Oldingi tahrirga qarang.
Nogironligi bo‘lgan shaxslar, urush va mehnat faxriylari, yolg‘iz keksalar va aholining boshqa hojatmand qatlamlariga tibbiy-ijtimoiy yordam ko‘rsatish tizimini yanada takomillashtirish, ularning turmush darajasi va sifatini oshirish, shuningdek, aholini ijtimoiy himoya qilish hamda qo‘llab-quvvatlashni tashkil etish samaradorligini oshirish maqsadida:
(muqaddima O‘zbekiston Respublikasi Prezidentining 2021-yil 29-noyabrdagi PF-26-sonli Farmoni tahririda — Qonunchilik ma’lumotlari milliy bazasi, 30.11.2021-y., 06/21/26/1111-son)
Oldingi tahrirga qarang.
1. O‘zbekiston Respublikasi Sog‘liqni saqlash vazirligi, Bandlik va mehnat munosabatlari vazirligi, Iqtisodiy taraqqiyot va kambag‘allikni qisqartirish vazirligi, Moliya vazirligining nogironligi bo‘lgan shaxslar, urush qatnashchilari, faxriylar, yolg‘iz keksalar va aholining boshqa hojatmand qatlamlariga tibbiy-ijtimoiy yordam ko‘rsatish va ijtimoiy qo‘llab-quvvatlash tizimini yanada takomillashtirish to‘g‘risidagi taklifi qabul qilinsin, taklifda:
O‘zbekiston Respublikasi Tibbiy-ijtimoiy xizmatlarni rivojlantirish agentligi, Agentlikning hududiy boshqarmalari, tuman (shahar) tibbiy-ijtimoiy xizmatlarni rivojlantirish bo‘limlari zimmasiga — nogironligi bo‘lgan shaxslar, shu jumladan nogironligi bo‘lgan bolalarga, urush qatnashchilari, faxriylar, yolg‘iz keksalar va aholining boshqa hojatmand qatlamlariga tibbiy-ijtimoiy xizmat ko‘rsatish vazifasini;
O‘zbekiston Respublikasi Moliya vazirligi zimmasiga — muhtoj oilalarga va fuqarolarga ijtimoiy nafaqalar va moddiy yordamlarni tayinlash va to‘lash monitoringini amalga oshirish vazifasini yuklash nazarda tutilgan.
(1-band O‘zbekiston Respublikasi Prezidentining 2021-yil 29-noyabrdagi PF-26-sonli Farmoni tahririda — Qonunchilik ma’lumotlari milliy bazasi, 30.11.2021-y., 06/21/26/1111-son)
Oldingi tahrirga qarang.
(2-band O‘zbekiston Respublikasi Prezidentining 2021-yil 29-noyabrdagi PF-26-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 30.11.2021-y., 06/21/26/1111-son)
Oldingi tahrirga qarang.
(3-band O‘zbekiston Respublikasi Prezidentining 2017-yil 24-maydagi PF-5052-sonli Farmoniga asosan o‘z kuchini yo‘qotgan — O‘R QHT, 2017-y., 21-son, 379-modda)
Oldingi tahrirga qarang.
(4-band O‘zbekiston Respublikasi Prezidentining 2017-yil 24-maydagi PF-5052-sonli Farmoniga asosan o‘z kuchini yo‘qotgan — O‘R QHT, 2017-y., 21-son, 379-modda)
5. Belgilansinki, mazkur Farmonga muvofiq vazirlikning funksiyalari va vazifalari boshqa vazirliklarga berilganligi sababli O‘zbekiston Respublikasi Mehnat va aholini ijtimoiy muhofaza qilish vazirligi va uning hududiy organlari xodimlarining bo‘shaydigan soni 5 foizga qisqartirilgan holda O‘zbekiston Respublikasi Sog‘liqni saqlash vazirligi va Moliya vazirligiga o‘tkaziladi.
6. O‘zbekiston Respublikasi Vazirlar Mahkamasi bir hafta muddatda, ushbu Farmonning ijrosini ta’minlash maqsadida O‘zbekiston Respublikasi Mehnat vazirligi va Sog‘liqni saqlash vazirligining yangi tuzilmalarini tegishli ravishda tasdiqlagan holda ularning faoliyatini tashkil etish bo‘yicha Hukumat qarorlari loyihalarini belgilangan tartibda kiritsin.
7. O‘zbekiston Respublikasi Sog‘liqni saqlash vazirligi, Moliya vazirligi, Mehnat vazirligi, Adliya vazirligi manfaatdor vazirliklar va idoralar bilan birgalikda bir oy muddatda qonun hujjatlariga mazkur Farmondan kelib chiqadigan o‘zgartish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.
8. Ushbu Farmonning ijrosini nazorat qilish O‘zbekiston Respublikasining Bosh vaziri Sh. Mirziyoyev zimmasiga yuklansin.