Oʻzbekiston Respublikasi Vazirlar Mahkamasining “Tibbiy-mehnat ekspertiza xizmati faoliyatini tashkil etishni takomillashtirishga doir qoʻshimcha chora-tadbirlar toʻgʻrisida” 2010-yil 2-sentabrdagi 193-son qarorini bajarish yuzasidan Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Moliya vazirligi Mehnat va aholini ijtimoiy muhofaza qilish vazirligi, Sogʻliqni saqlash vazirligi hamda Adliya vazirligi bilan birgalikda bir oy muddatda Oʻzbekiston Respublikasi Vazirlar Mahkamasiga Nogironni reabilitatsiya qilish individual dasturining takomillashtirilgan shakli loyihasini koʻrib chiqish uchun kiritsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Vazirlar Mahkamasining “Oʻzbekiston Respublikasi Prezidentining “Paxta tozalash sanoati korxonalarida hisob va hisobot tizimini takomillashtirish ustidan nazoratni kuchaytirish borasidagi qoʻshimcha chora-tadbirlar toʻgʻrisida” 2002-yil 13-noyabrdagi PF-3161-son Farmonini amalga oshirish chora-tadbirlari haqida” 2002-yil 15-noyabrdagi 393-son qarorida (Oʻzbekiston Respublikasi QT, 2002-y., 11-son, 69-modda):

a) 1-banddagi “68” raqami “71” raqami bilan almashtirilsin;

b) 2-banddagi “30” raqami “17” raqami bilan almashtirilsin;

v) 1-ilova quyidagi tahrirda bayon qilinsin:

g) 2-ilovada:

6-bandga quyidagi mazmundagi xatboshilar qoʻshilsin:

“tibbiy-mehnat ekspert komissiyalari faoliyatini Oʻzbekiston Respublikasi Sogʻliqni saqlash vazirligi tizimi mutaxassislarini jalb etgan holda doimiy ravishda tekshirish;

oʻtkazilgan tibbiy-ekspert tekshirish komissiyalarning toʻgʻriligi va asoslanganligini, shu jumladan davolash-profilaktika muassasalari tomonidan berilgan boshlangʻich tibbiy hujjatlarning toʻliqligi va ishonchliligini oʻrganish yoʻli bilan tekshirish”;

7-bandga quyidagi mazmundagi xatboshilar qoʻshilsin:

“tibbiy-mehnat ekspert komissiyalari faoliyatini nazorat qilish;

oʻtkazilgan tibbiy-ekspert tekshirishlarning toʻgʻriligi va asoslanganligini, shu jumladan davolash-profilaktika muassasalari tomonidan berilgan boshlangʻich tibbiy hujjatlarning toʻliqligi va ishonchliligini oʻrganish yoʻli bilan tekshirish”;

11-bandda:

11.2-kichik bandning uchinchi xatboshi quyidagi tahrirda bayon qilinsin:

“axborot-tahlil shuʼbasi”;

11.4-kichik band quyidagi tahrirda bayon qilinsin:

“11.4. Quyidagi tarkibdagi budjetdan tashqari Pensiya jamgʻarmasi mablagʻlaridan maqsadli foydalanilishini nazorat qilish boshqarmasi:

pensiyalar, nafaqalar va kompensatsiyalarning tayinlanishi va toʻlanishini taftish qilish boʻlimi;

TMEK xizmati faoliyatini nazorat qilish boʻlimi;

axborot-tahlil shuʼbasi”;

19-banddagi “iqtisodiyot” soʻzidan keyin “va tibbiyot” soʻzlari qoʻshilsin.

2. Vazirlar Mahkamasining “Nogironlarni sogʻlomlashtirish va protezlash milliy markazini tashkil etish toʻgʻrisida” 2006-yil 17-maydagi 89-son qarorida:

a) 2-band quyidagi tahrirda bayon qilinsin:

“2. Quyidagilar Markazning asosiy vazifalari etib belgilansin:

nogironlarni tibbiy, ijtimoiy, kasb boʻyicha reabilitatsiya qilish va protezlash;

nogironlik, nogironlarni tibbiy-ijtimoiy va kasb boʻyicha reabilitatsiya qilish, protezlash muammolari boʻyicha chuqur ilmiy tadqiqotlar oʻtkazish;

nogiron qiladigan asosiy kasalliklarga chalingan nogironlarni reabilitatsiya qilishning individual dasturlarini ishlab chiqish;

mintaqaviy markazlar faoliyatini muvofiqlashtirish;

nogironlikning holati va sabablarini tizimli asosda chuqur tahlil qilish, uning oldini olish boʻyicha ilmiy asoslangan tavsiyalarni ishlab chiqish va joriy etish;

reabilitatsiya qilish markazlari va davolash-profilaktika muassasalari bilan birgalikda nogironlarni tibbiy-ijtimoiy hamda kasb boʻyicha reabilitatsiya qilish chora-tadbirlarini ishlab chiqish va amalga oshirish;

nogironlarga faol hayot faoliyati, oʻqish va mehnat faoliyati imkoniyatini olishda koʻmaklashish”;

b) 4-band quyidagi tahrirda bayon qilinsin:

“4. Belgilab qoʻyilsinki, Markaz:

Nogironlarni reabilitatsiya qilish va protezlash milliy markazining hamda Tayanch-harakat qilish tizimi buzilgan nogironlarni reabilitatsiya qilish respublika markazining huquqiy vorisi hisoblanadi;

nogironlikning holati va sabablarini tizimli asosda chuqur tahlil qilish, uning oldini olish boʻyicha ilmiy asoslangan tavsiyalarni ishlab chiqish va joriy etish maqsadida tegishli vazirliklar, idoralardan nogironlik masalalari boʻyicha zarur maʼlumotlarni olish huquqiga ega.

Markaz faoliyati qonun hujjatlarida belgilangan tartibda respublika budjeti mablagʻlari hisobidan moliyalashtiriladi”.

3. Vazirlar Mahkamasining “Tibbiy-mehnat ekspertiza xizmati boshqarish tuzilmasini va faoliyatini tashkil etishni takomillashtirish chora-tadbirlari toʻgʻrisida” 2008-yil 8-avgustdagi 175-son qarorida (Oʻzbekiston Respublikasi QT, 2008-y., 8-son, 44-modda):

a) 1-bandning ikkinchi xatboshi quyidagi tahrirda bayon qilinsin:

“Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining Respublika Tibbiy-ijtimoiy ekspertiza inspeksiyasi toʻgʻrisidagi nizom 1-ilovaga muvofiq”;

2-bandning toʻrtinchi xatboshidagi “Oʻzbekiston Respublikasi Mehnat va aholini ijtimoiy muhofaza qilish vazirligining Nogironlarni tibbiy-ijtimoiy ekspertiza va reabilitatsiya qilish Respublika inspeksiyasi, tibbiy-mehnat ekspert komissiyalari” soʻzlari chiqarib tashlansin;

b) 1-ilovada:

ilovaning nomi quyidagi tahrirda bayon qilinsin:

“Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining Respublika tibbiy-ijtimoiy ekspertiza inspeksiyasi toʻgʻrisida nizom”;

1-band quyidagi tahrirda bayon qilinsin:

“1. Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining Respublika tibbiy-ijtimoiy ekspertiza inspeksiyasi (keyingi oʻrinlarda Inspeksiya deb ataladi) Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining respublikada tibbiy-mehnat ekspertizasi sohasida davlat boshqaruvini amalga oshiruvchi tarkibiy boʻlinmasi hisoblanadi”;

2-banddagi “Mehnat va aholini ijtimoiy muhofaza qilish vazirligining” soʻzlari “Moliya vazirligining” soʻzlari bilan almashtirilsin;

5-band quyidagi tahrirda bayon qilinsin:

“5. Quyidagilar Inspeksiyaning asosiy vazifalari hisoblanadi:

Tibbiy-mehnat ekspert komissiyalarining (keyingi oʻrinlarda TMEK deb ataladi) hayot faoliyati cheklanganligini ekspertiza qilish, nogironlikning guruhlarini, sabablarini, boshlangan vaqtini va muddatlarini aniqlash;

ekspertizalar natijalarini, davolash-profilaktika muassasalari tomonidan berilgan tibbiy hujjatlarni va fuqarolarni tibbiy tekshirish natijalarini doimiy ravishda oʻrganish asosida nogironlikning holatini, oʻzgarishini va nogironlikka olib kelgan omillarni tizimli tahlil qilish;

nogironlikning oldini olish sohasida kompleks dasturlarni ishlab chiqishda, nogironlarni tibbiy-ijtimoiy va kasb boʻyicha reabilitatsiya va ijtimoiy himoya qilish chora-tadbirlarini amalga oshirishda qatnashish;

TMEK vrach-ekspertlari lavozimiga tanlash va tavsiya etish boʻyicha malaka komissiyasi faoliyatini tashkil qilish, tasarrufidagi TMEKlarga TMEK mutaxassislarini tayyorlash, qayta tayyorlash va ularning malakasini oshirish masalalarida uslubiy yordam koʻrsatish”;

6-band quyidagi tahrirda bayon qilinsin:

“6. Inspeksiya oʻziga yuklangan vazifalarga muvofiq quyidagi funksiyalarni amalga oshiradi:

TMEK faoliyatini nazorat qiladi;

qonun hujjatlariga muvofiq nogiron deb hisoblash maqsadida fuqarolarni tibbiy tekshirish uchun barcha fuqarolarga teng imkoniyatlar berilishini taʼminlaydi;

hayot faoliyati cheklanganligini, mehnatga layoqatning yoʻqolgani darajasini, ijtimoiy himoya choralariga boʻlgan ehtiyojni aniqlashni tashkil etadi;

TMEKlarga tibbiy-mehnat ekspertizasi masalalari boʻyicha uslubiy yordam koʻrsatadi;

nogironlikning holati va sabablarini tizimli tahlil qiladi, nogironlikka olib kelgan omillarni oʻrganishda ishtirok etadi hamda Moliya vazirligi huzuridagi budjetdan tashqari Pensiya jamgʻarmasiga nogironlikning oldini olish boʻyicha takliflar kiritadi;

nogironlik koʻrsatkichlari, fuqarolarni tibbiy tekshirish va qayta tekshirish toʻgʻrisidagi maʼlumotlar bankini shakllantiradi;

TMEK mutaxassislarini tayyorlash, qayta tayyorlash va ularning malakasini oshirish tadbirlarini amalga oshiradi;

TMEK vrachlariga malaka toifalarini berish (tasdiqlash) yuzasidan attestatsiya oʻtkazish tadbirlarini qonun hujjatlarida belgilangan tartibda amalga oshiradi;

TMEKlarni joylashtirish, ularni zarur asbob-uskunalar va anjomlar bilan jihozlashni tashkil etadi, shuningdek qatʼiy hisobda turadigan blankalar bilan taʼminlash chora-tadbirlarini koʻradi;

Moliya vazirligi huzuridagi budjetdan tashqari Pensiya jamgʻarmasiga TMEKlar faoliyatini takomillashtirish boʻyicha takliflar kiritadi”;

7-bandda:

ikkinchi xatboshidagi “Mehnat va aholini ijtimoiy muhofaza qilish vazirligiga” soʻzlari “Moliya vazirligi huzuridagi budjetdan tashqari Pensiya jamgʻarmasiga” soʻzlari bilan almashtirilsin;

uchinchi xatboshidagi “va reabilitatsiya markazlari” soʻzlari chiqarib tashlansin;

9 va 10-bandlar quyidagi tahrirda bayon qilinsin:

“9. Inspeksiyani Oʻzbekiston Respublikasi Prezidenti Devoni bilan kelishgan holda Oʻzbekiston Respublikasi moliya vazirining qarori bilan lavozimga tayinlanadigan va lavozimdan ozod qilinadigan boshliq boshqaradi.

10. Inspeksiya boshligʻining bir nafar oʻrinbosari boʻladi. Boshliq oʻrinbosari Oʻzbekiston Respublikasi moliya vazirligi huzuridagi budjetdan tashqari Pensiya jamgʻarmasining ijro etuvchi direktori taqdimnomasiga binoan Oʻzbekiston Respublikasi moliya vazirining qarori bilan lavozimga tayinlanadi va lavozimdan ozod qilinadi”;

11-bandda:

toʻrtinchi xatboshi quyidagi tahrirda bayon qilinsin:

“Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining ijro etuvchi direktoriga tuman, tumanlararo, shahar va ixtisoslashtirilgan TMEKlari raislarini lavozimga tayinlash va lavozimdan ozod qilish toʻgʻrisida takliflar kiritadi”;

beshinchi xatboshi quyidagi tahrirda bayon qilinsin:

“tegishli bosh TMEK raisi taqdimnomasiga binoan bosh TMEK vrach-ekspertlarini lavozimga tayinlaydi va lavozimdan ozod qiladi”;

oltinchi xatboshi chiqarib tashlansin;

yettinchi xatboshidagi “Mehnat va aholini ijtimoiy muhofaza qilish vazirligiga” soʻzlari “Moliya vazirligi huzuridagi budjetdan tashqari Pensiya jamgʻarmasiga” soʻzlari bilan almashtirilsin;

v) 2-ilova (Tibbiy-mehnat ekspert komissiyalari toʻgʻrisida nizom)da:

1 va 3-bandlardagi “Mehnat va aholini ijtimoiy muhofaza qilish vazirligining” soʻzlari “Moliya vazirligi huzuridagi budjetdan tashqari Pensiya jamgʻarmasining” soʻzlari bilan almashtirilsin;

2-bandning ikkinchi xatboshidagi “Mehnat va aholini ijtimoiy muhofaza qilish vazirligining” soʻzlari “Moliya vazirligi huzuridagi budjetdan tashqari Pensiya jamgʻarmasining” soʻzlari bilan almashtirilsin;

10-bandda:

ikkinchi xatboshidagi “nogironlik muddatlarini” soʻzlaridan keyin “mehnatga layoqatning yoʻqolishi foizini” soʻzlari qoʻshilsin;

beshinchi xatboshidagi “tahlil qilish” soʻzlari “tizimli tahlil qilish” soʻzlari bilan almashtirilsin;

11-bandda:

sakkizinchi xatboshidagi “shuningdek nogironlarni reabilitatsiya vositalari bilan belgilangan tartibda taʼminlash” soʻzlari chiqarib tashlansin;

toʻqqizinchi xatboshi chiqarib tashlansin;

oʻn birinchi xatboshidagi “ijtimoiy taʼminot boʻlimlari hamda boshqa mehnat va aholini ijtimoiy muhofaza qilish organlari” soʻzlari “Bandlikka va aholini ijtimoiy muhofaza qilishga koʻmaklashish markazlari” soʻzlari bilan almashtirilsin;

12-bandning oltinchi xatboshidagi “va ularni mazkur vositalar bilan taʼminlashning ahvolini kuzatib borish” soʻzlari chiqarib tashlansin;

13-bandda:

uchinchi xatboshi chiqarib tashlansin;

sakkizinchi xatboshi quyidagi tahrirda bayon qilinsin:

“bosh TMEKning qarorini oʻzgartirish yoki bekor qilish uchun xulosasi asos hisoblanadigan bosh TMEK qaroriga rozi boʻlishmagan hollarda shaxslarni maxsus tashkil etilgan komissiyalarda qayta tibbiy tekshirishdan oʻtkazish”;

14-bandning beshinchi xatboshidagi “tibbiy-ijtimoiy reabilitatsiya tadbirlarini oʻtkazishga” soʻzlaridan oldin “birkitilgan davolash-profilaktika muassasalarida” soʻzlari qoʻshilsin;

16-band quyidagi tahrirda bayon qilinsin:

“16. TMEKni tashkil etish, qayta tashkil etish va tugatish toʻgʻrisidagi qaror Oʻzbekiston Respublikasi Moliya vazirligining Sogʻliqni saqlash vazirligi hamda Mehnat va aholini ijtimoiy muhofaza qilish vazirligi bilan kelishilgan taklifiga binoan Oʻzbekiston Respublikasi Vazirlar Mahkamasi tomonidan qabul qilinadi”;

18-band quyidagi tahrirda bayon qilinsin:

“18. Bosh TMEKlarning raislari Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi ijro etuvchi direktorining taqdimnomasiga binoan Oʻzbekiston Respublikasi Moliya vaziri tomonidan lavozimga tayinlanadi va lavozimdan ozod etiladi.

Bosh TMEKlar raislarining oʻrinbosarlari, ixtisoslashtirilgan, tumanlararo va tuman (shahar) TMEKlari raislari Inspeksiya boshligʻining taqdimnomasiga binoan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining ijro etuvchi direktori tomonidan lavozimga tayinlanadi va lavozimdan ozod etiladi”;

19, 20 va 21-bandlar chiqarib tashlansin;

22-band quyidagi tahrirda bayon qilinsin:

“22. Bosh TMEK ishlariga soatbay ish haqi toʻlagan holda tibbiy, texnik va boshqa masalalar boʻyicha konsultantlar jalb etilishi mumkin.

Komissiya shtatiga shuningdek katta hamshira, hamshira, sanitarka va haydovchi ham kiradi”;

26-band quyidagi tahrirda bayon qilinsin:

“26. TMEKlar majlislarida Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining davolash-profilaktika muassasalari, hududiy boshqarmalari, Nogironlarni reabilitatsiya qilish va protezlash milliy markazi, nogironlar uchun mintaqaviy reabilitatsiya markazlari, ish beruvchilar, kasaba uyushmalari, nogironlar jamiyatlari vakillari qatnashishi mumkin”;

g) 3-ilova (Tibbiy-mehnat ekspert komissiyalarida fuqarolarni koʻrikdan oʻtkazish va nogironlikni belgilash tartibi toʻgʻrisida nizom)da:

1-bandning ikkinchi xatboshidagi “mehnatga layoqatlilikning holatini” soʻzlari “hayot faoliyati, mehnatga layoqati cheklanganligi holatini” soʻzlari bilan almashtirilsin;

2-bandning toʻrtinchi xatboshidagi “xodimlarini” soʻzi “TMEK tibbiyot xodimlari, xodimlari va ularning yaqin qarindoshlarini” soʻzlari bilan almashtirilsin;

5-bandda:

ikkinchi xatboshidagi “Tuman (shahar) ijtimoiy taʼminot” soʻzlari “Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi tuman (shahar)” soʻzlari bilan almashtirilsin;

quyidagi mazmundagi xatboshi qoʻshilsin:

“Tibbiy hujjatlarda qasddan soxta maʼlumotlar koʻrsatgan, ushbu maʼlumotlari TMEK tomonidan notoʻgʻri xulosa chiqarish uchun asos boʻlgan shaxslar, shuningdek soxta xulosalar bergan yoki nogironlik guruhini qasddan notoʻgʻri belgilagan vrachlar va ekspertlar qonun hujjatlarida belgilangan javobgarlikka tortiladilar”;

8-bandda:

toʻrtinchi xatboshidagi “tibbiy tekshiruvdan oʻtayotganning roziligi bilan” soʻzlaridan keyin “belgilangan tartibda” soʻzlari qoʻshilsin;

beshinchi xatboshi quyidagi tahrirda bayon qilinsin:

“Tibbiy tekshiruvdan oʻtkazish hujjatlar TMEKga qabul qilingan kundan boshlab ikki hafta muddatda amalga oshiriladi. Nogironlik aniqlangan taqdirda hujjatlar TMEKga qabul qilingan sana nogironlik boshlangan vaqt deb hisoblanadi”;

10-bandning uchinchi xatboshidagi “oʻrganish” soʻzidan oldin “TMEKga yoʻllanmani (088/u shakli), tibbiy koʻrikdan oʻtkazish dalolatnomasidan koʻchirmalarni” soʻzlari qoʻshilsin;

11-bandning uchinchi xatboshi quyidagi tahrirda bayon qilinsin:

“TMEKning tibbiy tekshirishdan oʻtkazish dalolatnomasidan koʻchirma yetti kun muddatda, istisno hollarda esa, tumanning uzoqda joylashganligini hisobga olgan holda — oʻn kun muddatda Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining tuman (shahar) boʻlimiga qonun hujjatlariga muvofiq pensiya tayinlash uchun yuboriladi”;

12-bandning uchinchi xatboshidagi “DPMga” soʻzi “birkitilgan davolash-profilaktika muassasasiga, Nogironlarni reabilitatsiya qilish va protezlash milliy markaziga” soʻzlari bilan almashtirilsin;

14-banddagi “yuboriladi” soʻzidan oldin “birkitilgan davolash-profilaktika muassasasiga” soʻzlari qoʻshilsin;

17-band quyidagi tahrirda bayon qilinsin:

“17. Tibbiy tekshirishdan oʻtkazish natijalari boʻyicha fuqaroga oʻsha kunning oʻzida TMEKning belgilangan shakldagi, TMEKning raisi va aʼzolari tomonidan imzolangan hamda muhr bilan tasdiqlangan maʼlumotnomasi beriladi. TMEKlar majlislarida Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi hududiy boshqarmalari, davolash-profilaktika muassasalari, Nogironlarni reabilitatsiya qilish va protezlash milliy markazi, nogironlar uchun mintaqaviy reabilitatsiya markazlari, ish beruvchilar, nogironlar jamiyatlari vakillari qatnashishlari mumkin”;

18-banddagi “oʻtuvchiga” soʻzidan keyin “tibbiy koʻrikdan oʻtkazishgan, zarurat boʻlganda, qabul qilingan qaror boʻyicha tushuntirish berishadigan barcha mutaxassislar ishtirokida” soʻzlari qoʻshilsin;

19-banddagi “Mehnat layoqatini yoʻqotganlik” soʻzlari “hayot faoliyatining cheklanganligi” soʻzlari bilan almashtirilsin;

30-band quyidagi tahrirda bayon qilinsin:

“30. Organizm organlari va tizimlari noturgʻun tiklanadigan morfologik oʻzgarganda va funksiyalari buzilganda davolash samaradorligi va reabilitatsiya tadbirlarini oʻtkazish, sogʻliqning holati va ijtimoiy moslashish darajasini kuzatish maqsadida nogironlar olti, oʻn ikki yoki yigirma toʻrt oyda bir marta qayta tibbiy-mehnat ekspert tekshirishdan oʻtkaziladi.

Nogironlik navbatdagi qayta tibbiy tekshirishdan oʻtkazish belgilangan oydan keyingi oyning birinchi kunigacha belgilanadi.

Davolovchi vrachlar va Tibbiy maslahat komissiyasi (TMK) raislari nogironlik guruhi qayta tibbiy tekshirishdan oʻtkazish muddati koʻrsatilgan holda belgilangan fuqarolarni TMEKga tibbiy tekshirishdan oʻtkazishga yuborish uchun hujjatlarning oʻz vaqtida rasmiylashtirilishi uchun shaxsan javob beradilar.

Koʻrsatilgan muddatlardan oldin tibbiy tekshirishdan oʻtkazish salomatlik va mehnatga layoqatning holati oʻzgarganda, TMEK qarorining asoslanmaganligi hollari aniqlanganda, shuningdek TMEK qarori soxta hujjatlar asosida chiqarilganda hamda qonun hujjatlarida nazarda tutilgan boshqa hollarda belgilangan tartibda amalga oshiriladi.

Muddatsiz nogiron deb eʼtirof etilgan shaxslar ham yuqorida koʻrsatilgan hollarda qayta tibbiy tekshirishdan oʻtkazilishi mumkin”;

quyidagi mazmundagi 31¹-band qoʻshilsin:

“31¹. TMEK muassasalari tomonidan tibbiy tekshirishdan oʻtkazish dalolatnomalarini takroriy ekspertizadan oʻtkazish va xulosalar berish 30-bandning toʻrtinchi xatboshida nazarda tutilgan holatlarda, ilgari belgilangan muddatlardan qatʼi nazar, amalga oshiriladi.

TMEK takroriy tibbiy tekshirishdan oʻtkazish uchun nogironga takroriy tibbiy tekshirishdan oʻtkazish sanasi, vaqti va joyini koʻrsatgan holda bildirishnoma yuboradi.

Zarur darajada xabardor qilingan shaxs takroriy tibbiy tekshirishdan oʻtkazishga kelmagan taqdirda unga takroriy tibbiy tekshirishdan oʻtkazish sanasi, vaqti va joyi koʻrsatilgan holda takroran bildirishnoma yuboriladi, uzrli sabablar (statsionar davolanishda, xizmat safarida yoki oʻqishda boʻlgan hollar) bundan mustasno.

Zarur darajada xabardor qilingan shaxsning tibbiy tekshirishdan oʻtkazishga uzrli sabablarsiz takroran kelmaganligi takroriy tibbiy tekshirishdan oʻtkazish belgilangan sanadan keyin 10 kun oʻtgach nogironlik boʻyicha pensiya toʻlashning toʻxtatib qoʻyilishi uchun asos hisoblanadi.

Nogironlik boʻyicha pensiya toʻlashni toʻxtatib qoʻyish nogironning doimiy yashash joyiga borgan holda tuzilgan, nogironning takroriy tibbiy tekshirishdan oʻtkazishga kelmaganligi holatini tasdiqlovchi dalolatnoma asosida, tegishli mahalla, shaharcha, qishloq yoki ovul fuqarolar yigʻini, TMEK va TMK, Oʻzbekiston Respublikasi Moliya vazirligining Nazorat-taftish bosh boshqarmasi vakillari ishtirokida amalga oshiriladi.

Koʻrsatib oʻtilgan dalolatnoma asosida Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining tuman (shahar) boʻlimlari dalolatnoma tuzilgan sanadan keyingi oyning 1-kunidan boshlab pensiya toʻlashni toʻxtatadilar.

Bunday shaxslarga nogironlik boʻyicha pensiya toʻlovini tiklash faqat bosh TMEKlarning fuqaroning toʻlov toʻxtatib qoʻyilgan kundan boshlab salomatligi holati toʻgʻrisidagi ekspert qarori asosida amalga oshiriladi”;

32-banddagi “Mehnat va aholini ijtimoiy muhofaza qilish vazirligining” soʻzlari “Moliya vazirligi huzuridagi budjetdan tashqari Pensiya jamgʻarmasining” soʻzlari bilan almashtirilsin;

36-bandning ikkinchi xatboshidagi “ataksiya” soʻzidan keyin “har ikkala oyoq tizza boʻgʻimidan yuqori qismidagi tibbiy koʻrsatmalarga muvofiq protezlash imkoni boʻlmagan amputatsion choʻltoqlarda” soʻzlari qoʻshilsin;

d) 6-ilova (Tibbiy qayta tekshirishdan oʻtkazish muddati koʻrsatilmasdan nogironlik guruhi belgilanadigan kasalliklar roʻyxati)da:

II. Asab-psixik kasalliklar boʻlimida:

6-band quyidagi tahrirda bayon qilinsin:

“6. Bolalar tserebral falaji, nasliy-degenerativ kasalliklarning ogʻir oqibatlari, yaqqol ifodalangan qoʻpol gemisindrom, total hamda harakatlanish, sensor va oliy poʻstloq funksiyalari buzilishi (apraksiya, agnoziya, demensiya) kabi barqaror turgʻun asoratlarga ega boʻlgan ikki yildan ortiq davom etgan bosh va orqa miya qon-tomir kasalliklari hamda ogʻir jarohatlarda”;

quyidagi mazmundagi 7-band qoʻshilsin:

“7. Yaqqol ifodalangan harakatlanish, poʻstloq osti, miyacha va statodinamik buzilishlar bosqichidagi markaziy asab tizimining surunkali kuchayib boruvchi kasalliklari”;

IV boʻlimning 1-bandidagi “kar-soqovlik” soʻzlaridan keyin “va karlik” soʻzlari qoʻshilsin;

VI boʻlimning 3-bandi quyidagi tahrirda bayon qilinsin:

“3. Oxirgi 7 yil mobaynida nogironlik guruhi oʻzgarmagan va koʻrsatib oʻtilgan davr mobaynida davolash-profilaktika muassasalarida toʻlaqonli dispanserizatsiyadan oʻtgan, reabilitatsiya qilish individual dasturining barcha bandlari bajarilgan hamda keyingi reabilitatsiya tadbirlarining barcha turlarining oʻtkazilishi istiqbolsiz boʻlgan III guruh nogironlariga.

Koʻrsatib oʻtilgan talablardan hatto birortasi bajarilmagan taqdirda ham muddatsiz nogironlik belgilanmaydi”.

4. Vazirlar Mahkamasining “Sotib olingan reabilitatsiya texnik vositasi yoki koʻrsatilgan xizmatlar uchun kompensatsiya toʻlash tartibi toʻgʻrisidagi nizomni tasdiqlash haqida” 2009-yil 17-iyundagi 166-son qaroriga (Oʻzbekiston Respublikasi QT, 2009-y., 6-son, 48-modda) 2-ilovadagi “Mehnat va aholini ijtimoiy muhofaza qilish vazirligining Nogironlarni tibbiy-ijtimoiy ekspertiza va reabilitatsiya qilish respublika inspeksiyasi boshligʻi” soʻzlari “Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining Respublika tibbiy-ijtimoiy ekspertiza inspeksiyasi boshligʻi” soʻzlari bilan almashtirilsin.

5. Vazirlar Mahkamasining 2010-yil 19-fevraldagi 30-son qarori bilan tasdiqlangan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi toʻgʻrisida nizomda (Oʻzbekiston Respublikasi QT, 2010-y., 2-son, 11-modda):

a) 29-band quyidagi tahrirda bayon qilinsin:

“29. Jamgʻarmaning Qoraqalpogʻiston Respublikasi, viloyatlar va Toshkent shahar boshqarmalari boshliqlari Jamgʻarma ijro etuvchi direktorining taqdimnomasiga binoan Jamgʻarmaning Kuzatuvchi kengashi tomonidan lavozimga tayinlanadilar va lavozimdan ozod etiladilar.

Respublika tibbiy-ijtimoiy ekspertiza inspeksiyasi boshligʻi Oʻzbekiston Respublikasi Prezidenti Devoni bilan kelishgan holda Oʻzbekiston Respublikasi moliya vaziri qarori bilan lavozimga tayinlanadi va lavozimdan ozod etiladi.

Respublika tibbiy-ijtimoiy ekspertiza inspeksiyasi boshligʻining oʻrinbosari, Qoraqalpogʻiston Respublikasi, viloyatlar va Toshkent shahar bosh tibbiy-mehnat ekspert komissiyalari raislari Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining ijro etuvchi direktori taqdimnomasiga binoan Oʻzbekiston Respublikasi Moliya vaziri qarori bilan lavozimga tayinlanadilar va lavozimdan ozod etiladilar”;

b) 33-bandning yettinchi xatboshidan keyin quyidagi mazmundagi yangi xatboshi qoʻshilsin:

“Oʻzbekiston Respublikasi Sogʻliqni saqlash vazirligi hamda Mehnat va aholini ijtimoiy muhofaza qilish vazirligi bilan kelishgan holda Moliya vazirligiga TMEKni tashkil etish, qayta tashkil etish va tugatish boʻyicha takliflar kiritadi”;

sakkizinchi—oʻninchi xatboshilar tegishli ravishda toʻqqizinchi — oʻn birinchi xatboshilar deb hisoblansin.