Oʻzbekiston Respublikasi Prezidentining “Xalq taʼlimi muassasalarini moliyalashtirish mexanizmini takomillashtirish toʻgʻrisida” 2007-yil 26-fevraldagi PF-3857-son Farmoniga hamda Oʻzbekiston Respublikasi Prezidentining “Davlat budjetining gʻazna ijrosi tizimini yanada rivojlantirish chora-tadbirlari toʻgʻrisida” 2007-yil 28-fevraldagi PQ-594-son qaroriga muvofiq Vazirlar Mahkamasi qaror qiladi:

1. Vazirlar Mahkamasining “Budjet tashkilotlarini mablagʻ bilan taʼminlash tartibini takomillashtirish toʻgʻrisida” 1999-yil 3-sentabrdagi 414-son qaroriga (Oʻzbekiston Respublikasi QT, 1999-y., 9-son, 51-modda) ilovaga muvofiq oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

1. 2-bandda:

quyidagi mazmundagi oltinchi xatboshi qoʻshilsin:

“Gʻazna ijrosiga oʻtgan budjet mablagʻlari oluvchilarning xarajatlari Moliya vazirligining Gʻaznachiligi va uning hududiy boʻlinmalari tomonidan yagona gʻazna hisob raqamidan, shuningdek yuqorida koʻrsatilgan xarajatlar guruhlarining har bir moddasi boʻyicha hududiy gʻaznachilik hisob raqamidan amalga oshiriladi”;

oltinchi xatboshi yettinchi xatboshi deb hisoblansin;

yettinchi xatboshidagi “mablagʻ bilan taʼminlash” soʻzlari “xarajatlarini moliyalashtirish (toʻlash)” soʻzlari bilan almashtirilsin;

2. 4-banddagi “2008-yil 1-yanvargacha” soʻzlari “2010-yil 1-yanvargacha” soʻzlari bilan almashtirilsin;

3. 5-bandda:

ikkinchi xatboshi quyidagi tahrirda bayon qilinsin:

“gʻazna ijrosiga oʻtmagan budjet tashkilotlari boʻyicha — rejaga muvofiq budjetdan mablagʻ bilan taʼminlash hisobiga tushgan va hisobot choragining oxirgi ish kuni oxirida budjet tashkilotlari hisob raqamlarida qolgan tejab qolingan mablagʻlar (kapital qoʻyilmalarni moliyalashtirish uchun nazarda tutilgan mablagʻlar bundan mustasno)”;

quyidagi mazmundagi uchinchi xatboshi qoʻshilsin:

“gʻazna ijrosiga oʻtgan budjet tashkilotlari boʻyicha — budjet tashkilotlarining Moliya vazirligining Gʻaznachiligi va uning hududiy boʻlinmalarida ochilgan hisob raqamlarida hisobot choragining oxirgi ish kuni oxirida qolgan tejab qolingan mablagʻlar (kapital qoʻyilmalar xarajatlariga haq toʻlash uchun nazarda tutilgan mablagʻlar bundan mustasno)”;

uchinchi—beshinchi xatboshi tegishli ravishda toʻrtinchi—oltinchi xatboshi deb hisoblansin;

beshinchi xatboshidagi “mahalliy” soʻzi “tegishli” soʻzi bilan almashtirilsin.

4. Quyidagi mazmundagi 61-band qoʻshilsin:

“6¹. Yilning yanvar oyi moliya yiliga qoʻshimcha vaqt davri etib belgilansin, ushbu davr mobaynida Davlat budjetining oʻtgan yilgi gʻazna ijrosi amalga oshiriladi.

Qoʻshimcha vaqt davrida moliya organlari, Moliya vazirligining Gʻaznachiligi va uning hududiy boʻlinmalari, shuningdek budjet tashkilotlari tomonidan hisobot yili Davlat budjetini ijro etish operatsiyalari amalga oshiriladi, shu jumladan:

budjetlararo oʻzaro hisob-kitoblar tartibga solinadi;

budjetdan mablagʻ oluvchilarning oʻtgan yilgi kreditorlik qarzlari toʻlanadi;

tejab qolingan mablagʻlar Budjet tashkilotini rivojlantirish jamgʻarmalariga oʻtkaziladi;

Davlat budjetini ijro etish yuzasidan boshqa operatsiyalar amalga oshiriladi.

5. 9-bandning uchinchi xatboshiga “guruhlari” soʻzidan keyin “va moddalari” soʻzlari qoʻshilsin.

6. Qarorga ilovada:

a) ilova nomidagi “mablagʻ bilan taʼminlash” soʻzlari “xarajatlarini moliyalashtirish (toʻlash)” soʻzlari bilan almashtirilsin;

b) 2-band quyidagi tahrirda bayon qilinsin:

“2. Budjet tashkilotlari xarajatlarini moliyalashtirish (toʻlash)ning mazkur tartibi quyidagilarni nazarda tutadi:

budjet mablagʻlaridan tejab, samarali va aniq foydalanish hamda budjet intizomini mustahkamlash uchun budjet tashkilotlari rahbarlarining mustaqilligini kengaytirish va masʼuliyatini oshirish;

budjet tashkilotlari xarajatlarini moliyalashtirish (toʻlash) mexanizmini soddalashtirish va ushbu mablagʻlardan foydalanishda yuqori natijalarga erishish maqsadida mavjud mablagʻlarni oqilona taqsimlash uchun imkoniyatlar yaratish;

ish haqi va unga tenglashtirilgan toʻlovlarni, ish haqiga qoʻshimchalar, kapital qoʻyilmalar va boshqa xarajatlarni guruhlagan holda bir satrda mablagʻ bilan taʼminlash usulida budjet tashkilotlarini normativlar boʻyicha (faoliyat turiga koʻra) budjet tashkilotlari xarajatlarini moliyalashtirish (toʻlash)ning yangi tartibini joriy etish, gʻazna ijrosiga oʻtgan, xarajatlari moddalar boʻyicha amalga oshiriladigan budjet tashkilotlari bundan mustasno;

Davlat budjetidan mablagʻ oluvchilarning mablagʻlarni sarflashlari ustidan dastlabki va joriy nazoratni taʼminlash;

budjet tashkilotlari xarajatlarini moliyalashtirish (toʻlash)ni ularning faoliyat turi boʻyicha tovarlar (ishlar, xizmatlar) ishlab chiqarish va sotish faoliyatini kengaytirish bilan birga qoʻshib olib borish;

budjet tashkilotlari xodimlari mehnatini ragʻbatlantirish, ular faoliyati samaradorligini oshirish va kadrlarning oʻrnashib qolishi uchun shart-sharoitlar yaratish”;

v) 3-band quyidagi tahrirda bayon qilinsin:

“3. Davlat mudofaa qobiliyatini, xavfsizligini taʼminlash, mamlakatda ichki tartibni saqlash va boshqalar bilan bogʻliq xarajatlarni moliyalashtirish (toʻlash) Oʻzbekiston Respublikasi Moliya vazirligi tomonidan belgilanadigan tartibda amalga oshiriladi”;

g) 4-bandga quyidagi tahrirdagi xatboshi qoʻshilsin:

“Gʻazna ijrosiga oʻtgan budjet tashkilotlarining xarajatlari Moliya vazirligining Gʻaznachiligi va uning hududiy boʻlinmalari tomonidan yagona gʻazna hisob raqamidan, shuningdek yuqorida koʻrsatilgan xarajatlar guruhlarining har bir moddasi boʻyicha hududiy gʻaznachilik hisob raqamidan amalga oshiriladi”;

d) 5-banddagi “mablagʻ bilan taʼminlash” soʻzlari “xarajatlarini moliyalashtirish (toʻlash)” soʻzlari bilan almashtirilsin;

e) 6-bandga quyidagi tahrirdagi xatboshi qoʻshilsin:

“Xalq taʼlimi muassasalari boʻyicha xarajatlar smetasi va shtatlar jadvali hududiy moliya organlari bilan birgalikda tuziladi”;

j) 9-banddagi “mablagʻ bilan taʼminlash” soʻzlari “xarajatlarini moliyalashtirish (toʻlash)” soʻzlari bilan almashtirilsin;

z) 10-bandga quyidagi tahrirdagi xatboshi qoʻshilsin:

“Xarajatlar smetasi va shtatlar jadvaliga kiritiladigan oʻzgartirishlar Oʻzbekiston Respublikasi Moliya vazirligi tomonidan belgilanadigan tartibda albatta Moliya vazirligining Gʻaznachiligi va uning hududiy boʻlinmalari bilan kelishiladi”;

i) 11-bandda:

“mablagʻ bilan taʼminlash” soʻzlari “xarajatlarini moliyalashtirish (toʻlash)” soʻzlari bilan almashtirilsin;

quyidagi tahrirdagi xatboshi qoʻshilsin:

“Yagona gʻazna hisob raqamida, shuningdek hududiy gʻaznachilik hisob raqamida birinchi va ikkinchi guruhlar boʻyicha toʻlanmagan xarajatlar summasidan ortiq mablagʻlar mavjud boʻlganda ortiqcha summa miqdorida uchinchi va toʻrtinchi guruhlar boʻyicha xarajat qilishga ruxsat etiladi”;

k) 12-bandga quyidagi tahrirdagi xatboshi qoʻshilsin:

“Gʻaznachilik tomonidan xizmat koʻrsatiladigan buyurtmachilar obyektlari qurilishiga Davlat budjetida nazarda tutilgan xarajatlar Gʻaznachilik va uning hududiy boʻlinmalari tomonidan Oʻzbekiston Respublikasining joriy yilga tasdiqlangan Investitsiya dasturiga hamda qurilishlarning aniq roʻyxatiga muvofiq, buyurtmachilarning Moliya vazirligining Gʻaznachiligida va uning hududiy boʻlinmalarida roʻyxatdan oʻtkazilgan shartnomalarga asosan toʻlanadi”;

l) 13-bandning birinchi va ikkinchi xatboshidagi “mablagʻ bilan taʼminlash” soʻzlari “xarajatlarini moliyalashtirish (toʻlash)” soʻzlari bilan almashtirilsin;

m) 14-band quyidagi tahrirda bayon qilinsin:

“14. Budjet tashkilotlari xarajatlarini:

respublika budjetidan mablagʻ bilan taʼminlash (toʻlash) — Oʻzbekiston Respublikasi Moliya vazirligida belgilangan shakldagi maqsadli sertifikat (unda budjet tasnifnomasi paragraflari va xarajatlar guruhlarini koʻrsatgan holda) va xarajatlarning har bir guruhi boʻyicha bir satrda mablagʻ oʻtkazish uchun toʻlov qogʻozi bilan rasmiylashtiriladi;

mahalliy budjetlardan mablagʻ bilan taʼminlash (toʻlash) — tegishli moliya organlarida belgilangan shakldagi tayinlash sertifikati va xarajatlarning har bir guruhi boʻyicha bir satrda mablagʻ oʻtkazish uchun toʻlov qogʻozi bilan rasmiylashtiriladi.

Gʻazna ijrosiga oʻtgan budjet mablagʻi oluvchilar boʻyicha xarajatlarni toʻlash:

respublika budjetidan — Oʻzbekiston Respublikasi Moliya vazirligining Gʻaznachiligi va uning tegishli hududiy boʻlinmalari tomonidan roʻyxatdan oʻtkazilgan shartnomalar yoki budjet mablagʻlarini yuridik va jismoniy shaxslarning hisob raqamlariga oʻtkazish majburiyatini yuklaydigan boshqa hujjatlar asosida amalga oshiriladi;

Qoraqalpogʻiston Respublikasi va mahalliy budjetlardan — Moliya vazirligi Gʻaznachiligining tegishli hududiy boʻlinmalari tomonidan roʻyxatdan oʻtkazilgan shartnomalar yoki budjet mablagʻlarini yuridik va jismoniy shaxslarning hisob raqamlariga oʻtkazish majburiyatini yuklaydigan boshqa hujjatlar asosida amalga oshiriladi”;

n) 15-band quyidagi tahrirda bayon qilinsin:

“15. Budjet tashkilotlarining xarajatlarini moliyalashtirishda (toʻlashda) yangi budjet yilida mablagʻ ajratish rejasi budjet tashkilotlarining hisobot yilidan keyingi yilning 1-yanvaridagi holatiga koʻra tovar-moddiy boyliklarning normativdan ortiq qoldigʻi summasiga kamaytiriladi.

Oʻtgan yillar debitorlik qarzlarining qaytarilgan summasi, asosiy vositalarni va boshqa tovar-moddiy boyliklarni sotishdan tushgan summa (budjet tashkilotlarining budjetdan tashqari mablagʻlari hisobiga sotib olinganlari bundan mustasno) tegishli budjetlar daromadiga oʻtkaziladi”;

o) 16 va 17-bandlarda “mablagʻ bilan taʼminlash” soʻzlari “xarajatlarini moliyalashtirish (toʻlash)” soʻzlari bilan almashtirilsin;

p) 20-band quyidagi tahrirda bayon qilinsin:

“20. IV guruh hisobiga avtomobillar va boshqa avtotransport vositalarini (maxsus avtotransport bundan mustasno), uyali telefonlar va zeb-ziynat buyumlari (import ofis mebeli, audio-video texnika (oʻquv, ilmiy va tibbiy jarayonlarda foydalaniladiganlardan tashqari) ofislar uchun gilamlar va boshqalar) xarid qilishga faqat Oʻzbekiston Respublikasi Moliya vazirligi bilan kelishgan holda yoʻl qoʻyiladi, koʻrsatib oʻtilgan moddiy aktivlarni sotib olishga mablagʻlar iqtisodiy tasnifnomaning tegishli moddasi boʻyicha budjet tashkilotining xarajatlar smetasida nazarda tutilgan hollar bundan mustasno”;

r) 22-band quyidagi tahrirda bayon qilinsin:

“22. Hisobot choragining oxirgi ish kuni oxirida budjet tashkilotlarining hisob raqamlarida qolgan tejab qolingan budjet mablagʻlari (kapital qoʻyilmalarni mablagʻ bilan taʼminlash uchun nazarda tutilgan mablagʻlar bundan mustasno) olib qoʻyilmaydi, Budjet tashkilotini rivojlantirish jamgʻarmasiga oʻtkaziladi va mazkur Tartib talablariga muvofiq sarflanadi;

Gʻazna ijrosiga oʻtgan budjet tashkilotlari boʻyicha hisobot choragining oxirgi ish kuni oxirida budjet tashkilotlarining Moliya vazirligi Gʻaznachiligida va uning hududiy boʻlinmalarida ochilgan hisob raqamlarida qolgan tejab qolingan mablagʻlar (kapital qoʻyilmalar boʻyicha xarajatlarni toʻlash uchun nazarda tutilgan mablagʻlar bundan mustasno) olib qoʻyilmaydi, Budjet tashkilotini rivojlantirish jamgʻarmasiga oʻtkaziladi va undan mazkur Tartib talablariga muvofiq foydalaniladi;

Tejab qolingan budjet mablagʻlarini oʻtkazish budjet tashkilotlari tomonidan yuridik va moliyaviy majburiyatlar olinmagan budjetdan ajratiladigan mablagʻlar doirasida hisobot choragidan keyingi oy mobaynida amalga oshiriladi”;

s) 23-banddan “(foydalanilmagan)” soʻzi chiqarib tashlansin;

t) 25-band quyidagi tahrirda bayon qilinsin:

“25. Budjet tashkilotini rivojlantirish jamgʻarmasi:

gʻazna ijrosiga oʻtmagan budjet tashkilotlari boʻyicha — rejaga muvofiq budjetdan mablagʻ bilan taʼminlash hisobiga tushgan va hisobot choragining oxirgi ish kuni oxirida budjet tashkilotlari hisob raqamlarida qolgan tejab qolingan mablagʻlar (kapital qoʻyilmalarni mablagʻ bilan taʼminlash uchun nazarda tutilgan mablagʻlar bundan mustasno);

gʻazna ijrosiga oʻtgan budjet tashkilotlari boʻyicha — hisobot choragining oxirgi ish kuni oxirida budjet tashkilotlarining Moliya vazirligi Gʻaznachiligida va uning hududiy boʻlinmalarida ochilgan hisob raqamlarida qolgan tejab qolingan mablagʻlar (kapital qoʻyilmalar boʻyicha xarajatlarni toʻlash uchun nazarda tutilgan mablagʻlar bundan mustasno);

budjet tashkilotlari faoliyati turiga muvofiq tovarlar (ishlar, xizmatlar) ishlab chiqarish va sotishdan olingan daromadlar;

vaqtincha foydalanilmayotgan binolarni va davlatning boshqa mol-mulkini boshqa tashkilotlarga ijaraga berishdan olingan mablagʻlarning 50 foizi. Mablagʻlarning qolgan 50 foizini budjet tashkilotlari mahalliy budjetlar daromadiga oʻtkazadilar;

yuridik va jismoniy shaxslar tomonidan budjet tashkilotlariga berilayotgan homiylik yordami (begʻaraz yordam) hisobiga shakllantiriladi”;

u) 32 va 33-bandlar quyidagi tahrirda bayon qilinsin:

“32. Yuridik shaxs maqomini olgan budjet tashkilotlari belgilangan tartibda hisobga turadilar va bunda qonun hujjatlarida belgilangan tartibda tegishli davlat organlariga moliya va statistika hisoboti taqdim etadilar.

33. Budjet mablagʻlaridan foydalanilishini nazorat qilish budjetdan mablagʻ oluvchilarning xarajatlarini toʻlash boshlangungacha budjet mablagʻlari boʻyicha (dastlabki nazorat), xarajatlarni budjetdan moliyalashtirish (toʻlash) jarayonida (joriy nazorat) va budjet tashkiloti tegishli xarajatlarni qilgandan keyin (keyinchalik nazorat qilish) amalga oshiriladi)”;

f) 35-bandga quyidagi mazmundagi xatboshi qoʻshilsin:

“Moliya vazirligi Gʻaznachiligi va uning hududiy boʻlinmalari budjet tashkilotlarining xarajatlar smetalarida nazarda tutilgan mablagʻlardan maqsadli va oqilona foydalanish ustidan dastlabki va joriy nazoratni amalga oshiradi”;

x) 36-bandning toʻrtinchi xatboshida “mablagʻ bilan taʼminlash” soʻzlari “xarajatlarini moliyalashtirish (toʻlash)” soʻzlari bilan almashtirilsin;

s) 38-bandga quyidagi mazmundagi xatboshi qoʻshilsin:

“Budjet tashkilotini rivojlantirish jamgʻarmasiga oʻtkazilishi kerak boʻlgan tejab qolingan budjet mablagʻlari summasini notoʻgʻri aniqlash”.