“Oʻzbekiston Respublikasi Prezidentining ayrim farmonlariga oʻzgartish va qoʻshimchalar kiritish toʻgʻrisida” Oʻzbekiston Respublikasi Prezidentining 2009-yil 27-fevraldagi PF-4087-son Farmoniga muvofiq hamda soliq imtiyozlarini tartibga solish maqsadida:

1. Oʻzbekiston Respublikasi Prezidentining baʼzi farmonlariga 1-ilovaga muvofiq oʻzgartishlar kiritilsin.

2. Oʻzbekiston Respublikasi Prezidentining ayrim qarorlari 2-ilovaga muvofiq oʻz kuchini yoʻqotgan deb topilsin.

3. Oʻzbekiston Respublikasi Vazirlar Mahkamasining qarorlari bilan berilgan, muddatsiz xarakterga ega boʻlgan soliq imtiyozlari 2009-yilning 1-iyulidan boshlab oʻz kuchini yoʻqotgan deb hisoblansin, 3-ilovada nazarda tutilgan qarorlar bundan mustasno.

4. Belgilab qoʻyilsinki, vaqtinchalik xarakterga ega boʻlgan va ilgari Oʻzbekiston Respublikasi Vazirlar Mahkamasining qarorlari bilan berilgan soliq imtiyozlari ularning amal qilish muddati tugagunga qadar saqlanib qoladi.

5. Mazkur Farmonning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

1. Oʻzbekiston Respublikasi Prezidentining “Xorijiy investitsiyalar ishtirokidagi korxonalarni tashkil etishni va ularning faoliyatini ragʻbatlantirishga oid qoʻshimcha chora-tadbirlar toʻgʻrisida” 1996-yil 31-maydagi PF-1467-son Farmonida:

2-bandning birinchi xatboshidagi “va imtiyozlarning” soʻzlari chiqarib tashlansin;

4-band chiqarib tashlansin;

ilovada:

sarlavhadagi “va imtiyozlar” soʻzlari chiqarib tashlansin;

II boʻlim chiqarib tashlansin.

2. Oʻzbekiston Respublikasi Prezidentining “Neft va gaz konlarini razvedka qilish hamda ularni qazib chiqarishga bevosita xorijiy sarmoyalarni jalb etish chora-tadbirlari toʻgʻrisida” 2000-yil 28-apreldagi PF-2598-son Farmonida:

a) 4-bandning ikkinchi xatboshi quyidagi tahrirda bayon etilsin:

“geologiya-razvedka ishlarini oʻtkazish davrida budjetdan tashqari jamgʻarmalarga barcha turdagi soliqlar va majburiy ajratmalarni”;

b) 7-band quyidagi tahrirda bayon etilsin:

“7. Neft va gaz konlarini qidirish va razvedka qilish ishlarini amalga oshirgan xorijiy kompaniyalar ishtirokida tashkil etiladigan neft va gaz qazib chiqaruvchi qoʻshma korxonalar neft yoki gaz qazib olinishidan boshlab 7 yil muddatga foyda soligʻi toʻlashdan ozod qilinsin”.

3. Oʻzbekiston Respublikasi Prezidentining “Eksport mahsuloti ishlab chiqaruvchilarni ragʻbatlantirish borasidagi qoʻshimcha chora-tadbirlar toʻgʻrisida” 2000-yil 5-iyundagi PF-2613-son Farmonining 1-bandi quyidagi tahrirda bayon etilsin:

“1. Eksport qiluvchi korxonalar uchun foyda soligʻi va mulk soligʻini toʻlash tartibi umumiy sotish hajmida oʻzi ishlab chiqargan va erkin almashtiriladigan valyutaga sotilgan tovarlar, ishlar, xizmatlar eksportidagi (ishlar bajarilgan, xizmatlar koʻrsatilgan joydan qatʼiy nazar) ulushiga bogʻliq holda quyidagicha belgilansin:

eksport ulushi 15 foizdan 30 foizgacha miqdorda boʻlganida — belgilangan foyda soligʻi va mulk soligʻi stavkalari 30 foizga kamaytiriladi;

eksport ulushi 30 va undan koʻproq foiz boʻlganida — belgilangan foyda soligʻi va mulk soligʻi stavkalari 50 foizga kamaytiriladi.

Mazkur soliq imtiyozi yagona soliq toʻlovini hisoblash chogʻida mikrofirmalar va kichik korxonalarga tatbiq etilsin”.

4. Oʻzbekiston Respublikasi Prezidentining “Ishlab chiqarishni modernizatsiyalar, texnik va texnologik qayta jihozlashni ragʻbatlantirishga oid qoʻshimcha chora-tadbirlar toʻgʻrisida” 2007-yil 14-martdagi PF-3860-son Farmonida:

3-banddagi “ishlab chiqarish mikrofirmalari va kichik korxonalari” degan soʻzlar “yuridik shaxslar” soʻzlari bilan almashtirilsin;

4-bandning uchinchi xatboshi quyidagi tahrirda bayon etilsin:

“Texnologik jihozlar xarid (import) qilingan paytdan boshlab uch yil ichida sotib yuborilgan yoki tekinga berilgan boʻlsa, qayd etib oʻtilgan soliq imtiyozlarining amal qilishi bekor qilinadi, budjetga tegishli soliqlar toʻlash boʻyicha majburiyatlar tiklanadi. Texnologik jihozlar xarid (import) qilingan paytdan boshlab uch yil ichida sotib yuborilgan yoki tekinga berilgan boʻlsa, bojxona toʻlovlari boʻyicha imtiyozlar bekor qilinadi va budjetga bojxona toʻlovlari toʻlash boʻyicha majburiyatlar tiklanadi”.

1. Oʻzbekiston Respublikasi Prezidentining “Respublikada dehqon (fermer) xoʻjaliklarini yanada mustahkamlash va tadbirkorlik faoliyatini davlat yoʻli bilan qoʻllab-quvvatlash toʻgʻrisida” 1991-yil 29-noyabrdagi PF-295-son Farmonining 13-bandi.

2. Oʻzbekiston Respublikasi Prezidentining “Yaylov chorvachiligi (qorakoʻlchilik, qoʻychilik, uyur yilqichiligi va tuyachiligi) xodimlarini ijtimoiy jihatdan himoya qilishning qoʻshimcha tadbirlari toʻgʻrisida” 1992-yil 7-yanvardagi PF-307-son Farmonining 1-bandi.

3. Oʻzbekiston Respublikasi Prezidentining “Oʻzbekiston Respublikasida tashqi iqtisodiy faoliyatni ragʻbatlantirish, xorijiy sarmoyalarni jalb etish va himoya qilish choralari toʻgʻrisida” 1992-yil 24-iyuldagi PF-445-son Farmonining 8-bandi.

4. Oʻzbekiston Respublikasi Prezidentining “Buyuk Ipak yoʻlini qayta tiklashda Oʻzbekiston Respublikasining ishtirokini avj oldirish va respublikada xalqaro turizmni rivojlantirish borasidagi chora-tadbirlar toʻgʻrisida” 1995-yil 2-iyundagi PF-1162-son Farmonining 3 va 4-bandlari.

5. Oʻzbekiston Respublikasi Prezidentining “Bozorlarning faoliyatini tashkil etishni va aholiga xizmat koʻrsatish sifatini yaxshilashga doir qoʻshimcha chora-tadbirlar toʻgʻrisida” 1996-yil 5-martdagi PF-1384-son Farmonining 3-bandi.

6. Oʻzbekiston Respublikasi Prezidentining “Qishloq xoʻjalik ishlab chiqarishini davlat yoʻli bilan qoʻllab-quvvatlash chora-tadbirlari toʻgʻrisida” 1996-yil 3-apreldagi PF-1416-son Farmonining 3-bandi.

7. Oʻzbekiston Respublikasi Prezidentining “Oʻzbekiston faxriylarini ijtimoiy qoʻllab-quvvatlash “Nuroniy” jamgʻarmasi toʻgʻrisida” 1996-yil 4-dekabrdagi PF-1655-son Farmonining 7-bandi.

8. Oʻzbekiston Respublikasi Prezidentining “Kichik va oʻrta tadbirkorlikni rivojlantirishni ragʻbatlantirishga oid qoʻshimcha chora-tadbirlar toʻgʻrisida” 1997-yil 31-yanvardagi PF-1702-son Farmonining 5-bandi.

9. Oʻzbekiston Respublikasi Prezidentining “Dehqon va fermer xoʻjaliklarini davlat yoʻli bilan qoʻllab-quvvatlash hamda mamlakatni oziq-ovqat bilan taʼminlashda ularning rolini kuchaytirish borasidagi chora-tadbirlar toʻgʻrisida” 1997-yil 18-martdagi PF-1737-son Farmonining 7-bandi.

10. Oʻzbekiston Respublikasi Prezidentining “Xususiy tijorat banklarini tashkil qilishni ragʻbatlantirish chora-tadbirlari toʻgʻrisida” 1997-yil 24-apreldagi PF-1749-son Farmoni 1-bandining toʻrtinchi xatboshi.

11. Oʻzbekiston Respublikasi Prezidentining “Investitsiya loyihalarini amalga oshirishni ragʻbatlantirish borasidagi qoʻshimcha chora-tadbirlar toʻgʻrisida” 1998-yil 19-yanvardagi PF-1919-son Farmoni.

12. Oʻzbekiston Respublikasi Prezidentining “Xususiy tadbirkorlik, kichik biznesni rivojlantirishni yanada ragʻbatlantirish chora-tadbirlari toʻgʻrisida” 1998-yil 9-apreldagi PF-1987-son Farmonining 3-bandi.

13. Oʻzbekiston Respublikasi Prezidentining “Investitsiya loyihalarini amalga oshirishni ragʻbatlantirish borasidagi qoʻshimcha chora-tadbirlar toʻgʻrisida” 1998-yil 19-yanvardagi PF-1919-son Farmoniga oʻzgartish va qoʻshimchalar kiritish haqida” 1998-yil 25-maydagi PF-1998-son Farmoni.

14. “Oʻzbekiston Respublikasi Prezidentining 1998-yil 19-yanvardagi “Investitsiya loyihalarini amalga oshirishni ragʻbatlantirish borasidagi qoʻshimcha chora-tadbirlar toʻgʻrisida”gi PF-1919-son Farmoniga qoʻshimchalar kiritish toʻgʻrisida” Oʻzbekiston Respublikasi Prezidentining 1998-yil 3-avgustdagi PF-2065-son Farmoni.

15. Oʻzbekiston Respublikasi Prezidentining “Qishloq xoʻjaligi tovar ishlab chiqaruvchilari uchun yagona yer soligʻini joriy etish toʻgʻrisida” 1998-yil 10-oktabrdagi PF-2086-son Farmoni.

16. Oʻzbekiston Respublikasi Prezidentining “Oʻzbekiston Respublikasi Sogʻliqni saqlash tizimini isloh qilish davlat dasturi toʻgʻrisida” 1998-yil 10-noyabrdagi PF-2107-son Farmoni 13-bandining ikkinchi xatboshi.

17. Oʻzbekiston Respublikasi Prezidentining “Jismoniy shaxslarning daromadlarini soliqqa tortish shkalasini takomillashtirish toʻgʻrisida” 2000-yil 26-dekabrdagi PF-2793-son Farmoni.

18. Oʻzbekiston Respublikasi Prezidentining “Sugʻurta bozorini yanada erkinlashtirish va rivojlantirish chora-tadbirlari toʻgʻrisida” 2002-yil 31-yanvardagi PF-3022-son Farmonining 3-bandi.

19. Oʻzbekiston Respublikasi Prezidentining “Lizing faoliyatini rivojlantirishni yanada ragʻbatlantirish chora-tadbirlari toʻgʻrisida” 2002-yil 28-avgustdagi PF-3122-son Farmoni.

20. Oʻzbekiston Respublikasi Prezidentining “Istiqbolli yosh pedagog va ilmiy kadrlar malakasini oshirish va tajriba almashuv tizimini takomillashtirish toʻgʻrisida” 2003-yil 1-iyuldagi PF-3272-son Farmoni 6-bandining ikkinchi xatboshi.

21. Oʻzbekiston Respublikasi Prezidentining “2004 — 2006-yillarda fermer xoʻjaliklarini rivojlantirish konsepsiyasi toʻgʻrisida” 2003-yil 27-oktabrdagi PF-3342-son Farmonining 10-bandi.

22. “Oʻzbekiston Respublikasi Prezidentining baʼzi farmonlariga oʻzgartishlar kiritish toʻgʻrisida” Oʻzbekiston Respublikasi Prezidentining 2004-yil 8-yanvardagi PF-3376-son Farmoni ilovasining 5 va 13-bandlari.

23. Oʻzbekiston Respublikasi Prezidentining “Mikrofirmalar va kichik korxonalarni rivojlantirishni ragʻbatlantirish borasidagi qoʻshimcha chora-tadbirlar toʻgʻrisida” 2005-yil 20-iyundagi PF-3620-son Farmoni.

24. Oʻzbekiston Respublikasi Prezidentining “Yirik sanoat korxonalari bilan kasanachilikni rivojlantirish asosidagi ishlab chiqarish va xizmatlar oʻrtasida kooperatsiyani kengaytirishni ragʻbatlantirish chora-tadbirlari toʻgʻrisida” 2006-yil 5-yanvardagi PF-3706-son Farmoni 5-bandining ikkinchi xatboshi.

25. “Oʻzbekiston Respublikasi Prezidentining “Qishloq xoʻjaligi tovar ishlab chiqaruvchilari uchun yagona yer soligʻini joriy etish toʻgʻrisida” 1998-yil 10-oktabrdagi PF-2086-son Farmoniga qoʻshimchalar kiritish toʻgʻrisida” Oʻzbekiston Respublikasi Prezidentining 2006-yil 17-apreldagi PF-3741-son Farmoni.

26. “Oʻzbekiston Respublikasi Prezidentining baʼzi farmonlariga oʻzgartishlar kiritish toʻgʻrisida” Oʻzbekiston Respublikasi Prezidentining 2006-yil 7-iyuldagi PF-3771-son Farmoni ilovasining 1 va 4-bandlari.

27. “Oʻzbekiston Respublikasi Prezidentining baʼzi farmonlariga oʻzgartish va qoʻshimchalar kiritish, shuningdek ayrim hujjatlarini oʻz kuchini yoʻqotgan deb hisoblash toʻgʻrisida” Oʻzbekiston Respublikasi Prezidentining 2007-yil 6-fevraldagi PF-3850-son Farmoni 1-ilovasining 2-bandi.

28. “Oʻzbekiston Respublikasi Prezidentining baʼzi hujjatlariga oʻzgartish va qoʻshimchalar kiritish toʻgʻrisida” Oʻzbekiston Respublikasi Prezidentining 2007-yil 5-iyundagi PF-3883-son Farmoni ilovasining 1—4-bandlari.

29. “Oʻzbekiston Respublikasi Prezidentining “Qishloq xoʻjaligi tovar ishlab chiqaruvchilari uchun yagona yer soligʻini joriy etish toʻgʻrisida” 1998-yil 10-oktabrdagi PF-2086-sonli Farmoniga oʻzgartishlar kiritish toʻgʻrisida” Oʻzbekiston Respublikasi Prezidentining 2007-yil 19-iyundagi PF-3886-son Farmoni.

30. Oʻzbekiston Respublikasi Prezidentining “Oʻzbekistonda fuqarolik jamiyati institutlarini rivojlantirishga koʻmaklashish borasidagi chora-tadbirlar toʻgʻrisida” 2005-yil 23-iyundagi PQ-107-son qarorining 6-bandi.

31. Oʻzbekiston Respublikasi Prezidentining “Fuqarolik jamiyati institutlarini davlat tomonidan qoʻllab-quvvatlashga doir qoʻshimcha chora-tadbirlar toʻgʻrisida” 2006-yil 7-iyuldagi PQ-404-son qarori 2-bandining ikkinchi xatboshi.

32. Oʻzbekiston Respublikasi Prezidentining “Banklarning kapitallashuvini yanada oshirish va iqtisodiyotni modernizatsiyalashdagi investitsiya jarayonlarida ularning ishtirokini faollashtirish chora-tadbirlari toʻgʻrisida” 2007-yil 12-iyuldagi PQ-670-son qarorining 6-bandi.

1. Vazirlar Mahkamasining “Oʻzbekiston Respublikasi Davlat chegarasiga tutash hududlarda yerdan foydalanishni tartibga solish toʻgʻrisida” 1994-yil 26-sentabrdagi 480-son qarori 4-bandining ikkinchi xatboshi.

2. Vazirlar Mahkamasining “Xalqaro ilmiy-texnikaviy aloqalarni rivojlantirishni, xalqaro va xorijiy tashkilotlar va jamgʻarmalar grantlari boʻyicha ilmiy dasturlar va loyihalarni davlat tomonidan qoʻllab-quvvatlash toʻgʻrisida” 1998-yil 19-yanvardagi 31-son qarorining 2-bandi.

3. Vazirlar Mahkamasining “Xalqaro reyslarda yoʻlovchilarni ovqatlantirish uchun “Oʻzbekiston havo yoʻllari” Milliy aviakompaniyasi va uning boʻlinmalari tomonidan keltiriladigan tovarlarni olib kirish tartibi toʻgʻrisida” 1999-yil 6-maydagi 222-son qarorining 1-bandi.

4. Vazirlar Mahkamasining “Oʻzbekiston Respublikasi konlarida suyuq uglevodorodlar qazib chiqarishni koʻpaytirish toʻgʻrisida” 1999-yil 2-iyuldagi 322-son qarorining 3-bandi.

5. Vazirlar Mahkamasining “Vatan va xalq ozodligi yoʻlida qurbon boʻlgan fidoiylar xotirasini abadiylashtirish toʻgʻrisida” 1999-yil 22-iyuldagi 358-son qarori 4-bandining uchinchi xatboshi.

6. Vazirlar Mahkamasining “Oʻzbekenergo” Davlat-aksiyadorlik kompaniyasi faoliyatini tashkil etish chora-tadbirlari toʻgʻrisida” 2001-yil 24-fevraldagi 93-son qarori 4-bandining toʻrtinchi xatboshi.

7. Vazirlar Mahkamasining “Aholiga kommunal xizmat koʻrsatishni takomillashtirishga doir qoʻshimcha chora-tadbirlar toʻgʻrisida” (Oʻzbekiston Respublikasi QT, 2001-yil, 4-son, 23-modda) 2001-yil 18-apreldagi 178-son qarori 2-bandining ikkinchi xatboshi.

8. Vazirlar Mahkamasining “Koʻmir tannarxini pasaytirish va koʻmir sanoatini yanada rivojlantirishga doir qoʻshimcha chora-tadbirlar toʻgʻrisida” 2003-yil 7-avgustdagi 345-son qarori 6-bandining uchinchi xatboshi.

9. Vazirlar Mahkamasining “Past rentabelli, zarar koʻrib ishlayotgan, iqtisodiy nochor davlat korxonalarini va obyektlarni xususiylashtirishni jadallashtirishga doir qoʻshimcha chora-tadbirlar toʻgʻrisida” (Oʻzbekiston Respublikasi QT, 2003-yil, 8-son, 78-modda) 2003-yil 26-avgustdagi 368-son qarori 3-bandining oltinchi xatboshi.

10. Vazirlar Mahkamasining “Korxonalarda xalqaro standartlarga muvofiq boʻlgan sifatni boshqarish tizimlarini joriy etish chora-tadbirlari toʻgʻrisida” (Oʻzbekiston Respublikasi QT, 2004-yil, 7-son, 73-modda) 2004-yil 22-iyuldagi 349-son qarorining 4 va 5-bandlari.