Oʻzbekiston Respublikasi iqtisodiyotidagi toʻgʻridan-toʻgʻri xorijiy investitsiyalarining hajmlari koʻpayishi sharoitida xorijiy investorlarning ishonchli sugʻurta himoyasini yanada taʼminlash maqsadida:

1. Maʼlumot uchun qabul qilinsinki, “Amerikan Interneshl Grup” (AIG) sugʻurta kompaniyasi tomonidan “Oʻzbekinvest Interneshl” siyosiy tavakkalchiliklardan sugʻurta qilish kompaniyasining taʼsischilari tarkibidan chiqish toʻgʻrisida qaror qabul qilingan.

2. Oʻzbekiston Respublikasi Moliya vazirligi, Tashqi iqtisodiy aloqalar, investitsiyalar va savdo vazirligi hamda “Oʻzbekinvest” Milliy eksport-import sugʻurta kompaniyasining:

Oʻzbekiston taʼsischisi — Oʻzbekinvest” Milliy eksport-import sugʻurta kompaniyasining 40 mln AQSh dollari miqdoridagi ulushi bilan “Oʻzbekinvest Interneshl” kompaniyasining ustav kapitali miqdorini 50 mln AQSh dollarigacha kamaytirish;

“Oʻzbekinvest Interneshl” kompaniyasining ustav kapitaliga hissasi 10 mln AQSh dollari boʻlgan strategik investorni jalb qilish toʻgʻrisidagi takliflariga rozilik berilsin.

3. Oʻzbekinvest” Milliy eksport-import sugʻurta kompaniyasi:

Oʻzbekiston Respublikasi Vazirlar Mahkamasi bilan kelishgan holda “Oʻzbekinvest Interneshl” kompaniyasiga strategik xorijiy investorni jalb qilish choralarini koʻrsin;

“Oʻzbekinvest Interneshl” kompaniyasining ustaviga roʻyxatga olingan mamlakat (Buyuk Britaniya) qonunchiligi talablariga muvofiq zarur oʻzgartirishlar kiritilishini taʼminlasin.

4. Vazirlar Mahkamasining 1994-yil 23-noyabrdagi “Oʻzbekinvest Interneshnl”, “Aig Uzbekinvest” qoʻshma sugʻurta kompaniyalarini va “AIG Uzbekinvest” agentligini tashkil qilish toʻgʻrisida”gi 565-sonli qarori 1-bandining “a” kichik bandi va 3-bandi oʻz kuchini yoʻqotgan deb hisoblansin.

5. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.