Prokuratura organlariga yuklatilgan vazifalarning samarali bajarilishi uchun zarur sharoitlar yaratish, mamlakatda qonuniylik va huquq-tartibotning soʻzsiz taʼminlanishi uchun ularning javobgarligini yanada oshirish maqsadida:

1. Oʻzbekiston Respublikasi Prezidentining ayrim hujjatlariga va Oʻzbekiston Respublikasi Hukumatining baʼzi qarorlariga ilovaga muvofiq oʻzgartish va qoʻshimchalar kiritilsin.

2. Oʻzbekiston Respublikasi Bosh prokuraturasi va Moliya vazirligi ikki hafta muddatda ushbu Farmon talablariga muvofiq Bosh prokuraturaning shtatlar jadvali va xarajatlar smetasiga oʻzgartishlar kiritsin.

3. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining Davlat maslahatchisi O.B. Murodov va Oʻzbekiston Respublikasining Bosh prokurori I.B. Abdullayev zimmasiga yuklansin.

1. Oʻzbekiston Respublikasi Prezidentining 2017-yil 18-apreldagi “Ijtimoiy-iqtisodiy islohotlarni amalga oshirish, mamlakatni modernizatsiya qilish, inson huquq va erkinliklarining ishonchli himoyasini taʼminlashda prokuratura organlarining rolini kuchaytirish toʻgʻrisida”gi PF-5019-son Farmoni:

a) 1-ilovada (Oʻzbekiston Respublikasi Bosh prokuraturasining tashkiliy-shtat tuzilmasi):

“Qishloq xoʻjaligi sohasida qonunchilik ijrosi ustidan nazorat boshqarmasi” blokidagi “10” raqami “14” raqami bilan almashtirilsin;

“244” raqami “248” raqami bilan almashtirilsin;

b) 2-ilova (Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining tashkiliy-shtat tuzilmasi) quyidagi tahrirda bayon etilsin:

2. Oʻzbekiston Respublikasi Prezidentining 2006-yil 21-apreldagi “Moliya-iqtisodiy, soliq sohasidagi jinoyatlarga, jinoiy faoliyatdan olingan daromadlarni legallashtirishga qarshi kurashishni kuchaytirish chora-tadbirlari toʻgʻrisida”gi PQ-331-son qarori:

a) 2-band:

quyidagi mazmundagi oltinchi xatboshi bilan toʻldirilsin:

“ijtimoiy ahamiyatga ega oziq-ovqat tovarlari uchun narx-navolarni asossiz va sunʼiy oshirishga qarshi kurashish”;

oltinchi, yettinchi va sakkizinchi xatboshilar tegishincha yettinchi, sakkizinchi va toʻqqizinchi xatboshilar deb hisoblansin;

b) 1-ilova (Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti toʻgʻrisida nizom):

7-band:

quyidagi mazmundagi oltinchi xatboshi bilan toʻldirilsin:

“ijtimoiy ahamiyatga ega oziq-ovqat tovarlari uchun narx-navolarni asossiz va sunʼiy oshirishga qarshi kurashish”;

oltinchi, yettinchi va sakkizinchi xatboshilar tegishincha yettinchi, sakkizinchi va toʻqqizinchi xatboshilar deb hisoblansin;

8-band quyidagi mazmundagi 8.3¹-kichik band bilan toʻldirilsin:

“8.3¹. Ijtimoiy ahamiyatga ega oziq-ovqat tovarlari uchun narx-navolarni asossiz va sunʼiy oshirishga qarshi kurashish sohasida

ijtimoiy ahamiyatga ega oziq-ovqat tovarlariga (yurtimizda ishlab chiqarilgan oʻsimlik yogʻi va un, goʻsht, shakar), shuningdek, sheluxa va shrotga boʻlgan narx-navoni asossiz va sunʼiy oshirishga, ularga boʻlgan tanqislik va ajiotaj talabning vujudga kelishiga yoʻnaltirilgan qonunga xilof harakatlarni aniqlash va chek qoʻyish;

markazlashtirilgan resurslar hisobidan oziq-ovqat tovarlari, paxta shroti va sheluxasini xarid qilish, yetkazib berish va sotishda suiisteʼmol qilinishlar va korrupsiyaga qarshi kurashish;

ijtimoiy ahamiyatga ega oziq-ovqat tovarlariga, shuningdek, sheluxa va shrotni sotishda narx-navoni shakllantirishning belgilangan mexanizmlariga rioya etilishini tizimli oʻrganish, aniqlangan qonunchilik buzilishlari boʻyicha materiallarni qonun hujjatlariga muvofiq chora koʻrish uchun vakolatli organlarga yoʻnaltirishi;

nazorat qiluvchi organlar va bozorlar maʼmuriyati xodimlari tomonidan yoʻl qoʻyilgan korrupsiya, ular tomonidan bozorlar faoliyatini tashkil etishning belgilangan tartiblari va qonun hujjatlari talablariga rioya etmaslik, shu jumladan, narxlarni asossiz va sunʼiy koʻtarish, ularning hududlarida oʻz faoliyatini norasmiy olib borayotgan shaxslarga nisbatan choralar koʻrmaslik holatlarini aniqlash”;

9-band:

quyidagi mazmundagi oʻn toʻrtinchi va oʻn beshinchi xatboshilar bilan toʻldirilsin:

“mulkchilik shaklidan qatʼi nazar, yuridik shaxslardan va fuqarolardan ijtimoiy ahamiyatga ega oziq-ovqat tovarlari, sheluxa va shrotga boʻlgan narxlarning asossiz va sunʼiy oshirilishi, narx-navoni manipulatsiya qilish, tanqislik va ularga ajiotaj talabni sunʼiy vujudga keltirish, ularni xarid qilish, yetkazib berish va sotishda suiisteʼmol qilinishlar va korrupsiyaga qarshi kurashish holatlarini oʻrganish uchun zarur boʻlgan maʼlumotlar va tushuntirishlarni talab qilib olish;

ijtimoiy ahamiyatga ega oziq-ovqat tovarlari, paxta shroti va sheluxasiga boʻlgan narxlarni asossiz va sunʼiy oshirish, ularni xarid qilish, yetkazib berish va sotishda suiisteʼmol qilinishlar va korrupsiya holatlarini aniqlash boʻyicha tezkor-qidiruv chora-tadbirlarini olib borish, bu moliya-xoʻjalik faoliyatni tekshirish hisoblanmaydi hamda Nazorat organlari faoliyatini muvofiqlashtirish respublika kengashining maxsus ruxsati talab etilmaydi”;

oʻn toʻrtinchi — yigirma ikkinchi xatboshilar tegishincha oʻn oltinchi — yigirma toʻrtinchi xatboshilar deb hisoblansin;

quyidagi mazmundagi yigirma beshinchi xatboshi bilan toʻldirilsin:

“Departament tomonidan olib borilgan tezkor-qidiruv chora-tadbirlari natijalari, xususan, tahliliy materiallar, tekshiruv xaridlari yoki nazorat xaridlari natijalari boʻyicha olingan tovar yoki kassa cheklari, shuningdek, qonun buzilishini tasdiqlovchi cheklarni bermaslik holatlarini aniqlash, keyinchalik qonunbuzarlikning keng miqyosini, narxlarni asossiz va sunʼiy oshirish usullari va mexanizmlarini aniqlash uchun zarur hollarda Nazorat organlari faoliyatini muvofiqlashtirish respublika kengashining maxsus ruxsati talab etilmagan holda moliya-xoʻjalik faoliyatini tekshirish uchun asos hisoblanadi”.

3. Oʻzbekiston Respublikasi Prezidentining 2013-yil 12-sentabrdagi PQ-2036-son qarori bilan tasdiqlangan Oʻzbekiston Respublikasi prokuratura organlari va muassasalarida xizmatni oʻtash toʻgʻrisidagi nizom:

a) 30-bandning birinchi xatboshisidagi “va ish tajribasi hisobga olingan holda darajali unvonlar (harbiy unvonlar) beriladi” degan soʻzlar “yoki ish tajribasi hisobga olingan holda darajali unvonlar (harbiy unvonlar) beriladi, qonun hujjatlarida belgilangan holatlar bundan mustasno” degan soʻzlar bilan almashtirilsin;

b) quyidagi mazmundagi 41¹-band bilan toʻldirilsin:

“Oʻzbekiston Respublikasi Bosh prokurori, istisno tariqasida, boshqa davlat organlari va tashkilotlarining xodimlarini ragʻbatlantirish huquqiga ega”;

v) 74-band “ularning oila aʼzolari” degan soʻzlardan keyin “shuningdek, prokuratura organlari pensionerlari” degan soʻzlar bilan toʻldirilsin;

g) 1-ilova (Oʻzbekiston Respublikasi prokuratura organlari xodimlarining xizmat kiyimi tavsifi va alohida belgilari) 6-bobi “Xizmat kiyimi pogonlarining tavsifi” ellik toʻrtinchi xatboshisidagi “9,0” va “4,5” raqamlari tegishincha “11,0” va “5” raqamlari bilan almashtirilsin.

4. Oʻzbekiston Respublikasi Prezidentining 2016-yil 29-iyuldagi “Oʻzbekiston Respublikasi prokuratura organlari faoliyatiga axborot-kommunikatsiya texnologiyalarini keng joriy etish chora-tadbirlari toʻgʻrisida”gi PQ-2568-son qarori:

a) 2-band:

quyidagi mazmundagi ikkinchi xatboshi bilan toʻldirilsin:

“prokuratura organlari tizimida axborot tizimlari va resurslari, maʼlumotlar bazalari, korporativ hisoblash tizimlari va maʼlumotlarni qayta ishlash markazlarini yaratish, qoʻllab-quvvatlash, modernizatsiya qilish, rivojlantirish va uzluksiz ishlashini taʼminlash boʻyicha yagona siyosatni ishlab chiqish hamda amalga oshirish”;

ikkinchi xatboshi tegishincha uchinchi xatboshi deb hisoblansin;

quyidagi mazmundagi toʻrtinchi xatboshi bilan toʻldirilsin:

“axborot tizimlari va resurslari, maʼlumotlar bazalari, korporativ hisoblash tizimlaridan foydalanish boʻyicha prokuratura organlari tarkibiy boʻlinmalarining faoliyatini muvofiqlashtirish”;

toʻrtinchi — sakkizinchi xatboshilar tegishincha beshinchi — toʻqqizinchi xatboshilar deb hisoblansin;

yettinchi xatboshi “integratsiya” degan soʻzdan keyin “qoʻllab-quvvatlash, modernizatsiya qilish” degan soʻzlar bilan toʻldirilsin;

b) quyidagi mazmundagi 3¹-band bilan toʻldirilsin:

“3¹. Belgilab qoʻyilsinki:

Yagona tarif setkasi boʻyicha mehnatga haq toʻlash razryadlariga koʻra Boshqarmaning axborot-kommunikatsiya texnologiyalari, shuningdek, boshqa mutaxassislik sohasida oliy maʼlumotga ega boshqaruv xodimlarining lavozim maoshini aniqlashda tarif koeffitsiyentlari ikki baravar miqdorda qoʻllaniladi;

Boshqarma xodimlariga alohida mehnat sharoitlari uchun ularning lavozim maoshiga 100 foiz miqdorida oylik ustama toʻlanadi. Bunda ushbu ustama qonun hujjatlarida belgilangan ragʻbatlantiruvchi qoʻshimcha haq va ustamalarni hisoblashda Boshqarmaning qayd etilgan xodimlari lavozim maoshi tarkibiga kiritiladi;

ushbu bandning ikkinchi va uchinchi xatboshilarida nazarda tutilgan toʻlovlar, shu jumladan, ulardan kelib chiqadigan ustamalar Majburiy ijro byurosini rivojlantirish jamgʻarmasi mablagʻlari hisobidan amalga oshiriladi”.

5. Oʻzbekiston Respublikasi Prezidentining 2017-yil 30-maydagi “Oʻzbekiston Respublikasi Bosh prokuraturasi huzuridagi Majburiy ijro byurosi faoliyatini tashkil etish toʻgʻrisida”gi PQ-3016-son qarori:

a) 4-ilova (Oʻzbekiston Respublikasi Bosh prokuraturasi huzuridagi Majburiy ijro byurosi toʻgʻrisidagi nizom) 22-bandining birinchi xatboshisi quyidagi tahrirda bayon etilsin:

“22. Byuroning daraja unvonlariga ega boʻlgan, shuningdek, maxsus toifalar beriladigan mansablarni egallab turgan xodimlari belgilangan tartibda tasdiqlanadigan namunadagi tegishli xizmat kiyimi va alohida koʻrinishdagi belgilarni kiyadilar”;

b) 5-ilova (Oʻzbekiston Respublikasi Bosh prokuraturasi huzuridagi Majburiy ijro byurosida xizmatni oʻtash toʻgʻrisidagi nizom) 26-bandining birinchi xatboshisidagi “darajali unvoni va” degan soʻzlar “darajali unvoni yoki” degan soʻzlar bilan almashtirilsin.

6. Vazirlar Mahkamasining 2001-yil 6-iyuldagi 291-son qarori (Oʻzbekiston Respublikasi QT, 2001-y., 7-son, 37-modda) bilan tasdiqlangan Oʻzbekiston Respublikasi Prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentida xizmatni oʻtash toʻgʻrisidagi nizomning 22-bandi birinchi xatboshisi quyidagi tahrirda bayon etilsin:

“22. Boshqa huquqni muhofaza qiluvchi organlardan va oʻzga tashkilotlardan Departamentga ishga oʻtgan xodimlarga darajali unvonlar ularning Departamentda tayinlangan lavozimi, oldingi unvoni yoki ish tajribasi hisobga olingan holda beriladi, qonun hujjatlarida belgilangan holatlar bundan mustasno”.