LexUZ sharhi
Mazkur Farmon O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Barcha mulkchilik shaklidagi korxonalarning O‘zbekiston Respublikasi eksport imkoniyatini kuchaytirishdan iqtisodiy manfaatdorligini oshirish maqsadida:
1. Ko‘p valyuta beradigan eksport mahsuloti ishlab chiqarishni qisqa muddatlarda o‘zlashtirishni ta’minlaydigan korxonalarning sohasini o‘zgartirish, ularni texnika va texnologiya bilan qayta jihozlash orqali eksportga yo‘naltirilgan zamonaviy ishlab chiqarishlarni tashkil qilish xorijiy sarmoyalarni keng ko‘lamda jalb etgan holda davlat tomonidan qo‘llab-quvvatlashning eng muhim ustuvor yo‘nalishi deb belgilansin.
Oldingi tahrirga qarang.
(2—6 bandlar O‘zbekiston Respublikasi Prezidentining 1996-yil 20-martdagi PF-1411-son Farmoniga muvofiq o‘z kuchini yo‘qotgan — Oliy Majlis Axborotnomasi, 1996-y., 3-son, 28-modda)
7. O‘zbekiston Respublikasining Moliya vazirligi Davlat soliq qo‘mitasi bilan birgalikda soliq solishda ushbu Farmondan kelib chiqadigan o‘zgarishlar munosabati bilan bir oy muddat ichida budjet bilan o‘zaro hisob-kitob tartibini ishlab chiqsin.
8. O‘zbekiston Respublikasining Vazirlar Mahkamasi bir oy muddat ichida respublikaning eksport imkoniyatini kengaytirish hamda undan foydalanish samaradorligini oshirish dasturini ishlab chiqib, qabul qilsin.
9. O‘zbekiston Respublikasining Adliya vazirligi 10 kun muddat ichida O‘zbekiston Respublikasining tegishli qonun va normativ hujjatlariga o‘zgartishlar hamda qo‘shimchalar kiritishga doir takliflarni tayyorlasin.