O‘zbekiston Respublikasi Oliy Majlisi qaror qiladi:
1. Yangi tahrirdagi “Davlat tili haqida”gi O‘zbekiston Respublikasining Qonuni (9 va 10-moddalaridan tashqari) e’lon qilingan kundan e’tiboran amalga kiritilsin.
LexUZ sharhi
Yangi tahrirdagi “Davlat tili haqida”gi O‘zbekiston Respublikasining Qonuni “Xalq so‘zi” gazetasining 1995-yil 29-dekabrdagi 250 (1252)-sonida e’lon qilingan.
Oldingi tahrirga qarang.
2. Belgilab qo‘yilsinki, “Davlat tili haqida”gi O‘zbekiston Respublikasi Qonunining 9 va 10-moddalari 2005-yilning 1-sentabridan e’tiboran kuchga kiradi.
(2-band O‘zbekiston Respublikasining 2004-yil 30-apreldagi 621-II-son Qonuni tahririda — O‘R QHT, 2004-y., 25-son, 287-modda)
3. O‘zbekiston Respublikasi Vazirlar Mahkamasi hukumatning qarorlarini “Davlat tili haqida”gi O‘zbekiston Respublikasining Qonuniga muvofiqlashtirsin, respublika vazirliklari, idoralari o‘zlarining mazkur Qonunga zid bo‘lgan normativ hujjatlarini qayta ko‘rib chiqishlarini ta’minlasin.
4. Oliy Majlisning Fan, ta’lim, madaniyat va sport masalalari qo‘mitasi “Davlat tili haqida”gi O‘zbekiston Respublikasi Qonuni qoidalarining ijro etilishi ustidan nazoratni ta’minlasin.