Oʻzbekiston Respublikasi Vazirlar Mahkamasining “Xalqaro moliya institutlari, xorijiy hukumatlarning moliyaviy tashkilotlari va donor mamlakatlarning mablagʻlarini jalb etish va ulardan samarali foydalanish tizimini takomillashtirish chora-tadbirlari toʻgʻrisida” 2009-yil 12-avgustdagi 229-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq baʼzi qarorlariga oʻzgartirishlar kiritilsin.

2. Quyidagilar:

Vazirlar Mahkamasining “Xalqaro valyuta jamgʻarmasi va Jahon banki guruhi bilan hamkorlikni rivojlantirish chora-tadbirlari toʻgʻrisida” 1996-yil 22-iyuldagi 261-son qarori;

Vazirlar Mahkamasining “Ikki tomonlama Hukumatlararo va Idoralararo komissiyalar, qoʻmitalar va kengashlarning tarkiblarini tasdiqlash toʻgʻrisida” 1998-yil 14-dekabrdagi 520-son qaroriga 25 va 26-ilovalar oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Vazirlar Mahkamasining “Oʻzbekiston Respublikasi Investitsiya dasturiga kiritilgan loyihalarning amalga oshirilishi ustidan davlat monitoringi toʻgʻrisida” 2000-yil 4-yanvardagi 1-son qarorida:

a) 2-bandning uchinchi xatboshidagi “Muvofiqlashtiruvchi kengash” soʻzlari “Oʻzbekiston Respublikasi Vazirlar Mahkamasi huzuridagi Xalqaro moliya institutlari, tashkilotlari va donor mamlakatlar bilan hamkorlik qilish, yirik va strategik jihatdan muhim investitsiya loyihalarini amalga oshirish masalalari boʻyicha Idoralararo kengash” soʻzlari bilan almashtirilsin;

b) 3-bandning oltinchi xatboshidagi “Muvofiqlashtiruvchi kengash” soʻzlari “Idoralararo kengash” soʻzlari bilan almashtirilsin;

v) 5 va 6-bandlar oʻz kuchini yoʻqotgan deb hisoblansin.

2. Vazirlar Mahkamasining “Kapital qurilishda xoʻjalik munosabatlari mexanizmini takomillashtirish chora-tadbirlari toʻgʻrisida” 2003-yil 12-sentabrdagi 395-son qarorida (Oʻzbekiston Respublikasi QT, 2003-y., 9-son, 83-modda):

a) 2-ilovaning 46-bandidagi “Muvofiqlashtiruvchi kengash” soʻzlari “Oʻzbekiston Respublikasi Vazirlar Mahkamasi huzuridagi Xalqaro moliya institutlari, tashkilotlari va donor mamlakatlar bilan hamkorlik qilish, yirik va strategik jihatdan muhim investitsiya loyihalarini amalga oshirish masalalari boʻyicha Idoralararo kengash” soʻzlari bilan almashtirilsin;

b) 4-ilovaning 32-bandidagi “Muvofiqlashtiruvchi kengashning” soʻzlari “Oʻzbekiston Respublikasi Vazirlar Mahkamasi huzuridagi Xalqaro moliya institutlari, tashkilotlari va donor mamlakatlar bilan hamkorlik qilish, yirik va strategik jihatdan muhim investitsiya loyihalarini amalga oshirish masalalari boʻyicha Idoralararo kengashning” soʻzlari bilan almashtirilsin.

3. Vazirlar Mahkamasining “Oʻzbekiston Respublikasi Prezidentining farmonlari va Oʻzbekiston Respublikasi Vazirlar Mahkamasining qarorlari bilan tashkil etilgan respublika komissiyalari va kengashlari rahbarlarining tarkiblari toʻgʻrisida” 2004-yil 9-fevraldagi 60-son qaroriga 1-ilovadagi “Oʻzbekiston Respublikasi Bosh vazirining oʻrinbosari — Qurilish, qurilish materiallari sanoati, kommunal xizmatlar koʻrsatish va transport kompleksi rahbari boshqaradigan komissiyalar” boʻlimining 1-bandi oʻz kuchini yoʻqotgan deb hisoblansin.

4. Vazirlar Mahkamasining “Kommunal xizmat koʻrsatish sohasiga zamonaviy hisobga olish priborlarini va resurslarni tejovchi texnologiyalarni joriy etish dasturi toʻgʻrisida” 2005-yil 11-fevraldagi 61-son qaroriga 5-ilova izohlarining birinchi xatboshi quyidagi tahrirda bayon qilinsin:

“Vazirlar Mahkamasi huzuridagi Xalqaro moliya institutlari, tashkilotlari va donor mamlakatlar bilan hamkorlik qilish, yirik va strategik jihatdan muhim investitsiya loyihalarini amalga oshirish masalalari boʻyicha Idoralararo kengash moliyalashtirish manbalarini belgilagan holda investitsiya loyihalari roʻyxatiga aniqlik kiritish huquqiga ega”.

5. Vazirlar Mahkamasining 2005-yil 15-noyabrdagi 251-son qarori (Oʻzbekiston Respublikasi QT, 2005-y., 11-son, 61-modda) bilan tasdiqlangan Oʻzbekiston Respublikasi Investitsiya dasturiga kiritilgan loyihalarni tayyorlash va amalga oshirish ustidan davlat monitoringi toʻgʻrisidagi nizomda:

a) 3-bandning uchinchi xatboshi quyidagi tahrirda bayon qilinsin:

“Vazirlar Mahkamasi huzuridagi Xalqaro moliya institutlari, tashkilotlari va donor mamlakatlar bilan hamkorlik qilish, yirik va strategik jihatdan muhim investitsiya loyihalarini amalga oshirish masalalari boʻyicha Idoralararo kengash (keyingi oʻrinlarda Idoralararo kengash deb ataladi) — xorijiy investitsiyalar ishtirokidagi yirik va strategik jihatdan muhim investitsiya loyihalarini amalga oshirish boʻyicha”;

b) 13-banddagi “Muvofiqlashtiruvchi kengashning” soʻzlari “Idoralararo kengashning” soʻzlari bilan va 18-bandning yettinchi xatboshidagi “Muvofiqlashtiruvchi kengashga” soʻzlari “Idoralararo kengashga” soʻzlari bilan almashtirilsin;

v) 16-bandning birinchi xatboshidagi “Muvofiqlashtiruvchi kengash” soʻzlari “Idoralararo kengash” soʻzlari bilan almashtirilsin.

6. Vazirlar Mahkamasining “2008—2012-yillarda Qashqadaryo va Surxondaryo viloyatlarida qurilish materiallari sanoatini yanada rivojlantirish chora-tadbirlari toʻgʻrisida” 2008-yil 23-yanvardagi 12-son qarorining 8-bandi ikkinchi xatboshidagi “Xorijiy investitsiyalar ishtirokidagi yirik va strategik jihatdan muhim investitsiya loyihalarini amalga oshirish boʻyicha Muvofiqlashtiruvchi kengash” soʻzlari “Oʻzbekiston Respublikasi Vazirlar Mahkamasi huzuridagi Xalqaro moliya institutlari, tashkilotlari va donor mamlakatlar bilan hamkorlik qilish, yirik va strategik jihatdan muhim investitsiya loyihalarini amalga oshirish masalalari boʻyicha Idoralararo kengash” soʻzlari bilan almashtirilsin.

7. Vazirlar Mahkamasining “2009-yilda umumiy foydalaniladigan xalqaro va davlat ahamiyatiga ega boʻlgan avtomobil yoʻllarini taʼmirlash dasturlari toʻgʻrisida” 2009-yil 21-yanvardagi 18-son qarori 5-bandining birinchi xatboshidagi “Xorijiy investitsiyalar ishtirokidagi yirik va strategik jihatdan muhim investitsiya loyihalarini amalga oshirish boʻyicha Muvofiqlashtiruvchi kengash” soʻzlari “Oʻzbekiston Respublikasi Vazirlar Mahkamasi huzuridagi Xalqaro moliya institutlari, tashkilotlari va donor mamlakatlar bilan hamkorlik qilish, yirik va strategik jihatdan muhim investitsiya loyihalarini amalga oshirish masalalari boʻyicha Idoralararo kengash” soʻzlari bilan almashtirilsin.