LexUZ sharhi
Mazkur qaror O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Davlat ehtiyojlari uchun boshoqli don ekinlarini ishlab chiqarishni rag‘batlantirish va davlat ehtiyojlari uchun sotishni kuchaytirish, mintaqaviy hamda jahon bozorlarida vujudga kelgan don narxlari konyunkturasini hisobga olgan holda narxlarni shakllantirishning bozor tamoyillariga to‘liq o‘tish, don ishlab chiqaruvchilar bilan tayyorlovchilar o‘rtasida o‘zaro hisob-kitob tizimini tubdan soddalashtirish va oshkoraligini oshirish, shuningdek, don ishlab chiqaruvchi xo‘jaliklarning moliyaviy ahvolini mustahkamlash maqsadida:
1. Shunday tartib o‘rnatilsinki, unga muvofiq 2008-yil hosilidan boshlab don ekuvchi xo‘jaliklar bilan tuziladigan kontraktatsiya shartnomalari bo‘yicha davlat ehtiyojlari uchun don xarid qilish kelishilgan yagona xarid narxlari bo‘yicha amalga oshiriladi.
2. O‘zbekiston Respublikasi Moliya vazirligi, Qishloq va suv xo‘jaligi vazirligi, “O‘zdonmahsulot” kompaniyasining jahon hamda mintaqaviy bozorlarida vujudga kelgan don narxlari konyunkturasini hisobga olgan holda 2008-yil hosilining 3 klassli yumshoq bug‘doyiga har tonnasi uchun 169 000 so‘m miqdorida bazaviy yagona xarid narxini belgilash to‘g‘risidagi taklifi qabul qilinsin.
2008-yil hosili uchun kontraktatsiya shartnomalarida nazarda tutilgan don ekuvchi xo‘jaliklar tomonidan davlat ehtiyojlari uchun sotilgan ortiqcha don hajmlari uchun yagona xarid narxlaridan 10 foiz ortiq narxlar bo‘yicha to‘lov amalga oshiriladi;
Oldingi tahrirga qarang.
(3-bandning uchinchi xatboshisi O‘zbekiston Respublikasi Prezidentining 2010-yil 15-sentabrdagi PQ-1404-sonli qaroriga muvofiq o‘z kuchini yo‘qotgan — Oliy Majlisi palatalarining Axborotnomasi, 2010-y., 9-son, 377-modda)
4. O‘zbekiston Respublikasi Moliya vazirligi bir hafta muddatda manfaatdor vazirliklar va idoralar, Qoraqalpog‘iston Respublikasi Vazirlar Kengashi, viloyatlar hokimliklariga boshoqli don ekinlari sifat ko‘rsatkichlarini hisobga olgan holda yagona xarid narxlari va hisob-kitoblar tartibidan xabardor qilsin.
O‘zbekiston Respublikasi Vazirlar Mahkamasining “2002-yil hosili uchun boshoqli don ekinlarini yig‘ishtirib olishga doir tashkiliy chora-tadbirlar to‘g‘risida” 2002-yil 19-yanvardagi 27-sonli qarori va Vazirlar Mahkamasining 2002-yil 22-maydagi 170-sonli qarori;
O‘zbekiston Respublikasi Vazirlar Mahkamasining “Boshoqli don ekinlarini xarid qilish narxlarini shakllantirish tartibi to‘g‘risida” 2003-yil 15-maydagi 216-33-sonli qarorining 3-bandi;
O‘zbekiston Respublikasi Prezidentining 2007-yil 13-sentabrdagi PQ-693-sonli Qarorining 3-bandi uchinchi xatboshi va Qarorning 5-ilovasi o‘z kuchini yo‘qotgan deb hisoblansin.
6. Mazkur Qarorning bajarilishini nazorat qilish O‘zbekiston Respublikasi Bosh vaziri Sh.M. Mirziyoyev zimmasiga yuklansin.