafar (xizmat koʻrsatuvchi xodimlardan tashqari), shu jumladan 24 nafari qoʻshimcha ajratiladi.

2. Oʻzbekiston Respublikasi Moliya vazirligida qoʻshimcha ravishda Vazir oʻrinbosari — Monopoliyadan chiqarish va raqobatni rivojlantirish qoʻmitasi raisi lavozimi kiritilsin.

Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasiga Vazirlar Mahkamasi tomonidan tayinlanadigan raisning ikki nafar oʻrinbosari, shu jumladan bir nafar birinchi oʻrinbosari, shuningdek 7 kishidan iborat hayʼat boʻlishiga ruxsat etilsin. Hayʼat aʼzolari Oʻzbekiston Respublikasi Moliya vaziri tomonidan tasdiqlanadilar.

Qoʻmita markaziy apparati va uning hududiy organlari xodimlariga Oʻzbekiston Respublikasi Moliya vazirligi va uning mahalliy organlari xodimlari uchun belgilangan mehnatga haq toʻlash shartlari joriy etilsin.

3. Belgilansinki, Monopoliyadan chiqarish va raqobatni rivojlantirish qoʻmitasi markaziy apparatini va uning hududiy organlarini mablagʻ bilan taʼminlash respublika budjeti mablagʻlari hisobiga amalga oshiradi.

4. Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasiga monopoliyaga qarshi qonunchilikni va isteʼmolchilar huquqlarini muhofaza qilish qonunchiligini buzganlik uchun solinadigan iqtisodiy sanksiyalar va jarimalardan narxlarni tartibga solish fondiga tushadigan tushumlarning bir qismi hisobiga ijtimoiy rivojlantirish va tizim xodimlarini moddiy ragʻbatlantirish fondini tashkil qilishga ruxsat etilsin. Oʻzbekiston Respublikasi Moliya vazirligi ijtimoiy rivojlantirish va Qoʻmita xodimlarini moddiy ragʻbatlantirish fondini shakllantirish va undan foydalanish tartibini bir oy muddatda tasdiqlasin.

5. Oʻzbekiston Respublikasi Moliya vazirligi:

Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi markaziy apparati va uning hududiy organlari xarajatlari uchun respublika budjetida zarur mablagʻlarni nazarda tutsin;

Qoʻmitaga va uning joylardagi organlariga moddiy-texnika resurslari, anjomlar, jihozlar bersin va uchta yengil avtomobilga limit ajratsin;

narx siyosati sohasida funksiyalarni amalga oshirishni hamda Monopoliyadan chiqarish va raqobatni rivojlantirish qoʻmitasi bilan oʻzaro samarali hamkorlikni taʼminlashni hisobga olgan holda Vazirlik markaziy apparati va uning joylardagi organlari tuzilmasiga bir hafta muddatda oʻzgartirishlar kiritsin.

6. Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi monopoliyadan chiqarish va raqobatni rivojlantirish tegishli hududiy organlari toʻgʻrisidagi nizomlarni Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan kelishgan holda bir oy muddatda tasdiqlasin.

7. Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasining markaziy apparati Toshkent shahar Mustaqillik maydonidagi 5-uyga joylashtirilsin.

8. Vazirlar Mahkamasining 1993-yil 6-fevraldagi 63-son qarori va Vazirlar Mahkamasining 1993-yil 30-martdagi 160-son qaroriga 1-ilova oʻz kuchini yoʻqotgan deb hisoblansin.

9. Mazkur qarorning bajarilishini nazorat qilish Bosh vazirning oʻrinbosari B.S. Hamidov zimmasiga yuklansin.

Mazkur Nizom “Monopolistik faoliyatni cheklash toʻgʻrisida” va “Isteʼmolchilar huquqlarini muhofaza qilish toʻgʻrisida” Oʻzbekiston Respublikasi Qonunlariga, Oʻzbekiston Respublikasining Qoʻmita faoliyatiga tegishli boʻlgan boshqa qonun hujjatlariga muvofiq Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasining asosiy vazifalari, funksiyalari va vakolatlarini belgilab beradi.

1. Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi raqobatni rivojlantirish, monopolistik faoliyatni cheklash hamda isteʼmolchilar huquqlarini muhofaza qilish sohasidagi siyosatni oʻtkazish boʻyicha davlat boshqaruv organi hisoblanadi hamda Oʻzbekiston Respublikasi Moliya vazirligiga bevosita boʻysunadi.

2. Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi oʻz faoliyatida Oʻzbekiston Respublikasi Konstitutsiyasiga, Oʻzbekiston Respublikasi qonunlariga, Oʻzbekiston Respublikasi Oliy Majlisining qarorlariga, Oʻzbekiston Respublikasi Prezidentining farmonlari va farmoyishlariga, Oʻzbekiston Respublikasi Hukumatining qarorlari va farmoyishlariga hamda mazkur Nizomga amal qiladi.

3. Quyidagilar Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasining asosiy vazifalari hisoblanadi:

monopoliyaga qarshi qonunchilikka va isteʼmolchilar huquqlarini muhofaza qilish toʻgʻrisidagi qonunchilikka rioya etilishi ustidan davlat nazoratini amalga oshirish;

raqobatni va tadbirkorlikni rivojlantirish asosida bozor munosabatlari shakllanishiga koʻmaklashish;

xoʻjalik yurituvchi subyektlar tomonidan monopolistik faoliyatning, tovar va moliya bozorlarida ustunlik mavqeyining suiisteʼmol qilinishining oldini olish va bunga yoʻl qoʻymaslik, nohalol raqobatga va isteʼmolchilar manfaatlarining kamsitilishiga barham berish chora-tadbirlarini koʻrish;

4. Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi:

monopoliyaga qarshi qonunchilikka va isteʼmolchilar huquqlarini muhofaza qilish toʻgʻrisidagi qonunchilikka rioya etilishi ustidan nazoratni amalga oshiradi, ularning buzilishi hollarini koʻrib chiqadi va ular boʻyicha belgilangan tartibda qarorlar qabul qiladi;

Oʻzbekiston Respublikasi Davlat mulki qoʻmitasi bilan birgalikda tovar va moliya bozorlarida raqobat muhitini yaratishga yagona metodologik yondashuvni, Oʻzbekiston Respublikasi vazirliklari va idoralari, davlat boshqaruvi mahalliy organlari tomonidan monopoliyadan chiqarish tarmoq va mintaqaviy dasturlari ishlab chiqilishi hamda amalga oshirilishi muvofiqlashtirib borilishini taʼminlaydi;

monopolist korxonalarning Davlat reyestrini yuritadi;

isteʼmolchilarning huquqlarini muhofaza qilishga va nohalol raqobatning oldini olishga qaratilgan tadbirlarni ishlab chiqadi va ularning amalga oshirilishini tashkil etadi;

xoʻjalik yurituvchi subyektlarni tashkil etish, qayta tashkil etish va tugatishda, shu jumladan tovar va moliya bozorlarida ustunlik mavqeyini egallab turgan davlat korxonalarini, mulkchilik shaklidan qatʼi nazar, tovar va moliya bozorlarida faoliyat koʻrsatuvchi korxonalar birlashmalarini va boshqa xoʻjalik yurituvchi subyektlarni xususiylashtirish va maydalashtirish jarayonida monopoliyaga qarshi talablarga rioya etilishini nazorat qiladi;

oʻz vakolatiga kiruvchi masalalar boʻyicha qonunchilik qoʻllanilishi amaliyotini umumlashtiradi, uni takomillashtirishga oid takliflarni ishlab chiqadi;

monopoliyaga qarshi kurashishni tartibga solib borish va isteʼmolchilar huquqlarini muhofaza qilish sohasidagi chet el tajribasini tahlil etadi;

ishda oshkoralikni taʼminlaydi, Oʻzbekiston Respublikasining ommaviy axborot vositalari, shu jumladan ixtisoslashgan davriy nashrlar orqali iqtisodiyotni monopoliyadan chiqarish, raqobatni rivojlantirish va isteʼmolchilar huquqlarini muhofaza qilish chora-tadbirlari qanday amalga oshirilayotganligidan aholini xabardor qilib boradi.

5. Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi quyidagi huquqlarga ega:

davlat boshqaruvi organlariga, xoʻjalik yurituvchi subyektlarga Oʻzbekiston Respublikasi qonun hujjatlarida nazarda tutilgan hollarda va tartibda monopoliyaga qarshi qonun buzilishi toʻxtatilishi, isteʼmolchilarning huquqlari buzilishi toʻxtatilishi, dastlabki holat tiklanishi, ularni majburiy boʻlish, shartnomalarning bekor qilinishi yoki oʻzgartirlishi toʻgʻrisida bajarilishi majburiy boʻlgan koʻrsatmalar berish;

ittifoqlar, uyushmalar, konsernlar, moliya-sanoat guruhlari, xolding kompaniyalari, tarmoqlararo, mintaqaviy va korxonalarning boshqa birlashmalari tashkil etilishi, qoʻshilishi, birlashishi ustidan boshqaruv organlari va xoʻjalik yurituvchi subyektlarning koʻrsatib oʻtilgan birlashmalarga aylantirilishi, shuningdek masʼuliyati chekllangan aksiyadorlik jamiyatlari, shirkatlar va boshqa xoʻjalik yurituvchi obyektlarning tashkil etilishi, qoʻshilishi, birlashishi va tugatilishi, shu jumladan xususiylashtirish jarayonida davlat korxonalarining aksiyadorlik jamiyatlariga aylantirilishi ustidan dastlabki davlat nazoratini amalga oshirish;

Qoʻmitaga kelishish uchun taqdim etiladigan korxonalarni tashkil etish, qayta tashkil etish va tugatish toʻgʻrisidagi qarorlar loyihalari, shuningdek tovar va moliya bozorlarida ustunlik mavqeyini egallab turgan davlat korxonalarini xususiylashtirish rejalari yuzasidan xulosalar berish;

tovar va moliya bozorlarida xoʻjalik yurituvchi subyektlarning ustunlik mavqeyini belgilash;

monopoliyaga qarshi qonunchilik va isteʼmolchilar huquqlari muhofaza qilinishi toʻgʻrisidagi qonunchilik buzilishi, isteʼmolchilarning huquqlari buzilishi toʻxtatilishi, dastlabki holat tiklanishi, shu jumladan tovar va moliya bozorlarida ustunlik mavqeyini egallab turgan hamda monopolistik faoliyatni amalga oshiruvchi xoʻjalik yurituvchi subyektlarga majburiy boʻlish yuzasidan oʻz vakolatiga muvofiq qarorlar qabul qilish;

Oʻzbekiston Respublikasi qonunlarida nazarda tutilgan hollarda va tartibda xoʻjalik yurituvchi subyektlarga va ularning mansabdor shaxslariga, shuningdek davlat hokimiyati va boshqaruvi organlarining mansabdor shaxslariga jarima solish toʻgʻrisida qarorlar qabul qilish;

Qoʻmita vakolatiga tegishli boʻlgan masalalar boʻyicha normativ hujjatlar loyihalarini Oʻzbekiston Respublikasi Hukumatining koʻrib chiqishi uchun belgilangan tartibda kiritish;

Oʻzbekiston Respublikasi Hukumatiga monopolistik faoliyatni cheklash, bozorlarni, raqobatni rivojlantirish, isteʼmolchilarning huquqlarini muhofaza qilish masalalasiga tegishli qonunlar va boshqa normativ hujjatlar loyihalari, tahliliy materiallar va takliflar boʻyicha xulosalar taqdim etish;

monopoliyaga qarshi qonunchilik va isteʼmolchilarning huquqlari muhofaza qilinishi toʻgʻrisidagi qonunchilik buzilishi, shuningdek monopoliga qarshi qonunchilik va isteʼmolchilarning huquqlarini muhofaza qilish toʻgʻrisidagi qonunchilikka zid boʻlgan shartnomalarni toʻliq yoki qisman haqiqiy emas deb tan olish, boshqa xoʻjalik subyekti bilan majburiy tartibda shartnoma tuzilishi toʻgʻrisidagi arizalar bilan sudga yoki xoʻjalik sudiga murojaat qilish;

monopoliyaga qarshi qonunchilik va isteʼmolchilarning huquqlarini muhofaza qilish toʻgʻrisidagi qonunchilik buzilishi bilan bogʻliq jinoyat belgilari boʻyicha jinoiy ish qoʻzgʻash haqidagi masalani hal etish uchun materiallarni prokuratura organlariga yuborish;

xoʻjalik yurituvchi subyektlarni Oʻzbekiston Respublikasi monopolistik korxonalar Davlat reyestriga kiritish va “Oʻzistiqbolstat” davlat qoʻmitasining maʼlumotlari va monopoliyaga qarshi qonunchilik buzilishi hollari boʻyicha ishlarni koʻrib chiqish natijalari asosida koʻrsatib oʻtilgan Reyestrdan chiqarish toʻgʻrisida qarorlar qabul qilish;

monopolistik faoliyat, isteʼmolchilarning huquqlari buzilishi natijasida asossiz olingan foyda (daromad)ni, agar koʻrsatib oʻtilgan summa tekshirish paytigacha xaridorga (buyurtmachiga) qaytarilmasa yoki korxonaning oʻzi tomonidan narxlarni tartibga solish fondiga toʻlanmasa, ularni narxlarni tartibga solish fondiga musodara etish haqida qarorlar qabul qilish;

Ortiqcha olingan summani bir oy muddatda oʻtkazish toʻgʻrisidagi yozma koʻrsatma berilgan qarorlar xoʻjalik yurituvchi subyektga (nusxasi Moliya vazirligiga va tegishli moliya organiga) yuboriladi, mablagʻlar belgilangan muddatda oʻtkazilmagan hollarda xoʻjalik yurituvchi subyekt muddati oʻtkazib yuborilgan har bir kun uchun solingan jarima va iqtisodiy sanksiyalar summasining 0,2 foizi miqdorida penya toʻlaydi.

Mablagʻlar shak-shubhasiz tartibda Oʻzbekiston Respublikasi Moliya vazirligi va mahalliy moliya organlari tomonidan olib qoʻyiladi;

agar Qoʻmitaning jarima solish toʻgʻrisidagi qarorini zudlik bilan bajarish korxonani bankrotlikka olib borishi mumkin boʻlsa, xoʻjalik yurituvchi subyektga jarimani boʻlib-boʻlib toʻlash imkoniyatini berish;

monopoliyaga qarshi qonunchilikka va isteʼmolchilarning huquqlarini himoya qilish toʻgʻrisidagi qonunchilikka oid normativ aktlar va uslubiy hujjatlarni berilgan vakolatlar doirasida tasdiqlash;

chet mamlakatlarning davlat organlari va hukumatga qarashli boʻlmagan tashkilotlari bilan, shuningdek, Qoʻmita vakolatiga tegishli masalalar boʻyicha xalqaro tashkilotlar bilan hamkorlik qilishni amalga oshirish;

monopoliyaga qarshi siyosat oʻtkazish va isteʼmolchilarning huquqlarini himoya qilish toʻgʻrisidagi qonunchilikni amalga oshirish masalalariga oid xalqaro loyihalar va dasturlarni ishlab chiqishda va ularni amalga oshirishda ishtirok etish;

noshirlik faoliyatini amalga oshirish;

6. Qoʻmita vakolati doirasida qabul qilingan qarorlar va koʻrsatmalar vazirliklar, idoralar, mahalliy hokimiyat va boshqaruv organlari, xoʻjalik yurituvchi subyektlar va ularning birlashmalari, muassasalar va tashkilotlar, mansabdor shaxslar hamda fuqarolarning bajarishlari uchun majburiy hisoblanadi.

7. Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi tomonidan vakil qilingan shaxslar qoʻmitaga yuklangan funksiyalarni bajarish maqsadida barcha zarur hujjatlar bilan tanishish uchun vazirliklarga, idoralarga, boshqaruvning boshqa organlariga, shuningdek, korxonalarga, tashkilotlarga va ularning birlashmalariga hech qanday toʻsiqsiz kirib borish huquqiga egadirlar.

Qoʻmita xodimlari xizmat, vazifalarini bajarish chogʻida davlat hokimiyati vakillari hisoblanadilar. Ularning shaxsiy va mulkiy huquqlari huquqni muhofaza qilish organlari xodimlari bilan teng ravishda qonun bilan muhofaza qilinadi.

8. Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasiga Qoʻmita raisi — Oʻzbekiston Respublikasi Moliya vazirining oʻrinbosari boshchilik qiladi. Qoʻmita raisi Oʻzbekiston Respublikasi Vazirlar Mahkamasi tomonidan tayinlanadigan raisning ikki nafar oʻrinbosariga, shu jumladan, bir nafar birinchi oʻrinbosariga va 7 kishidan iborat hayʼatga ega boʻladi. Hayʼat aʼzolari Oʻzbekiston Respublikasi Moliya vaziri tomonidan tasdiqlanadilar. Hayʼat qarorlari Qoʻmita raisining buyruqlari bilan amalga oshiriladi.

Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi raisi Qoʻmitani boshqaradi va Qoʻmitaga yuklangan vazifalarning bajarilishi uchun shaxsan javob beradi. Qoʻmita raisi rais oʻrinbosarlari oʻrtasida vazifalarni taqsimlaydi, belgilangan xodimlar soni va mehnatga haq toʻlash fondi doirasida qoʻmita markaziy apparati tuzilmasini va shtatlar jadvalini, shuningdek tarkibiy boʻlinmalar toʻgʻrisidagi nizomlarni tasdiqlaydi.

Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi raisi Qoʻmita xodimlari va uning hududiy boshqarmalari bajarishi majburiy boʻlgan buyruqlar, farmoyishlar va yoʻriqnomalar chiqaradi, koʻrsatmalar beradi, Oʻzbekiston Respublikasi qonunchiligida belgilangan hollarda boshqaruv organlari, xoʻjalik yurituvchi subyektlar va ularning mansabdor shaxslari bajarishi majburiy boʻlgan farmoyishlar beradi.

9. Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi Qoraqalpogʻiston Respublikasida Qoraqalpogʻiston Respublikasi Moliya vazirligi huzurida Monopoliyadan chiqarish va raqobatni rivojlantirish qoʻmitasini, viloyatlarda va Toshkent shahrida — hududiy boshqarmalarni tashkil etadi. Tuman (shaharlar hokimliklarining moliya boʻlimlarida monopoliyaga qarshi qonunchilikka va isteʼmolchilar huquqlarini muhofaza qilish toʻgʻrisidagi qonunchilikka rioya etilishini nazorat qilish boʻyicha inspektorlar lavozimi joriy etiladi.

Koʻrsatib oʻtilgan hududiy organlar toʻgʻrisidagi nizomlar Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari bilan kelishilgan holda qoʻmita tomonidan tayinlanadi.

Monopoliyadan chiqarish va raqobatni rivojlantirish boʻyicha hududiy organlar oʻz faoliyatlarida Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi, shuningdek tegishli ravishda Qoraqalpogʻiston Respublikasi Moliya vazirligiga, viloyatlar va Toshkent shahar hokimliklarining moliya boshqarmalariga hisob beradilar.

Hududiy organlarning boshliqlari Monopoliyadan chiqarish va raqobatni rivojlantirish qoʻmitasi raisi, Qoraqalpogʻiston Respublikasi Vazirlar Kengashining raisi, viloyatlar va Toshkent shahar hokimlari tavsiyanomasiga koʻra Oʻzbekiston Respublikasi Moliya vaziri tomonidan tayinlanadilar.

Tuman (shahar)lar hokimliklarining monopoliyaga qarshi qonunchilikka va isteʼmolchilar huquqlarini muhofaza qilish toʻgʻrisidagi qonunchilikka rioya etilishini nazorat qilish boʻyicha inspektorlari tegishli tumanlar va shaharlar hokimlari tavsiyanomasiga koʻra Qoraqalpogʻiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasining raisi, viloyatlar, Toshkent shahar monopoliyadan chiqarish va raqobatni rivojlantirish boshqarmalarining boshliqlari tomonidan tayinlanadilar.

10. Oʻzbekiston Respublikasi Moliya vazirligi huzuridagi Monopoliyadan chiqarish va raqobatni rivojlantirish qoʻmitasi yuridik shaxs hisoblanadi. Oʻzbekiston Respublikasining Davlat gerbi tasvirlangan va oʻz nomi yozilgan muhrga, bank muassasalarida hisob-kitob va boshqa schyotlariga ega boʻladi.

Rais — Oʻzbekiston Respublikasi Moliya vazirining oʻrinbosari

Raisning birinchi oʻrinbosari

Rais oʻrinbosari

Uslubiyot va monopoliyaga qarshi qonunchilikni va isteʼmolchilar huquqlarini muhofaza qilish qonunchiligini takomillashtirish boshqarmasi

Monopoliyadan chiqarish va raqobatni rivojlantirish hududiy boshqarmalarining faoliyatini muvofiqlashtirish boshqarmasi

Isteʼmolchilar huquqlarini muhofaza qilish boshqarmasi

Xoʻjalik subyektlarini tashkil etishda, qayta tashkil etishda va tugatishda monopoliyaga qarshi talablarga rioya etilishini nazorat qilish boshqarmasi

Monopoliyaga qarshi qonunchilikka rioya etilishini nazorat qilish boshqarmasi

Tovar va moliya bozorlarini tahlil qilish va monopolist korxonalar davlat reyestri boshqarmasi

Ommaviy axborot vositalari bilan aloqalar boʻlimi

Ishlar boshqarmasi

Boshqarma boshligʻi

Boshliq oʻrinbosari

Boshliq oʻrinbosari — monopoliyaga qarshi qonunchilikka va isteʼmolchilar huquqlarini muhofaza qilish qonunchiligiga rioya etilishini nazorat qilish boʻlimi boshligʻi

Xoʻjalik subyektlarini tashkil etishda, qayta tashkil etishda va tugatishda monopoliyaga qarshi talablarga rioya etilishini nazorat qilish va isteʼmolchilar huquqlari muhofaza qilinishini taʼminlash boʻlimi

Tovar va moliya bozorlarini tahlil qilish va monopolist korxonalar davlat reyestri boʻlimi

Maʼmuriy-xoʻjalik boʻlimi