Vazirlar Mahkamasi qayd etadiki, O‘zbekiston Respublikasi Hukumatining alohida qarorlariga ko‘ra Davlat budjetidan mablag‘ bilan ta’minlanadigan bir qancha vazirliklar va idoralarda budjetdan tashqari jamg‘armalar tashkil etilgan. Ushbu jamg‘armalar mablag‘lari hisobiga moddiy-texnik bazani mustahkamlash, axborot-kommunikatsiya texnologiyalarini joriy etish, xodimlarni ijtimoiy rag‘batlantirish ta’minlanmoqda.
Shu bilan birga, hozirga qadar vazirliklar va idoralarning budjetdan tashqari jamg‘armalari mablag‘larini shakllantirish va ulardan foydalanilishini nazorat qilish uchun metodologik yondashuv va ta’sirchan mexanizm yaratilmagan, bu esa ko‘rsatib o‘tilgan jamg‘armalar mablag‘larining samarasiz sarflanishiga olib kelmoqda.
Davlat budjetidan mablag‘ bilan ta’minlanadigan vazirliklar va idoralarning budjetdan tashqari jamg‘armalari mablag‘laridan samarali foydalanilishini ta’minlash maqsadida Vazirlar Mahkamasi qaror qiladi:
1. Ma’muriy islohotlarni chuqurlashtirish va iqtisodiyotni boshqarish tuzilmasini takomillashtirish bo‘yicha takliflar tayyorlash Respublika komissiyasining 2004-yil 1-yanvardan boshlab davlat bojlari, yig‘imlar va soliq bo‘lmagan to‘lovlar, ma’muriy va moliyaviy jazolardan vazirliklar va idoralarning budjetdan tashqari jamg‘armalariga yo‘naltiriladigan ayrim ajratmalarning 1-ilovaga muvofiq birxillashtirilgan va yangilangan miqdorlarini belgilash to‘g‘risidagi taklifi qabul qilinsin.
2. Belgilansinki, 2004-yildan boshlab Davlat budjetidan mablag‘ bilan ta’minlanadigan vazirliklar va idoralarning budjetdan tashqari jamg‘armalari daromadlari va xarajatlari smetalarini ro‘yxatdan o‘tkazish O‘zbekiston Respublikasi Moliya vazirligi tomonidan, budjet mablag‘lari uchun belgilangan tartibda va muddatlarda amalga oshiriladi.
O‘zbekiston Respublikasi Moliya vazirligi budjetdan tashqari jamg‘armalar daromadlari va xarajatlari smetalarini ro‘yxatdan o‘tkazishda ko‘rsatib o‘tilgan mablag‘larning birinchi navbatda:
Keyingi tahrirga qarang.
3. Davlat budjetidan mablag‘ bilan ta’minlanadigan vazirliklar va idoralar 2004-yildan boshlab har chorakda O‘zbekiston Respublikasi Moliya vazirligiga budjetdan tashqari jamg‘armalarga mablag‘lar tushishi va ulardan foydalanilishi to‘g‘risida budjet mablag‘lari uchun belgilangan shakl bo‘yicha va muddatlarda hisobotlar taqdim etsinlar.
Keyingi tahrirga qarang.
4. Vazirliklar va idoralarga budjetdan tashqari jamg‘armalarga ajratmalar hisobiga qo‘shimcha xodimlarni ta’minlash va budjetdan tashqari jamg‘armalar tashkil etish taqiqlansin, O‘zbekiston Respublikasi Vazirlar Mahkamasining alohida qarorlari bilan tashkil etilgan jamg‘armalar bundan mustasno.
Keyingi tahrirga qarang.
manfaatdor vazirliklar va idoralar bilan birgalikda bir oy muddatda budjetdan tashqari jamg‘armalarga mablag‘lar o‘tkazish va ulardan foydalanish tartibi to‘g‘risidagi nizomlarni qayta ko‘rib chiqsin va tasdiqlasin;
budjetdan tashqari jamg‘armalar mablag‘laridan maqsadli foydalanilishi ustidan qat’iy nazoratni amalga oshirsin va mablag‘lardan samarasiz foydalanish hollari aniqlangan taqdirda, qonun hujjatlarida belgilangan tartibda choralar ko‘rgan holda samarasiz foydalanilgan summani Davlat budjeti daromadiga olib qo‘ysin.
6. O‘zbekiston Respublikasi Hukumatining 2-ilovaga muvofiq ayrim qarorlariga o‘zgartirish va qo‘shimchalar kiritilsin.
7. O‘zbekiston Respublikasi Adliya vazirligi manfaatdor vazirliklar va idoralar bilan birgalikda ikki hafta muddatda ushbu qaror qabul qilinishi munosabati bilan amaldagi qonun hujjatlariga o‘zgartirish va qo‘shimchalar kiritish yuzasidan Vazirlar Mahkamasiga takliflar kiritsin.
8. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
Keyingi tahrirga qarang.
T/r | Vazirliklar va idoralar nomi | Shakllantirish manbalari | Ajratmalar miqdori (%) |
1. | Moliya vazirligi | Taftishlar va tekshirishlar natijalariga ko‘ra kamomad, talon-toroj, noqonuniy sarf-xarajatlar, davlat ulushidan dividendlarni o‘z vaqtida budjetga o‘tkazmaganlik uchun jarimalar summasidan budjet daromadiga undirilgan mablag‘lar. | 10 |
2. | Tashqi ishlar vazirligi | Kirish-chiqish hujjatlarini rasmiylashtirganlik va boshqa konsullik xizmatlari uchun yig‘imlar hamda boshqa tushumlar. | 15 |
3. | Davlat mulkini boshqarish va tadbirkorlikni qo‘llab- quvvatlash davlat qo‘mitasi | Davlat tasarrufidan chiqarish va xususiylashtirishdan tushadigan mablag‘lar. | 2* |
4. | Ichki ishlar vazirligi | Avtomototransport vositalarini qayta ro‘yxatdan o‘tkazganlik uchun to‘lov summasi. | 10 |
Kirish va chiqish vizalarini berganlik, ularning amal qilish muddatini uzaytirganlik, vaqtinchalik ro‘yxatdan o‘tkazganlik, doimiy yashash uchun hujjatlarni rasmiylashtirganlik uchun davlat boji. | 10 | ||
Qonun hujjatlarida belgilangan hollarda davlat daromadiga o‘tkazilgan mol-mulkni sotish. | 10 | ||
Yo‘l harakati qoidalarini buzganlik uchun jarimalar summasi. | 10 | ||
5. | Davlat bojxona qo‘mitasi | Xizmatlar ko‘rsatishdan bojxona yig‘imlari va to‘lovlar sifatidagi tushumlar. | 65 |
Bojxona organlari tomonidan olib qo‘yilgan va qonun hujjatlarida belgilangan tartibda davlat daromadiga o‘tkazilgan mol-mulkni sotishdan tushgan mablag‘lar. | 10 | ||
6. | Monopoliyadan chiqarish va raqobatni rivojlantirish davlat qo‘mitasi | Monopoliyaga qarshi qonun hujjatlarini, tabiiy monopoliyalar, iste’molchilar huquqlarini himoya qilish va reklama to‘g‘risidagi qonun hujjatlarini buzganlik uchun jarimalar summasi. | 6 |
7. | Iqtisodiyot vazirligi | Monopoliyaga qarshi qonun hujjatlarini, tabiiy monopoliyalar, iste’molchilar huquqlarini himoya qilish va reklama to‘g‘risidagi qonun hujjatlarini buzganlik uchun jarimalar summasi. | 4 |
8. | Davlat soliq qo‘mitasi | Soliq organlari tomonidan olib qo‘yilgan va qonun hujjatlarida belgilangan tartibda davlat daromadiga o‘tkazilgan mol-mulkni sotishdan tushgan mablag‘lar. | 10 |
Soliqqa oid qonun hujjatlarini buzganlik uchun moliyaviy jazolar va ma’muriy huquqbuzarlik uchun jarimalar summasi. | 20 | ||
9. | Davlat mulki qo‘mitasi huzuridagi Qimmatli qog‘ozlar bozori faoliyatini muvofiqlashtirish va nazorat qilish markazi. | Qimmatli qog‘ozlar bozori to‘g‘risidagi qonun hujjatlarini buzganlik uchun iqtisodiy jazolar summasi. | 10 |
10. | Sudlar va adliya organlarini rivojlantirish jamg‘armasi (Adliya vazirligi, Oliy xo‘jalik sudi, Oliy sud, Sud qarorlarini ijro etish, sudlar faoliyatini moddiy-texnika jihatidan va moliyaviy ta’minlash departamenti) | Umumiy yurisdiksiya sudlari tomonidan ko‘rib chiqiladigan ishlar bo‘yicha jarimalar va davlat boji summasi. | 20 |
Xo‘jalik sudlari tomonidan ko‘rib chiqiladigan ishlar bo‘yicha jarimalar va davlat boji summasi. | 15 | ||
Adliya organlari va FHDY tomonidan undiriladigan davlat boji summasi | 20 | ||
Notariuslar tomonidan undiriladigan davlat boji summasi. | 15 | ||
Adliya organlari tomonidan nodavlat notijorat tashkilotlarni, advokatlik byurolari, firmalari, hay’atlari, xususiy notarial idoralarni davlat ro‘yxatidan o‘tkazganlik, notarial va advokatlik faoliyatini litsenziyalaganlik, yurist kadrlarni malaka attestatsiyasidan o‘tkazganlik uchun undiriladigan, shuningdek adliya organlari tomonidan undiriladigan jarimalar summalari. | 100 | ||
Ijro ishlari bo‘yicha budjetga undirilgan mablag‘lar summasi, vaqtida to‘lanmagan soliqlar, budjet va budjetdan tashqari fondlarga majburiy to‘lovlar bo‘yicha boqimanda undirishdan tashqari | 30 | ||
Vakolatli organlar tomonidan olib qo‘yilgan va davlat daromadiga o‘tkazilgan mol-mulkni sotishdan mablag‘lar, shuningdek budjet va budjetdan tashqari fondlarga majburiy to‘lovlar bo‘yicha undirilgan boqimandalar summasi. | 10 | ||
11. | Mehnat va aholini ijtimoiy muhofaza qilish vazirligi | Qonun hujjatlarida belgilangan tartibda ijtimoiy sug‘urta bo‘yicha majburiy badallar va ajratmalar to‘lash tartibini buzganlik uchun jarimalar summasi. | 10 |
12. | Prokuratura | Qonun hujjatlarida belgilangan hollarda davlat daromadiga o‘tkazilgan mol-mulkni sotish. | 10 |
13. | Davlat arxitektura va qurilish qo‘mitasi | Qurilish sohasidagi qonun hujjatlarini buzganlik uchun yuridik shaxslarga solinadigan jarimalar summasi. | 10 |
14. | Sanoatda va konchilikda ishlarning bexatar olib borilishini nazorat qilish agentligi | Agentlik tomonidan O‘zbekiston Respublikasining ma’muriy javobgarlik kodeksiga muvofiq solinadigan jarimalar summasi. | 100 |
15. | Davlat patent idorasi | Patent bojlari va boshqa soliq bo‘lmagan to‘lovlar. | 10 |
16. | Vazirlar Mahkamasi huzuridagi Narkotik moddalarni nazorat qilish milliy axborot-tahlil markazi | Qonun hujjatlarida belgilangan hollarda davlat daromadiga o‘tkazilgan mol-mulkni sotishdan tushgan mablag‘larning mahalliy budjetga yo‘naltiriladigan qismi. | 100 |
17. | Davlat asillik darajasini belgilash palatasi | Qimmatbaho metallar va qimmatbaho toshlardan yasalgan zargarlik buyumlari va boshqa buyumlarning asillik darajasini belgilaganlik va ularni tamg‘alaganlik uchun asillik darajasini belgilash mablag‘lari. | 10 |
18. | Tabiatni muhofaza qilish jamg‘armasi (Davlat tabiatni muhofaza qilish qo‘mitasi) | Tabiatni muhofaza qilishga oid qonun hujjatlarini buzganlik uchun jarimalar summasi. | 100 |
Keyingi tahrirga qarang.
1. O‘zbekiston Respublikasi Vazirlar Mahkamasining “Avtotransport vositalarini xarid qilish, sotish, almashtirish va hadya etish bitimlarini rasmiylashtirish tartibi to‘g‘risida” 1991-yil 16-sentabrdagi 233-son qarorining (O‘zbekiston Respublikasi QT, 1991-y., 9-son, 30-modda; 2003-y., 4-son, 34-modda) 3-bandi uchinchi xatboshidagi “85 foizi” va “15 foizi” so‘zlari tegishli ravishda “90 foizi” va “10 foizi” so‘zlari bilan almashtirilsin.
2. O‘zbekiston Respublikasi Vazirlar Mahkamasining “O‘zbekiston Respublikasi Moliya vazirligining tuzilishi to‘g‘risida” 1992-yil 11-fevraldagi 59-son qarorining 8-bandi quyidagi tahrirda bayon qilinsin:
“8. O‘zbekiston Respublikasi Moliya vazirligiga Moliya vazirligining Nazorat-taftish boshqarmasi tomonidan aniqlangan taftishlar va talon-toroj, o‘g‘irlik, kamomad, noqonuniy sarf-xarajatlar summasini tekshirish natijalari, davlat ulushidan dividendlarning budjetga o‘z vaqtida o‘tkazilmaganligi uchun penya va jarimalar bo‘yicha budjet daromadiga tushumlarning 10 foizi hisobiga O‘zbekiston Respublikasi moliya tizimini ijtimoiy rivojlantirish va xodimlarni moddiy rag‘batlantirish jamg‘armasini tashkil etishga ruxsat berilsin.
O‘zbekiston Respublikasi moliya tizimini ijtimoiy rivojlantirish va xodimlarni moddiy rag‘batlantirish jamg‘armasi mablag‘larini shakllantirish va ulardan foydalanish tartibi to‘g‘risidagi nizom O‘zbekiston Respublikasi Moliya vaziri tomonidan tasdiqlanadi.
Keyingi tahrirga qarang.
3. Vazirlar Mahkamasining 1992-yil 23-noyabrdagi 553-son qarori (O‘zbekiston Respublikasi QT, 1992-y., 12-son, 37-modda) bilan tasdiqlangan O‘zbekiston Respublikasi Moliya vazirligi to‘g‘risidagi Nizom 10-bandining oxirgi xatboshi quyidagi tahrirda bayon qilinsin:
“Moliya vazirligining Nazorat-taftish boshqarmasi tomonidan o‘tkazilgan taftishlar va talon-toroj, o‘g‘irlik, kamomad, noqonuniy sarf-xarajatlar summasini tekshirish natijasida aniqlangan davlat ulushidan dividendlarning budjetga o‘z vaqtida o‘tkazilmaganligi uchun penya va jarimalar bo‘yicha budjet daromadiga tushumlarning 10 foizi hisobiga O‘zbekiston Respublikasi moliya tizimini ijtimoiy rivojlantirish va xodimlarni moddiy rag‘batlantirish jamg‘armasi tashkil etilsin”.
Keyingi tahrirga qarang.
4. O‘zbekiston Respublikasi Vazirlar Mahkamasining “Xorijiy valyutadagi davlat bojlari, yig‘imlar hamda soliq bo‘lmagan boshqa to‘lovlar stavkalari to‘g‘risida” 1993-yil 19-avgustdagi 423-son qaroriga 2-ilovaning “Bojlar, yig‘imlar va soliq bo‘lmagan to‘lovlardan tushgan valyuta tushumlarini taqsimlash” jadvalida:
Keyingi tahrirga qarang.
Keyingi tahrirga qarang.
5. Vazirlar Mahkamasining 1994-yil 16-martdagi 140-son qarori bilan tasdiqlangan O‘zbekiston diplomatik va konsullik muassasalarini rivojlantirish Respublika jamg‘armasi to‘g‘risidagi nizomning 4-bandi (O‘zbekiston Respublikasi QT, 1994-y., 3-son, 16-modda; 1999-y., 3-son, 12-modda; 2000-y., 10-son, 68-modda; 2002-y., 5-son, 23-modda, 8-son, 49-modda) quyidagi tahrirda bayon qilinsin:
axborot texnologiyalarini joriy etish va zamonaviylashtirishda, Tashqi ishlar vazirligi muassasalarining moddiy-texnika bazasini mustahkamlashda;
Tashqi ishlar vazirligi va Jahon iqtisodiyoti va diplomatiya universitetining ixtisoslashtirilgan kutubxonalarini shakllantirishda, ma’lumotnoma adabiyotlar va har xil davriy matbuotni sotib olishda;
Tashqi ishlar vazirligi muassasalari xodimlarini tayyorlash, qayta tayyorlash va ularning malakasini oshirishda;
6. Vazirlar Mahkamasining “O‘zbekiston Respublikasi Davlat mulki qo‘mitasi huzuridagi Qimmatli qog‘ozlar bozori faoliyatini muvofiqlashtirish va nazorat qilish markazining faoliyatini tashkil etish masalalari to‘g‘risida” 1996-yil 30-martdagi 126-son qaroriga 3-ilovaning 7-bandi ikkinchi va oltinchi xatboshidagi “15” raqamlari “10” raqamlari bilan almashtirilsin.
Keyingi tahrirga qarang.
7. Vazirlar Mahkamasining 1997-yil 22-iyuldagi 368-son qarori bilan tasdiqlangan narxlarni boshqarish jamg‘armasi to‘g‘risidagi Nizomning III bo‘limi ikkinchi xatboshi quyidagi tahrirda bayon qilinsin:
“Ushbu bo‘limning birinchi xatboshida nazarda tutilgan mablag‘lar va jarimalarning barcha summasi (O‘zbekiston Respublikasi Iqtisodiyot vazirligi va O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasining ijtimoiy rivojlantirish va xodimlarni moddiy rag‘batlantirish jamg‘armalariga o‘tkaziladigan tegishli ravishda 4 va 6 foiz mablag‘lardan, shuningdek iste’molchilarning huquqlarini himoya qilish to‘g‘risidagi qonun hujjatlari buzilganligi uchun solinadigan va Iste’molchilarning huquqlarini himoya qilish jamiyatlari federatsiyasi huzuridagi Iste’molchilar huquqlarini himoya qilish jamoatchilik harakatini rivojlantirishni qo‘llab-quvvatlash jamg‘armasiga o‘tkaziladigan jarimalarning 42,5 foizidan tashqari) Narxlarni boshqarish jamg‘armasiga yo‘naltiriladi”.
Keyingi tahrirga qarang.
8. Vazirlar Mahkamasining “O‘zbekiston Respublikasi Davlat bojxona qo‘mitasi faoliyatini tashkil etish masalalari to‘g‘risida” 1997-yil 30-iyuldagi 374-son qarori (O‘zbekiston Respublikasi QT, 1997-y., 7-son, 26-modda) 7-bandining ikkinchi xatboshi quyidagi tahrirda bayon qilinsin:
“Belgilansinki, ko‘rsatib o‘tilgan maxsus jamg‘arma bojxona organlari tomonidan musodara qilingan va qonun hujjatlarida belgilangan tartibda davlat daromadiga o‘tkazilgan mol-mulkni sotish summasidan 10 foiz ajratma, shuningdek bojxona yig‘imlari va ko‘rsatilgan xizmatlar uchun to‘lovlar shaklidagi tushumlarning 65 foizi hisobiga shakllantiriladi”.
9. Vazirlar Mahkamasining “O‘zbekiston Respublikasi Davlat soliq qo‘mitasi faoliyatini tashkil etish masalalari to‘g‘risida” 1998-yil 12-yanvardagi 14-son qarori (O‘zbekiston Respublikasi QT, 1998-y., 1-son, 2-modda) 5-bandining ikkinchi-uchinchi xatboshidagi “35” raqamlari “20” raqamlari bilan almashtirilsin.
Keyingi tahrirga qarang.
10. Vazirlar Mahkamasining “Bojxona yig‘imlari stavkalari to‘g‘risida” 1999-yil 30-apreldagi 204-son qarori 1-bandining uchinchi — beshinchi xatboshi quyidagi tahrirda bayon qilinsin:
“Erkin bojxona zonalari va erkin omborlar hududida yig‘imlar undirishdan valyuta tushumlari, O‘zbekiston Respublikasi Vazirlar Mahkamasining qarori bilan belgilangan Jahon bojxona tashkilotiga har yilgi a’zolik badali summasi chiqarib tashlangan holda, belgilangan tartibda respublika budjeti daromadiga o‘tkaziladi”.
Keyingi tahrirga qarang.
11. Vazirlar Mahkamasining “O‘zbekiston Respublikasi Monopoliyadan chiqarish va raqobatni rivojlantirish davlat qo‘mitasi faoliyatini tashkil etish to‘g‘risida” 2000-yil 2-avgustdagi 300-son qarori (O‘zbekiston Respublikasi QT, 2000-y., 8-son, 46-modda) 6-bandining birinchi xatboshidagi “15” raqamlari “6” raqami bilan almashtirilsin.
Keyingi tahrirga qarang.
12. Vazirlar Mahkamasining “O‘zbekiston Respublikasi Tashqi iqtisodiy aloqalar agentligi faoliyatini tashkil etish to‘g‘risida” 2002-yil 23-oktabrdagi 368-son qarori 9-bandining uchinchi xatboshi quyidagi tahrirda bayon qilinsin:
“qonun hujjatlarida belgilangan hollarda litsenziyalash, ruxsatnomalar berilganligi, tovarlarning kelib chiqishi sertifikatlari berilganligi, eksport-import kontraktlari oldindan ekspertizadan o‘tkazilganligi, xo‘jalik yurituvchi subyektlarning buyurtmanomalari bo‘yicha loyihalarning texnik-iqtisodiy asoslanishi ekspertizadan o‘tkazilganligi, fors-major holatlari boshlanganligi to‘g‘risida guvohnomalar berilganligi, axborot ma’lumotnomalari berilganligi uchun yig‘imlar;”.
Keyingi tahrirga qarang.
13. Vazirlar Mahkamasining “Sudlar va adliya organlarini rivojlantirish jamg‘armasini tashkil etish to‘g‘risida” 2003-yil 18-martdagi 147-son qarorida (O‘zbekiston Respublikasi QT, 2003-y., 3-son, 26-modda):
qarorning 2-bandi oltinchi xatboshi va qarorga 1-ilovaning 2-bandi oltinchi xatboshiga “soliqlar hamda budjetga va budjetdan tashqari jamg‘armalarga majburiy to‘lovlar bo‘yicha muddatida to‘lanmagan qarzlar undirilishidan tashqari” so‘zlari qo‘shilsin.
qarorning 2-bandi yettinchi xatboshiga va qarorga 1-ilovaning 2-bandi yettinchi xatboshiga “shuningdek soliqlar hamda budjetga va budjetdan tashqari jamg‘armalarga majburiy to‘lovlar bo‘yicha muddatida to‘lanmagan qarzlarni undirish bo‘yicha” so‘zlari qo‘shilsin.
Keyingi tahrirga qarang.
14. Vazirlar Mahkamasining “Xususiylashtirishdan tushadigan mablag‘larni taqsimlash tartibini takomillashtirish to‘g‘risida” 2003-yil 14-noyabrdagi 512-son qaroriga ilova 1-bandining sakkizinchi xatboshi quyidagi tahrirda bayon qilinsin:
“2 foizi — Davlat mulki qo‘mitasining idora qilish va boshqarish funksiyalarini amalga oshirish bilan bog‘liq xarajatlarini qoplashga va Davlat mulkini xorijiy investorga sotishda tender savdolari o‘tkazish bo‘yicha Davlat komissiyasi qarorlariga ko‘ra xususiylashtirish dasturini axborot bilan ta’minlashga teng ulushlarda foydalaniladi”.
Keyingi tahrirga qarang.