LexUZ sharhi
Mazkur qaror O‘zbekiston Respublikasi Oliy Majlisi Qonunchilik palatasining 2020-yil 23-martdagi 185-IV-sonli “O‘zbekiston Respublikasi Oliy Majlisi Qonunchilik palatasining Odob komissiyasini tuzish to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Oliy Majlisi Qonunchilik palatasining Kengashi qaror qiladi:
1. O‘zbekiston Respublikasi Oliy Majlisi Qonunchilik palatasining Odob komissiyasi to‘g‘risidagi nizom tasdiqlansin (ilova qilinadi).
2. Ushbu qaror O‘zbekiston Respublikasi Oliy Majlisi Qonunchilik palatasi tasdiqlashi uchun kiritilsin.
O‘zbekiston Respublikasi Oliy Majlisi Qonunchilik palatasi Kengashining 2015-yil 22-apreldagi 112/1-III-sonli qaroriga
ILOVA
ILOVA
1.O‘zbekiston Respublikasi Oliy Majlisi Qonunchilik palatasining Odob komissiyasi (bundan buyon matnda Komissiya deb yuritiladi) O‘zbekiston Respublikasi Oliy Majlisi Qonunchilik palatasi deputatlari (bundan buyon matnda deputat deb yuritiladi) tomonidan deputatlik odobi qoidalariga rioya etilishi bilan bog‘liq masalalarni ko‘rib chiqish uchun tuziladi.
2. Komissiya faoliyati O‘zbekiston Respublikasining Konstitutsiyasi, “O‘zbekiston Respublikasi Oliy Majlisi Qonunchilik palatasi deputatining va Senati a’zosining maqomi to‘g‘risida”gi O‘zbekiston Respublikasi Qonuni, O‘zbekiston Respublikasining boshqa qonunlariga, shuningdek ushbu Nizomga muvofiq amalga oshiriladi.
3. Komissiya O‘zbekiston Respublikasi Oliy Majlisi Qonunchilik palatasining (bundan buyon matnda Qonunchilik palatasi deb yuritiladi) vakolatlari muddatiga palataning qarori bilan deputatlar orasidan Komissiya raisi va a’zolarini qo‘shganda yetti kishidan kam bo‘lmagan tarkibda tuziladi.
Komissiya tarkibiga siyosiy partiyalar fraksiyalarining (bundan buyon matnda fraksiya deb yuritiladi) har biri va O‘zbekiston ekologik harakati deputatlar guruhidan (bundan buyon matnda deputatlar guruhi deb yuritiladi) parlament faoliyatida salmoqli tajribaga ega, deputatlar korpusi o‘rtasida obro‘-e’tiborga sazovor bo‘lgan deputatlar kiritiladi.
4. Komissiyaning son va shaxsiy tarkibi Qonunchilik palatasining qarori bilan o‘zgartirilishi mumkin.
5. Komissiya Qonunchilik palatasining qarori bilan muddatidan ilgari o‘z faoliyatini to‘xtatishi mumkin.
“O‘zbekiston Respublikasi Oliy Majlisi Qonunchilik palatasi deputatlarining deputatlik odobi qoidalari” loyihasini ishlab chiqadi va Qonunchilik palatasi tasdiqlashi uchun kiritadi;
Komissiya faoliyatiga doir masalalar yuzasidan Qonunchilik palatasining qarorlari loyihalarini ishlab chiqadi;
deputatlar tomonidan deputatlik odobi qoidalariga, shuningdek umumiy qabul qilingan odob-axloq normalariga rioya etilishi masalalarini ko‘rib chiqadi;
deputatlar o‘rtasida qoidabuzarliklarning oldini olishga qaratilgan kompleks chora-tadbirlarni amalga oshiradi;
deputatlar, Qonunchilik palatasining Spikeri va Spiker o‘rinbosarlari, fraksiyalar va deputatlar guruhlari rahbarlari, qo‘mitalar raislarining deputat tomonidan umumiy qabul qilingan axloq normalarini, deputatlik odobi qoidalarini buzadigan, deputat obro‘sini to‘kadigan va Qonunchilik palatasi nufuziga putur yetkazadigan xatti-harakatlar sodir etilganligi bilan bog‘liq murojaatlarini ko‘rib chiqadi;
jismoniy va yuridik shaxslarning ayrim deputatlarning xatti-harakatlariga doir murojaatlarini ko‘rib chiqadi;
deputatlarning qonun hujjatlarida nazarda tutilgan o‘z vakolatlarini amalga oshirishi chog‘ida davlat organlari va ularning mansabdor shaxslari tomonidan deputatlarning huquqlari buzilishlari haqidagi arizalarini ko‘rib chiqadi;
deputatlarning sha’ni va qadr-qimmatini himoya qilish hamda deputat faoliyatining boshqa kafolatlarini ta’minlash bilan bog‘liq masalalarni ko‘rib chiqadi;
deputatlar tomonidan deputatlik odobi qoidalariga rioya etilishi ustidan monitoringni amalga oshiradi;
Qonunchilik palatasi yoki Qonunchilik palatasi Kengashining topshirig‘iga binoan deputatlar tomonidan deputatlik odobi qoidalariga rioya etilishi holatini o‘rganib chiqib, uning natijalari haqida Qonunchilik palatasini yoki Qonunchilik palatasi Spikerini xabardor qiladi;
deputatning vakolatlarini muddatidan ilgari tugatish va uni chaqirib olish to‘g‘risidagi materiallarni Qonunchilik palatasi ko‘rib chiqishi uchun tayyorlaydi;
O‘zbekiston Respublikasi Bosh prokurorining taqdimnomasi bo‘yicha deputatni jinoiy javobgarlikka tortish, ushlab turish, qamoqqa olish yoki unga sud tartibida beriladigan ma’muriy jazo choralarini qo‘llashga rozilik berish to‘g‘risidagi materiallarni Qonunchilik palatasi ko‘rib chiqishi uchun tayyorlaydi;
Qonunchilik palatasi, fraksiyalar, deputatlar guruhlari va qo‘mitalarning majlisida o‘z vakolatiga kiradigan masalalar yuzasidan Komissiya xulosasini taqdim etadi;
o‘zining ko‘rib chiqishi uchun kiritilgan masalalarni hal etish uchun Komissiya majlislariga ekspertlar va mutaxassislarni taklif etadi;
deputat tomonidan deputatlik odobi buzilgan taqdirda, deputat xususidagi zarur axborotni so‘rab oladi.
Komissiya Qonunchilik palatasi va uning Kengashi qarorlariga, shuningdek ushbu Nizomga muvofiq boshqa vakolatlarga ham ega bo‘lishi mumkin.
7. Komissiya Qonunchilik palatasidagi fraksiyalar, deputatlar guruhlari, qo‘mitalar, Qonunchilik palatasi Devonining tarkibiy bo‘linmalari, boshqa organlar, mansabdor shaxslar va jamoatchilik bilan hamkorlik qiladi.
8. Komissiya masalalarni Qonunchilik palatasining yoki Qonunchilik palatasi Kengashining topshirig‘iga binoan o‘z vakolatlari doirasida ko‘rib chiqadi.
Komissiya majlislari ochiq tarzda o‘tkaziladi. Zarur hollarda Komissiya yopiq majlis o‘tkazish to‘g‘risida qaror qabul qilishi mumkin.
10. Komissiya majlisini Komissiya raisi, u yo‘qligida esa, uning topshirig‘iga binoan Komissiya a’zolaridan biri olib boradi. Komissiya majlisida bayonnoma yuritiladi, uni raislik qiluvchi imzolaydi.
11. Komissiya majlislari, agar ularda Komissiya a’zolari umumiy sonining kamida uchdan ikki qismi hozir bo‘lsa, vakolatlidir.
12. Komissiyaning kelgusi majlisi to‘g‘risida uning raisi Komissiya a’zolariga yozma ravishda, qoida tariqasida, kamida ikki kun oldin xabar qiladi, shuningdek majlisning boshqa ishtirokchilarini oldindan xabardor etadi.
13. Komissiya ko‘rib chiqilayotgan masalalar yuzasidan qarorlarni Komissiyaning ko‘pchilik ovozi bilan qabul qiladi. Komissiya qarorini uning majlisida raislik qiluvchi imzolaydi.
Fraksiyalar, deputatlar guruhlari, qo‘mitalar, Qonunchilik palatasi Devonining tarkibiy bo‘linmalari, boshqa organlar, mansabdor shaxslar va jamoatchilik bilan munosabatlarda Komissiya nomidan ish ko‘radi;
15. Komissiya a’zosi Komissiya majlisida hozir bo‘lishi va o‘ziga yuklatilgan majburiyatlarni bajarishi shart.
Komissiya a’zosi Komissiya majlisida hozir bo‘lish imkoni bo‘lmaganda Komissiya raisini oldindan xabardor etishi shart.
qarorlar tayyorlanishida, muhokamasida, qabul qilinishida, shuningdek ularning amalga oshirilishini tashkil etish hamda bajarilishini nazorat qilishda ishtirok etishga;
ko‘rib chiqilayotgan masalaga doir hujjatlar, ma’lumotnomalar va boshqa zarur axborot bilan tanishib chiqishga;
Qonunchilik palatasi deputatlarining, shuningdek jismoniy va yuridik shaxslarning murojaatlariga binoan;
Jismoniy va yuridik shaxslarning murojaatlari qonun hujjatlarida belgilangan tartib va muddatlarda ko‘rib chiqiladi.
18. Deputat o‘zining huquqi, sha’ni va qadr-qimmati, ishchanlik obro‘siga daxl qiladigan asossiz ariza taqdim etilgan taqdirda amaldagi qonun hujjatlariga muvofiq ularni himoya qilishga haqli.
19. Komissiya majlisiga, haqiqiy holatlarni aniqlash va xolisona qaror qabul qilish maqsadida, o‘ziga nisbatan masala ko‘rib chiqilayotgan deputat, zarur bo‘lgan hollarda esa, arizachilar va boshqa shaxslar taklif etiladi. Komissiya majlisining vaqti va joyi haqida tegishli ravishda xabardor etilgan shaxslarning kelmasligi arizani yoki shikoyatni, Qonunchilik palatasining topshirig‘ini ko‘rib chiqish uchun to‘sqinlik qilmaydi.
Qonunchilik palatasining, Qonunchilik palatasi Kengashining topshirig‘i yoki deputat tomonidan deputatlik odobi qoidalari buzilganligi to‘g‘risidagi murojaat o‘qib eshittiriladi;
deputatlik odobi qoidalari buzilganligi to‘g‘risida o‘ziga nisbatan shikoyat yoki ariza tushgan deputat, zarur bo‘lgan hollarda esa, arizachi eshitiladi.
21. Deputat Komissiyaga o‘z huquqlari, sha’ni va qadr-qimmatining himoyasi uchun materiallar hamda boshqa axborotni taqdim etishga haqli.
22. Ariza materiallari, Qonunchilik palatasi yoki Qonunchilik palatasi Kengashining topshirig‘i bilan tanishib chiqish yakunlari bo‘yicha Komissiya deputatning harakatlarida deputatlik odobi qoidalarining buzilishi faktining mavjudligini, deputatga nisbatan aniq ta’sir ko‘rsatish choralarini ko‘rsatgan holda yoxud deputatning harakatlarida deputatlik odobi qoidalari buzilishi faktining mavjud emasligini belgilaydi.
23. Deputatlik odobi qoidalarining deputat tomonidan buzilganligi fakti aniqlangan taqdirda, Komissiya:
Qonunchilik palatasiga deputatning vakolatlarini muddatidan ilgari tugatish va uni chaqirib olish haqida taklif kiritish to‘g‘risida qaror qabul qilishga haqli.
24. Deputatning harakatlarida deputatlik odobi qoidalari buzilishi faktining mavjud emasligi aniqlangan taqdirda, murojaat ko‘rib chiqilmaydi.
25. Komissiya qabul qilingan qaror haqida arizachiga, o‘ziga nisbatan masala ko‘rib chiqilgan deputatga va Qonunchilik palatasi Kengashiga yozma ravishda ma’lum qiladi.
Qonunchilik palatasi qarorining loyihasi Komissiya tomonidan Qonunchilik palatasi ko‘rib chiqishi uchun kiritilganda, unga qisqa tushuntirish xati va boshqa zarur materiallar ilova qilinadi.
26. Komissiya qarori ustidan Qonunchilik palatasiga shikoyat qilish mumkin. Qonunchilik palatasi Komissiya qarorini bekor qilishga va o‘z vakolati doirasida boshqa qaror qabul qilishga haqli.
27. Deputat tomonidan Qonunchilik palatasining majlisi jarayonida deputatlik odobi qoidalarining buzilishiga yo‘l qo‘yilgan taqdirda Qonunchilik palatasi majlisida raislik qiluvchi Qonunchilik palatasining Reglamentiga muvofiq choralar ko‘radi, shuningdek Komissiyaga deputat tomonidan deputatlik odobi qoidalarining buzilganligi masalasini ko‘rib chiqishni taklif etishga haqli.
28. Murojaat uning tashabbuskori tomonidan Komissiya qarori qabul qilinguniga qadar qaytarib olinishi mumkin.
29. Taraflarning yarashuvi, shuningdek deputat o‘z xohishi bilan oshkora uzr so‘ragan hollarida, o‘ziga nisbatan ta’sir choralari qo‘llanilishidan ozod etilishi mumkin.