Хусусий тадбиркорликни янада рағбатлантириш, ички бозорни нефть маҳсулотлари билан тўлдириш, бозор муносабатларини шакллантириш мақсадида Вазирлар Маҳкамаси қapop қилади:

1. Ўзбекистон Республикаси Давлат мулки қўмитаси, «Ўздавнефтмаҳсулот» бирлашмаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг 1995 йил мобайнида республиканинг аҳолига автомобиль ёнилғисини нақд пулга сотувчи ишлаб турган 158 та автомобиль ёнилғиси қуйиш шохобчаларини хусусийлаштириш тўғрисидаги таклифи иловага* мувофиқ қабул қилинсин.

2. Ўзбекистон Республикаси Давлат мулки қўмитаси «Ўздавнефтмаҳсулот» бирлашмаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда автомобиль ёнилғиси қуйиш шохобчаларини улар жойлашган ер майдонлари билан биргаликда жисмоний ва юридик шахсларга, шу жумладан хорижий жисмоний ва юридик шахсларга, маблағлар манбаи тўғрисида декларация талаб қилмасдан, кимошди савдоларида ва танлов асосида сотсинлар.

3. Автомобиль ёнилғиси қуйиш шохобчаларини сотишдан тушган маблағ, сотиш нархининг бутун суммасини тўлаш учун бир ой муддат белгиланган ҳолда, Вазирлар Маҳкамасининг 1994 йил 29 апрелдаги 228-сон қарори билан тасдиқланган кимошди савдосида ва танловларда сотиладиган давлат мулкига ҳақ тўлаш, уларни тақсимлаш ва улардан фойдаланиш тартиби тўғрисидаги вақтинчалик вақтинчалик низомга мувофиқ тақсимлансин.

4. Белгилаб қўйилсинки, хусусийлаштирилган автомобиль ёнилғиси қуйиш шохобчаларида уларнинг эгалари томонидан тўғридан-тўғри шартномалар бўйича Ўзбекистон Республикаси ташқарисидан келтириладиган ёки товар-хом ашё биржаларида харид қилинган нефть маҳсулотлари сотилади.

7. Хусусийлаштирилган хусусий автомобиль ёнилғиси қуйиш шохобчаларининг иши Вазирлар Маҳкамасининг 1994 йил 9 июндаги 290-сон қарори билан тасдиқланган Хусусийлаштирилган хусусий автоёнилғи қуйиш шохобчаларининг ишлаш тартиби тўғрисидаги вақтинчалик низомга мувофиқ амалга оширилсин.

8. Давлат солиқ қўмитаси, Ички ишлар вазирлиги, Давлат табиатни муҳофаза қилиш қўмитаси, «Ўзстандарт» агентлиги хусусийлаштирилган автомобиль ёнилғиси қуйиш шохобчалари эгаларининг нефть маҳсулотлари сотиб олиш, қабул қилиш, сақлаш, сотиш ва ҳисобга олиш, техника ва ёнғин хавфсизлиги, атроф муҳитни муҳофаза қилиш, сотиладиган нефть маҳсулотлари сифатига, шунингдек Низомнинг 7-бандида кўрсатилган қоидаларга риоя этишлари устидан қаттиқ назорат ўрнатсинлар.

9. Ўзбекистон Республикаси Адлия вазирлиги бир ой муддатда қонунчиликка мазкур қарордан келиб чиқувчи ўзгартириш ва қўшимчалар киритиш тўғрисидаги таклифларни Вазирлар Маҳкамасига тақдим этсин.

10. Мазкур қарорнинг бажарилишини назорат қилиш Бош вазир ўринбосарлари В.А. Чжен ва Қ.Ж. Ҳаққулов зиммасига юклансин.