LexUZ sharhi
Mazkur qaror O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Respublika yog‘-moy tarmog‘ini boshqarish tizimini yanada takomillashtirish, texnik chigitdan foydalanish samaradorligini oshirish, yog‘-moy sanoati korxonalarining ishlab chiqarish quvvatlarini yanada to‘liq yuklashni ta’minlash maqsadida:
O‘zbekiston Respublikasi Prezidentining “Respublikaning yog‘-moy tarmog‘ini boshqarish tizimini yanada takomillashtirish chora-tadbirlari to‘g‘risida” 2010-yil 7-sentabrdagi PQ-1401-son qaroriga muvofiq O‘zbekiston Respublikasi Iqtisodiyot vazirligi, Moliya vazirligi, Yog‘-moy va oziq-ovqat sanoati uyushmasi, Qoraqalpog‘iston Respublikasi Vazirlar Kengashi, viloyatlar hokimliklari bilan hamkorlikda yog‘-moy sanoati korxonalarining texnologik jihozlanish holati, ishlab chiqarish quvvatlaridan foydalanish samaradorligi, texnik chigitni qayta ishlash texnologik reglamentlariga rioya etilishi tanqidiy o‘rganib chiqildi;
rahbar xodimlar attestatsiyadan o‘tkazildi hamda tarmoq korxonalarini mazkur sohada tegishli bilim va ish tajribasiga ega bo‘lgan malakali mutaxassislar bilan ta’minlash chora-tadbirlari ko‘rildi;
o‘tkazilgan tahlil asosida texnik chigitni qayta ishlovchi yog‘-moy tarmog‘i korxonalarining sonini yanada maqbullashtirish bo‘yicha takliflar ishlab chiqildi.
Oldingi tahrirga qarang.
(2-band O‘zbekiston Respublikasi Prezidentining 2017-yil 3-yanvardagi PF-4911-sonli Farmoniga asosan o‘z kuchini yo‘qotgan — O‘R QHT, 2017-y., 2-son, 26-modda)
3. O‘zbekiston Respublikasi Prezidentining “2007 — 2010-yillarda xususiylashtirish jarayonlarini yanada chuqurlashtirish va xorijiy investitsiyalarni faol jalb qilish chora-tadbirlari to‘g‘risida” 2007-yil 20-iyuldagi PQ-672-son qarorining 2-bandidagi “va yog‘-moy” so‘zlari chiqarib tashlansin.
4. Mazkur qarorning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.