1.09.00.00.00 Тадбиркорлик ва хўжалик фаолияти / 09.15.00.00 Транспорт / 09.15.05.00 Ҳаво транспорти / 09.15.05.05 Ҳаво кемалари, уларнинг экипажи ва бошқа персоналлар]
[ТСЗ:
1.Иқтисодиёт / Транспорт. Йўл хўжалиги. Ҳаракат ва парвозлар хавфсизлиги]
ЎЗБЕКИСТОН РЕСПУБЛИКАСИ ПАРВОЗЛАР ХАВФСИЗЛИГИНИ НАЗОРАТ ҚИЛИШ ДАВЛАТ ИНСПЕКЦИЯСИ БОШЛИҒИНИНГ
буйруғи
Ўзбекистон Республикасининг «Фуқаро авиациясида авиация хавфсизлиги бўйича инструкторларни сертификациядан ўтказиш» авиация қоидаларини (ЎзР АҚ-182) тасдиқлаш тўғрисида
[Ўзбекистон Республикаси Адлия вазирлиги томонидан 2014 йил 18 апрелда рўйхатдан ўтказилди, рўйхат рақами 2576]
Ўзбекистон Республикасининг Ҳаво кодекси ва Ўзбекистон Республикаси Вазирлар Маҳкамасининг 2000 йил 5 июлдаги 256-сон «Ўзбекистон Республикаси фуқаро авиациясини ғайриқонуний аралашув ҳаракатларидан авиация хавфсизлиги жиҳатидан ҳимоялашни таъминлаш Миллий дастурини тасдиқлаш тўғрисида»ги қарорига мувофиқ буюраман:
1. Ўзбекистон Республикасининг «Фуқаро авиациясида авиация хавфсизлиги бўйича инструкторларни сертификациядан ўтказиш» авиация қоидалари (ЎзР АҚ-182) иловага мувофиқ тасдиқлансин.
[ОКОЗ:
1.01.00.00.00 Конституциявий тузум / 01.14.00.00 Давлат органларининг ҳуқуқ ижодкорлиги фаолияти / 01.14.05.00 Норматив-ҳуқуқий ҳужжатларни эълон қилиш ва кучга кириши]
2. Мазкур буйруқ расмий эълон қилинган кундан эътиборан кучга киради.
Бошлиқ Т. ЎЛЖАЕВ
Тошкент ш.,
2014 йил 4 апрель,
44-н-сон
Ўзбекистон Республикаси Парвозлар хавфсизлигини назорат қилиш давлат инспекцияси бошлиғининг 2014 йил 4 апрелдаги 44-н-сонли буйруғига ИЛОВА
Ўзбекистон Республикасининг «Фуқаро авиациясида авиация хавфсизлиги бўйича инструкторларни сертификациядан ўтказиш» авиация қоидалари (ЎзР АҚ-182)
Мазкур Қоидалар Ўзбекистон Республикасининг Ҳаво кодекси, Ўзбекистон Республикаси Вазирлар Маҳкамасининг 2000 йил 5 июлдаги 256-сонли «Ўзбекистон Республикаси фуқаро авиациясини ғайриқонуний аралашув ҳаракатларидан авиация хавфсизлиги жиҳатидан ҳимоялашни таъминлаш Миллий дастурини тасдиқлаш тўғрисида»ги қарори ва Ўзбекистон Республикасининг халқаро шартномалари талабларига, шунингдек Фуқаро авиацияси халқаро ташкилотининг стандартлари ва тавсияларига мувофиқ, фуқаро авиациясида авиация хавфсизлиги бўйича инструкторларни сертификациядан ўтказиш тартибини белгилайди.
1.09.00.00.00 Тадбиркорлик ва хўжалик фаолияти / 09.15.00.00 Транспорт / 09.15.05.00 Ҳаво транспорти / 09.15.05.03 Авиация]
1. Мазкур Қоидалар талаблари фуқаро авиациясининг сертификациядан ўтказилган ўқув юртларига (бундан буён матнда ўқув юрти деб юритилади) нисбатан татбиқ этилади.
[ОКОЗ:
1.05.00.00.00 Меҳнат ва аҳолининг бандлиги тўғрисидаги қонунчилик / 05.02.00.00 Меҳнат / 05.02.17.00 Аттестация (ходимларни) (шунингдек, 13.02.04.00 ва 13.01.16.00га қаранг)]
2. Авиация хавфсизлиги бўйича инструкторларни сертификациядан ўтказиш ишга қабул қилишда ва иш жараёнида уларнинг касбига муносиб ёки номуносиблигини холисона баҳолаш, зиммасига юклатилган вазифаларни бажариш юзасидан масъулиятини янада ошириш мақсадида амалга оширилади. Бунда авиация хавфсизлиги бўйича инструктор деганда ўқув юртининг авиация хавфсизлиги масалалари бўйича ходимларни тайёрлашни амалга оширувчи мутахассиси тушунилади.
[ОКОЗ:
1.09.00.00.00 Тадбиркорлик ва хўжалик фаолияти / 09.15.00.00 Транспорт / 09.15.05.00 Ҳаво транспорти / 09.15.05.07 Ҳаво транспортининг хавфсизлиги]
3. Авиация хавфсизлиги бўйича инструкторлар дастлабки ва такрорий сертификациядан ўтишлари шарт.
[ОКОЗ:
1.05.00.00.00 Меҳнат ва аҳолининг бандлиги тўғрисидаги қонунчилик / 05.02.00.00 Меҳнат / 05.02.08.00 Меҳнат шартномаси (контракт)ни тузиш. Ишга қабул қилиш вақтида дастлабки синов]
4. Дастлабки сертификация авиация хавфсизлиги бўйича инструкторларнинг касбий лаёқатини аниқлаш, назарий ва амалий тайёргарликларини баҳолаш учун ишга қабул қилишдан олдин ўтказилади.
[ОКОЗ:
1.05.00.00.00 Меҳнат ва аҳолининг бандлиги тўғрисидаги қонунчилик / 05.02.00.00 Меҳнат / 05.02.17.00 Аттестация (ходимларни) (шунингдек, 13.02.04.00 ва 13.01.16.00га қаранг)]
5. Такрорий сертификация ўқув юртининг авиация хавфсизлиги бўйича инструкторларнинг касб маҳоратини иш давомида такомиллаштириш, услубий маҳорат ва билимларини текшириш мақсадида икки йилда бир марта ўтказилади.
2-боб. Авиация хавфсизлиги бўйича инструкторларни сертификациядан ўтказишни ташкил қилиш
[ОКОЗ:
1.05.00.00.00 Меҳнат ва аҳолининг бандлиги тўғрисидаги қонунчилик / 05.02.00.00 Меҳнат / 05.02.17.00 Аттестация (ходимларни) (шунингдек, 13.02.04.00 ва 13.01.16.00га қаранг)]
6. Ўқув юрти авиация хавфсизлиги бўйича инструкторни унинг сертификати амал қилиш муддати тугашидан икки ой олдин такрорий сертификациядан ўтиши лозимлиги ҳақида хабардор қилади.
[ОКОЗ:
1.09.00.00.00 Тадбиркорлик ва хўжалик фаолияти / 09.15.00.00 Транспорт / 09.15.05.00 Ҳаво транспорти / 09.15.05.07 Ҳаво транспортининг хавфсизлиги]
7. Авиация хавфсизлиги бўйича инструкторларнинг сертификация имтиҳонлари (бундан буён матнда сертификация имтиҳонлари деб юритилади) саволлари ўқув юрти томонидан ишлаб чиқилади ҳамда сертификация имтиҳонлари бошланишидан уч ой олдин ўқув юрти раҳбари томонидан тасдиқланади.
[ОКОЗ:
1.05.00.00.00 Меҳнат ва аҳолининг бандлиги тўғрисидаги қонунчилик / 05.02.00.00 Меҳнат / 05.02.17.00 Аттестация (ходимларни) (шунингдек, 13.02.04.00 ва 13.01.16.00га қаранг)]
8. Сертификация имтиҳонларидан олдин авиация хавфсизлиги бўйича инструкторлар ҳамда авиация хавфсизлиги бўйича инструктор лавозимига номзодлар (бундан буён матнда инструкторликка номзод деб юритилади) саволлар билан танишиш ҳуқуқига эга.
[ОКОЗ:
1.09.00.00.00 Тадбиркорлик ва хўжалик фаолияти / 09.15.00.00 Транспорт / 09.15.05.00 Ҳаво транспорти / 09.15.05.07 Ҳаво транспортининг хавфсизлиги]
9. Ўқув юрти раҳбарининг буйруғига асосан сертификация имтиҳонларини ўтказиш учун авиация хавфсизлиги соҳаси бўйича малакали мутахассислардан иборат бўлган камида беш кишилик таркибда комиссия тузилади.
10. Комиссия:
сертификация имтиҳонларини ўтказиш жойи, санаси ва вақтини белгилайди ва эълон қилади;
сертификация имтиҳонларни ўтказади ва натижаларини эълон қилади;
сертификация имтиҳонларидан муваффақиятли ўтган авиация хавфсизлиги бўйича инструкторлар ва инструкторликка номзодларга сертификат расмийлаштириб беради.
11. Дастлабки сертификациядан ўтиш учун инструкторликка номзод ариза ва паспортининг нусхасини, такрорий сертификациядан ўтиш учун авиация хавфсизлиги бўйича инструктор паспортининг нусхасини комиссияга тақдим этади.
1.05.00.00.00 Меҳнат ва аҳолининг бандлиги тўғрисидаги қонунчилик / 05.02.00.00 Меҳнат / 05.02.17.00 Аттестация (ходимларни) (шунингдек, 13.02.04.00 ва 13.01.16.00га қаранг)]
12. Авиация хавфсизлиги бўйича инструкторлар ва инструкторликка номзодларнинг тақдим этган ҳужжатлари шу куннинг ўзида комиссия томонидан кўриб чиқилади ҳамда сертификация имтиҳонларини ўтказиш жойи, санаси ва вақти эълон қилинади.
3-боб. Фуқаро авиациясида авиация хавфсизлиги бўйича инструкторлар ва инструкторликка номзодларга талаблар
[ОКОЗ:
1.05.00.00.00 Меҳнат ва аҳолининг бандлиги тўғрисидаги қонунчилик / 05.02.00.00 Меҳнат / 05.02.09.00 Маълум бир мутахассислик бўйича ходимларга қўйиладиган талаблар. Квалификация тавсифлари]
13. Авиация хавфсизлиги бўйича инструкторлар ва инструкторликка номзодлар авиация хавфсизлиги соҳасида зарур билимларга эга бўлиши лозим.
[ОКОЗ:
1.09.00.00.00 Тадбиркорлик ва хўжалик фаолияти / 09.15.00.00 Транспорт / 09.15.05.00 Ҳаво транспорти / 09.15.05.07 Ҳаво транспортининг хавфсизлиги]
14. Авиация хавфсизлиги бўйича инструкторлар қуйидагиларни билишлари керак:
авиация хавфсизлиги соҳасидаги миллий қонунчиликни ҳамда Фуқаро авиацияси халқаро ташкилотининг стандартлари ва тавсияларини;
аэропорт ҳудудига кириб-чиқиш ва назорат қилиш бўйича тизимни;
ҳаво кемасида ташилиши тақиқланган буюм ва воситаларни;
терроризм ҳақидаги умумий маълумотларни.
4-боб. Сертификация имтиҳонларини ўтказиш
[ОКОЗ:
1.05.00.00.00 Меҳнат ва аҳолининг бандлиги тўғрисидаги қонунчилик / 05.02.00.00 Меҳнат / 05.02.17.00 Аттестация (ходимларни) (шунингдек, 13.02.04.00 ва 13.01.16.00га қаранг)]
15. Сертификация имтиҳонларида комиссия аъзоларининг камида ярми иштирок этган тақдирда ваколатли ҳисобланади.
16. Сертификация имтиҳонларидан ўтиш учун авиация хавфсизлиги бўйича инструкторлар ва инструкторликка номзодлар сертификация имтиҳонлари ўтказиладиган жойга ўз вақтида паспортлари билан етиб келишлари шарт.
17. Сертификация имтиҳонларига паспортисиз келган ёки кечикиб келган авиация хавфсизлиги бўйича инструкторлар ва инструкторликка номзодлар сертификация имтиҳонларига келмаган ҳисобланади ва навбатдаги сертификация имтиҳонларидан ўтадиган авиация хавфсизлиги бўйича инструкторлар ва инструкторликка номзодлар рўйхатига киритилади.
1.05.00.00.00 Меҳнат ва аҳолининг бандлиги тўғрисидаги қонунчилик / 05.02.00.00 Меҳнат / 05.02.17.00 Аттестация (ходимларни) (шунингдек, 13.02.04.00 ва 13.01.16.00га қаранг)]
18. Сертификация имтиҳонлари тест синовлари ўтказиш йўли билан амалга оширилади.
19. Тест синовлари 100 та саволдан иборат бўлиб, ҳар бир тўғри жавоб учун 1 баллдан қўйилади. 60 балл ва ундан ортиқ балл тўплаган авиация хавфсизлиги бўйича инструкторлар ва инструкторликка номзодлар сертификация имтиҳонларидан муваффақиятли ўтган ҳисобланади.
20. Сертификация имтиҳонлари натижаларига асосан комиссия томонидан тегишли қарор қабул қилинади.
[ОКОЗ:
1.05.00.00.00 Меҳнат ва аҳолининг бандлиги тўғрисидаги қонунчилик / 05.02.00.00 Меҳнат / 05.02.17.00 Аттестация (ходимларни) (шунингдек, 13.02.04.00 ва 13.01.16.00га қаранг)]
21. Сертификация имтиҳонларидан ўтган авиация хавфсизлиги бўйича инструкторлар ва инструкторликка номзодларга икки иш куни ичида мазкур Қоидаларнинг иловасига мувофиқ шаклда сертификат расмийлаштириб берилади.
22. Сертификация имтиҳонларидан ўта олмаган авиация хавфсизлиги бўйича инструкторлар ва инструкторликка номзодлар навбатдаги сертификация имтиҳонларидан ўтадиганлар рўйхатига киритилади.
[ОКОЗ:
1.01.00.00.00 Конституциявий тузум / 01.06.00.00 Инсон ва фуқаронинг ҳуқуқлари, эркинликлари ва бурчлари / 01.06.03.00 Асосий (Конституциявий) сиёсий ҳуқуқ ва эркинликлар / 01.06.03.04 Ариза, таклиф ва шикоятлар билан мурожаат қилиш ҳуқуқи]
23. Тўплаган балларидан норози бўлган авиация хавфсизлиги бўйича инструкторлар ва инструкторликка номзодлар комиссияга ёки ўқув юрти раҳбарига мурожаат қилиш ҳуқуқига эга.
24. Авиация хавфсизлиги бўйича инструкторлар ва инструкторликка номзодлар комиссиянинг қарори устидан қонун ҳужжатларида белгиланган тартибда шикоят қилиши мумкин.
