Oʻzbekiston Respublikasi Prezidentining “Tovarlar (ishlar, xizmatlar)ning davlat va korporativ xaridlarini amalga oshirishning zamonaviy shakl va uslublarini yanada joriy etish chora-tadbirlari toʻgʻrisida” 2017-yil 23-avgustdagi PQ-3237-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Hukumatining 2-ilovaga muvofiq baʼzi qarorlari oʻz kuchini yoʻqotgan deb hisoblansin.

3. Vazirliklar va idoralar bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsinlar.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va Adliya vaziri R.K. Davletov zimmasiga yuklansin.

1. Vazirlar Mahkamasining “Tender savdolarini tashkil etishni takomillashtirish chora-tadbirlari toʻgʻrisida” 2000-yil 21-noyabrdagi 456-son qarorida (Oʻzbekiston Respublikasi QT, 2000-y., 11-son, 72-modda):

a) 1-band quyidagi tahrirda bayon qilinsin:

“1. Belgilansinki, Oʻzbekiston Respublikasi budjet tizimi budjetlari va Oʻzbekiston Respublikasi Prezidenti yoki Hukumatining qarorlariga muvofiq tashkil etilgan budjetdan tashqari jamgʻarmalar mablagʻlari hamda donor mamlakatlar, xalqaro, xorijiy hukumat va nohukumat tashkilotlar bilan Oʻzbekiston Respublikasi Prezidenti yoki Hukumati tomonidan tuzilgan shartnomalar doirasida beriladigan xorijiy grantlar, shuningdek, Oʻzbekiston Respublikasi kafolati ostida beriladigan xorijiy kreditlar hisobiga moliyalashtiriladigan va bitta kontrakt boʻyicha qiymati 100 ming AQSh dollariga teng miqdordan ortiq boʻlgan import qilinadigan va mamlakatimizda ishlab chiqarilgan xomashyo, materiallar, butlovchi buyumlar va asbob-uskunalarni xarid qilish tender asosida amalga oshiriladi.

Quyidagi hollarda tenderlar oʻtkazilmaydi, agar:

tovarlar (ishlar, xizmatlar) Oʻzbekiston Respublikasi Prezidenti va Vazirlar Mahkamasining qarorlariga muvofiq xarid qilinayotgan boʻlsa;

donor mamlakatlarning, tegishli xalqaro, xorijiy hukumat va nohukumat tashkilotlarning tartibotlarida yoki Oʻzbekiston Respublikasi davlat kafolati ostida xorijiy kreditlar va xorijiy grantlar berish shartlarida oʻzgacha hol belgilangan boʻlsa”;

b) ilovada:

2-bandning oltinchi xatboshi chiqarib tashlansin;

5-band quyidagi tahrirda bayon qilinsin:

“5. Tender savdolari 100 ming AQSh dollariga teng miqdordan ortiq bitta kontrakt boʻyicha tovarlar yetkazib berishni amalga oshirishda oʻtkaziladi.

Kamida 1 ming AQSh dollari summasidagi bir kontrakt boʻyicha yetkazib berishda xarid tovarlar (ishlar, xizmatlar)ning narxi, sifati va yetkazib berish muddatlari boʻyicha eng maqbul shartlarni taklif etgan yetkazib beruvchilar bilan toʻgʻridan-toʻgʻri shartnomalar tuzish yoʻli bilan amalga oshiriladi.

Bir ming AQSh dollaridan 100 ming AQSh dollarigacha summaga bitta kontrakt boʻyicha yetkazib berishda xarid:

xarid qilinadigan tovarlar, ishlar va xizmatlarning tavsifnomasini, sonini, bajarish muddatini va tovarni yetkazib berish joyini koʻrsatgan holda takliflarni yetkazib beruvchilarga yoki pudratchilarga yuborish;

yetkazib beruvchilar yoki pudratchilar eʼlon qilgan narxlar va tavsifnomalarni taqqoslash yoʻli bilan buyurtmachilar tomonidan tashkil etiladigan idoraviy tanlov komissiyalari tomonidan baholanadigan eng yaxshi takliflarni tanlab olish yoʻli bilan amalga oshiriladi.

Idoraviy tanlov komissiya buyurtmachining rahbar xodimlari va vakolatli mutaxassislaridan kamida uch nafardan iborat boʻlgan tarkibda tuziladi. Idoraviy komissiyaning qarori protokol bilan rasmiylashtiriladi.

5¹banddan “2” va “3” kichik bandlar chiqarib tashlansin;

5^{3 —} 5⁵-bandlar oʻz kuchini yoʻqotgan deb hisoblansin;

9-bandning ikkinchi xatboshi quyidagi tahrirda bayon qilinsin:

“Tender komissiyasi xarid qiluvchi tashkilot (keyingi oʻrinlarda “buyurtmachi” deb ataladi) tomonidan tuziladi”;

10-bandda:

uchinchi xatboshidagi “Oʻzbekiston Respublikasi Tashqi iqtisodiy aloqalar, investitsiyalar va savdo vazirligi” soʻzlari “Oʻzbekiston Respublikasi Investitsiyalar boʻyicha davlat qoʻmitasi” soʻzlari bilan almashtirilsin;

quyidagi mazmundagi toʻrtinchi xatboshi qoʻshilsin:

“ — Oʻzbekiston Respublikasi Vazirlar Mahkamasi huzuridagi “OʻzInjiniring” respublika loyiha instituti, shuningdek, buyurtmachining tarmoq ilmiy-texnik kengashlari vakillari”;

toʻrtinchi — sakkizinchi xatboshilar tegishli ravishda beshinchi — toʻqqizinchi xatboshilar deb hisoblansin;

19-bandning birinchi xatboshidagi “tendyer toʻgʻrisidagi eʼlonlarni Oʻzbekiston Respublikasi tovar-xomashyo birjasining (OʻzRTXB) maxsus axborot portalida joylashtiradi va” soʻzlari chiqarib tashlansin;

23-bandga quyidagi mazmundagi ikkinchi xatboshi qoʻshilsin:

“Texnik topshiriq Oʻzbekiston Respublikasi Prezidenti huzuridagi Loyihani boshqarish milliy agentligi bilan qonun hujjatlarida belgilangan tartibda kelishilishi kerak”.

2. Vazirlar Mahkamasining 2003-yil 3-iyuldagi 302-son qarori (Oʻzbekiston Respublikasi QT, 2003-y., 7-son, 57-modda) bilan tasdiqlangan Oʻzbekiston Respublikasi hududida kapital qurilishda tanlov savdolari toʻgʻrisidagi nizomda:

a) 1-bandning ikkinchi xatboshi chiqarib tashlansin;

b) 2-bandga “bitta kontrakt boʻyicha 100 ming AQSh dollaridan ortiq summaga” soʻzlari qoʻshilsin;

v) 9-bandning yettinchi xatboshidagi “tendyer toʻgʻrisidagi eʼlonlarni Oʻzbekiston Respublikasi tovar-xomashyo birjasining (OʻzRTXB) maxsus axborot portalida joylashtiradi va” soʻzlari chiqarib tashlansin;

g) 13-bandning ikkinchi xatboshi quyidagi tahrirda bayon qilinsin:

“Tanlov komissiyasi tarkibiga Oʻzbekiston Respublikasi Investitsiyalar boʻyicha davlat qoʻmitasi, Oʻzbekiston Respublikasi Vazirlar Mahkamasi huzuridagi “OʻzInjiniring” respublika loyiha instituti, shuningdek, buyurtmachining tarmoq ilmiy-texnik kengashlari vakillari majburiy tartibda kiritiladi”;

d) 27-band quyidagi tahrirda bayon qilinsin:

“27. Kamida 1 ming AQSh dollari summasidagi bitta kontrakt boʻyicha yetkazib berishda xarid tovarlar (ishlar, xizmatlar)ning narxi, sifati va yetkazib berish muddatlari boʻyicha eng maqbul shartlarni taklif etgan yetkazib beruvchilar bilan toʻgʻridan-toʻgʻri shartnomalar tuzish yoʻli bilan amalga oshiriladi.

Bir ming AQSh dollaridan 100 ming AQSh dollarigacha summaga bitta kontrakt boʻyicha yetkazib berishda xarid baholash komissiyasi tomonidan baholanadigan eng yaxshi takliflarni tanlab olish yoʻli bilan erkin savdoda amalga oshiriladi. Talabgorlarga yuboriladigan ofertada xarid qilinadigan tovarlar (ishlar, xizmatlar)ning tavsifi va soni, bajarish muddati va tovarni yetkazib berish joyi haqidagi maʼlumot boʻlishi kerak.”;

e) 31-bandning toʻrtinchi xatboshidagi “Tashqi iqtisodiy aloqalar, investitsiyalar va savdo vazirligi” soʻzlari “Investitsiyalar boʻyicha davlat qoʻmitasi” soʻzlari bilan almashtirilsin;

j) 46-banddagi “Oʻzbekiston Respublikasi tovar-xomashyo birjasining (OʻzRTXB) maxsus axborot portalida” soʻzlari chiqarib tashlansin;

z) 47-bandning oʻninchi xatboshidagi “OʻzRTXBning maxsus axborot portalida” va “OʻzRTXBning maxsus axborot portalida joylashtiriladi va” soʻzlari chiqarib tashlansin, “nashrida” soʻzi “nashrida joylashtiriladi” soʻzlari bilan almashtirilsin;

i) 52-bandga quyidagi mazmundagi ikkinchi xatboshi qoʻshilsin:

“Texnik topshiriq Oʻzbekiston Respublikasi Prezidenti huzuridagi Loyihani boshqarish milliy agentligi bilan qonun hujjatlarida belgilangan tartibda kelishilishi kerak”.

3. Vazirlar Mahkamasining “2005 — 2009-yillarda umumtaʼlim maktablari uchun darsliklar va oʻquv-metodik qoʻllanmalar nashr etish dasturi toʻgʻrisida” 2004-yil 22-noyabrdagi 548-son qarorida (Oʻzbekiston Respublikasi QT, 2004-y., 11-son, 107-modda):

a) 3-bandning ikkinchi xatboshidagi “Oʻzbekiston Respublika tovar-xomashyo birjasi tomonidan tashkil etiladigan elektron savdolar vositasida” soʻzlari “buyurtmachilar tomonidan tashkil etiladigan idoraviy tanlov komissiyalari tomonidan baholanadigan eng yaxshi takliflarni tanlab olish yoʻli bilan” soʻzlari bilan almashtirilsin;

b) 5-ilovada:

3-band quyidagi tahrirda bayon qilinsin:

“3. Tender savdolari 100 ming AQSh dollaridan ortiq boʻlgan summaga bitta kontrakt boʻyicha oʻquv adabiyotlari nashr etilganda va qayta nashr etilganda amalga oshiriladi.

Bir ming AQSh dollaridan kam summaga bitta kontrakt boʻyicha oʻquv adabiyotlarini nashr etish va qayta nashr etishda noshir narx, sifat va muddatlar boʻyicha eng maqbul shartlarni taklif etganlar bilan toʻgʻridan-toʻgʻri shartnomalar tuzish yoʻli bilan aniqlanadi.

Bir ming AQSh dollaridan 100 ming AQSh dollarigacha summaga bitta kontrakt boʻyicha oʻquv adabiyotlarini nashr etish va qayta nashr etishda noshir buyurtmachilar tomonidan tashkil etiladigan idoraviy tanlov komissiyalari tomonidan baholanadigan eng yaxshi takliflarni tanlab olish yoʻli bilan aniqlanadi.

Istisno hollarda, Oʻzbekiston Respublikasi Prezidentining qarorlari asosida oʻquv adabiyotlarini nashr etish va qayta nashr etishga kontraktlar tender (tanlov) savdolari oʻtkazilmasdan tuzilishi mumkin”;

11-bandning birinchi xatboshiga quyidagi mazmundagi ikkinchi jumla qoʻshilsin:

“Tender komissiyasi buyurtmachi tomonidan Oʻzbekiston Respublikasi Investitsiyalar boʻyicha davlat qoʻmitasi, Oʻzbekiston Respublikasi Vazirlar Mahkamasi huzuridagi “OʻzInjiniring” respublika loyiha instituti, shuningdek, buyurtmachining tarmoq ilmiy-texnik kengashlari vakillari majburiy tartibda jalb etilgan holda tashkil etiladi”.

4. Vazirlar Mahkamasining 2005-yil 14-fevraldagi 62-son qarori (Oʻzbekiston Respublikasi QT, 2005-y., 2-son, 8-modda) bilan tasdiqlangan Oʻzbekiston Respublikasi Vazirlar Mahkamasi Reglamentining 35-bandi ikkinchi xatboshi quyidagi tahrirda bayon qilinsin:

“Oʻzbekistonni ijtimoiy-iqtisodiy rivojlantirish, iqtisodiyotning alohida sohalari va tarmoqlarini rivojlantirish dasturlarini amalga oshirish, respublika budjetidan mablagʻlar ajratish bilan bogʻliq qarorlar va farmoyishlar loyihalari majburiy tartibda tegishli ravishda — Oʻzbekiston Respublikasi Iqtisodiyot vazirligi va Moliya vazirligi bilan, tashqi savdo bilan bogʻliq masalalar boʻyicha — Oʻzbekiston Respublikasi Tashqi savdo vazirligi, yagona davlat investitsiya siyosatini muvofiqlashtirish, shakllantirish va amalga oshirish masalalari boʻyicha — Oʻzbekiston Respublikasi Investitsiyalar boʻyicha davlat qoʻmitasi bilan, loyiha boshqaruvi, davlat organlarida va boshqa tashkilotlarda zamonaviy texnologiyalarni joriy etish konsepsiyalari ishlab chiqilishi va tahlil etilishini taʼminlash masalalari boʻyicha — Oʻzbekiston Respublikasi Prezidenti huzuridagi Loyiha boshqaruvi milliy agentligi bilan, fermer xoʻjaliklarini rivojlantirish va ularning faoliyat koʻrsatishi bilan bogʻliq masalalar boʻyicha esa — Oʻzbekiston fermer, dehqon xoʻjaliklari va tomorqa yer egalari kengashi bilan majburiy tartibda kelishilishi kerak”.

5. Vazirlar Mahkamasining 2015-yil 4-dekabrdagi 353-son qarori (Oʻzbekiston Respublikasi QHT, 2015-y., 49-son, 612-modda) bilan tasdiqlangan 2016 — 2018-yillar davrida Oʻzbekiston Respublikasida elektron tijoratni rivojlantirish konsepsiyasi 4-bandining toʻqqizinchi xatboshi chiqarib tashlansin.

6. Vazirlar Mahkamasining “Investitsiya loyihalari oʻz vaqtida va sifatli amalga oshirilishi uchun loyihalar tashabbuskorlari boʻlgan tashkilotlarning masʼuliyatini oshirish chora-tadbirlari toʻgʻrisida” 2017-yil 15-maydagi 285-son qarorida (Oʻzbekiston Respublikasi QHT, 2017-y., 20-son, 365-modda):

a) 1-band quyidagi tahrirda bayon qilinsin:

“1. Quyidagilar:

Tarmoq ilmiy-texnik kengashlarini va ularning faoliyatini tashkil qilish tartibi toʻgʻrisidagi nizom 1-ilovaga muvofiq;

huzurida tarmoq ilmiy-texnik kengashlari faoliyat koʻrsatuvchi investitsiya loyihalari tashabbuskorlari boʻlgan davlat va xoʻjalik boshqaruvi organlari, mahalliy ijro etuvchi organlar, tashkilotlar roʻyxati 2-ilovaga muvofiq tasdiqlansin”;

b) 2-banddagi “hamda ixtisoslashtirilgan tarmoq ekspert kengashlarini” soʻzlari chiqarib tashlansin;

v) 2-ilova oʻz kuchini yoʻqotgan deb hisoblansin;

g) 3-ilova 2-ilova deb hisoblansin;

d) 2-ilovada:

ilovaning nomidan “hamda ixtisoslashtirilgan tarmoq ekspert kengashlarini” soʻzlari chiqarib tashlansin;

13-banddagi ““Oʻzbekneftgaz” MXK” soʻzlari “Oʻzbekneftgaz” AJ” soʻzlari bilan almashtirilsin;

16-banddagi “Oʻzvinosanoat-xolding” XK” soʻzlari “Oʻzvinosanoat-xolding” AJ” soʻzlari bilan almashtirilsin;

18-banddagi “Oʻzavtosanoat” AK” soʻzlari ““Oʻzavtosanoat” AJ” soʻzlari bilan almashtirilsin.

7. Vazirlar Mahkamasining 2017-yil 2-iyundagi 340-son qarori (Oʻzbekiston Respublikasi QT, 2017-y., 6-son, 87-modda) bilan tasdiqlangan Oʻzbekiston Respublikasi Uy-joy-kommunal xizmat koʻrsatish vazirligi huzuridagi “Kommunxizmat” agentligi toʻgʻrisida nizom 10-bandining uchinchi xatboshidagi “va ixtisoslashtirilgan ekspert” soʻzlari chiqarib tashlansin.

1. Vazirlar Mahkamasining “Davlat xaridlarini tashkil etishga doir normativ-huquqiy bazani takomillashtirish chora-tadbirlari toʻgʻrisida” 2011-yil 1-apreldagi 100-son qarorining (Oʻzbekiston Respublikasi QT, 2011-y., 4-son, 24-modda) 1-bandi, shuningdek, qarorga 1-ilova.

2. Vazirlar Mahkamasining “Davlat va korporativ xaridlar jarayonini takomillashtirishga doir qoʻshimcha chora-tadbirlar toʻgʻrisida” 2013-yil 11-iyundagi 166-son qarori (Oʻzbekiston Respublikasi QT, 2013-y., 6-son, 38-modda).

3. Vazirlar Mahkamasining “Oʻzbekiston Respublikasi Hukumatining ayrim qarorlariga qoʻshimcha va oʻzgartirishlar kiritish toʻgʻrisida (Oʻzbekiston Respublikasi Vazirlar Mahkamasining “Tovar va moliya bozorlarida monopoliyaga qarshi tartibga solishni takomillashtirish chora-tadbirlari toʻgʻrisida” 2013-yil 20-avgustdagi 230-son qarori)” 2013-yil 23-oktabrdagi 287-son qaroriga (Oʻzbekiston Respublikasi QT, 2013-y., 10-son, 76-modda) ilovaning 4-bandi.

4. Vazirlar Mahkamasining “Oʻzbekiston Respublika tovar-xomashyo birjasining maxsus axborot portali orqali elektron savdo yoʻli bilan tadbirkorlik subyektlaridan eng zarur tovarlar (ishlar, xizmatlar)ning davlat xaridini tashkil etish tartibi toʻgʻrisidagi nizomni tasdiqlash haqida” 2015-yil 26-martdagi 69-son qarori (Oʻzbekiston Respublikasi QT, 2015-y., 3-son, 19-modda).

5. Vazirlar Mahkamasining “Tender savdolari oʻtkazishni yanada takomillashtirish chora-tadbirlari toʻgʻrisida” 2015-yil 14-sentabrdagi 264-son qarori (Oʻzbekiston Respublikasi QT, 2015-y., 9-son, 80-modda).

6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasining “Oʻzbekiston Respublikasining Budjet kodeksini tasdiqlash toʻgʻrisida” 2013-yil 26-dekabrdagi OʻRQ-360-son hamda “Soliq va budjet siyosatining 2016-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasining Soliq kodeksiga oʻzgartish va qoʻshimchalar kiritish toʻgʻrisida” 2015-yil 31-dekabrdagi OʻRQ-398-son qonunlari)” 2016-yil 26-apreldagi 122-son qaroriga (Oʻzbekiston Respublikasi QT, 2016-y., 4-son, 28-modda) 1-ilovaning 105 va 133-bandlari.

7. Vazirlar Mahkamasining “Oʻzbekiston Respublika tovar-xomashyo birjasi” aksiyadorlik jamiyatining maxsus axborot portali hamda davlat va korporativ xaridlarni amalga oshirish jarayonlarini yanada takomillashtirish chora-tadbirlari toʻgʻrisida” 2016-yil 27-iyuldagi 242-son qarori (Oʻzbekiston Respublikasi QT, 2016-y., 7-son, 73-modda).

8. Vazirlar Mahkamasining “Vazirlar Mahkamasining “Tender savdolari oʻtkazishni yanada takomillashtirish chora-tadbirlari toʻgʻrisida” 2015-yil 14-sentabrdagi 264-son qaroriga oʻzgartirish va qoʻshimchalar kiritish haqida” 2017-yil 20-iyundagi 392-son qarori (Oʻzbekiston Respublikasi QT, 2017-y., 6-son, 107-modda).

9. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasini tashkil etish toʻgʻrisida” 2017-yil 18-apreldagi PF-5016-son Farmoni)” 2017-yil 16-avgustdagi 638-son qaroriga (Oʻzbekiston Respublikasi QHT, 2017-y., 33-son, 863-modda) 1-ilovaning 64-bandi.