123-модда. Ўтказиб юборилган процессуал муддатларни тиклаш
Суд ушбу Кодексда ва бошқа қонунда белгиланган, ўтказиб юборилган процессуал муддатни, агар у ўтказиб юборилиш сабабларини узрли деб топса, ишда иштирок этувчи шахснинг аризасига кўра тиклашга ҳақли.
Ўтказиб юборилган процессуал муддатни тиклаш ҳақида ёки тиклашни рад этиш тўғрисида ажрим чиқарилади.
Процессуал муддатни тиклашни рад этиш тўғрисидаги ажрим устидан шикоят қилиниши (протест келтирилиши) мумкин.
ИЛМИЙ-АМАЛИЙ ШАРҲ
1. Суд Иқтисодий процессуал кодексида ва бошқа қонунда белгиланган, ўтказиб юборилган процессуал муддатни, агар у ўтказиб юборилиш сабабларини узрли деб топса, ишда иштирок этувчи шахснинг аризасига кўра тиклашга ҳақли.
Масалан, судда иштирок этган жавобгарнинг вакили судга илтимоснома тақдим этиб, суд экспертизаси тайинлашни сўраган.
Шунга кўра, судлов ҳайъати мазкур вакилнинг илтимосномасини қаноатлантириб, иш бўйича суд экспертизаси тайинлаган ва экспертиза ўтказишни Ўзбекистон Республикаси Адлия вазирлиги ҳузуридаги Х. Сулаймонова номидаги Республика суд экспертизаси марказига топширган ҳамда Ўзбекистон Республикаси Иқтисодий процессуал кодексининг 102-моддасига кўра, суд томонидан экспертиза тайинланганда иш юритишни тўхтатиб туришга ҳақли эканлигини инобатга олиб, иш юритишни тўхтатиб туришни лозим топган.
2022 йил 22 июнда Ўзбекистон Республикаси Адлия вазирлиги ҳузуридаги Х. Сулаймонова номидаги Республика суд экспертизаси марказининг 2022 йил 22 июндаги хати билан, суд-бухгалтерия экспертизаси бўйича давлат суд экспертлари хулосаси судга келиб тушган.
Ўзбекистон Республикаси Иқтисодий процессуал кодексининг 105-моддасига асосан, иш юритишни тўхтатиб туришга сабаб бўлган ҳолатлар бартараф қилинганидан кейин иш юритиш тикланади.
Мазкур ҳолатда, суд иқтисодий иш бўйича иш юритишни тиклашни лозим топади.
2. Ўтказиб юборилган процессуал муддатни тиклаш ҳақида ёки тиклашни рад этиш тўғрисида ажрим чиқарилади.
3. Процессуал муддатни тиклашни рад этиш тўғрисидаги ажрим устидан шикоят қилиниши (протест келтирилиши) мумкин.
Қўшимча ҳал қилув қарорини қабул қилиш учун белгиланган муддат тикланмайди.
