Oʻzbekiston Respublikasi Soliq kodeksi (Oʻzbekiston Respublikasi qonun hujjatlari toʻplami, 2007-y., 52 (I)-son) va Oʻzbekiston Respublikasi “Davlat soliq xizmati toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1997-yil, 9-son, 232-modda) 7-moddasiga muvofiq Oʻzbekiston Respublikasi Moliya vazirligi va Davlat soliq qoʻmitasi qaror qiladilar:

1. Oʻzbekiston Respublikasi Moliya vazirligi va Davlat soliq qoʻmitasining 2007-yil 29-dekabrdagi 111, 2007-66-sonli “Soliq hisoboti shakllarini tasdiqlash toʻgʻrisida”gi qaroriga (roʻyxat raqami 1760, 2008-yil 21-yanvar) (Oʻzbekiston Respublikasi qonun hujjatlari toʻplami, 2008-y., 3-4-son, 15-modda) ilovaga muvofiq oʻzgartirishlar va qoʻshimchalar kiritilsin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

1. 1-bandida:

oʻn toʻrtinchi xatboshi quyidagi tahrirda bayon etilsin:

“budjetdan tashqari Taʼlim muassasalarini rekonstruksiya qilish, mukammal taʼmirlash va jihozlash jamgʻarmasiga majburiy ajratmalar boʻyicha 13-ilovaga muvofiq”;

quyidagi mazmundagi xatboshilar bilan toʻldirilsin:

“bozorlar boʻyicha 18-ilovaga muvofiq;

tovarlarning ayrim turlari bilan chakana savdo qilish va ayrim turdagi xizmatlar koʻrsatish huquqi uchun yigʻimlar boʻyicha 19-ilovaga muvofiq”.

2. 1-ilovada:

Yuridik shaxslardan olinadigan foyda soligʻi hisob-kitobi ushbu oʻzgartirish va qoʻshimchalar 1-ilovasiga muvofiq tahrirda bayon etilsin;

Yuridik shaxslardan olinadigan foyda soligʻi hisob-kitobining 1, 4, 5, 7, 8-ilovalari tegishincha ushbu oʻzgartirish va qoʻshimchalarning 2—6-ilovalariga muvofiq tahrirda bayon etilsin;

Yuridik shaxslardan olinadigan foyda soligʻi hisob-kitobi ushbu oʻzgartirish va qoʻshimchalarning 7-ilovasiga muvofiq 12-ilova bilan toʻldirilsin;

Oʻzbekiston Respublikasi hududida faoliyatni doimiy muassasa orqali amalga oshirayotgan norezidentlar tomonidan toʻlanadigan yuridik shaxslardan olinadigan foyda soligʻi hisob-kitobining 2-ilovasi ushbu oʻzgartirish va qoʻshimchalarning 8-ilovasiga muvofiq tahrirda bayon etilsin.

3. 2-ilovada:

Hisoblangan va amalda toʻlangan daromadlar summalari hamda jismoniy shaxslardan olinadigan daromad soligʻining ushlab qolingan summalari toʻgʻrisida maʼlumotlar va ularga ilovalarni ushbu oʻzgartirish va qoʻshimchalarning 9-ilovasiga muvofiq tahrirda bayon etilsin;

Toʻlangan daromadlar va jismoniy shaxslardan olinadigan daromad soligʻining ushlab qolingan summalari toʻgʻrisida maʼlumotnoma va uning ilovasi ushbu oʻzgartirish va qoʻshimchalarning 10-ilovasiga muvofiq tahrirda bayon etilsin;

Jismoniy shaxsning jami yillik daromadi toʻgʻrisida deklaratsiya ushbu oʻzgartirish va qoʻshimchalarning 11-ilovasiga muvofiq tahrirda bayon etilsin;

Oʻzbekiston Respublikasi rezidenti — chet ellik jismoniy shaxsning jami daromadi toʻgʻrisida deklaratsiya oʻz kuchini yoʻqotgan deb hisoblansin.

4. 3-ilovada:

a) Qoʻshilgan qiymat soligʻi hisob-kitobida:

1, 2, 4, 6, 7-ilovalar ushbu oʻzgartirish va qoʻshimchalarning 12—16-ilovalariga muvofiq tahrirda bayon etilsin;

ushbu oʻzgartirish va qoʻshimchalarning 17-ilovasiga muvofiq tahrirda 8-ilova bilan toʻldirilsin;

b) Hisobvaraq-fakturani toʻldirish tartibi ushbu oʻzgartirish va qoʻshimchalarning 18-ilovasiga muvofiq tahrirda bayon etilsin;

v) ushbu oʻzgartirish va qoʻshimchalarning 19-ilovasiga muvofiq tahrirda Olingan (realizatsiya qilingan) tovarlar (ishlar, xizmatlar) boʻyicha hisobvaraq-fakturalar (hisobvaraq-faktura oʻrnini bosadigan hujjatlar) reyestrini yuritish tartibi bilan toʻldirilsin.

5. 4-ilovada:

Alkogolli mahsulotlar boʻyicha aksiz soligʻining hisob-kitobi va Mikrofirma va kichik korxonalar toifasiga mansub yuridik shaxslar tomonidan taqdim etiladigan alkogolli mahsulotlar boʻyicha aksiz soligʻi hisob-kitobi ushbu oʻzgartirishlar va qoʻshimchalarning 20-ilovasiga muvofiq tahrirda bayon etilsin;

4 va 5 varaqlar tegishincha 6 va 7 varaqlar deb hisoblansin;

Pivo boʻyicha aksiz soligʻi hisob-kitobi va Mikrofirma va kichik korxonalar toifasiga mansub yuridik shaxslar tomonidan taqdim etiladigan pivo boʻyicha aksiz soligʻi hisob-kitobi ushbu oʻzgartirishlar va qoʻshimchalarning 21-ilovasiga muvofiq tahrirda bayon etilsin;

Oʻsimlik (paxta) yogʻi boʻyicha aksiz soligʻi hisob-kitobi va Mikrofirma va kichik korxonalar toifasiga mansub yuridik shaxslar tomonidan taqdim etiladigan oʻsimlik (paxta) yogʻi boʻyicha aksiz soligʻi hisob-kitobi ushbu oʻzgartirishlar va qoʻshimchalarning 22-ilovasiga muvofiq tahrirda bayon etilsin;

Sigaretalar boʻyicha aksiz soligʻi hisob-kitobi va Mikrofirma va kichik korxonalar toifasiga mansub yuridik shaxslar tomonidan taqdim etiladigan sigaretalar boʻyicha aksiz soligʻi hisob-kitobi ushbu oʻzgartirishlar va qoʻshimchalarning 23-ilovasiga muvofiq tahrirda bayon etilsin;

12 — 21 varaqlar tegishincha 16 — 25 varaqlar deb hisoblansin.

22 va 23 varaqlar chiqarib tashlansin.

6. 6-ilovada:

Suv resurslaridan foydalanganlik uchun soliq toʻlovchisi toʻgʻrisida maʼlumot ushbu oʻzgartirishlar va qoʻshimchalarning 24-ilovasiga muvofiq tahrirda bayon etilsin;

ushbu oʻzgartirishlar va qoʻshimchalarning 25-ilovasiga muvofiq tahrirda Suv resurslaridan foydalanganlik uchun soliq toʻlovchi toʻgʻrisida maʼlumotlar (faoliyatini doimiy muassasa orqali amalga oshirayotgan Oʻzbekiston Respublikasi norezidentlari tomonidan toʻldiriladi) bilan toʻldirilsin;

Suv resurslaridan foydalanganlik uchun soliq hisob-kitobi va uning ilovasi 03-04-varaqlar deb hisoblansin.

7. 7-ilovada:

a) Yuridik shaxslarning mol-mulkiga solinadigan soliq hisob-kitobining 4-ilovasi:

0207-satri chiqarib tashlansin;

rus tilidagi matnning 0209-satrida “energoperedach” degan soʻz “elektroperedach” degan soʻz bilan almashtirilsin;

b) Oʻzbekiston Respublikasida faoliyatini doimiy muassasa orqali amalga oshirayotgan Oʻzbekiston Respublikasining norezidentlarida mavjud asosiy vositalarning oʻrtacha yillik qoldiq qiymati toʻgʻrisida maʼlumotnoma izohida “25-yanvarigacha” degan soʻzlar “25-yanvaridan kechiktirmay” degan soʻzlar bilan almashtirilsin.

8. 9-ilovada:

Balansida ijtimoiy infratuzilma obyektlari boʻlgan toʻlovchilarning obodonlashtirish va ijtimoiy infratuzilmani rivojlantirish soligʻi hisob-kitobi ushbu oʻzgartirishlar va qoʻshimchalar 26-ilovasiga muvofiq tahrirda bayon etilsin;

Balansida ijtimoiy infratuzilma obyektlari boʻlmagan toʻlovchilarning obodonlashtirish va ijtimoiy infratuzilmani rivojlantirish soligʻi hisob-kitobi ushbu oʻzgartirishlar va qoʻshimchalar 27-ilovasiga muvofiq tahrirda bayon etilsin.

9. 11-ilova ushbu oʻzgartirishlar va qoʻshimchalarning 28-ilovasiga muvofiq tahrirda bayon etilsin.

10. 12-ilovada Respublika yoʻl jamgʻarmasiga majburiy ajratmalar hisob-kitobi ushbu oʻzgartirishlar va qoʻshimchalarning 29-ilovasiga muvofiq tahrirda bayon etilsin.

11. 13-ilova ushbu oʻzgartirishlar va qoʻshimchalar 30-ilovasiga muvofiq tahrirda bayon etilsin.

12. 15-ilovada:

Yagona soliq toʻlovi hisob-kitobi ushbu oʻzgartirishlar va qoʻshimchalar 31-ilovasiga muvofiq tahrirda bayon etilsin;

ushbu oʻzgartirishlar va qoʻshimchalar 32-ilovasiga muvofiq tahrirda Yakka tartibdagi tadbirkor — yagona soliq toʻlovi toʻlovchisi toʻgʻrisida maʼlumotlar va Yagona soliq toʻlovi hisob-kitobi bilan toʻldirilsin;

13. 16-ilovada Joriy soliq davrining 1-yanvardagi holati boʻyicha yagona yer soligʻi hisob-kitobi 050-satridagi formula quyidagi tahrirda bayon etilsin:

“(5-ustun 030-satr x 040-satr) x 1000”.

14. Ushbu oʻzgartirishlar va qoʻshimchalar 33-ilovasiga muvofiq tahrirda 18-ilova bilan toʻldirilsin.

15. Ushbu oʻzgartirishlar va qoʻshimchalar 34-ilovasiga muvofiq tahrirda 19-ilova bilan toʻldirilsin.