toggle_night_mode
Ҳужжат 07.10.2026 санаси ҳолатига
Амалдаги версияга ўтиш
Ўзбекистон Республикаси Вазирлар Маҳкамасининг
қарори
Одам савдосидан жабрланган шахсларга ижтимоий хизматлар кўрсатиш тизимини самарали йўлга қўйиш чора-тадбирлари тўғрисида
Ўзбекистон Республикаси Президентининг «Одам савдосидан жабрланган шахсларни аниқлаш ва уларни жамиятга интеграция қилиш тизимини тубдан такомиллаштиришга қаратилган қўшимча чора-тадбирлар тўғрисида» 2026 йил 3 августдаги ПФ-146-сон Фармони ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Ижтимоий ҳимоя миллий агентлиги) ҳузуридаги Одам савдоси жабрдийдаларига ёрдам бериш бўйича республика реабилитация маркази (кейинги ўринларда — Марказ) бошқарув ва ишлаб чиқариш ходимларининг чекланган умумий сони 11 та штат бирлигидан иборат этиб белгилансин. Бунда:
Марказнинг тузилмаси Ижтимоий ҳимоя миллий агентлиги директори томонидан тасдиқланади ҳамда Марказ ходимлари меҳнатига ҳақ тўлаш шартлари Ижтимоий ҳимоя миллий агентлигининг ҳудудий бошқармалари ходимларининг меҳнатига ҳақ тўлаш шартларига тенглаштирилади;
Марказнинг техник ва хизмат кўрсатувчи ходимлари учун штат бирликлари сони қонунчилик ҳужжатларида назарда тутилган меъёрларга мувофиқ белгиланади.
Марказга 1 та хизмат автотранспорт воситасини сақлаш учун лимит ажратилади.
2. Одам савдосидан жабрланган шахсларнинг хизматларга бўлган эҳтиёжини аниқлаш ва уларга ижтимоий хизматлар кўрсатишнинг маъмурий регламенти 1-иловага мувофиқ тасдиқлансин.
3. Ижтимоий ҳимоя миллий агентлиги Рақамли технологиялар вазирлиги, Ички ишлар вазирлиги, бошқа манфаатдор вазирлик ва идоралар билан биргаликда 2026 йил 1 ноябрга қадар мазкур қарорда назарда тутилган чора-тадбирларни амалга ошириш учун «Ягона миллий ижтимоий ҳимоя» ахборот тизими такомиллаштирилиши ва заруратга кўра унинг бошқа ахборот тизимлари билан интеграция қилинишини таъминласин.
4. Ички ишлар вазирлиги доимий равишда одам савдосидан жабрланган шахсларнинг ихтисослашган муассасаларга етиб бориши учун ҳамроҳлик хизматини (кузатиб борувчи) ташкил қилиб борсин.
5. Ўзбекистон Республикаси Ҳукуматининг айрим қарорларига 2-иловага мувофиқ ўзгартириш ва қўшимчалар киритилсин.
6. Мазкур қарорнинг бажарилишини назорат қилиш Ўзбекистон Республикаси Президенти ҳузуридаги Ижтимоий ҳимоя миллий агентлиги директори М.П. Оллоёров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2026 йил 6 октябрь,
539-сон
Вазирлар Маҳкамасининг 2026 йил 6 октябрдаги 539-сон қарорига
1-ИЛОВА
Одам савдосидан жабрланган шахсларнинг хизматларга бўлган эҳтиёжини аниқлаш ва уларга ижтимоий хизматлар кўрсатишнинг
МАЪМУРИЙ РЕГЛАМЕНТИ
1-боб. Умумий қоидалар
1. Ушбу Маъмурий регламент (кейинги ўринларда — Регламент) одам савдосидан жабрланган деб тахмин қилинаётган ва одам савдосидан жабрланган деб тан олинган шахсларнинг (кейинги ўринларда — одам савдосидан жабрланган шахслар) хизматларга бўлган эҳтиёжини аниқлаш ва уларга ижтимоий хизматлар кўрсатиш тартибини белгилайди.
2. Регламентда қуйидаги асосий тушунчалардан фойдаланилади:
дастлабки идентификация — жисмоний шахсни одам савдосидан жабрланган деб тахмин қилинаётган шахс деб тан олиш тўғрисида қарор қабул қилиш мақсадида маълумотларни олишга, ўрганишга ва баҳолашга қаратилган чора-тадбирлар;
ихтисослашган муассасалар — Одам савдоси жабрдийдаларига ёрдам бериш бўйича республика реабилитация маркази, шунингдек, Аёллар ва болаларни реабилитация қилиш республика марказининг Қорақалпоғистон Республикаси, Қашқадарё, Самарқанд ва Фарғона вилояти ҳудудий марказлари;
одам савдосидан жабрланган шахсларни идентификация қилиш — жисмоний шахсларга нисбатан амалга ошириладиган, уларга нисбатан одам савдоси сифатида малакаланадиган хатти-ҳаракатлар содир этилганлиги тўғрисида ёки содир этиш нияти ҳақида маълумотлар олишга қаратилган чора-тадбирлар мажмуи;
якуний идентификация — жисмоний шахсни одам савдосидан жабрланган деб тан олиш ёки тан олишни рад этиш тўғрисида қарор қабул қилиш.
3. Одам савдосидан жабрланган шахсларнинг хизматларга бўлган эҳтиёжини аниқлаш ва уларга ижтимоий хизматлар кўрсатиш «Инсон» ижтимоий хизматлар марказлари (кейинги ўринларда — «Инсон» марказлари) ҳамда ихтисослашган муассасалар томонидан амалга оширилади.
4. Одам савдосидан жабрланган шахслар ижтимоий хизматлардан фойдаланиш учун «Инсон» марказлари ёки ихтисослашган муассасаларга қуйидаги давр мобайнида мурожаат қилиши мумкин:
одам савдосидан жабрланган деб тахмин қилинаётган шахс сифатида эътироф этилгандан сўнг бир ой ичида;
одам савдосидан жабрланган деб тан олингандан сўнг бир йилгача бўлган муддат ичида.
5. Одам савдосидан жабрланган шахсларнинг хизматларга бўлган эҳтиёжини аниқлаш ва уларга ижтимоий хизматлар кўрсатиш ушбу Регламентга иловадаги схемага мувофиқ амалга оширилади.
2-боб. Одам савдосидан жабрланган шахсларга ижтимоий хизматлар кўрсатиш
1-§. Одам савдосидан жабрланган шахсларнинг мурожаатларини қабул қилиш
6. Одам савдосидан жабрланган шахслар «Инсон» марказлари ёки ихтисослашган муассасаларнинг хизматларидан фойдаланиш учун тўғридан тўғри «Инсон» марказларига, ихтисослашган муассасаларга, маҳалладаги ижтимоий ходимга ёки Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик)нинг 1146 қисқа рақамли «ишонч телефони»га мурожаат қилиши мумкин.
Бунда 1146 қисқа рақамли «ишонч телефони» орқали келиб тушган мурожаатлар одам савдосидан жабрланган шахсларнинг талаб ва эҳтиёжларидан келиб чиқиб, ижтимоий хизматларни кўрсатиш учун «Инсон» марказларига ёхуд ихтисослашган муассасаларга, зарур ҳолларда, мурожаатчининг розилиги асосида ички ишлар органлари ёки тез тиббий ёрдам хизматларига йўналтирилади.
7. Келиб тушган мурожаатлар асосида одам савдосидан жабрланган шахслар «Инсон» марказлари ёки ихтисослашган муассасаларнинг масъул ходими томонидан қонунчилик ҳужжатларида белгиланган тартибда дастлабки идентификациядан ўтказилади.
8. «Инсон» марказлари ёки ихтисослашган муассасалар томонидан одам савдосидан жабрланган деб тахмин қилинаётган шахс сифатида эътироф этилган шахслар тўғрисидаги маълумотлар, уларнинг розилиги асосида, ички ишлар органларига тақдим этилади.
9. Шахсни тасдиқловчи ҳужжатларга эга бўлмаган Ўзбекистон Республикаси фуқаролари, чет эл фуқаролари ва фуқаролиги бўлмаган шахслар уларнинг шахсини тасдиқлаш учун ушбу шахслар тўғрисидаги маълумотлар ички ишлар органларига тақдим этилган ҳолда ижтимоий хизматлар билан қамраб олинади.
Бунда Инсон» марказлари ва ихтисослашган муассасалар томонидан ушбу шахсларга уларнинг шахсини тасдиқловчи ҳужжатлар расмийлаштирилгунига қадар қуйидаги хизматлар кўрсатилиши мумкин:
шошилинч тиббий ёрдам олишга кўмаклашиш;
психологик хизматлар;
ҳуқуқий хизматлар;
шахсни тасдиқловчи ҳужжатларни расмийлаштириш, шунингдек, йўқотилган ва яроқсиз ҳолга келган ҳужжатларини қайта тиклашга кўмаклашиш;
ихтисослашган муассасаларда касбга ўқитиш курсларига жалб этиш.
10. Шахсни тасдиқловчи ҳужжатларга эга бўлмаган шахсларни тўлиқ ижтимоий хизматлар билан қамраб олиш мақсадида Агентлик ва унинг ҳудудий бўлинмалари, шунингдек, ихтисослашган муассасаларга қуйидаги ваколатлар берилади:
а) одам савдосидан жабрланган шахсларнинг чет давлат фуқаролигига мансублиги ёки мансуб эмаслигини аниқлаш тўғрисида сўровномалар киритиш;
б) одам савдосидан жабрланган шахсларнинг шахсини тасдиқловчи ҳужжатлар, архив маълумотлари ва бошқа ахборот манбалари орқали уларнинг шахси ва ҳуқуқий мақомини аниқлаш бўйича чоралар кўриш;
в) одам савдосидан жабрланган шахсларнинг:
фуқаролиги аниқланган тақдирда, уларнинг келиб чиққан давлатига ихтиёрий равишда қайтишига кўмаклашиш ёки қонунчиликка мувофиқ Ўзбекистон Республикаси ҳудудида бўлишининг ҳуқуқий асосларини расмийлаштириш чораларини кўриш;
фуқаролиги аниқланмаган ёки фуқаролиги бўлмаган шахсларга нисбатан уларни фуқаролиги бўлмаган шахс сифатида тан олиш ва Ўзбекистон Республикасида яшаш гувоҳномасини расмийлаштириш билан боғлиқ тадбирларни белгиланган тартибда амалга ошириш.
11. «Инсон» марказлари ва ихтисослашган муассасалар одам савдосидан жабрланган шахсларнинг мурожаати асосида уларнинг ижтимоий хизматларга бўлган эҳтиёжларини баҳолайди ва ижтимоий хизматларга йўналтиради.
12. Одам савдосига қарши курашишга доир фаолиятни амалга оширувчи давлат органлари томонидан дастлабки ёки якуний идентификациядан ўтган шахс ижтимоий хизматлардан фойдаланиш истагини билдирган тақдирда, у ҳақидаги маълумотлар тегишинча идентификацияни амалга оширган ташкилот ёки Одам савдосига қарши курашиш ва муносиб меҳнат масалалари бўйича ҳудудий комиссия (кейинги ўринларда — ҳудудий комиссия) томонидан ўзларининг электрон ахборот тизимлари орқали «Инсон» марказларига ёхуд ихтисослашган муассасаларга юборилади.
2-§. «Инсон» марказлари томонидан одам савдосидан жабрланганларнинг хизматларга бўлган эҳтиёжини аниқлаш ва ижтимоий хизматлар кўрсатиш
13. Ижтимоий ва бошқа хизматлардан фойдаланиш истагини билдирган одам савдосидан жабрланган шахс ва унинг оила аъзоларининг ижтимоий-иқтисодий ҳолати ҳамда ижтимоий хизматларга муҳтожлиги бир иш куни ичида «Инсон» марказлари томонидан «Ягона миллий ижтимоий ҳимоя» ахборот тизими орқали (кейинги ўринларда — «ЯМИҲ» АТ) орқали Агентлик томонидан белгиланган тартибда баҳоланади ҳамда баҳолаш натижаси асосида улар тегишли хизматларга йўналтирилади.
14. Сўровнома натижасида одам савдосидан жабрланган шахсларга «Инсон» марказлари томонидан қуйидаги хизматлар кўрсатилади:
шошилинч тиббий ёрдам олишга кўмаклашиш;
психологик хизматлар;
ҳуқуқий хизматлар;
зарур ҳужжатларни расмийлаштириш, шунингдек, йўқотилган ва яроқсиз ҳолга келган ҳужжатларини қайта тиклашга кўмаклашиш;
касб-ҳунар ўрганиш истагини билдирган шахсларни ҳудудлардаги касбий кўникмалар марказларида касбга ўргатиш учун йўлланма бериш;
бандлигини таъминлаш бўйича туман (шаҳар) камбағалликни қисқартириш ва бандликка кўмаклашиш бўлимларига йўлланма бериш;
«Инсон» марказлари ва ихтисослашган муассасалар томонидан кўрсатилмайдиган бошқа турдаги хизматлардан фойдаланишга кўмаклашиш.
Одам савдосидан жабрланган шахсларга қонунчилик ҳужжатларига мувофиқ «Инсон» марказлари томонидан бошқа хизматлар ҳам кўрсатилиши мумкин.
15. Одам савдосидан жабрланган шахсларга кўрсатилган хизматлар тўғрисидаги маълумотлар «ЯМИҲ» АТга киритиб борилади.
3-§. Одам савдосидан жабрланган шахсларни ихтисослашган муассасаларга жойлаштириш
16. Реабилитация хизматларидан фойдаланиш истагини билдирган одам савдосидан жабрланган шахслар ҳақидаги маълумотлар дастлабки идентификацияни амалга оширган одам савдосига қарши курашишга доир фаолиятни амалга оширувчи давлат органлари, шу жумладан, «Инсон» марказлари ҳамда ҳудудий комиссия томонидан ихтисослашган муассасаларга юборилади. Бунда:
одам савдосидан жабрланган хотин-қизлар ва уларнинг вояга етмаган фарзандлари ҳамда одам савдосидан жабрланган ва қонунчилик ҳужжатларида белгиланган тартибда ихтисослашган муассаса хизматидан фойдаланиш истагини билдирган вояга етмаган шахслар ўзлари яшайдиган ҳудудга яқин жойлашган ихтисослашган муассасага;
одам савдосидан жабрланган эркаклар, чет эл фуқаролари ва махсус дастурлар асосида Ўзбекистон Республикасига олиб келинган репатриантлар фақат Одам савдоси жабрдийдаларига ёрдам бериш бўйича республика реабилитация марказига юборилади.
Мазкур банднинг иккинчи хатбошисида назарда тутилган шахслар яшайдиган ҳудудга яқин жойлашган ихтисослашган муассасада бўш ўрин мавжуд бўлмаган тақдирда, уларнинг хоҳишига кўра бошқа ихтисослашган муассасага жойлаштирилади.
17. Ихтисослашган муассасаларга жойлаштириш учун шахсни одам савдосидан жабрланган деб тахмин қилинаётган ёки одам савдосидан жабрланган деб топилгани асос ҳисобланади.
18. Ихтисослашган муассасаларга одам савдосидан жабрланган шахслар билан бирга қуйидаги шахслар ҳам жойлаштирилиши мумкин:
одам савдосидан жабрланган шахсларнинг вояга етмаган фарзандлари;
одам савдосидан жабрланган вояга етмаган шахснинг бир нафар қонуний вакили;
одам савдосидан жабрланган I гуруҳ ногиронлиги бўлган шахсга қараб турувчи бир нафар ҳамроҳлик қилувчи шахс.
19. Мазкур Регламентнинг 16-бандига мувофиқ маълумотлар ихтисослашган муассасаларга тақдим этилган кундан сўнг бир кун ичида одам савдосидан жабрланган шахслар ихтисослашган муассасаларга юборилиши лозим.
20. Одам савдосидан жабрланган шахснинг ихтисослашган муассасаларга бориши ва яшаш жойига қайтиши билан боғлиқ транспорт харажатлари «Саховат ва кўмак» жамғармаси маблағлари ҳисобидан қуйидаги миқдорларда қопланади:
Одам савдоси жабрдийдаларига ёрдам бериш бўйича республика реабилитация марказига келиб-кетиш учун — базавий ҳисоблаш миқдорининг бир баравари миқдорида;
Аёллар ва болаларни реабилитация қилиш республика марказининг Қорақалпоғистон Республикаси, Қашқадарё, Самарқанд ва Фарғона вилояти ҳудудий марказларига келиб-кетиш учун — базавий ҳисоблаш миқдорининг ярим баравари миқдорида.
21. Одам савдосидан жабрланган шахсларни ихтисослашган муассасага юбориш жараёнида уларнинг ҳаёти, соғлиғи ёки хавфсизлигига таҳдид мавжуд бўлган ҳолатларда, ушбу шахсларнинг хоҳишига кўра ички ишлар ходими ҳамроҳлигида муассасага олиб борилади. Бунда:
шахснинг ички ишлар ходими ҳамроҳлигида муассасага олиб бориш зарурияти уни идентификация қилган орган томонидан сўровнома ўтказиш жараёнида аниқланади;
шахснинг ички ишлар ходими ҳамроҳлигида муассасага олиб бориш уни идентификация қилган органнинг талабномасига мувофиқ тегишли туман (шаҳар) ички ишлар органи томонидан амалга оширилади.
Мазкур бандга мувофиқ одам савдосидан жабрланган шахсларга ҳамроҳлик қилган ички ишлар органлари ходимларининг транспорт харажатлари ходимларнинг хизмат сафари харажатларини қоплаш бўйича қонунчиликда белгиланган тартибда қоплаб берилади.
22. Ихтисослашган муассасаларга жойлаштирилган шахслар ушбу ҳудуддаги туман (шаҳар) кўп тармоқли марказий поликлиникаси ёки туман (шаҳар) марказий шифохонаси томонидан кўпи билан 3 кун ичида юқумли ёки руҳий касалликлар мавжудлиги, стационар ёхуд амбулатор даволаниш эҳтиёжини аниқлаш учун тиббий кўрикдан ўтказилади. Бунда:
тиббий кўрик тегишли ихтисослашган муассаса томонидан туман (шаҳар) кўп тармоқли марказий поликлиникаси ёки туман (шаҳар) марказий шифохонасига киритилган талабнома асосида амалга оширилади;
тиббий кўрикни амалга ошириш даврида ихтисослашган муассасаларга жойлаштирилган шахслар махсус хонада сақланади.
23. Қуйидаги касалликлар мавжуд бўлган шахслар ҳудудий марказларга жойлаштирилмайди:
беморнинг ўзи ва атрофдагилар учун хавфли бўлган қўпол ҳамда хулқий бузилишлар билан кечадиган руҳий касалликлар, хусусан, тез-тез (ҳар ойда 5 мартадан кўп) тутқаноқ содир бўладиган эпилепсия, мунтазам тутқаноқларга, эпилептик мақомга, кун охирига бориб бўшашувчанликка, дисфорияларга мойиллик касалликлари;
жараённинг фаол босқичидаги сил касаллиги;
юқумли тери ва соч касалликлари;
ўткир юқумли касалликлар;
салбий жараёндаги, ёмон ҳолатда ўтадиган шиш касалликлари ва рецидивлари;
таносил касалликлари (ОИВ инфекцияси бундан мустасно).
24. Ихтисослашган муассасаларга жойлаштирилган шахсларда хавфли юқумли ёки руҳий касалликлар, стационар даволаниш эҳтиёжи мавжудлиги аниқланганида даволаниш учун тегишли даволаш-профилактика муассасасига йўналтирилади. Бунда тегишли марказлар томонидан зарур ҳолларда масофадан туриб хизматлар кўрсатилади ҳамда ушбу муассасалардан чиқарилгандан сўнг уларнинг розилиги асосида ихтисослашган муассасаларга жойлаштириш чоралари кўрилади.
25. Ихтисослашган муассасаларга жойлаштирилган шахсларнинг тиббий кўрикдан ўтказиш натижаларига кўра хулоса «Электрон ҳукумат» тизимининг идоралараро интеграциялашув платформаси орқали «ЯМИҲ» АТ орқали ихтисослашган муассасаларга юборилади.
Хулоса шакли Соғлиқни сақлаш вазирлиги томонидан тасдиқланади.
4-§. Ихтисослашган муассасаларда одам савдосидан жабрланганларнинг хизматларга бўлган эҳтиёжини баҳолаш ва ижтимоий хизматларни кўрсатиш
26. Ихтисослашган муассасалар одам савдосидан жабрланган шахслар билан улар етиб келган куннинг ўзида ижтимоий хизмат кўрсатиш шартномасини имзолайди.
Ижтимоий хизмат кўрсатиш шартномасининг намунавий шакли Агентлик томонидан тасдиқланади.
27. Ихтисослашган муассасаларга жойлаштирилган одам савдосидан жабрланган шахслар 6 ойгача хавфсиз бошпана, озиқ-овқат ва гигиеник воситалар таъминланади.
28. Одам савдосидан жабрланган шахсларга реабилитация давридаги керакли тиббий хизматлар ихтисослашган муассасалар жойлашган ҳудуддаги тиббиёт муассасаси томонидан бепул кўрсатилади.
Бунда, одам савдосидан жабрланган шахсларга тиббиёт муассасаси томонидан кўрсатиладиган тиббий хизматлар ҳақидаги маълумотлар тегишли тиббиёт муассасасидан юборилган маълумотлар асосида «ЯМИҲ» АТ шакллантирилади.
29. Одам савдосидан жабрланган шахсларнинг ҳолати ижтимоий ходим, ҳуқуқшунос ва психологдан иборат мультидисциплинар гуруҳ томонидан сўровнома орқали комплекс баҳолашдан ўтказилиб, баҳолаш натижалари бўйича якка тартибдаги ижтимоий реабилитация дастури ишлаб чиқилади.
Сўровнома ва якка тартибдаги ижтимоий реабилитация дастурининг намунавий шакли Агентлик томонидан тасдиқланади.
30. Ихтисослашган муассасаларда одам савдосидан жабрланган шахсларга якка тартибдаги ижтимоий реабилитация дастурига мувофиқ қуйидаги хизматлар кўрсатилади:
тиббий хизмат олишга кўмаклашиш;
психологик ва ҳуқуқий хизматлар;
зарур ҳужжатларни расмийлаштириш, шунингдек, йўқотилган ва яроқсиз ҳолга келган ҳужжатларини қайта тиклашга кўмаклашиш;
касб-ҳунар ўрганиш истагини билдирган шахсларни ҳудудлардаги касбий кўникмалар марказларида касбга ўргатиш учун Камбағалликни қисқартириш ва бандлик вазирлигига электрон буюртма бериш;
ихтисослашган муассасаларда касбга ўқитиш курсларига жалб этиш;
бандлигини таъминлаш бўйича туман (шаҳар) камбағалликни қисқартириш ва бандликка кўмаклашиш бўлимларига йўлланма бериш;
одам савдосидан жабрланган шахсларнинг вояга етмаган фарзандларини энг яқин ҳудуддаги мактабгача ёки умумий ўрта таълим муассасаларига вақтинча жойлаштиришни ташкил этиш;
касбга ўқитиш, иш билан таъминлаш даврида уларнинг вояга етмаган фарзандларига тарбиячи бириктириш;
реабилитация даврида мутахассис зарур бўлган ҳолларда таржимон, суицидолог, психотерапевт, болалар психологи, тиббий руҳшунослар ва бошқа мутахассисларни шартнома асосида жалб этиш.
Ихтисослашган муассасалар томонидан одам савдосидан жабрланган шахсларга қонунчилик ҳужжатларига мувофиқ бошқа ижтимоий хизматлар ҳам кўрсатилиши мумкин.
31. Ихтисослашган муассасалар томонидан заруратга кўра, уларга жойлаштирилган шахсларнинг вояга етмаган фарзандларини мактабгача ёки умумий ўрта таълим муассасаларига олиб бориш ва олиб келиш хизмати кўрсатилиши мумкин.
3-боб. Одам савдосидан жабрланган шахсларни ихтисослашган муассасалардан чиқариш тартиби
32. Қуйидагилар одам савдосидан жабрланган шахсларни ихтисослашган муассасалардан чиқаришга асос бўлади:
якка тартибдаги ижтимоий реабилитация дастурида белгиланган ижтимоий хизматларни кўрсатиш якунланганлиги;
одам савдосидан жабрланган шахсларнинг ихтисослашган муассасалардан чиқариш ҳақидаги аризаси;
ихтисослашган муассасаларнинг ички тартиб-қоидаларини ва ижтимоий хизмат кўрсатиш шартномаси шартларини одам савдосидан жабрланган шахслар томонидан мунтазам ёки бир марта қўпол равишда бузилиши;
одам савдосидан жабрланганлик ҳолати бўйича мурожаат қилган шахснинг яшаш жойи мавжуд бўлмаганлиги сабабли ихтисослашган муассасага вақтинчалик жойлаштирилган шахс дастлабки ёки якуний идентификация натижасида одам савдосидан жабрланган деб тахмин қилинаётган ёки одам савдосидан жабрланган деб топиш идентификация қилувчи орган томонидан рад этилганда;
одам савдосидан жабрланган шахсларга суд ҳукми билан озодлик маҳрум қилиш тарзидаги жазо тайинланганда;
одам савдосидан жабрланган шахслар вафот этганда.
33. Реабилитация даврида одам савдосидан жабрланган шахсларнинг соғлиғи ёмонлашиши, шунингдек, руҳий ҳолатининг бузилиши натижасида даволаш-профилактика муассасасига стационар даволаниш учун вақтинча жойлаштирилганда, уларнинг ихтисослашган муассасалардаги жойи вақтинча сақлаб турилади ва даволаниб чиққанларидан сўнг қайта рўйхатдан ўтказишни талаб этмаган ҳолда жойлаштирилади.
Мазкур муддат ихтисослашган муассаса раҳбарининг қарорига асосан шахснинг даволаш-профилактика муассасасидан чиқиш санаси бўйича белгиланади.
34. Ихтисослашган муассасалардан чиқарилган шахсларнинг яшаш жойи мавжуд бўлмаса, ушбу шахслар белгиланган тартибда муайян яшаш жойига эга бўлмаган шахслар учун мўлжалланган марказларга жойлаштирилиши ҳамда тегишли ижтимоий ва бошқа хизматлар билан қамраб олиниши мумкин.
4-боб. Ихтисослашган муассасалардан чиқарилган шахсларнинг ҳолатини мониторинг қилиш
35. Одам савдосидан жабрланган шахсларнинг розилигига кўра улар ихтисослашган муассасалардан чиқарилган куни якка тартибдаги ижтимоий реабилитация дастури ахборот тизими орқали яшаш жойидаги «Инсон» марказларига 6 ойгача давомида мониторингни амалга ошириш учун юборилади.
Бунда одам савдосидан жабрланган шахслар якка тартибдаги ижтимоий реабилитация дастуридаги хизматлар якунланмасдан марказдан чиқарилганида, тегишли якунланмаган хизматлар уларнинг яшаш жойидаги «Инсон» марказлари томонидан кўрсатилади.
36. Мониторингни амалга ошириш шакли, тартиби ва муддатлари одам савдосидан жабрланган шахсларнинг хоҳишига кўра белгиланади ва «ЯМИҲ» АТга киритиб борилади.
37. «Инсон» марказлари мониторинг давомида аниқланган маълумотлар асосида одам савдосидан жабрланган шахсларнинг ҳолатини, ижтимоий хизматларга бўлган эҳтиёжини ўрганиб боради ҳамда зарур ҳолларда қўшимча хизматлар таклиф этади.
Мониторинг ўтказиш сўровномаси Агентлик томонидан тасдиқланади.
38. «Инсон» марказлари томонидан мониторинг ва кўрсатилган хизматлар натижалари, амалга оширилган чора-тадбирлар тўғрисидаги маълумотлар «ЯИМҲ» АТ орқали тегишли ихтисослашган муассасаларга юборилади.
5-боб. Якунловчи қоидалар
39. Одам савдосидан жабрланган шахсларга кўрсатиладиган ижтимоий хизматларнинг сифати учун «Инсон» марказлари ва ихтисослашган муассасалар раҳбарлари шахсан жавобгар ҳисобланади.
40. Ҳудудий комиссия томонидан якуний идентификацияни амалга ошириш жараёнида одам савдосидан жабрланган деб тахмин қилинаётган шахсни одам савдосидан жабрланган деб топиш рад этилган ҳолатларда, «Инсон» марказларига ёки ихтисослашган муассасалар томонидан ушбу шахсларга хизмат кўрсатиш тўхтатилади.
41. «Инсон» марказлари ва ихтисослашган муассасалар ўз фаолиятини амалга ошириши натижасида олинган шахсга доир маълумотларнинг сир сақланишини таъминлайди.
42. «Инсон» марказлари, ихтисослашган муассасалар, давлат органлари ва бошқа ташкилотлар томонидан ушбу Регламент талабларига риоя этилиши устидан назоратни Агентлик ҳузуридаги Ижтимоий инспекция амалга оширади.
43. Мазкур Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Одам савдосидан жабрланган шахсларнинг хизматларга бўлган эҳтиёжини аниқлаш ва уларга ижтимоий хизматлар кўрсатишнинг маъмурий регламентига
ИЛОВА
Одам савдосидан жабрланган шахсларнинг хизматларга бўлган эҳтиёжини аниқлаш ва уларга ижтимоий хизматлар кўрсатиш
СХЕМАСИ

Босқичлар

Масъуллар

Тадбирлар

Муддат

1-босқич

Одам савдосидан жабрланган шахслар

«Инсон» марказлари ёки ихтисослашган муассасаларнинг хизматларидан фойдаланиш учун тўғридан тўғри «Инсон» марказларига, ихтисослашган муассасаларга, маҳалладаги ижтимоий ходимга ёки 1146 қисқа рақамли «ишонч телефони»га мурожаат қилинади.

Ўз ихтиёрига кўра

2-босқич

«Инсон» марказлари ёки ихтисослашган муассасалар

1. Шахсларни дастлабки идентификациядан ўтказади.

2. Дастлабки идентификация натижасида одам савдосидан жабрланган деб тахмин қилинаётган шахс сифатида эътироф этилган шахслар ҳақидаги маълумотларни, уларнинг розилигига кўра, ички ишлар органларига юборилади.

5 сутка ичида

3-босқич

«Инсон» марказлари

1. Ижтимоий хизматлардан фойдаланиш истагини билдирган одам савдосидан жабрланганларнинг ҳолати ҳамда ижтимоий хизматларга бўлган эҳтиёжи сўровнома асосида баҳоланади.

2. Сўровнома натижасида одам савдосидан жабрланганларга ижтимоий хизматлар белгиланади.

Бир иш куни ичида

Ихтисослашган муассасалар

Одам савдосидан жабрланганлар билан ижтимоий хизматлар кўрсатиш шартномаси имзоланади.

Жойлаштирилган куннинг ўзида

Ихтисослашган муассасаларга жойлаштирилган шахслар тиббий кўрикдан ўтказилади.

3 кун

1. Одам савдосидан жабрланганларнинг ҳолати ижтимоий ходим, ҳуқуқшунос ва психологдан иборат мультидисциплинар гуруҳ томонидан баҳоланади.

2. Баҳолаш натижалари асосида якка тартибдаги ижтимоий реабилитация дастури ишлаб чиқилади.

5 иш куни

4-босқич

«Инсон» марказлари

Одам савдосидан жабрланган деб тахмин қилинаётган шахсларга белгиланган ижтимоий хизматлар кўрсатилишини таъминлайди.

 

1 ойгача

Одам савдосидан жабрланган деб тан олинган шахсларга белгиланган ижтимоий хизматлар кўрсатилишини таъминлайди.

Мурожаатига мувофиқ

Ихтисослашган муассасалар

Одам савдосидан жабрланган деб тахмин қилинаётган шахсларга якка тартибдаги ижтимоий реабилитация дастурида белгиланган ижтимоий хизматлар кўрсатилишини таъминлайди.

1 ойгача

Одам савдосидан жабрланган деб тан олинган шахсларга якка тартибдаги ижтимоий реабилитация дастурида белгиланган ижтимоий хизматлар кўрсатилишини таъминлайди.

6 ойгача

5-босқич

«Инсон» марказлари

Реабилитация хизматлари якунланганидан сўнг ихтисослашган муассасалардан чиқарилган ва мониторингга розилик билдирган шахсларнинг ҳолатини мониторинг қилади ва заруратга кўра тегишли хизматлар кўрсатилишини таъминлайди.

6 ойгача

Вазирлар Маҳкамасининг 2026 йил 6 октябрдаги 539-сон қарорига
2-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг «Одам савдоси жабрдийдаларига ёрдам бериш бўйича республика реабилитация марказини ташкил этиш тўғрисида» 2008 йил 5 ноябрдаги 240-сон қарорида:
иккинчи хатбоши қуйидаги таҳрирда баён этилсин:
«одам савдосидан жабрланганлар, одам савдосидан жабрланган деб тахмин қилинаётганларни қулай яшаш ва шахсий гигиена шарт-шароитлари, шунингдек, озиқ-овқат ва дори воситалари билан таъминлаш»;
қуйидаги мазмундаги еттинчи хатбоши билан тўлдирилсин:
«Аёллар ва болаларни реабилитация қилиш республика марказининг одам савдосидан жабрланган шахсларга хизмат кўрсатишга ихтисослаштирилган ҳудудий марказларининг одам савдосидан жабрланган шахсларга реабилитация хизматларини кўрсатиш фаолиятини мувофиқлаштириш»;
б) 3-банд қуйидаги таҳрирда баён этилсин:
«3. Одам савдоси жабрдийдаларига ёрдам бериш бўйича Республика реабилитация маркази тўғрисидаги низом иловага мувофиқ тасдиқлансин».
в) 1-илова ўз кучини йўқотган деб ҳисоблансин;
илова белгисидаги «2-илова» сўзлари «илова» сўзи билан алмаштирилсин;
иккинчи хатбоши қуйидаги таҳрирда баён этилсин:
«одам савдосидан жабрланганларни, одам савдосидан жабрланган деб тахмин қилинаётганларни қулай яшаш ва шахсий гигиена шарт-шароитлари, шунингдек, озиқ-овқат ва дори воситалари билан таъминлаш»;
қуйидаги мазмундаги еттинчи хатбоши билан тўлдирилсин:
«Аёллар ва болаларни реабилитация қилиш республика марказининг одам савдосидан жабрланган шахсларга хизмат кўрсатишга ихтисослаштирилган ҳудудий марказларининг одам савдосидан жабрланган шахсларга реабилитация хизматларини кўрсатиш фаолиятини мувофиқлаштириш»;
биринчи хатбоши қуйидаги таҳрирда баён этилсин:
«а) одам савдосидан жабрланганларни, одам савдосидан жабрланган деб тахмин қилинаётганларни қулай яшаш ва шахсий гигиена шарт-шароитлари, шунингдек, озиқ-овқат ва дори воситалари билан таъминлаш соҳасида:»;
тўртинчи хатбоши қуйидаги таҳрирда баён этилсин:
«белгиланган тартибда тиббий хизматлар кўрсатилишини ташкил этади»;
қуйидаги мазмундаги «е» кичик банд билан тўлдирилсин:
«е) Аёллар ва болаларни реабилитация қилиш республика марказининг одам савдосидан жабрланган шахсларга хизмат кўрсатишга ихтисослаштирилган ҳудудий марказларининг одам савдосидан жабрланган шахсларга реабилитация хизматларини кўрсатиш фаолиятини мувофиқлаштириш соҳасида:
ихтисослаштирилган ҳудудий марказлар фаолиятини услубий жиҳатдан мувофиқлаштиради;
ихтисослаштирилган ҳудудий марказларда одам савдосидан жабрланган шахслар билан ишлаш бўйича ягона ёндашув ва хизмат кўрсатиш сифатини таъминлайди, реабилитация, ижтимоий, психологик, ҳуқуқий ва тиббий-ижтимоий ёрдам кўрсатиш жараёнларини мониторинг қилади;
ихтисослаштирилган ҳудудий марказлар томонидан одам савдосидан жабрланган шахсларга кўрсатилган хизматлар натижадорлигини таҳлил қилади, мавжуд муаммоларни аниқлайди ҳамда уларни бартараф этиш юзасидан таклифлар ишлаб чиқади;
одам савдосидан жабрланган шахсларни реабилитация қилиш соҳасида ихтисослаштирилган ҳудудий марказлар ходимларининг касбий салоҳиятини ошириш чораларини кўради, ўқув-семинарлар, супервизия, методик тавсиялар ва амалий қўлланмаларни ишлаб чиқишни таъминлайди»;
12-банд қуйидаги таҳрирда баён этилсин:
«12. Одам савдосидан жабрланганларни, одам савдосидан жабрланган деб тахмин қилинаётганларни Марказга жойлаштириш ҳамда уларга ижтимоий хизматлар кўрсатиш Вазирлар Маҳкамаси томонидан белгиланадиган тартибга мувофиқ амалга оширилади»;
13, 14, 16 — 19, 21 — 23 ва 25-бандлар кучини йўқотган деб ҳисоблансин.
2. Вазирлар Маҳкамасининг 2023 йил 23 мартдаги «Ижтимоий ҳимояга муҳтож айрим тоифадаги шахсларга нафақа ва моддий ёрдамларни тайинлаш ҳамда тўлаш тартиби тўғрисидаги низомларни тасдиқлаш ва ушбу соҳага замонавий ахборот технологияларини кенг жорий этиш орқали давлат хизмати сифатини оширишга доир қўшимча чора-тадбирлар ҳақида»ги 119-сон қарорида:
қуйидаги мазмундаги учинчи хатбоши билан тўлдирилсин:
«18 ёш ва ундан катта чуқур даражадаги ақлий заифлик ташхиси қўйилган ногиронлиги бўлган шахсларнинг парвариши билан банд бўлган қонуний вакилга парваришлаш нафақасини тайинлаш ва тўлаш тартиби тўғрисидаги низом 11-иловага мувофиқ»;
учинчи хатбоши тўртинчи хатбоши деб ҳисоблансин;
б) қуйидаги мазмундаги 11-илова билан тўлдирилсин:
«Вазирлар Маҳкамасининг 2023 йил 23 мартдаги 119-сон қарорига
11-ИЛОВА
18 ёш ва ундан катта чуқур даражадаги ақлий заифлик ташхиси қўйилган ногиронлиги бўлган шахсларнинг парвариши билан банд бўлган қонуний вакилга парваришлаш нафақасини тайинлаш ва тўлаш тартиби тўғрисида
НИЗОМ
1-боб. Умумий қоидалар
1. Ушбу Низом 18 ёш ва ундан катта чуқур даражадаги ақлий заифлик ташхиси қўйилган ногиронлиги бўлган шахслар (кейинги ўринларда — ногиронлиги бўлган шахслар)нинг парвариши билан банд бўлган қонуний вакилга парваришлаш нафақаси (кейинги ўринларда — парваришлаш нафақаси)ни тайинлаш ва тўлаш тартибини белгилайди.
Парваришлаш нафақаси Ўзбекистон Республикаси фуқаролари, Ўзбекистон Республикасида доимий яшайдиган хорижий давлат фуқаролари ва фуқаролиги бўлмаган шахсларга тайинланади.
2. Ушбу Низомда қуйидаги асосий тушунчалардан фойдаланилади:
ваколатли орган — Ўзбекистон Республикаси Президенти ҳузуридаги Ижтимоий ҳимоя миллий агентлигининг «Инсон» ижтимоий хизматлар марказлари;
нафақа олувчи — ногиронлиги бўлган шахсларга белгиланган тартибда васий сифатида тайинланган шахс;
молиявий агент — парваришлаш нафақасини нафақа олувчининг ижтимоий картасига ўтказишга масъул бўлган Ўзбекистон Республикаси резиденти бўлган тижорат банки.
3. Парваришлаш нафақаси нафақа олувчининг ваколатли органга қилган мурожаатига асосан «Ягона миллий ижтимоий ҳимоя» ахборот тизими (кейинги ўринларда — «ЯМИҲ» АТ) орқали инсон омилисиз автоматик тарзда тайинланади ҳамда ҳар ойда тўлаб борилади.
4. Парваришлаш нафақаси нафақа олувчи томонидан мурожаат қилинган кундан бошлаб, ногиронлик ва нафақа олувчига белгиланган васийлик муддатининг бутун даври давомида тўлаб борилади. Бунда нафақа олувчи Ўзбекистон Республикаси ҳудудида доимий яшовчи чет эл фуқароси ва фуқаролиги бўлмаган шахс бўлса, унга парваришлаш нафақаси унинг яшаш гувоҳномаси (ID-карта ёки паспорт) амал қиладиган муддат давомида тўланади.
5. Парваришлаш нафақасини тўлаш билан боғлиқ харажатлар Ўзбекистон Республикасининг республика бюджети маблағлари ҳисобидан молиялаштирилади.
6. Парваришлаш нафақасини тайинлаш ва тўлаш ушбу Низомга 1-иловага мувофиқ схема асосида амалга оширилади.
2-боб. Парваришлаш нафақасини тайинлаш
7. Нафақа олувчи парваришлаш нафақасини олиш учун ваколатли органга бевосита борган ҳолда ёки ижтимоий ходим орқали мурожаат қилади. Бунда ваколатли органнинг масъул ходими ёки ижтимоий ходим томонидан «ЯМИҲ» АТ орқали нафақа олувчининг номидан мазкур Низомга 2-иловага мувофиқ шаклдаги сўровнома электрон тарзда тўлдирилади. Бунда:
сўровномани тўлдириш жараёнида нафақа олувчи томонидан ваколатли органнинг масъул ходими ёки ижтимоий ходимга ногиронлик бўлган шахсга васийлик тайинлаш тўғрисидаги қарор тақдим этилиши талаб этилади;
нафақа олувчи томонидан ногиронлиги бўлган шахсга васий тайинлаш тўғрисидаги қарор тақдим этилмаган тақдирда, ваколатли органнинг масъул ходими ёки ижтимоий ходим томонидан сўровномани тўлдириш рад этилади ҳамда бир иш куни ичида нафақа олувчига рад этиш асослари баён этилган жавоб хати берилади.
8. Сўровномага илова қилинадиган ҳужжатнинг тўғрилигига ваколатли органнинг масъул ходими ёки ижтимоий ходим, унинг ҳақиқийлигига эса нафақа олувчи жавобгар ҳисобланади.
9. Сўровнома тўлдирилгандан сўнг нафақа олувчи унга киритилган маълумотларнинг тўғрилигини текширади ва уни идентификация қилишнинг тегишли воситалари (дактилоскопия, электрон рақамли имзо, Face-ID, Моbil-ID ва бошқалар) билан тасдиқлайди.
10. Сўровнома нафақа олувчи томонидан тасдиқланганидан сўнг унда кўрсатилган қуйидаги маълумотлар «ЯМИҲ» АТда автоматик равишда ўрганилади:
ногиронлиги бўлган шахснинг ногиронлиги ва чуқур даражадаги ақлий заифлик ташхиси қўйилганлиги тўғрисидаги маълумотлар;
ногиронлиги бўлган шахснинг «Ғамхўрлик» марказига жойлаштирилганлиги ёки «Янги кун» кундузги қараб туриш, уй шароитида қараб туриш ва кичик ҳажмли «Мадад» уйлари хизматларининг биридан фойдаланаётганлиги тўғрисидаги маълумотлар.
11. Нафақа олувчининг парваришлаш нафақасини тайинлаш ва тўлаш бўйича мурожаатини кўриб чиққанлик учун тўлов ундирилмайди.
12. Қуйидаги ҳолларда парваришлаш нафақасини тайинлаш рад этилади:
сўровномада кўрсатилган ногиронлиги бўлган шахснинг ногиронлиги ва унга чуқур даражадаги ақлий заифлик ташхиси қўйилганлиги тўғрисидаги маълумотлар аниқланмаса;
сўровномада кўрсатилган ногиронлиги бўлган шахс «Ғамхўрлик» марказига жойлаштирилганлиги ёки «Янги кун» кундузги қараб туриш, уй шароитида қараб туриш ва кичик ҳажмли «Мадад» уйлари хизматларининг биридан фойдаланаётганлиги аниқланганда.
Парваришлаш нафақасини тайинлашни бошқа асосларга кўра рад этишга йўл қўйилмайди.
13. Сўровномага мувофиқ ушбу Низомнинг 10-бандида назарда тутилган маълумотлар ўрганилгандан сўнг, «ЯМИҲ» АТда нафақа тайинланади ёки нафақа тайинлаш рад этилади ҳамда нафақа олувчининг сўровномада кўрсатилган мобил алоқа воситасига қуйидагиларни назарда тутувчи СМС-хабарнома юборилади:
тайинланган парваришлаш нафақаси тўловларини амалга оширувчи ва унинг номига расмийлаштирилган ижтимоий картани (агар ижтимоий карта расмийлаштирилмаган бўлса) тақдим этувчи молиявий агент тўғрисидаги маълумотлар;
нафақа тайинлашни рад этиш асослари.
3-боб. Парваришлаш нафақасини тўлаш
14. Тайинланган парваришлаш нафақаси бўйича тўловлар молиявий агент томонидан нафақа олувчининг ижтимоий картасига ўтказилади.
15. Парваришлаш нафақаси тўловини амалга ошириш учун нафақа олувчининг ижтимоий картаси мавжуд бўлмаган тақдирда, ушбу шахсга парваришлаш нафақасини тайинлаш билан бир вақтда унга ижтимоий карта расмийлаштириш мақсадида «ЯМИҲ» АТ орқали унинг маълумотлари молиявий агентга юборилади.
16. Жорий ой давомида тайинланган парваришлаш нафақалари бўйича тўловларни амалга ошириш учун тўлов рўйхат (ведомост)лари ҳамда тегишли маблағлар «ЯМИҲ» АТ орқали Ўзбекистон Республикаси Президенти ҳузуридаги Ижтимоий ҳимоя миллий агентлиги томонидан кейинги ойнинг 5-санасига қадар молиявий агентга тақдим этилади ва молиялаштирилади.
Ушбу бандда кўрсатилган муддатнинг охирги куни байрам ва дам олиш кунларига тўғри келганда, тўлов рўйхат (ведомост)лари ва зарур маблағлар кейинги икки иш куни мобайнида молиявий агентга тақдим этилиши ва молиялаштирилиши мумкин.
17. Молиявий агент томонидан бир иш куни давомида тақдим этилган тўлов рўйхат (ведомост)ларига асосан нафақа олувчиларнинг ижтимоий карталарига парваришлаш нафақалари ўтказилиши таъминланади.
18. Тўлиқ бўлмаган ой кунлари учун тайинланган парваришлаш нафақасининг нафақа олувчига тўланадиган миқдори қуйидаги тартибда аниқланади:
тайинланган парваришлаш нафақаси миқдорини тегишли ойнинг календарь кунлари сонига бўлиш йўли билан бир кун учун тўлов суммаси аниқланади;
бир кун учун тўлов суммаси тўлов амалга оширилиши лозим бўлган тегишли ойнинг қолган календарь кунлари сонига кўпайтирилади.
19. Қуйидаги ҳолларда парваришлаш нафақасини тўлаш тўхтатиб турилади:
ногиронлиги бўлган шахс узрсиз сабабларга кўра белгиланган муддатда тиббий-ижтимоий эксперт комиссиясига қайта кўрикдан ўтиш учун бормаган бўлса;
нафақа олувчи томонидан парваришлаш нафақасини тўлашни тўхтатиб туриш тўғрисида ариза берилганда.
Тайинланган парваришлаш нафақасини тўлаш қонунчиликда назарда тутилган бошқа ҳолларда ҳам тўхтатиб турилади.
Парваришлаш нафақасини тўлаш ушбу бандда кўрсатилган асослар бўйича тўхтатиб турилган тақдирда, нафақа олувчи ваколатли органга келиб шахсини тасдиқловчи ҳужжатни ҳамда тўхтатиш асослари бекор қилинганлигига оид маълумотларни кўрсатган ҳолда мурожаат қилгандан сўнг бир иш куни ичида қайта тикланади.
Бунда мазкур банднинг иккинчи хатбошисида назарда тутилган ҳолат бўйича шахс:
бир ой ичида тиббий-ижтимоий эксперт комиссияси кўригидан ўтса ҳамда унга қайта ногиронлик белгиланиб, чуқур даражадаги ақлий заифлик ташхиси қўйилган тақдирда, парваришлаш нафақаси тўхтатиб турилган кундан эътиборан қайта тикланади;
бир ойдан кўп вақт ўтганидан сўнг тиббий-ижтимоий эксперт комиссияси кўригидан ўтса ҳамда унга қайта ногиронлик белгиланиб, чуқур даражадаги ақлий заифлик ташхиси қўйилган тақдирда, парваришлаш нафақаси ногиронлик қайта белгиланган кундан эътиборан қайта тикланади.
20. Қуйидаги ҳолларда парваришлаш нафақасини тўлаш тўхтатилади:
ногиронлиги бўлган шахс ёки нафақа олувчи вафот этганда;
нафақа олувчи озодликдан маҳрум этилганда;
васийлик тугатилганда ёхуд васийлик ва ҳомийлик органи томонидан нафақа олувчи белгиланган тартибда васий сифатидаги мажбуриятларни бажаришдан озод қилинганда ёки четлаштирилганда;
ногиронлиги бўлган шахс ёки нафақа олувчи доимий яшаш учун Ўзбекистон Республикаси ташқарисига чиқиб кетганда;
ногиронлиги бўлган шахс «Ғамхўрлик» марказига жойлаштирилганда;
ногиронлиги бўлган шахс «Янги кун» кундузги қараб туриш хизмати, уй шароитида қараб туриш хизмати ёки кичик ҳажмли «Мадад» уйлари хизматларининг биридан фойдаланишни бошлаганда;
нафақа олувчи Ўзбекистон Республикаси ташқарисига чиқиб бир ойдан ортиқ вақт мобайнида Ўзбекистон Республикасига қайтиб келмаганида (бундан парвариши билан банд бўлган ногиронлиги бўлган шахс билан бирга чиқиб кетган ҳолат мустасно);
нафақа олувчи суриштирув ва тергов органларидан ҳамда суддан яшириниб юрганда ёки уни жиноий жазони ўташдан бўйин товлаётган шахс сифатида қидирув эълон қилинганда ёки бедарак йўқолганда.
21. Ушбу Низомнинг 19 ва 20-бандларида назарда тутилган парваришлаш нафақасини тўлашнинг тўхтатилиши ёки тўхтатиб турилиши ёхуд қайта тикланишига олиб келадиган ҳолатлар пайдо бўлганда, тегишли ҳолатлар пайдо бўлган ойдан кейинги ойнинг биринчи санасидан бошлаб тўхтатилади ёки тўхтатиб турилади ёхуд қайта тикланади.
22. Нафақа олувчига тўланиши лозим бўлган ва унинг вафот этиши муносабати билан олинмай қолган парваришлаш нафақаси суммаси мерос таркибига киритилмайди.
23. Ногиронлиги бўлган шахс ёки нафақа олувчи вафот этганлиги тўғрисидаги маълумотлар «ЯМИҲ» АТга келиб тушган ой учун тўлов рўйхат (ведомост)лари шакллантирилганда ёки парваришлаш нафақаси бўйича тўлов нафақа олувчининг ижтимоий картасига кирим қилинган тақдирда, парваришлаш нафақаси қайтарилмайди.
4-боб. Якунловчи қоидалар
24. Ушбу Низомга мувофиқ парваришлаш нафақасини тайинлаш ва тўлаш учун зарур бўлган ва ваколатли органга ахборот тизимлари орқали юбориладиган маълумотларнинг тўғрилиги ҳамда ҳаққонийлиги учун жавобгарлик ушбу маълумотларни юборган вазирлик ёки идорага юклатилади.
25. Парваришлаш нафақаси тўловининг тўхтатилиши ёки тўхтатиб турилишига олиб келадиган ҳолатлар пайдо бўлган тақдирда, нафақа олувчи бу ҳақда ваколатли органга хабар берилиши шарт.
26. Нафақа олувчига у томонидан қилинган қасддан нотўғри ҳужжатларни тақдим этиш, мазкур Низомнинг 25-бандида назарда тутилган ҳолатлар тўғрисидаги маълумотларни тақдим этмаслик натижасида ёки ҳисоблашдаги ёхуд бошқа техник хато оқибатида ортиқча тўланган маблағлар кейинги ойларда тўланадиган парваришлаш нафақасидан ушлаб қолинади.
Бунда ортиқча тўланган парваришлаш нафақаси суммаси ушлаб қолингандан сўнг нафақа олувчига тўланиши лозим бўлган парваришлаш нафақасининг миқдори минимал истеъмол харажатларидан кам бўлиши мумкин эмас.
27. Нафақа олувчи ортиқча тўланган парваришлаш нафақаси суммаларини ушлаб қолинишидан норози бўлган тақдирда ёки парваришлаш нафақаси тўхтатилганда, аниқланган қарздорлик нафақа олувчидан суд тартибида ундирилади.
28. Парваришлаш нафақасини тайинлаш ёки тайинлашни рад этиш тўғрисидаги қарор юзасидан нафақа олувчи томонидан бўйсунув тартибида юқори турувчи органга ёки бевосита судга шикоят қилиниши мумкин.
29. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.
18 ёш ва ундан катта чуқур даражадаги ақлий заифлик ташхиси қўйилган ногиронлиги бўлган шахсларнинг парвариши билан банд бўлган қонуний вакилга парваришлаш нафақасини тайинлаш ва тўлаш тартиби тўғрисидаги низомга
1-ИЛОВА
18 ёш ва ундан катта чуқур даражадаги ақлий заифлик ташхиси қўйилган ногиронлиги бўлган шахсларнинг парвариши билан банд бўлган қонуний вакилга парваришлаш нафақасини тайинлаш
СХЕМАСИ

Босқичлар

Субъектлар

Механизм

Бажариш муддатлари

1-босқич

18 ёш ва ундан катта чуқур даражадаги ақлий заифлик ташхиси қўйилган ногиронлиги бўлган шахсларнинг парвариши билан банд бўлган қонуний вакил

(кейинги ўринларда — қонуний вакил)

18 ёш ва ундан катта чуқур даражадаги ақлий заифлик ташхиси қўйилган ногиронлиги бўлган шахсларнинг парвариши билан банд бўлган қонуний вакилга парваришлаш нафақаси (кейинги ўринларда — парваришлаш нафақаси)ни тайинлаш юзасидан «Инсон» ижтимоий хизматлар марказига ёки тегишли ижтимоий ходимга мурожаат қилади.

Хоҳишига кўра

2-босқич

«Инсон» ижтимоий хизматлар маркази ёки тегишли ижтимоий ходим

«Ягона миллий ижтимоий ҳимоя» ахборот тизими (кейинги ўринларда — «ЯМИҲ» АТ)да қонуний вакил номидан сўровнома тўлдиради.

Мурожаат қилинган вақтда

3-босқич

Қонуний вакил

Маълумотларнинг тўғрилигини текширади ва идентификация қилишнинг тегишли воситалари (дактилоскопия, электрон рақамли имзо, Face-ID, Моbil-ID ва бошқалар) билан тасдиқлайди.

Сўровнома тўлдирилгандан сўнг

4-босқич

«ЯМИҲ» АТ

Сўровномада кўрсатилган маълумотларни белгиланган тартибда ўрганиш натижасида қонуний вакилга парваришлаш нафақаси тайинланади ёки мазкур нафақани тайинлаш рад этилади.

Сўровнома тасдиқлангандан сўнг автоматик равишда

5-босқич

Ўзбекистон Республикаси Президенти ҳузуридаги Ижтимоий ҳимоя миллий агентлиги

Жорий ой давомида тайинланган парваришлаш нафақалари бўйича тўловларни амалга ошириш учун тўлов рўйхат (ведомост)лари ҳамда тегишли маблағлар «ЯМИҲ» АТ орқали молиявий агентга тақдим этилади ва молиялаштирилади.

Ҳар ой кейинги ойнинг 5-санасига қадар

6-босқич

Молиявий агент

Тақдим этилган тўлов рўйхат (ведомост)ларига асосан нафақа олувчиларнинг ижтимоий карталарига парваришлаш нафақалари ўтказилиши таъминланади.

Бир иш куни давомида

18 ёш ва ундан катта чуқур даражадаги ақлий заифлик ташхиси қўйилган ногиронлиги бўлган шахсларнинг парвариши билан банд бўлган қонуний вакилга парваришлаш нафақасини тайинлаш ва тўлаш тартиби тўғрисидаги низомга
2-ИЛОВА
18 ёш ва ундан катта чуқур даражадаги ақлий заифлик ташхиси қўйилган ногиронлиги бўлган шахсларнинг парвариши билан банд бўлган қонуний вакилга парваришлаш нафақасини тайинлаш бўйича
СЎРОВНОМА

I. Мурожаат қилувчи (Қонуний вакил) тўғрисида маълумотлар

1. Фамилияси:

2. Исми:

3. Отасининг исми:

4. Туғилган санаси:

5. Паспорт (идентификация ID-карта) серияси ва рақами:

6. Жисмоний шахснинг шахсий идентификация рақами:

7. Маҳалла фуқаролар йиғини номи:

8. Телефон рақами:

9. Электрон почта манзили (мавжуд бўлса):

10. Васийлик ёки ҳомийлик белгилашга доир ваколатли органнинг қарори рақами:

11. Ақлий заифлик ташхиси қўйилган ногиронлиги бўлган шахсга васийлик ёки ҳомийлик белгилашга доир ваколатли органнинг қарори*:

II. 18 ёш ва ундан катта чуқур даражадаги ақлий заифлик ташхиси қўйилган ногиронлиги бўлган шахснинг маълумотлари

1. Фамилияси:

2. Исми:

3. Отасининг исми:

4. Туғилган санаси:

5. Паспорт (идентификация ID-карта) серияси ва рақами:

6. Жисмоний шахснинг шахсий идентификация рақами:

7. Ногиронлик маълумотлари ва ташхиси:

8. Ногиронлиги бўлган шахснинг «Ғамхўрлик» марказларига ёки «Янги кун» кундузги қараб туриш хизмати, уй шароитида қараб туриш хизмати, кичик ҳажмли «Мадад» уйлари хизматларидан бирига жойлаштирилганлиги тўғрисидаги маълумотлар:

* Мазкур ҳужжат «PDF» (portable document format) форматида илова қилинади».
3. Вазирлар Маҳкамасининг 2024 йил 25 январдаги 46-сон қарори билан тасдиқланган Психологик-тиббий-педагогик комиссиялар тўғрисидаги низомда:
а) 7-банднинг еттинчи хатбоши қуйидаги таҳрирда баён этилсин:
«алоҳида таълим эҳтиёжлари бўлган болаларни бир инклюзив шароитда таълим олиши учун умумтаълим муассасасидан ёки ногиронлиги бўлган болалар учун «Ғамхўрлик» марказларидан бошқа шу турдаги муассасага ўтказиш юзасидан хулоса беради;»;
б) 2-илованинг 4-позицияси қуйидаги таҳрирда баён этилсин:

«

4.

Кўришида нуқсонлар:

а) Иккала кўзнинг кўрлиги

H54.0

Кўп тармоқли ихтисослаштирилган ҳамда қўшма турдаги мактабгача таълим ташкилоти

б) Микрофтальм (иккала кўз-OU)

Микрокорнеа (иккала кўз-OU)

Анофтальм (иккала кўз-OU)

Q11

Q13.4

Тиббий кўрсатмалар коррекциядан сўнг боланинг кўриш ўткирлиги 0,2 гача бўлганда кўп тармоқли ихтисослаштирилган, қўшма турдаги мактабгача таълим ташкилотига, кўриш ўткирлиги 0,4 гача бўлганда инклюзив гуруҳларга эга мактабгача таълим ташкилоти

в) Тўр пардасининг ривожланишидаги туғма нуқсонлар (иккала кўз-OU)

H33-35

г) Ретинобластома (иккала кўз-OU)

C69.2

H35.8

Бир кўзнинг кўрлиги, иккинчи кўз кўришининг пасайиши

H54.1

д) Колобома (иккала кўз-OU)

Q13.0

Q12.2

Q10.3

Q14.2

Q14.8

е) Претинопатия (чала туғилган болалар ретинопатияси) (иккала кўз-OU)

H35.1

ж) Кўриш нервининг атрофияси (иккала кўз-OU)

H47.2

з) Кўриш нерви диск ва макуласининг оғир даражадаги гипоплазияси (иккала кўз-OU)

Q14.2

и) Альбинизм

Е70.3

к) Аниридия (иккала кўз-OU)

Q13.1

л) Катаракта (иккала кўз-OU)

H26.0

Q12.0

м) Кўз гавҳарининг бошқа касалликлари Афакия ёки туғма афакия (иккала кўз-OU)

H27

H27.0

Q12.3

н) Кўз гавҳари силжиши (иккала кўз-OU)

Q12.1

о) кўз гавҳарининг чиқиши (иккала кўз-OU)

H27.1

п) Глаукома (туғма, иккиламчи) (иккала кўз-OU)

H40 — 42

р) Туғма миопиянинг юқори даражаси (иккала кўз-OU)

H52.1

с) Гиперметропиянинг юқори даражаси (иккала кўз-OU)

H52.0

т) Нистагм ва кўзнинг беихтиёр ҳаракатлари

H55

»;

б) 3-илованинг 3-позицияси қуйидаги таҳрирда баён этилсин:

«

3.

Кўришида нуқсонлар:

а) Иккала кўзнинг кўрлиги

H54.0

Ихтисослаштирилган мактаб ва мактаб-интернати

б) Микрофтальм (иккала кўз-OU)

Микрокорнеа (иккала кўз-OU)

Анофтальм (иккала кўз-OU)

Q11

Q13.4

Тиббий кўрсатмалар коррекциядан сўнг боланинг кўриш ўткирлиги 0,2 гача бўлганда ихтисослаштирилган мактаб ва мактаб-интернати, кўриш ўткирлиги 0,4 гача бўлганда Бошланғич таянч коррекцион, инклюзив таълим синфларига эга умумтаълим муассасаси.

в) Тўр пардасининг ривожланишидаги туғма нуқсонлар (иккала кўз-OU)

H33-35

г) Тўр пардасининг хавфли ўсмаси (ретинобластома) (иккала кўз-OU)

C69.2

H35.8

д) Бир кўзнинг кўрлиги, иккинчи кўз кўришининг пасайиши

H54.1

д) Колобома (иккала кўз-OU)

Q13.0

Q12.2

Q10.3

Q14.2

Q14.8

ж) Преретинопатия (чала туғилган болалар ретинопатияси) (иккала кўз-OU)

H35.1

з) Кўриш нервининг атрофияси (иккала кўз-OU)

H47.2

и) Кўриш нерви диск ва макуласининг оғир даражадаги гипоплазияси (иккала кўз-OU)

Q14.2

к) Альбинизм

Е70.3

л) Аниридия (иккала кўз-OU)

Q13.1

м) Катаракта (иккала кўз-OU)

H26.0

Q12.0

н) Кўз гавҳарининг бошқа касалликлари

Афакия ёки туғма афакия (иккала кўз-OU)

H27

H27.0

Q12.3

о) Кўз гавҳари туғма силжиши (иккала кўз-OU)

Q12.1

п) Кўз гавҳарининг чиқиши (иккала кўз-OU)

H27.1

р) Глаукома (туғма, иккиламчи) (иккала кўз-OU)

H40 — 42

с) Туғма миопиянинг юқори даражаси (иккала кўз-OU)

H52.1

т) Гиперметропиянинг юқори даражаси (иккала кўз-OU)

H52.0

у) Нистагм ва кўзнинг беихтиёр ҳаракатлари

H55

»;

б) 4-илова қуйидаги таҳрирда баён этилсин:
«Психологик-тиббий-педагогик комиссиялар тўғрисидаги низомга
4-ИЛОВА
«Эрта аралашув» хизматига психологик-тиббий-педагогик комиссия хулосасини бериш учун асос бўладиган тиббий кўрсатмалар
РЎЙХАТИ

Т/р

Касаллик номи

Халқаро касалликлар таснифи

(ХКТ-10)

Изоҳ

I. Муддатидан олдин туғилган болалар

1.

Бошқа рукнларда таснифланмаган, туғилганда жисмининг кам вазн ва ҳомиладорлик муддатининг қисқарганлиги билан боғлиқ бўлган, бузилишлар

P07

Муддатдан олдин туғилган чақалоқ

II. Нерв системаси туғма аномалиялари (ривожланиш нуқсонлари)

2.

Анэнцефалия ва шунга ўхшаш ривожланиш нуқсонлари

Q00

3.

Энцефалоцеле

Q01

4.

Микроцефалия

Q02

5.

Туғма гидроцефалия

Q03

6.

Миянинг бошқа туғма аномалиялари (ривожланиш нуқсонлари)

Q04

7.

Spina bifida (умуртқа каналининг тўлиқсиз ёпилиши)

Q05

8.

Орқа миянинг бошқа туғма аномалиялари (ривожланиш нуқсонлари)

Q06

9.

Нерв системасининг бошқа туғма аномалиялари (ривожланиш нуқсонлари)

Q07

10.

Бошқа рукнларда таснифланмаган, гестация ҳолатига нисбатан кам вазнда туғилганлар

P05

Туғилгандаги тана вазни 1500 г дан кам

12.

Болалар церебрал фалажи

G80

Анамнезида оғир перинатал патология мавжуд бўлган ҳамда болалар серебрал фалажи ривожланиш хавфи юқори бўлган болалар.

13.

Гемиплегия

G81

14.

Параплегия ва тетраплегия

G82

15.

Бошқа паралитик синдромлар

G83

16.

Кутилган нормал физиологик ривожланишнинг йўқлиги

R62

Болалар ривожланишининг бузилишлари

III. Бошқа туғма аномалия (ривожи нуқсон)лари

17.

Нейрофиброматоз (бехатар)

Q85.0

18.

Бир неча системаларни қамраб олувчи бошқа аниқланган туғма аномалия (ривожи нуқсон)лари синдромлари

Q87

IV. Бошқа рукнларда таснифланмаган хромосом аномалиялар

19.

Даун синдроми

Q90

20.

Бошқа рукнларда таснифланмаган, моносомиялар ва аутосомлар бир қисмининг йўқолиши

Q93

21.

Тернер синдроми

Q96

22.

Бошқа рукнларда таснифланмаган, жинсий хромосомаларнинг бошқа аномалиялари, эркак фенотипи

Q98

23.

Бошқа рукнларда таснифланмаган, хромосомалар бошқа аномалиялари

Q99

V. Кўришида нуқсонлар (икки кўзида)

24.

Иккала кўзнинг кўрлиги

H54.0

25.

Микрофтальм (иккала кўз-OU)

Q11

26.

Микрокорнеа (иккала кўз-OU)

27.

Анофтальм (иккала кўз-OU)

28.

Тўр пардасининг хавфли ўсмаси (ретинобластома) (иккала кўз-OU)

C69.2

H35.8

29.

Преретинопатия (чала туғилган болалар ретинопатияси) (иккала кўз-OU)

H35.1

30.

Альбинизм

Е70.3

31.

Нистагм ва кўзнинг беихтиёр ҳаракатлари

H55

VI. Эшитишида нуқсонлар

32.

Икки томонлама нейросенсор карлик

Отологик ва аудиологик имплантатларнинг борлиги (кохлеар имплантациядан кейин)

H90.3 Z96.2

33.

Икки томонлама нейросенсор карлик

H90.3

34.

Эшитишнинг бузилишига олиб келувчи, қулоқ туғма аномалиялари (ривожланиш нуқсонлари)

Q16

35.

Икки томонлама аралаш кондуктив ва нейросенсор карлик

H90.6

VII. Нутқдаги нуқсон

36.

Танглай ёриғи (бўри оғиз)

Танглай ва лаб ёриғи (бўри оғиз қуён лаб билан)

Очиқ манқалик ва ёпиқ манқалик

Q35

Q37

R49.2

37.

Нутқ ва тил ривожининг специфик бузилишлари

F80

Нутқ ривожланишининг кечикиши (алалия)

38.

Дизартрия и анартрия

R47.1

VIII. Таянч-ҳаракат аппарати нуқсонлари

39.

Кифоз ва лордоз

M40

40.

Сколиоз

М41

41.

Спинал мушак атрофияси ва унга яқин синдромлар

G12

42.

Мушакларнинг бирламчи шикастланишлари

G71

43.

Тизза бўғими туғма аномалияси

Q74.1

44.

Туғма кўп сонли артрогрипоз

Q74.3

45.

Оёқ-қўл(лар)нинг бошқа аниқланган туғма аномалиялари

Q74.8

46.

Аниқланмаган оёқ-қўл(лар) туғма аномалиялари

Q74.9

47.

Найсимон суяклар ва умуртқа поғонасининг ўсиш дефекти билан кечувчи остеохондродисплазияси

Q77

48.

Цереброваскуляр касалликларининг оқибатлари

I69

49.

Товон туғма деформацияси

Q66

Товоннинг валгус (варус) деформацияси; ясси товонлик; маймоқлик

50.

Сон туғма деформациялари

Q65

Чаноқ-сон бўғими дисплазияси

51.

Тўш-ўмров-сўрғичсимон мускули туғма деформацияси

Q68.0

Бўйиннинг туғма қийшиқлиги

IX. Психологик ривожланишнинг бузилишлари

52.

Аутизмга хавф

F84.0

Психоневролог хулосаси

53.

Психологик ривожланишнинг аралаш специфик бузилишларига хавф

F83

X. Ривожланишда орқада қолиш хавфи (анамнезда)

54.

Перинатал даврда юзага келадиган бошқа бузилишлар

P90 — P96

55.

Аниқланмаган энцефалопатия

G93.4

56.

Бош миянинг бошқа аниқланган шикастланишлари

G93.8

57.

Туғма гипотонус

P94.2

58.

Перинатал даврда юзага келган, бронх-ўпка дисплазияси

P27.1

59.

Чақалоқдаги аниқланмаган респиратор бузилиш

P28.9

60.

Ҳаддан зиёд гемолиз сабабли келиб чиққан неонатал сариқлик

P58

61.

Бошқа ва аниқланмаган сабаблар келтириб чиқарган неонатал сариқлик

P59

62.

Оқсил-энергетик етишмовчилиги сабаб бўлган, ривожланишнинг кечикиши

E40-46

63.

Реанимация ва интенсив терапия бўлимида даволаш (3 кундан ортиқ)

64.

Она, ҳомиладорлик, туғруқ ва туғдириш ҳолатлари келтириб чиқарган, ҳомила ва чақалоқнинг шикастланишлари

P00-P04

65.

Ҳомиладорлик давомийлиги ва ҳомила ўсиши билан боғлиқ бўлган бузилишлар

P05-P08

66.

Туғруқ травмаси

P10-P15

67.

Перинатал давр учун хос бўлган, нафас ва юрак-томир бузилишлари

P20-P29

XI. Қалқонсимон без касалликлари

68.

Диффуз буқоқли туғма гипотиреоз

E03.0

XII. Наслий моддалар алмашинуви касалликлари

69.

Классик фенилкетонурия

E70.0

70.

Сфинголипидлар алмашинуви бузилишлари ва липидлар тўпланишининг бошқа бузилишлари

E75

71.

Кистозли фиброз

E84

».

4. Вазирлар Маҳкамасининг 2024 йил 31 майдаги 313-сон қарори билан тасдиқланган «Саховат ва кўмак» жамғармаси маблағлари ҳисобидан ижтимоий ёрдам кўрсатиш тартиби тўғрисида низомда:
а) қуйидаги мазмундаги 101-банд билан тўлдирилсин:
«101. Мазкур Низомнинг 14 ва 15-иловаларида кўрсатилган ёрдам бўйича талаб қилинадиган маблағлар олдинги ойдаги туман (шаҳар) «Саҳоват ва кўмак» жамғармасига келиб тушган тушум доирасида чегириб қолинади ва қолган маблағларнинг тақсимоти ушбу Низомнинг 10-бандида назарда тутилган тартибда амалга оширилади. Бунда мазкур Низомнинг 14 ва 15-иловаларидаги ёрдам бўйича чегириб қолинган маблағлар ҳисоби туман (шаҳар)лар кесимида алоҳида юритилади»;
б) 12-банднинг биринчи хатбошисидаги «1 — 13-иловаларига» сўзлари «1 — 15-иловаларига» сўзлари билан алмаштирилсин;
в) 14-банднинг биринчи хатбошисидаги «уч босқичда амалга оширилади» сўзларидан кейин «, ушбу Низомнинг 14 ва 15-иловаларида кўрсатилган ёрдамлар бундан мустасно» сўзлари билан тўлдирилсин;
г) 21-банд қуйидаги таҳрирда баён этилсин:
«21. Агентликнинг Қорақалпоғистон Республикаси, вилоятлар ва Тошкент шаҳар бошқармалари:
«Маҳалла еттилиги»нинг ижтимоий ҳимояга муҳтож оилаларга ёрдам кўрсатиш тўғрисидаги қарорларига асосан ёрдамлар бўйича тегишли маблағлар мазкур Низомнинг 1 — 13-иловаларига;
Вақтинчалик бошпана ва ижтимоий тикланиш маркази бошлиғининг тавсияномасига асосан мазкур Низомнинг 14-иловасига;
одам савдосидан жабрланганларга реабилитация хизматларини кўрсатишга ихтисослашган муассаса раҳбарининг тавсияномасига асосан Низомнинг 15-иловасига мувофиқ паспортларда назарда тутилган тартибда ўтказиб берилади»;
е) 44-банднинг иккинчи хатбошиси қуйидаги таҳрирда баён этилсин:
«ушбу Низомнинг 21-бандида белгиланган тартибда ёрдамлар бўйича маблағларни молиялаштириш».
ж) қуйидаги мазмундаги 14 ва 15-иловалар билан тўлдирилсин:
««Саховат ва кўмак» жамғармаси маблағлари ҳисобидан ижтимоий ёрдам кўрсатиш тартиби тўғрисидаги низомга
14-ИЛОВА
Муайян яшаш жойига эга бўлмаган шахсларнинг йўқотилган, муддати ўтган ёки яроқсиз ҳолатга келган биометрик паспортларини (идентификация ID-карталарни) қайта расмийлаштириш харажатларини қоплаш ёрдамини кўрсатиш
ПАСПОРТИ

1.

Ижтимоий ёрдам номи:

Муайян яшаш жойига эга бўлмаган шахсларнинг йўқотилган, муддати ўтган ёки яроқсиз ҳолатга келган биометрик паспортларини (идентификация ID-карталарни) қайта расмийлаштириш харажатларини қоплаш

2.

Ижтимоий ёрдам миқдори:

Базавий ҳисоблаш миқдорининг 89 фоизи миқдорида

3.

Ижтимоий ёрдам олувчининг тоифаси:

Муайян яшаш жойига эга бўлмаган шахслар

4.

Ижтимоий ёрдамни олиш учун тақдим қилинадиган ҳужжатлар:

Вақтинчалик бошпана ва ижтимоий тикланиш маркази бошлиғининг шахсни муайян яшаш жойига эга бўлмаган шахс деб эътироф этиш тўғрисидаги қарори;

Давлат хизматлари маркази ёки ички ишлар органларининг миграция ва фуқароликни расмийлаштириш бўлинмалари ёхуд Ягона интерактив давлат хизматлари портали орқали тақдим этилган идентификацияловчи ID-картасини берганлик учун давлат божини тўлаш бўйича тўлов ҳужжати.

5.

Ижтимоий ёрдамни тақдим этиш талаблари ва шартлари:

Шахснинг муайян яшаш жойига эга бўлмаган шахс деб эътироф этилганлиги

6.

Ижтимоий ёрдам кўрсатиш даврийлиги:

Бир маротаба

7.

Ижтимоий ёрдам кўрсатиш шакли:

Мазкур ёрдам идентификацияловчи ID-картасини олиш учун белгиланган давлат божи миқдорини ижтимоий ёрдам олувчи томонидан тақдим этилган тўлов ҳужжатида қайд этилган ғазна ҳисобварағига ўтказиш орқали кўрсатилади.

«Саховат ва кўмак» жамғармаси маблағлари ҳисобидан ижтимоий ёрдам кўрсатиш тартиби тўғрисидаги низомга
15-ИЛОВА
Одам савдосидан жабрланган шахсларни реабилитация марказларига бориш ва келиш харажатларини қоплаш ёрдамини кўрсатиш
ПАСПОРТИ

1.

Ижтимоий ёрдам номи:

Одам савдосидан жабрланган шахсларни реабилитация марказларига бориш ва келиш харажатларини қоплаш

2.

Ижтимоий ёрдам миқдори:

Одам савдоси жабрдийдаларига ёрдам бериш бўйича республика реабилитация марказига бориш ва келиш учун ҳар бир шахсга — БҲМнинг 1 баравари;

Аёллар ва болаларни реабилитация қилиш республика марказининг Қорақалпоғистон Республикаси, Қашқадарё, Самарқанд ва Фарғона вилоятларидаги ҳудудий марказларига бориш ва келиш учун ҳар бир шахсга — БҲМнинг ярим баравари.

3.

Ижтимоий ёрдам олувчининг тоифаси:

Одам савдосидан жабрланган деб тахмин қилинаётган ёки одам савдосидан жабрланган шахс деб тан олинган ҳамда одам савдосидан жабрланганларга реабилитация хизматларини кўрсатишга ихтисослашган муассасаларга юборилган жисмоний шахслар ва уларга ҳамроҳлик қилувчи шахслар (жабрланган шахснинг вояга етмаган фарзандлари, вояга етмаган жабрланганларнинг бир нафар қонуний вакили, шунингдек I гуруҳ ногиронлиги бўлган шахсларга қараб турувчи бир нафар ҳамроҳлик қилувчи шахслар).

4.

Ижтимоий ёрдамни олиш учун тақдим қилинадиган ҳужжатлар:

Одам савдосидан жабрланганларга реабилитация хизматларини кўрсатишга ихтисослашган муассаса раҳбарининг тавсияномаси.

5.

Ижтимоий ёрдамни тақдим этиш талаблари ва шартлари:

дастлабки идентификация натижасида одам савдосидан жабрланган деб тахмин қилинаётган шахс сифатида ёки якуний идентификация натижасида одам савдосидан жабрланган шахс деб тан олиниши;

одам савдосидан жабрланганларга реабилитация хизматларини кўрсатишга ихтисослашган муассасага етиб келиши.

6.

Ижтимоий ёрдам кўрсатиш даврийлиги:

Одам савдосидан жабрланганларга реабилитация хизматларини кўрсатишга ихтисослашган муассасага ҳар бир жойлаштирилган давр учун бир маротаба.

7.

Ижтимоий ёрдам кўрсатиш шакли:

Мазкур ёрдам бўйича тегишли маблағлар ёрдам олувчи одам савдосидан жабрланган деб тахмин қилинаётган ёки одам савдосидан жабрланган деб тан олинган шахснинг ижтимоий картаси ёки банк пластик картасига ўтказиб берилади.

8.

Изоҳ:

Мазкур ижтимоий ёрдамни олувчи шахслар реабилитация хизматларини кўрсатишга ихтисослашган муассаса жойлашган ҳудудга 50 километрдан узоқ бўлмаган ҳудудда яшаган ҳолларда уларга тавсиянома шакллантирилмайди ҳамда бориш ва келиш харажатлари тўлаб берилмайди.

».

5. Вазирлар Маҳкамасининг «Тазйиқ ва зўравонликка учраган хотин-қизлар ва уларнинг вояга етмаган фарзандларига ижтимоий хизматларни кўрсатиш тизимини йўлга қўйиш чора-тадбирлари тўғрисида» 2024 йил 25 июндаги 354-сон қарорида:
а) 2 ва 3-бандлардаги «Аёлларни реабилитация қилиш ва мослаштириш республика маркази» сўзлари тегишли келишикдаги «Аёллар ва болаларни реабилитация қилиш республика маркази» сўзлари билан алмаштирилсин;
б) қуйидаги мазмундаги 31 ва 32-бандлар билан тўлдирилсин:
«31. Ўзбекистон Республикаси Президентининг «2026 — 2030 йилларга мўлжалланган Болаларни зўравонликнинг барча шаклларидан ҳимоя қилиш стратегиясини тасдиқлаш тўғрисида» 2025 йил 24 декабрдаги ПФ-256-сон Фармони билан жинсий зўравонликдан жабрланганлиги туфайли оиласидан олинган болалар «Инсон» ижтимоий хизматлар марказлари томонидан Аёллар ва болаларни реабилитация қилиш республика марказининг ҳудудий марказларига бошқалардан алоҳида жойлаштирилиши мумкинлиги белгиланганлиги маълумот учун қабул қилинсин.
32. Шундай тартиб ўрнатилсинки, унга мувофиқ:
жинсий зўравонликдан жабрланган боланинг ҳаётий вазияти «Инсон» марказлари томонидан Вазирлар Маҳкамасининг «Болаларга нисбатан зўравонлик ҳолатларини аниқлаш, зўравонлик хавфи даражасини баҳолаш, ҳимоя қилиш режасини ишлаб чиқиш ҳамда уни амалга ошириш тартиби тўғрисидаги низомни тасдиқлаш ҳақида» 2025 йил 14 июлдаги 440-сон қарорида белгиланган тартибда баҳоланади;
баҳолаш натижалари асосида жинсий зўравонликдан жабрланган бола ота-онасидан (уларнинг биридан) ёки уни ўз қарамоғига олган бошқа шахслардан олиб қўйилганда, тегишли «Инсон» марказининг Ўзбекистон Республикаси Президенти ҳузуридаги Ижтимоий ҳимоя миллий агентлиги (кейинги ўринларда — Агентлик) томонидан тасдиқланган намунадаги қарори билан ҳудудий марказларга бошқалардан алоҳида жойлаштирилиши мумкин»;
в) 5-бандидаги «Ўзбекистон Республикаси Президенти ҳузуридаги Ижтимоий ҳимоя миллий агентлигига (кейинги ўринларда — Агентлик)» сўзлар «Агентлик» сўзи билан алмаштирилсин;
1-банд «ижтимоий хизматларни кўрсатиш» сўзларидан олдин «, шунингдек, жинсий зўравонликдан жабрланганлиги туфайли оиласидан олинган болаларга» сўзлари билан тўлдирилсин;
4-банднинг биринчи хатбошиси қуйидаги таҳрирда баён этилсин:
«4. Хотин-қизлар ва уларнинг вояга етмаган фарзандларига, шунингдек, жинсий зўравонликдан жабрланганлиги туфайли оиласидан олинган болаларга ижтимоий хизматлар «Инсон» марказлари, Аёллар ва болаларни реабилитация қилиш республика марказининг ҳудудий марказлари (кейинги ўринларда — ҳудудий марказлар) томонидан кўрсатилади. Бунда жинсий зўравонликдан жабрланганлиги туфайли оиласидан олинган болаларга ижтимоий хизматларни кўрсатиш улар учун ишлаб чиқилган ҳимоя қилиш режасига мувофиқ ташкил этилади»;
4-боб номи «вояга етмаган фарзандларини» сўзларидан кейин «, шунингдек, жинсий зўравонликдан жабрланганлиги туфайли оиласидан олинган болаларни» сўзлари билан тўлдирилсин;
қуйидаги мазмундаги 221-банд билан тўлдирилсин:
«221. Жинсий зўравонликдан жабрланган болалар қонунчиликда белгиланган тартибда ота-онасидан (уларнинг биридан) ёки уларни ўз қарамоғига олган бошқа шахслардан олиб қўйилганда, тегишли «Инсон» марказининг қарори билан ҳудудий марказларга бошқалардан алоҳида жойлаштирилиши мумкин.
Бунда ҳудудий марказларга жойлаштирилган жинсий зўравонликдан жабрланган болаларга ижтимоий хизматларни кўрсатиш, уларнинг ҳудудий марказларда бўлиш тартиби ва муддатлари улар учун ишлаб чиқилган ҳимоя қилиш режасига асосан мазкур бобда белгиланган тартибда ташкил этилади»;
илованинг номидаги «Аёлларни реабилитация қилиш ва мослаштириш республика маркази» сўзлари тегишли келишикдаги «Аёллар ва болаларни реабилитация қилиш республика маркази» сўзлари билан алмаштирилсин.
6. Вазирлар Маҳкамасининг «Етим ва ота-она қарамоғидан маҳрум бўлган болаларни ҳар томонлама қўллаб-қувватлаш ҳамда уларга ижтимоий ёрдам кўрсатиш билан боғлиқ харажатларни молиялаштиришга доир қўшимча чора-тадбирлар тўғрисида» 2025 йил 5 майдаги 294-сон қарорида:
а) 2-банднинг «б» кичик банди қуйидаги таҳрирда баён этилсин:
«б) ота-онаси уч ойдан ортиқ муддатга чет давлатга вақтинча чиқиб кетаётганлиги муносабати билан васийлик (ҳомийлик) тайинланган бола(лар)ни васийлик (ҳомийлик)ка берган ёки васийлик (ҳомийлик)ка олган оилаларнинг бири (иккаласи) Ижтимоий реестрга киритилган бўлса, васийлик (ҳомийлик)ка берилган бола(лар)га (кейинги ўринларда — васийлик ёки ҳомийликка берилган Ижтимоий реестрга киритилган оилалардаги болалар)»;
б) 3-банднинг учинчи ва тўртинчи хатбошиларидаги «васийлик ёки ҳомийликдаги Ижтимоий реестрга киритилган оила фарзандларига» сўзлари «васийлик ёки ҳомийликка берилган Ижтимоий реестрга киритилган оилалардаги болаларга» сўзлари билан алмаштирилсин;
1-банд қуйидаги таҳрирда баён этилсин:
«1. Ушбу Низом етим болалар ва ота-она қарамоғидан маҳрум бўлган болаларга ижтимоий ёрдамлар кўрсатиш тартибини белгилайди.
Ушбу Низом талаблари ота-онаси уч ойдан ортиқ муддатга чет давлатга вақтинча чиқиб кетаётганлиги муносабати билан васийлик (ҳомийлик) тайинланган бола(лар)ни васийлик (ҳомийлик)ка берган ёки васийлик (ҳомийлик)ка олган оилаларнинг бири (иккаласи) Ижтимоий реестрга киритилган бўлса, васийлик (ҳомийлик)ка берилган бола(лар)га (кейинги ўринларда — васийлик ёки ҳомийликка берилган Ижтимоий реестрга киритилган оилалардаги болалар) нисбатан ҳам татбиқ этилади. Бунда:
ушбу Низом асосида васийлик ёки ҳомийликка берилган Ижтимоий реестрга киритилган оилалардаги болаларга ижтимоий ёрдамлар уларнинг оиласи бўйича ишлаб чиқилган индивидуал режада назарда тутилган тақдирда кўрсатилади;
васийлик ёки ҳомийликка берилган Ижтимоий реестрга киритилган оилалардаги болаларга реестрга киритилган оила фарзандларига ижтимоий ёрдам кўрсатишда алоҳида мурожаат қилиш талаб этилмайди»;
биринчи хатбоши қуйидаги таҳрирда баён этилсин:
«14. Ушбу Низомга 2, 5 ва 13-иловаларга мувофиқ ижтимоий ёрдамларни кўрсатишда етим бола ёки ота-она қарамоғидан маҳрум бўлган боланинг тегишли ўқув курсларига мунтазам қатнашиши индивидуал ривожланиш режаси ёки индивидуал интеграция режасини шакллантирган «Инсон» маркази масъул ходимлари томонидан ўқув курслари тугагунга қадар ҳар ойда камида бир марта мониторинг қилиб борилади»;
иккинчи хатбошидаги «Низомга 5 ва 13-иловаларга» сўзлари «Низомга 2, 5 ва 13-иловаларга» сўзлари билан алмаштирилсин;
учинчи хатбоши қуйидаги таҳрирда баён этилсин:
«Ушбу банднинг биринчи ва иккинчи хатбошиларида назарда тутилган тадбирлар бўйича биринчи ой учун тўлов амалга оширилади ва кейинги ойлар учун тўловлар етим бола ёки ота-она қарамоғидан маҳрум бўлган боланинг тегишли ўқув курсларида ўқиганлиги «Инсон» ижтимоий хизматлар марказлари томонидан тасдиқланган тақдирда амалга оширилади»;
21-банднинг тўртинчи хатбошиси «турли хил ракурсдан олинган» сўзлари чиқариб ташлансин;
23-банд қуйидаги мазмундаги тўртинчи хатбоши билан тўлдирилсин:
«Бунда ваучердан у шаклланган санадан бошлаб ўн икки ой давомида ваучерда белгиланган маблағ доирасида бир неча марта фойдаланиш мумкин»;
27-банднинг иккинчи хатбошиси «Ижтимоий ҳимоя» АТнинг «Ижтимоий ҳимояга муҳтож болалар учун товарлар» бўлими» сўзларидан кейин «ёки тадбиркорлик субъектлари томонидан юритиладиган электрон савдо майдончалари» сўзлари билан тўлдирилсин;
32-банднинг иккинчи ва учинчи хатбошиларидаги «турли хил ракурсдан олинган» сўзлари чиқариб ташлансин;
37-банднинг иккинчи хатбошиси чиқариб ташлансин;
39-банднинг тўртинчи хатбошисидаги «васийлик ёки ҳомийликдаги Ижтимоий реестрга киритилган оила фарзандларига» сўзлари «васийлик ёки ҳомийликка берилган Ижтимоий реестрга киритилган оилалардаги болаларга» сўзлари билан алмаштирилсин;
2-илова «Изоҳ» қисмининг биринчи хатбошиси қуйидаги таҳрирда баён этилсин:
«*Мазкур ёрдам, истисно тариқасида, ота-онаси уч ойдан ортиқ муддатга чет давлатга вақтинча чиқиб кетаётганлиги муносабати билан ҳомийлик тайинланган бола(лар)ни ҳомийликка берган ёки ҳомийликка олган оилаларнинг бири (иккаласи) Ижтимоий реестрга киритилган бўлса, ҳомийликка берилган бола(лар)га ҳам кўрсатилиши мумкин»;
3-илова «Изоҳ» қисмининг биринчи хатбошиси қуйидаги таҳрирда баён этилсин:
«*Мазкур ёрдам, истисно тариқасида, ота-онаси уч ойдан ортиқ муддатга чет давлатга вақтинча чиқиб кетаётганлиги муносабати билан ҳомийлик тайинланган бола(лар)ни ҳомийликка берган ёки ҳомийликка олган оилаларнинг бири (иккаласи) Ижтимоий реестрга киритилган бўлса, ҳомийликка берилган бола(лар)га ҳам кўрсатилиши мумкин»;
4-илова «Изоҳ» қисмининг биринчи хатбошиси қуйидаги таҳрирда баён этилсин:
«*Мазкур ёрдам, истисно тариқасида, ота-онаси уч ойдан ортиқ муддатга чет давлатга вақтинча чиқиб кетаётганлиги муносабати билан васийлик (ҳомийлик) тайинланган бола(лар)ни васийлик (ҳомийлик)ка берган ёки васийлик (ҳомийлик)ка олган оилаларнинг бири (иккаласи) Ижтимоий реестрга киритилган бўлса, васийлик (ҳомийлик)ка берилган бола(лар)га ҳам кўрсатилиши мумкин»;
7-позициянинг учинчи устуни қуйидаги таҳрирда баён этилсин:
«Таълим ташкилотларига ўқишга кириш учун тайёрлаш курсларига мунтазам қатнашиш»;
9-позиция учинчи устунининг учинчи хатбошисидаги «давомийлигидан қатъий назар 6 ойгача» сўзлари «давомида 12 ойгача» сўзлари билан алмаштирилсин;
«Изоҳ» қисмининг биринчи хатбошиси қуйидаги таҳрирда баён этилсин:
«*Мазкур ёрдам, истисно тариқасида, ота-онаси уч ойдан ортиқ муддатга чет давлатга вақтинча чиқиб кетаётганлиги муносабати билан ҳомийлик тайинланган бола(лар)ни ҳомийликка берган ёки ҳомийликка олган оилаларнинг бири (иккаласи) Ижтимоий реестрга киритилган бўлса, ҳомийликка берилган бола(лар)га ҳам кўрсатилиши мумкин»;
6-позициянинг учинчи устуни қуйидаги таҳрирда баён этилсин:
«Тўлов-контракт асосида таълим бериш тўғрисидаги шартнома.»;
«Изоҳ» қисмида:
биринчи хатбошиси қуйидаги таҳрирда баён этилсин:
«*Мазкур ёрдам, истисно тариқасида, ота-онаси уч ойдан ортиқ муддатга чет давлатга вақтинча чиқиб кетаётганлиги муносабати билан ҳомийлик тайинланган бола(лар)ни ҳомийликка берган ёки ҳомийликка олган оилаларнинг бири (иккаласи) Ижтимоий реестрга киритилган бўлса ҳомийликка берилган бола(лар)га ҳам кўрсатилиши мумкин»;
қуйидаги мазмундаги тўртинчи — еттинчи хатбошилар билан тўлдирилсин:
«Ушбу паспортнинг 4 ва 5-позициялари назарда тутилган талабларга кўра, олий таълимда таҳсил олаётган талабаларга фақат бир маротаба базавий ҳисоблаш миқдорининг 20 бараваригача бўлган миқдорда ахборот технологиялари воситалари харид қилиш учун кўрсатилиши мумкин. Бунда:
харид қилинадиган ахборот технологиялари воситаларининг турлари ва уларни харид қилиш учун ажратиладиган маблағларнинг энг юқори миқдори Ўзбекистон Республикаси Президенти ҳузуридаги Ижтимоий ҳимоя миллий агентлиги томонидан тасдиқланади;
харид қилинадиган ахборот технологиялари воситалари Етим болалар ва ота-она қарамоғидан маҳрум бўлган болаларга ижтимоий ёрдам кўрсатиш тартиби тўғрисидаги низомга мувофиқ ваучер асосида харид қилинади;
ижтимоий ёрдам кўрсатиладиган шахснинг олий таълим муассасасида таълим олаётганлиги «Олий таълим жараёнларини бошқариш (HEMIS)» ахборот тизими орқали текширилади, агар ахборот тизимлари орқали текшириш имкони бўлмаганда олий таълим ташкилотининг маълумотномасига асосан хизмат кўрсатилади»;
номидаги «Халқаро имтиҳон» сўзлари «Миллий ва халқаро имтиҳон» сўзлари билан алмаштирилсин;
1-позициянинг учинчи устунида:
биринчи хатбошидаги «Халқаро имтиҳон» сўзлари «Миллий ва халқаро имтиҳон» сўзлари билан алмаштирилсин;
иккинчи хатбоши қуйидаги таҳрирда баён этилсин:
«Бунда барча фанлар бўйича миллий имтиҳонлар ҳамда қуйидаги халқаро имтиҳон тизимлари харажатлари қопланади:»;
6-позициянинг учинчи устуни матнидаги «халқаро имтиҳон» сўзлари «миллий ва халқаро имтиҳон» сўзлари билан алмаштирилсин;
7-позициянинг учинчи устуни учинчи хатбошисидаги «халқаро имтиҳон» сўзлари «миллий ва халқаро имтиҳон» сўзлари билан алмаштирилсин;
8-позициянинг учинчи устуни қуйидаги таҳрирда баён этилсин:
«Халқаро имтиҳонда икки маротаба, миллий имтиҳонда эса ҳар бир фан бўйича (5 тагача) икки маротаба»;
«Изоҳ» қисмининг биринчи хатбошиси қуйидаги таҳрирда баён этилсин:
«*Мазкур ёрдам, истисно тариқасида, ота-онаси уч ойдан ортиқ муддатга чет давлатга вақтинча чиқиб кетаётганлиги муносабати билан ҳомийлик тайинланган бола(лар)ни ҳомийликка берган ёки ҳомийликка олган оилаларнинг бири (иккаласи) Ижтимоий реестрга киритилган бўлса, ҳомийликка берилган бола(лар)га ҳам кўрсатилиши мумкин»;
4-позициянинг учинчи устуни қуйидаги таҳрирда баён этилсин:
«Васийлик ёки ҳомийлик белгиланган етим болалар ва ота-она қарамоғидан маҳрум бўлган болалар»;
«Изоҳ» қисми қуйидаги таҳрирда баён этилсин:
«Мазкур ёрдам, истисно тариқасида, ота-онаси уч ойдан ортиқ муддатга чет давлатга вақтинча чиқиб кетаётганлиги муносабати билан васийлик (ҳомийлик) тайинланган бола(лар)ни васийлик (ҳомийлик)ка берган ёки васийлик (ҳомийлик)ка олган оилаларнинг бири (иккаласи) Ижтимоий реестрга киритилган бўлса, васийлик (ҳомийлик)ка берилган бола(лар)га ҳам кўрсатилиши мумкин»;
9-илова «Изоҳ» қисмининг биринчи хатбошиси қуйидаги таҳрирда баён этилсин:
«*Мазкур ёрдам, истисно тариқасида, ота-онаси уч ойдан ортиқ муддатга чет давлатга вақтинча чиқиб кетаётганлиги муносабати билан васийлик (ҳомийлик) тайинланган бола(лар)ни васийлик (ҳомийлик)ка берган ёки васийлик (ҳомийлик)ка олган оилаларнинг бири (иккаласи) Ижтимоий реестрга киритилган бўлса, васийлик (ҳомийлик)ка берилган бола(лар)га ҳам кўрсатилиши мумкин»;
10-илованинг 7-позицияси учинчи устуни учинчи хатбошиси қуйидаги таҳрирда баён этилсин:
«етим болалар ва ота-она қарамоғидан маҳрум бўлган болаларнинг давлат ҳисобидан берилган турар жойларини ёки мулк ҳуқуқи асосида ўзига тегишли бошқа турар жойларини жиҳозлаш учун ишлатилади»;
11-илова «Изоҳ» қисмининг биринчи хатбошиси қуйидаги таҳрирда баён этилсин:
«*Мазкур ёрдам, истисно тариқасида, ота-онаси уч ойдан ортиқ муддатга чет давлатга вақтинча чиқиб кетаётганлиги муносабати билан васийлик (ҳомийлик) тайинланган бола(лар)ни васийлик (ҳомийлик)ка берган ёки васийлик (ҳомийлик)ка олган оилаларнинг бири (иккаласи) Ижтимоий реестрга киритилган бўлса, васийлик (ҳомийлик)ка берилган бола(лар)га ҳам кўрсатилиши мумкин»;
12-илова «Изоҳ» қисмининг биринчи хатбошиси қуйидаги таҳрирда баён этилсин:
«*Мазкур ёрдам, истисно тариқасида, ота-онаси уч ойдан ортиқ муддатга чет давлатга вақтинча чиқиб кетаётганлиги муносабати билан васийлик (ҳомийлик) тайинланган бола(лар)ни васийлик (ҳомийлик)ка берган ёки васийлик (ҳомийлик)ка олган оилаларнинг бири (иккаласи) Ижтимоий реестрга киритилган бўлса, васийлик (ҳомийлик)ка берилган бола(лар)га ҳам кўрсатилиши мумкин»;
13-илова «Изоҳ» қисмининг биринчи хатбошиси қуйидаги таҳрирда баён этилсин:
«*Мазкур ёрдам, истисно тариқасида, ота-онаси уч ойдан ортиқ муддатга чет давлатга вақтинча чиқиб кетаётганлиги муносабати билан ҳомийлик тайинланган бола(лар)ни ҳомийликка берган ёки ҳомийликка олган оилаларнинг бири (иккаласи) Ижтимоий реестрга киритилган бўлса, ҳомийликка берилган бола(лар)га ҳам кўрсатилиши мумкин»;
14-илованинг 9-позицияси учинчи устуни тўртинчи хатбошиси қуйидаги таҳрирда баён этилсин:
«уй-жойнинг яшаш хоналарини кенгайтириш ва қўшимча хона қуриш учун»;
15 ва 16-иловалардан «турли хил ракурсдан олинган» сўзлари чиқариб ташлансин.
7. Вазирлар Маҳкамасининг 2025 йил 1 июлдаги 405-сон қарори билан тасдиқланган Ногиронлиги бўлган шахслар бандлигини таъминлашга кўмаклашиш, уларнинг бандлигини таъминлаш ҳамда меҳнат қилишини қўллаб-қувватлашни рағбатлантириш тартиби тўғрисидаги низомнинг 29-бандидаги «16-санасига қадар» сўзлари «26-санасига қадар» сўзлари билан алмаштирилсин.
8. Вазирлар Маҳкамасининг «Зўравонликдан жабрланган, ўзига нисбатан зўравонлик содир этилиши хавфи остида ва ижтимоий жиҳатдан хавфли аҳволда бўлган болалар ҳамда уларнинг оилаларига ижтимоий хизматларни ташкил қилиш чора-тадбирлари тўғрисида» 2026 йил 9 февралдаги 48-сон қарорида:
қуйидаги мазмундаги саккизинчи хатбоши билан тўлдирилсин:
«Ҳудудий ижтимоий хизматлар марказларида ташкил этиладиган психоижтимоий реабилитация хизматларини ташкил этиш, мувофиқлаштириш, мониторинг қилиш, методик қўллаб-қувватлаш»;
саккизинчи хатбоши тўққизинчи хатбоши деб ҳисоблансин;
5-банд қуйидаги таҳрирда баён этилсин:
«5. Мазкур Низомнинг 4-бандида назарда тутилган ижтимоий хизматлар доирасида ижтимоий ҳимояга муҳтож болаларга психоижтимоий ҳамда таълим, спорт, маиший ва санъат соҳаларига оид педагогик хизматлар кўрсатилади.
Бунда психоижтимоий хизматлар Ҳудудий ижтимоий хизматлар марказларида ташкил этиладиган психоижтимоий реабилитация хоналарида нодавлат нотижорат ташкилотлари томонидан кўрсатилади.
Профессионал тутинган оилага жойлаштирилган болаларнинг оилаларига заруратга кўра «Меҳрли оила» хизмати кўрсатилади»;
биринчи хатбошидан «Ижтимоий ҳимоя миллий агентлиги ҳузуридаги Болаларни қўллаб-қувватлаш ва ижтимоий интеграция маркази (кейинги ўринларда — Интеграция маркази) ҳамда унинг минтақавий бўлинмалари,» сўзлари чиқариб ташлансин;
иккинчи хатбоши чиқариб ташлансин;
учинчи-тўртинчи хатбошилар тегишлича иккинчи-учинчи хатбошилар деб ҳисоблансин;
9-банднинг иккинчи хатбошиси қуйидаги таҳрирда баён этилсин:
«қонунчилик ҳужжатларида белгиланган тартибда лицензиялар ёки рухсат этиш хусусиятига эга ҳужжатлар бўлиши»;
10-банддаги «Интеграция маркази» сўзлари «Ижтимоий ҳимоя миллий агентлиги ҳузуридаги Болаларни қўллаб-қувватлаш ва ижтимоий интеграция маркази (кейинги ўринларда — Интеграция маркази)» сўзлари билан алмаштирилсин;
16-банднинг учинчи хатбошиси қуйидаги таҳрирда баён этилсин:
«Бунда мазкур Низомнинг 5-банди биринчи хатбошисида белгиланган хизматларнинг турлари, хизмат кўрсатиш муддатлари, вақти ва даврийлиги ушбу хизматларни кўрсатиш муддатларидан келиб чиқиб белгиланади»;
18-банднинг иккинчи ва учинчи хатбошилари чиқариб ташлансин;
1-позициянинг учинчи устуни қуйидаги таҳрирда баён этилсин:
«Қисқа муддатли ижтимоий хизмат»;
изоҳ қисми чиқариб ташлансин;
1-позициянинг учинчи устуни қуйидаги таҳрирда баён этилсин:
«Узоқ муддатли ижтимоий хизмат»;
изоҳ қисми чиқариб ташлансин;
в) 3-илованинг 23-банди биринчи хатбошисидаги «бола манфаатига» сўзлари «боланинг энг устун манфаатларига» сўзлари билан алмаштирилсин;
5-банднинг иккинчи хатбошис и қуйидаги таҳрирда баён этилсин:
«Кичик ҳажмли ижтимоий кўмак марказлари учун уй-жойларни харид қилиш Ижтимоий ҳимоя миллий агентлиги директорининг буйруғига асосан Интеграция маркази томонидан Ижтимоий ҳимоя миллий агентлигининг Ижтимоий ҳимоя давлат жамғармаси (кейинги ўринларда — Жамғарма) маблағлари ҳисобидан амалга оширилади»;
21-банддан «ҳамда таълим, спорт, маиший ва санъат соҳаларига оид қўшимча машғулотлар» сўзлари чиқариб ташлансин.
9. Вазирлар Маҳкамасининг «Руҳий ҳолати бузилган ногиронлиги бўлган шахслар учун интернат муассасаларини такомиллаштириш ва янги ижтимоий хизматларни ташкил этишга доир норматив-ҳуқуқий ҳужжатларни тасдиқлаш тўғрисида»ги 2026 йил 21 майдаги 271-сон қарорида:
а) 2-банднинг «д» кичик банди қуйидаги таҳрирда баён этилсин:
«д) ногиронлиги бўлган шахслар учун «Мурувват» интернат уйлари «Ғамхўрлик» марказлари сифатида ташкил этилгунга қадар:
уларга қабул қилинган ногиронлиги бўлган шахслар тоифаси ва ташхисига кўра ушбу марказлардан чиқарилишига йўл қўйилмайди;
ногиронлиги бўлган болалар учун «Мурувват» интернат уйларига жойлаштирилган болалар 18 ёшга кирганда, истисно тариқасида, Агентликнинг ҳудудий бошқармалари томонидан тақдим этиладиган маълумотларга асосан Агентлик ҳузуридаги Апелляция кенгашининг қарорига мувофиқ бўш ўринлар мавжуд бўлган ногиронлиги бўлган шахслар учун «Ғамхўрлик» марказларига кўчирилади;»;
4-банднинг «б» кичик банди қуйидаги таҳрирда баён этилсин:
«б) оилавий шифокор томонидан ривожланишида орқада қолиш хавфи мавжудлиги ҳақида хулоса берилган бир ёшгача бўлган болалар. Бунда тиббий ҳужжатлар шакллари Ўзбекистон Республикаси Соғлиқни сақлаш вазирининг буйруғи билан тасдиқланади;»;
39-банд қуйидаги таҳрирда баён этилсин:
«39. Ваучер бўйича кўрсатилган «Эрта аралашув» хизматининг ҳар бир соати учун базавий ҳисоблаш миқдорининг 13 фоизи миқдорида субсидия суммаси ажратилади.
Боланинг эрта аралашув хизматидан бир ҳафта давомида олти соатгача (бир кунда 2 соатгача, бир ойда 24 соатгача) фойдаланилган қисми ваучер асосида қоплаб берилади. Бунда:
бир кун учун ваучер асосида субсидия бола давоматининг ҳисоби қайд қилинганда тўлиқ бир соат учун, бола давоматининг ҳисоби бир соатдан камида 10 дақиқа ўтиб қайд қилинганда икки соат учун тўлиқ ажратилади;
вилоятлар марказлари ва Нукус шаҳрида ташкил этилган эрта аралашув хизмати учун ажратиладиган субсидия миқдорини белгилашда 1,1 нисбатда, Тошкент шаҳрида эса 1,3 нисбатда кўпайтирувчи коэффициент қўлланади.»;
40-банддаги «уч кундан» сўзлари «6 соатдан» сўзлари билан алмаштирилсин;
16-банднинг «б» кичик банди қуйидаги таҳрирда баён этилсин:
«б) уй шароитида қараб туриш хизмати бўйича қуйидаги ташхисларнинг бири қўйилган ногиронлиги бўлган шахслар:
деменция (F00.0-G30, F02.0, F02.1, F02.2, F02.3, F03);
чуқур ақлий заифлик (F73);
болалар церебрал фалажи (БЦФ) (GMFCS классификациясига кўра 4 ёки 5 даража) + оғир даражадаги ақлий заифлик G80+F72;
цереброваскуляр касалликларининг оқибатлар+ спастик тетраплегия ёки бўшашган тетраплегия (GMFCS классификациясига кўра 4 ёки 5 -даража) + оғир даражадаги ақлий заифлик I69.2+G82.3 /G 82.4+F72;
тетраплегия (GMFCS классификациясига кўра 4 ёки 5 даража) + оғир даражадаги ақлий заифлик G 82+ F72;
эпилепсия эпилептик статус оғир даражадаги ақлий заифлик G40/ G41+F72 (Тез-тез, ҳар ойда 5 мартадан кўп тутқаноқ хуружлари содир бўладиган эпилепсия, серияли тутқаноқ хуружларига, эпилептик статусга, намозшомсимон онг хиралашиш ҳолатларига, дисфорияларга мойиллик);»;
II-боб қуйидаги таҳрирда баён этилсин:
«II. «Янги кун» кундузги қатнов асосида қараб туриш хизмати ва уй шароитида қараб туриш хизмати бўйича:
1. Амбулатор-поликлиника муассасасининг бош врачи томонидан имзоланган беморнинг тиббий картасидан батафсил кўчирма.
2. Туман (шаҳар) тиббиёт бирлашмаси психиатр хонаси (руҳий-асаб касалликлари диспансери)дан олинган беморнинг амбулатор картасидан кўчирма»;
III-боб номидан «ва «Ижтимоий таътил» қисқа муддатли жойлаштириш хизмати жойлаштириш» сўзлари чиқариб ташлансин;
қуйидаги мазмундаги IV-боб билан тўлдирилсин:
«IV. «Ижтимоий таътил» қисқа муддатли жойлаштириш хизмати бўйича:
1. Амбулатор-поликлиника муассасасининг бош врачи томонидан имзоланган беморнинг тиббий картасидан батафсил кўчирма.
2. Туман (шаҳар) тиббиёт бирлашмаси психиатр хонаси (руҳий-асаб касалликлари диспансери)дан олинган беморнинг амбулатор картасидан кўчирма.
3. Ногиронлиги бўлган шахсга васий тайинлаш тўғрисидаги қарор.
4. Шахсни муомалага лаёқатсиз деб топиш тўғрисидаги суд қарори»;
«Изоҳ» қисмининг иккинчи хатбошисидан «навбатсиз жойлаштириладиган» сўзлари чиқариб ташлансин;
1-позициянинг «Қарши тиббий кўрсатмалар» устуни қуйидаги мазмундаги 8-банд билан тўлдирилсин:
«8. Соматик касалликлари декомпенсация даври ва оғир даража кечиши»;
2-позициянинг «Қарши тиббий кўрсатмалар» устуни қуйидаги мазмундаги 8-банд билан тўлдирилсин:
«8. Соматик касалликлари декомпенсация даври ва оғир даража кечиши»;
4-позициянинг «Ногиронлиги бўлган шахсга қўйилган ташхис (Халқаро касалликлар таснифи ХКТ-10)» устуни қуйидаги таҳрирда баён этилсин:
«1. Деменция (F00.0-G30, F02.0, F02.1, F02.2, F02.3, F03).
2. Чуқур ақлий заифлик (F73).
3. Болалар церебрал фалажи (БЦФ) (GMFCS классификациясига кўра 4 ёки 5 даража) + оғир даражадаги ақлий заифлик G80+F72.
4. Цереброваскуляр касалликларининг оқибатлар+ спастик тетраплегия ёки бўшашган тетраплегия (GMFCS классификациясига кўра 4 ёки 5 -даража) + оғир даражадаги ақлий заифлик I69.2+G82.3 /G 82.4+F72.
5. Тетраплегия (GMFCS классификациясига кўра 4 ёки 5 даража) + оғир даражадаги ақлий заифлик G 82+ F72.
6. Эпилепсия эпилептик статус оғир даражадаги ақлий заифлик G40/ G41+F72 (Тез-тез, ҳар ойда 5 мартадан кўп тутқаноқ хуружлари содир бўладиган эпилепсия, серияли тутқаноқ хуружларига, эпилептик статусга, намозшомсимон онг хиралашиш ҳолатларига, дисфорияларга мойиллик)»;
5-позициянинг «Қарши тиббий кўрсатмалар» устуни қуйидаги мазмундаги 8-банд билан тўлдирилсин:
«8. Соматик касалликлари декомпенсация даври ва оғир даража кечиши»;
г) 3-илова қуйидаги мазмундаги 221-банд билан тўлдирилсин:
«221. Қуйидаги мақсадларда ногиронлиги бўлган шахслар ҳудудий бошқармаларнинг ташаббуси асосида бир Марказдан бошқасига кўчирилиши мумкин:
ногиронлиги бўлган шахсларнинг оила аъзолари ёки бошқа қариндошлари билан алоқаларини мустаҳкамлаш учун улар яшайдиган яқин ҳудудга кўчириш;
Марказлар фаолиятини такомиллаштириш жараёнида улардаги ўринларнинг мақбуллаштирилиши.
Ногиронлиги бўлган шахсни мазкур бандга мувофиқ бир Марказдан бошқасига кўчиришда ҳудудий бошқармалар томонидан уни бир Марказдан бошқасига кўчиришга асос бўладиган ҳужжат ва маълумотлар ахборот модули орқали Апелляция кенгашига киритилади.
Апелляция кенгаши томонидан ногиронлиги бўлган шахсни бир Марказдан бошқасига кўчириш бўйича қарор қабул қилинган тақдирда, ҳудудий бошқармалар томонидан уч иш куни ичида ушбу шахсларнинг оила аъзолари (мавжуд бўлганда) бу тўғрисида хабардор қилинади»;
д) 4-илова қуйидаги мазмундаги 231-банд билан тўлдирилсин:
«231. Қуйидаги мақсадларда ногиронлиги бўлган болалар ҳудудий бошқармаларнинг ташаббуси асосида бир Марказдан бошқасига кўчирилиши мумкин:
ногиронлиги бўлган болаларнинг оила аъзолари ёки бошқа қариндошлари билан алоқаларини мустаҳкамлаш учун улар яшайдиган яқин ҳудудга кўчириш;
Марказлар фаолиятини такомиллаштириш жараёнида улардаги ўринларнинг мақбуллаштирилиши.
Ногиронлиги бўлган болани мазкур бандга мувофиқ бир Марказдан бошқасига кўчиришда ҳудудий бошқармалар томонидан уни бир Марказдан бошқасига кўчиришга асос бўладиган ҳужжат ва маълумотлар ахборот модули орқали Апелляция кенгашига киритилади.
Апелляция кенгаши томонидан ногиронлиги бўлган шахсни бир Марказдан бошқасига кўчириш бўйича қарор қабул қилинган тақдирда, ҳудудий бошқармалар томонидан уч иш куни ичида ушбу шахсларнинг оила аъзолари (мавжуд бўлганда) бу тўғрисида хабардор қилинади»;
34-банд қуйидаги мазмундаги иккинчи хатбоши билан тўлдирилсин:
«Бунда ҳар бир ногиронлиги бўлган шахснинг ҳақиқатда яшаган кунлари тўғрисидаги далолатнома тадбиркор ҳамда тегишли туман (шаҳар)даги «Инсон» маркази томонидан расмийлаштирилиб, тасдиқланади»;
38-банднинг иккинчи хатбошиси қуйидаги таҳрирда баён этилсин:
«Бунда субсидиянинг миқдори «Мадад» уйлари хизматига қабул қилинган ногиронлиги бўлган шахсларнинг ҳақиқатда яшаган кунлари сонидан келиб чиққан ҳолда ахборот модули орқали автоматик равишда ҳисобланади»;
қуйидаги мазмундаги 401-банд билан тўлдирилсин:
«401. Ушбу бобда назарда тутилган ногиронлиги бўлган шахсларнинг давоматини биометрик идентификация қилиш, давоматни ҳисобга олиш ва шу билан боғлиқ тартиблар фақат мазкур Низомнинг 4-бобида назарда тутилган «Мадад» уйларида ташкил этиладиган «Ижтимоий таътил» қисқа муддатли жойлаштириш хизматига нисбатан татбиқ этилади».
(Қонунчилик маълумотлари миллий базаси, 07.10.2026 й., 09/26/539/1004-сон)